أحمد: ماشي براحتك عبودي، مهم عندي كون سحور زين
عبود: وصلت بيت مرتضى
مرتضى: هلا والله بالشباب وين تفقتو يا مطعم؟
عبود: بالمهلي، ما متفقين غير انت تقرر
مرتضى: ماشي اني راح احدد لك، ببرنامج خرائط و انت روح، بس هو شوي بعيد
عبود: عادي ما عندنا شي، تسحرنا و شربنا عصير و رجعنا للسيارة، كعدنا يي و هسه استاذ مرتضى تحجي لا؟
مرتضى: اول شي اكول لكم خبر شفت البنت اليوم
عبود و أحمد: ردو نفس الوقت وين شفتها؟!
مرتضى: سلمان ابن جيراننا صديقي، عزمني و اني كنت طالع من الاستقبال اغسل، شفتها داخله هي و امها و ام سلمان
عبود: و شكو تباوع عليها
احمد: «احجي مع نفسي» لئن هو كال بينا الحجي ما احجي كدام مرتضى، هاي بعدها بأولها شلون يغار عليها
مرتضى: بعد صارت عيني بعينها، يعني وين اروح غير اني كدام الباب!
عبود: «احجي مع نفسي» عينه بعينها اوف لو ما اريدك تكمل كنت شمرتك من الشباك، يي كمل مرتضى
مرتضى: اسمها رغد، عمرها ١٩
أحمد: حلوو زين متزوجه لو لا، اريد اكبل وياهة
مرتضى: لا ما متزوجه
عبود: من كال ما متزوجة شوي هدأت بعد ما عصبت، على كلمته مال عين بعين كولت له ببرود، اهاا الله يخليها لأهلها
أحمد: الحمدلله خلي يخلص رمضان، حتى اروح اكبل وياهة
مرتضى: يخليها لاهلها! و خبصتنا بيهة خاف يخليها لك؟
عبود: «كولت مع نفسي» احمد حسابك بعدين على هذا الكلام، مرتضى كلمتك حلوة بس وين الكاهة حتى يخليها الي، رديت عليه يا رضاوي اني مو كلت لك مجرد سؤال انت ما تصدك شسوي لك، يلة اوصلكم لبيتكم وصلت مرتضى اول حتى احجي مع أحمد، نزل مرتضى، يي احمد تريد تكبل وياهة مو؟
أحمد: يي و شنو بيها البنت عجبتني، احرك اعصابه شويه
عبود: أحمد يعني بعد ما حجيت لك إني ليش اسئل عليها، انت نعجبت بيها؟
أحمد: أعصابك أعصابك، مقلب مرتد، ولله حجيت هيج حتى أضيع على مرتضى منو الي يريد يعرف اخبارها
عبود: مقلبك فاشل مثلك، يلة وصلنا انزل
أحمد: عبودي لا تضوج مني ترا والله اشاقة
عبود: و على شنو اضوج اني شو دخلني!
أحمد: ههه انت شو دخلك، انت الموضوع كوله، يلة عن اذنك باجر انت افتح اني اتأخر شوي.
عبود: ماشي الله وياك، رجعت للبيت و الأفكار كلها ضاربه براسي، كلت احسن شي انام و الله كريم، كعدت الساعه بـ ٨ سبحت و بدلت و طلعت للصيدلية.
رغد: كعدت الساعه بـ ٩ اخوي طالع و بابا هم طالع، رحت شفت ماما لكيتها كاعدة، هلو ماما صباح الخير
ام رغد: صباح الخيرات والمسرات، كوة حجيت و حاطة ايدي على كلبي
رغد: ماما شكو شبيج؟!
ام رغد: رغد اتصلي باخوج او ابوج واحد منهم، يجي ياخذني للمستشفى كلبي حيل مأذيني
رغد: ماما تنفسي على كيفج هاج اشربي مي، اتصل عليهم محد منهم يرد، و الحل ماما راح تموت لا سمح الله رغد لازم تكونين قوية على كيفج ماما، محد يرد
ام رغد: حاولي بعد
رغد: ماما حاولت هواي شنو ننتظر يصير بيج شي، اني اروح البس شالي و عبايتي و اجي، رحت بسرعة و رجعت لبست ماما حجابها و العباءة و طلعنا، اول ما طلعنا شفت ابن جيراننا و هو شافنا و حدنا، و كال وين رايحين اوصلكم بطريقي اخذنا على المستشفى، و صلنا بعد ما تحسنت حالت ماما كلت له يروح احنا نرجع هو راح، اخذت ماما علاجات الضغط هابط عندها و مأثر على نبضات القلب، الدكتور منو مع المريضة
رغد: نعم دكتور تفضل هاي، العلاجات ياريت تجيبيها حتى افهمكم عليها، اوكي دكتور، ماما اروح اجيب علاج انتي هسه زينه؟
ام رغد: يي بنتي، روحي و تعالي بسرعه حتى نرجع
رغد: نزلت للصيدلية، السلام عليكم
عبود: كنت ارتب بالعلاجات، التفتت و رديت السلام و عليكم السلام ورحمة، هاي هي رغد! لو اني اتخيل بس ليش هيج متوتره؟!
رغد: هذا هوو نفسه عبود، ممكن تعطيني هذي العلاجات و ياريت بسرعة
عبود: تدللين بس ليش العجلة العلاجات، مو الج صحيح؟
رغد: والدتي وحدها بالمستشفى و اريد ارجع بسرعه، يي الماما
عبود: تدللين دقايق «احجي مع نفسي»ما ادري امشيهة بسرعه لو أخرها شوي بلكي اكدر احجي وياهة ولو هي مو بوضع تكدر تحجي مبين امها تعبانه
رغد: و اني واكفه و بالي على ماما شلون صارت، بس ممكن تستعجل
عبود: ولو راح ناخذ من وقتج شوي، لكن ما دا الكي علاج صديقي ما اعرف وين حاطهن، بس اتصل عليه
رغد: ماعندي حل غير انتظر، عادي خذ راحتك
عبود: الو احمد وينك
احمد: اهلا عبود هسه دخلت للصيدلية
عبود: ولك لا تخبلني يا صيدلية اني بالصيدلية
أحمد: يي عوف الرف و دور وجهك شكو متوتر، نتبهت رغد واكفه و هو توتر من رغد بس رغد شسوي هنا؟!
عبود: التفتت هذا وراي بس باقي يسولف حمودي بعدين حسابك على هاي الدكة احجي وياك بالموبايل و انت وراي واكف بسيط
أحمد: شسوي لك اذا انت نعميت ما نتبهت اني دخلت
رغد: ممكن اذا خلصتو عرك تنطوني العلاج، لئن مستعجلة و ضحكت لئن شكلهم يضحك شلون يتعاركون و كأنو اني ما موجودة
عبود: يي دللي احمد كمل الوصفة شفتها ضحكت على حجينا راح توترها حبيت احجي وياهة، بالمناسبه احنا ما نتعارك هذا شقة اخوة اذا نتعارك كان تفلشت الصيدليه هسه ههه
رغد: ابتسمت و كلت له لعد لا تتعاركون حتى ما تتفلش، و الله يديم اخوتكم
أحمد: قاطعت سوالف عبود بسرعت البرق، تفضلي هذا العلاج اشرح لج عليه لو الدكتور هو يفهمكم
رغد: لا شكرا الدكتور موجود، الحساب شكد
عبود: لا خليها هاي المرة علينا
رغد: يعني شنو تفاؤل لوالدتي تتخربط مرة ثانيه، حتى ادفع الحساب غير مرة؟
عبود: لاا لاا الله يحفظها للوالدة، و خليها علينا
رغد: لا على يا اساس، رحت للشخص الي اسمه احمد الله يخليك لا تطول علية تأخرت بما فيه الكفاية، و كول لي شكد الحساب
أحمد: ههه ماشي ما طول عليج الحساب كوله صار ٥٠ الف
رغد: تفضل و شكراً اخذت العلاج و انطيت الفلوس، رجعت حتى اطلع شفت عبود مبتسم و صلت يم الباب ما كدرت ما ادور، و شفت عبود و ابتسمت و رحت اني طبعي أبتسم، يعني لا حد ياخذ غيبتي، رجعت لماما هاي ماما العلاجات تاخرت الولد بقى يدور على علاج
ام رغد: اتصلي على اخوج يجي ياخذنا
رغد: تصلت مايرد، شبيه سيف اليوم ما يرد، ماما مايرد نرجع بتكسي
ام رغد: ماشي ماما روحي للدكتور يشرح لج على العلاج
رغد: ماما هو نروح سوة و بعد نروح
ام رغد: يي هم صح ليش تبقين رايحه جاية
نزلنا للدكتور.....