بقلمي
الكاتبه غدير الحيدري
.....
مساء الخير❤
شلونكم؟
....
وما كانت حياتي سوى لحظات
انتزعها على هيئة الم
ارتشفها كجرعة دم
قد تصدأت بفم حر
رفض ان يلقيها خارجا
كي لا يظهر ضعفه
انا من اسقطت الايام سقفه
رجفت كثيرا وقلبي قد مات!
من كان يسمع رجفه؟
اسسس
دعو احلامنا المدفونه تنام بسلام..
...
سه لار
لحظات اشعلت روحي ندم
لحظات احاطتني الايام بالدم
وصرت اشوف احلامي تغادر امامي
بنظرة صدمه!
مو كل سكوت يعني رضا
ولا كل صمت يعني هدوء
مرات الهدوء يسبق العاصفه صح؟
كنت اباوع بعيونهم
وشفت حلمي المقتول
بهمجية انسان رجعي
لطالما اوهمني بالعادات والتقاليد
لحظات بسيطه
تفصل بين الكذب عن الحقيقه
عمر يرتجف
ويباوع للارض
اشر وبعيونه الف سؤال
عمر:شنووو يعنيي هذا
تدخلت خاله ووكفت كدام نمر
صارت تصرخ وتبجي
زينه:هو حبها وماكان صاحي من سوا هيج خلونا نلملم السالفه مااريد الشيخ يسمع مااريد بنت اختي تنفضح كافيي عفيه هو رايدها ويتزوجهااا
صاح عمر
عمر:مفهمت نمر لعب بعرضي والمطلوب مني اسكت والملم السالفه!!
خاله صارت تصرخ وتلطم
زينه :ولكم بس اكعدوا نتفاهم لتفضحون البنيه السبب مني انيي ماعبالي الشيطان يدخل براس ابني
علي:لك نمرررر انت ابن الشيييخ شلون هيج تسوي
لحظات
ومااشوف غير عمر صار فوك نمر
وبوكسات
وكعت بالكاع صرت كوه اجر النفس
اجت يمي موده مصدومه
جىني خالو وصار يضرب بيه
وخاله تلطم
علي:ولللج ما نمت الليل من ورااااج وطلعتج من المستشفى تاليهه نزلتي راااسنه كاان احترمتي امج اللي بالكبوووور
ماكان عندي رد بس ابجي
عمر قفل باب البيت
واجه جرني للمطبخ سحل
جر السكينه يريد يقتلني
دقائق مميته
صياح وانعلك البيت
رفع عمر السكين
ومااشوف غير نمر صار فوكاي
ودفعه
وصارو يتضاربون ثنينهم
خاله جرتني
وشمرتني ع موده
وراحت تركض ع نمر
صارت تحاجز بيه
نمر صاح
واباوع الدم بالكاع
زادت رجفتي
وكلبي احسه يريد يوكف
عمر ضرب نمر بسكين
بس طاحت بكتفه
خاله تلطم وتجر بخالو علي
والامه انكلبت
خالو علي لزم عمر
ونمر رجه ظهره بالحايط
لازم كتفه وشفته تذب دم
خاله تلطم
زينه:ولك يمه نمررر شصار بيييك يمه جرحك يذب دم كووم اخذك للمستشفى
عمر:والله اقتله لهالعاااار خالو هدنيييي
صاح خالو
علي:محدد يتحرررك تبقون ع هاي الكعده راح اخابر الشيخ ابن الشيوووخ يرضى بهالعمله
زينه:خووويه ابوس ايدك مااريد سه لار توكع بحلكهم مااايرحمون مااريد ينحجي بشرفهه
دفع خاله بقوه
علي:من خليتيهه بيتج ليش ماحافظتي عليهه واحنه نكول اصيلييين ما تطلع منكم الشينه بس هي هاااي الخفيفه ال.. ال.. موتت امهه وبقت مثل البوم ولج اممم الولد لاعبه لعببببب
موده حضنتني بقوه
واني ارتجف
كام عمر وجرني منهه
وصار يضرب بيه
ورمني
اسمع نمر يصيح
اجه ودفع عمر بعيد
وصار يغلط بصوت عالي
نمر:اننننه غلطتتت وجاااي اصلح غلطي ماصرت عاررر وتركتهه وبعدني اريدهه وسويت المستحيل حتى تطلع بالمستشفى بس انتتتت شسويت عمررر مخلصهه نايم بحضن مرتك وتارك اختك تموووت
ورجعوا يتلازمون
وخاله تصرخ
خالو علي تدخل وباعدهم
علي:ولكم الله لا ينطيكم فضحتووونه نمر طلعت ... وبنت اختي المرحووومه طلعت... يا قليلين الشرررف مخلصيهه زنه
نمر:مرررره وحده وماااكنت صاااحي مو انه اللي العب بعرضي
صاح خالو بصوت عالي
علي:سد حلكك عاااار خلييي يجي ابوووك ونحلهه
عمر يباوعلي ويخزر
وخالو لازمه
عمر:والله اشرب من دمج يا ...
وصار يفشر ويغلط
خاله تلف جرح نمر
واحس الموت يحيطنه من كل مكان
للمغرب
واحنه ع هالحاله
اندكت الباب
وطلع خالو فتحهه
ودخل الشيخ
هنا حسيت بروحي ردت اموت
يباوعلنه مصدوم
دخلنه جوه
وخالو صار يسولفله
وداس ويا بالكلام
والشيخ صافن
ويباوع بعين خاله زينه
علي:انتو ع اساس شيوخ ومأمنين بيكم شلون الشيخ يقبل بعملة ابنه ابنك لاعب لعب بهال... وثنينهم مسوين العمايل وانتتتت ما تدري
عمر:والله الا اذبح ابنك واذبح هالعااار المحسوبه اختييي
رجع يصيح خالو
علي:سه لار حصة اخوهه لو يحركهه محد يتدخل وابنك نفصل ويا ونكسر ظهره
الشيخ:التردونه حاضر بس انه اخذ سه لار لنمر والسالفه تنسد الا اذا نويتو تفضحون عرضكم
علي:وابنك وعملتهه ما يتعاقب عليهه؟
باوع الشيخ ع نمر
وهز راسه
الشيخ:ليش انه منيلي ابن؟
نمر الدموع بعيونه
وخاله ترجف
كام الشيخ
الشيخ:راح اخذ نمر وامه والبنيه تروح ويانه من باجر اعقد الهم وينسد الموضوع وشتردون انه حاضر
عمر:اني جتااال ابنك
صاح الشيخ
الشيخ:عقوبة انتهاك الشرف زوااااج بعدين صح هو ابن البصره بس شايل دم بنتكم والعرض واحد نلملم السالفه دون اي كلام ابني غلطان وبنتكم غلطانه مع هذا تردون فلوس انه حاضر
كال خالو علي بنتره
علي:اخذ عائلتك وروح ووياك هالعار احنه مو اهلهه ولا نريد نشوفهه تعيش تموت هي يمكم
التفت ع خاله زينه
علي:زينه بعد الصار انتي اختنه وتبقين ع راسنه بس سه لار ونمر ماالهم جيه لهنا
بجيت
وخليت ايدي ع وجهي
احس تدمرت
وكلشي انسلب مني
كال الشيخ
الشيخ:يلا بويه كوموا موده امشي ويانه
موده:بابا ميقبلون ينقلوني انطرد والله
علي:شيخ بنتك بنتنه وماطلع منهه العايزه واحنه اهلهه اتركهه هنا ع راسنه بس سه لار ونمر ماالهم جيه
بقيت صافنه ودموعي تنزل
الشيخ نطه فلوس لموده
وعائشه وكفت
عائشه:موده بنتنه ماكو منهه ما تطلع منهه العايزه ومابقه شي ع زواجهه وتعيش ببغداد مترهم تنقلوهه بعدين هي ثكيله ونعم التربيه
كلماتهه سهم
وتدخل لكلبي
سلم الشيخ ع خالو
وطلعنه
الطريق كله ساكتين
بس دموعي ودموع خاله تنزل
وصلنه للبصره
الشيخ ذب عكاله وكعد بالصاله
كال
الشيخ:مااريد اشوف احد وانت نمر مرتك وديتهه لأهلهه تخابرهه تكلهه انت عندك شغل لا تجي بين ما نحل الموضوع يلا روحوا عن وجهي
جرتني خاله
واخذتني للغرفه
سدت الباب
كعدت بالكاع ولزمت راسي
صرت ابجي
ودموعي تحرك بيه
لزمت شعري
مو مستوعبه اللي يصير
خاله تبجي وتلوم نفسهه
وتضرب ع رجلهه
واني سكتت
مو كادره استوعب الاحداث اللي تصير
وللان كل مااصفن
اذكر مواقف طفيفه فقط
نسيت جزء كبير منها
لكن!
مانسيت المي بلحظتهه
مااعرف شلون اجه الصبح
وشلون غفيت
بس فزيت
لكيت خاله ماكو
واسمع صوت كلام برا
كمت
وصرت اتكأ بالحايط
طلعت برا
شفت خاله كاعده يم رجل الشيخ
تتوسل!
ونمر كاعد ع جهه يباوع
شافني بقه يباوعلي
زينه:من ضميت عنك ما كنت اعرف هيج يصير والله العظيم عبالي الفلف السالفه وازوج نمر كلت اخاف تعرف بعملة ابنك وتطيح
كال الشيخ بكل جديه
الشيخ:وهسه انننه واكف!؟ كوليلي بعد الصار اكدر اباوع بوجوه هلج لو اكدر اواجه اخوي لو اكدر اواجه العالم
دفع خاله وكام
جر نمر من ياخة دشداشته
الشيخ:من انتتت وصغير تريد هديه شغييير علوومك ليش هيج سويت بشنو غرتك هالبت ورحت الهه وسويت هالعمله
نمر:مو ذنبهه جانت بعيده عني كل البعد.. ذنبي انه بويه حبيتهه
دفعه بقوه
وكعد نمر ع التخم
الشيخ خله ايده ع راسه
الشيخ:شكول للناس شيخكم المستقبلي عااار ونزل راس ابووو شكلهم اكلهم مرتي اللي خلصت عمري كله اسمع الهه وماودي بيوم اقهرهه اكولن ماتسوى تزعل ع شي فارغ واجيب واودي واخلي ولكم تطعنوني بظهري
راحت خاله يمه
لزمت ايده وباستهه
زينه:اني غلطانه واعترف بس مو ذنب سه لار بهالشي اني خليتهه تجي لهنا واني اللي حليتهه بعين نمر
الشيخ:ليييش؟
نصت راسهه
زينه:ماردت هديه
الشيخ:رفعي راسج وعيديهه
دموعي تنزل واباوع الهم
احس الشيخ صاير نار
ومخذول منهم
زينه:ماردت هديه
وماسمعنه غير صوت الراشدي
خاله لزمت خدهه
ودموعهه صارت تنزل
كال الشيخ
الشيخ:مو حلوه بعمرج هذا واهينج بس هالطراك تتذكري كل يوم وتعرفين شضيعتي من ايدج انتي من اليوم ماعدتي حرمه الي مكانج هنا ام اولادي فقط وماكو اي شخص راح يعرف بهالشي حفاظا لكرامتج بس بعد مااريد اشوفنج كدامي
التفت ع نمر
الشيخ:تروح للسيد تجيبه ويا كم زلمه من العشيره شاهدين ع زواجكم ورا ما يكمل كلشي ترجع بنت عمك وتجيب لبنت خالتك غرفه جديده ومااريد اسمع هالموضوع ينفتح ابد فهمت؟
نمر هز راسه وطلع
والشيخ ايضا طلع
اباوع خالتي شبعت بجي
وصارت تلطم
وراحت لغرفتهه قفلت الباب
كعدت ع باية الدرج
خليت راسي ع الإطار
شسويتي بنفسج سه لار
شسوه بيج الحب
هجم عوائل بسبب غلطه
راح تصيرين زوجة نمر!!
اللي هانج اللي دمرج
اللي ما قدر مشاعرج
تصيرين اله!
احس عقلي ما مستوعب
وكمية وجع بروحي حيل جبيره
وين راح تصفى بيج الحياة
اجو
ونمر خله عبايه ع راسي
وسحبني للاستقبال
انسانه عاجزه
بروحي وجع
الشيخ ورياجيل 3 ونمر
والسيد كاعد
كعدت يم نمر
والسيد صار يقرا ايات
بعدهه كال
:بنتي خلي شي ابيض ع راسج ليش هالأسود هذا زواج مبارك من الله
رفعت راسي
ماادري شكول
نمر نزع غترته
وخلاهه ع راسي
هه شدمرني غير هالغتره
شطيح حظي غير لقائي بيك
اخ ع ذيج اللحظات
عقدنه
وكلت نعم ع موتي
وانتهه كولشي
طلعت برا
مااعرف وين اكعد
كعدت جوه الدرج
وبقيت ع هاي الحاله
سمعت هوسه
واباوع رياجيل يصعدون اغراض
هه الغرفه!!
بعد ما كملوا
اجه وكف كدامي
كال
نمر:صعدي لغرفتج
وكفت
باوعت بوجهه بأشمأزاز
وصعدت
دخلت للغرفه
مال عرس
ههه هاي نهايتج سه لار
قفلت الباب
وكعدت بالكاع
وصرت الطم واصرخ وابجي
هاااي حياتي؟
ومرت يومين حابسه روحي
عايشه ع الماي
خاله صارت تدك بالباب
فتحتهه
دخلت للغرفه
سدت الباب
جرتني وكعدت ع السرير
زينه:اني السبب وخسرت كدامج
وكعت دموعي
مسحتهه
زينه:اسبحي وانزلي اكلي عيشي حياتج لا تنكسرين
ماكدرت ارد
خلتلي ملابس بالحمام
ودخلتني
زينه:راح احضرلج اكل يلا كملي وانزلي
هزيت راسي
وسبحت
احس معدتي انكلبت
وصرت اتقيأ
ونفس الشي
مخلوط بدم
لبست
وطلعت من غرفتي
صارت بوجهي هديه
طالعه من غرفتهه
خزرتني
مشيت وتركتهه
اجت جرتني من ايدي بقوه
ودفعتني للحايط
نترت
هديه:كيفي من اخذتي من حضني
سه لار:مو هو طفل واخذه
هديه:ههه راح ينام يمج اليووم موو ارتاحيتييي
صفنت بوجهه
سه لار:اخذي الج بله
دفعتهه ونزلت
لكيت خاله محضرتلي اكل
اكلت شوي
وبقيت كاعده يمهه
خايفه
وحايره
وامي مرافقتني بكل مكان
مستحيل امي الحنينه تصير مصدر خوف
مستحيل ابقه اعاني
مر وقت
واني جوه
لليل اجه نمر
دخلت للصاله عمو كاعد
صعدت الدرج مااريد اشوف نمر
سمعت عمو كال
الشيخ:اصعد لمرتك وصير رجال ماكو داعي تسترجل بس بالحرام يلا اصعد انه ما مصدك انت تغلط اريد اشوف الحقيقه بعيني
فتحت عيوني مصدومه
هذا ع شنو ناوي؟
صعدت فوك بسرعه
دخلت للغرفه وقفلت الباب
وبقيت كاعده وابجي
اسمع حركه لمحاولة فتح الباب
بس مقفوله
شوي وصعدت خاله
فتحت الباب ودخلتهه
وسديتهه
سه لا:خاله شتريدوون
زينه:ولج بلكي ياخذج ونثبت للعالم غير شي ونكول ان هو كال هيج لان يريدج
سه لار:خاااله شبيج كلشي انتهه من ذيج الليله
زينه:لا ما انتهه وعندي امل ولج مااريد العالم ياخذون نظره عليج بلكي الله يحبج وينثبت العكس يمكن اكو بقايا
كعدت ع السرير
دموعي وكعت
رفعت راسي وكلت
سه لار:راح تبقون تجبرون بيه ع حياة ما ردتهه راح تبقون تدمروني بس ليكن بعلمكم انيي دااموت بأيدكم شوي شوي
وكفت ومسحت دموعي
صحت
سه لار:صيحيه للرجال خلي يثبت رجولته ع ضعفييي خلوا الغلط براااسي وضيعووني بعد ولكم دمروووني اكثر اني المو شريييفه وانتو الشرررف اني غبيييه ضحيية ثقه وابنج رجاااال ياخذني من جديد يسكت العالم
اجت خلت ايدهه ع حلكي
دفعتهه وصرخت
سه لار:سكتوا العالم وذلوووني بعد يلا صيحيله لو اني اصيح نمممممر
اجت خاله خلت ايدهه ع حلكي
من جديد حتى تسكتني
دفعتهه وصرت اضرب ع حلكي
سه لار:ساااكته ساااكته ولازم اسكت روحي زييينه دزيلي ابنج الرجااال رووووحي
طلعت خاله
واني بس ابجي
ضياع يلحك ضياع
اباوع لروحي بالمرايه
عجوز
مسحت دموعي
غمضت عيوني
طيف امي صار كدامي
قهرتج يووم وذليتج
سامحيني
بعد نص ساعه
انفتحت الباب
ودخل نمر
باوعتله بكره
منصي راسه
اقترب
وكعد يم رجلي
وبقه ساكت
كمت
وجريته للسرير
ابتسمت بوجهه
سه لار:مارس استعمارك من جديد
نمر:سه لار ان..
سه لار:شششش ولا كلمه يلا انت رجال المجتمع مايعيبك المجتمع يذل العيب المره اللي مثلي
باوع بوجهي
نصيت راسي
سه لار:شكد صايره اكره نظراتك
نمر:اني ماراح اقربلج
سه لار:لاااا لازم تقربلي لانك رجاال سوي اليعجبك دووس براسي بعد استاهل اني ادفع ضريبة غلطي
صفن بوجهي
جريت غترته من كتفه
سه لار:اني لوثت هالوصله البيضه اللي تسميهه شرفك بحمرتي وكنت غبيه بس انت انتقمت ولوثتهه بأعز مااملك وانتهه الكلام بينه بعد لا تكول شي
لحظات قاسيه
مواقف مزعجه
وكأن الالم انحفر بروحي
كل مااذكر هالمواقف
اتألم
لمحت بعيونه نظرات الم
نظرات اعتذار وندم
بس مااريد كلبي الغبي يرجع يصدك
وتجاهلت كلشي
وصرت اموت بأيده شوي شوي
موتي كان بطيء
مو هو اللي يقترب مني
احس وكأنما ملك الموت اقترب
واخذ روحي
نفس الاحساس الموحش
نفس الدمار والالم
نفس الشعور
هاللحظه كانت ندم
انتي اللي ينلعب بيج سه لار؟؟
انتي اللي تضيعج الايام!!
دفعته وركضت للحمام
وصرت اتقيأ بقوه
احس معدتي تنشلع
باوعت ع المغسله متروسه دم
اوشكتي ع الموت!!
سمعت قفل الباب انفتح
وخاله مدري شتحجي
ونمر يصيح
نمر:ماااكو شي مااااكو شي كلت الكم انننه ماااخذهه ماااخذهه بذييج الليله وهي حرمتي مابقه شي تدوروون عليه راااح
وكعت بالكاع
وصرت ابجي ضيم ع روحي
شكد صعب من تمرين بهالشعور مرتين
وبالمرتين تكرهين نفسج
تشمأزين من روحج
وتحسين جسمج قذر ما ينظف
الطهاره غادرت روحج بسبب بشر
ولبستي ثوب العهر
كيييف تنجوا ارواحنا؟
كيف؟
....
الانبار
نسم
لحظات فزع
كانت بروحي
واني صافنه ع همام
اللي يصيح ويهوس
وعمو يلزم بي
همام:كووولي هالكلب شلون يواجهني ويكلي عاشكج ويكلي انتييي تحبيييي ولج شلووون يوليييووو ولكم زتوني عليهه اريد اجنزهه
نائل:ولللك اسكتتت كااافي
دموعي صارت تنزل
وخايفه
اجت بيبي فوتتني للغرفه
وسدت الباب عليه
واسمعه يصيح برا
للان كلشي مافاهمه
ومداعرف منو العاشكني
وهمام شسامع
عقلي صار ميجمع
واسمعه يدك بالباب
احسه راح يكسرهه
ويصيح
همام:هدوووني انه ويااهه انتو ملكم دخلللل ولج فتحييي فتحييي الباب
مسحت دموعي
همام مراح يكون احسن من عمر
كمت
وفتحت الباب
صار بوجهي
خزرني
وكعت دموعي
دخل وقفل الباب
وصار يكسر بالاغراض ويصيح
حسيته اسد ويزأر
والخوف!
اكل كلبي اكل
همام:انه حرمتي تعشك غيييري وانه اكولن ليش خايفه اثاريج ما هاااويتنيي انه الهاويج
اجه جرني من كتفي
وصار يهز بيه
همام:احجيييي
نسم:شكوول
همام:سولفيلي عن حبيبج الاولي
دموعي تنزل
مااعرف شسوي
دفعني للحايط بقوه
همام:سولفيلي عن حبيبج عمرررر اللي بقيتي سنه تحاولين تغيري ومايتغيررر سولفي عن عمر اللي اهو زوجج السابق عن حبج الو وصبرج يمو وتحملج لضربوو واهانتو سوولفيي
سكتت
دفعني وصار يضرب بالباب ويصيح
همام:يكف جدامي ويكلي طلك نسم لان نسم حرمتي كبلك وتحبني وروح اسألها واجي لج ما تكوليلي لا وتبردين ناري ساااكته وللللج سااااكته
اقترب مني
شد شعري وخله وجهي بوجهه
صار يصيح
همام:انننه اريييدج بس الي تحبيني اللي وذاك تنزعي من ذاكرتج شنو اللي اسوي وانسي الج فهميني شتردين نسافر نبقه هنا اشتريلج ملابس ذهب انطيج شتريدين بس كولي
خليت ايدي ع حلكه
نسم:بسسس همام كاافي
وخر ايدي وصااح
همام:مووو كافي كدااام حبي الج مووو كافي لو تحمدين ربج وتشكري الف مره ما تجازين تعبي وحبي لج بس انتي مو مال حد يحبج ويخليج حرمتوو انتي ترهمين للي يذلج ويعذبج تحبين العذاااب كوليلييي
سحبني للسرير
همام:شنو اللي اسوي الج وتنسين ذاك العااار تنسين انج كبل جنتي حرمتو اكرهي تذكري اهاناتو الج
صحت
نسم:ماااحب احدددد وعمر كارهته
خله ايده ع حلكي وشمرني ع السرير
همام:لا تجيبين اسموو ع لسانج لا تذكرين منوو شييي لسانج ماينطق غير بأسمييي انه وبس همام وبس ولج كووولي همام وطفي ناري
ارجف من الخوف منه
اذني صارت توجعني من صياحه
ادفع بي مااكدر
متملكني
حبه عواصف من ناار
تحرك كولشي
وحركني ويا
يصيح احبج
يقربني منه كأنما راح اضيع
يحضني حد الاختناق
مره يعصب ويصيح
ومره يهدأ ويكول احبج
وكل المطلوب مني مااكول شي
غير الفظ اسمه
قوانين غريبه واشياء عجيبه
ماكدرت اختزل منهه
غير ان همام مجنون
وزاد جنونه من حبني
يريدني بتملك
وارادته دمار
كلشي بي يختلف
لو غيره يطلع موجات غضبه بالضرب
بس هو اتخذ طريقه متنسي
طريقه ما تنعرف اذا كانت حب ام عقاب
بس كان يحسسني بالنيران الموقوده بداخله
نهار كامل مر
ولليل هو نايم ع ايدي
تعبت وهو ما تعب
يتلمس وجهي ويكول
همام:انتي لمنو
واردله وكلي تأكيد
نسم:لهمام
ماعرفت شوكت تعاركنه
شوكت تصالحنه
واللي احنه بي عركه او صلح؟
اللي اعرفه ان همام مجنون بيه
همست
نسم:همام كافي لا غدا لا عشا لا صلاة شبيك
همام:الجلب الحقير جاي يتهدد
نسم:همام انساه اني يمك وبين ايدك هو مايعني الي شي ومااخذ مني شي
همام:اخذ كلبج وانه جسمج وبالحقيقه الكلب وما يهوى
صفنت بوجهه
خله راسه بركبتي
نسم:اللي احنه بي مو حب؟ اللي نسوي مو ود وتعاطف همام كافي مخوفني منك
همام:عجل شمسوي ضاربج مأذيج
نسم:لا بس نهار كامل مخلصهه.. استغفر الله ربي
رفع راسه وضحك
همام:غيرتي مزاجي
نسم:كوم ياعيني وخليني اسبح واصلي وانت هم صلي وطلع هالافكار من راسك اني بس الك مو لغيرك وع..
خزرني
همام:لا تجيبين اسمو ع لسانج
ضحكت
نسم:ما راح اجيب اسمو ع لساني بس انت يابن العم مو حدرت هين غير تبطل تزكح
عظ شفته واني خليت ايدي ع وجهي
كرص خشمي
همام:لج بالبغدادي ما خلصانين ول يابه انباري
نسم:ول اخخ ابن العم
همام:وتكلي زيح مني حتى اصلي
نسم:لالا عليك الله فاتت علينه الصلاة
كام
وصار يحك براسه
همام:يولي ساعه 10 جنه طولنه جثير
نسم:هسه يلا حسيت
همام:ول انه من انزعج هيج اخذي شمره كل ما نتعارك هيج واحتمال تطول بينه السالفه
دفعته وكمت
نسم:همام سوالفك تفشل شكالو علينه هسه
همام:ول ياب رجال وحرمتو شلون رطينه هاي
سبح وصلى
وخابر عزام جابلنه اكل من برا
واني سبحت وصليت
وطلعت ارتب الاكل
مشاوي تكه وكباب ومعلاك
رتبت وياهه طرشي
وبيبسي
واخذتهه للغرفه
البيت اظلم وهادئ
الحمد الله نايمين
فشله من عدهم
خليت الصينيه
وكعدنه ناكل
همام كل شوي مأكلني
فرحت هواي
وصرت احس روحي احب هالانسان
بديت اتعلق بكلشي بي
واحفظ ادق تفاصيله
حاجبه عيونه شواربه
حسيت عليه
همام:شبيج سرحانه
نسم:حرام اباوع لزوجي
همام:ههههه ول مو حرام دحكي براحتج فديت العيون اللي تدحك
صفنت
باوعلي وكال
همام:بداخلج كلام كولي
نسم:حبيت وحده من ذول النسوان اللي كنت تروح الهم
ابتسم
همام:حب لا بس يمكن عجبتني ورحت الهه اكثر من فتره او طولت بزواجي بيهه انه مااحب ذني الرخيصات
نسم:ليش كنت تروح؟
همام:انه هسه يلا حسيت بالراحه وياج
همست
نسم:شلون؟
همام:تزوجت صبريه صح ماراضي بيهه بس قبلت بنصيبي كلت حرام اظلمهه اهي ما تهتم وجدتي تحجي وتكول ما ترهملك اجيبلهه اشكال الملابس ما تلبس وكتهه زهكت منهه احاول ماينفع ما تهتم بيه يابه تعالي انه زلمتج لالا اسوي لعمي عشه
ضحكت
نسم:صبريه طيبه وع نياتهه
همام:النوب كمت اروحن للنسوان كيفت كامت تنام من المغرب يابه دروحي
نسم:وهسه
سحبني يمه
وخلاني ع ايده
همام:هسه شنهي مرتاح وي حمامتي
نسم:هسه من اتعب تلزم درب النسوان
همام:لا وروح جدي شعلان يشتعل بكبره اذا اتسردح غاد عنج لاطش بيج وماانامن غير هين
اشر ع صدري
وخرت ايده
نسم:وخر عييب
همام:انتي ما تتعبين دامج يم همامج عجل شنهو اللي تعبج
نسم:من الصبح لليل وي همامي ومااتعب
همام:ول يابه شلون توازيني اخذ خفاره جديده من الليل للصبح
شلت الصينيه
نسم:ما تتعب انت
همام:لا وروح جدي شعلان تنشعل روحه اذا اتعب
نسم:خلي الموته نايمين بكبورهم
وديت الصينيه للمطبخ
ورتبت كلشي بمكانه
ومرت هاي الليله
والصبح بيبي ع الريوك تبسمر
الحجيه:ول يابو همام بهالوكت الناس ما ينحزرون
نائل:شلون يمه
الحجيه:مو كل صياح يعني اكو كارثه مرات الصياح معناه رعونه
همام:خير حجيه شبيج اليوم
كالت وهي تنفض شيلتهه
الحجيه:الخير خيرين يمه انه اقصد الراعي من صيح ع اهل القريه وطلع يكذب
همام:هاااا شجابه ببالج
الحجيه:امس دحكت الديج الهراتي حصر الفرخه واهي تصرخ رحت يمهم الديج نكرني طلعت الفرخه متونسه اهي ويا وانه عبالي مأذيهه
اختنكت باللكمه
وصرت اكح
وبيبي تطبطب ع ظهري
الحجيه:صحه يمه جنج اتذكرتي بسالفه تشبه سالفة الفرخه
همام يضحك
واني فشلت
خرب بيبي كلشي تفهم
كالت
الحجيه:عاد كون تصير هالفرخه دجاجه حوك وتبيض ماتبقه تتنغوص
همام:لتشيلين هم الفرخه اذا الديج هراتي ما ينخاف عليهه
اختنكت اكثر
وهمام يضحك
الحجيه:اياااا منعوول كم من وجهي
طلع همام
واني بقيت فشلانه
وبيبي مره تباوع لزندي
مره لركبتي وتضحك
يبوو
لبست الشال وماارتاحيت
النوب تكلي ذبي
تنفهي
ومرت ايام طويله
اني وهمام عصافير
مرتاحه وبديت احبه
اتحضرله وانتظره يجي
مرات مااضبط المكياج
او انسه اخلي كحله
يجي هو يخليلي
ايام حلوه عشتهه
كانت كافيه تعوض ايام دماري
والايام اللي بعد دماري
حسيت بالاكتفاء
وصرت اشكر ربي ع النعمه
مرات نعمتك تكون بشر
واليوم
واكفه احضر الغدا
احس الكاع افترت بيه بقوه
لزمت الكاونتر
وسندت روحي
كملت كلشي بسرعه
ودخلت للصاله
احس بخنكه مدري شبيه
اجيت ادخل للغرفه ارتاح
وكعت بباب الغرفه
وطخ راسي بحافة الباب!!
فقدت الوعي!
....
البصره
سه لار
ذيج الليله كانت اكثر ليله مزعجه
ومؤلمه ومؤذيه بنفس الوقت
دمرتني واخذت ما تبقى بروحي
نمت ع السرير
ونمر نام بالجهه الثانيه
حتى مااتحمل وجوده يمي
غريبه الحياة
الانسان اللي كنت اعشقه
صرت مااطيقه
دمرني واذاني
وسلب كلشي مني للمره الثانيه
للصبح مانمت
وروحي تعبت
عيني تحتهه سواد
ووجهي شاحب
دمار رافق حياتي
شفت هديه بوجهي
ايدهه ع صدر نمر
ونمر يباوعلي
نزلت جوه
اكلت شوي
ورجعت صعدت للغرفه
اسبح واحس بروحي قذره
مداانظف ابد
مرت ايام بالظيم
صرت كل ليله اقفل الباب
وانام بوحدي
وروحي تتجرع الالم
وامي مافارقت احلامي
صعبه ان تعيش
وشخص عزيز عليك جوه التراب
ما مسامحك
التفظت انفاسي الموجعه
واحس الايام اللي تمرلي بعدادهه الاخير
تعبت هوواي
وبعد ايام طويله مرت
سمعت صياح جوه
طلعت من غرفتي
ابو هديه يصيح
:انه سكتت لجن كلت الرجال من حقه يتزوج بس يتزوجها وهي عااار ما نقبل اخذ هديه ويحلم يشوف اظفرهه
الشيخ:هدييي شبيك فهمنييي
رجع يصيح
:ابنك ماخذ وحده... ما ندري جم نومه نايمه ويا بالحرااام وهالسالفه طاشه بالسلف تريد ابقي بنتي واهين كرامتهه ولك هالغريبه ... لو ما ... ماتنطي نفسهه بالحراااام
احس الكاع افترت بيه
وكلبي وجعني بقوه
وكعت بالكاع ولزمت اطار الدرج
انفضحت
تكلموا بشرفي باطل!
رحمتك ربييييي
.....
حبايبي
اللي يسأل عن سيروان ورهف
ذولي بعد داامشي بالتسلسل
احداث هواي وصادمه
اول قصه احتار اي صدمه اخليهه بنهاية بارت
انتظروووونا
ولتنسون التصويت