السلام عليكم و رحمه الله تعالى و بركاته...
زمرد
مر اليوم عادي ماكو شي صاير بس احس زينة مو على بعضه متوترة و خايفة لذا قررت احجي وياهة
دخلت لغرفته لكيته كاعد و تخابر مدري تحجي وية منو بس شافتني فوراً نهت المكالمة و سدت التلفون
زمرد : شبيج خفتي من مكانج صاير شي ويامن جنتي تحجين و اهيج خفتي
زينة : لا بس صديقتي جنت احجي وياهة
زمرد : وصديقتج اهيج تقفلين المبايل بوجه صاير ولج شضامه
تقربت منه و كعدت على الجرباية
زينة : مضامة شي شبيج
زمرد : لعد ويامن جنتي تحجين و اهيج خفتي
شو عصبت و عاطت عليه
زينة : كتلج صديقتي شبيج متفهمين
زمرد : علكيفج ليش تعيطين
زينة : اسفه اعصابي متوتر مقصدت اعيط عليج اسفه
زمرد : ميخالف مصار شي بس شبيج اهيج خايفة و متوترة احد مسويلج شي
زينة : لا بس هاي الفترة اعصابي تلفانة و متعاركة وية صديقتي و اهيج صاير
زمرد : ان شاء لله تنحل المهم تعاي نزلي جوة خلي نسوي كيك شنو رأيج
زينة : و شنو المناسبة
زمرد : الة اكو مناسبة يلة نسوي كيك اني مشتهية كيك و ية العصير
زينة : لعد يلة
نزلنة اني و زينة بس متأكدة السالفة اكبر من عركة وية صديقته مدري شسالفة بس كلبي ممرتاح احس ضامه شي
رحنه للمطبخ و سوينة كيك و عصرنا...
و جمدناه و سوينه كريمة و حطينة على الكيكة هلأثناء اجتي عمتي للمطبخ
ام سيف : شدسون هاي
زينة : دنسوي كيك
ام سيف : بل وخرن خل اشوف
ام سيف : شكد حلو بس شنو المناسبة للكيك
زمرد : ماكو مناسبة بس حبينه نسوي كيك لان مشتهيته
ام سيف : بالعافية حبيبتي
زمرد : الله يعافيج عمه
كملنه الكيك
و رحنه نسوي العشا
و سيف هاي الايام كلش صاير يتأخر بالشغل صح اضوج من يتأخر بس ما ابينله ما اريد اثقل عليه بشي اهيج عايشين و مرتاحين
بس كلبي على زينة خايفة عليه
قبل لا نصب العشا بشوي يلة اجه سيف سبح و بدل و نزل اكل ويانه
احسه هو هم تعبان حيل
ورا ما خلصنه عشا كام راح نام حته ما اكل الكيك مالي
ضميته اله بالثلاجة وية عصير بعدين ياكلهن و رحت نمت
ثاني يوم صادف الجمعة
و طبعا حبوا نسوي على الغدة سمج مشوي
مشترين سمجه شكبراته
و اني اريد الزمه و هي بس ترافس
بعدني محاطة السجينة عليه شو هاي رفست قوي
عطت من مكاني من الخوف
هسة اني شبلاني اسوي سمج
فوك حظي هذا سمجة بكد البعير و بس ترافس
و اني اخاف منه بس ترافس اهيج
هسة شلون سالفة
ظليت اباوع عليه منتظرته ينكطع نفسه و تموت و تخلصني
هسة اني شبلاني بيج
و زينة... ماكو عازلة بغرفته و عمتي طالعة لسوك و الولد بشغل و سجى هم متنزل عود حامل لا تطبخ و لا تنظف يحضي
ظليت انتظر نص ساعة و السمجة ما ماتت
هسة اله ياكلون سمج
هسة هاي متموت مو سمجه
عود شوية اشجعت و جاي الزم بيه و اطعنه بالسجينة شلون دفرت دفرة كون طاحت السمجه من السنك للكاع و اني رجعت ليورة يم الثلاجة من الخوف
هسة هاي شيشله من الكاع
ظلت ترافس بلكاع
حد ما شفته بعد وكفت و بعد متتحرك
تاكدت ماتت
جبت جيس و شلته و حطيته على السنك و اني اذبح بيه
نظفته ورا شلعان الكلب
و حطيته برة بصينيه
ورحت انظف اثار المعركه مع السمكه المناظلة
ورا ما خلصت تنظيف
اجيت اخذ الصينيه
جان الكة البزازين و ملتمتلج على صينيه السمج غير انخرعت من مكاني
شلت النعال و اركض وراهن حد مراحن
لكيت السمجه رايحه
البزازين ماكلته و ممبقية شي
هسة اني شسوي
فوك البلة ابتلي بهاي السمجة هسة شياكلون على الغدة
ظليت احوس بمكاني
هسة شسوي
اخذت مبايلي و دكيت على حسين
لان سيف بالشغل
و حسين طالع وية جماعته
رمشتله جاوب
حسين : هلو زمرد
زمرد : مو وكت الهلو ولك الحكني
حسين بس سمعته تحجي و هي خايفه خوفتني كمت على حيلي...
حسين : شصاير وياج
زمرد : ولك السمجه اكلته البزازين
حسين : طاح حظج من خفت خوفتيني و اخر شي علمود السمجه
زمرد : ولك اكلك راحت السمجه شسوي على الغدة..
حسين : اي هسة اروح للمطعم و اجيب سمج مشوي لا تخافين
زمرد : ماشي بس بسرعة...
واحد من الولد الي وية جماعة حسين
الولد : شكو شصاير
حسين : مرة اخوية عايفة السمجة و ماكلته البزازين
الولد : لعد خوش هاي مرة اخو زين على الاقل مراح بيتكم
حسين : ههههههه زين هي مو هنا لو سمعتك جان و لا عافتك عليه لسان شطولاته
الولد : هاي شطلعت الله يعينكم عليه
حسين : على العكس وجوده هو محلي البيت يلة اني اترخص اروح للمطعم اجيب سمج...
زمرد
كعدت بالبيت اباوع لصينيه السمجه و مقهورة عليه طاح حظي شبيه نسيت اكو بزازين هنا اني هم شوية الثول ضارب على راسي
خل اروح اشوف زينة شو هاي بس حابسة روحه بالغرفة
صعدت الدرج و دكيت باب غرفته و دخلت
زينة : هاا زمرد شكو
زمرد : سلامتج كلشي ماكو شبيج كاعده بغرفتج و قافلة الباب جان اجيتي بدل كعدت الموبايل تجين اساعديني بالغدة
زينة : اي هسة اجي
زمرد : ميحتاج تجين كملت بعد وكت بس كليلي شبيج ترا ممرتاحة لهذا وضعج
زينة : ليش شبي وضعي
زمرد : كلشي مبي سالم وضعج حبيبتي
زينة : شبيج تحجين وياي هيج ترا كلشي ممسوية
اجيت كعدت يمه
زمرد : باعي زينة انتي بمثابة اختي و اكثر و سرج بمأمن كليلي شصاير وياج حته اساعدج
زينة : مصاير شي يول ليش تلحين
زمرد : شنو متثقين بيه
زينة : دا اكلج معندي شي ليش اطولين بالسالفة و تفتحين مواضيع مبيه شي
زمرد : ماشي على راحتج و اني موجودة كلما احتاجيتيني
طلعت من الغرفة و نزلت
و هاي سجى متكلف روحه تجي شوية اساعدج هي قبل مجانت حامل بلكوة تشتغل نوب هسة
ورا ساعة تقريباً
اجه حسين و جايب السمج وياه
حسين : هاج يا طباختنه الماهرة
زمرد : دنجب شورطني اني وية سمجتكم...
هاي شلعت كلبي حد ما ماتت و اخرته تصير نصيب للبزازين
حسين : يلة حظري الاكل بصينيه هسة يجون
كعدت رتبت الاكل بالصينية و المقبلات خليته بماعون و سمجه رتبته و حطيت و حطيت العصاير و المشروبات
كلشي صار جاهز
و عمتي رجعت من السوك و عمي اجه من الشغل هو وعباس و سيف اخر واحد اجه
حطيت السفرة و بدوا ياكلون
ام سيف : عاشت ايدج السمجه تخبل
ابو سيف : اي و الله طالعه تجننن كلش
ما احس غير حسين شرك بالاكل و يضحك
سيف : شمالك تضحك
حسين : سلامتك انت كمل سمج مرتك و معليك
اني اكل و اضحك شلون ورطة
كملنه الغدة و لمينه السفرة
و مشة اليوم عادي
اجيت انام لكيت سيف نام و مبين تعبان
هاي الفترة كلش هاملني من ورا الشغل
بس شكول الله يساعده ما اريد اضغط عليه فوك الضغط الي عليه
نمت و كعدنه الصبح
سجى راحت من وكت للدكتورة وية عمتي حته يشوفون وضع الطفل
و الولد بالشغل
بس بقينه اني و زينة بالبيت
حسين
قررت اليوم اعترف الرتاج لحبي بس كلش خايف لا ترفضني
بس اشجعت شوية
رحت يمه
حسين : السلام عليكم
رتاج : و عليكم السلام
حسين : اريدج بموضوع مهم ممكن نحجي
رتاج : اني معندي حجي وية اي ولد الي تريده كوله هنا...
فعلا عجبتني اخلاقه
حسين : اني صالي فترة معجب بيج و اخلاقج و فعلا حبيتج مع مرور الايام
حسيته خجلت كلش من كلامي
حسين : فاني نيتي صادقة و اريد اجي اخطبج اذا ممرتبطه اومعندج مانع
مجاوبت ظلت منزله راسه خجلانه
حسين : هااا شتكولين
رتاج : لا ممرتبطة بس مو اني الي اقرر اوفق لو لا لازم تطلبني من اهلي و همه بعد الشغلة يمهم
حسين : و انتي شنو رأيج بيه
ظلت ساكته شوية نوب جاوبت
رتاج : انت هم معندك لا علاقات بنات واخلاقك اعرفه صح محاجية وياك قبل بس الكل يمدح باخلاقك
حسين : حلو لعد اجهزي الباجر اجي اطلبج من اهلج
رتاج : ماشي...
سجى
طلعنه اني و عمه من المستشفى بعد ما اطمئنينه على حالة الطفل كلش جنت فرحانه بس بنفس الوقت مقهورة على زمرد صح احنه نتعارك بس دائما اتمناله الخير و اتمنه الله يعوضه بطفل ثاني
اخذنه تكسي و رحنه للبيت
دكينه الباب محد يطلع و جو حار انسمطنه
اندك و محد يطلع
ام سيف : هاي شمالهم ميفتحون
سجى : ما ادري
انسمطت كلش من الحر اريد بس يفتحون مو احترك راسي من الحر
حسيت اكو شي و كع على راسي
باوعت ليفوك جان اشوف حمام اطير
سجى : اوووع ولج ما لكيتي اله راسي توصخين عليه طاح حظج و حظ الحمامه الي خلفتج ان شاء لله
ام سيف : ولج باعي شالج هاي شنو
سجى : اوووع هسة وكته يعني اله راسي تجين و توصخين عليه
اخر شي طلعت زمرد فتحت الباب
ام سيف : هاي شبيكم متفتحون
زمرد : و الله عمه جنت فوك اعزل مسمعت الباب و زينة هم نايمة
ام سيف : يلة وخري انسمطنه من الحر حد مفتحتي
زمرد
دخلت عمتى و سجى
زمرد : سجى هاي شبي شالج اهيج
سجى : متوخرين عني انتي الثانية
تركتنه وراحت
زمرد : عمه هاي شبيه
ام سيف : الحمامه اجتي وصخت على راسه و كعدت اسب بالحمامه حد مفتحتي
زمرد : هههههههههه
و بليل على العشا
كلنه كاعدين ناكل... ابو سيف : سجى شلونه الطفل ان شاء لله بخير
سجى : حمد لله بخير
ابو سيف : مبروك بنتي ان شاء لله خير
سجى : ان شاء لله
حسين : مبروك اختي
سجى : الله يبارك بيك
زينة : و الله خوش باركتلج الحمامه حانت منتظرتج يم الباب علمود تباركلج شوفي شكد تحبج
سجى : طاح حظج و حظ الحمامخ الجايفة
عباس : ليش شنو سالفة الحمامه
ام سيف : غير الحمامه اجتي تبارك لمرتك و مرتك كل هذا و مراضية
اني و زينة شبعانين ضحك على سجى
سيف : شبيجن تتمضحكن
زمرد: سلامتك اكل حبيبي و معليك
حسين : بما انكم كلكم مجتمعين
ام سيف : خير يا ابني
حسين : شبيج يوم بعدني محاجي انطيني مجال
ابو سيف : تفضل خل نشوف شمفين حظرتك
حسين : ممفين شي شبيكم بس ردت اكلكم باجر اريد تخطبولي فد بنية
ام سيف : شتكول و منو هاي البنية
حسين : طالبة جامعية التقيت بيه و انعجبة بيه راح تعجبج يوم
ابو سيف : ان شاء لله خير
حسين : باجر ترحون و تاخذون وياكم زمرد زين
زمرد : ليش لازم اروح
سيف : عليش تروح مرتي تخطبلك
حسين : علكيفكم حته البنية تشوف زمرد و يتعارفون شوية اكيد راح تنعجب بيج
زمرد : ماشي
سيف : و اني شنة هنا حايط نصيص متاخذين رأي..
زمرد : علكيفك حبيبي قابل وين رايحة رايحة لسوك الحويجة...
سيف : غير اخاف عليج
زمرد : رايحه اخطب مرايحه اخطف علكيفك مكبرة الشغلة
عباس : هههههه ترا مراح يصيرله شي وياه امي و زينة
سيف : ماشي بس مو تكثرين مكياج
زمرد : فاهمين الاسطوانه هاي بس فضه
حسين : شوف الغيره
سيف : انته انجب
كملنه العشا و شوية بقينة كاعدين و رحنه نمنه
ثاني يوم رحنه خطبنه البنية و جانت كلش حلوة و مؤدبة و اهله موافقين على الخطبة و حددنا يوم الخميس نسوي الخطبة
انشغلت هاي الفترة من روحه لسوك و ترتيبات الخطبة
صح تعبت بس جنه متونسين حيل
و سيف هاملني كل هاي الفترة احسه ميريد يضغط عليه بشغلة الطفل
كلما احاجيه يكول الله كريم
اجه يوم الخميس و احس شوية مضايقة
منا حمل سجى صح فرحتله بس باقية حسرة بكلبي على ابني و منا زينة ما اعرف شبيه و سيف منا و الشغل طامسني طمس
كملت شغل و بدلت
مرحت لصالون لان مكياجي احله من الصالون
لبست بدلة سودة كلش حلوة و رفعت شعري و مكياج خفيف
و طبعا كيران اجه لهاي الخطبة شكد ضجت كساع يباوع عليه
البنية الي خطبناه لحسين اسمه رتاج و جانت كلش حلوة جابوه من الصالون جانت لابسة بدلة وردية نازكة و منفوخة شي مرتب
شغلوا الاغاني
مجان الي واهس ابد اركص... بس زينة سحبتني و بدينه نركص شويه غيرت جو و هو بس اكو بنات يعني عادي
لشوي و صاحوا اجوي لبست حجابي و عدلت نفسي
اجه الشيخ عقدله و جان كلشي تمام
كل شوي اباوع لسوي و هو بس يغمزلي و يأشرلي و اني خربانه ضحك اباوع عليه و اضحك حته مفهمت شصار ما صار لمن اجه الشيخ جان بالي كله يم سيف
لازمه المبايل و اصور و مدري شصور بالي مو يم شي
شغلوا اغنية...

و كام حسين يركص وية رتاج و هي بنية هادئة و خجولة بلكوة نسمع صوته
جنت اصور ما احس غير سحبني سيف لحضنه
سيف : ولج بنت الاوادم واكف اصورين و انتي كساع تتحارشين بيه شو تعاي احنه هم نركص خوب مو حسين بس يعرس احنه همه شناقصنه
زمرد : لا خل ابقة اصور
سيف : انعل ابو التصوير لابو الخلفة يلة امشي كدامي
زمرد : ماشي ماشي
خففوا الاضائة شوية و بدينة نركص
شكد جنت مشتاقتله هسة حسيته رجعلي
حطيتي راسي على جتفه و ظلينه نركص اخذني الواهس و مهتميت لاحد
سجى : ليش ما احنه هم نكوم نركص هذولي سيف و زمرد كاموا عليش باقين كاعدين
عباس : يلة كومي
كعدنه كلنه نركص
حسين وية رتاج
اني وية سيف
عباس وية سجى
حته عمتي بدت تركص وية عمي
اجواء جانت كلش حلوة و احنه موجودين مع بعض
هاي اول مرة احس بهل فرحه بعد ظا خسرت ابني اتمنى من الله يعوضني
خلصت الاغنية رجعنه لاماكنه
بدينة نوزع المي و العصير
رحت للمطبخ شوية
مبايلي جان يدك
بعدني مراده حسيت ايد تدفعني ليكدام
اتزحلكت اني و الكعب بلكاع
و مبالي طار بلهوة
كام يحلق
لحد ما هبط بالمي الي بالسنك
رفعت راسي اباوع لزينه لازمه الثلاجة
زينة : اسفه مشفتج شعندج واكفه
اباب المطبخ
زمرد : جان باوعتي ليكدامج
باوعت وينه مبايلي
كمت على حيلي ادور
حان الكه بالمي مال سنك
جانوا سادي فتحه السنك و مبقين المي بالسنك و حاطين كاسات العصير علمود تموع
و الكه مبايلي رايح بالمي
ظليت اباوع فاتحه عيوني مبايلي غرك
لا ياناس كولوا غيره
مبايلي حلق لاعالي السماء و هبط في الماء
ظليت صافنه عليه شلو راح غرك
و زينة تباوع وياي متعرف شتحجي
شوف حظي وين ما اروح طايح حظه..
زينة : اسفه و الله اسفه مقصدت
زمرد : راح مبايلي بعد راحت الصور راح كلشي هو هذا حظي
اخذت عود اجرب يشتغل من كل عقلي
و لا اشتغل
زينة : صدقيني مقصدت صدقيني
زمرد : يلة مصار شي اهم شي متأذيتي
زينة : لا متأذيت بس
قاطعته
زمرد : على من حور المبايل ترا اهم شي مصارلج شي و لا تتأسفين اكل سيف يودي للمصلح و كلشي يصير تمام المبايل يتعوض بس انتي متتعوضين
زينة : حبيبتي
سيف : وين صار المي و العصير
زمرد : هسة جاييين
رحنه ودينه العصير و المي و صعدت فوك اعدل شالي و مكياجي
حسيت بادين تحاوطني
سيف : ولج شطالعة لو ما الناس هنا جان مخليتج اطلعين منا
زمرد : هههه يلة وخر خل اعدل روحي
اتقرب اليه كلش و باسني من شفايفي
و خر عني و باوع بالمراية
سيف : بت ال
زمرد : شكو
سيف : شوفي شصار بيه من حمرتج حلكي تحمر يلعوبة
زمرد : و حل بيك منو كالك بوسني
سيف : شو تعاي مبين عليج متتعلمين خل اخفف حمرتج شوية لان تبين كلش طوخ
زمرد : لا سيف حباب فدوة راح يخرب مكياجي
تقرب باسني من جديد تلوص وجي بالحمرة
سيف : هسة حل بيج
زمرد : خب دباوع لوجهك بالمراية شوف شصار
باوع لوجه انفتحن عيونه كلش..
سيف : خرب بليسج هاي شسويتي بيه
زمرد : تستاهل
عدلت مكياجي و طلعت من الغرفة و هو بقة ينظف بوجه من الحمر كعدت اضحك عليه
جان يطلع كدامي كيران
كيران : هااا الحلو اليوم شطالع
زمرد : كيران وخر عني ترا ضجت حيل منك كافي تجي وراية
كيران : و شبيج معصبه
زمرد : توخر مني لا اعرف شلون اتصرف وياك
كيران : بلة شلون تصرفين
اجه يتقرب منه و حصرني بالحايط
ادفع بي ميوخر
اتقرب اكثر و جاي راد يبوسني
ما سمعت غير صوت عياط سيف من الدرج
و خرت عن كيران بسرعة
سيف : ولك تجرأ و تقترب من مرتي بنص بيتي اني اعلمك يا كلب
لزمة من ياخته و سحبه بلكاع
كله طلعت على صياح سيف
كيران : ولك انت واحد متستاهل زمرد اني استاهله اكثر منك
ابو سيف : ولك كيران شنهل حجي
سيف بس سمع كيران يكول اهيج
جرا من قميصه و لطش راسه بالحايط
نزل الدم من راس كيران و الناس منا تعيط
و حسين و عباس يريدون يوخرون سيف عن كيران
و هو انهد بوكسيات على كيران
و اني كاعده بمكاني و ابجي و زينه بس تهدي بيه
سيف : ولك طلعت حاط عينك على مرتي متستحي اني هسة اربيك حيوان
حسين : ولك اهدلا تلطخ ايد بواحد مثله عوفه
يريدون يوخرون سيف ميكدرون...
ظل يضرب بي حدا ما ادمه سيف من كثر مضرب كيران و كيران فقد الوعي كد ما ضربه سيف
اخر شي سيف تعب من كد ما ضرب
فكدروا يوخروا عن كيران
طلع سيف من البيت شايط عصبيه و مدمه و اني كاعده مكانه مفرفحه من البجي و زينة بس تهدي بيه
حسين اخذ كيران للمستفى و طلع
و كله طشت على بيوته
محد اجه حجة وياي بعد العركة صعدت لغرفتي و ظليت ابجي لحد ما صارت الساعة ب ١٢ بليل و اني بالي يم سيف و ابجي
اخر شي سمعت صوت جوه طلعت شوية حته اشوف شصاير
عمي دا يحجي وية سيف و يكله
ابو سيف : خل نفتهم الي صار قبل لا تحكم عليه لا تسويله شي
سيف : بويمة رحمه لميتينك وخر عني مو بحال احد
عافهم و صعد فوك
دخلت للغرفة و كلبي يدك عشرة من الخوف
كعدت بزاوية الغرفة ابجي هسة شصار بحالي
سمعت الباب اندفر قوي
اباوعلة و عيونه يجدحن نار
زمرد : سيف و الله اني كلشي مسويت هو اتقرب مني ردت اوخرة و الله سيف كلشي مسويت
سيف : ولج تدرين شسويتي بيه فضحتيني كدام الناس يتقرب منج ابيتي هاااااااااااااا ولج شلون يتقرب منج و انتي منطيته مجال 😡😡😡
زمرد : صدكني كلشي مسويت احلفلك بالله كلشي مسويت مو ذنبي هو تقربلي صدكني... 😭😭
سيف : ولج شنو مو ذنبج و لج كبال عيني و ابيتي
جرني من شعري و شمرني على الجرباية
احس مبقت بيه قطرة دم كد الخوف الي صار بيه
شكد حسيت بذيج اللحظه بالخوف
سيف : ولج تخونيني وية منو وية منو وية صديقي هااااا
لزمني من شعري و ضربني راشدي حسيت اذاني اصوفرت كد ما الراشدي قوي
بدة ينزل دم من خشمي
اخر شي عافني و طلع
و اني لازمة خدي و ابجي
ليش ربي يصير بيه هيجي لازم ممكتوبلي الفرحة بحياتي ليش ليش ليش
ساعة ابجي ساعة اضرب براسي على الجرباية اخ من حظي ليش يصير وياي هيج
ظليت ابجي لصبح
كعدت و راسي حيل يوجعني احس نار تطلع من اذاني
بس كلبي محترك اكثر من كلبي
رحت سبحت و لبست كلابية بنفسجية و رفعت شعري و شوية حطيت مكياج حته ميبين اثر الراشدي مالته
عيوني مورمه كد البجي
كلبي متكطع و الف خسرة بكلبي
نزلت جوة لكيتهم حاطين الريوك كعدت يمهم
زمرد : وينه سيف
ام سيف : طلع لشغل من وكت انتي شلونج خوما أذآج
زمرد : لا ما أذاني
سجى : والج عين تسألين عنه بعد عملتج البارحه
عاط بيه عباس
عباس : شنهل حجي اكل و انجبي و لا تسمعينه حسج
سجى : هو شكلت
عباس : كتلج سكتي
متحملت كمت من الريوك
رحت لغرفتي و كملت بجي اخ يا حظي ليش هيجي
ليش ابد متنكتبلي فرحة ليش يصر وياي هيجي
ظليت املخ بروحي و اجر بشعري و ابجي
اجتي زينة للغرفة
زينة : ولج هاي شمسوية بروحج يول
ظليت ابجي و مجاوبته
اجتي كعدت يمي و حظنتني
زينة : اخ ولج شمسوية بروحج لازم اصيرين قوية و تثبتين برآتج مراح يفيدج البجي محد راح يصدكج بهذا البجي
زمرد : شسوي يعني شوفي حياتي شلون انكلبت كلاب عليه الله لا يوفقك كيران دمرت حياتي ااااااااااخ
زينة : اهدي و ان شاء لله تنحل يوم يومين و تشوفين سيف اجه يصالحج لا تخافين
ظليت ابجي على حظي هذا
مرت الايام و محد سألني عن الي صار بس مجنت اشوف سيف جان يطلع لشغل من الصبح و يرجع بوكت كون اني نايمه بيه و مينام بالغرفة ينام بالصالة
قررت انو ابقة كاعده حته احجي وياه
صارت الساعة ٢ بليل يلة اجه
جنت جنت منتظرته بالغرفة
فات للغرفة
تفاجأ انو جنت كاعده بس سوه روحه ممهتم بنوب
راح للكنتور يطلع ملابسه
زمرد : سيف الى متى تبقى تتهرب مني هاااا
مجاوبني ابد
زمرد : كتلك انو هذا مو ذنبي ليش متسمعني هلكد ابين اني كدامك رخيصة و ابيع روحي لواحد مثل كيران
شو هذا عصب و صاح بيه....
سيف : لتجيبين اسم هذا القذر كدامي
زمرد : شوكت.. ناوي تبطل تهرب مني و تواجهني ترا اني مسويت شي
سيف : زمرد حلي عني و لا تخليني اتصرف وياج بشي ميعجبج
زمرد : تضربني مو يلة اضرب بس كافي تجاهلني ترا تعبت ليش تحط العتب عليه و اني كلشي ممسويه حرام عليك انته حته مسمعتني
سيف : شتريدين اسمع انو دا تخونيني وية صديقي يكفي الي شفته كااافي
زمرد : يا حسافة عليك طلعت متثق بيه
طلعت من الغرفة و اني احبس دموعي......
لا مو صوجك سيف..تاليته تطلع مثق بيه...اوووف ياربي ساعدني...رحت لحمام فتحت دوش وقت متاخر كمت ابجي لمن مكال الله بس...
وطلعت من حمام...كافي زمرد بجي مااطول ميثق بيه مااهتم بعد..لهنا خلص خلي اكل احسلي مقهوره وتاليته ميثق..اني الك رحت مطبخ معصبه ودمي فاير..لزمت سجينه ورافعته واحجي بعصبيه..ومطبخ اظلم احس احد ورايه درت سجينه بيدي عليه..وكمت اصرخ..عاااا حرامي حرامي..
سيف:جنت فوك اسمع بس اصريخه طفرت من جربايه كبل جوه وكله طلعت شكو..
زمرد:لمحت سيف وكبل حظنته..حرامي..😭😭😭
سيف:اشش اهدي ولج زينه هاي..
وانتبهت ودفعته عني..كافي لعب جهال...😡امشي كدامي....
زمرد:الله شكد فرحت ضاله ايام بعيد عني ...شكد مشتاقتله ولحظنه ياربي صبرني...😭..
.
.
انتظروني بارت جاي ان شاءالله مع احداث جديده ومشوقه...حبايب...♥♥تعليق وتصويت..
حبابين انتم دشوفون وتغلسون رفعوا تصويت علمود يرفع مستوى روايه مياكل من عمركم شي ولله...هيه نجمه ودوسوهه...
هاا صدك فرحانه اخذت مركز اول بالحرب #١العناد..
وعن قريب الحب..بس تصويت رفعوا حبابين.♥♥احبكم خيرات الله..