ملاحظه: الصوره الي خليتها👆 ببداية هذا البارت هيا صورة للشبيه لـ(ابو وطن)
ابو وطن: اني ابو وطن عمري 30 سنه خريج كلية عسكريه يعني حاليا ضابط ببغداد.... والدي شيخ عشيره ومشهور اختارني اني الشيخ من بعده يعني اني استلم المشيخه من بعدا وحتى اني هسه بكل الاجتماعات وبالمضيف ابقى ويا والدي واني الي احل الطلايب اكثرها يعني والدي معتمد عليه بكلشي مثل ايده اليمنه... احنا شيوخ معروفين الكل يعرفنا والنا ديرتنا اروح بايام الخفر على بغداد علمود دوامي وعندي شقه هناك واخلص دوامي ارجع للديره ابقى بالمضيف،
... عندي ثلاث اخواني الجبير اسعد والوراه مجيد واصغر واحد عبد القادر واني بنصهم الوسطاني.... والدي متزوج ثنين اول وحده امي وتوفت واني عمري 15سنه و زوجت ابويه هيا الي ربتنا وابد مافرقت بينا بالعكس صدك احسها مثل امي عدها بس عبد القادر واربع بنات الي هما خواتي وحده متزوجا وجبيرا طالعه من يمنا والي وراها الاء متزوجه ومتوفي زوجها وعدها بنيه مريضه ومتوفي زوجها بعدين حتعرفون قصتها المهم والي وراها اسماء مخطوبه من ابن عمي والخ اصغر كلنا صفيه وعمرها 15 سنه....
الكل هسه حيسأل يكول انو ليش اني من بين اخواني الي اختارني من بعدا شيخ اول شي اني اشبه والدي بالمواصفات اهواي يعني مثلا عصبي وما استحمل وهيج مظلم وألي هيبتي وثاني شي لان اخوي اكبر واحد الي هو اسعد رجال صاحب دين يعني متددين اهواي وهو اصلا ميريد المشيخه يكول اخاف تجيني طلابه وماعرف احلها صح واروح اظلم بيها احد بعدين اتحاسب عليها كدام رب العالمين واخويه الخ مجيد الي هم اكبر مني هذاك زوجته هيا الي اغلب شي تتحكم بي وزوجته الكل يعرف بيها انو خبيثه هيا بنت عمي تصير لذلك والدي هوا الي ميريد ينطيلا اله واصغر اخ بقى عبد القادر بس وهذا صغير كلش بعدا يدرس بالجامعه لذلك يكول ابو وطن اكثر واحد يستحقها....
اني طويل طولي191 ضخم اهواي وبانيلي جسم يعني اللعب حديد لان بحكم شغلي جنت اللعب حديد اهواي لذلك جسمي رياضي وجتوفي عراض وضخمه يعني الي هيبتي بشرتي اسمر بس مو طوخ عيوني عادي لونهم قهوائي بس شويا على قهوائي فاتح مربي لحيه ومرات ازينها خفيف عندي غمازه وحده بخدي وظاهره يعني مو خفيفه بمجرد ما احجي تظهر،
مثل مكتلكم اروح للمضيف اهواي ومن اني وصغير ويا والدي لذلك الشيوخ كلهم الباقي يعرفوني.... طبعي اهواي عصبي وكلمتي متصير ثنين الكل يخاف مني حتى بالبيت اهلي ميريدون ابد يعصبوني لان بركان وانفتح هيج لمن اتعصب وما احب احد يعاندني اتعصب بسرعه.... ممتزوج وبحياتي ممسوي علاقه ولا حتى حابب وحده مادري ليش يعني بس ماكو وحده دخلت گلبي جنت من صغري مهتم بالديوان واروح للمضيف وبالشغل وطبيت كليه وخلصت وصرت ضابط يعني حياتي كلها شغل بشغل وحتى حاليا مگضيها كلها بين الشغل وبين المضيف يعني ممفضي روحي لهيج سوالف وملكيت وحده مثل الي اريدها ووالدي يلح عليه يزوجني بنت عمي بس اني رافض فكرة الزواج ونهائيا لان ما احب احد يدخل بحياتي وحيصير عندي ارتباط احب اعيش حر واعزب وكلما يفتحولي هيج موضوع اتعصب واكوم اصيح ما احب احد يجبرني على شي .......
لمن اجاني عبد القادر ووياه هذا الشاب وحجالي سالفة اهله وطلب مني ابقيهم بسرعه وافقت لان مو من عادتنا نرد احد وهو داخل عندي وببيتي.... دخلت مريه ووياها بنيه شابه هيج بس شون بنيه اول ماطبت وكعت عيني عليها بسرعه وخرت عيوني مو من عادي اباوع على عرض غيري بس شفتها لمجرد ثواني بس سبحان الله خلقتها تجنن كعدت وابد ماشالت عيونها من الكاع بقينا شويا نحجي وياهم المرة جانت كلش حبابا بس حسيت لهجتها مو من هنا ولا حتى من بغداد شويا وطبيت على مرت ابويا جانت كاعده هيا واسعد اخوي حجيتلها عالسالفه هذول الجماعه واصلا هيا من عرفت شي يخص همام بسرعه فرحت لان تحبه اهواي من يوم انقذ اخويه عبد القادر ودافع عنا والتقت بي بالمستشفى و حبته وهو اصلا الولد كلش حباب ولسانه حلو
رحت كعدت يم الحجيه اني واسعد ووالدي وكعدت تسولفلنا على الحماعه الي اجونا اليوم
..........................................................
ام عبد: والله ياابو اسعد بس راح تشوفوهم راح تخلوهم بگلبكم
الشيخ عثمان: اي حجالي گبل شويا ابو وطن عليهم بس منين هما بعني من بغداد
ابو وطن: اي من بغداد
ام عبد: بس لهجة الام محسيتها من بغداد بس والله الصراحه تنحجي شكلهم خوش ناس اني اعرف بالشخص الزين والشي من عيونه وهذولا رتاحيتلهم ودخلو گلبي هيج بسرعه
اسعد: الله يفرجها عليهم
اسراء: عمتي عمتي تكلج منهو هذول الي اجو يمنا اليوم؟؟
ام عبد: جماعه متعرفيهم
اسراء: يعني راح يبقون يمنا لو شون
ام عبد: وانتي شعليج وبعدين خليطولون مية هلا بيهم
اسراء: لا معليه بس ياعمه حرمتين وحلوات وشفتي لبسهم شونه يعني جايين يم بيت شيخ وبي زلمه اخاف يطولون واكفه ياعمه مترهم
ام عبد:سمعي اسراء ماالج دخل بيهم نهائي وديري بالج تجين صوبهم او تضوجيهم لا بعدين اتصرف غير تصرف وياج حركاتج الخبيثه بعديها عنهم افتهمتي
اسراء: يبوووو عمه قابل اشكلت كبيتي بوجهي هاي من اول يوم اجو مدري شون صرتي وياي
ام عبد: لان اعرف حركاتج من يجون عدنا جماعه وخاصتا اذا حرمات وصغار تبقين تذبين حجاياتج والا شويا تفشلينا وادري بيج تخافين لا وحده تجي تخطف ابو وطن من اختج بس اني اكلج لو تبقى اخر وحده اختج مستحييل ابو وطن حيحط عينه عليها
اسراء: وعشتوووو وليش عاد قابل شبيها خيتي فطومه ماشاء الله حلوه واخلاق وفوك هذا معدله بالشغل والتنظيف
ام عبد: اكوول لتخليني احجي مو مره طبينا على غرفتها ريحت الوصخ والعفن تارسها ترس لتخليني اجفص بحجاياتي تدرين بيا وجهي متين وما اخجل واحجي طك بطك
اسراء: هاا احم هاي يمتا
ام عبد: اكوول كومي انگلعي من يمي احسن
اسراء: كايمه كايمه... حجيت بيني وبين نفسي ياربي ممرتاحه لهذول الي اجو اليوم احس ضاميلهم ضمه جبيرا الله يستر منهم
شمس: بقينا بالغرفه متمددين اني وامي كل وحده على سريرها جان بيها للغرفه سريرين رحت تمددت يمها وطبيت بحضنها بقت تمسد على شعري ما احس الا غفيت مادري شكد نمت بس حسيت على صوت الباب دايندك كعدت وتعدلنا اني وماما
ام شمس: اي تفضلي منو
زهراء: خاله حبوبتي دكول يلا صحصحو حتى تنزلون ويانا تتريكون
ام شمس: حبيبي والله منشتهي
زهراء: ماكوو لازم تنزلون ويانا احنا هنا لازم كلنا نجتمع عالريوك ونلتم سويا
ام شمس: تمام حبيبي كوليلها هسه ينزلون
ام شمس: يلا شمس كومي كعدي عيب الناس داينتظرونا هسه
شمس: اي ماما بس حبابا انتظريني بس اطب اسبح عالسريع
ام شمس: يووووو شمس شعرج طويل هسه شينشفه والناس جوا منتظرينا
شمس: لالا ماغسل شعري بس الوح جسمي مي والله ممتحملا روحي
ام شمس: ديلا بس لطولين
طبيت للحمام احس روحي مصحصحه ونشيطا اول مره اتأخر بالنوم هيج دائما اكعد من ساعه 7 علمود احضر ريوك للافنديه خلصت لبست اوفر من هذا القماش وشعري سويته كعكه واني ماللبس حجاب يعني بابا ولا حتى اخواني جابريني يعني تاركيني على راحتي نزلنا اني وماما جانو كلهم ملتمين على فد سفره عيونهم كلهم توجهت علينه وهذا الشاب الصخم الي شفته البارحه مادري شبيه ضرب دالغه عليه وجان عاقد حواجبه يمه خفت منا هوا اصلا شويا يخوف رحنا كعدنا بطارف الميز وجانت السفره ماشاء الله متروسه ترس شنو بيض شنو انواع الاجبان والكبار يشربون جاي والجهال حليب بس شنو السفره تفتح النفس بس ابد مجنت مرتاحه واني بنصهم
خلصنا ريوك اجت عليه هاي البنيه زهراء وكالت
زهراء: امشي نطلع للحديقه شويا
شمس: تمام امشي
طلعنا وكعدنا بالحديقه وبقينا وحده تصفن بمكان وساكتين شويا وگطعت الصمت الي بينا وكالت
زهراء: انتي شسمج وشكد عمرج
شمس: شمس وعمري 19 تقريبا وانتي
زهراء: اني زهراء وعمري 18 ونص هيج
شمس: امممممم اكول عرفيني على عائلتكم الي هنا
زهراء: باعي اول شي جدي عثمان الي هو الشيخ متزوج ثنين اول وحده عدها ابوي الجبير اسعد ولي وراه عمو مجيد ووراه عمو ابو وطن ومتوفيه من زمااان وثاني وحده الي هيا هاي الحجيه الجبيره عدها عمتي رنا الجبيره متزوجه وطالعه من يمنا وعمو عبد القادر والي وراه عمه الاء متزوجه وعدها بنيه اسمها فجر وخطيه بيها هذاك المرض ومتوفي زوجها من زماان يعني گبل ميجي براء خطيه يتيم والي وراها عمه اسماء هاي مخطوبه من ابن عمها والخ اصغر كل عماتي هيا عمه صفيه عمرها 15
شمس: ياااا انتو كومه شون عايشين هيج
زهراء: ههههههههه اي وهذيج المرة امي اسمها سعديه والخ عمه اسراء زوجت عمو مجيد
شمس: زين انتي شكم اخ واخت عندج
زهراء: اني البنيه الوحيده لأهلي عندي اخ جبير اسمه زيد تقريبا بعمرج واصغر مني عندي ثنين عبدالله والخ عبدالرحمن وهذا صغير يعني عمره سنه ونص هيج وعمو مجيد عنده زينب وغسق وهذولا ماخذين كلل خباثة امهم يبووووو الا زينب كلشي ولا احد يطخ اخويه زيد تحبه تموت عليه وعدهم اخ صغير اسمه ايمن وهذا مدلل امه فدد مره مشاغب ومحد يكدرله بس حبوبتي وجدو وعمو ابو وطن بس من مايكونون موجودين ياكلنا اكل مدلليه اهواي
شمس: امممممم الله يحفظكم طيبه عيشتكم هيج كلكم عايشين سويا
زهراء: اي الحمدلله بس ماطيبه لازم من صف ثالث ونبطل مدرسه
شمس: يااااا ليش
زهراء: شمدرينا جدو هو هيج قوانينه
شمس: اني هم مكملت سادس جانت امنيتي اطب كلية الهندسة بس ضروفنا ايييه ايه
زهراء: الله كريم ان شاء الله يفرجها عليكم
شمس: تسلمين حبيبتي
بقينا كاعدين مادري شكد سوالفها طيبه جانت داتحجيلي على عيشتهم بدينا وحده تاخذ عالخ هيا تحجي واني اضحك جانت داتتقشمر على جيرانهم فززنا صوت واحد ديزعك بينا باوعنا لكينا هذا الشاب الضخم
ابو وطن: زهراااء يلا ابويه طبو جوا
زهراء: حاظر عمو يلا امشي خلنفوت
شمس: اكلج هذا منو وشدخلا ديصيح علينا
زهراء: هذا عمو ابو وطن وطببنا لان عيب نبقى كاعدين وهسه الزلم يطلعون ويطبون يمنا
شمس: دكعدي كعدي ومعليج بي
زهراء: وج كومي هذا شييخ وكلمتا بالبيت ماتصير ثنين بابا الي اكبر منا ميكدر يكسرله كلمه
شمس: اووي دمشي
دانطب وهو ديطلع الا شويا جنا حننطخ وجه بوجه
رفعت راسي عليه باوع عليه وخر سوالي طريق اعبر طبيت من يما بس اويليي عطره يمووت بس يبووو شكد صخم مشيت من يما اختفييت جني كتكوت كمت اضحك بيني وين روحي مادري وين راحت زهراء طبيت داريد ادور على ماما ملكيتها لكيت مره ومكعده بحضنها طفل وبنيه صغيره كتلها
شمس: مرحبا بس ماشفتي والدتي؟
الاء: هلا خيتي لا والله مشفتها
شمس: تمام شكرا
رحت من يمها كعدت افتر البيت كله بس ماتجرئت اطب بالغرف عيب لان افتريت البيت كله اخر شي وصلت للديوان كلت خلي اطب بلكت الكي ماما هنا درت اطب صاح عليه واحد من خلف
ابو وطن: يولوو
شمس: انداريت لكيت هذا الشاب الصخم شو وين ماروح الكيه اجا تقرب عليه كتله..... هاا شبييك
ابو وطن: شداتسوين هنا ماتدرين هذا ديوان وبي زلم
شمس: اتعصبت من طريقة حجيه جان ديحجي ويزعك بيا... يابه شكالولك ليش عني اقره جف ايدي حتى اعرف انو اكو زلم
ابو وطن: تره الكل يعرف انو الديوان تجتمع مرات بي الزلم ميحتاجلها قراية جف الايد
شمس: وين الكل يعرف هياتني اني توني عرفت
ابو وطن: يلت مدام توج عرفتي طلعتي منا ولاتگربين بعد صوبه
شمس: عقجت حاجبي وكتله.... صوبه شنو؟؟!!!
ابو وطن: اجتني الضحكه على شكلها من مافتهمت الكلمه وشون رفعت حاجبها بس كتمتها وكتلها.....يعني لاتتقربين عليه ولاتجين يما
شمس: ليش لازم يعض
ابو وطن: ول ابويه اي يعض وكلشي يسوي بس روحي منااا
شنس: رفعت حاجبي وطلعت منا يما افففف هسه شسوي اريد ماما والله مليت اجت عليه طفله يطلع عمرها اربع سنوات هيج
فجر: انتي شمس
شمس: اي حبيبي ليش
فجر: حبوبتي تناديج
شمس: وينها
لزمت ايدي وسحبتني وياها طببتني على غرفه جانت بيها ماما والحجيه كاعدين رحت كعدت يم ماما كتلها
شمس: هاي وينج گلبت البيت عليج.... باوعت عليها انتبهت عيونها مدمعه عرفت حجت قصتنا لهاي الحجيه
ام عبد: يمه شموسه شماتحتاجين تعالي واي واحد يزعجج هنا بس تعالي كوليلي والله اكسر ضلوعه الله شاهد عليه دخلتو گلبي وحبيتكم ومدري ليش احس روحي اعرفكم من زماان
شمس: فدوه لگلبج خاله ماقصرين
ام عبد: خاااي شنهي خاله خاله ناديلي يمه احلى
شمس: ههههههه تمام يمه
بقينا كاعده يمها اني وماما وماما اخذت وياها بقو ثنينهم يحجون ويسولفون على ايام زمان مادري شكد بقينا شويا وصاحونا على على الغدا كمنا
للحكايه بقيه
............................................................................................
مرحبا💙..
اعذروني عالسحك والاخطاء الإملائية بس عالسريع كتبته🌚
لاتنسون التصويت وكتبولي رائيكم ببارت اليوم🙈
#منة الله_الايوبي ✨