انا ماحاستحمل انو يمشي ليها تاني😭 والله حاموت 😭😱 قلت ليها انفال استهدي بالله هو حباها خمسة سنة اكيد حيكون عالق في حبها 😔بس صدقيني مابحبها بقا لانو مهند لمن يحب حاجة او زول ماحيتخلي عنو ابدا😊 خصوصا اذا كان اتراجع واعتذر ليهو😊 صدقيني لو كان بيحبها كان رجع ليها طوالي😊 هو متردد ماعارف لي شنو ماقادر يفهم حالو 😊يمكن بدا يحبك عشان كدا متردد صدقيني😊 هو اصلا مابتردد في حاجة ذي دي😊 بس انتي اقيفي معاهو حاليا وواسيهو مهند بدا يحبك 😍❤️لانو حكا ليك قصتو مع سيلينا ووثق فيك😍 حتي صحبتو اليها سنين ماحكا ليها 😂اسي خلي البكي قومي صلي اطلبي انو يبقا من نصيبك😘 قالت لي جنو ربنايخليكي لي😍❤️ قلت ليها امين جمعا 😌قامت صلت وبقت تبكي وتدعي💔 انتهت وجاتني قلت ليها نومي انتي 😁قالت لي وانتي ماشة وين 😳قلت ليها ماشة السطوح😌 قالت لي طيب ماتقولي لي امشي معاك 😒يلا فرشنا السراير ورقدنا انا ختيت يديني تحت راسي وبقيت اتامل في النجوم 😍💋قمت فجاة قلت ليها انفال😊 قالت لي يب😌 قلت ليها ماعارفة ياخ لكن اشتقت لي حسام 😭قالت لي اشتقتي لي منو 😳😱قلت ليها قلتا ليك حسام ماسمعت😳......قمت علي حيلي قلت ليها انا قلت شنو😳 قالت لي اشاقتي لي حسام🐸😁 ماتكوني بديتي تحبيهو😱 قلت ليها تحبك برصة😡 قالت لي برصة لي مهند دا قاعد يعمل في شنو 😂ضحكت قلت ليها فلة هو اصلا مافيهو حاجة عاجباني😒 عشان احبو قال احبو قال 😒قالت لي طيب اشتقت ليهو من ياتو ناحية🌚 قلت ليها ياخ نكدو مشاكلو معاي بلليل 💔غيظو 💔كلامو الزي خلقتو البقولو لي 💔استفزازو وانا بستفزو اكتر😍😌 كدا يعني 😌قالت لي ريان علي القسم حبيتيهو 🙊حمرت ليها😒 قالت لي انتي ماحصل اذكرت شاب بالطريفة دي 😒وكان للغيظ عمر دا كان بغيظك لي ماقلتي ليهو كدا 😒قلت ليها عمر غيظو خفيف شديد بالنسبة لي حسام 😏انا قلت ليك مابقدر احب زوووول انتي تقولي بتحبيهو لاوكمان حسام 😏قالت لي طيب الشوق شنو🐸 قلت ليها انفال قفلي مني😡 خلاص قالت لي بالجد 🐸قلت ليها انفال قلت ليك افصليها مني مابحبو يعني مابحبو😡 واصلا مافكرت في الموضوع لانو مستحيل😁 الاتنين بنكره بعض نمنا وكالعادة صحينا الصبح صلينا 😍❤️مشيت لي مهند لقيتو بصلي انتها من الصلاة 😍قلت لبه حقي صباحك انا😌 ابتسم قالي احلي صباح والله 😘قلت لبه استغفر الله انتا خشيت كورس رومانتك ولا شنو 🤔الكلام السمح دا جبتو من وين😂 قالي انا اصلا بعرفو😌 بس انتي زولة عندك جفاف عشان كدا ماقاعد اقوليك 😂قلت ليه اناماعندي جفاف عندي تصحر عديل😂 ضحك قلت ليه اها كيف وكيف😉 قالي قهوة وشاي 😂قلت ليه مهند استخير تمام😊 قالي استخرت😇 جيت قعدت جنبو قلت ليه اول مرة اشوفك متردد في حبك 🤔قالي انا زاتي ماعارف مالي😔 قلت ليه مهند حب خمسة سنة انا عارفة ماعادي يتمحي ماحاقوليك اعتبرا ماتت لانو حاتعيش في ذكراها 💔بس فتش عن حب جديد 😍وحتلفا روحك نسيتها خالص لانو انتا بقيت مابتخبها لو كنت بتحبها كان مااترددت انو ترجع ليك صاح😌 ولا لا قالي لكن تاني انا اذا حبيت ماحاكون واثق في الاخترتها وماعايز اظلم زول معاي💔 قلت ليه دا بعتمد علي نوع الشخصية الانت حبيتها😍 تمام بس صدقني البحبوك قاعدين بس انتا ماشايفهم😍😒 قالي ريان انا البحبني بحبني عشان مظهري وشكلي مابحبني عشان انا مهند😭 قلت ليه لا في 😡قالي منو😳 قلت ليه حتعرف بس انتا ركز في الحواليك😌 قالي جنو ماتتكلمي بالالغاز😒 قلت ليه المهم بس😌😂😂
ومرقت خليتو متحير😂 المهم قمنا والضيوف والحال والونسة 😍❤️يالله كان يوم حلو ياخ شديد ❤️💋اتونسنا وضحكنا وهظرنا 😍❤️وحتي خالتو امال وعمو كمال جو باتو معانا💞 ام فلتي وابوها 💓💝وتاني جا اليوم التالت واي الليلة حارجع بليل😔 طبعا ماما حنان وجوري جو اليوم الاول قعدو ومشو 😍يلا كناقاعدين بنتونس انا ولجين وفلتي لجين قالت لي اها العرس كيف 🐸قلت ليه انا عارفة الموضوع دا نهايتو كيف🙂 عشان كدا انطمي مني😂 قالت لي لا شعورك يامدام حسام 🐸عاينت ليه كدا قلن ليها اشعر بالكره 😌قالت لي حرام عليك اسي الزي حسام دا بكرهوه 😍❤️💋ضحكت يلا قاعدين نتونس في غرفتي فجاة تجي مامشكو قالت لي جنو في بنت منقبة دايراك برة😊 قلت ليها انا ومنقبة😳 طيب ماشا نزلت طبعا لبست توب واتبلمت ونزلت😂 تحت قلت ليها السلام عليكم 😇قالت لي وعليكم السلام😊 انتي ريان😊 قلت ليها ايوو عاينت كدا قالت لي عايزة اتكلم معاك بي راحة ممكن 😊قلت ليها اها طيب ارحكي غرفتي ومشت معاي دخلنا طبعا لجين وفلة اتهجمو 😳قالت لي عايزة اتكلم معاك عل انفراد بي صوت واطي😳 لجين قالت لي دي منو 😳قلت ليها صحبتي...🤔قامت البت قالت روان 😊قالت ليها اتشرفنا😉 قلت ليهم عن اذانكم يعني كلام خاص وكدا 😌ضحكو ومرقو😂 قالت لي اسفة علي الازعاج😔 قلت ليها لامافي مشكلة قالت لي انا روان طليقة حسام😊 قلت ليها شنو انتي روان😳 قالت لي اكيد حكو ليك عني 😔بس اسي انا
ماجيت اصلح القديم جيت انقذ الجديد😔 قالت لي ماشايلة معاي تلفون اصورك بيهو اقلعي التوب عادي😊 قلت ليها ماكدا بس مخلوعة انك جيتيني انا عرفتي كيف😳 ....قالت لي بت عمتو لي حسام زميلتي عشان كدا عرفت😊 قلت ليها اها😳 قالت لي انا عملت غلطة حسام ماحايغفرا لي انا متاكدة😔 انا جرحتو كتير بس عليك الله انتي ماتجرحيهو برضو 😭بت عمتو قالت انو ماعندو شغلة بيك بس حسام لو كاره زول مابقدر اتكلم معاهو اصلا 😭عليك الله ماتجرحيهو تاني حسام من النوع البكتم وجعو جواهو 😭وببين لي الناس انو قاسي شديد وكمان انو بلعب بي البنات😭 بس هو واضح وصريح معاهم بس تاني البنات البصرن عليهو بالرغم من تعاملو الكعب😭 لانو جنتل مان وجيه شديد وعندو قروش😭 وزول فاهم حسام عمرو مالعب بي بت البنات هم الكانو بفرضو روحهم عليهو 😭وبكونو منفتحات في تعاملهم شديد حسام دا معانتو شفتها بي عيني😭 بس كنت معمية بالقروش 😭هو كان بحبني بس انا مافهمت طبعو 😭ماحاولت اقيف جنبو بل كنت بضع اللوم عليهو 😭انو مابهتما بي وزول عصبي وعنيد😭 بس كان اللوم والتقصير كلو من ناحيتي انا😭 ندمت اني عملت لي زول حباني كدا 😭فتحت لي وشا قالت لي عايني الحصل لي شنو وفتحت لي يدينا😭 قالت لي ربنا غضبان علي ماخليت دكتور مامشيت ليهو😭(كانت عبارة عن قشور زي السمكة بالجد ربنا مابيظلم زول😊) دا كلو حق حسام بس😭 هسي انا جاية اصلح بيناتكم 😭افهميهو ياريان صدقيني اذا حباك حتكوني اسعد انسانة في الدنيا😍❤️😭 قلت ليها روان اناوحسام بنكره بعض ماشفتي تعاملنا في البيت كيف😊 واصلا مامتخيلا روحي معاو وبنحب بعض😊 مستبعدا الحاجة دي قالت لي انتي هسي ماحتفهمي بس حسام زول رائع😍❤️ وماممكن يخون او يعمل حاجة تضر زول😊 قلت ليها عارفة من تصرفاتو بحاول يجرح بي كلامو ويبعد الناس منو عشان ماياذيهم بحدة اعصابو 😊قالت لي ماهدي فاهماهو😉😌 قلت ليها لامافاهماهو ولا شي 😒قالت لي انا دايرة احزرك من نور دي هي ناوية علي شي قالت حتخليهو ليها لي الابد😒 قلت ليها مادام بتخبو تتهنا بيهو😊 قالت لي هي مابتحبو بس هي عايزا تعرسو عشان ترضي كبريائها 😊هي كانت عارفاني دايرا اغش حسام وهي القالت لي اجهض ولدو وكمان اخلعو😳 نور دي شيطان دي وحدة مريضة😳 اذا زول وقف في طريقا طوالي بتعمل ليهو سحر يقتلو بتاعت شيوخ الكلبة دي😳😭 المهم جيت احذرك منها😭 ومرقت خلتني فاتحة خشمي ماعرفت اعمل شنو 😱دي شنو المصايب البتقع في راسي دي😭😱
المهم تميت باقي اليوم يالله 😭ولملمت حاجاتي وشلت شنطتي التانية😍😁 ختيت فيها حاجاتي واسبورتاتي😌❤️ وبناطليني طبعا اصلا انا محمد بت يعني فستان مستحيل البس 😌بي بناطلين وبلوزات تحت العباية 😌وفي البيت وفي اي محلة 😂المهم ودعت ناس امي وجيت مارقة😭 قلت ليه عمو صلاح عملت حلة كبيرة قهوة ليكم كلكم😂😂 ماتتشاكلو فيها 😂قالي مما مشيتي تاني ماشربت جبنة😔 الله يديك العافية❤️😍 قلت ليه امين 😘وركبت ودعت ناس امي وهي تشيل وتوصي فيني😌 وابوي زاتو خليك عاقلة وكدا😂 قلت ليه ابوي انا من صغيرة بسمع وصية ام لابنتها 😁اصلو ماسمعت وصيت اب لابنته 🤣🤣قعدو يضحكو😂 واتحركنا وصلنا البيت السواق نزلني قلت اجي عمو صلاح وين😳 اذكرت انو لجين قالت لي في رحلة ماشينها كلهم 😒اصلا اليلة اللمة في بيت ماما حنان😒 بخلصو وبجو😒 المهم فتحت الباب ودخلت مشيت في الحديقة سامعة اصوات 😳بقيت بعاين كدا دخلت جو القا ليك الناس دي متجمهرة😳😱 اعمام حسام وعماتو واولاهم وفي ناس ماعرفتهم 😳بعديها جا داخل قصي قالي ريان في شنو 😳😱قلت ليه انا زاتي ماعارفة😰 قصي زحزح الناس لقيت ود عم حسام ماسك حسام😒 من لياقت فلنتو وبنبذ فيهو😒 اجي دا شنو دا واكتر حاجة استغربت انو حسام مااداهو بنية كسر ليهو حنكو لسا😂 وواقف بعاين ليهو وجوري وماما حنان ساكتين 😔ونور قاعدة في الواطة وبتبكي 😱ولابسة جكت حق اخوها اظنو وشعرها منكش وحسام معرق شديد😳 وود عمو دا هايج وبكورك فيهو😒 انا من دون مااحس قلت ليه ههوي انتا في شنو ماسكو كدا😡 قالي ماتساليني انا اسالي راجللك القذر الوسخان دا😡 جا قصي فكاهو من حسام مسكت يد حسام قلت ليه حسام في شنو🤨 قالي ريان انتي جيتي😳😍 قمت اتخلعت وشلت يدي من يدو😳😱 قلت ليه حساااام دا شنو دا😳😱😰
يتبع...........😍❤️😎💋