သူမရဲ့နားနားက သူ့အသက်ရှုသံကြောင့် အန်ဟိုင် တုန်ရီသွားရတယ် ။ သူမက လွတ်ဖို့ ရုန်းလေလေ ဟန်ထင်းဟွာက ပိုတင်းတင်း ဖက်လေပဲ ။ သူမ လွတ်မသွားအောင် တားဆီးထားတာလေ
အန်ဟိုင် - ' ဟန်ထင်းဟွာ ၊ နင် !! '
' ရှူး! ဒီမှာ လူတွေအများကြီးရှိနေတာ နင် ဆက်ရုန်းနေပြီး ကိုယ့်ပုံကိုယ် အရူးဖြစ်ချင်နေတာလား ' လျိုအန်ဟိုင် ဘယ်လောက် ဘဝင်ကိုင်လဲ ထင်းဟွာသိတာပေါ့ အန်ဟိုင်ငြိမ်သွားတယ် ။ ခပ်တိုးတိုးရယ်ရင်း အန်ဟိုင့်ကို ဖက်ထားရင်းနဲ့ပဲ ခြေလှမ်းတွေလှမ်းသွားလိုက်တယ် ၊ အန်ဟိုင့်ကိုပါ ကတဲ့နေရာဆီ အတင်းဆွဲခေါ်သွားသလိုဖြစ်တာပေါ့ ။
သူမခါးကိုဖက်ထားတဲ့လက်က ရုန်းမရအောင်ကို သန်မာလွန်းပြီး သူမတို့နှစ်ယောက်ရဲ့ အရမ်းနီးကပ်နေမှုကြောင့် ဘေးလူတွေဆီက လန့်ဖျန့်အံ့သြတဲ့အကြည့်တွေကိုပါ အန်ဟိုင် ခံစားမိနေတယ်။ ဒင်း နောက်ဆုံးမှာ ဘာတွေကြံစည်ထားတာလဲ ?
ခုန်ပေါက်လှုပ်ရှားနေတဲ့ နှလုံးသားကိုချိုးနှိမ်ပြီး အန်ဟိုင် ဟန်ထင်းဟွာကို မော့ကာဘုကြည့်ကြည့်လိုက်တယ် ။ ပြီးတော့ ခပ်တိုးတိုးဟိန်းဟောက်တဲ့လေသံနဲ့
' နင် ဘာလုပ်ဖို့ ကြံနေတာလဲ'
' နင်ကရော ဘယ်လောက်ကြာကြာရှောင်ပြေးနေဖို့ ကြံနေတာလဲ ' ထင်းဟွာ ချက်ချင်းပြန်ပက်တယ် ။
အန်ဟိုင် - ' ဘယ်သူက ပြေးနေလို့လဲ '
ထင်းဟွာ - ' ဒါဖြင့်ရင် ခေါင်းမာပြီး အရင်ရက်တေက အိမ်ကို ပြန်မလာတာက ဘယ်သူလဲ '
အန်ဟိုင် ကိုယ်တောင့်တင်းသွားတယ် ။ ပြီးတော့ အထက်စီးဆန်ဆန်ပဲ မော့ကြည့်မေးငေါ့ပြီး
' နင် ငါ့ကို ထိန်းချုပ်လို့မရဘူး ။ ပြန်လာတာမလာတာ ငါ့ဆုံးဖြတ်ချက်ပဲ '
လေကျယ်ပြီး ဒီအရာထဲကနေ ခေါင်းမာမာနဲ့ ရှောင်ထွက်ဖို့ကြိုးစားနေတယ်ဆိုတာကို ထင်းဟွာ သိတာပေါ့ ။
' နင် ငါ့ဆီကနေ ပုန်းကွယ်နေတယ်ဆိုတာ ငါသိပြီးသား ၊ နင် ငြင်းမနေနဲ့ ' ငြင်းဆန်ဖို့ အခွင့်အရေးလုံးဝမပေးဘဲ ထင်းဟွာ သူမမျက်လုံးတွေကို စိုက်ကြည့်လိုက်တယ် ။
ထင်းဟွာ - ' လျိုအန်ဟိုင် ။ နင် ဘယ်တော့များမှ ပွင့်လင်းလာမှာပဲ ။ ဘာကိုကြောက်နေတာလဲ ။ နင် သိထားဖို့က နင် အခုလိုကြောက်နေလေလေ ၊ နင့်ရဲ့ ငါ့အပေါ်ထားတဲ့ စိတ်ကပို .. '
ဖြန်း!!
ပါးရိုက်လိုက်တာကြောင့် ထင်းဟွာ စကားစရပ်သွားတယ် ။
လူအုပ်ကတော့ နှစ်ယောက်ကို ကြည့်ပီး လုံးဝကိုအံ့အားတွေသင့် shockတေရကုန်ပြီ ။
အန်ဟိုင် လက်သီးကိုကျစ်ကျစ်ပါအောင်ဆုပ်လိုက်တယ် ။ သူမခန္ဓာကိုယ်ကလည်း ဒေါသကြောင့် တုန်ရီနေလေရဲ့ ။ အံ့သြတုန်လှုပ်နေတဲ့ လူအုပ်ကို လျစ်လျူရှုပြီး သူမ ဒီပွဲကနေ လှည့်ထွက်ခဲ့တယ် ။
တစ်စုံတရာဆီကနေ ထွက်ပြေးနေတဲ့အတိုင်း အန်ဟိုင့်ခြေလှမ်းတွေက သွက်သွက်လျှောက်နေတယ် ။ သူမ ဆုပ်ထားတဲ့လက်သီးက ဟန်ထင်းဟွာကို ပါးရိုက်လိုက်တာမို့ နာနေတယ် ။ မျက်လုံးတွေမှိတ်ထားပြီး
ဟန်ထင်းဟွာ ပြီးဆုံးအောင်မပြောလိုက်နိုင်တဲ့ စကားတွေက သူမရင်ရဲ့အနက်ရှိုင်းဆုံးနေရာထဲမှာ ကွယ်ဝှက်ထားတဲ့ ခံစားချက်တွေပဲ ။ သူမတောင် ထိဖို့မပြောနဲ့ တွေးဖို့ကိုတောင်အတင်းမေ့ဖျောက်ထားတဲ့ ဒီသော့ကို ခု ပွင့်ထွက်သွားမတတ်ဖြစ်စေခဲ့တာ ။
သူမ မကြားချင်ခဲ့ဘူး ။ ဟင့်အင်း ၊ မကြားရဲခဲ့ဘူး ။ သူမ ထွက်ပြေးလွတ်မြောက်ချင်ခဲ့တာ ။ ရုတ်တရက် သူမနောက်ကနေ အားပြင်းတဲ့ တစ်စုံတရာကို ခံစားမိလိုက်တာမို့ အန်ဟိုင် လှည့်ကြည့်လိုက်တယ် ။
' Ahhh!!' အန်ဟိုင် ရုတ်တရက်အော်လိုက်မိတယ်
' ဟန်ထင်းဟွာ နင် !' သူမဆုံးအောင် မပြောရသေးခင်မှာပဲ
ကားထဲကို အလောတကြီး ပစ်ထည့်ခံလိုက်ရတယ် ။ ရုန်းကန်ပီး ဆင်းဖို့ကြိုးစားတော့ ကားတံခါးတွေက လော့ခ်ချပြီးနေပြီ။
' တံခါးဖွင့်ပေး !!!! ငါ့ကို ပေးထွက် !!! ' အသားကုန်ကုန်းအော်ျနတာကို လျစ်လျူရှုပြီး ထင်းဟွာ အရှိန်နဲ့မောင်းထွက်လိုက်တယ် ။
ထင်းဟွာက သူမအိမ်ရှိရာဆီကို မောင်းလာခဲ့တာ ။ တချိန်ကုန်အော်ဟစ်နေခဲ့တဲ့ အန်ဟိုင့်အသံက ရုတ်တရက်ကြီးတိတ်ဆိတ်သွားတယ် ။ ထင်းဟွာ အန်ဟိုင့်လက်ကိုဆွဲပြီး အိမ်ထဲဆွဲခေါ်ခဲ့တယ်။
အိမ်ထဲမှာ မီးတွေပိတ်ထားပြီး အပြင်ဘက်က အလင်းပျပျလေးပဲ ဝင်ရောက်နေတယ် ။ နှစ်ယောက်သား အမှောင်ထဲမှာ တိတ်တဆိတ်ရပ်နေကြတယ် ။
ထင်းဟွာ မီးဖိုခန်းကောင်တာဆီလျှောက်သွားပြီး ရေတစ်ခွက်ထည့်လိုက်တယ် ။ ပြီးတော့ လျိုအန်ဟိုင့်ဆီပြန်လာပြီး အဲ့ရေခွက်ကို ကမ်းပေးရင်း
' သောက် ၊ နင် ရေငတ်နေမှာ '
အန်ဟိုင် ရေခွက်ကိုယူ ထင်းဟွာကို ရေနဲ့ပက်ပြီး ရေခွက်နဲ့ပါ ပစ်ပေါက်လိုက်တယ် ။
ဖန်ခွက်က ဟန်ထင်းဟွာ နဖူးကိုသွားထိလိုက်တဲ့ အသံထွက်လာတာနဲ့ သူမနှလုံးသားက တင်းတင်းစည်းစည်းကြီးဖြစ်သွားတယ် ။ နောက်ကလိုက်လာတာက ကြမ်းပေါ်ကို ဖန်ခွက်ကျပြီး ကွဲသွားတဲ့အသံ ။
နာတာကို တောင့်ခံပြီး ထင်းဟွာမေးလိုက်တယ် ။
' နင့် အမုန်းတရားတွေ ကုန်ပြီလား ။ မကုန်သေးရင် ဒီဘက်ကိုပါ ထပ်ရိုက်လိုက်ဦး '
သူ့ရဲ့ညာဘက်ပါးကို ထိုးပေးလိုက်တာကို အန်ဟိုင် ရိုက်ချလိုက်တယ်။ နည်းနည်းလေးတောင် အရှိန်မလျှော့ဘူး။ သူ့ပါးမှာ လက်ဝါးရာနောက်တစ်ခု ထင်ကျန်သွားတယ် ။ ဒါတောင် မကျေနပ်သေးတဲ့ သူမက ထင်းဟွာဆီတိုးသွားပြီး အားကုန် ရိုက်ထုကန်ကျောက်နေတယ် ။ ထင်းဟွာကလည်း တစက်မှ နောက်မတွန့်ဘဲ အကုန်ခံယူတယ် ။ အသံလည်းတစ်သံမှမထွက်ဘဲ သူမ ပြုသမျှ ငြိမ်ခံနေတာ ။
ပုံစံကြည့်ရတာ အန်ဟိုင့်ဘက်က နာကြည်းမှုတွေ အကုန်လုံးကို ထွက်ပေါက်ပေးနေသလိုပဲ ။သူမရဲ့ ဒေါသတွေ ထုတ်မပြောပြတဲ့ သူမခံစားနေရတဲ့ ပူဆွေးသောကတွေကို လက်သီးထဲ အားကုန်ထည့်ပြီးတော့လေ ။ ဘာလို့လဲ ? ဘာလို့ သူက ဖိအားပေးရတာလဲ။ ဘာလို့ အဲ့လိုစကားတွေ သူမကို ပြောရတာလဲ?
' ဟန်ထင်းဟွာ $ကောင်စုတ်! နင် ဘာလို့ ငါ့ကို ဒီလိုမျိုး ဆက်ဆံနေရတာလဲ ။ နင်ဘာမှ နားမလည်ဘူး နင်ဘာမှကို မသိဘူး ။ဘာလို့ ငါ့ကို လာတွန်းအားပေးနေရတာလဲ ?'
အန်ဟိုင် ဒေါသနဲ့ သူ့ကိုအော်နေမိတယ် ။ အသံကုန်အော်နေတာ အသံတွေပြာလာပြီး မခံနိုင်တော့တဲ့အထိပဲ၊ နောက်တော့ သူ့ကို တွန်းထုတ်ပြီး
' သွား ထွက်သွား! ငါနဲ့ ဝေးဝေးမှာနေ'
ထင်းဟွာကတော့ တချက်မရွေ့ဘူး ။ နေရာမှာပဲ တင်းတင်းရပ်င်္နေင်း သူမကို စေ့စေ့ကြည့်လိုက်တယ် ။
အဲ့အမူအရာက အန်ဟိုင့်ကို သွက်သွက်ခါသွားအောင် လုပ်နေသလိုပဲ။ အဲ့မျက်ဝန်းတွေကို ရင်းနှီးနေတယ် ။ အန်ဟိုင့် မှတ်ဉာဏ်တွေထဲက အဲ့ယောက်ျားအတိုင်းပဲ ။ သူမရဲပုံကို ထိုင်ငေးကြည့်နေခဲ့တဲ့အရူးက အမြဲတမ်းအဲ့လိုအမူအရာနဲ့ပဲ ။
အန်ဟိုင် - 'ငါ့ကို အဲ့လို မကြည့်နဲ့ !!!! တော်တော့ မကြည့်နဲ့ '
ထင်းဟွာရဲ့ ကော်လံကို အားနဲ့ဆွဲချပြီး အန်ဟိုင် သူ့လည်ပင်းကို ပြင်းပြင်းကိုက်ချလိုက်တယ် ။ အားနဲ့ကိုက်တာ သူမသွားတွေက သူ့လည်ပင်းထဲ နစ်ဝင်သွားတော့မတတ်ပဲ ။ ပါးစပ်ထဲ သွေးညှီ
့အရသာဝင်လာတာတောင် မလွှတ်ပေးသေးဘူး ။
သူမမျက်လုံးထဲ မျက်ရည်ပူတွေ ဝဲတက်လာတယ် သူမတောင့်ခံခဲ့ပါတယ် မချစ်မိသွားအောင် နည်းမျိုးစုံနဲ့ တားဆီးခဲ့တယ် ။ ဒါပေမယ့်လည်း မျက်ရည်ကျမိတာက တစ်စုံတရာကို ဝန်ခံလိုက်တာနဲ့ အတူတူပဲမို့ ။
သူမ အမြဲ ဆန့်ကျင်နေခဲ့တာ ။ အမြဲ ဝန်ခံဖို့ ငြင်းဆန်နေခဲ့တာ ။
ဒီပြောင်းလဲလာမှုတောက်လျှောက်မှာ ထင်းဟွာကတော့ တိတ်တဆိတ်ပဲနေနေခဲ့တယ် ။ တုန်ရီနေတဲ့ ခန္ဓာကိုယ် အသက်ရှုူသံပြင်းပြင်းတွေက မငိုမိအောင်မျက်ရည်တွေကို ထိန်းချုပ်နေတဲ့အလား။ သူမက တကယ်ကို ခေါင်းမာလွန်းပါတယ် ။ သူမလို ခေါင်းမာတဲ့ သူတစ်ယောက်အဖို့ သူမကို လိုလိုလားလားတန်ဖိုးထားချင်တဲ့ သူရှိတယ်ဆိုတာ ၊ သူမကို ကာကွယ်ပေးဖို့အတွက် အရာအားလုံးရင်းနှီးရဲတဲ့ သူရှိတယ်ဆိုတာ ...
' ရှူး ... မကြောက်နဲ့ ။ ငါရှိတယ် ။ ငါရှိတယ်...'
သူ့အသံက အရမ်းနူးညံ့ပြီး ညင်သာတယ် ။ သူမကို ငှက်တောင်မွှေးလေးနဲ့ လွှမ်းခြုံလိုက်သလိုပဲ ။
' ငါ ထွက်မသွားဘူး ။ နင့်ကို ထားမသွားဘူး ။
ငါ နင့်ဘေးမှာပဲ ရှိနေတယ် '
အန်ဟိုင် မျက်လုံးတွေဖွင့်ကြည့်လာတယ် ။ မျက်တောင်တွေကို တဖျတ်ဖျတ် ခတ်ရင်း နောက်ခဏကြာတော့ ...
မျက်ရည်တစ်စက်က ရုတ်တရက်ကျလာတယ် ။ ပြီးတော့ နောက်တစ်စက် နောက်တော့ အတားအဆီးမရှိ ။
သူ့ပခုံးကို တင်းတင်းဆုပ်ကိုင်ထားတာက ထင်းဟွာနှလုံးသားကို စီးတင်းသွားစေတယ် ။
ထင်းဟွာ သူ့နှလုံးသားက လုံးဝကို ပျော့ပြောင်းသွားသလို ခံစားလိုက်ရတယ် ။ သူ့အနေနဲ့ ဒီလိုအခိုက်အတန့်မျိုးကို စောင့်စားလာခဲ့တာ ဖြစ်လောက်တယ်၊ အိပ်မက်ထဲမှာတောင် ငိုကြွေးဖို့ချုပ်တည်းထားရာကနေ ခုလို ပွင့်ပွင့်လင်းလင်း ငိုချလိုက်ဖို့ကို ။
်အန်ဟိုင်ဆိုတာ နှလုံးသားအနက်ထဲမှာ လျို့ဝှက်ချက်တွေအများကြီးကို သိမ်းဆည်းထားတဲ့ မိန်းကလေး ၊ သူကတော့ အဲ့လျို့ဝှက်ချက်တွေအကုန်လုံးကို သိမြင်ချင်မိတဲ့သူ ၊ သူမရဲ့ တံတိုင်းတွေကို ဖြိုချစေချင်သူ ။ ဒါမှ သူမ နာကျင်တဲ့အခါတွေဆို စိတ်ရှိတဲ့အတိုင်း ငိုကြွေးနိုင်မှာ ။
ထင်းဟွာ - ' ငါနင့်ကို သဘောကျတယ် လျိုအန်ဟိုင် '
အမှောင်ထဲမှာ တီးတိုးဝန်ခံလိုက်တဲ့စကားက အန်ဟိုင့်နှလုံးသားကို လာထိရိုက်တယ် ။
' နင်က ငါ့ကို မချစ်နဲ့လို့ ပြောပေမယ့် အဲ့တာက အရမ်းနောက်ကျသွားပြီ '
ဟိုးးး ဟိုးးးအရင်ကတည်းက ။
သူ့အကြည့်တွေကို သူမဆီကနေ မလွှဲနိုင်တော့တဲ့ အချိန်ကတည်းက နောက်ကျသွားခဲ့တာ ။
'လျိုအန်ဟိုင် ၊ ငါ့ကို ချစ်ခွင့်ပေးပါ ။ ok?'
အန်ဟိုင် မျက်လုံးမှတ်လိုက်ပြီး သူမရဲ့ လက်ကျန်မျက်ရည်တွေကို စီးကျခွင့်ပေးလိုက်တယ် ။ သူမအတွက် ဘာလို့ ဒုတိယဘဝဆိုတဲ့အခွင့်အရေးကြီးရှိလာမှန်း သူမမသိဘူး ။သူမအဖေအပေါ်ကို ကောင်းကောင်းဆက်ဆံချင်ခဲ့တယ် ၊ သူမရဲ့အုတ်ဂူရှေ့မှာရပ်ပြီး ကြေကွဲခံစားနေရတဲ့ သူမအဖေပုံကို မေ့လို့မရနိုင်ခဲ့လို့ ။ ဒါနဲ့တောင် နောက်ထပ် အခွင့်အရေးတစ်ခုထပ်ရတာတောင်မှ သူမမှာ သူမအဖေနဲ့ ဘယ်လို ဆက်ဆံစကားပြောရမယ်ဆိုတာကို မသိခဲ့ဘူး။ သူမအဖေပေါ်ထားတဲ့ အာဃာတတွေကို ဘယ်တုန်းကမှ မစွန့်လွှတ်နိုင်ခဲ့လို့ပဲ ဖြစ်လောက်တယ် ။
ဟန်ထင်းဟွာ အပေါ်ကိုကျတော့ ? အန်ဟိုင် သူ့ကို အမြဲတမ်းမုန်းတီးနေခဲ့တာပဲ ။ သူမအဖေရဲ့အချစ်တွေ အကုန်ယူသွားတဲ့ သူ့ကိုမုန်းတယ် ၊ သူမရဲ့အိမ်ကို ခိုးယူသွားတဲ့ သူ့အမေကိုမုန်းတယ်။ မုန်းတီးလွန်းအားကြီးခဲ့လို့ သူလည်းပဲ ထပ်တူစိတ်မျိုးပဲ ဖြစ်လိမ့်မယ်လို့ ယူဆထားခဲ့တာ ။ သူတို့နှစ်ယောက်ကြားမှာ နာကြည်းမုန်းတီးမှုတွေပဲ ရှိလိမ့်မယ်လို့ ထင်ထားခဲ့တာ ။
ဒါပေမယ့် သူမသေသွားတဲ့အခါမှာ သူက သူရဲ့ညတွေကို သူမအခန်းထဲမှာ နေရင်းကုန်ဆုံးခဲ့တယ်။ ညတိုင်း သူမဓာတ်ပုံကို ပွေ့ဖက်ထားခဲ့တယ် ၊ မွေးနေ့တွေတိုင်းမှာ ကိတ်မုန့်ဝယ်ပေးပြီး မွေးနေ့သီချင်းလည်း ဆိုပေးခဲ့တယ် ။ သူမအိပ်ယာပေါ်မှာ လှဲပြီး သူမပုံကိုပဲ မိုးသောက်တဲ့အထိ ငေးကြည့်နေခဲ့တယ် ။
တစ်နေ့ပြီးတစ်နေ့ ...
တစ်ညပြီးတစ်ည ...
အန်ဟိုင် နားမလည်နိုင်ဘူး ။ ဘာလို့ သူက သူမကိုချစ်ရတာလဲ။
သူမ နှလုံးသားထဲက အမုန်းတရားတွေဟာလည်း လျစ်လျူရှုလို့ရတဲ့အဆင့်ကိုပြောင်းပြီး မသိမသာပဲ နှလုံးသားနာကျင်ရတဲ့အထိ တိုးလာခဲ့တယ် ။ သူ့ကို အဲ့လိုမျိုး မဖြစ်စေချင်ဘူး ! သူမ မကြိုက်ဘူး!
အချစ် ? ဒီလိုအရာတွေ သူမ ဘယ်တုန်းကမှ အလိုမရှိခဲ့ဖူးဘူး။
အချစ်က လူတွေကို ရူးမိုက်စေတယ် ။ အချစ်ရူးရူးနေတဲ့ သူမအမေပုံကို မြင်ယောင်မိတယ် တစ်ဘဝလုံး ရူးရူးမူးမူးချစ်သွားခဲ့တဲ့ သူမအမေ။ မသေခင်မှာ ငိုကြွေးရင်း သူမလက်ကို တင်းတင်းဆုပ်ပြီး ပြောသွားခဲ့တာက အချစ်ဆိုတာကို မယုံကြည်နဲ့တဲ့ ။ အချစ်က လူတွေကို နာကျင်စေတယ် သူ့လိုပဲတဲ့ ။
သူမအမေပြောခဲ့တာတွေကို အမှတ်ရတယ် ။ ဘယ်သူ့ကိုမှ မချစ်နဲ့တဲ့ ၊ ကြည့်ဦး သူမအမေပြောတာ မမှန်ဘူးလားဆိုတာ ဟန်ထင်းဟွာကိုသာ ကြည့် ။
အရမ်းကို ဝမ်းနည်းပြီး သနားဖို့ကောင်းနေခဲ့တာ အချစ်ကြောင့်ခံစားနေခဲ့ရတာ မဟုတ်ဘူးလား ။ သေတဲ့အထိ သူမဓာတ်ပုံကို ပိုက်သွားခဲ့ပြီးတော့ ။ ဘာသုံးစားလို့ရလို့လဲ ။ သူမဘက်က ဘာမှလည်း မတုံ့ပြန်နိုင်ဘဲနဲ့ ။ တုံ့ပြန်လိမ့်မှာမဟုတ်ဘဲနဲ့ ။
နောက်ဘဝတစ်ခု ထပ်ရလိုက်တာတောင်မှ အန်ဟိုင်ကတော့ သူ့ကိုချစ်မှာမဟုတ်ဘူး ။ သူ့ကိုလည်း သူမကို မုန်းပဲမုန်းစေချင်တယ်! ။
ဒီလိုမျိုးပဲ ဖြစ်နေရမှာ ။ သူမကို မုန်းပဲမုန်းနေသင့်တာ ။
တစ်ခုပဲ ။ သူမ တကယ်ပဲ သူ့ကို မုန်းစေချင်နေတာလား?
တကယ်ပဲ သူ့အချစ်ကို မလိုချင်တာလား ?
လျိုအန်ဟိုင် မင်းဘာလို့ အဲ့နေ့က ထွက်ပြေးသွားခဲ့တာလဲလို့ သူမေးခဲ့တယ် ။ အဲ့မျက်လုံးတွေက သူမကို ထွင်းဖောက်မြင်နိုင်နေတဲ့ အတိုင်းပဲ ။
သူမ ဘာလို့ဘယ်ကနေထွက်ပြေးနေခဲ့တာလဲ ။ အန်ဟိုင် သူမအုတ်ဂူရှေ့မှာ သူကျခဲ့တဲ့မျက်ရည်တွေကို ပြန်အမှတ်ရမိတယ်။ အဲ့ဒီ့ မလိုလားအပ်တဲ့အတွေးတွေ၊ စိတ်နှလုံးပူဆွေးစရာအရာတွေ ။
သူမက သူ့အပေါ်စာနာကရုဏာသက်သွားခဲ့တာ ။ ဒါပေမယ့် စိတ်လိုလက်ရတော့မဟုတ်ခဲ့ဘူး ။ သူမအနေနဲ့ သူ့အပေါ် လိုလိုလားလားမတုံ့ပြန်ချင်ခဲ့ဘူး ။ဒီတချိန်လုံး သူမ ဝန်မခံချင်ခဲ့တာက ဟန်ထင်းဟွာအပေါ်ထားတဲ့ သူမရဲ့စိတ်က အမုန်းတရားတွေမဟုတ်တော့တာ ၊ သူမရဲ့ နှလုံးသားထဲက အာဃာတတွေကိုလည်း သူ့ရဲ့ရူးကြောင်ကြောင်နိုင်မှုတွေက အနိုင်ယူသွားခဲ့ပြီဆိုတာပဲ ။
သူမအနေနဲ့ သူ့ကို ငတုံးငအ လို့ ခေါ်ခဲ့တာတွေက ချစ်ခင်မှုမရှိဘဲ ခေါ်ခဲ့တာတွေမဟုတ်ခဲ့ဘူး ။သူမအမေရဲ့အမွေအနှစ်က သူမကို ကြောက်ရွံ့စိတ်ဝင်စေတယ် ။ အချစ်ကို ယုံကြည်ဖို့ ကြောက်နေစေတယ် ။ အဲ့တာကြောင့် အချစ်မရှိသလိုမျိုး သူမ ဟန်ဆောင်နေခဲ့တာ ။ သူမတို့နှစ်ယောက်ရဲ့ကြားက အားပြိုင်မှုတွေကို အတင်းအကြပ် ငြင်းဆန်နေစေခဲ့တာ ။
သူ သူမကိုချစ်နေတာ သူမ မသိဘဲနေမလား။ သူမတို့နှစ်ယောက်ရဲ့ ပက်သက်မှုကြီးက ဟိုးအရင်ကတည်းက ဒွိဟတစ်ခုလို ဖြစ်တည်လာခဲ့တာ ။ သူမတစ်ယောက်တည်းကပဲ ဒါကို အတင်းလျစ်လျူရှုဖို့ ကြိုးစားနေခဲ့တာ ။
သူ့ကိုပါ လုံးလုံးလျားလျား လျစ်လျုရှုဖို့ ကြိုးစားခဲ့သလိုပဲပေါ့ ။ ဒါပေမယ့်လည်း သူမ မသိမသာ သူ့ကို ရှာဖွေနေခဲ့တယ် ။ သူမကို မြင်နိုင်အောင် ၊ သူမကို ဘယ်တော့မှ မမေ့နိုင်အောင်။
သူ့ရဲ့ မိုက်ရူးရဲဆန်မှုက သူမရဲ့နှလုံးသားထဲမှာ သူ့ကိုကဗျည်းထိုးထားသလိုကို မေ့မရအောင် လုပ်ခဲ့တာလေ ။ အဲ့တာကြောင့် သူမရဲ့အချစ်ကိုကြောက်ရွံ့တဲ့စိတ်နဲ့တောင် ၊ သူမမှာ ရှိရှိသမျှ အမုန်းတရားတွေ အကုန်လုံးရှိနေသေးတာတောင် သူ့ရဲ့ရူးကြောင်ကြောင်ဆန်မှုကို သူမ မေ့မရခဲ့ဘူး ။ သူ့ရဲ့အချစ်မှာ တဖြည်းဖြည်းတွယ်ငြိလာပြီး ဝန်ခံဖို့ကျ မရဲခဲ့ဘူး ။
သူမ ထွက်ပြေးခဲ့တယ် ။ ရှောင်ပုန်းခဲ့တယ် ။ ရှိသမျှ အင်အားသုံးပြီး ကိုယ့်ကိုယ်ကိုယ် ကာကွယ်ထားခဲ့ပြီးရင်တောင် သူ့ဘက်ကနေ တကယ်လှည့်ထွက်သွားမှာကိုတော့ ကြောက်နေခဲ့တယ်။ အဲလိုဆိုလို့ သူ့ဘက်က နီးကပ်လာပြီဆိုပြန်ရင်လည်း သူမမှာ အထိတ်တလန့်တွေဖြစ်လို့ ။ ခုထိပဲလေ သူက ပုံမှန်လေးထိန်းဖက်ထားတယ် သူမ မလွတ်မြောက်နိုင်အောင်လို့ ။
သူတို့ကတစ်ယောက်နဲ့တစ်ယောက် အပြန်အလှန် နှိပ်စက်နေခဲ့ကြတာ See-sawတစ်ခုလိုမျိုးပဲ ။ တစ်ယောက်ကရှေ့တိုးလာရင် နောက်တစ်ယောက်က ဆုတ်သွားရော ။ ဒါပေမယ့်လည်း လက်လွှတ်ကြသလားဆိုတော့လည်း နှစ်ဖက်လုံးက မြဲမြဲ ကိုင်ထားခဲ့ကြတာ ။
အမှန်တော့ သူ့ဘက်က လက်လွှတ်လိုက်မလားဆိုတာကို အန်ဟုင်အမြဲကြောက်နေခဲ့တာ ။ သူမ တွေးမိခဲ့တာက ကောင်းကင်ဘုံက ခုလို သူမကို နောက်တစ်ကြိမ်ပြန်ရှင်သန်ခွင့်ပေးခဲ့တဲ့အကြောင်းရင်းက ဟန်ထင်းဟွာကြောင့် ဖြစ်နိုင်တယ်လို့ ထင်မိတယ် ။
သူ့ကို ဒီ့ထက်ပိုပြီး စိတ်မပျက်စေချင်တော့တာကြောင့် အန်ဟိုင် သူမ မေးကိုဖြေလျှော့လိုက်တယ် ။ ထင်းဟွာပြုံးလိုက်ပြီး
' ဆက် မကိုက်တော့ဘူးလား?'
အန်ဟိုင် တိတ်တဆိတ်ပဲ အောက်ကိုငုံ့ကြည့်နေရင်း သူမရဲ့ တုန်ရီနေတဲ့လက်တွေနဲ့ သူ့ ကော်လံစကို ကိုင်လိုက်တယ် ။ သူမပါးစပ်ထဲက သွေးအရသာကြောင့် ခပ်ယဲ့ယဲ့ပြုံးမိတယ် နှလုံးသားကတော့ ခါးသက်လို့ ။ ဒီကောင်လေး ၊ တကယ်ပဲ သူမကို ကိုက်ခွင့်ပေးခဲ့တယ် ။ တကယ့် ငတုံးကောင် ။
'ဘာ?' ထင်းဟွာ သေချာမကြားရဘူး ။
အန်ဟိုင် ပြန်မဖြေတော့ဘဲ သူ့ကို သူမဆီကို ဆွဲချပြီး ခေါင်းမော့ကာ သူ့နှုတ်ခမ်းတွေကို ကိုက်လိုက်တယ် ။ သူမ မျက်ဝန်းထောင့်ကနေ မျက်ရည်တွေ စီးကျလို့ ... ငတုံးကောင် ။
သူမ ထွက်မပြေးတော့ဘူး ...
End of Ch. 11
Eek ! 4549 wordsတဲ့ အာ့ကြောင့် လက်အံပါသေတာ ။ ကဲ ဒလောက်ဆို ၂လလောက်ပျောက်လို့ရပီလား 😎😝
အလကားစတာ ။ ဒီတိုင်းပဲ မဗုတ်ကြပါနဲ့
အရေးအသားလေးလည်း အဆင်ပြေမပြေ ၊ကောင်းမကောင်း ဝေဖန်ပေးကြပါဦး 😭 စစချင်းchapterတုန်းကထက်တော့ ဖတ်ရတာ နည်းနည်းပြေပြစ်လာတယ်မလား.? 🙈
ခုမှ စရေးဖူးတာမို့ မကောင်းတာတော့ သိပါတယ်
ပြင်သင့်တာပြင်ရအောင် ပွင့်ပွင့်လင်းလင်းပြောပြပါလို့ 🙏
အများကြီးဖတ်ပေးကြလို့ gamsa ! ♥
ရေးရတာလည်း ပျော်ပါတယ် ♥
cmtတွေလည်း ချစ်ပါတယ်လို့ ♥