رحمة عاطف

البارت الخامس

البارت الخامس
رواية...رحمة عاطف
نورا ناصر ..نور سمو العراق
💔💔💔💔💔💔

ليرحل من يرحل فقد رحل الاغلى..!!

............................

رجعت بذاكرتي الى قبل كم يوم وتذكرت محاولات سهير شون جانت تحاول حلق شعري وتركض وراية بمكينة الحلاقة ...

انهاريت بوقتها وظليت اصرخ واني متمسكته بحجابي وما اقبل انزعه ..

سهير ؛ ولج هذا امر صادر من وزارة الصحة لازم احلق راسج يلله ولج وبعدين بس طيبين اول وتالي راح يرجع يطول شعرج ..

رحمة بصراخ ؛ ما .. ما .... ااااا ... اتركيني الله ياخذج اتركيني ..

اتقربتي لزمتني من اذني من ورة حجابي وجرتها حيل كالت اني اعلمج والله بس اصبريلي ما اريد انفصل بسببج بسيطة ... شالت ايدها من اذني بقووة وهدتني طخ ظهري بالسرير ووكعت ع الكاع ..

ظليت امسح بدموعي واتنفس سريع ، طلعت من الغرفة ادور الدكتور اريد احجي ويا ..

شفت سفانة تباوعلي مبتسمة ..
ظليت احجي متوترة وافرك باصابعي ..
لزمتني ظليت اناشغ واشهك ..
كالت ؛ شبيج رحمة ليش هيج تبجين منو وياج؟

كتلها ؛ اريد .. اريد الدكتور احاجي ..
كالت ؛ مموجود هسه طالع امشي ارتاحي ..
اخذتني من ايدي وودتني لغرفتي مددتني ع السرير وظلت تحجي وياي الى ان اجت ام احمد وبيدها عصير
انطته الي وويا علاج اخذته وبعد وقت حسيت بدوخة ونعاس وحاجة شديدة للنوم ، غمضت عيوني وتعانقت اجفاني ونمت ..

ومن كعدت شفت روحي مثل لولد وشعري ماكو ، شعري الي قبل كم يوم جنت فرحانة بلونه وقصته واباوعله بالمراية صح مااضحك بس صار هواي مفرحانة بشي حلو صارلي اليوم انعدمت فرحتي الزغيرة الي احتفظت بيها لنفسي ..

طلعت اركض بممرات المشفى ابجي واصرخ ، الهلع صار عادة عندي ، اتمنى اعيش حياة طبيعية لكن مو بيدي ..

جنت منهاره من ماتت امي ومن تعرضت لذاك الحادث ما صار بيه هيج اصررخ بصوت عالي ضجيت المستشفئ بصراخي...

اثناء ما اني اركض انضربت بقووة بجسد شخص ضخم رفعت راسي واباوع شفته الدكتور ، ابتعدت اباوع اله وظل يباوعلي مصدوم وعيونه مفتوحة على اوسعها ..

حجه باستغراب وتعجب ؛ رحمة !!! هاي منو سوا بيج هيج ؟ ومد ايده يريد يلزم راسي ..

ابتعدت للخلف بخطواتي وابجي واناشغ واشهك
واريد احجي واطلع كلامي من حنجرتي بس الشهكة كاتمة على حنجرتي ..

ظليت ااشر اله على اماكن لا على التعيين بالمستشفى
ومااكدر احجي بس ابجي ..

يريد يتقرب يلزمني واني ابتعد ، ديحاول يهدأني واني رافضة ..

صرخت بصوت عالي...كلاب حيوانات اريد شعرري لا مااا اريد شعري شعري ويييين

اني شسويت الكم ليش تكصون شعري

ضليت اضرب بروحي بدون وعي مني واي واحد يريد يلزمني ما يكدر صرت قوويه حييل من كثر صدمتي اعصابي تشنجت

صاح بعلو حسه ؛ سفانة ....

جتي سفانة تركض بعد لحظات ..

كال بعصبية ؛ منو سوا هيج برحمة منو حلق شعرها احجي ..

سفانة بارتباك جاوبته ؛ دكتور هاي سهير حلقت الها هذا امر من الوزارة ..

صاح بصوت هز اركان المشفى كله ..
سهير ، سهير ....
هرج المشفى بأسمها ..

اجت سفانة تقربت مني ولزمتني ودتحاول تهدأني ..

اجتي سهير تركض وصلت يمه تلهث وتحجي
_ امرني دكتور ؟

صاح بوجهه بعصبية ؛ هاي شمسوية برحمة ..

سهير وهيه تسوي حركة الصبر ؛ بس اسمعني دكتور ..

مخلاها تكمل صيح عليها ؛ انتِ مفصولة منا واليوم اقدم كتاب بيج وادزه للوزارة ..

سهير بنحيب ؛ لا فدوة دكتور لا تكطع رزقي ، اخر مرة والله ...

عاطف ؛ صبرت عليج هواي كافي تسيب اهمالج وصل حدة منين ترخصتي وحلقتيها رحمة وضعها استثنائي ..

ظلت سهير تحاول تبرر اله ، دار وجهه على سفانة وصيح
سفانة اخذي حذر وديري بالج عليها ..
سفانة ؛ حاضر ..

وعافهم ومشى وسهير ركضت وراه تتوسل بي ، كان يمشي بخطوات سريعة داخل اروقة المستشفى ، وبراكين الغضب متفجرة بداخله ، ليش خربت عليها فرحتها ، ليش اعتدت على انوثتها ، وتجاوزت على احد املاكها ..

رحمة .. اخذتني سفانة ورحت لغرفتي ، كعدتني ع السرير وصارت مقابيلي وتحاول تهدأني وتحجي وياي بلطف ولازمة ايديه ..

دفعتها وصرخت بوجهها بصوت عالي كتلها عوفيني وحدي عوووفيني اريد ارتاح ..

سفانة خفت منها من صرخت بوجهي بس اني لزمتها بحنيه كلتلها؛ رحمة ميصير تبقين وحدج الدكتور منبه عليه ابقى وياج ..

_ ماااريدج ماريدج اطلعي لتباوعين عليه وتعيبين طلعي ..اطلعوو خلوني لوحدي

_ لا ما اعيب عليج شون يصير انتِ تخبلين بكل حالاتج حتى بدون شعر ..

كمت ادفع بيها واطردها لحد ماطلعت من الباب
سديته عليها وتوجهت للمراية اباوع لروحي وراسي بلا شعر ، متت قهر واحس نار تلتهمني ..

بعد دقايق بقيت اتأمل شكلي ، محبيته ومكدرت اتقبله ولاكدرت اتقبل حياتي ابد ، كسرت المراية ووكع الزجاج ع الارض نزلت بوهن وبألم التقطته وشلته من الكاع ..

حبسته براحة ايدي وبين اصابعي ماحسيت بالم الم روحي متفوق على الم جسدي بهواي ، بس حسيت بالدم يتسلل من بين اصابعي وينقط ع الارض ..

فتحت ايدي الي ترجف واباوعلها منظر الدم رعبني للحظات ، غمضت عيوني اقوي نفسي ، فتحتها شفت نفسي ملزمة بان انهي هاي التمثيلية والي تسمى حياتي ..

وجهت قطعة الزجاج لايدي وتحديدا على وريدي وبديت اقطعه حد ماشفت الدم بدا يتدفق بقوة من ايدي ..

شمرت قطعة الزجاج وظليت اباوع لايدي المدماية والالم بيه واحس مكان الجرح يوجعني يحركني ...

بقيت اباوع الها مصدومة اني شسويت ليش هيج ضعفت كدامي الحياة بطولها
...
صوت ثاني بداخلي يكول لا شتترجين من حياتي انت مستهلكة وعديمة الفائدة منبوذة احسن شي سويتي هو تنهين حياتج وتخلصين منها وللابد ..

لزمت ايدي والدم يتساقط منها بشكل مرعب
ثنيت ركبي وكعدت ع الكاع والدمع من عيني يوكع على ايدي وينمزج ويا الدم ، ظليت اتأمل المنظر واني منتظرة تنتهي حياتي بأسرع وقت ممكن وانتقل لعالم الاموات العالم الي بي امي مشتاقة الها ..

دقايق ودخلت سفانة بيدها الدوا الي ، بس شافتني انصدمت ووكع من ايدها وصاحت دكتووور الحك وطلعت واجه وياها الدكتور عاطف ..

ركض باتجاهي وكرفص مقابيلي واني بديت تنعدم عندي الرؤية وغواش سيطر على عيوني ، اطرافي جمدت وتوقفت عن الحركة وفقدت الشعور وماعاد احس بيهم واحس قلبي نبضاته قلت ..

انهاريت بلحظة وكعت ع الكاع وتمددت بدون ارادة مني ، بس حسيت بعاطف يطوقني باذرعه وغمضت عيني ..

...
عاطف....

جنت كاعد بالمكتب وكل براكيين العالم بصدري اتخبل من مسؤؤله تتصرف من كيفها وعدم الاخذ بقوانيني لذالك مثل ما هي صلفه وما اعارتني اي اهتمام ...

اني كذالك اتجبر وماارحم اي مسؤؤله تتصرف برعونه لذالك كتبت بيها كتاب وفصلتها من الشغل

إريد اشوف بعد شلون تلكه شغل تافهه...

نصبت نفسها دكتوره وتصرفت من كيفها ولاقت الي تستحقه...وان شاء لله تكون عبره الغيره...

رجعت اباوع لتحاليل المرضئ من بينهن ملف كامل لحالة رحمه...

اول ما فتحته واجت سفانا تركض باوعتلها بااستغراب كلتلها...خير شصار

كالت...الحك دكتور رحمة ماتت...

انصدمت طلعت بسرعه اركض دخلت لغرفة رحمه شفتها واكعه ودمها تارس المكان وعيونها بالسكف...

ركضت عليها رفعتها الصدري وسحبت شالها لفيته علئ ايدها واني امنع تدفق الدم...

اباوع عليها شفايفها بيض و وجهها شاحب شحوب الموتئ....

بسرعه شلتها وسفانا اتصلت علئ الاسعاف الئ موجوده بالمصح......

نقلناها لمستشفئ خاص وصلنا هناك اخذوها الطوارئ

وضلو يسون الاسعافات الاوليه...

شويه وطلع الدكتور استقبلته بلهفه...هااا دكتور ان شاء لله خير

كال...المريضه بالعنايه المشدده حالته غير مستقره ويطلب استدعاء الشرطه ...

لان حالة انتحار مع سبق الاصرار والترصد...

جريت نفس وطلعت هويتي جاوبته...اني دكتور للامراض العقليه وهذي البنت مريضه عندي وماكو داعي اشرح الك حالات الجنون واذا تريد تستدعي الشرطه براحتك بس اني دكتور ولحد الان اعالج بيها

الدكتور...اهااا ان شاء لله خير...

عاطف...ان شاء لله..

انتبهت علئ سفانا من كالت...دكتور اني لازم اروح تعرف اهلي من النوع المتحكمين ومااكدر اضل اكثر من هيج...

سمحت الها تروح...

وخابرت علئ امي كلتلها...شوويه اتاخر عندي حاله محرجه ولازم اضل يمها...

ضليت متوتر قررت اتصل باابوها واشرح حالتها بس بعدها غلست لان ميستاهل خليها يمي احسن ان شاء لله من اليوم ورايح راح اغير كل شئ ان شاء لله

واحاول اتقرب منها واخليها تحجي شنو البيها

...................................

سفانا ...

رجعت للبيت بعد يوم متعب وتعيس الي درجه فعلا تاج المراة شعرها للاسف

رحمه فقدت شعرها وجنت وانتحرت خطيه الدكتور صاحب انسانه شلون تخبل عليه كون هو ابن عمي ولا حسن الداعشي....

بس مو كل شئ نتمناه يتحقق...

دخلت للبيت سلمت عليهم وصعدت لغرفتي بس سبحت وبدلت نزلت سويت غده خطيه بيبي متكدر وحسن جان قسم داخلي ويسوي اكل مسوي روحه منال العالم بس يمنه لا ما يطبخ وضال يقلد علئ اكلنه يكول متعرفن تطبخن

عدنه مركه مال كبه حميتها وسويت زلاطه وطرشي وخضره وخبز واخذت الصينيه اجوو اكلوو...

وحسن عين بصينيه وعين بموبايله ويراسل بهمه وساعه يضحك...

جدوو ضربه علئ جتفه كله...اكل وعوف هاي السوالف ذاك اليوم انضربت بوري عاد خلي تطلع الاربعين وابدي بعلاقه ثانيه...

حسن بضحكه....لا حار بحار ماانطي مجال...

البيبي...هسه كون تجيبلنه وحده بيها خير مو تجيبها مصعلكه وتعاي ياجده شربي دكسن...

حسن...اكلج حجيه صاحبت ملاك وزنها ميه وعشره دكليلي شعجبك منها جنها برميل مال طرشي

حبيت المعصعصه دكليلي لا تحب معصعصه جنها عصا مال مطيرجيه...

اني ضحكت كتله بغناء...لا تاخذلك سمينه تكسر الجربايه ولا تاخذلك ضعيفه تلبس كعب عالي...

ضحك كال...اسكتي لا اخذج

رفعت حاجب مقابله بكلامه وهو ما انطاني اي اهتمام لان موبايله اتصل وراح بسرعه طلع للحديقه...

اني ركضت لحكته وكفت وره الباب واسمع كلامه هو وصديقه...

ويجاوبه...يگوله اي متوقعتها هيج تاكلني بنظراتها لك كل هل كياته والاناقه وتباوعلي ممصدك...

ورجع ضحك...هههههههاي تحبني لك اني رجال عشائري هاي اذا اخذها لاهلي شنو موقفي انت مشفتها شلون لبسها يخزي وشعرها جنه شربت رمان صابخته احمر طالعه جنها صرصره....

اني تفاجئت شنو حسن وحده تحبه بالجامعة ومن الناس الفايخه والله اذا قبل بيها وتزوجها اسوي مصيبه

اي لعد شنو اني حصره البس شئ ويضل يحجي وهسه جايب النه ام شعفة الحمره...

رجع كمل كلامه كال...اي اي كمل هي دزتك عليه دكلك احب حسن...ههههه خرب يومها شحبت مني اشوو اسمر ومعطب ولوو دمي حلووو...بس بشرفي اله اخليها تغني انه الحبيت ابو سميره علئ اخلاقه هههههه

ضحكت...انهجم بيت اخلاقك السز مصدك نفسه عنده اخلاق

بعدها كال...يالله بلكي تطلع خووش بنيه ويصير النصيب ولوو هي تتنعوص اكلها شسمج تكلي تباووك

وساعتين صافن شنو تباوك ...ثاري الدلوعه اسمها تبارك هعهههههاي

ضحكت هله هله حسوني جايبلنه نعويصه وبس لا يتزوجها ويحطها علئ كلبي علئ ابو يدرسون ونبي ادوس بمصارينه ومصارين تباوك....

دخلت جوه تركته يخابر لوحده بس ضجت اي فعلا باجر يجيب تبارك ويتعيقل عليه بيها...

اذا يريد خلي يولي للبصره هو وتباوك...

ضليت افتر واني لازمه موبايلي خطرت ببالي فكره ضحكت ..

بسرعه سويت حساب علئ الفيس وفعلت الماسنجر كعدت وبيه الرجفه بحثت علئ حساب حسن...

طلعته بسرعه رسلتله اشارة ترحيب وكتبت

بلا زحمه انت ممثل شعبة A بجامعة ال..... انطوني حسابك وكالو راسلي ينطيج الجدول....

واسفه علئ الازعاج...

انتظرته يرد ما رد انتظرت ماكوو بعدها حذفتهن وحذفت الماسنجر ونمت....

يطبه سطعش مرض هو وتباوك شعليه منهم...

...........................

عاطف ضليت فترة طوويله يم رحمه وضاقت نفسي بعد ما تطمنت عليها...

خليت ورجعت للبيت اول مادخلت استقبلتني امي كالت...هااا عاطف ماما شكوو شصار

جاوبته بضيق...شصار وحده من المريضات حاولت الانتحار ونقلتها للمستسفئ وبما ان هي مريضتي ومسؤؤله مني لازم اكون بجانبها...

كالت...هااا وهسه شلونها

جريت نفس وجاوبت...شوويه احسن...يالله اني اترخص...

تركتها وصعدت الغرفتي سبحت وبدلت وهي شويه وجابتلي عشاء اكلت شوويه وبعدت الصينيه

كالت...هاا عاطف مااكلت

تنهدت بصوت...مااشتهي يممه لعبانه نفسي من الشغل والدوام حالات تمر عليه تكرهني بروحي مرات احس نفسي مجرم اليوم بنيه عندي حاولت الانتحار ضاقت بيه الدنيا...

جنت بااوكرانيا مرتاح هسه احس بضيق ساعه اكول اخلي واطلع للخارج بس يستوقفني المرضئ العندي

ام عاطف...كول يالله يممه سبع سنوات وانت بعيد عني ما عولت اشوفك وافرح بجيتك واكول ابنب دكتور تالي تستلم وتروح

عاطف...هو اني لازم ارجع تعرفين خطيبتي تنتظرني واكيد اذا تزوجنه متجي للعراق...

ام عاطف...وتعوفني

عاطف...هههه لا اخذج لاوكرانيا وازوجج اوكراني هناك

ضربتني على جتفي كالت...اسكت يا متستحي مو عيب هل كلام...

ضحكت وهي اخذت الصينيه وراحت...

لزمت موبايلي جان لازم اتصل بنيكولا لان محتاج لشخص احجي وياه...

ضلينه نحجي

كالت...كم انا متشوقه لرؤيتك حبيبي تعال الان الئ غرفتي...

ضحكت كلتلها...وهل انا مارد المصباح حتى اطير من العراق الئ اوكرانيا ؟

جاوبت...لا يا حبيبي تعال بمخيلتك ودعنا نبحر بقارب عشقنا

كتبت...أتيت عزيزتي

اجتني رسالتها كاتبه...اتتخيل انا نائمه علئ صدرك الدافئ

من كتبت هيج تذكرت رحمة ، تاسفت علئ حالها مسكينه مااعرف بدون وعي مني غلقت التليفون واتصلت علئ الطبيب الخاص برحمه ..

طمني عنها انتبهت لنفسي مكنسل نيكول من  ذاتي...لااا. راح تزعل شلون مشكله...حاجيت نفسي بغباء ...ادري عاطف ممصدك نفسك دكتور نسيت حتئ اهلك وخطيبتك..

ضحكت اي اني انسان مجد لازم اهتم بمرضاي...

قررت الصبح اخذ الرحمه شغلات ترفيهيه احتمال تتناسه شوويه ..

بعد نومه عميقه لكن غير مريحه كعدت الصبح...

سبحت وبدلت واخذت جنطتي ونزلت جوه تريكت ويه اهلي

بيبي كالت...حميد شنو رايك اخطبلك بنت بنتي شلون بنيه

كال..منو هاي المخبله خلي يزوجها ابو المخابيل ههههههاي

بيبي ضربته كالت...شبيها مخبله امها ماتت ونقهرت عليها وهسه مثل الورد كولشي مابيه

كلها...لا مااريدها ولا اريد اتزوج

جرت نفس كالت...لو ما عاطف خاطب جا زوجتها اله

همست بصوت ضاحك...الحمد لله

هي خزرتني كالت..شبيها بنبه رحمه من الله شحلاتها واسمها عليها بس انتم تتعيقلون

عاطف .. اجتي على بالي رحمة او بالاحرى هيه مراحت عن بالي ، وقررت ازورها بالمستشفى

لذالك. طلعت بسرعه من البيت

، نزلت للسوك ورحت للمكتبة واشتريت اقلام ملونة وكراسات رسم ...
سقت سيارتي ووصلت للمشفى ورحت لغرفتها
تقربت وسلمت عليها وسألتها ..
شلونج رحمة ..
باوعتلي وكالت زينة ..بس بعصبية. ليشوفها يكول عندها ثار وياي

بصراحة خفت منها تهجم عليه

سمعت صوتها وشفت نظراتها واحتاريت بينهم
عيونها الي تروي حزنها ، لو نبرة صوتها تفضحه اكثر ..

بعدت نظراتي عنها وطلبت من الممرضة تساعدني نطلع بالحديقة ..
جابت الها كرسي متحرك وطلعنه ..
كعدت وانطيتها الالوان وكراسة الرسم ..
اخذت بايد ترجف واسترسلت بالرسم بقيت واكف يمها واتأملها شفتها محترفة بلزمة القلم ..
اباوع لايدها اليسار المجروحة تحاول تلزم الورقة بس متكدر ..

بعدها كملت رسمتها وبقت تباوعلي ..
كتلها رحمة ممكن اشوف الرسمة ؟ وابتسمت ..

بقت متمسكة بيها وترجف ومبرطمة شفايفها والدموع متجمعة بعيونها ..

مديت ايدي وسحبت الورقة بلطف وعيوني بعيونها تتأملها ومبتسم ..

سحبتها وخليتها مقابيل عيوني وانصدم بالرسمة الي رسمتها والي فسرتلي هواي امور ، ايقنت انها وصلتها الهلحال .. ..

نهاية البارت...يتبع

نورا ناصر ، نور سمو العراق

كونوا انتم كونوا بخير...احبكم❤