الحلقة الحادية والثلاثون:
في شاليه عائلة الكيلاني ،،،
اشرقت شمس يوم جديد ، كانت جانا نائمة وتضع احدى قدميها فوق ساق عز الدين ، وتمدد أحد ذراعيها على وجهه ..
كانت جانا تعتقد أنها نائمة بجوار دينا في الشاليه الخاص بعمها ، لذا كانت تتمدد بأريحية على الفراش ، ودون أدنى شك .. بينما ظن عز الدين أن من ينام بجواره هو ياسين ...
تململت جانا قليلاً في الفراش ، ثم بدأت تشعر بالانزعـــاج في النوم ، لذا ..
-جانا وهي ناعسة : move شوية يا دينا ، خليني اعرف...انام...
حاول عز الدين أيضاً أن يمدد جسده على الفراش ، فأمسك بيد جانا وأبعدها عن وجهه
-عز مبعداً يد جانا بنرفزة : ابعد يا زفت شوية ، ايييه....اخد السرير..كله ،مش مكفيك إنك...حاطط رجلك فوقي !
تلمست جانا بأطراف أصابعها وجه عز الدين وهي مغمضة العينين فتملكها الشعور بالاستغراب و...
-جانا وهي تتحسس وجه عز باستغراب : دينا!! مال وشك خشن كده ليه؟
في حين ظل عز الدين يضغط على ذراع جانا بدهشة و...
-عز ممسكاً بيد جانا: انت مال ايدك ياض بقت طرية كده؟
رفعت جانا يدها قليلاً لتمسد على شعر عز الدين ، و...
-جانا وقد وضعت يدها على شعر عز: هو شعرك بقى so shortكده ليه؟؟؟
أدرك عز الدين أن من ينام بجواره بالفعل لن يكون بأي حـــال من الأحوال هو ياسين و...
-عز لنفسه : استحالة يكون ده ياسين
فتح عز الدين عينيه ليجد أن جانا هي النائمة بجواره ، فعاد لذاكرته ما حدث بالأمس ، فابتسم لها ابتسامة عذة ، وظل يرمقها بنظرات صافية ...
بينما شعرت جانا أن من تنام بجوارها بالطبع ليست دينا ، ففتحت عينيها لتجد أن عز يحدق بها ، ففغرت شفتيها وصرخت على الفور و....،،،
-جانا وهي تصرخ:عااااااااااااااااااااااااااااااااااااااا ..
انتفض عز الدين فزعاً على إثر صوتها و....
-عز بنبرة فزعة : اييييييييييييييييه ! اسكتي شوية شوفتي عفريت
ارتبكت جانا حينما أدركت أنها كانت نائمة بجوار عز الدين ، وسحبت الغطاء ناحيتها ، وثنيت ركبتيها وضمتهما إلى صدرها ، وظلت تنظر إلى عز بأعين متوترة و...
-جانا بتوتر: انا ايه ؟ انا جيت هنا ازاي ؟ انا بعمل ايه؟ الفار ، انت ، اوضة ، سرير !!!
حاول عز الدين تهدئة جانا خاصة أن رأى في وجهها علامات الارتباك والخوف و....
-عز: اهدي يا ستي الله يكرمك ، مافيش حاجة .. هو انتي هربت منك ولا ايه؟
اغتاظت جانا من تعليق عز الدين الأخير عليها ، فقامت بلكزه بحدة في كتفه
-جانا وهي تضرب كتف عز : ما تحترم نفسك شوية !
-عز وهو يشيح بيده : ما انتي اللي عاملة افلام ع الصبح !!
-جانا بحدة : انا بعمل ايه في السرير هنا فهمني بسرعة؟
ابتسم عز الدين في خبث لجانا ، ثم وضع كلا ذراعيه خلف رأسه ، وأسند جسده على ظهر الفراش ونظر لها بنظرات ذات مغزى و...
-عز بخبث وهو يضع ذراعه خلف رأسه: ايه نسيتي ؟ لأ ده انتي كنتي قادرة امبارح
-جانا بتوتر : قصدك ايه؟
-عز بخبث أكتر: ياااااااااااااااااااه ياااااااااااه على ليلة امبارح ، واللي حصل امبارح!
لم تتحمل جانا وصف عز الدين فإنهالت عليه بالسباب اللاذع و..
-جانا: اه يا و*** ، يا زبالة ، يــ........
- عز وقد وضع يده أمام وجهها وبنبرة عالية : بسسسسسسسسس ، صمت الحملان بقى !!! مافيش حاجة حصلت
-جانا بضيق : اومال بتقول كده ليه؟
-عز مبتسماً إبتسامة مصطنعة : بهزر معاكي ، ايه غلطت ؟
-جانا بحدة: مافيش هزار في الحاجات دي لو سمحت ، فاهم ؟
-عز ساخراً: اعملك ايه ، ما انتي ناشفة زي المستشفى !!
-جانا بعدم فهم وضيق : أفندم ؟؟؟؟
-عز: ولا حاجة ، خلينا نشوف الناس اللي عايشين هنا هاجروا ولا اترحلوا ولا نظامهم ايه بالظبط !!!
-جانا: أوك ، وانا هاروح الـ toilet.
توجه عز الدين ناحية باب الغرفة ، وأخذ يطرق عليه طرقات متتالية محاولاً أن يجرب من بالخارج على سماع الصوت فيفتحه لهما ...
ولكن للأسف لم يجد عز الدين أي رد فتوجه ناحية النافذة ، وطل برأسه منها ، فوجد ياسين واقفاً بالأسفل و ممسكاً بخرطومٍ للمياه ويسقي الزروع ....
-عز بنبرة حادة : انت ياااااااااااااا زفت
انتبه ياسين لذاك الصوت العالي الذي يناديه ، فرفع رأسه للأعلى و...
-ياسين ناظراً لأعلى: حبيب هارتي عز بااااااشا ، صباحك فل
-عز بضيق : صباحك زي وشك ، انت فين؟
-ياسين مبتسماً : أنا هو ، وأنت هو والزمــ.......
-عز مقاطعاً: اطلعلي يا حلو ، عاوزك
-ياسين ببراءة : طب ما تنزلي انت أسهل
-عز بحدة وصوت جهوري : ياااااااااااااااااااااسين ، اطلعلي حالاً
-ياسين : طيب طيب ، بس خليك فاكر انا مبجيش بالعنف !!!!
بالفعل توجه ياسين إلى داخل الشاليه بعد أن فتحه بالمفتاح الأخرالذي كان يحوزته ، ثم صعد ياسين على الدرج ليتوجه إلى الطابق الأعلى وفتح باب الغرفة بالمفتاح الأخر الخاص بها ،
وما إن فتح ياسين الباب ، حتى أمسكه عز الدين من ياقته ، وأطبق على عنقه ، ثم جعله ينحني قسراً لللأسفل، ووضعه تحت كتفه...
-عز بغل: بقى انت اللي عامل الفصل البايخ ده
-ياسين مختنقاً وهو يحاول التحرر منه : والنعمة ما أنا ، ده ابوك الحاج
-عز مندهشاً : ابويا ؟؟
-ياسين وهو مازال تحت قبضة عز: اه والله ، هو اللي مدبر و مخطط لكل حاجة ، سيبني بقى يا عم ، ولا انت استحليتها
أرخى عز الدين قبضته عن ياسين الذي أمسك بعنقه محاولاً تدليكه و...
-عز بعد ان ترك ياسين: طب وهو عمل كده ليه؟
-ياسين وهو يدلك عنقه : ما تسأله ، هوابوك انت ، مش ابويا
-عز وهو يشير بيده : طب اتفضل من غير مطرود
-ياسين باستغراب : نعم ؟
-عز بنبرة جادة : بقولك اطلع بره ، اييييه في حريم هنا !!
-ياسين مبتسماً بعفوية : ايه ده انت جايب مزز هنا؟
-عز وهو يجوب ببصره الغرفة : انت مش هترتاح إلا لما ... ثانية كده
ظل عز الدين ينظر بعينيه في أرجـــاء الغرفة محاولاً إيجاد شيء ما ، فتعجب ياسين مما يفعل و...
-ياسين مندهشاً : بتدور على ايه ؟
-عز وهو يشير بإصبعيه : استنى بس ، انا كنت حاططها هنا
-ياسين وقد وقف خلفه : هي ايه دي ؟ قولي وانا أساعدك ندور عليها
-عز بنبرة جادة : السكينة
-ياسين وهو يشير بيده : طب شوفها تكون سندتها هنا ولا هنا ، انت عايزه اليه بقى؟
-عز بنبرة هادئة : ما انا بشوف أهوو ، يدوب بس عشان ادبحك بيها!!
-ياسين وهو يوميء برأسه : اها، قولتي ... اييييييييييه ؟؟؟ تدبحني ،ياماااااه
وهنا ركض ياسين مسرعاً خارج الغرفة ، بينما وقف عز الدين يضحك من تصرفاته العفوية ....
........................
في شاليه عائلة الدمنهوري ،،،،،
-حسين مبتسماً: صباح الخير يا سهير
-سهير متسائلة : صباح الخير يا حاج ، ايه الأخبار؟ حد من الجماعة كلمك ؟
-حسين: أطمني يا سهير ، الوضع مستتب وعال العال
-سهير بارتياح : الحمدلله ، ربنا يهدي سرهم
-حسين: اللهم امين.
....................
في الشاليه الثالث ،،،،
كان يوسف على وشك الانتهاء من إرتداء ملابسه ، بينما وقفت عايدة تحاول استعجاله و...
-عايدة بقلق : يالا يا يوسف ، عاوزين نلحق نروح الشاليه قبلما يصحوا
-يوسف وهو يعدل من هندامه : حاضر يا ديلة ، بلبس أهو
-عايدة وهي توميء برأسها: اوك ، هستناك بره ، بليز hurry !!
-يوسف وقد انتهى : خلاص أنا جاهز ، يالا بينا.
.............
في النادي ،،،،
اعتلى وجه دارين الدهشة حينما علمت بشأن سفر عز الدين مع جانا لقضاء العطلة معاً و....
-دارين بنبرة منزعجة : بتقولي ايه ؟ سافروا ؟ وده امتى حصل وازاي؟
-لوجي بصوت خافت : امبارح ، وكانت فضيحة ع باص النادي
-دارين بنبرة ضيق : أنا مش عاوزة أي كلام كده مختصر ، قوليلي كل الـdetailsبالظبط
سردت لوجي لدراين عما دار بالأمس على الحافلة وسفر عز وجانا معاً... شعرت دارين بالحقد الشديد تجاه جانا ، وجزت على شفتيها من شدة الغيظ و....
-دارين بنظرات متوعدة : انا مش هسيبك ياجانا بعد اللي عملتيه ، فعلا تِعبانة عرفتي ازاي تشدي عز ، وأنا اللي كنت نايمة في العسل ، حسابك بقى اوفر ، ولازم يخلص !! انتي خدتي مني عز ، وانا هاخد منك روحك
-لوجي بتوجس : هتعملي ايه يا دونا؟
-دارين بتردد : هه ، آآآآ.... بعدين اقولك.
.......................
عودة مرة أخرى إلى عز الدين وجانا ،،،
دلفت جانا خارج المرحاض وهي تنشف وجهها بالمنشفة ، فنظر إليها عز الدين بنظرات اعجاب، ثم بدأ يردد بعض الأغاني الفلكلورية و....
-عز وهو يغني : يا خارجة من باب الحمام وكل خد عليه خوخة ♪
-جانا بدهشة : نعم ؟
-عز مبتسماً : ايه بغني فيها حاجة ؟
-جانا وهي تمط شفتيها : لأ ...
أشاحت جانا بوجهها ناحية باب الغرفة ، فوجدته مفتوحاً ، فاعتلت الدهشة وجهها و...
-جانا باستغراب : الله ؟ ايه اللي فتح باب الأوضة ؟؟؟ انت معاك المفتاح؟
-عز: مش بالظبط ، بصي هفهمك ، هو الحكاية ومافيها إن....
-جانا مقاطعة وبحدة : يعني انت كنت بتشتغلني ؟؟
-عز وقد نهض من على الأريكة : استني بس
-جانا بضيق واضح :لأ مش هستنى ، اوعى من وشي !!!!!!
ودلفت جانا خارج الغرفة دون أن تمهل عز الدين الفرصة لكي يبرر لها ما حدث ، كانت تشعر بالغضب والحنق لأنه كان يخدعها متعمداً ، حتى أنها قابلت عايدة هانم في طريقها ، ولكنها أكملت خطواتها السريعة بعد أن بادلتها التحية باقتضاب وتركتها وانصرفت وعلى وجهها الانزعـــاج ...
-عايدة : صباح الخير جانا
-جانا : أهــا ... صباح النور
-عايدة باستغراب : جانا ... جانا ، انتي رايحة فين
تعجب يوسف من حالة جانا ، و...
-يوسف متسائلاً : ايه مالها ؟
-عايدة وهي تمط شفتيها : مش عارفة .. بكلمها ، ردت عليا ومشيت على طول
نزل عز الدين هو الأخر إلى الطابق السفلي ، فوجد والده واقفين ، فـ....
-عز: صباح الخير
-يوسف : صباح الخير يا بني ، مال جانا؟
-عز بنبرة هادئة : مضايقة من اللي حصل امبارح
-يوسف بتوجس : هو انت عملت ايه معاها؟
-عز بخبث وهو ينظر في عيني والده : لأ مش انا اللي عملت ، انتو اللي عملتوا
-يوسف وهو يتنحنح : احم...احم.. تقصد ايه
-عز غامزاً : يا حاج مش عليا انا ؟
-يوسف وهو يربت على كتفه : طب يالا نفطر
-عز وهو يضع يده على معدته : وماله ، اهوو الواحد يرم عضمه شوية
....................
عادت جانا إلى الشاليه الخاص بعمها حسين وهي تزفر في ضيق ، وظلت تتمتم بكلمات غير مفهومة و...
-جانا بحنق: انا يتلعب بيا الكورة الشراب .. ماشي ، اصبرواعليا ، بتشتغلوني وتعملوا عليا رباطية ... برضوه مش هيحصل اللي في دماغكو
رأت سهير جانا وهي تدلف للداخل وعلى وجهها الغضب ، فتعجبت من رؤيتها و...
-سهير باستغراب : جانا ، الله ، انتي جيتي يا بنتي ؟
-جانا متصنعة الابتسام : هاي أنطي سهير ، اه ، اول ما صحيت قولت اجي اعد معاكو ، ماهو مش معقول هقضي اليوم كله هنا ..
-سهير: قوليلي ، في حاجة حصلت امبارح؟
-جانا وهي تشير بعينيها : هه .. لأ مافيش ، اومال فين دينا وانطي هالة وعيالها؟
-سهير: دينا وكريم وآسر ع البحر ، وخالتك هالة لسه نايمة
-جانا: طيب انا هخش اقعد معاها ..
-سهير: خشيلها يا بنتي
................
في نفس التوقيت ، قرر ياسين أن يأخذ جولة على الشاطيء ، ظل يتأمل البحر وتلاطم أمواجه على الشاطيء ، ثم أوقف تأملاته رؤيته للفتاة التي أحبها ...
لمح ياسين دينا تجلس مع طفلين على البحر ، فقرر أن يذهب ليتحدث معها ،،،
-ياسين وهو يدندن : يا حلو صبح يا حلو طل ، يا حلو صبح نهارنا فل ♪♫
-كريم باستغراب : مين ده
-آسر وهو يشير بيده : واحد
-دينا متجاهلة ياسين : مالناش دعوة ، focus with me
-ياسين مبتسماً وغامزاً : يا صباح اللي بتغني
-كريم وهو ينظر غليه بتمعن : مين صباح دي يا عمو
استغل ياسين الفرصة وقرر أن يجلس إلى جوار دينا والطفلين على الرمـــال و...
-ياسين وقد جلس بجوارهم : صباح ، ايه مش عارفها ؟؟ دي بتغني الدنيا ربيع والجو بديع
-دينا وقد اعترضت : لأ دي سعاد هي اللي بتغنيها
-كريم وهو يضع إصبعه على طرف رأسه : سعاد مين؟
-ياسين بلهفة : سعاد مكاوي
-كريم متسائلاً : مين سعاد مكاوي؟
-ياسين بنبرة واثقة : اخت أحمد مكاوي
-كريم متسائلاً : ومين أحمد مكاوي
-ياسين: ابن الحاج مكاوي ... يووووووه ، انت نسيتني انا جاي هنا ليه
-كريم وهو ينظر إليه باستغراب : ليه ؟
لم يجب ياسين على تساؤلات الطفل كريم ، وإما ظل يحملق في دينا الجالسة أمامه ، والتي شعرت بنظرات ياسين المتفحصة لها فارتبكت ، وظلت تعبث بخصلات شعرها في توتر و..
-ياسين وهو يحدق في دينا : هه
-كريم وهو يشيح بيده في وجهه : عمووووووو
-ياسين وهو مسلط نظره على : عيون عمو، وقلب عمو ، وروح عمو
-آسر بنبرة طفولية : دودو ، المياه حووة أوي ، ازلي مأيا
-دينا وهي تبتسم له : شور بيبي
-ياسين بتنهيدة : يا بختووووووه
-دينا وهي تشير بإصبعها : لو سمحت
-ياسين بابتسامة بلهاء : آؤمر يا قمرررر
-دينا بنظرات محدقة : دادي
-ياسين بضيق وتهكم : يييييييه ، هو مافيش الا سيرة الراجل ده
-دينا وهي تشير بإصبعها للخلف وبنبرة متوترة : Noدادي جاي وراك
أشارت دينا للخلف بطرف إصبعها ، فالتفت ياسين برأسه حيث أشارت ، ثم انتفض من مكانه فور رؤيته للمهندس حسين الدمنهوري و...
-حسين بضيق : مين الأخ ؟؟
-ياسين بخوف : آاااااهلا.. ياااا.. يا بشمهندس حسين
-حسين متسائلاً : انت مين؟
-ياسين بضيق : لالالالا مش معقول كل مرة كده ،حضرتك بتنسى بسرعة ، انا رأفت .. قصدي ياسين رأفت
-حسين وهو يشير لابنته والطفلين : اه ، اه افتكرت .. عن اذنك .. يالا يا ولاد هنروح نفطر ......
.........................
دعني أحطم غرورك ©️ - كاملة ✅
By ManalSalem175
اقتحمت عالمه المثالي برعونتها، وتصرفاتها الطائشة، كانت بحاجة إلى ترويض، ووحده من يستطيع ذلك .. فكيف سيقوم سلو... More