حلات عينيها كتفوه .. ضورات عينيها بان ليها الصباح . نزلات التحت كيبان ليها مالك في الكوزينة كيستف الماكلة .. ضور عينيه كتبان ليه نازلة بحال شي ملاك من الدروج كلما كيحاول يحيد عينيه من عليها كيرجعو ليها بشكل غير ايرادي للعندها
ايسون : تشوشت عليك مخفتيش مني بتي برى ( لهلا يوريك فين بات 😂😂 )
مالك : سيري راه جبت ليك حوايج بدلي بيهم ( كيطلع و يهبط فيها )
ايسون كتشوف في حوايجها :على مالهم عاديين
مشات ايسون خلاتو معجب حيتاش هي كانت حالتها ... بدلات ايسون حوايجها و نزلات للعندو
مالك كيحاول يخفي ابتسامتو : اممم زيدي تفطري
ايسون كطل عليه من تحت قبها : واش جاتك السريسرة ؟؟
ايسون ⤵️⤵️
مالك تفرغع بالضحك :😂😂😂😂 كتباني بحال شي مشة
ايسون كتقاد قبها بتكبر : خاف اسيدي من هاد المشة لا تقمشك
مالك قرب ليها حتى مابقا كيفصل بيناتهم والو و شاف فيها بنضرات اححح اقلبي : و انا بغيت هاد المشة تقمشني
ايسون خرجات فيه عينيها مصدومة و ه يقرب ليها بدون سابق انذار باسها بوسة خفيفة في شفايفها ❤
مالك :صباح الخير امشيشتي
مشا مالك من تماك .. اما ايسون متبعة ليه عينيها و هي كتشوف فيه بصدمة
ايسون : اويلي ما هادا هل اتته تلك التي تكون قبل الوقت ام انها دودة و الدود نوعان احدهما يمشي في التراب و الاخر يمشي في المغارات
بقات مصدومة و قررات تمشي للعندو تغوت عليه باش ميعاودهاش حتى كتشوف شي حاجة خلاتها تصدم و تحل فمها 200 درجة
كان مالك محيد تريكو و شاد الفأس بزيف و كيضرب بيه الخشب و مع المجهود اللي دار ولا كولو عامر بالعرق حتى العضلات ولاو بانو ليه كثر و كثر
ايسون شافت داك المنضر تصدمات ولات غار كتسرط ريقها كطلع و تهبط فيه بأعجاب .. نتابه ليها مالك
مالك :ايسون واقعة شي حاجة ؟؟
ايسون حركات ليه راسها بلا و هي طير دخلات للدار مخلياه مستغرب منها في الاخير هز كتافو بتعجب و كمل على شغلو
ايسون ورى الباب شادة في قلبها
ايسون : اويلي قلبي بغا يسكت اش هادشي للي كنشوف امي العضلات اححححح🤩🤩 ( جمعات راسها ) ايسون فيقي براكة من الهبال واش تسطيتي و لكن كيفاش العرق كان كيطيح منووو و كيفاش العضلات مطراسيين ناري راه بزااف ❤❤
تم مالك داخل هاز معاه التقدية اللي جاب ليه شي واحد من للي غارد حتى كتبان ليه ايسون متكية على الباب و شادة على قلبها
مالك لاح ديك الساعة التقدية في الارض و مشا للعندها طاير
مالك بخوف كيقلب فيها : ايسون مالك واش طرات ليك شي حاجة علاش شادة في قلبك ( شافها ساكتة عصباتو حتى غزت ) جاوبييييي ابنادم راه سولتك ؟
ايسون زاد دوبها و بقات كتفكر باش تجاوبو حتى طاح في بالها فكرة من افكارها الغبية : س سسس سراق الزيت ( ناضت طايرة مشات وقفات في الفوتوي كتنقز بحال شي قرد ) سراق الزيت داز من هنا و خلعني حتى شديت على قلبي
مالك : حنا في غابة اه و لكن محمية مزيان و دائما مداوية مكينينش الحشرات من غير الافعى و بعض الاصناف الاخرى من الحشرات اللي كتكون نادرة محافض عليها في الغابة و محيد ليها السم اما سراق الزيت مكيضورش هنا عندنا العجب ( سراق الزيت هو بوبريص الله يلغيها ليه قولوا امين 😂 )
ايسون كضور في عينيها حتى قشعها مالك كتكذب و هو يتفكر انه مع اكبر كذابة .. كاذبة عليه في اصلها و من الفوق جاسوسة شحال قدو ميتجاهل الموضوع و لكن هي كتبقى خائنة ... كان كيحارب هاد الافكار اللي نزلات على راسو و في نفس الوقت تفكر معاها ماضيه
________________
جرح وسط المافيا بقلمي خديجة السباعي