: #المهمه٢. ١&٢&٣
الجزء التاني ... الحلقه١
👑استغفر الله العظيم واتوب اليه 👑
ياسين بيغني لاميره وهي نايمه
عيون القلب سهرانة مابتنامش
لاأنا صاحية ولانايمة مابقدرش
يبات الليل .. يبات سهران .. على رمشى
وانا رمشى ماداق النوم .. وهوا عيونو تشبع نوم
روح يانوم من عين حبيبى .. روح يانوم
اميره فتحت عنيها ...
اميره : هههههههههه.. يا سلام علي الروقان
ياسين : حاولت اصحكي مش راضيه .. قولت اغنيلك
اميره : صباح الخير يا قلبي
ياسين : صباح العسل علي احلي عيون
اميره : هي الساعه كام
ياسين : الساعه ٦
اميره : طيب هقوم انا عشان اصحي الولاد .. انهارده اول يوم دراسه
ياسين: يارب تعجبهم المدرسه الجديده ويعرفوا يتاقلمو فيها
اميره : يارب يا قلبي
اميره بتصحي الولاد .. وياسين قام خد دوش ولبس ونزل تحت في المطبخ لاميره
ياسين حضنها من وراها
ياسين : هجيب انهارده حد يساعدك مش هتقدري علي المجهود وانتي حامل كده
اميره : مش تعبانه .. انا بفرح اما بعملكم حاجه .. وبعدين انت نازل بدري ليه لسه الساعه مجتش ٨
ياسين : انهارده اول يوم هروح اوصلهم المدرسه وكمان هشوف حكايه الباص . . هاتي اعمل معاكي السندوتشات
اميره : ياسين باشا هيعمل بنفسه السندوتشات
ياسين : انا مش ياسين باشا .. انا جوزك .. ولازم اساعدك .. وبعدين انتي تعبانه .. وشكلك باين عليه
.. لف شالها وقاعدها علي رخامه المطبخ
ياسين: .. خليكي قاعده هنا وانا هعمل الفطار
اميره : مش هينفع .. روح انت كده شوفهم صحيو وله لا.
ياسين قرب من اميره وباسها وطلع للولاد
ياسين : سما لبستي .. وانتي يانور .خلصتم وله لسه
سما : انا خلصت .. نور : وانا كمان بس عايزه اعمل شعري
ياسين : انا مش هعرف . بس انزلي لمامي هي هتساعدك..
ياسين راح لاوضه سيف
ياسين : سيف خلصت لبس
سيف : اه خلصت .. كنت لسه هنزل
ياسين : طيب يلا عشان تفطروا.. انهارده هننزل بدري عشان اول يوم .. بعد كده هنصحي في نفس الميعاد ونعمل رياضه الاول. ولازم نشرب اللبن .. ونفطر قبل ما نروح المدرسه . انهارده اول يوم مش عايز حكم علي المدرسه من اول يوم .. وانت ياسيف بقيت راجل يعني تخلي بالك من اخواتك وتمسكو ايد بعض .. فاهمين
كلهم قالو فاهمين
اميره : يلا عشان تفطرو
كلهم فطرو .. ياسين باس اميره من راسها وقالهم هيشغل العربيه ويجبها قدام الفيلا
ياسين وصل الاولاد للمدرسه .. وبعدين راح علي الشغل
ياسين : صباح الخير يا خالد
خالد : صباح النور .. ايه ياعم شكلك مبسوط وفرحان
ياسين : الحمد لله .. اول يوم للاولاد في المدرسه .. نقلتهم مع بعض .. في مدرسه جنب الفيلا ..فرحان انهم بيحبو بعض .. ربنا يهديهم
خالد : ربنا يصلح حالكم .. والله انت واميره تستاهلوا كل خير
ياسين : تسلم يا صحبي.. بقولك مش هتيجي انت وسالي تتغدوا معانا .. قولتلك كذا مره
خالد : خليها يوم الاجازه عشان نعرف نقعد مع بعض
المدير ادهم مديرهم في الشغل اتصل بيهم وعايزهم في اجتماع مهم .. كلهم راحو علي الاجتماع
المدير ادهم : انهارده انا مجتمع بيكم عشان فيه ملف قضيه جديده وصعبه .. وانتم من امهر واشطر الظباط اللي في الجهاز ... الملف بتاع قضيه الاثار والمعلومات اللي عندي بتقول ان دي خليه يعني ليها في السلاح والدعاره وكذا حاجه
ياسين : طيب المفروض ان جهاز مكفحه المخدرات هو اللي يمسك القضيه
المدير ادهم : الحكايه ان في ناس كبيره في البلد متورطين.. وطبعا الموضوع عايز فرقه عمليات خاصه . لان كمان فيهم اسماء من المافيا . واسماء كبيره مش قليله
خالد : ربنا يستر .. شكلنا هنفحت
المدير : في حاجه يا خالد
خالد: لا يا فندم كمل كلامك
المدير : عايزكم تدرسوا الملف كويس اووي وتركزو وتحطو خطه
ياسين : تمام يا فندم .. بس الملف هياخد وقت شويه
المدير : اهم من الوقت الخطه اللي هتعرف تمسكهم وتكشفهم عشان نقبض عليهم متلبسين .. حد عنده استفسار
الفريق كله .: لا يافندم
المدير : علي بركه الله .. كده الاجتماع خلص
كلهم قامو .. وكل واحد راح علي مكتبه
في البيت
اميره : ماما افطري بقي عشان الدواء
ام ياسين : وانتي يا بنتي
اميره : فطرت مع الاولاد
ام ياسين : نفسي اسافر اعمل عمره
اميره : إن شاء الله قريب .. ربنا يكتبهالك
ام ياسين : يارب يا بنتي .. انا كده اطمنت علي ياسين واطمنت عليكم .. وربنا يهدي سركم
اميره : انتي الخير والبركه يا بطه
ام ياسين : ربنا يخليكي يا اميره ويحفظك انتي وياسين
اميره : يارب يا ماما
بعد شويه الجرس رن .. وكانت الشغاله الجديده اسمها سناء
سناء : حضرتك انا الشغاله الجديده . الاستاذ ياسين كلم المكتب وهما بعتوني لحضرتك
اميره : اتفضلي يا سناء ادخلي
اميره : انا اميره .. ودي ماما . واما الاولاد يجيوا من المدرسه هعرفك عليهم
سناء : ماشي يا مدام .. ممكن اعرف اوضتي فين
اميره : تعالي معايا اوريهالك .. هي هتبق تحت هنا في اول دور .. اهم حاجه يا سناء الاوضه بتاعت المكتبه دي متدخليهاش غير اما ياسين يقولك . واوضه النوم كمان .
سناء : متخفيش يا هانم .. انا والله امينه ومش هتضيقوا مني
اميره : اوكي .. ربنا يسهل .. دي هتبقي اوضتك .. والمطبخ هناك .. الاوض بتاعت الاولاد هناك علي الشمال . واوضه ماما في النص . واللي علي اليمين اوضتي واللي جامبها اوضه التمارين .. اوعي تدخليها لو ياسين جوه .. عشان ساعات بيبقي متعصب
سناء : حاضر يا هانم
اميره : ادخلي بقي استريحي لو عايزه .. وسابتها ومشيت
ام ياسين : هي دي الشغاله الجديده
اميره : اه ياماما ياسين مصمم علي كده .. وانتي عارفه طبعه
الاولاد وصلو البيت .. سناء فتحت الباب . كلهم جريو علي اميره . فضلوا يحكوا عن يومهم
اميره : مبسوطين من المدرسه
كلهم : اه دي جميله
اميره : طيب يلا علي فوق ادخلو الحمام خدو دوش وغيرو ونزلو عشان نتغدا
الاولاد : ماشي
اميره اتصلت بياسين
ياسين : حبيبي عامل ايه
اميره : بخير الحمد لله .. مش هتيجي تتغدا معانا
ياسين : معلش مش هقدر اجي . اتغدا .. عندي شغل .. وملف قضيه جديده.. بس هحاول اجي بدري علي العشا
اميره : طيب عشان خطري كل حاجه .. وانا هستناك بليل
لا إله إلا الله
ياسين : محمد رسول الله .. بقولك
اميره : نعم
ياسين : بحبك موت
اميره : وانا بحبك اكتر .. سلام .. وركز في الشغل
ياسين قفل وهو بيضحك ..وحمد ربنا
كلهم اتغدوا والاولاد خلصوا واجباتهم .. وبليل طلعوا نامو كلهم . .. اميره كانت مستنيه ياسين .
اميره : صوت العربيه هنزل استقبله
ياسين بيفتح الباب وهي نزله تجري
ياسين : براحه يا مجنونه عشان بطنك
اميره حضنته : واحشتني اووي
ياسين شالها وطلع علي اوضتهم : وانتي اكتر.. ليه منمتيش
اميره : مش هعرف انام وانت مش جنبي .. وبعدين مين اللي هيحضرلك العشا
ياسين : انا او الشغاله . متتعبيش نفسك ..لازم ترتاحي
اميره: راحتي معاك وجنبك
ياسين :ربنا يخليكي ليا وما يحرمني منك
اميره : ولا يحرمني منك ياقلبي . قوم غير وهنزل اجيب العشا وناكل مع بعض
ياسين رجع راسه علي السرير ونام من التعب
اميره طلعت بالاكل . لقت ياسين نايم
راحت غطته وباسته من راسه وطفت النور ونامت جانبه
[٢٣/٦ ٦،٠٨ ص] Yasmeen: #المهمه2
الحلقه ٢
بحياتك ياولدي امرأة
عيناها ، سبحان المعبود
فمها مرسوم كالعنقود
ضحكتها موسيقي و ورود 🎶🎼
ياسين : صباح النور والورد عليك يا جميل 💋
اميره : صباح الحب علي الناس اللي بتخم
ياسين : انا بخم
اميره : اه كل يوم تقولي هتعشي اول اما انزل تنام وتسبني
ياسين : والله ياقلبي بيبقي عندي شغل .. ببقي تعبان
وبعدين مش بعرف انام غيرهنا .. سمحيني هاخد اجازه يوم الجمعه ونخرج واعوضك
اميره : انا عارفه يا قلبي انك مشغول .. مش عايزه اخرج .. لو هتاخد اجازه . هنقعد هنا في البيت مع بعض ..
ياسين : انت تؤمر يا قمر
اميره : هقوم اصحي الولاد
ياسين : بحبك يا اميرتي ❤
اميره : انا بحبك يا ياسيني💋
اميره صحيت الولاد وسناء حضرت الفطار .. نزلو كلهم يفطرو
الباص وصل الولاد للمدرسه
ياسين في الشغل ..
المدير : ياسين عملت ايه في ملف القضيه الجديده
ياسين : يا فندم القضيه دي طلعت اصعب مما كنت اتخيل .. في اسامي متورطين فيها .. اسامي كبيره وليها وزنها
المدير : انت خايف وله ايه
ياسين : مش حكايه خوف .. بس انت متخيل ان الناس دي ممكن حد يحقق معاها حتي .. مش يقبض عليها !!
المدير : لو خايف سيب القضيه ؟
ياسين : انت عارف اني مبخفش .. وعارف كده كويس
المدير : يبقي تحط الخطه عشان نعرف نكشفهم
ياسين : اوك./ بس كده انا مش هختار معايا الا فريق معين .. واثق فيه ...
المدير : معاك كل الصلاحيات
ياسين : اوك .. سلام
ياسين خرج من مكتب المدير .. وهو حاسس انه مخنوق .. وقرر يروح ويرتاح شويه
ياسين وصل البيت ..
اميره : ياسين
ياسين : عامله ايه يا حبيبتي .. فين ماما
اميره : طلعت تنام شويه .. انت كويس
ياسين : عايز انام شويه .. انا طالع
اميره :هطلع معاك ..
ياسين طلع وغير ونام في السرير بس شكله مشغول
اميره : ممكن تحكيلي مشغول بايه وانا هفكر معاك ..
ياسين : ملف القضيه الجديده ..
اميره : مالها .. مش انا كنت بتشتغل عليها
ياسين : اه .. ممكن بلاش كلام في الشغل عايز انام نيميني
ياسين غمض عينه واميره خدته في حضنها وبتقرا قرآن علي دماغه عشان يهدي .. وفعلا شويه ونام .. بس هي حاسه بقلق من جواها ..
اميره شكل موضوع القضيه صعب وفي حاجه فيها كبيره .. ربنا يستر ويحميك ياياسين
بعد شهر .. كنت الامور مستقره
ياسين راح هو واميره يطمن علي حملها 💑
اميره : نفسك في ولد وله بنت
ياسين : ولد وله بنت ..دي نعمه من ربنا .. وبعدين كفايه انك امهم .. دي عندي بالدنيا
اميره : يارب يطلع شبهك في كل حاجه
ياسين : لا .. انا عايز يبقي شبهك .. ياخود عيونك .. والغمزه وكل حاجه منك ً💖💖
اميره ،؛: ربنا ما يحرمني منك 😘
.ياسين : ولا يحرمني منك 😘
الدكتوره عملت الاشعه وطمنتهم علي الحمل وقالتلهم ان الجنين ولد 👶
اميره : ها هتسميه ايه
ياسين : هسميه يوسف😗 .. يوسف ياسين سليم
اميره : حلو اسم يوسف ..
ياسين : تعالي بقي نروح عشان نقول لامي .. كانت عايزه تعرف ولد ولا بنت ..
ياسين واميره وصلو الببت .. وقالو لام ياسين وكانت فرحانه .. والاولاد فرحانين انهم هيبقي في بيبي صغير
سيف : الحمد لله انه ولد .. عشان يلعب معايا بلعبي .. بدل سما ونور اللي بيلعبو بالدبدوب دول😏😜
سما : مامي انا عوزه بنوته
نور : اه غيريه وهاتيه بنت احسن
ياسين : بس .. اهدو .. اولاً مش احنا اللي بنختار إذا كان ولد وله بنت .. ربنا هو اللي بيرزقنا .. فلازم نحمد ربنا .. وبعدين نبقي ندعي ربنا يرزقنا ببنت .. اتفقنا
الاولاد👍: . اتفقنا
في يوم ياسين وصل البيت ومعاه مفاجاه لمامته
ياسين : امي عندي ليكي مفاجاه
ام ياسين : قول ياحبيبي
ياسين : تزاكر العمره .. وربنا يتقبل منك يا ست الكل
ام ياسين بفرحه : الحمد لله .. شكرا يا حبيببي
ياسين : ميعاد الرحله الساعه٦ ص .. قومي حضري نفسك .. وانا جيبلك لبس الاحرام معايا
ام ياسين : ربنا يخليك ليا يا ياسين . كان نفسي اعمل عمره .. بس قولت اطمن عليك الاول . والحمد لله .. اميره معاك.. والحياه مستقره
ياسين : علي فكره اميره هي اللي قالتلي انك نفسك تطلعي عمره .. بس انا اتشغلت الوقت اللي فات ..
ام ياسين : ربنا يحفظكم ويحميكم . حبايب قلبي
انا هقوم احضر نفسي .
ياسين دخل المكتب وقاعد بيقرا الملف
اميره دخلت وهو مش حاسس .. وقفت قدامه
اميره : ياه .. مشغول اووي كده ومش حاسس بيا
ياسين مسك إيديها وباسها : معلش القضيه دي كببره وكنت مركز ... شوفتي ماما
اميره : اه لسه كنت عندها .. فرحانه اوي . وكمان الاولاد عايزين يسهروا معاها بكره الجمعه .. ويوصلوها المطار
ياسين : سبيهم كلها نص ساعه وهتلقيهم نامو مش هيقدرو علي السهر
اميره : اعملك قهوه
ياسين : ياريت .. يا اميرتي
الساعه ٤ ياسين نزل عشان يوصل مامته
اميره : انتي ليه مش عايزاني اوصلك
ام ياسين : الاولاد نايمين وكمان الحمل والمشوار بعيد .. هتروحي وتيجي .. ياسين هيوصلني .. خليكي انتي
اميره سلمت عليها وقالتلها تدعلها
ياسين بعد اما وصل امه المطار رجع .. اميره كانت لسه صاحيه
ياسين : انتي منمتيش ليه
اميره : مستنياك .. مش هعرف انام وانت بره
ياسين طلع هو واميره الاوضه
اميره نامت وبتحلم بكابوس .. وعماله تصوت وهي نايمه .. ياسين قام مفزوع من النوم . حضنها وفضل يهديها ويطبطب عليها
ياسين : مالك يا قلبي .. اهدي .. مفيش حاجه .. ده كابوس
استعيذي بالله
اميره : خليك جنبي. بتتنفس جامد وبتعيط وماسكه في ياسين
ياسين،: ده كابوس .. انا معاكي مش هسيبك
اميره فضلت خايفه.. مش هينفع تحكي لياسين علي الحلم .. ياسين كان خايف عليها. فضل حضنها لحد
[٢١/٦ ٩،٣٩ م] Yasmeen: #المهمه٢
الحلقه٣
❤❤كما اقسمت علي حمايتك من العالم . فانا اقسم ان احميك حتي من نفسي ❤❤
اميره قامت تصلي وتقرا قرآن .وتستغفر ربنا
ياسين : تقبل الله
اميره بابتسامه .. صباح النور .. انا اسفه اكيد انت معرفتش تنام كويس مني
ياسين بحب : فداكي انا وعمري وكلي . بس قلبي واجعني .. احكيلي حلمتي بايه
اميره ،: مينفعش احكي كابوس. غلط . بس انت خليك معايا
ياسين حضنها وطمنها . وقام دخل المكتب
وهو حاسس
بنفس احساس اميره ان فيه حاجه هتحصل ..
ياسين : مهمتي دلوقتي ان احميكي . ومخليش حاجه تاذيكي .. هحميكي حتي من نفسي
التلفون بيرن اميره : الو ياسناء
جوز سناء : حضرتك انا جوزها . هي عملت حادثه وهي جايه الببت في عربيه خبططها
اميره : لا حول ولا قوه الا بالله .. الف سلامه عليها .. طيب هي كويسه
جوز سناء : اه يا فندم . عندها كسور .. بس هي قالتلي انها مش هتقدر تيجي .
اميره : ولا يهمها .. هي عايزه حاجه طيب
جوز سناء : لا .. شكرا لحضرتك .. هي كلمت المكتب وهيبعت لحضرتك واحده مكانها
اميره : قفلت ودخلت لياسين تحكيله
ياسين : اوك .. اهم حاجه انك ترتاحي ومتقلقيش من حاجه انا جانبك
الجرس بيرن .. ياسين قام يفتح . ودخلت مايا الشغاله الجديده
مايا بدلع : ايه يا باشا انا الشغاله الجديده
ياسين بجديه : اتكلمي عدل يا بت انتي ..
مايا خافت منه : حاضر يا باشا .. انا اسفه
اميره خرجت مالك يا ياسين بتزعق ليه .. وبتبص علي الباب
مايا : انا مايا ياست هانم الشغاله اللي المكتب باعتها بدل سناء
اميىره : اه عرفت
تعالي اوريكي الاوضه بتاعتك ..
ياسين حاسس ان في حاجه غلط . ولازم اعرف (مخابرات بقي وكده )
اميره رجعت لياسين
ياسين : اميرتي .. انا جعاان اووي
اميره : انت تؤمر يا باشا
ياسين : باشا .. انتي اتعديتي من الزفته دي وله ايه
اميره. بهزر معاك يا سينو ..
ياسين : طيب تعالي وانا اوريكي الهزار .
اميره : هحضر الاكل الاول .. اكيد كمان الولاد جعانين
ياسين : اوكي .. هطلع اشوفهم وننزل ناكل
ياسين طلع للاولاد وفضلوا يلعبو مع بعض .. مايا طلعت قالتلهم ان الاكل جاهز . بس نظراتها غريبه .. وطريقته مش مريحه
ياسين والاولاد نزلو : وكلو مع بعض وفضلو يتكلمو .. وبعدين قعدوا مع بعض يتفرجو علي التلفزيون وفضلوا يضحكوا ويهزرو كلهم مع بعض واليوم عدي بسلام
تاني يوم .. ياسين قام يلعب تمارين شويه قبل اما يروح الشغل .. ومايا دخلت في اوضه التدريب .. ياسين اتفاجا بيها
ياسين بعصبيه : انتي يا زفته ايه اللي دخلك هنا
مايا : انا سمعت صوت هبد وقولت اطلع اشوف في ايه
ياسين بصوت يخوف : متدخليش الاوضه هنا تاني .. انتي فاهمه . لا هنا ولا اوضه النوم ولا المكتب .. فاهمه .. لو اتكررت تاني .. انتي متعرفيش انا هعمل فيكي ايه
اميره قامت تجري سامعه صوت ياسين
اميره : مالك يا حبيبي في ايه ؟؟
ياسين شايف اميره وهي خايفه . راح عندها وحضنها
ياسين : مفيش انا اسف اني عاليت صوتي .. انتي يا زفته يا مايا .. اعملي عصير ليمون بسرعه
اميره : هي عملتلك حاجه البت دي
ياسين : دخلت الاوضه وانا بتمرن وانتي عارفه اني مبحبش حد يدخل هنا
اميره : انا حظرتها امبارح انها متدخلش هنا .. بس شكلها نسيت ..
ياسين : انا قولتلها .. اخر مره .. ولو عملت كده تاني هتصرف
اميره : اهدي طيب يا قلبي
ياسين : هقوم عشان الشغل . اه نسيت
صباح النور علي عيونك
اميره بضحك : انت لسه كنت متعصب
ياسين : اول اما بشوف العيون دي بنسي نفسي
مايا كانت بتستني ياسين وبتتعمد تدلع اقدمه وتلبس لبس ملفت😈
بس ياسين وله في دماغه
محدش قدر يقتحم قلبه غير اميرته
في يوم سيف جه من المدرسه وهو متخانق
اميره : ايه اللي عمل فيك كده
سيف : اتخنقت مع واد في المدرسه
اميره بعصبيه : ازاي تتخانق في المدرسه . انتي بلطجي
ياسين كان داخل وسامع صوتها عالي
ياسين : في ايه صوتك عالي كده
اميره اتفضل شوف الاستاذ البلطجي ده
ياسين بص لسيف : سوفي حبيبي ايه اللي عمل فيك كده
سيف : اتخنقت يا بابي في المدرسه وضربت الواد جامد عشان انا قوي
اميره بعصبيه : انت اتجننت خلاص .. مفيش تدريب تاني . وبتعلي صوتها فاهم
سيف بيبص لياسين : لا يا بابي ان عايز اتمرن وابق اقوي
ياسين لسه هيتكلم بس اميره كانت اسرع منه
اميره بصوت عالي : انا هنا المسؤله عليكم .. قولت مفيش تمارين يعني مفيش .. اتفضل علي اوضتك
سيف بص لياسين
ياسين : اطلع دلوقتي يا سيف ..
سيف طلع علي اوضته
ياسين بص لاميره بزعل ودخل علي مكتبه من غير وله كلمه
اميره سكتت ومخدتش بالها انها ضايقت ياسين من كلامها
ياسين استغرب انها مدخلتش وراه تطمن عليه . وله تكلمو
جه ميعاد الغداء
اتجمعوا اتغدو .. ياسين مكملش الاكل .. وطلع علي اوضه التدريب
اميره اخيراً حاست ان في حاجه في ياسين فطلعت وراه
اميره : ياسين .. مكلتش ليه
ياسين مش بيرد عليها
اميره في نفسها مش بيرد اكيد زعلان مني
اميره قربت من ياسين : ياسين بص .. ياسين .. رد عليا انت عارف اني مش بحب كده
ياسين بيجري علي الماشيه ومش بيرد عليها
اميره ابتدت تعيط عشان عارفه انك كده ياسين زعلان اووي
ياسين قلبه ضعف من دموعها .. هي دي نقطه ضعفه
وقف وراح بالفوطه نشف عرقه .. وبعدين راح خدها في حضنه . هي اما صدقت اترمت في حضنه وعيطت اكتر
ياسين : خلاص بقي بطلي .. انتي عارفه اني بضايق اما اشوف دموعك
اميره مسحت دموعها . : انت زعلان مني ليه
ياسين : مش عارفه ليه ..
اميره : لا
ياسين : اولا اتعصبتي قدامي .. ثانيا عاليتي صوتك وانا واقف .. ثالثا قولتي لسيف انك انتي المسؤاله هنا
انتي مش شايفاني راجل
اميره : لا .. انت فهمت غلط
ياسين يمكن عشان انا بدلعك افتكرتي اني ضعيف او اني مش هعرف امشي الدنيا .. بس لا انا راجل ومش اي راجل انا ياسين سليم .. لازم تفهمي اني بحبك وبحترمك واما قررت اكون مسؤال عليكم فده حب مني ليكم وقوه مش ضعف
اميره بدموع : انت فاهم غلط .. انا مكنش قصدي اللي فهمته .. انا عارف اني بعشقك وبحترمك .. بس عارفه كمان انك بدلعهم اووي رحبيت اني اكون شديده عليهم شويه .. وبعدين انت ارجل واحد في نظري .. حنيتك وحبك عمرهم ماكانو ضعف بالعكس دي قوه
انا بس مش بنام كويس اليومين دول من الكوابيس واعصابي متوتره ومخنوقه
انا اسفه ياقلبي . سامحني .. مش هعمل كده تاني 😭😢
ياسين بتفهم : انا مقدرش ازعل منك . بس بجد دي اخر مره تعملي كده .. فاهمه
اميره هزت راسها بموافقه 😞😞
ياسين بمكر:علي فكره انا لسه زعلان . 😜صلحيني 😜
اميره بضحك علي دموع : طيب قوم تعال