صدمة الام والاخت لا تقل عن صدمة الاب
الام تبكي وتنوح في الشارع وتقلهم سيبوني وليدي اكيد شويه وبيخشلي وليدي قاعد مافرحش بخطيبته ليه سنه يخطب فيها ويبيها ويقولي عمري مانتجوز غيرها وليدي الغالي يلي يقولي انتي ماتطلبيش الحاجه من حد اطلبيها مني اني ونديرهالك وقتي وين مشيت ي ياوليدي تعالي وفرحني بخشتك اعليا وين مشيت ي ياوحيدي اني من عندي غيرك في الدنيا هادي وين مشيت ي يابكري اهو خطبتلك مش تقولي نبيها يام ونحبها اهو خطبتهالك ياوليدي يلي ماعمرك وجعتني ولا كدرتني لمن بتخليني لمن بنقوله تعالي ارفعني وتعالي جيبلي وديرلي لمن بنشكيله علي اختك لما تلهي بالتليفون وتخلي الحوسه لمن بنقله معاش تحوس الدار تعبت واني نضم من وراك انت غير تعالالي ياوليدي وحوس ودير يلي تبيه بس ماتمشيش وتخليني ماعندي غيرك ااااه ياوليديي ااااااه شن بيصبرني اعليك ياولليدييي واااه ياوليديي 💔وهادي الام وشن بيصبرها اعلي ولدها وحيدها حتي سنوات ماتنساه ولا تصبر اعليه ولاكن في الاخير قدر الله وماشاء فعل 💔
ليلا //
سمر كانت تتصفح في النت وقلبها مقبوض وحايسه في روحها ومتلخبطه "
افف زعما خيره واللهي شغلنييي ياربي اول مره مايردش اعلياااا الوقت هداا كله وقعمزت روان رواااان
روان خشتلها :نعم خيرك تعيطي
سمر: اففف روان مشغوله اعلي مصعب خيره اول مره مايردش اعليااا رنيت اعليه اقريب عشرين مره ونبعتله في مسجات مايردش وتوا قفله مره وحده شن ندير قوليلي راني واللهي بنهبل 😔
روان : ان شاء الله خير غير اسكتي واستني شويه اكيد مافيه الا الخير
سمر : روااااان ارجوووك حسييي بياااا معااش نقدر نستني اكتررر عممره مادارها وتاخرر اعليااا الوقت اهواا كله عمره ماداراها 😔
روان : باهي اسمعيي عندي راي
سمر : شنوو قوليي
روان: مش عندك رقم اخته رني اعليها
سمر : افف لا لا شن بتقول اعلياا ماصدقت خطبناها طول تتصل
روان : هما عارفينكم تبوو بعض من قبل يعني حتي كان اتصلتي هما عارفينه يكلم فيك
سمر : افف بس مهما كان ماتجيش
روان تلفتت بتمشي : اقعدي مله استني علي اعصابك علاش اتكلمي فيا
سمر شدتها مع يدها : وراس روان تعالي كلميها انتي ورااسك
روان سكتت شوي وبعدها :باهي هااتي افف منك
سمر فرحت وبسرعه خدت الفون من ع السرير وحطت ع رقم منار اخت مصعب واتصلت :هاك شدي وافتحي المايك
روان :هاتي اهوا ينادي
سمر : ياربي ردي ردي
....
في حوش مصعب منااار تعيط وتبكي وماتندريش اعلي التليفون والبنات قريباتها بنات العمات والخالات يحوسو ويبكو علي الناس والحوش معبيه
ومعروف عندنا في الزنتان الشخص يلي يموت الناس كلها تجي وتعزي اهله ويوجعهم كانه ولدهم تعرفه والا ماتعرفاشي ويلي زي مصعب الحنيه والطيبه معروف بيهم في شارعهم والكليه وكل من يعرفه الناس كلها وجعهااا 💔
هنادي تحط في طاسات مياه للناس وتبكي : يارووحي اعليه مصعبب وااك يابنات لا توااا مش مصدققههه والله ماامصدقه
نسيبه : حق والله موته صدمه لينا كلنا 💔
هنادي : تليفون منار هدا يرن
نسيبه : باللهي فوتيه مسكينه هيا من بكري كل شوي ادوخ وتبكي حالتها حاله بالتها غير في تليفونات
هنادي : مكتوب سمر بلكي وحده من صحباتها بتعزيها
في زاوية المطبخ كانت تبكي وتشهق بالعبره لما سمعت الاسم نقزت واقفه :هاتييه هناديي انيي بنعطيهولهاا
هنادي تشبحلها : خيرككك ؟؟
سماهر : هاتيه قتلك هاتييه وفكاته منها ومشت
هنادي تشوف لي نسيبه : اسم الله خيرها هادي !!
نسيبه : هيييه لا تكون هادي خطيبته
هنادي : اففف وااك ياريتني ماقمته مره وحده من امكانه
سماهر قربت من منار :منارر حبببتي وتمسح في خشمها ودموعها سمرر تتصل صاحبتك هادي
منار تبكي :ها ه هادي خط ي خطيبته اااه ياوخييي خطيبتك والبنت يلي تمنيتها شن بننقوللها بنقلهاا ماات ولا شن بنقوله ااه ياوخيي يلي قااعد مافرحتش ويلي تقولي اني من عندي غيرك ااه من بيقولي يامشفشفه ومن بيقولللي ديرلي اعشاي اخر الليل وتعيط
سماهر : عادي نرد اعليها مرات ماتعرفش اقل شي نقولها 😔
منار هزتلها براسها وهيا تعيط وتخبط 💔
سماهر بعدت شوي وفتحت الخط وهيا ساكته "
روان : الو كيف حالك منار
سماهر تشهق : اني سماهر بنت عمها
روان تسمع في صوت بكي بعيد : اهلين بيك ياسماهر ممكن تعطيني منار نبيها ضروري
سماهر تشهق وتبعد في التليفون : منار ماتقدرش تكلمك منار ربي يعلم بي حالها
سمر شدت في روان واليد التانيه ع قلبها وتسمع
روان : اخيتيي خيرك شن فيه والله قلبي طاح
سماهر : ان انتي حبيبته انتي سمر حبيبت الغاالي صح
سمر هزتلها براسها
روان : اي اي اني هيا
سماهر تبكي : اااه ياسمر قداش ماتمنينه يحبني ربع الحب يلي يحبهولك اااه ياسمر كنت نقول نيااالك فيه لاكن راااح راااح الغااالي راااح ياسمر رااح مصعب الغاللي وتبكي بصوت عالي
سمر جبدت التليفون : شن فيييه مصعببب قوللي تكلمييي شن فييه حبيبي شن فيييه
سماهر تعيط : مصعبب ماات مااات الغالي ماات ياسمر مااات حبيبك وحبيبي ماات الغالي
روان شهقت بصوت عالي ودموعها نزلو وضغطت ع يد سمر
سمر الكلمه ترن في ودنها مااات ماات ماااات ماات
طيحت التليفون وعيطت بالقواااا : لاااااااااا مصعبب لااااا لاااااا ياربييي الاااا مصعب لاااا ياربي ماتاخده لاااا ياربي الاااااا مصعبب الاا مصعب الااا رويحتي ياربي ماتخده لااااااااا وطاحت اعلي ركابهاا
الام جتهم تجري
سمرر تخبط اعلي وجهاا وتعيط : لااااا الاااا ياربي لاااالااااا
الام :بسم الله خيرها اختك تعيط
روان : مصعب مات ياماما
الام : مصعب من
روان : خطيبها ياماما خيرك
الام كانت تعرف انه يبيها وتوا فهمت انها هيا تبيه كتمت غيضها وتفاهمت الوضع وبدت تبكي وجعها ووجعتها بنتها وتخيلت علاء ولا واحد من اولادها مات قعمزت جنب بنتها وتبكي وتضبط فيها💔
سمر تبعد في امها وتخبط : لااا لاااا مش مصدقه مستحيل يمشب ويخليني هو هو وعدني يق معاي طولل العمرر ومايفرقنا شي يكدبوو صحح يكدبوو ياماما هو مش ح يخليني حتي كان بيموت بياخدني معاه للموت اااه ياربي اعلاااش اعلاااش اعلااش يامااماا اعلاشش يقوليي امتي بنتجوز يقولي امتي بنتجوزو و ناس يقولو حبها ومخلاهاش اعلاش اعلاش اعلاش يارربي تاخدهه منييي اعلااش وتخبط في وجهاا الاا مصعبب ياااربي الاااا مصعبب مانتحمل فراااقه الااا مصعب ياااربي خود روحييي معاااه خودنييي حتييي انيييي ياااربي وخلي مصعبب وييين وووين مشيت وييين مشيت وخليتني مش قلتلي مش ح نمشييي ونخلييك مش قلتلي عمري ما ح نخليييك اهو خلبيتنيي اعلااااش اعلااااش تمششيي وتخلينييي مشش قلتلي بتبدي حلالي واام صغااري مش قلتلي قلبنا وااحد كيف بنعيش انييي من غيركك كييف كييف كيف بنعيش اني بلاك ياروحيي كيييف كيفف اااه ياااقلبي كنت مستني امتيي يوافقوو وتقولي فرحاااان اااه اااه يامصعبب كنت حاسهااا وتقولي حاس روحيي بنموت واني نقوللك بلعاني تبيني نسامحك سامحنييي ياروحييي سامحنيي ياغالييي اااه وااااه محرهااا ناااارك شن بيطفيها نااارك في قلببي اااه وطاحت مغمي اعليها
الام وروان قاموها ويبوخلها في وجهها ويعيطو معاها 💔
ووااه اعلي موتت الحبيب يلي تكسر الظهر واتبكي الدهرر 💔 توجع الروح ومعاها القلب 💔ااه من لوعتها ومن حراراتها 💔 وااه من الدنياا يلي خلتناا وخداته منااا 💔
واول مافاقت سمر كلمت الام الاب انهم ح يمشو يعزو وقالتله ان من الواجب حتي سمر تمشي وهيا حتي بنتهم تعرفها وتقرا معاها والاب رفعهم ومشو الام وسمر وروان
اول ماوصلو ...
سمر تبكييي بالعبره وروان تضغط اعلي يدها
روان : سمر هيا انزلي وصلناا
سمر نزلت ورجليها مش قادره توقف اعليهم وتشوف للخيمه والناس والعياط وهنيي استوعبت انه الخبر حقق وانه مش حللم انه واقع ومصعب فعلااا ماتت
خشت وهيا تمشي بخطوات مهزوزه 💔وروان شادتلها يدها وساندتها اعلي كتفها وتمشي فيها اول ماخشو الناس تشبحلهم هادم مني وخيرهم يبكوو اقااربه يعرفوووه يقربولهمم هادا ماكانو بتسألو اعلليه
سمر جت عينها في عين امه مشتلها تجري واضبطتها بالقويه : ااااه ياااعمتيي اااه مصعبب ياعمتي مصعب خلانااا ومشاا مشييي الغاااالي ومعاد بيرد معااد بيرد رويحتيي الغااالي معاد بيرد اااه اااه
الام : اااه يابنيتي علي وليدي يلي قاعد صغير ماشااف شيي من هالدنيياااا اااه علي ولييدي يلي يقولي اخطبيهالي امتي بنتجوز يام امتي بنفرح زيهم امتي بنفرحك بيااا اااه يابنيتي اعلي ولييدي يلي يقولي مانبي غيرهااا مانبيي غيرهاااا تكون ليااا نبيها هياااا نبيهااا هيااا
وسمر تعيط بااعلي صووت 💔 نااار نااار في صدري ياعمتي حسيتهااا حسيتها موتت الغااللي حسيتها حسيتهااا وكدبت قلبي كدبت قلبي وقلت لاش انكد فيها اعليه نكلم فييه ومايردش نسحابه مشغولل مانسحاب الموتت خداته مانسحابه معاد بيرجعلي وبيمشي ويخليني ااه ياريتني كنت امعاه ومتت امعاه لمن خلاني بعدهه لمن بنقعد اني لي غير مصعب لمن بنقعد
والناااس تشوفلهم وقلوبهم بيتقطعو اعليهم ويسمعو ويبكو معاهم 💔
روان تضبط في مناار ويبكووو بحره وكسرة قلللب يبكوو اعليهم يلي ماعندهم حظ في الدنيا هادي يلي كيف كان بيوصلو البعض وبيكونو لي بعض الدنيا والقدر فرقهم فرقهمم وخداته الموت ولوعت اقلوبهم اعليه 💔
وفاتت شهرر وسمر لا تاكل لا تشرب عايشه بس بالتغديه حتي المستشفي قتلهم طلعوني منه نبي نموت ونمشي للغاالي مانبيش نعيش من غيره شن ندير بالحياه بعده 💔
وفاتت الايام وبعد ستة شهور رجعت سمر لقرايتها ولاكن مارجعتش لحياتها وكانت عايشه علي ذكرياتهم ومسجاتهم وتسجيلات المكالمات والسنسله زي ماوعداته محولتهاش من رقبتهااا وعطت وعد ليه ولي نفسها انها عمرها ما ح تحب غيره وانه مات وهو في قلبها وح يقعد هالقلب مسكر اعليه واعلي روحه ومش ح ينفتح ولا ح يدق لشخص بعده 💔
وهكي تكونو فهمتو قصة سمر ومصعب الله يرحمه 💔وعرفتو كيف كانت سمر عايشه وكيف كانت حياتها وكيف علاقتها وكيف كانت نهايتها استنوني في الحلقه الجايه عشان نكمل من ووين ماوقف قبل ماسمر ترجع بذاكرتها لي هاليوم 💔
ماتنسوش تتفاعلو علي الحلقه لو القيت تفاعل بكرا انزل يلي بعدها طول
..........يتبع