عبود: صار العصر و رحنا نخطب لأحمد، و تمت الخطوبه الحمد لله رجعنا و طشت الناس احمد راح اخذ امي للبيت، و ارجع اخذك شوف وين نطلع قبل ما تاخذك مني خطيبتك.
أحمد: يي يلة، بس لا تضوج لو يجي ابو خطيبتي ما ياخذوني منك، غير انت النفس مالي.
عبود: اهااا لعد طمنتني، اجتي امي صعدت بالسيارة حتى نرجع للبيت«فرق كم فرع» يي يمه شلونها خطيبت حمودي؟
ام عبود: تخبل اخلاق و جمال و أهلها خوش ناس، و عندها اخت ازغر منهة جنهة قمر
عبود: ربي يسعدهم يمه حمودي يستاهل كل خير ولله؛ عرفت ملاعيب امي هسه تكول لي اخطبها لك، ها يمه الله يخليهن و يستر عليهن ثنينهن.
ام عبود: ما الله يهديك اخطبها لك، و انت و حمودي اخون و يصيرن زوجاتكم اخوات، تتحابون بعد اكثر
عبود: يمه بالنسبه لمحبتي لأحمد ما حاجة تجي بنت حتى تقويه، احمد مو بس صديق و اخ احمد روحي ثانيه، و بالنسبة الله يهديني، هاي الهداية بالأخص ما ريدة يهديني الهة.
ام عبود: الله يخليكم، لعد شنو تنتظر راح تدخل بال ٢٨ اريد اشوف زوجتك
عبود: يمه تشوفينهة و تملين منهة بس انتظري، و ادعي لي الله يسهل لي اموري.
ام عبود: هسه بالأول خليني اشوفهة يلة عود امل منهة؛ الله يسهل لك كل امورك ابني اني ماريد غير سعادتك.
عبود: وصلت امي و رجعت اخذت أحمد، احنا بالسيارة يي أحمد خوش اختيار ام شهاب.
أحمد: و انت شلون عرفت خوش ختيار؟
عبود: امي كالت، و من بيتكم لحد بيتنا تحجي لي على اختها و تقنع بيه تريد تخطبها لي، تكول انتم اخوان و زوجاتكم اخوات تزيد المحبه بينكم.
أحمد: يي و شبيهة ما كالت شي غلط خالتي.
عبود: انت اكثر واحد تعرف شنو ببالي و هيج تكول، الي ما يعرف شنو يكول!
أحمد: لا والله اشاقة وياك.
عبود: يي ما حددت العرس لو بعد.
أحمد: على كيفك عبود! اول شي اتعرف على البنت هي تعرفني و بعدين الله كريم.
عبود: هاا صدك نسيت، خوش لعد انتضرني اخطب حتى نسوي عرسنا يوم واحد، ضحكت
أحمد: اذا انتظرك انت تتكفل بالعرس هاا.
عبود: مو تدلل بس اذا صارت الي ببالي.
أحمد: لعد وصلني البيتهم هسه اروح اخطبها لك، قبلو اذا ما قبلو اهددهم؛ بقينه نضحك
عبود: خليها على الله بدون تهديدات، تعال نلعب دومنه و بعدين نروح للمطعم اليوم نص اليل يلة ارجعك ولله.
أحمد: يله عادي، اليوم الوداع بعد ما تشوفني
عبود: لا بلة غير اقتل خطيبتك اذا تاخذك مني!
أحمد: لا! اني ما صدكت اخذتها و انت تقتلها، لك احنا من الصبح للمغرب يوميه سوه، بعد وين آخر يوم بس شغل عقلك
عبود: ديلة انزل اغلبك كم مره بال دومنه.
أحمد: اممم انت تغلبني لو اني كل مره اخسرك شي؟
عبود: مرة اسبوع شغل و أحمد قليل اطلع وياه لئن اغلب وقته يحجي مع خطيبته فما احب أثقل عليه، و موبايل رغد بعده عندي بس حاطة له رمز ما حاولت بيه عفته، و ما ردت اسوي بيه اي شي لئن ما يصير هاي مثل الامانه، و ما ادري يا يوم ارجعه الهة اليوم اثنين، كعدت الصبح سبحت و بدلت حتى اطلع للشغل دك موبايل رغد منبه مكتوب اليوم عيد ميلادي، امممممم ييي هي هاي...... الفكرة؟؟ تردون تعرفون شنو كملو قرائه و تعرفون كل شي صار.
رغد: مر اسبوعين و عبود ما جاب موبايلي شلون اكول لبابا لو انتضره، و اليوم عيد ميلادي اكيد لازم اصور هسه شلون؟
عبود: طلعت الصبح رحت للصيدلية لئن أحمد صاير يتأخر يلة يجي، كعدت بيهة لحد العشرة اجة أحمد
أحمد: صباح الخير، شلونك عبودي
عبود: هلا والله ضهر الخير، الله جابك اريد اطلع
أحمد: يا ضهر لك الساعة بـ ١٠ هاا وين تروح؟
عبود: يلة حبيبي صباح الخيرات والمسرات بس لا تضوج، من ارجع اسولف لك يلة، باي باي
أحمد: اووف منك يا عبود راح تخبلني، الله وياك
ام رغد. رغد ماما رايحة للسوك و امر على خالتج شويه تعرفين مريم حامل و تعبانه خليها بغرفتها و انتي ابقي جوة حتى من اجي تفتحين لي الباب مو تصعدين و ابقى ادك بالباب و الغداء سويته و اذا تجي رتوجة من المدرسه خطية صبي لهة خطي اكيد جوعانه و امها تعبانه ما بيها حيل تكوم
رغد: يي ماما باقية هنا و ست ريتاج من تجي اسوي لها سفره بعد اكو طلبات أوامر: تعرف بس تأمر ما تعرف اليوم عيد ميلادي، «اني حالياً اكدر أمشي طبيعيه»
عبود: طلعت بالسيارة رحت لمحل اشتريت الهة هدية و اخذت لرغد الزغيرة ايس كريم لئن وعدتها، و رحت الساعة بـ ١١ الهم يارب اطلبك بس كون فارس مموجود.
رغد: دك الباب طلعت افتح اجتي رتوجة من المدرسه، رتوجة حبيبتي تعاي كعدي نتغدا اني وياج
ريتاج: هلو عمه يي جوعانه صبي لي
رغد: راح احضر لنا احلى غداء، بس روحي بدلي و غسلي أيديج و تعاي
ريتاج: رايحة بس عمه لا تخلصين الاكل بقي لي
رغد: اني اخلص الكل يا دبه! لو انتي و امج الدبه تاكلن و ما ملحكات راحت رتوجة، و ندك الباب اكيد ماما رجعت و راحت بس للسوك ما راحت لخالتي
عبود. وصلت دكيت الباب
رغد: يي ماما جاية فتحت الباب عبود سكتت!
عبود: السلام عليكم.
رغد: و عليكم السلام ورحمة، شكوو؟
عبود: شنو شكوو؟
رغد: عبدالله، يعني شكو شنو رايد؟
عبود: هاا ليش ما تردين موبايلج!
رغد: ليش عيني حتى ما ريده، بس انت من يوم المستشفى، اجيت و رحت و ما جبته، بكته«سرقته»
عبود: ليش حتى ابوكة! بس كنت دايخ تعرفين شغل، و ما صارت لي فرصة حتى اجيبه.
رغد: وهسه صارت لك فرصه جبته وياك لو لا؟
عبود: يي هذا وياي اليوم شفت اكو منبه؛ اليوم مميز فـ كلت اجيبه لج
رغد: يي شكراً، ممكن تنطيني ياه
عبود: يي ممكن انطيتها الموبايل، و الهدية بـ جيس و كلت لها شوفيه تليفونج خاف بدلته -ضحكت-
رغد: انطاني جيس ليش ما انطاني ياه وحده؛ يي ولله كل شي اتوقع منك انتضر اشوفه.
عبود: يا رغودة مو لهل درجة
رغد: ما سديت الباب بس صرت وراه طلعت موبايلي الحمد لله هو نفسه؛ و اكو علبة هاي شنو فتحته سوار ذهب نازك كلش حلو، عبدالله.
عبود: نعم
رغد: وكفت كدام الباب، اول شي شكرا لئن رجعت لي موبايلي، ثاني شي، هاي العلبه الي بالجيس جايه وياك بالغلط تفضل
عبود: لا هدية لج مو بالغلط، افتحي و اقري الاسم رغد
رغد: حتى لو، لكن بصفتي منو حتى تهدي لي
عبود: يعني اله تخلين بيهة صفة، اليوم مو عيد ميلادج و جبت لج هدية.
رغد: لا عبدالله اني ما اقبل هيج هدية ثمينه، من شخص غريب ما اعرفه
عبود: يعني انتي ما تعرفيني؟!
رغد: يي ما عرفك.
عبود: لعد مو هسه كلتي لي عبدالله! يعني تعرفيني
رغد: اهوو عبود أخذهة و خليني اروح اتغدا
عبود. هذا هدية عيد ميلادج؛ و انتي مسلمه اكيد تعرفين ما يصير تفشليني و ترفضين الهدية!
رغد: ولله ما ادري اخذها هسه لو لا؟ راح اخذها بس مو بصفتي اي شخص بالنسبه لك، و بصفتك ولا شي بالنسبة لي بس لئن هديه راح أخذها.
عبود: عادي عادي مهم اخذيها، ما تهم الصفة
رغد : أخذته و اجتي ريتاج
ريتاج: عمه منو بالباب، عمو الخطار.
رغد: يلة خذ راحتك عمو الخطار «ما أريدهة تعرف اسمه» تعاي رتوجة دخلي حتى نتغدى
عبود: هلاا عموو رتوجة، اوكفي شوفي شنو جبت لج طلعت من السيارة ايس كريم بالكاكاو.
ريتاج: الله عموو هاي الي بس، ما انطي العمه
عبود: عادي اخذيهة بس انتي، بس تعاي اكول لج شي حتى ما تسمع عمه شاورتها؛ رتوجة عمو هاي لج و بعد شنو تردين اجيب لج بس لا تكولين لأي شخص اني اليوم اجيت، حتى ماما و بابا ولا شخص اذا كلتي ازعل منج و بعد ما جيب لج اي شي، اجيب بس لعمه رغد
رغد: ريتاج تعاي ادخلي يلة، عشتوو اسرار هو و بنت اخوي!
ريتاج: يي عمو وعد ما راح اكول، بس غير مرة من تجي لا تجيب شي، بس من تجي كول لي لئن هسه لو ما طلعت جان ما شفتك
عبود: ههه ليش اكول لج حتى تشوفيني، تحبيني انتي لو لا؟
ريتاج: يي احبك انت حباب، و حلو و تجيب لي كاكاو و ايس كريم
عبود: ههههه فدوة لكلبج، «عليت صوتي حتى رغد تسمع» ياريت عمتج تفكر مثلج، يي بعد من اجي اكول لج بس انتي لا تكولن اني اليوم اجيت، يلة روحي تغدي
ريتاج: مو كلت لك ما اكول، عمو اني ما كذب؛ عمو انت ما تتغدى
عبود. عفية عليج، لاا هسه اروح اتغدى
ريتاج. يعني انت تتغدى الة مع امك و ابوك
عبود: لاا حبيبتي اني ما عندي أب، بس هسه اروح اتغدى اني و صديقي
رغد: هاي شنو كالت له حتى يكول لها ما عنده أب؟! اليوم ريتاج تريد تتعرف عليه يمكن، رتوجة عمه كولي لعمو شكرا و تعاي دخلي بسرعة يلة.
ريتاج: عمو تريد انطيك اني غداء
عبود: انتي بكيفج حبيبتي!
رغد: لا بلة شوفي شنو راح اسوي بيج؛ رتوجة خطية عمو جوعان روحي جيبي له الغداء الي صبيته النا اني وياج.
عبود: هاي صدك تحجي؟!