هلووووو شلونكم يله نبدي احبكم
.
.
.
.
.
.
.
بعد مرور اسبوعين
جود
(راح اختصر الاحداث شويه )
مرو عادي يعني بعد العرس طالعو على اربيل اسبوع ورجعووو وطبعا كرم ما غير معاملته مع عمتي ابد حتى ما يحجي معاهاواني كلش انقهر عليها لان كلما تتقرب منه هو يبعد عنها اكثر وعلاقتي اني واحمد ماكو شي يعني عادي بس مجرد حبي اله زاد وحبه الي زاد كمت اذا ما اشوفه احس نفسي راح اموت حتى هو هم كل شويه يخابر يسئلني اشسويتي اكلتي اش كاعد تسوين وهيج واليوم الجمعه جدوو عزمنا احنا و عمر وزهراء ونسيت خاله ام احمد كن اجت عندها اختها ام ريم طبعا اني كلش تعصبت اووف هيا اش كاعد اتخطط الصراحه خفت من ريم لان خبيثه واليوم كعدت من وكت شويه وبدلت لبست بنطرون اسود و قميص يوصل الحد الركبه هم اسود وشال احمر وشوز احمر وساعه وعطر ونزلت
جود : صباااح الخيررر
الكل : صباااح النور
جود : بابا حبي عندي طلب
ابو جود : احجي بنتي
جود : اريد اخذ السياره عندي مشوار صغير الله يخليك حباب
ابو جود : اي عادي خذي(وطعها المفتاح) انروح ابسيارة كرم وانتي روحي
جود : باااااي احبكم
ام جود : يا ابو جود ماصير تنطيها المفتاح وانت ماتعرف وين راحت
كرم : شنو يمه ماعندج ثقه اب جود
ام جود : لا اني عندي ثقه اب جود بس ماعندي ثقه اب أولاد الحرام
ابو جود : كولي يالله يله اذا خلصتم كوموو ما اريد نتئخر
الكل : يله
وراحو وصلوو
عائله ابوجود : السلام عليكم
الكل : وعليكم السلام
الشيخ : اكعد بس وين جود
ابو جود : طلعت هسا فد شويه وترجع
احمد : وين راحت هسا كبل شويه جنت احجي معاها بس ما كالت راح تطلع
الشيخ : يا ابنب ما يصير تطلع وانت ما تعرف وين رايحه
ام جود : والله يا شيخ اني هم احجي معاه بس ما يرد علي
ابو جود : اني واثقه من بنتي
زيد : واني اكول ليش اليوم هدوء اثاري جود ما موجوده والله طلعت هيا صاحبت الهوسه وطلعتو انتو مملين
الكل : انجب
زيد : اشكركم
شويه واجو كرم وزهراء
عمر وزهراء : السلام عليكم
الكل : وعليكم السلام
زهراء : وين جود اشو ماكو
زيد : طلعت هسا فد شويه وترجع
زهراء : هااا
احمد
اووف يا جود وينج اووف ليش من جنت احجي معاج ما كلتي بس لا يطلع حجي المجهول صحيح (طبعا من كبل فتر جان احمد ييجي رسائل من شخص مجهول ويحجي على جود مثل انت نايم ورجلك بل شمس او انت ماتعرف جود على حقيقتهاطبعا هو ما ايصدك لان عندا ثقه اب جود بس هسا صار عندا شك ) اوووف جود اوووف وجنت كاعد معاهم بس افكار اتجيبني وافكار اتوديني
جود
طلبت اطلع لان عيد ميلاد احمد السبت وجنت ناويه اسوي اله مفاجأه وما حبيت احد يعرف لان أريد اسوي مفاجأة للكل وطلعت حتى اشوف ابو القاعه الي راح اتصير بيها الحفله طبعا هيا قاعه صغير مال حفلات الميلاد وخلصت وجنت راجه بس افكر شنو راح اكلهم وين جنت وبعدين عرفت شنو راح اكول وصلت وفتت
جود : هلووو شلونكم اخباركم
الكل : هلا بيج زينين
الشيخ : وين جنتي جود احجي
احمد : وين جنتي وليش ماكلتي من جنت احجي معاج
جود : شبيكم على كيفكم اشو اكلتوني جنت جنت قاطعته ريم
ريم : الله اعلم وين جنتي وهسا كاعد اتلفين جذب وحجي من عندج
جود : اول شي انتي لا تدخلين وثاني شي جنت عند صديقه الي هنا البارحه بليل سوت حادث ونقلوها للمستشفى وهيا ماعدها احد غير امهااا وخابرتني امها وكالت انو تريد اطلعها بس ماعدها احد فاا كالت اني اروح عليهم ورحت وطلعتهم وصلتهم ونزلت شويه ورجعت (طبعا جنت احجي واطكطك اصابيعي اني طبعي من اجذب اطكطك اصابيعي )
الكل : هاااا اي حقج
احمد
من حجت انتبهت عليها متوتر وتحجي وتطكطك اصابيعها واني اعرف من تحاول تجذب تكوم تطكطك اصابيعها وعرفت كاعد تجذب بس اريد اعرف وين توصل بل جذب وشويه وصلتني رساله من الرقم المجهول مكتوب (انت اكيد ما تعرف وين رايحه جود موو واكيد جذبت عليكم وانت صدقتها مثل الاثول)
اتعصبت اوووف
جود
مشى اليوم عادي يعني اكلنا وخلصنا وغسلنا وشربنا جاي وكام الكل حتى ينام اني تركت موبايلي جوه وطلعت فوك مع البنات طبعا اني ما اخلي رمز بل موبايل لان اني ماعندي شي حتى اخلي رمز وطلعنا نمنا بس احس احمد بي شي وبعدين اتذكرت هو كال الي انو عند شغل كلت بلكي من ضغط الشغل لان كالي مشغول هوايه ونمت
ريم
طبعا اكيد عرفتو احمد كاعد يجي رسائل من رقم مجهول طبعا اني ادز اله الرسائل بس هو كلش يثق اب جود بس هسا صار عندا شك شويه وشفت الكل طلع نام وجود طلعت بس عافت موبايلها اي هسا اكدر اكمل الخطه رحت اخذت الموبايل وطبعا اني اب موبايلي عملت حساب ولد وكمت ارسل من موبايل جود على موبايلي وصوره ورسائل كلش وسخه وكملت ورجعت الموبايل بس اجى كرم اوووف هذا اش جابه
كرم : شو كاعد واش عندج اب موبايل جود
ريم : هاا كان اكو صوت موبايل عبالي موبايل جود بس طلع مو هو وهسا صاعد انام
كرم : هااا اي
اوووف طلعت ورحت عل غرفه خاله كالت هاي الكم نامو بيها امي جانت نايمه طبعا اني حجيت مع صديقه الي كلت الها اريد اخوج ايسوي هاي الصوره مع ولد وشكد ماتريدون انطيكم كالت اي بس اليوم بليل يخلصها وادزها الج كلت عادي وسديته ههه ياجود راح اوفي اب وعدي الج وكبل ما يخلص الشهر ههه بس اليوم الج معاه باجر ما معاه ههه ونمت
جود
كعدنا مشى اليوم عادي بس كبل ما انروح رادني احمد بل غرفه شويه
جود : هااا حبي رايد شي
احمد : مشتاقلج كلبي وحضنهااا
جود : واني هم مشتاقتلك احمد احبك وحضنته اقوه
احمد : واني احبج واموت عليج جود بعدها عن حضنه
جود : هااا كلبي
احمد : جود اوعديني ما تتركيني
جود : اكيد اوعدك ما اتركك بس انت هم اوعدني
احمد : وعد احبج اموت عليج
جود : واني هم احبك يله صار لازم اروح باااي وبسته اب خده
احمد : بااااي
جود
ما اعرف ليش كلبي واجعني اووف رحت للبيت وكبل نمت من التعب وحلمت اني ابمكان كله وحوش وبس اني ابحدي واجى كرم علي كلي لا تخافين اني اطلعج من هذا المكان بس ما اكدر اضل معاج وطلعني وراح وكمت اصرخ لا لا لا تروح تعالى كرررم وبعدين اجى علي ولد شباب وبنت كال تعالي معانا انتي مايصير اتضلين وحدج تعالي احنا معاج وفزيت بسم الله الرحمن الرحيم يارب سترك اووف كمت شربت ماي ورجعت نمت اووف
احمد
اوووف افكار ابراسي كثار جود ليش جذبت منو الي كاعد يدز الي الرسائل وشلون يعرف ايمتى كاعد تطلع وايمتى ترجع كل هل افكار ابراسي اوووف راح اكول الصديق الي ضابط بلكي يكدر يحدد الرقم مال منو باجر اروح علي وبعدين نمت وبعدين كعدت من وكت وبدلت وطلعت راحت علي كال عادي يكدر بس الى باجر يله يخلص كلت اله عادي ورجعت للبيت جانت تقريبا الساعه ١١ ونص هيج ورجعت وسلمت ورحت للغرفه وتمددت حتى ارتاح وتمددت ونمت شويه وكعدت على صوت ليان تكول تعال اكل كلت الها هسا وكمت شفت كن اجتني رساله من الرقم المجهول مكتوب (شوف الصوره وراح تعرف جود شنو وهاا لا تنسى اتشوف الموبايل ) وشفت الصور وتعصبت (الصوره كانت عبره عن جود ويمها ولد وابوضعيه وسخه) وطالعت كبل من الغرفه ونزلت وشفت عمي ابوجود وخاله ام جود بس جود ماكو
احمد بعصبيه : جود وين
ابوجود : بل بيت هسا شويه وتجي هيا وكرم
احمد بعصبيه : هااا اني طالع
وطلعت ورحت على بيت عمي وفتت طبعا لان عندي المفتاح كبل فتت وشفت جود بل حمام وشفت موبايلها اخذته ورحت للصاله وكعدت وفتحت الفون وشفت شي ابعمري ما اتمنى اشوفه رسائل وحجي وسخ ابحياتي ما توقعت كل هذا من جود وطلعت جود كانت امبدله
جود : هلا كلبي اكو شي
احمد بعصبيه : ولج اني طرطور كدامج حقيره كل هذا من وراي
جود : شكوووو احجي
احمد
هجمت عليها ضرب بل حزام موتتها من الضرب ما عفتها الى ان فقدت ورحت كعدت على صفحه وافكر ليش تخوني ليش لان حبيتها ليش جوووود ليش اااااااااااه وكمت اكسر كل شي كدامي وكعدت اااااه ليش ليش
جود
من طلعت وشفت احمد عصبي وحجيت معاه وصار الفوك شبعني ضرب بل حزام بس اريد اعرف ليش هل ضرب ما يحجي وشويه شويه كامت الدنيا تسود ابعيني وبعد ما حسيت اش صار
كرم
بابا كال روح جيب اختك وتعال رحت وفتت شفت جود كلها دم واحمد كاعد يمها وبيده الحزام اني فقدت من العصبيه
كرم : انت شنو ليش ضربتها اش سوت الك
عفته ورحت على جود وشلتها وديتها للمستشفى وخابرت على ابويه و الشيخ واجوه وسئلوني حجيت الهم كلشي صار
الشيخ : شبي هذا جنن اني اله بس خلي تصير ابخير حفيتي واني اعلمه
شويه وطلع الدكتور
الدكتور : لا تخافون ما كو شي بس البنت متعرضه للضرب وفقدت لان جسمها ما اتحمل وهسا تكدرون اتشوفوها
الشيخ : شكرا دكتور
الدكتور : لاعادي هذا شغلي
ورح وفتنا كلشي ما ابين من وجها كله ازرق من الضرب حقير
جود
كعدت اني بل مستشفى وشفت جدو و بابا وكرم يمي واتذكرت الصار وكمت ابجي
جود : بابا الله يخليك لا تخلي يضربني والله ما سويت شي الله يخليك جدووو حباب انت لا تخلي يضربني والله والله ما سويت شي الله يخليك كرم حباب انت اخويه موو الله يخليك احميني منه
الشيخ : اشششش بنتي احنا كلنا معاج لا تخافين
كرم : والله اخذ حقج منه لا تخافين
ابو جود : اسكتي بابا اني يمج ما يكدر يسوي شي
جود
شويه وطلعنا ورحنا على بيت جدي ورحت معاهم لان اخاف من احمد يرجع يضربني اخاااف ورجعنا شفت الكل خايف ومتوتر وشفت احمد كاعد بس عيونه حمر من العصبيه
جود : جدوو الله يخليك لا تخلي يضربني والله ما سويت شي الله يخليك
الشيخ : اششش بنتي سكتي احمد اشرح شنو الي صار بسرعه
احمد : ما يحتاج لان اذا انت عرفت متئكد ما راح اتخليها عايشه
جود : لا احجي اني ما اخاف لان اني ما امسويه شي
احمد : انتي جبتيها الج وحجه الهم كلشي وشوفهم الصور والرسائل صار هذا الي صار
جود : والله والله جذب اني كلشي ما امسويه والله وقاطعه ضربه راشدي من أبوها
ابو جود : الضاهر اني دلالتج زايد ولج ليش خنتي ثقتي بيج ليش اني قررت قرار اني من اليوم ما عندي بنت اسمها جود اني اتبريت منج
الكل :😯😯
جود : انت جدووو اكيد انت راح اتصدق اني ما اسوي هيج الله يخليك
الشيخ : ليش خنتي ثقت اهلج بيج ليش واني هم بعد ما عندي حفيده اسمه جود من اليوم جود ماتت
احمد : حتى اني ما ايشرفني وحده مثلج اتكون زوجتي انتي طالك طالك طالك
جود : كرررم انت الله يخليك لا تتركني انت تعرفني اني اسوي هيج كول
كرم : اششش حياتي خلص اني مصدكج اسكتي كلبي وانتو شوفو كلكم راح تندمون واني اوعدكم باجر اجيب الكم دليل على برائت جود وكلكم راح تندمون
جود : واني وراى ما اثبت برائتي صدكوني ما راح اتشوفون وجهي
كرم : امشي جود
جود
طلعنا واني الكريق كله ابجي اااااه شي صعب اذا اقرب الناس الك ما صدكوك اااااااااخخ والله تعبت ااااااه بس الحمدلله كرم معاي الف الحمدلله وبعدين اتذكرت كلام ريم من كالت ما راح اتخليني اكثر من شهر شهرين وفعلا سوت حجيهااا بس اني الج ال اثبت برائتي وصلنا كرم حجز بل فندق وفتنا على سويت
جود : اهئ اهئ كرم والله مو اني الي سويت هيج ليش ما كاعدين اصدكوني ليش
كرم : اششش خلي انفكر شلون نثبت برائتج جود انتي ابرئيج منو الي اله مصلحه ايفرقكم انتي واحمد فكري
جود : ريم ريم ماكو غيرها وهيا اصلا يوم الخطبه كالت انو علاقتي اب احمد ما راح اطول امثر من شهر شهرين وفعلا سوت هل شي
كرم : هسا عرفنا منو ورى هل شي بس ينراد ادله اني جبت موبايلج والصوره خلي نرجع انشوفهم بلكي نلاكه شي
جود : اييي يله
وشفناهم
جود : كررم الرسائل كلها البارحه الضهر وكت ما كنت نايمه يم البنات وحتى تركت الموبايل جوه
كرم : ايي واني البارحه شفت ريم بيدها موبايلج ولمن سئلتها وتوترت وما عرفت اتجاوب هذا اول دليل
وشفنا الصوره
جود : كرررم شوف البنت الي بل صور عدها شامه اب ايدهااا واني ما عندي شوف شوفته ايدي
كرم : اي وهذا دليل ثاني هسا ضلت اخر خطوه اريد منج تطلبين انو تشوفين ريم خابريها واحجي معاه واتفقو تلتقون ابمكان على اساس انتي مسافره وراي اتشوفيها اخر مره
جود : اييي عندي رقمها خلي اخابرهااا
ريم : الووو منو
جود : اني جود
ريم : هلا اب جود
جود : اني مسافره بس اريد اشوفج اخر مره لان عندي حجي وياج مهم
ريم : ولو ما اريد اضيع وكتي معاج بس عادي مادام بعد ما انشوف جهرتج عادي بس وين
جود : اب ....... هسا اريد اشوفج
ريم : اوكي هسا بس ابدل واجي
سديت الموبايل
كرم : شوفي راح اتروحين ومن تكعدين شغلي موبايلج على تسجيل الصوت واسحبي منها الحجي وهيج عدنا دليل ثالث
جود : اي خوش
بدلت وكملت ورحت كعدت وبديت تسجيل الصوت وشويه واجت
ريم : هلا والله اب ست جود
جود : هلا اكعدي اريد احجي معاج
ريم كعدت : اي احجي
جود : انتي نفذتي كلامج وما خليتي علاقتي اني واحمد اطول اكثر من شهر الصراحه عجبتيني لان انت كول وفعل بس اني الى هسا ما عرفت شلون صار هيج عادي تحجين الي واعتبريها اخر مره احجي معاج بعتبار اني مسافره
ريم : راح احجي الج لان راح اخلص منج وبعد ما اشوفج وحجت الها كل شي من البدايه الى النهايه وهيج فرقتكم
جود : ماشاء الله ذكيه كل هل خطط منج انتي بس اهنيج كدرتي اتفرقينه وهسا اني راح اروح وانتي ضلي هنا يم احمد ضل الج اني رايحه بااااي
ريم : الله معاج روحه بلا رجعه
جود
رجعت عل فندق وسمت كرم كلشي
كرم : وكعت الحمدلله امشي انروح انودي الهم
جود : لا لا كرم اكعد اول شي اريد اسويه شغله وبعدين
كرم : شنوو
جود : شوف اذا هسا شوفتهم الادله راح يخلوني اسامهم وانت تعرفني بسرعه ارضى بس اني انجرحت منهم وما اريد اسوفهم بعد فاا اريد انت اليوم اتروح تحجز الي علمود اسافر واريد اسافر على السويد واريد توعدني محد يعرف اني وين رايحه
كرم : على راحتج و اوعدج ما اكول الاحد
جود : واريد شي ثاني منك
كرم شنو
جود : ما اريد علاقتكم انت وليان تتئثر من ورانا اني واحمد اريدكم تكملون حياتكم سووو اوعدني
كرم : اكيد ما راح اتركها لان هيا ما الها دخل
جود : خوووش
كرم : اني طالع احجز الج حتى باجر وراى ما تسافرين اني اروح اكلهم
جود : الله معاك
وراح كرم وكعدت اني كتبت رساله ال اهلي ورساله ال احمد وخلتهم كلت من يبجي كرم انطي اله وخلي باجر هو ينطيهم الهم بس الصراحه اني كلش موجوعه لان اهلي ما صدكو بيه اوووف بس انشاء الله اكدر انسه من اسافر اوووف احس ابدوخه وراسي صاير طبل كاعد يوجعني كلش واجى كرم
كرم : حجزت الج باجر الساعه ٨ الصبح الطياره وجبت الج فلوس ادبرين حالج بيهم
جود : شكرا كرررم لو ما انت اني جان ما اعرف اش اسوي شكررا وحضنته
كرم : لاتشكريني اني اخوج هذا واجبي وراح اشتاكلج
جود : واني اكثر
وفات بدل وبعدين جاب امل بس ماكدرت اكل فا كمت نمت وكعدت الساعه ٦ الصبح وفتت سبحت وطلعت بدلت صار الساعه ٧ الصبح وكعد كرم وسبح وبدل وطلعنا وصلني للمطار ونزل معاي وكعدنا اشويه وبدي صار الوكت ودعت كرم وطلعت كبل ما اصعد كلت يا وطن راح اطلع منك واني حزينه اتمنى ارجع الك واني سعيده وطلعت ورحت هذا هو
خلي انروح على بيت جد جود
احمد
بعد ما طلعو الاوضاع سائت جدي ارتفع الضغط عندا وعمي هم والكل حزين ويبجي واني بس افكر انو ليش سوت هيج ليش اني شنو سويت الها حتى خانتني ليش وصار اليل والكل نام وطبعا اني بعد محاولات يله نمت وكعدت الساعه ٨ ونص ونزلت شفت الكل كاعد عل اكل بس محد ياكل وشويه واجى كرم
كرم
بعد ما وصلت جود رحت للفندق وجبت الادله ومع الرسائل الي وصتني عليهم جود ورحت وصلت الساعه ٨ ونص وفتت
كرم : بعد اذنك شيخ اريد الكل ييجي للصاله
الشيخ : كوووموو للصاله
وراح الكل كعد
كرم : طبعا اني كلت الكم البارحه انو راح اجي باجر واجيب الادله واجيت وجبتها
الشيخ : شنو الادله احجي
كرم : او شي الرسائل كلها ابنفس الوقت كان وقت الرسائل الجمعه الضهر الساعه ٢ ونص بس جود اب هذاك الوكت وين كانت كانت نايمه يم البنات ليان جود لمن جانت يمكم جان بيدها الموبايل
ليان : لا ٩تى تركته جوووه وطلعت
كرم : هذا اول دليل انو جود ما الها دخل بل رسائل وثاني دليل شوفو الصوره هاي ما البنت الي بل صوره عدها شامه ابيدها بس جود ماعدها شامه ويمه اكيد انتي تعرفين
ام جود : اي اني اعرف بنتي زين وكل شامه اب جسمها حافظه مكانها جود ابد ماعدها شامه اب ايدها اليسرا
كرم : وهذا ثاني دليل بس هسا اجى وكت الدليل الاكبر
وطلعت التسجيل وسمعتهم كل الحجي والكل جان مصدوم هذا اخر دليل
احمد : ولج ريم والله موتج على ايدي وضربها كف
ام احمد : اختي ام ريم مع احترامي الج بس اخذي بنتج واطلعي وما اريد اشوف بنتج ابيتي ابد
ام ريم : ولج حيوانه امشي سوتي وجي اللله يسود ووجج يا حقير انشي وحسابج بل بيت وراحوو
ابو جود : ابني وين جود
احمد : كرم احجي وين جود اني اذيتها وما صدكتها اريد اعتذر منها كوول
الشيخ : احجي ابني
احمد : اني طالع ادور عليهااا
كرم : اوكف ما يحتاج ادور عليها
احمد : ليش وينهااا
كرم : جود سافرت خارج العراق وما اتريد احد يعرف مكانها ابد بل اخص انته
الكل : 😯😭
احمد : كرم احجي وين سافرت
الشيخ : احجي ابني كول
ام جود : الله يخليك احجي لا تسكت
كرم : انتو اتبريتو منها وهسا جاين اتريد ون تعرفون وينها مستحيل اكول وينها بس جود تركت الكم امانه يمي بابا هاي رساله من جود الكم كلكم اقرها ابصوت عالي
ابو جود : اي
الرساله
اهلي حبايبي تمام انتو اتبريتو مني بس ما اكدر اكرهكم حقكم لو اني مكانكم هم هيج اسوي ويمكن اكثر بس اني ما اريد اضل معاكم لان يمكن اذا ضليت راح اتوجع اكثر بس اذا بعدت عنكم يمكن اكدر انسه الي صار وماما ما اريدج تبجين ابد لان يبجي يوم وارجع الحضنج بس هسا ما اكدر احبج وجدوو او الشيخ صح انت تبريت مني بس مااكدر اكرهك ومسامحتك دنيا واخره بس ما اكدر ارجع اعذرني احبك وبابا اني راح اضل احبك ال اخر يوم من حياتي لان اني ما اكدر اكرهك احبك اكثر من نفسي بس اعذرني ما اكدر اكعد معاكم ابنفس البيت لان اذا كعدت معاكم كل يوم راح اتذكر هذا اليوم الاسود وباااااي احبكم كلكم شلع قلع
جود
ابو جود : هذا الي كان مكتوب
كرم : وهاي الرساله الك احمد
احمد : شو جيب
اخذتها وطلعت للغرفه مالي وبديت اقره
الرساله
احمد حبي حياتي عمري كلبي حبي الاول انت كتب الك هاي الرساله علمود شغله وحده علمود اكلك كل عم وانت بخير وهاا شغله ثانيه يوم الجمعه من طلعت الصبح طلعت علمود اروح اشوف قاعه صغير مال حفلات الميلاد كلت حتى اسوي الك مفاجأة بس كبل ما اسوي اللك المفاجأه انت سويت الي مفاجاه الصراحه اني راح اطلع واحاول انساك لان لو ضليت يمكن ابنفس اليوم راح اسامحك بس اني طلعت حتى انسه لان اني ما اكدر اكمل مع شخص من اول مشكله ما وثق بيه ما اكدر واريدك انت هم تحاول تنساني وكمل حياتك بدوني باااااااي احبك
جود
قريت الرساله ودمعوعي اتصب خلصت وكمت كسرت الغرفه كلهاااااا خلص اتي خسرتها كل من ورى غبائي
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
وووبس خلص البارت عدد الكلمات ٣٠٠٣ كلمه باااي احبكم