Jackque's POV
Ngiting-ngiti akong umuwi ng bahay dahil sa nangyari kanina. Hindi ko inaakalang napakabait pala na tao ni Vice. Kinuha ko yung phone ko at hinanap yung number niya. Magpapasalamat lang uli ako.
To: Vice
Thank you nga pala uli. Sobra mo akong napasaya. :))
Nang masend ko yun sa kanya ay umupo na ako sa sofa. Sinisilip-silip ko yung phone ko at hinihintay na mag-reply ito pero walang nadating kahit 'Okay' man lang.
Hindi ko na ito pinansin at nagbukas na lang ng TV. Sakto namang ini-interview ni Vice at yung co-host niyang babae ang isang contestant.
Kaya siguro hindi nagre-reply...
"Ikaw, kailan ka huling nakaramdam ng spark?" Tanong ni Vice dun sa contestant. Medyo naging interesting yung topic kaya pinagtuunan ko ito ng pansin.
"Hmm.. matagal-tagal na din po eh. Siguro hindi ko pa talaga nami-meet yung taong nakalaan para sa akin." Sagot nung contestant.
"Ikaw Anne, naniniwala ka ba sa spark? Kasi ako.. kanina lang parang naramdaman ko yun." Nagulat ako sa sinabi nito.
Kanina lang kasi, nung hawakan niya yung braso ko, may kung anong kuryente ang dumaloy sa buong katawan ko.
Is it me he's talking about?
"Omg Sis! For real? Sino?" Tanong nung Anne.
"Wala! Di mo nanaman mapipigilan yang bunganga mo pag sinabi ko sayo." Sabi ni Vice. Nakita ko namang inirapan lang ito nung Anne.
Pinatay ko na muna yung TV at humiga sa kama.
Finally, may trabaho na din ako..
Kaya ko nang ipakita kay Mommy na kaya kong maging maganda ang takbo ng buhay ko by pursuing my dreams.
Narinig ko namang tumunog ang phone ko. Agad kong kinuha yun at binuksan.
Si Madc.
From: Madc
Girl ano na? Naibalik mo na ba?
Nireplyan ko ito.
To: Madc
Oo. Tsaka alam mo ba, binigyan ako ni Vice ng trabaho.
From: Madc
Anong trabaho?
To: Madc
Inalok niya ako na maging isang Showtime Dancer. Hindi ko nga in-expect na gagawin niya yun eh.
From: Madc
Omg girl! Totoo? So magiging workmates na tayo? Kailan ka magsisimula?
To: Madc
Wala pang sinasabi si Vice. Ite-text na lang daw niya ako.
From: Madc
Ite-text? So, may number kayo ng isa't-isa? Jaki ha! Yieeeee.
Bahagya akong napangiti sa nabasa ko.
To: Madc
Sira! Bahala ka dyan.
Nilock ko yung phone ko at humiga na uli sa kama. Narinig ko namang tumunog uli ito pero hindi ko na pinansin. Paniguradong si Madc yun at hindi ako nun titigilan sa pangungulit.
Vice's POV
Commercial break.
"Sis!" Tawag sa akin ni Anne. Agad naman akong napalingon.
"Ano nanaman?" Nakakunot na tanong ko dito.
"Ikaw ha! Hindi ka na nagke-kwento sa akin. Ano yung sinasabi mong spark spark kanina? Kilala ko ba yan?" Tanong nito. Sabi na nga ba eh. Paniguradong hindi ako nito titigilan.
"Wala! Alam mo naman sigurong komedyante ako no? Mema lang yun." Pagpapalusot ko dito pero mukhang hindi umepekto.
"I don't believe you Viceral." Sabi nito.
"Edi wag kang maniwala. Hindi naman kita pinipilit eh." Sabi ko dito at binelatan ito. Nakita ko namang inirapan niya lang ako.
Nag-stay muna ako sa DR ko habang commercial break pa. Binuksan ko yung phone ko at nakita ang isang message na hindi ko alam kung kaninong pangalan.
Jaki?
From: Jaki
Thank you nga pala uli. Sobra mo akong napasaya. :))
Bigla naman nagsink-in sa akin lahat kung sino yung nag-text sa akin.
Jaki pala ang pangalan niya.. hindi ko kasi natanong kahapon.
Nakita kong kanina pa pala niya yun sinend kaya agad akong nag-reply.
To: Jaki
Ano ka ba. Wala yun. Tsaka maya't-maya ang thank you girl ha. Di ka ba nagsasawa? Hahaha.
Ilang sandali lang ay nakita kong nag-reply ito. Hindi ko alam pero automatic na ngumiti yung mga labi ko.
From: Jaki
Hinding-hindi ako magsasawang mag-thank you sayo, Vice. Sobra mo akong natulungan sa napaka-bigat kong problema.
Napakunot ang noo ko sa nabasa ko.
Problema?
Rereplyan ko pa sana ito nang tawagin na kami nung staff. Agad naman akong pumunta sa stage.
Kinabukasan...
Jackque's POV
Nagising ako sa sinag ng araw. Bumangon ako at bumaba para maghanda sana ng pagkain pero may mga nakahain na sa lamesa.
"Jaki! Kain na." Pag-aaya sa akin ni Madc. Agad naman akong umupo sa upuan at kumuha ng hotdog at bacon na niluto nito. Nakita ko namang umupo din ito sa tapat ko.
Tahimik lang kaming dalawa hanggang sa naisip ko nanaman si Vice. Nagsimula yun kahapon nung dahil sa 'spark' na naramdaman ko. Dapat ba akong maniwala dun?
"Madc." Pag-basag ko sa katahimikan naming dalawa.
"Naniniwala ka ba sa spark?" Tanong ko dito. Nakita ko naman ang pagka-bigla sa mukha nito.
"Ba't mo naman natanong yan? Naramdaman mo ba?" Tanong sa akin ni Madc na naging dahilan para ako'y kabahan. Sasabihin ko ba?
"H-hindi naman. Ano kasi... ahm.. n-napanood ko lang sa TV. Oo tama, napanood ko lang sa TV. Na-curious lang ako." Pagpapalusot ko dito. Nakita ko namang tumango-tango ito at parang nakumbinsido ko sa palusot ko.
"Actually, hindi eh." Sabi nito.
"Paano mo nasabi?" Tanong ko dito.
"Dahil sa ex ko. Nakaramdam kasi ako sa kanya ng spark nun. Yung as in para kang kinuryente ng bonggang-bongga. Tapos wala din, nahuli ko ding may iba. Edi ayun, hiniwalayan ko." Pagke-kwento ni Madc. Napatango-tango na lang ako. Siguro nga wala namang meaning yung pakiramdam na yun.
Vice's POV
"Ate Mina!" Tawag ko sa manager ng ST Dancers. Ngayon ko na kasi sasabihin yung kay Jaki eh.
"Yes Meme Vice?" Tanong nito sa akin. Sinensyasan ko naman itong lumapit.
"May kaibigan akong sumasayaw. Isasali ko sana siya bilang dancer dito sa Showtime. Pwede ba yun? Wag kang hihindi!" Pagbabanta ko dito. Napatawa lang ako ng bahagya.
"Sure. Basta ikaw. Pero kailangan ko pa ding makita kung meron talaga siyang talent ha." Sabi nito.
"Oo naman. Papapuntahin ko na lang sa DR niyo bukas." Sabi ko dito. Tumango-tango naman ito at umalis na.
Kinuha ko yung phone ko para balitaan si Jaki.
To: Jaki
Ate girl! Punta ka dito sa ABS bukas. 7am. Kailangan lang makita ni Ate Mina talent mo.
Ilang sandali lang ay nag-reply na ito.
From: Jaki
Sige. Salamat talaga!! ❤ Treat na lang kita next time. Hehe.
May kung anong tumusok sa pusod ko nang makita yung heart na emoji. Para akong kinikili---
Taph! Di ka kinikilig okay?
Umiling-iling na lang ako at hindi na nag-reply kay Jaki. Baka kung ano pa ang masabi ko.
Jackque's POV
Bumangon ako sa kama at nag-ayos. Ngayon na kasi yung araw na titingnan ako ng manager ng ST Dancers. Sobrang laki ng pasasalamat ko kay Vice dahil sa mga ginagawa niya para sa akin kahit hindi niya ako ganun kakilala.
"Jaki!" Tawag sa akin ni Madc.
"Ano?" Tanong ko dito.
"Mamaya na yung party ni Kuya Billy ha. Sabay na tayo pupunta dun." Sabi nito. Bigla kong naalala na may party pa nga pala mamaya. Tumango-tango ako dito at lumabas na ng bahay.
"Teka lang girl!" Pagpipigil sa akin ni Madc. Agad naman akong napalingon.
"Antayin mo nga ako. Hindi ka makakapasok kapag wala ako eh." Sabi nito. Wala na akong nagawa kaya inantay ko na siya.
Nang makarating kami sa ABS ay tinext ko si Vice para ipaalam sa kanya na andito na ako.
To: Vice
Vice, kakarating ko lang dito sa ABS. Asan ka?
Lumipas na ang ilang minuto pero hindi pa din ito nagre-reply. Baka tulog pa.
"Tara na sa loob." Pag-aaya ni Madc at pumasok na kami sa loob ng ABS.
Nagdire-diretso na kami hanggang sa marating namin ang DR ng Showtime Dancers. Bumungad naman sa akin ang ilang mga babaeng naga-almusal.
"Uy Madc!" Tawag nung isang babae kay Madc. Naglakad naman papunta si Madc doon sa babaeng tumawag sa kanya kaya naiwan akong mag-isa dito.
Ang galing.
"Jaki! Lika dito!" Uupo pa sana ako nang tawagin ako ni Madc. Agad naman akong lumapit sa kanya.
"Everyone, this is Jaki. Magiging dancer na din siya dito." Nagulat ako sa ginawa ni Madc. Tiningnan ko lang ito ng 'ANONG GINAGAWA MO' look.
"Talaga? Kailan pa?" Tanong nung isang babae.
"Titingnan siya ni Ate Mina mamaya dahil kay Ate Vice." Pagpapaliwanag ni Madc. Ako naman ay tahimik lang na nakikinig sa usapan nila.
"Huh? Si Ate Vice?" Takang tanong uli nung babae.
"Si Ate V----" Hindi na natuloy ni Madc ang sasabihin niya nang may magsalita.
"Good Morning everyone." Bati nung babaeng nasa harapan ng pinto.
"Morning Ate Mins!" Bati ni Madc dito. Nakita ko namang bumaling ang tingin nito sa akin.
"Ikaw ba yung friend ni Meme?" Napakunot ang noo ko sa tanong nito. Sinong Meme?
Ahh si Vice... hayy Jaki, ang slow slow mo din minsan.
"Opo." Sabi ko dito. Bigla naman siyang umupo dun sa upuan at pinapunta ako sa harap niya.
"Dance." She commanded me.
Paano ako sasayaw nito? Eh walang tugtog.
"Cashmir, play any music." Sabi nito doon sa babae. Agad naman itong ginawa nung Cashmir.
Nagsimulang na yung kanta pero hindi pa din ako umiibo. Nakuha naman ang atensyon ko nang makita ko si Vice sa may pintuan.
Gulat man ako ay umakto siyang nagchi-cheer kaya napangiti ako. Nagsimula na din akong magsayaw at mag-imbento ng mga steps.
"Okay, stop. I've seen enough." Sabi nito. Agad naman akong tumigil sa pagsasayaw.
"Ang galing ng isang 'to Vice ha." Sabi ni Ate Mina kay Vice. Napangiti naman ako lalo.
"Sabi ko sa'yo eh." Sabi ni Vice at kumindat dito. Bumaling naman ang tingin nito sa akin.
"Jaki right? Bukas ka na mag-start." Sabi ni Ate Mina. Tumango naman ako at pumunta sa kinatatayuan ni Vice. Agad ko itong niyakap.
"Thank you! Thank you! Thank you!" Pagpapasalamat ko dito habang mahigpit na nakayakap sa kanya. Nabalik naman ako sa wisyo ko at napagtantong masyado akong feeling close.
"S-sorry." Sabi ko dito. Nakita ko namang ngumiti lang ito.
"Okay lang. May utang ka sa akin." Sabi nito. Napatawa lang ako ng bahagya.
"Oo na, treat na lang kita. Gusto mo?" Tanong ko dito pero ngumiti lang ito ng nakakaloko.
"Gusto ko kiss." Sabi nito at itinuro ang pisngi niya. Sinampal ko lang ito ng mahina.
"Sira. Ang landi mong bakla." Sabi ko dito. Nagtawanan lang kami.
Itutuloy...