رواية :مسارات حياتنا تتغير
للكاتبه : وتين
جميع الحقوق محفوظه للكاتبه .
الحلقه التالثه والعشرون 💞
ريفال : طيحت التليفون من الخلعه وعيوني دموع خلاص حسيت الدنيا وقفت بيا
بابا فك مني التليفون وايمن مزال ع الخط :الوو ريفال وين مشيتي حبيبتي بابا لما اسمع كلمة حبيبتي ضلمت الدنيا في عيونه وماحسيتش الا بحاجه ساخنه ع خدي اصوابعه للعند طبعو ع خدي وودني حسيتها تسكرت من قوة الكف ادموعي بدو ينزلو واني مش مصدقه يلي قاعد يصير
الاب والشر في اعيونه ووجعاته كيف بنته ادير هكي:اني ياريفال اديري فيا هكي اني يابنتي يلي ربيتك وعلمتك ووريتك الصح من الغلط اديري فيا هكي اخر عمري الناس تتكلم بيا ويقول ماعرفش يربيها علاش ياريفال واني نقول الحمد الله ان بنتي ربيتها كويس وعاقله في هالوقت يلي مايطمنش نشك في الناس اكلها حتي في روحي ومانشك فيك اديري فيا هكي للكن خساره خسارة تعبي اعليك
واطلع من الدار وخدي التليفون معاه
ريفال :ماوجعنيش الكف ع قد ماوجعني اكلامه قداش حسيت روحي تافهه في الموقف يلي انحطيت فيه استرخصت روحي هلباا وموقفي كان لا يحسد اعليه اكلام بابا يتردد في ودني ومع مل كلمه نحس كان سكين يطعن فيا تمنيته يضربني ومانسمع هالكلام عيني معاش قدرت نقيمها فيه ولعنت نفسي مية مره علي يلي درته لان كان هدا سبب خوفي من الاول وهدا يلي كان مخليني نعارض اني نكلمها وياريته ماصار هدا كله ولا شفت ايمن في حياتي ولا قالي نبيك ولا صار يلي صار فات💔
.
.
عند تالين
دوشت واطلعت تلاقيني تماره داهشه :هدا خيرك 🙄
تماره :ابسرعه البسي لبسه حلوه وساوي روحك بسرعه 😵
تالين : وليش 😐
تماره : سمر وعلاء في الطريق تحركي وانتي زي المسطوله 😫
تالين توترت : اي وكان شن يبي هو اصلا مش ح يخش
تماره تنهدت : صبرني ياربي صبرني الجيه كلها اعلي خاطرك افتحيلي دماغك المسكر هدا حتي شويه بس بالعقل خطبك وانتي مسكره تليفونك واضحه واااضحه 😫😤
تالين توترت : افف باهي شنو نلبس اا ياحليلي مش طالعتله تخشلي سمر لداري 🙁
تماره : ياربي نبي نفهم حني كيف جينا تؤام وكل وحده بمخ بري ودفيتها لدارها وشديت في الباب
اقعدي هكي زي المسطوله باهي شعرك مشفشف
ومنظرك هكي باهي لين يقول وين تالين بنسلم اعليها واقعدي بعدين اجري في الدار باهي ولا نقولك اصلا هو بيهرب طول ويمشي شن بيدير بيك اقعدي فاها وقربعت الباب
تالين قعمزت قدام المرايه ونشوف لي روحي : وخيرني اني يمشي يملح يبيني كيف مااني باهي كما هدا يرقد ااا لاكن لاا وكان يشوف وحده احلي مني بعدها ااف ياربي شن ندير ياربي ياربي طول اطريقم ومايوصلوش لي ندبر شن ندير ياربي 😂ونضت نحوس في الدولاب اففف هادي شافني فاها وهادي مش حلوه اعليا وهادي متع طلعه اوفر وهادي شافني فاها حتي هيا وهادي مانقدرش قصيره ووواك ياربي خودني لين شفت لبسة تماره كيف واخدتها ومالبستهاش بكل ضحكت وطلعتها وجففت شعري ع السريع ودرته كعكه فوق ودرت مسكره وشويه روج مات وكحل بيجي وللبست سروال افارول اكحل وقميص اكحل دخلته في السروال واعليهم جاكيت من غير اكمام وردي تحت الركبه ووشاح اكحل في الوردي وسنسلة قيثاره قصيره وساعه وبخيت عطري المفضل فرزاتشي وطلعت لقيتهم كيف خشو مشيت للمطبخ واني متوتره
تماره جت تبي تطلع سفرة العصير نخلعت :هييي انتي من 😱
تالين ضربتها واني نضحك : هههه عارفه روحي طرف😉😌
تماره ركزت ع اللبسه وادور اعليا : استني دقيقه ياحماره اللبستي شن لبسك فاها واني بروحي قاعده ملبستهاش خزيي ع التافهه حوليها تواا حوليهاا بسرعه🤨😤
تالين دمعت عيوني : وراس تموره وراس حبيبتي مالقيتش للبسه حلوه عندي بالله اعليك والله للبسي كله ع احسابك اي للبسه تبيها خوديها حتي شحني الجديد خودي اي شي تبي خودي وخليهالي والنبي 😭
تماره نضحك اعليها من داخلي ودروحني قعدا معصبه : اي شي اي شي
تالين : اييي شيي تبييي 😭
تماره : تمام اتفكري كويس اكلامك اهوا ولفت للسفره العصير والشكولاته هاك ارفعي
تالين : نزار وين فكيني توا يكشخ ع اللبسه 😫
تماره : شن لابستيها ومتأنقه عشان تقعدي بين الماعين اطلعي تحركي نزار مش اهني اني وماما بس يافرحتك 😂
تالين : خزيي باه قوليلي كيف طالعه شينه ولاه ومنظري اوفر
تماره خدت منديل وقربت مني مسحتلي فمي اشويه: هكي تمام 😂😂
تالين :مابردك ليش مسحتي كله 😫😭
تماره :سكري فمك من امتي متعلمه بيه والله ماما توريك اعليه خليك هكي وجهك مش مبين كأنه طبيعي
تالين : اافف هاتيي
تماره : اعيونك لوطا مش تبدي تسبلي فيهم وتشوفيله هدوكا النظرات ااه ردي بالك 😂
تالين :سكري فمك وانتي ماصدقتي عاد هيا اقلبي من قدامي 😒
تماره : جايه معاك ياحبيبتي 😁😉
تالين : 😒😒
افف بسم الله :السلام عليكم
سمر والام وعلاء عيونه في تليفون : وعليكم السلام
تالين شجو سموره وحطت سفره ع الطاوله وتسلم اعلي سمر
تماره اخديت السفره ومشيت بنعطي لعلاء :تفضل علاء وغمزتله 😉
علاء مفنص في تالين ووجهه احممر ومتوتر
تماره : علاء ياهمي هيا ظهري تكسر
علاء شافلها ورد يشوف لي تالين وهو متلخبط : هاه شني
تماره شاده ضحكتي بالسيف : العصيير تفضل
علاء خلاص وجهي سخن وارتبكت : اهه وخديت طاسة العصير ومش عارف كيف صار وتبزع منها شوي 😫
تالين نقزت : بسم الله تو نجيب فوطه
تماره تضحك : معليشي معليشي ماصار شي وايبس وتمشي اموره وحطيت ااسفره لي سمر ومشيت المطبخ وخلاص تفجرت ضحك :وووه اااه ههههه هههه بط ههههه بطن ي هههههه منظرره هههه يفلق هههه ووه اعليا ههههههه
تالين وجهي سخن :اسس بيسعك اسس
تماره : هههه مش بي ههه بيدي حليلي منظره خرافي
تالين ضربتها ع يدها : سكري واس خلاص 😂ومشيتلهم واعطيته الفوطه وهو مسكين احرف مني مرتبك لين خلاص 😂
ماما شبحتلي : ديرو قهوة انتي وسمر 😒
تالين ماما تفنص بمعني نوضي فهمت اعليها : هيا سمر 😑
سمر شاده ضحكتها : هيا جيتك وطبست جنب علاء خديت تليفوني ووشتله واني شاده ضحكتي ارزن 😂
علاء فنص فيا وكمل هدرزته مع خالتي 😂
سمر : الف مبروك كنتنا طبعا موافقين 😂
تالين تحشمت :اسكتي عاد ☺
سمر :ااه من الحب
تاالين : بعد واشحطي روحك شن حب ماحب يلا عاد
تماره وسمر : 😂😂😂 مفضوحين والله
.
.
ريفال : خديت تليفون ماما واني ماشيه للحمام (حشاكم ) واتصلت بنور قتلها تعالي بسرعه نبيك وسكرت طول قبل لا تقولي اي كلمه ورجعت التليفون كان كل همي اني نحكي لحد ينصحني موقفي مع بابا مافيش اصعب منه وخاييفه هلبا من الجاي وماما ماتبيش تحكي معاي مالقيتش غير نور نحكيلها 💔
عند نور ..
وجعني حال ريفال ونعرف ان بوها وااعر هلبا ومش ح يكتفي بي هكي وبس وخصوصا ان تليفون عنده وفي اي لحظه يعرف من يكون يلي تكلم فيه وبحكم انهم يعرفوهم من بعيد شوي ف ح تصير مشاكل خديت رقم ايمن من ريفال بدون ماتعرف وسجلته في تليفوني واتصلت بيه بعد ماروحت منها اول مكالمه ماردش بعدها رد
ايمن : الو السلام عليكم
نور : وعليكم السلام ايمن معاي صح
ايمن تنرفز : هو ان شاء الله تفضلي
نور : اني نور صاحبة ريفال اخديت رقمك منها من غير ماتعرف وضروري نتكلم معاك
ايمن : خير ان شاء الله
نور : اسمعني وافهمني واحكيتله يلي صار كله ...
ايمن : معقوله هدا كله صار 😫
نور : زي ماسمعت ونبيك ادير راي تتصرف لان والله بوها واعر احتمال حتي يقتلها
ايمن : تمام باهي مافيش كيف نكلمها نطمن اعليها
نور : مستحيل مافيش كيف
ايمن تنهد : ان شاء الله خير تو ندبر كيف ندير لاكن باللهي عليك ماتخلهاش شوفيها لما يطلع بوها وقوليلي شن يصير
نور : تمام بادن الله بينا الو
ايمن : تمام سلام وسكرت الخط واني متنكد ومش مصدق ان فجاءه هكي ينقلب كل شي
...
ريفال كنت نبكي وراقده في سريري لين تقربع باب الدار وخش بابا يعيط اعليا وماما وراه تبكي نضت واقفه من الخلعه ويدي ع قلبي
بابا حدف ملف جنب سريري : شوفي هدا ملفك قرايه معاش فيه تليفون معاش تحلمي بيه وفي واحد متقدملك ح توافقي اعليه وفمك مسكر
اني من الصدمه قعدت مركزه بلكي نحلم بلكي شي وفجاءه ارتخيت ومعاش نسمع في شئ
.............. يتبع !