العودة الى الواقع
بعدما غسلوا ايسون و حمزة الدنيا و نقاوها .. بان ليهم مالك خارج و جار معاه ليفاليز
مالك: يالله غادي نمشيو ؟؟ حمزة سير جيب باليزتك
حمزة بفرح : متقولش ليا غادي نمشيو للمغرب ناري ممتيقش و اخيرا غادي نشوف دادة عائشة
مالك كيحك راسو بتعب :غادي تمشي راه معنديش النهار كلو نتسنا فيك
و هما في غمار نقاشهم ايسون بقات كتفكر فين هي غادي تمشي و شنو غادي دير ميمكنش ليها تبقى هنا حيتاش مالك غادي يمشي و شنو غادي دير في هذ الغابة بوحدها قلبات عينيها كتشوف في السماء بانت ليها مغيمة و كتنقط بحال قلبها طاح عليها الضيم و هي كتفكر شنو دير في هذ الوحلة
مالك : غادي تجمع حوايجك و لا غادي نوريك اش كتسوى داير بحال شي راديو مكتقداش دودودودو
حمزة مشا كينقز فرحان حيتاش غادي يمشيو للمكان مهم عندهم .. ( من بعد تعرفوه 😊)
جمعوا حوايجهم و سالاو و ايسون طايح عليها الضيم ... خرج حمزة مع مالك اللي طول الوقت شاد تيليفون و ملامحو كتوحي بالانزعاج حتى كيشوف شي غارد مشا للعندو كيهضر معاه ... ايسون قررات تخرج من عندو بكرامتها بلا ما يجري عليها ... مشات كتمشى و معارفاش رجليها فين يديوها هي معارفاش حتى فين هي و شكون هي غار تموت و تهنا حسن ليها ... كتمشى و قطرات المطر كيطيحو عليها و مكرهاتش حتا دموعها يطيحو معاها عمرات حالتها كلها بالماء حتى كتحس بشي حاجة شدات ايديها ... ضورات راسها بان ليها مالك عامر حتى هو بالماء و كلو كيترعد و عروق ايديه بارزين و عينيه حمرين كي العافية ...
مالك كيغوت : فين مشيتي؟ واش تسطيتي؟ خليتيني غادي نحماق بالتقلاب عليك
ايسون بدات كتبكي تفرغعات كلشي تجمع عليها : علاش غادي نمشي معاك ؟؟ وانا ماعندي حتى مستقبل و الاهم معارفا حتى الماضي ديالي كي داير علاااش ؟؟؟
مالك :انا مكتهمني حتى حاجة ( جرها حتا لصق صدرها مع صدرو ) كيهمني غار نتي فهمتي ( تحنى للعند وجهها و هو كيهضر اما هي قلبها بغا يخرج بكثرة مكتحس بيه كيدق ) كنبغيك سحرتيني ببراأتك نتي اول وحدة متهتمش بيا و ميهمهاش فلوسي و مكانتي تحديتيني .. و اسرتيني سحرتيني بعينيك اللي لونهم بالنسبة ليا كثر من هذ الغابة اللي حنا فيها كنبغيك عرفتي لا غار لا قاسك شي واحد كنحس بقلبي كيشعل مكيهمنيش واش كتبغيني و لا لا كلما كيهمني تكوني معايا نفيق على وجهك نشم ريحتك نستمتع بضحكتك اللي بالنسبة ليا جنة و فردوس كنعشقك امشيشتي كنعشقك كيفما دخلتي في حياتي كتسلتي بحال شي مشة
كتشوف فيه و يشوف فيها و عيونوا عامرة حب و عشق شكون قال اوغن يبغي و يحب بهذ الشكل اما هي كتشوف فيه بنضرات تائهة معرفاش حتى شكون هي و فين هي و الاهظ تزاد عليها حتى مالك اللي معرفاش واش كتبغيه ولا لا تالفة و تلفا كبيرة
مالك جرها من ايديها و هي مكتفية بالصمت حتى طلعوا للطيارة و هما طول المدة ملتازمين بالصمت
وصلوا المغرب بعد مدة سفر مدتها 6 سوايع .. حطات الطائرة الخاصة في مطار المنارة و هي تجيها ايسون البرد حتى للقات مالك ماد ليها معطف
مالك :هاكي خودي راه محرك البرد
حركات ايسون راسها بالايجاب و تمات نازلة من الدروج و في نفس الوقت حاسة بالراحة جاتها هاذ الريحة
مغريباش عليها بحالة فايت شامها فشي بلاصة ... تمات جاية احد المضيفات كطير للعند مالك و هي الفرحة بغات تاكل منها
المضيفة عينيها بحال القلوبة : ( الحوار بالدارجة ) سي مالك الغرف وجدناهم ليك كيفما طلبتي
مالك بلا ما يشوف فيها مشا حتى كينقز عليه حمزة
حمزة :يالله انا بغيت نمشي عند دادا عائشة و الله حتى توحشتها
مالك :راه صيفطت الشيفور يجيبها
كانت ايسون تابعاهم مصدومة حيتاش قدرات تفهم للغتهم و قدرات تفهم الدارجة عاد هاذ الجو مغريبش عليها .... ركبات ايسون حدا مالك و هي طول المدة ملتزمة بالصمت كتحاول تفكر شي حاجة و لكن راسها كيضرها ... في حين حمزة شاد التيلي كيلعب ب بابجي و اما مالك شاد تيلي كيقاد شي امور في الخدمة ... وقفات الطموبيل في احد الفنادق ... و هما ينزلوا بالثلات بيهم
مالك بالانجليزية : حمزة ايسون سيرو راه غرفكم واجدين اوكي انا عندي شي خدمة خاص نقديها ضروري
مشا مالك و ايسون بقات متبعة ليه العين حتى قاطعها حمزة
حمزة :شفتك سكتي ضربتي الطم ضربة وحدة
ايسون : ايه سوقي هذاك ديها شوية في سوق راسك ( قلبات ملامحها للجدية ) حمزة قوليا حنا فين ؟؟
حمزة :المغرب و بالضبط في مراكش عاصمة السياحة ❤ ( ديما كوكب 😂😂😂 )
ايسون :و شكون دادا عائشة ؟؟
حمزة بغا يرض ليها الصرف :تعلمي دخلي شوية سوق راسك
جاو العمال اللي داو كل واحد فيهم الغرفهم ... ايسون كي دخلات للغرفتها
الغرفة ⤵️⤵️
تلاحت على الناموسية و هي تغمض عينيها و راسها بدا كيضرها و مع ذلك بدات كتفكر كثر و كلما كتفكر راسها كيضرها حتى تفكرات شي حاجة و لكن كلها مضببة
..... : غيتى لبسي دغيا اهياتا راه بينا نمشيو للمنارة مول
..... :هاني لبست غير يالله ما بيتي غاع تخلينا في راحتنا فيك الدودة الله يحفظ
تفكرات هادشي و بدا ايسون راسها كيضرها و هي تشد عليه و بدات كتغوت و الحريق عاد ما تزاد و هي كتركل حتى سخفات و هي كلها عرق