رحمة عاطف

البارت الثاني

البارت الثاني
الكاتبه..نورا ناصر..وسمو العراق
رواية...رحمة عاطف

💔💔💔💔💔💔💔

تركوني هنا لوحدي مذبوحة الفؤاد تأسفت علئ نفسي ليش هيج اني حضي سئ ليش الكل يركص علئ حبال جروحي ...

اني محتاجه سند وجيش يقاتل لخاطري تعبانه ومهضومه ابوويه وين؟ ليش ركض وره مغريات الحياة وتركني؟؟ ليش غرته شابه بمقتبل عمرها وترك بنته وعرضه من لحمه ودمه....؟؟

اخذني الممرضات واني بحاله يرثئ الها دخلني للطابور الموجود بي المريضات ...

اني كأي انسانه طبيعيه صارت عندي ردة فعل من شفت شلون حالتهن مستعصيه وهنه علئ السرير وشعرهن محلوق للصفر ويصيحن وحده تضرب برأسها...

صرخت بجززع وخووف وحضنت الممرضه حيييل بس هي دفعتني كالت...اااخ شبيج ؟

بجيت بتوسل وبست ايدها...الله يخليج طلعيني مااريد اضل هنا مااريدددد اريد ابووويه طلعووني

المريضات من شافني وكفن علئ حيلهن وتقدمن مني  واني رجعت خطوات كبييره مرعووبه منهن...

حسيت نفسي داخله فلم رعب او اشبه باافلام مصاصي الدماء...

ادركت اليأس سيطر عليه وفاض الخوف بداخلي صرخت صراخ هز اركان المصح هز وكل وحده تتقرب مني اصرخ اكثر...

رجعت باوعت باارجاء الغرفه وتمعنت بكل الوجوه رجعت خطوات كبيره ، فتحت عيوني على اوسعها مصدومة من هول المنظر ..

باوعت بتشتت بسبب الدموع الي تنهمر من عيوني تقلص عندي الرؤية ..
شفت مره كبيره سمينه وصلعه وتضحك بهستريه وبدون توقف ..

والثانيه هماتين صلعه ولازمه المخده وتلولي عليها ...

والثالثه حالتها اسوء والرابعه والخامسه وكلهن بدون شعر ووجوهن شاحبه وعيونهن محوره وشفايفهن بييض وملابسهن عراض

وحده وكفت يمي صرخت بوجهي صرخة هزت اعماقي وتملكني الرعب والخوف  ، سديت اذني واغمضت عيوني ، واسمعها تضحك بهستيريا قريبة منه ومتكدر ايدية الي على اذني تحجب صوتها عن اسماعي ..

بعدت ايديه عن اذني وجهت نظري للباب والدموع تنزل من عيوني مثل المطر وقلبي ودقاته العنيفة تضرب على اضلاعي يكاد يخترقها ..

ركضت للباب وصرت اضرب عليها باثنين ايديه واصرخ باعلى صوت تكدر تطلقه حنجرتي ..
_ طلعوني لااا مااابقى ماابقى هنا اريد اهلي ماما ماما وينج بابا ليش عفتني تعااال .......

اندفرت الباب واجن ثنين ممرضات تقربن مني رادن يلزمني بس ما كدرن كانت حالتي الهستريه اقوئ منهن...

وحده منهن صاحت بصوت عالي غاضب...صيحي الدكتور يشوف هل بلوه شلون بيها خبصتنه خبص ولا دكول خبله عبالك جايبيها لدار الايتام...

ركضت الممرضه الثانيه بسرعه واختفت عن الأنظار

واني كنت لازمه بباب الغرفه واريد اطلع منها اهرب وانهزم واتلاشى،   احس روحي داخله النار جهنم كان احساسي مثل طفله انسرقت من امها ومعانده اله ترجع لاحضانها....

وحده منهن سطرتني راشدي لان خرمشتها حيل باايدها...

من ضربتني وكعت علئ طرف السرير حسيت دخت من الضربه ولعبت نفسي...

لزمت راسي وباوعت لاصابعي كان الدم مغطيهن من شفت الدم انرعبت صرررخت بصووت عالي وضليت ارافس برجليه مثل المنتوله....

شوويه ودخل الدكتور باوعت عليه مااعرف ليش جان اكو حقد بداخلي لهذا الانسان يمكن لان راح يكتشفني او يدور حقائق عن اسراري...

اني لازم احاربه ولازم اشد حيلي واخلي يجزع مني يا اما يجرم بيه وينقلني العالم الاموات يا اما يطلعني من هل مصح الغضب...

جان مركز بنظراته الحاده عليه وملامحه جامده ماتدل علئ شئ بس هو غريب وكأن شئ يدور براسه

وكفت وحطيت اديه علئ خصري وتكلمت بتهجم ...شوووف انت هي مو جاي تطبق الطب البيطري براسي طلعني منا لا والله اخليك تكره نفسك وتنتحر....

ابتسم ابتسامه هادئه كال...اوك اني قابلت هووايه مرضئ بااطوار متناقضه ومزاجيات غريبه ودائما احاول الاقي حل منطقي وهل حلول الاقيها بعيون مرضاي...عيونج بيها سطور ولازم اقراهن...

رفعت عيوني للسكف واني ادعي الجنون واتقمص الحاله الجنونيه صغرت عيوني وضليت احاول احل ألغاز كلامه شنو يقصد...

هو دكتور واني انسانه مريضه مااعرف شيدور براسه بس هو يعرف...

بس مستحيل يكتشفني هجمت عليه بعصبيه وجنون مفرط واني اصيح واغلط ...انعل ابوكم يا ابو الخلفكم طلعوني منا طلعووني...

حاول يلزمني بس جنت افلت من ايده مثل السمچه المتزوهره نبتت اضافري بيده حييييل وهو كردة فعل لزمني من عنقي من وره حركه مؤلمه جدا

حسيت حفقد وعيي اشر للممرضه وحضرت اله الابره من شفت الابره هجمت بضعف وضليت اضرب بي بعشوائية مفرطه بس همه حقراء لزموني الممرضات وهو ضربني الابره...

مرة تقريبا خمس دقايق واني افتر بارجاء الغرفه بدوخه

لازم اسيطر علئ نفسي واتقدم بجهد لمبتغاي لان بغلطه وحده راح انفضح واسقط أرضا

وفعلا وكعت علئ الارض ومااعرف بعد شصار...

عاطف .... من وكعت غمضت عيوني ورجعت بذاكرتي لليوم الي اجيت بي للمستشفئ جانت صدمتي مثلا رحمه

استرجعت الموقف

نزلت من السياره وويايه اثنين مساعدين اطباء
باوعت للمصح مجان يدل على المستشفى مجرد مكان مطوق بالحرس .....

سلمت على الحرس وسلمتهم الهوية ، دخلنه داخل المصح ، الجو حلوو ومشرق والمكان واسع وتحيطه الاشجار من جميع الجهات لكن شكله مخيف ..

استقبلتنا ممرضه واثنين مسؤؤلات دخلتنه داخل صالة الطعام الي هيه عبارة عن كافتيريا تحيط بيها الكراسي والطاولات ووجود بلازمه بالوسط ..

بعدها سمعت صوت كعب يطك التفتت ادور الصوت منين جاي ، درت وجهي شفت بنيه يجي عمرها بالعشرين لابسه تنوره وقميص ولابسه الصدريه البيضه...

ابتسمت كالت ؛ هلا دكتور اني سفانة الممرضه هنا اذا تريد اشوفك غرف المرضى

جاوبتها بإبتسامة ؛ اهلا وسهلا بيج اي اكييد اريد اشوف غرف المرضى واتعرف عليهم ..

كمت من مكاني وتبعناهه اني والاطباء المساعدين
بعدنا دنتجول وانصدمت من شفت داخل المستشفى شي مقرف سرحت بخيالي خذ الحكمة من افواه المجانين والله هالكلمه تفتت الحجر ، بيها حكم ومواعض ما تنتهي ، بس للاسف محد ماخذ الموضوع بعين الاعتبار ..

ضلت تحجي وتشرح احس تنفسي ضاق من المستشفى اكثر المجنونات مزينين شعرهم للصفر  والصراخ والعياط والاهتزازات بجسمهن مستمرة ..

كتلها ؛ ليش هيج شعرهم محلوق؟

كالت ؛ امر من وزارة الصحه للنظافه وسلامة شعرهم من الحشرات والامراض المعديه

استغربت جاوبتها ؛ معقوله بس هيج حتتعب نفسيتهم اكثر تاج المرأه شعرها هذا مصح لو سجن؟

رفعت اكتافها بمعنى مااعرف
وكالت...والله دكتور مابيدنه حيله واكوو مجنونات وحشيات فيحبسوهم بغرفه خاصه معاقبه الهن ..

فتحت عيوني مصدووم...شنوووو هي مجنونه على شنو تتعاقب؟

جاوبت...يخافون من احداث الشغب واكو مجنونات وحشيات ويضربن المجنونات الفقيرات ...

...  اوووه هي من كل عقلها مشمع وضارب حجيت بقلبي ...
وكتلها ؛  ان شاء اللة احاول اعدل بالمستشفى 

سفانة...ان شاء اللة

ابتسمت بمرح...ماعرفتك عن نفسي،اني سفانا مخلصه كليه تمريض وهسه تعينت صار 3 اشهر وعمري 23 سنه..

عاطف..اتشرفت بمعرفتج اني دكتور عاطف جنت ادرس باوكرانيا وصار ست اشهر من اجيت للعراق دكتور بالامراض النفسيه  وقدمت هنا وطلع تعييني...

رجعت كلتلها...سفانة وين باقي الممرضات والمسؤؤلات؟؟

سفانة...والله دكتور المستشفى مو بس هذا القسم بي اقسام هواي ومقسمينه الدار الزهور ودار الولاء وبعد دور هسه يجن وشفت ذن الكاعدات ياكلن فضيله وسهير هذن مسؤؤلات

استغربت كتلها مسؤؤلات عبالي مجنونات!

ضحكت وكالت ؛ والله المجنونات احسن منهن فد خبيثات ومجرمات ..

عقدت حواجبي مستغرب بس بما ان اني دكتور نفساني حبيت استغل سفانه الصالحي
كلتلها..سفانا راح اعتبرج ايدي اليمين

ضحكت..كالت ادلل دكتور

خلص الدوام وطلعت من المستشفى واصوات المريضات يرن باذني واشكالهن مرعبه وجوهن صفررر وشعرهن محلوق وعيونهن محوره حسيت باانقلاب بمعدتي تنهدت ورحت واني ناوي ابدي يوم جديد ...

بعد ما رجعت من ذاكرتي اشرت للممرضات ينقلون المريضه لحد غرف المرضئ

ورجعت لمكتبي مرة ساعه وانتهئ دوامي

رجعت للبيت وكبل صعدت لغرفتي وقت ضهر وماكو احد الكل بغرفهم ..

اخذت ملابس وخاولي ورحت سبحت وطلعت تمددت على السرير واخذت موبايلي ، فتحته شفت مسجات من خطيبتي الاوكرانية نيكول ..

احنا مخطوبين من سنة تقريبا ، بعد علاقة حب استمرت اشهر ارتبطنا ..

نيكول شعرها احمر وبشرتها بيضة كلش وعيونها دمج بين اللون الرصاصي والازرق وعدها نمش خفيف على خدودها ، لطيفة ومرحة ودمها خفيف انجذبت الها ...

فتحت المسج شفتها كاتبة باللغة الانكليزية
_ لقد اشتقتُ اليك ....

رديت عليها ؛ وانا ايضا كيف حالكِ؟

تركت التليفون ع الميز ورحت انشف شعري بالخاولي
سمعت صوت يعلن عن وصول رسالة ..
علكت الخاولي بالزاوية ، اخذت موبايلي وتمددت واحس جسدي منهك ..

فتحت الرسالة الي وصلتني من نيكول ...
_ انا بخير علينا تحديد موعد زفافنا متى ستعود الى كييف ( كييف عاصمة اوكرانيا)

_ حبيبتي نيكول لقد حصلت على عمل هنا في بغداد مؤخرا علينا تأجيل فكرة الزواج  لاحقا لا استطيع العودة في الوقت الراهن الى كييف بسسب العمل ..

جاوبت بسرعه...كم انا متشوقه لرؤيتك ...اخبرني كيف حال العمل في وطنك

ابتسمت ورديت عليها...انه عمل جيد لكن متعب بعض الشئ..نيكولا اني أيضا متشوق لرؤية عينيكي

نيكول...كلي لك my baby l love you

كتبت...l love you too

ضليت احجي وياها  وهي فتحت كاميرا واستعرضت قوامها الجميل الي نساني همي وهم المستشفئ كنت كأي شاب منجذب لانوثتها وطغيانها الرائع

بقيت اسولف ويا نيكول  وشفتها مضاجت من فكرة تأجيل الزواج لان تفهمت وهي اصلا متفهمة ..

دقايق وفاتت عليه بيبي كمت بستها على راسها وكعدت بصفي على طرف ..وغلقت الموبايل بدون ماارد علئ نيكول اعرف راح تزعل بس ترضئ لوحدها...

بحنية كالت ؛ شلونه اول يوم دوامك ان شاءالله ماكو تعب عليك ..

جاوبتها واني احجيلها كل تفاصيل يومي والي شفته وحجيت الها الي شفته ..

خلت ايديها بحضنها وظلت تعصر بيهم ..
كالت بنبرة بيها حزن ؛ اريد احجيلك على بنت خالتك الله يرحمها هم هيج حالتها ومو صاحية وكم مرة اروح تطردني مرة ابوها وارجع خايبة ..

بتساؤل ؛ هيه شبيها بالضبط ؟

_ والله يا ابني مااعرف شنو بيها مانعيني من شوفتها بس انتَ تكدر تخليها بالمستشفى يمك وبرعايتك  وتعالجها وتوصي عليها الممرضات   ...

_ لازم اشوف حالتها حتى اشخصها  ..

الحجيه كالت...ان شاء لله اروح الهم واحاول اجيبها منهم ولوو ابوها ميقبل يكول مااريد تضل عدكم انتم عدكم ولد

جاوبتها بااستنكار...وشنو راح ناكلها واذا اجت يمنه ولو هي عند ابوها افضل

الحجيه...لا مو افضل ما تعرف بت بنتي ششافت منهم حتئ صارت هيج جانت ورده متفتحه بوجود امها هي امها ماتت وتخبلت البنيه

عاطف...مدام ما بيها شئ من الطفوله او عاهه طفوليه فأكيد حاله نفسيه وتتعالج جيبيها اشخصها وانطيها علاج والراحه اهم شئ ترتاح نفسيتها وترجع احسن من قبل

الحجيه...اي ان شاء لله اروح الهم

عاطف...ان شاء الله

الحجيه..يالله يممه انه اترخص اخذ راحتك لو تريد اصبلك غده

جاوبتها بسرعه...لا لا اريد انام تعبان...

جاوبت...نوم العوافي يالله نام

طلعت من غرفتي واني رجعت لزمت الموبايل اتصلت على نيكول لكن ماردت رغم هي فاتحه نت...

ابتسمت عليها زعلت حقها اوكرانيا واني ما منطيها حقها...والغرب عاداتهم تختلف ميحبون يكونون مكالمه فائته....

بعدها لفيت راسي ونمت وان شاء لله غير يوم نتراضه

..........................................

سفانا جنت كاعده عند هاي البنيه خطيه مسكينه حييل حتئ صخنت من البجي

اريد اروح البيته بس الدكتور رفض لازم اضل يمها

باوعت عليها شفايفها حمر وصغار وعيونها محوره بس شكلها حلوو

ردت اخذ خفر وانام يمها بس وين حضي مصخم جنت مرتاحه قبل وعايشه بوسط بيبي وجدووو

جدووو حيييل يحبني وبيبي هماتين بس دخل علينه داعشي من البصره خررب حياتنا

تردون تعرفون منو هذا الداعشي ابن عمي حسن فد مكروه شايب راح يطك بال35 وجاي هنا يدرس بجامعه اهليه داخل قسم عربي

من اجه لحد الان وهو متحكم بيه حيييل وحرمني من كوولشي وهماتين مقبل اتعين بالمستشفئ بس جدوو وكف بوجهه وخلاني اتعييين

بيبي حيييل تحبه واكفه بصفه وتدافع اله واني جدوو مشكل ويايه حزب ضدهم

اتوسل بي اخذ خفاره ميقبل يكولون مااثق بالنسوان علئ اساس احنه نثق بيكم يكوول ذاك اليوم بنيه عمرها 12 سنه بالفيس دخلتلي تحجيلي بالحب والخيانه واني من جنت بعمرها عبالي ابووي يجيب والولد وامي تجيب البنات

ضحكني بصراحه رغم مااطيقه

فد واحد هتلي ومسقط ومخلصها هاي تحبني وذيج تموت عليه واني احلف عليه. بثنعش معصوم هو محد مقلده اله

بس ما شاء الله عنده ثقه بنفسه لا محل لها من الاعراب بحيث من يوصف نفسه دكولون توم كروز مو حسن المفحم...بحيث يصفن علئ المرايه ويكول معقوله اني من نفس عشيرتكم والله مجاي اصدك احس روحي تركي اسباني الماني

واني ارد وراه صومالي سوداني افريقي بنكلادشي ههههههه

ويرجع يباوعلي يكولي...ذوله منو اخوانج

اجاوبه...لا ولد عمي

يجاوب...فعلا كلكم تخوفون بس حسوني مخلوق من خوخ...يقصد نفسه

يالله شكد يمدح بنفسه ويفتخر بيها ...

وبي طبيعه منو يشوفها يحبها بحيث ذاك اليوم صاحب بنت جيرانه سمينه اسمها ملاك  وزنها 110

وبيبي تعاركت ويه كلتلها مالكيت غير ملاك الهايشه تحبها

يكولها..شسوي عود ردت مرة تملي عيني تالي ملاك مو ملتها فگستها

بيومها ضحكت عليه ودعيت يتزوج هو ملاك ويخلصنه من شره....

شفت البنيه كعدت تقربت منها هي لمت نفسها خايفه مني

كتلها ببتسامه حلووه...اهدئ حبيبتي اني الممرضه سفانا مسؤؤله عن علاجج ثقي بيه ولا تخافين اوك عمري

باوعت عليه مثل الطفله المذبوحه كالت طلعيني منا

حسستني هي كاعده بسجن بس والله السجن ارحم

حبيت اطمنها..كتلها لا تخافين انطلعج الدكتور احاجي واخلي يطلعج بس اليوم ضلي هنا وباجر روحي اوك عمري

كالت بطفوله وعبره مخنوگه...لاااا هسه اريد اطلع

تنهدت ببتسامه...كتلها شسمج؟

كالت...اسمي رحمه

كتلها...عاشت الاسامي واني سفانا

سكتت محجت وفتحت شعرها ولمته تفاجئت بجمال شعرها طووويل ولونه ذهبي حلووو منطيها رونق جذاب...

كتلها بمرح...شنوو هل شعر الحلووو

عضت شفتها وبجت بصوووت عالي انقهرت عليها حييييل وكفت يمها وحضنتها كتلها حبيبتي لا تخافين اني يمج

كالت..تنامين هنااا اليوم

سكتت وبعدها كملت كتلها حبيبتي مااكدر لازم ارجع للبيت مو هذا ابن عمي ميقبل مرات اضل هنا من يولي لاهله

كالت...وشوكت يولي

جاوبتها...ان شاء لله ادعيلي بلكي حادث بالطريق ويخلي مقعد ونفتك منه

ابتسمت بهدوء ونزلت راسها...

ضحكت يربي صايره مخبله اني ادعي علئ ابن عمي بس ونبي يجلط وغير منطقي

رجعت انطيتها علاجها وشويه ونامت...

طلعت من سور المستشفئ وخابرت الدكتور طمنته عنها وبعدها طلعت للبيت...

ركبت فورتات عيني حسن ميقبل اجي بتكسي يكول مو راحه استغفر لله واخابره ميقبل يجي ياخذني يكول ويه اصدقاءة

المهم بطلاع الروح وصلت للبيت فتحت الباب ودخلت لكيت البيت فارغ...

كلهم نايمين

بس حسن نايم علئ القنفه ويباوع علئ فلم روماني ومطفي الضوء ومسوي جوو...

من شافني رفع راسه كال...شرفتي بعد وكت

جاوبته...اسكت اسكت والله طلعت ارجل منك كاعد هنا بدون شغل واني اكد واتعب يا حيف شواربك زينهن...

كال بخبث...زينتهن من زمان وهمزين تعرفين نفسج مابيج انوثه ومسترجله رحم لله امرء عرف قدر نفسه

تعصبت حييل تمنيت اركعه بالجنطه علئ راسه واكسر شيشه العطر بيها حرامات رحمه بالمستشفئ وهذا الصخل نايم هنا...

عفته ورحت وهو يكول صبيلي زقنبوت حللي لكمتج وخلي نحس بيج انثئ

انوب مسمينها سيفونه امداج امده لسماج اسمج يجيب الجالي ويروحه لان نطك السيفونه ونشرب ببسي ههههههههاي

هي خالتي سمتني وهو دوم يسب بيه عاا متت منه محد تريده تتبناه ببلاش بدون فلوس

صعدت الغرفتي سبحت ولفيت راسي ونمت واني اكول تاكل سم ان شاء لله

وغطيت بنومه عميقه باجر ورايه دوام ولازم اثبت للدكتور اني شاطره حتئ ماانطرد

........................

رحمة كعدت الصبح لحد الان سفانة والدكتور مااجوو

اجت الممرضة سهير وطلعتني  خارج الغرفه ونقلتني  لغرفة المرضى ..

بعد شوية اجت وبيدها  الريوك القيت عليه نظرة بطرف عيني وبدون شهية
شفته  بيضه سلك وصمونه وكوب حليب ...

درت وجهي ومااكلت ...

ظليت اتلفت بخوف ومرعوبة والفزع وصل لاعماقي  من المريضات وكل شوويه تكمز وحدة منهن تخوفني
وحالتهن مرعبه .. 

بلحظة كامت  وحدة منهن وسحبتني بقوة من زندي فرتني الغرفة كلها وهي لازمتني حسيت بدار اثناء ما هيه تفر بيه ..

صرخت لااااااا وووووخري يممممه شتردين مني؟

المريضه...ولج كوومي اليوم عرسج خلي امكيجج

رحمممه...لااااا عوووفيني

سحبتني حييل ودفعتني ع الكاع كعدت ومددت رجلية جتي خلت ايديه على صدري ونومتني  وصعدت فوكاي ...

بيدها قلم حمره مخلص طلعت منه شوية خلت على  خدودي لزمته وظلت تدوس حيل بي على بشرتي  ورجعت خلت على  شفايفي وداسته حيل حتى دخل بحلكي انقسم منه نص ووصل للساني  وبين اسناني...

خنكت حتى نفسي وهي كاعدة على بطني واني ابجي واصرخ ولا مجيب لصرخاتي ....

كومتني  نزعتني حجابي ولبستنب شال ابيض سوته مثل البرگع ونزلته على وجهي ...

تجمعن المريضات وكامن من مكاناتهن  وضلن يدگن ويرگصن ويهلهلن گلوووووش

وولافتي الي مكيجتني لازمتني ومقيدتني
وكاعدة  ، شكد حاولت ادفع بيها وانهزم مكدرت اقوة مني ...

ظليت اشهك من جوة البركع واباوع الهن ، شفت وحده من المجنونات باوعت عليه ...

هيه لحظة وركضت باتجاهي وهجمت عليه ، شمرتني على السرير وخنكتني قوي ..

وتعيط بوجهي ؛  كلللللللللبه حققققققيره ليييييش تزوجتتتي هذااا زوووووجي جيييبي اطلكي منه

المجنونات...شبيج بشرئ شبيج؟

بشرئ..باگت رجلي باگته خماطت الزلم اخذت رجلي مني

خلينه نكتلها

المريضات ماصدكن خبر

لاااا ياحقيييره تبوگين رجل بشرئ

هجمن عليه كلهن باافتراااااس

وهنه يضربن بيه بعنف وكطعن شعري ويرفسن بيه
شمرني من فوك السرير ليجوة وسحلني سحل داخل المصح

وسهير تسمع وممهتمة ..

نهاية البارت...يتبع...

كونوا انتم كونوا بخير...انحبكم...

نورا وسمسمه 💔

لا تنسو التصويت بكم نكتمل