مساء الخیر حبایبي
❤❤❤❤❤❤❤❤❤❤❤❤❤❤
زینب : مرت الایام واجتي الامتحانت النهاٸیه وقررت اشد حیلي لازم انجح
ؒساره : زوزه بایام الامتحانات تعالي نقرا سو لا اعرفج ما تقرین
زینب : عود اشوف یالله باي
ساره و علي : باي
رشا: لاتشوفین ولا شي مارح توصلین الهم کعدي بغرفتج وقري
زینب : نترت ایدهه دیر بالج تلزمیني هیج مرا ثانیه ماجنت ناویه اروح بس بعد هاذ تصرفج اله اکعد عدهم کعده ..خلیتهه ودخلت کلش بدت تنرفزني صایرا مو طبیعیه هل ایام .....شلونج ماما
وداد : هلو حبیبتي عطلتو مو
زینب : اي ماما وبعد اسبوع امتحانات
وداد : یالله الله یوفقکم نشالله شدي حیلج
زینب : نشالله یالله اصعد اغیر ملابسي واجي اساعدج
وداد : ماشي
زینب : صعدت الغرفتي سبحت ولبست تراک الجو بلش یحتر ...اوف شوکت نعطل نزلت ساعدت ماما بالغده تغدیت وصعدت حته انام ...طبعا خلال هاي الفترا قررت اتعامل ویه ستاذ علي بشکل عادي بس احس شي بداخلي تغیر تجاهه صرت احب المدرسه بسببه واخجل منه تخیلو اني اخجل 😂
علي : کل یوم اتعلق بیهه اکثر کلشي بیهه یعجبني صح زعطوطه وتنرفزني بتصرفاتهه بس اعترف حبیتهه وصرت اسیر عیونهه ماعرف شنو راح تکون نتیجت هاذ الحب بس ماکدر اتخله عنهه بعد
ساره : کاعده بغرفتي ارتب بالکتب احضر نفسي للامتحانات وتذکرت فهد وشلون حجه ویاي اخر مرا اشوفه بیهه بیوم رجعنه من المدرسه بعد ما دخلت للبیت تذکرت کتابي ناسیته یم زینب وعندي متحانات طلعت بملابس المدرسه رحت البیتهم دکیت الباب فتحلي مرتضی
مرتضی : هلو ساره تفضلي
ساره : هلا مرتضی ..دخلت بس تذکرت خوالهه موجودین ...مرتضی صیح زینب کلهه ساره ترید کتابهه البقه ویاج واني راح انتضرک بالطارمه
مرتضی : ماشي تدللین
ساره : دخل مرتضی باوعت عله رجلي لابسه انعل تک وتک لان مستعجله ضربت راسي غبیه سمعت صوت ضحکه رفعت راسي فهد متکي عله الباب یباوع علي ومجتف ادیه ویضحک یخبل وشخصیه یبوو جکد فشله درت وجهي عنه
فهد : کاعد بالصاله وسمعت فهد یصیح الزینب اجت ساره ترید کتابهه طفرت بسرعه شفتهه بالطارمه بملابس المدرسه طالعه تخبل وشکلهه طفولي ضربت عله راسهه من شافت انعالهه تک وتک متت ضحک
عله خبالهه دارت وجیهه عني وعصبت کتلهه
.... احم شلونج ساره
ساره : ردیت بدون نفس الحمد الله بخیر
فهد : ولیش هیج تردین شنو ما عاجبینج
ساره : یضحک علي ویرید یعجبني باوعتله ورفعت حاجبي ودرت وجهي عنه
فهد : عصبتني هیوو احجي ویاج
ساره : باوعتله بغیض شنوو هیو طفله کدامک لو ماعندي اسم
فهد : بتسمت لیش منو ضاحک علیج وکایلج جبیر انه اشوفج عنونه وبریٸه وعیونج حلوا وخدودج مال عض بس السانج طویل مال کص
ساره : فتحت عیوني عله وسعهن من کلامه واحس خدودي نار من الخجل کتله بتلعثم .. انته واحد ماتستحي ماعندک خوات تقبل احد یکلهم هیج
فهد: ههههههههاي خجلت الحلوا
ساره : لاتکول حلوا ما اسمحلک لاتتجاوز حدودک
فهد : هههههه ولج والله انتي عسل
ساره : متت من الخجل احس جسمي یرجف وعصبت جکد ما یستحي ماردیت علیه وزینب تاخرت عصبت رحت للباب ارید اطلع فتحته رکض وطبکه وصفن علي وخزرته ... وخر عن طریقي
فهد : اف اف والله من قریب طلعتي احله اسف یا حلو لان ضوجتج مو قصدي الیوم راح نروح مارید امشي ونتي زعلانه مني واتمنه یجي یوم ونرجع نلتقي وراح انتضر هاذ الیوم یا حلوا
ساره : صفت عله کلامه وکلبي رجف ترکني ودخل للیوم کل ما اتذکر هاذ الموقف جسمي یرجف یاترا راح یجي یوم ونلتقي اووو ساره شلج بهاي سوالف
زینب : بابا ارید اقرا ویه ساره للامتحانات اذا ممکن ارح یمهه
رشا : لیش سم الله بس یم ساره تحله القرایه
زینب : اي الاجواء مختلفه مناسبه للدراسه
هند : شکد تتناکرن دخیل الله
خالد : روحي بس لو العصر او الصبح عیب تتاخرین یمهم ومو داٸما مرا انتي مرارهیه تجي علیج
زینب : نشالله بابا
خالد : بس هاارید نجاح
زینب : نشالله بابا ..باوعت الرشا 😉
.........
ساره : خلص الاسبوع بسرعه وبلشت الامتحانات کان الاول سلامیه رحت لزینب نقرا سوا لان قررنه متحان یمهه ومتحان عندي خلصت قرایه ورجعت للبیت
زینب : کعت مفزوع اخاف اتاخر عله الامتحانات بدلت بسرعه وانزلت واکید رشا سابقتني طلعت وشفتهم منتضریني ....صباح الخیر
علي وساره : صباح النور
علي : لیش تاخرتي هاي امتحانات لازم تبطلین الاهمال ونتبهین عله دراستج
زینب : باوعتله بغیض کتله ..نشالله استاذ وصلنه للمدرسه ودخلنه لامتحان ما بقی امام ما دخلت عده 😁 واالحمد الله جاوبت لکیت ساره ورشا طالعات
ساره : هاا بشري
زینب : عفی علیج کدهه
ساره : هووف الحمد الله یالله خلي نروح عمو ینتضرنه
علي : هااا شلون المعنویات بعد الامتحان
رشا : فول کولش سهله
علي : مینخاف علیج کدههه الدور عله ذیج الناس
زینب : کلش ضوجني شبي ویاي الیوم ماحجیت لحد ما وصلنه للبیت نزلت بدون سلام کبل تغدیت ونمت
علي : اتعمد استفزهه حته تتحداني وتقرا اریدهه تنجح لان ذکیه بس ما تقرا ضوجتهه الیوم بس عرفت من خلال ساره مجاوبه رتاحیت ثاني یوم اجتي هیه تقرا ویه ساره ابیتنه ماحبیت ازعجهه بقیت اراقبهه من بعید کوا تقرا واضح ما تحب الدراسه رحت طلعت من البیت ماتحمل تبقی کدامي
ساره : اوووف واخیرا خلینه ناخذ استراحه ونطلع للحدیقه واني راح اجهز النمیات واجیج
زینب : ماشي ثولتیني الله یثولج طلعت للحدیقه احس راسي یرید یطک الجو حلو خلیت رسي عله الطاوله واعتقد غفیت لحضات فتحت عیوني نصدمت
علي : طلعت ویه الشباب ورجعت العصر للبیت شفتهه نایمه عله الطاوله تقربت لا ارادین منهه دنکت راسي المستواهه ارید اعرف اذا نایمه بس فجٸه فتحت عیونهه اوف من عیونهه عذاب وفزت مصدومه ....صح النوم
زینب : شنو ومنو کال اني نمت بس غمضت عیوني حجیتهه بخجل
علي : فدوا
زینب : شنو کلت
علي : شنو شوکت حجیت متوهمه
ساره : وهاي الحبشکلات وصلت تفضل عمو
زینب : اني تاخرت ولازم اروح
علي : لیش کعدي اکلي شویه اني اصلن کایم
زینب : لا لا مو علمود شي بس بابا هسه یجي ومایقبل اتاخر
علي : هاج لعد کرزیهم بالبیت
زینب : تسلم خله الکرزات بیدي وتلامست ادینه احس صارت کهرباء بجسمي توترت اخذت کتبي وطلعت بسرعه رحت للبیت کرزت احس صار بیهم عطر من ایده جکد حلو عطر محضوضه التاخذه
کعدت افکر هوا لیش ما یتزوج کبیر وموضف صارت هاي الفکر براسي ونعصر کلبي منهه اوووف هسه وقتهه خل اهتم بمتحاناتي احسن ...
......مرت الایام بین القرایه والامتحانات وطبعاً اني بفضل ساره کلش الحمد الله اجاوب وبمتحان الانکلیزي کعد استاذ علي درسنه اني وساره وحته رشا کان عدهه کم موضوع مو فاهمته اجتي درسه بس ما اعرف لیش ضجت وکلش واني اشوفهه شلون صافنه علي وهو مندمج یشرح الهه احس نار وصارت بصدري بیومهه ماتحملت ماکملت قرایه رجعت للبیت
علي : خلال هاي الایام شفت زینب ثانیه مهتمه بدراستهه جدیه وعدهه اراده بس شکلهه ذبل من التعب واني جنت اساعدهن بالدراسه کلش مهم عني انو تنجح السنه للخطوا الي ارید اخطیهه جنت احاول اتعامل بطبیعیه ویاهه حته ما تضوج وتنفر مني ... بس من اجت رشا ادرسهه حسیتهه ضاجت کلش اول مرا اشوفهه هیج کلش فرحني هاذ الشي صار عندي امل شویه وبیومهه راحت بدون ماتکمل دراستهه جنت اسٸل ساره علیهه اذا مجاوبه لو لا
زینب : واخیرا خلصت الامتحانات وصلنه الاخر امتحان رحت الساره جان جتماعیات بقینه نفتر بالحدیقه ونقرا وکل شویه نتصادم عله کد ما مرکزین اخذنه استراحه وکعدنه نخطط شنو نسوي بالعطله واجه ابالي السوال المحیرني ...اکول ساره
ساره : هااا
زینب : هوا استاذه علي لیش ما تزوج لحد الان
ساره : ههههه شنو لکیتیه عروس
زینب : لا غبیه جاي احجي جدیات
ساره : ممم والله ما اعرف بس هو لسه مالکه فتات احلامه یمکن حته عم بابا یعني عمه انطی مرا بس هوا ما یقبل
زینب : هاا
ساره :ايي ونتي ست ساره لیش تسٸلین
زینب : هاا لا ماکو شي یالله خل نکمل قرایه
ساره : یالله اف شوکت نخلص وتخلص هاي السنه ونرتاح
زینب : بقینه نقرا للعصر اخر شي اخذت کتابي وبقیت افتر واقرا بالحدیقه لان ختنکت من الاستقبال شوي وحسیت نضربت بشي قوي ...اخ
علي : طلعت من باب المطبخ بدون ما انتبه نضربت بیهه وصلت الصدري هه .... الله الله خو ما تاذیتي
زینب : افرک براسي باوعتله بخجل .. لا مابیه شي اسفه ما جنت منتبهه
علي : اني الاسف بس الحق مو علیه انتي سنفورا ماشفتج
زینب : باوعتله بغیض وکتله بعصبیه طبعا ماتشوفني من الطابق العاشر
علي : ههههههههههههاي قصدج طولي عشر طوابق مو دنکت المستواهه وخلیت عیوني بعیونهه ....بس الخاطر هاي العیون انزل للطابق الارضي
زینب : جسمي کله رجف من حرکته وکلامه بقیت جامده بمکاني وصافنه بوجهه ما نتبهت لحد ما وکع الکتاب من ایدي فزیت عل صوت بتعدت عنه اخذت کتابي وطلعت البیتنه کبل احس نار تطلع من وجهي بقی یصیح وراي بس اني وین احس کلبي راح یطلع
وبقیت الیوم کله اصفن بالیل راجعت ونمت کعدت بنشاط لان اخر یوم بدلت ونزلت تریکت وطلعنه اني ورشا کانو منتضرینه ....ماکدر اباوعله خلصت الطریق اراجع واول ما وصلنه نزلت بلش الامتحان والحمد الله جان کلوش سهل حلیت عل سریع وطلعت ساره ورشا بعد ما طالعات وکفت انتضرهم بالساحه بس الشمس حرکتني حرک
علي : طلعت من الاداره شفتهه واکفه والخدود حمر من الحر مال کرط جان صافنه حاجیتهه فزت ....لیش واکفه بالشمس ...شبیج فزیتي
زینب : هاا ما عرف جنت صافنه
علي : بشنو صافنه بزونتي
زینب : فتحت عیوني عله وسعهن هاذ شبي هل ایام راح یخبلني ضوجني ...وله شي مایصیر اصفن
علي : هههه لا حقج بس تعالي دخلي جوا عن الشمس
زینب : لا ما ارید عیب ادخل یم المدرسات
علي : لا ماکو احد واکفین عله القاعات انتضریهن یمي حته نطلع اول ما یطلعن
زینب : ماشي ... رحت ویا دخلت بالاداره الثانیه ماکو احد بارده کعدت امسح بوجهي راح جابلي کلاص مي ....
علي : هاج شربي مي .
زینب : شکرا
علي : شلون جان متحانج اشو طالع من وکت
زینب : زینه الحمد الله
علي : الحمد الله ...بقیت صافن علیهه وهیه سوت نفسهه تکلب بالکتاب راح یخلص الدوام ونه تعودت عله شوفتهه یومیه اففف...قاطعت تفکیري ست رجاء
رجاء : بدلع شنو ستاذ علي انته هنا واني جنت ادور علیک حته اودعک والله راح نشتاقلک
علي : بحراج ... شکرا ست نشوفج عله خیر نشالله
رجاء : وانته بالف خیر اکید راح نتواصل بالکروب
علي : احم نشالله
رجاء : یالله باي
علي : باي ...باوعت الزینب مدنکه راسهه بس ضاغطه عله الکتاب بقوی
زینب : احس دمي فار شلون تدلع بکلامهه جکد ما تستحي وحده معنسه ومامخلیه اساذ ما مخیله علیه لبسهه کله ضیک والمکیاج تکول ما شایفه وهاذ مکیف وفاک حلکه علیهه باوعتله یباوعلي رفعت حاجبي ...اکید البنات هسه طلعو اروح اشوفهم
علي : ولیش هیج معصبه
زینب : وعله شنو اعصب بالله اني راحیه طلعت نتضرت برا واجه وکف یمي اتکه عل سیاره ویباوعلي
....خیر ستاذ مضیع شي بوجهي
علي : بتسم تلوکلج الغیر لوتعرفین شکد راح اشتاق الهاذ الوجه وخاصه وهوا معصب
زینب :جمدت ابمکاني من کلامه لا هاذ مو صاحي الیوم واني کلبي رهیف شبیج زینب للحمد الله اجوي البنات ونقذوني صعدنه بالسیاره
: ساره : زنوب خلینه نشوفج ولج والله راح اشتاقلج
زینب : محسستني راح اسافر اشو احنه الباب بالباب لاتخافین کاعده عله کلبج
ساره :😘😘😘 فدیتج
زینب : کافي ولج ختنکت
علي : حسدت ساره لان تکدر تتقرب منهه وصلنه نزلن البنات سلمن عله ساره
رشا : نشوفک بخیر ستاذ راح نشتاقلک
علي : ونتي بخیر وشاوي لا تکطعون البیت بیتکم
رشا :اکید ستاذ نشالله
زینب : نشوفک بخیر ستاذ
علي :ونتي بخیر زنوبه نشالله یوم نجاحج
زینب: تسلم ستاذ یالله مرخصتکم باي سوسو😘
:ساره : باي حبیبتي 😘😘
علي : راحت وعیوني وراهه مو مصدک الجاي یصیر ویاي معقوله حبیبت وتعلقت بطالبتي الصغیر دون عن کل البنات
ساره : عمو راحت شرایک نفوت
علي : هااا احم فوتي لازمج اني یالله ام السان
ساره :ههههه
زینب : اووووووف واخیرا بلشت العطله جنت فارحانه بیهه کلش بس رغم هاذ الفرح احس اکو مشاعر اشتیاق من هسه صارت عندي اله مشاعر مستحیل اعترف بیهه حته بیني وبین نفسي ........جنت فرحان بالعطله وما خطرلي انو بیهه راح تتغیر حیاتي للابد ......
الکاتبه Rose
الاستاذ والمشاکسه👇