عبود: راح اتصل على أعمامي و اكول لهم دعمت بنت و نروح نفصل الهم خاف يشتكون عليه، و الفصل كله مني اذا طلبو هم بس يجون؛ بس يمة اهم شي ماريد اي بشر يعرف الحقيقة، لئن اذا واحد عرف أهلهة راح يزوجونهة غصب،و بسببي.
ام عبدالله: لا أكيد محد راح يعرف؛ حادث، حادث
عبود: تصلت بأحمد و فهمته حتى ابوه يجي ويانه، و تصلت بأعمامي باجر يجون و نروح لهم.
أبو رغد: طلعت من الغرفة جانت رغد بالصالة بس ماكو! مريم وين رغد؟
مريم: عمو ساعدتهة و صعدت فوك
أبو رغد: اروح اعلمهة على العلاجات، اعرف مريم تحب تتسمع كلت لهة هيج حتى ما تلحكني. صعدت دكيت الباب دخلت،
رغد: هلا بابا
أبو رغد: كعدت يمهة، شلونج صرتي هسه؟
رغد: الحمدلله تمام، اخذ العلاجات من اتألم.
أبو رغد: بنتي رغد شلون صار الحادث؟
رغد: «أفكر» اني ماخب اكذب، و على بابا اكذب لاا، بابا اكول لك الصراحة.
أبو رغد: يي
رغد: اني قبل ما نروح اخذت المسدس و حطيته بالجنطة............. و طلع تصل و رجع و وصلنا و كال لأحمد يروح خاف يصير شي و هو يتأذى و دخلنا، بس ولله يا بابا صدكني ما اعرف ليش هيج سويت؟
أبو رغد: «افكر الحمدلله ما كذبت عليه، حبيبتي سويتي هيج لئن رجعت لج الحاله» بنتي هاي المرة راح امشيهة بدون عقاب؛ بس اذا مرة ثانية تسوين هيج شي يصير حجي ثاني، خوش
رغد: يي بابا
أبو رغد: هسه ما أريد اي شخص يعرف حتى امج، لئن عبدالله كال............... و باجر يجون
رغد: يي بابا؛ بس يعني لو ما مسوي هيج صدك تزوجني بالغصب؟!
أبو رغد: ما أعرف المهم هسه حادث وبس.
رغد: يي بابا
أبو رغد: رغد، اذا تقدم لج عبدالله، توافقين عليه، لو لا
رغد: خجلت ما جاوبت
أبو رغد: سألتج سؤال جاوبي يي، لو لا؟
رغد: رأيي من رأيك
أبو رغد: هو سوة كل هذا حتى ما تزوجين، و ما يطلع عليج حجي؛ و كال مستعد يدفع فصل، على حادث هو اصلاً ما مسويه، يعني هو يريد لج الخير، اكيد ما عندي إعتراض عليه، و انتي؟
رغد: هم ما عندي اعتراض عليه.
أبو رغد: خير ان شاء الله بس ما ريد واحد يعرف بهذا الموضوع.
رغد: ان شاء الله، مثل ما تريد بابا، طلع بابا و اني افكر بابا ليش هيج كال شنو معقولة عبود خاطبني لا ما اتوقع يسويهة بهذا الوقت.
عبود: ثاني يوم اجوي أعمامي، و أحمد و ابوه تغدينة.
أبو رغد: أتصلت على أخواني، حتى يجون للگعدة.
عبود: أتصلت على أبو رغد قبل ما نطلع، و طلعنة من البيت الساعة ٣:٣٠ الظهر ،و وصلنا ٣:٤٥الطريق ازدحام، دخلنة أعمامهة موجودين و ولد عم ابو رغد، اني اتفقت وي أعمامي شنو يطلبون عادي اني الي ادفع، اني عفت الكلام لعمي الجبير، بعد السلام و الكلام كال لهم شنو تأمرون إحنا حاضرين.
أبو رغد: عمي راد يحجي شكد يطلب، اني حجيت، عبدالله تكفل بالعملية، و كل التكاليف، و بنتنة الحمدلله سالم، ما تريد اي فصل و أكيد هو مو قاصدهة.
عبود: اتفقنا ماكو فصل، شربنا جاي و أعمامي كاعدين يسولفون بقينة يمهم نص ساعة، كال عمي يلة نستأذن و مدحهم لئن ما أخذو فصل و طلعنا
فارس: راح عبدالله و أهله، أعمامي بقو يحجون ليش ابوي طيح الهم الفصل، راحو اقاربنا، بقو بس أعمامي
رغد: عماتي، و زوجات أعمامي، و خالاتي، و البنات، من عرفو اجوي العصر و كلهم شلون شلون؟ مثل ما كال لي بابا كلت، طلعت حتى اشتري عبرت بدون ما انتبه، و عبدالله كان ما نتبه، و دعمني و نقلني للمستشفى، خاف اموت ما كال لأهلي من أطمن عليه و كدرت أمشي، رجعني للبيت و كال لأهالي باجر يجيب أهله و يفصلون.
عبود: بعد يومين، اطلع لشغل و عرفت أحمد حالياً معجب ببنت، و كال ما صارحها فوراً اروح اخطبها، و بعده متردد. سبحت و بدلت و اخذت المسدس مالهم و طلعت، بس هسه الساعة بـ2 الظهر كلت صار هواي اني ما رايح البيت أحمد دائما هو يجيني، و خطيه اهله دوم يجون امر لهم، لحد العصر اروح لبيت رغد تصلت على احمد موجود بالبيت وصلت دخلت يمهم.
أحمد: هلا ولله نورت البيت اليوم.
عبود: ههه منور بأهل بيته
أحمد: يي عبود من لگة أصحابه نسى أحبابه موو؟
عبود: وين ناسيك مو يوميه اشوفك بالصيدلية!
أحمد. هاي وحد، و تجي للبيت شي ثاني، المسدس رجعته لو لا؟
عبود: المسدس اليوم ارجعه، سولف لي انت وين وصلت؟
أحمد: بشنو وين وصلت؟!
عبود: كلت لي شفت بنت بهاي المنطقة عاجبتك، ما عرفت عنها شي مزوجة لا
أحمد. هاا، يي عرفت ما مزوجة، و عمرها ٢١ و فاتحت امي بالموضوع حتى تروح تخطبها لي، فرحت و هذا الأسبوع تروح امي تشوفهم رأيهم، و بعدين نروح نخطبها ان شاء الله
عبود. ان شاء الله تكون من نصيبك، و يومها لألي
أحمد: تسلم، يي ان شاء الله
عبود: مر الوقت سوالف اني و حمودي، صارت ساعة ٤ ونص حمودي هم يلة اني أروح البيت رغد ارجع المسدس.
أحمد: خذ راحتك
عبود: يلة عن اذنك
أحمد: الله ويك
عبود: طلعت صعدت بالسيارة، مو لازم اخذ بأيدي شي عيب اروح ما ماخذ شي اخذت فاكهة و حلويات بقلاوة، كنافه،......
و كاكاو لرغد اذكر هي تحبه بس شلون انطيه الهة، وصلت دكيت الباب،طلعت لي بنت صغيره اعتقد رتوجة كبرانه!
رغد: بابا و فارس كاعدين بصالة، و اني و ماما و مريم و رتوجة بالمطبخ ندك الباب رتوجة حبيبتي اطلعي، هاا بالمناسبة رتوجة كبرت و تفتهم هسه عمرها ٦ سنين ونص
ريتاج: شتريد عمو
عبود: انتي رتوجة صحيح؟
ريتاج: يي عمو اني ريتاج بس انت شلون عرفت؟
عبود: خرررب شكد تشبه رغد بهاي الصفة، على كل كلمه احجيها لازم تسئل؛ العصفورة كالت لي رتوجة، بابا و جدو موجودين؟
ريتاج: يي عمو، موجودين بس شنو تريد منهم