مساء الخير متابعيني الاعزاء اتمنه لكم قراه ممتعه
🌺معاناتي بسبب يتيم 🌺
🌹 للكاتبه رونق🌹
ليث...قبل عمليتي بفتره قدمت نقل من الجوازات
للشرطه الاتحاديه بالموصل جانت الاجواء
ماتبشر بخير الموصل بيد الدواعش وره شهر
ونص من عمليتي اجت الموافقه حته نسيت
السالفه من قدمت النقل بوقت سقطت الطفل
واجيت اعتذر منه وصدتني
سلمت ذمتي واخذت كتاب براه ذمه وكتاب
انفكاكي وشهاده اخر راتب ودخلت
ودعت المدير واصدقائي الضباط الي جانو
ضايجين عليه مانكر اني جنت ضايج حيل
بس وقته كلت الازم اخطو هاي الخطوه
كرار نصدم مجان عنده علم تخبل
ماقبل وضل بحجي عليه وزعل
رجعت للبيت الساعه 10 وربع
محد يعرف من اهلي بهذا قراري
نمت كعدني صفاوي ع الغده
اكلي لحد الان خاص
ماكلت ماشتهي شربنه جاي
وفتحت الموضوع وياهم الكل نصدم
والكل عارض محد قبل امي تخبلت
كالت تريد تموتني ليش يمه
تروح لموت برجليك كام دك وتلطم
وابوي ماقبل وغيث ضل يحجي عليه
الكل رفضو روحتي خليتهم يكملون
كتلهم ماكو فايده من حجيكم باجر التحق
وامر نقلي صدر ميصير اتراجع
عفتهم ورحت للغرفه اتصل ع
كرار ميرد خبلني شكد حاولت مارد
صارت الساعه ب 4 طلعت
رحت لكرار لكيته طالع بفاتحه
ضجت حيل رحت لنجف
رحت لرتاج شكيتله وسولفتله وضعي
وشنو صار بيه متعود احجيله كلشي يصير وياي
وراه رحت زرت ونخيت الامام
يصبر كلب امي وابوي
رجعت مريت بكرار
طلعلي كتله ها حقير
مترد عليه كام. حضني
وكام يبجي يكلي وك تروح
لموت برجلك ليش ماكتلي نروح
سوا وك تعرفني ماكدر بدونك
لو اني وياك مانقهر شلون نطاك كلبك
تفكر تعوفني كتله لاتخاف ماعوفك
ع كلبك ودعته ورحت للبيت
لكيت البيت مخبوص امي مخبره خوالي
الكل اعرض والكل حجه عليه كتلهم
شبيكم كبرتو الموضوع اول واحد
اروح لموصل
كالو لا مواول واحد بس
اليطب الموصل ميرجع سالم
كتلهم لاتخافون الرب واحد والعمر واحد
كتلهم لو مكتوبلي اموت جان متت بالعمليه
بس الله كاتبلي خبزه
كتلهم اكلكم واذا متت بمكان ماتفتخرون بيه
ضل يحجون يقنعو كتلهم من كل عقلكم تردون الغي
النقل شيكولون عليه خاف
وتراجع من شافه صدك قنعتهم
ترخصو ومشو
دخلت سبحت ورحت لامي
فدوه متخبله وضايجه
بست راسه وكتله يمه
ابنج بطل افتخري بي
والله ارجعلج ومابيه شي طمني
والمفروض تتباهين بيه كالت
وك يمه شعدنه غيرك انت واخوك
تريد تموتنه كتله لاتخافين
عليه بس اريد دعواتج
كتله اريد اروح وانتي راضيه
عليه بوستني وكالت الله يرضه عليك
ورحت لابوي لكيته مقهور
خطيه وصاني .وكال اريدك. ترفع
راسي ودير بالك ع نفسك
رحت للبنات ضايجات ودعتهن
ريام مختفيه وره شوي كاعد بالصاله
كالت تريد عشا كتله
ماشتهي
وكتله دزي صفاوي ينام يمي
رحت حضرت ملابسي بجنطه
وكملت شغلاتي اجاني صفاوي
افيش ماينشبع منه. بعد كلبي
الوحيد الي مصبرني
عيني ماخذت نوم تمنيت اروح. وريام راضيه عليه
اعرفه ضايجه منه وماوده تشوفني
كوه نمت متاخر وقتت المنبه قبل الصلا كعدت سبحت
وصليت واجيت للمطبخ ميت
جوع لكيت ريام بالمطبخ
مسويتلي ريوك. خرب
فديته يمه شلون
راح افركه تعودت ع شوفته
شايل هم لفراكه
خلت الريوك تريكت كملت
كتله ريومه اسف ع كلش صار امانه
لايضل بالج وحق كل حرف بالقران
احبج وماكدر استغنه
عنج ومن حبي الج هيج سويت
ماريد اروح وانتي مراضيه عني
خاف يصير شي ابريني الذمه كالت
مسامحتك كلب ولسان وبعد الشر
عليك وترجع بالسلامه
خلت علاكه كالت بيه اكل خاف تجوع
كعدت امي وابوي حته البنات وصفاوي
الكل ودعني خطيه ابوي دمعت عيونه
بساع دخلت للغرفه
امي طكت. بجي والبنات كذالك
ريام ختفت
تعرفون اغلب العراقين من رادو يرحون لهيج
مكان وبالاخص اول مره يكون
شي صعب
طلعت من. الباب ع الاساس غيث يوصلني
فتحت لباب انتضر غيث يطلع سياره والدي بالشارع
اسهل اقرب من سياراتنه
راح. يجيب السويج واني. انتضره
جان اشوف سياره طبكت طلع كرار
فديته اخوي وسندي
كتله شجابك من. لصبح
وك اعرفك متكعد لدوام اله
بالدفرات اليوم
شعندك مغبش كال غير
اشوف ضلعي
مخبل تروح وماشوفك
طلع غيث. كاله كرار اني اوصله
كال غيث اجي وياكم
رحنه لكراج ودعوني وراحو
اجرت سياره زغره اني وثنين وياي
ريام.... من كال ليث راح اروح للموصل
متت حترك كلبي هذا يحجي صدك
بدو يقنعو قافل كالهم قبل عمليتي
بفتره قدمت نقل وهسه طلع
ذكرت وكت الي طلعت من المستشفئ
وحجيت عليه شكد تندمت ونقهرت
حسيت اني السبب بس مابيدي
شي اختفه بليل يله اجه
اجو خواله قنعو ماكو قافل
وشفته مصر
كلت خلي اسويله شي
ياخذه وياه بالطريق
وهم يفيده اول يوم. يجوز
الاكل ميعجبه هناك
كملت اجه سالته تتعشه ماقبل
اخذ صفاوي
لصبح مانمت بس ابجي
احبه واريده ماريد اخسره
اخاف عليه لا والمصيبه سبيي
فكر يلتجئ لهذ القرار
وصفاوي مو. وياي نايم ماكدرت انام
صليت وسويتله ريوك.
من حجه وياي تخبلت ودي احضنه
ودي اكله ابقه لخاطري
بس ماكدرت اعرضله
وراه كعدو
ماكدرت ابقه ولاريد اشوفه
من يروح ماحب هيج لحضات
راح ذبيت وراه مي جبت صفاوي
يمي نيمته ماكدرت انام
كوه نمت كعدت متاخره لكيت الكل
نايم لان كله بليل مانايمه رحت يم
خالتي لكيته تبجي صبرته وكتله لاتبجين
وتتفاوليله ادعيله كل شوي تخابره
طلع واصل قبل ساعه اطمنه من وصل
البيت اضلم بدونه وكله ضايجه عليه
وخالتي بس تون وتنوح كله تحجي عليه
عانينه هواي بغيابه الئ ان اجه اليوم وكالو. باجر ينزل
يبووو احله خبر
ليث.... صعدت بالسياره وبالي يمه تمنيته
تحضني واضمه واشمه بس اعرف
كبريائه وعزه نفسه تمنعه
حسيت نفسي ختنكت لان هيه جانت
النفس اليه
وصلت لمكان عملي وصلت لغرفتي قدمت اوراقي
اتغديت باكله فديته
شكد حنينه
وتم نشر الامري
كال راح انطيك احازه اسبوع
حته ترتاح كتله لاسيدي اريد
ابشار بالدوام كال تعرف انت بكتابك
مذكور منصبك امر السريه الثالثه بعد
مانجرح زميلك ويحتاج فتره علاج طويله
كتله حضر سيدي والله يشافي
ويرحم شهدائه وان شاء الله راح اخذ بثارهم من الانجاس
حسيت هواي رتاحيت من شجاعتي
وكال باجر من لصبح تباشر بعملك
وتتعرف ع سريتك
وناده ع ضابط اجاه بسرعه اده التحيه وعرفه بيهر
جابلي المستلزمات ومن ضمنهن تاب وكال سيدي جبت حته التاب
ابتسم وكاله انت ضابط كفو
كال هذا التاب بي جميع الخرايط
ومربوط ع الاقمار الاصطناعيه
وبيه جي بي اس
نضام تحديد الواقع
كتله سيدي اعرفه واعرف العمل عليه
داخل عليهن دوره وبعده كال عشاك يمي وياخذك الملازم
لمكان منامك وتباشر لصبح فعلا كملنه عشا وبعده ناده
الملازم اسد ع عجله اخذتنه لقاطعته كان
عباره عن كرفان بي غرفه
نوم ومكتب وحمام ومخزن صغير
كتله انت وين تنام
كال سيدي اني بالكرفان المقابيلك
اتركك تاخذ راحتك واني راح اتابع الواجبات
وارد ع النداءات مكانك وانطاني جهاز
كال اني راح اخذ غيره وهذه علامه ندائي ف 7
مراح ادخل بهيج تفاصيل اعرف الكل الي يتابع
بنات ونتعرف هيج شغلات بس الي زوجه وله اخوه بالجيش
من تساله راح يعرفه
الصراحه ملازم اسد مبين عليه شجاع
وشخصيه راقيه وملتزم عسكري واني احب هيج
صفات وخاصه الشجاعه لان
الضابط اذا ميكون شجاع
فهو فاشل
بقيت وحدي
رتبت غرضي وملابس
راخذت تراك دخلت لحمام
رتبت غراض بي مكينه حلاقه
وشامبو وسائل استحمام ومعجون وفرشه
الاسنان سبحت وطلعت
بيني وبنكم. جنت محتفظ بصوره اله
من راحت لهله كلبت صوره وعجبني احتفظ
بصوره اله
ومن اجيت خليه وي ملابس من رتبت ملابسي
طلعت صورته ومررت اصابعي ع وجه
شكد مشتاقله
صافن بيه واسترجعت ذكرياتي وياه
قطع افكار دكت الباب ظميت صورته
كال سيدي اجيبك عشا كتله لامتعشي
بس جاي جاب الجاي واجه الجاي
بوكته لان احب الجاي بعد السبح
بعده نمت من التعب ماكعدت اله
ع صوت انفجار قريب بدلت
وناديت الحرس كال سيدي
وكعت قنبره هاون كتله المهم
انتم سالمين كال سيدي بعدنه مامتفقدين
جميع النقاط جبت الجهاز ناديت
ع الملازم اسد كال ف7عرف نفسك
لان بعده صوتي جديد عليك كال سيدي الموقف
تحت السيطره وماكو. خسائر
ماديه ولابشريه كتله حيطه وحذر والتركيز ع الواجبات
وبعد ماهدي الوضع رجعت
كملت نومتي لان كلش تعبان
وراه عرفت كل امور شغلي
مخابراتي وي اهلي مستمره ع
طول اليوم وقت فرغي
بالاخص امي كل شوي اطمنه
وره اسبوع صار نزولي للبيت
جنت متلهف ع الرجعه اول مره هيج
ابتعد عن البيت مشتاقه لاهلي
لابوي لامي للبنات لغيث لصفاوي
لريمتي
طلعت الطريق طويل
ومتعب وصلت للبيت المغرب
الكل منتضرني حته كرار
فديتهم كله تحضن بيه ومكيفين والكل فرحانين
امي تشم بيه تكلي مامصدكه رجعتلي سالم
ريومه سلمت عليه فديته
مسوين اكل شنو شي احبه
اكلت بشهيه مفترحه ع الواهس وفرحان
ومشتاق لاكله فتقدته هواي
جبت وياي لصفاوي ملاعيب من الطريق مكيف
وليدي وكل شوي يبوسني بعد كلبي
نمت كبل من التعب بس سبحت وتعشيت
ماكعدت اله ثاني يوم ب 10
الكل مهتم بيه وفرحان بيه حته
ريمه احسه فرحانه بوجودي
الاسبوع النزلت بي رحت شفت
جماعتي ورحنه لكربله
اني وكرار وغيث
خصصت وقت لصفاوي اطلعه
وقت وي كرار وقت لهلي
رمشت عين خلص الاسبوع
بيوم التحاقي الكل ضايج
ومحد يتحاجه وريام كالعاده
حضرتلي اكل الصراحه اكيف من تسويلي
افتقد اكله سوتلي فطائر هواي وكليجه
وذبه بالثلاجه يفيدني
ريام..... ننتضر ليث ع نار وسويتله شنو اكله
يحبه من اجه افيش راحه نفسيه
يمه تمنيت احضنه خرب
اجه سبح وصله وتعشه
اول مره هيج اشوفه ياكل اكل هواي
وراه نام تعبان الكل مدلله هذا الاسبوع
بس شنو بساع خلص الاسبوع
الي بالدوام ميرضه يخلص
اليوم بشهر
من اجه موعد صعوده ختنكت
ماودي يروح سويتله اكل
كثرتله طلب مني هواي
من راح راحت روحي وياه
تعبني فراكه كلت لعمو اريد
لهلي حسيت نفسي مخنوكه
كال عمو غيث يوصلج باجر كلت
اكضي دوامه يم اهلي
رحت لهلي صفاوي وياي
بس نفس الضوجه ماحسيت براحه
والكل لاحضنني
ثاني يوم خابرت هدئ
سمعت خالتي تبجي
حاجيته كالت وج فوك فراك ليث
انتي وصفاوي نقهرت عليه
ثاني يوم رجعت. نفس الخنكه لمن رجع ليث
ليث... رجعت لدوام بس هل تعودت ع كلشي
وجانو هل سبوع هدوء ماكو شي واكله وياي
بكل وقت اكل منه مرتاح كانو موجوده يمي
ملازم اسد صار صديق مقرب اليه
فد انسان خلوق ومودب
المهم خلص لاسبوع ورجعت لهلي نفس الفرحه
ونفس المه والواهس وهم بسرعه خلص الاسبوع
رجعت التحقت واجانه امر فوج وامر لواء. واشادو بالسريه التامه
وبلغني امر لواء بواجب بالرمادي فرحت لان راح اقابل الانجاس
واخذ بثار الشهداء
ماحجيت لهلي
بس لابوي وغيث
وقبل الشهر دخل امر الحركه
خلال هاي
الفتره ركزت ع تدريب العناصر الضعيفه ورفعت من معنوياتهم
وراه نطلقنه وهذا اول حركه اليه
واول واجب نضمنه حركه العجلات
وماطيل عليكم بالعطلات الي واجهتنه اثاء والسيطرات
وصلنه للقاطع نشرت النقاط ورزعت الخيم
اثناء حركتي لنشر النقاط انفجرت عبوه ناسفه
امام دوريتي
وكانت الاضرار واقاف العجله
تابعت المسير وكنت بعجله همر
مشينه تقريب خمسين متر وسمعنه صوت انفجار والتراب غطه العجله
وريحه الحرك والدخان دخل للهمر
محد نصاب من عدنه بس الرامي
نصاب بجروح بسيطه
ماقبل نودي للمستشفئ
اوعز امر الواء الئ جهند هندسي لتطهير المنطقه
وفكو 270 عبوه
بين مسطره وسبحه وتيلفون
وباليوم الثاني عرفنه طبيعه الارض والمداخل والمخارج
تعرضنه باليوم الثاني الئ سقوط قنابر هاون ولم يكن اصابات
وبعد مرور اربعه ايام.
٠اجت معلومات
استخباريه بنيه معلومات داعش شن هجوم ع
قاطع المسوليه عند الضياء الاول
وقسمنه قسم ينامون وقسم يلزمون واجب
وصار الهجوم وجنه مستعدين كان الهجوم
قوي استخدمو جميع الاسلحه والاعتده تصديناهم
سقط عدنه اربع شهداد كتله منهن 16 واحد وغنمنه عجلتين وي الاسلحه
نجرحت بكتفي الايمن اصابه خفيفه
محد عرف باصابتي من اهلي
وشافني الملازم اسد وتحملي ع السلامه
وبدينه يوميه نرفع عبوات من القاطع
بالي كله يم ريام
وافكر شلون ارجعه اليه واعوضه
محتار شلون ارجع ثقته بيه
وره 3ايام
اجتنه معلومات عن شن هجوم بس هل
مره احنه سبقناهم
ونصبنالهم كمين واد الي خسائر بشريه وماديه
من 17سياده خرجت منهم سيارتين
وقتلنه منهم 72شخص ورجعنه منتصرين
بدون خسائر مجرد جروح بسيطه
نزلت لهلي هل مره تاخرت بس نطيتهم خبر
زاده مده صعودي محد يعرف انقلت
ماريد ،يوصل خبر لامي تتخبل
جنت تعبان حيل كضيته اكل ونوم
وريومه فديته صايره قريبه عليه مو مثل قبل
تضحك وتشاقه وتحجي وياي بس مو
مثل الاول بس احسن
مرتاح بالبيت احسه سمنانه هل ايام وحليانه
خرب مدري حليانه بعيني ودي هسه
اخذه واشرد لاخر الدنيا
ودي احضنه طك كلبي عليه
بس خايف تصدني عايفه
ع راحته كضيته بين دوام. ونزول للبيت
خلال هاي الفتره ساد الهدوء مجرد عبواه
لو هاونات
بعد شهرين اجتنه معلومات بنيه
عصابات داعش بشن
اقوي هجوم يسمونه ثار الشهداء
صادف نزولي ثاني يوم
جنه نتعشا اني واسد
كال احس نفسي مخنوك كتله صلي ع النبي
لااول ولااخر هجوم شبيك
كال شعرفني اخاف لا والله بس اخاف ع بنتي
تتيتم وبعد المن تكول بابا وتتلكه منو ومن
تشوف كلمن عده ابوه وبس هيه لا
وتعرف لبنيه شلوت تتعلق بابوه وتاخذ معزته
كوه ولو بنت الناس
الي علقته بيه وحبيته وعدته
مااخذله وراح اسعده شنو
ذنبه تترمل وبعده مصاير عمره
عشرين لاول مره اسد يضهر باحساسه العاطفي
الي يعاكس شخصيتناه الي لازم تكون قويه
وماييبين عليه الضعف مهما تعرضنه لقوه والم لازم نكون اقوياء
وماتغلب علينه عاطفتنه
وبعده حسيته ختنكت وكان كلامه
واقعي منو لبنته وزوجته
واني بعيني شفت ابناء وزوجات الشهداء محد بحالهم
قاطعت السكوت وكتله
اسد ليش متاخذ السياره وتنزل واني امرك
ومن حقي انطيك اجازه وهو انت عكب باجر نزولك
كال وانت شلون تقبله اعوفك وتعرف بس انت واني بالسريه
وباجر علينه هجوم 90% شتريد يكولون عليه جبن
لاتخليني اندم لان حجيتلك
حجيت لان مقبوضه روحي وضايج
كبر اسد بعيني اكبر مما جان
وراه كتله نام واكعد بليل طلعت واجب بديت افكر بريام
يالله شكد مشتاقله وشكد حبه جنني تمنيت اضعف مثل اسد واحجيله
اكله لعد شاكول هذا الي سلبت عقلي وروحي
وابني الي منو اله غيري
ضليت افكر بيه اذا متت شنو ذنبه
وذنب ابني ختنكت اريد من اسد
بس لازم اكون قوي مابين ضعفي
اني هنا مثلهم الاعلئ اذا اضعف الكل يضعف
حته كدام اسد مابينت ضعفي
تمنيت صو ته موجوده خفت
لااموت وماشايفه بس صورته
رجعته بنزلتي الثانيه خفت عليه
لان احنه مو بامان كلشي يصير
مر الوكت وماكعدت اسد كلت خلي نايم
اسد قوه علاقتي بي كلش
من كعد ضل يحجي عليه كال ليش ماكعدتني
ضليت وحدك كتله ماجاني نوم
مايدري الي جواي اكثر منه
لضهر بدو الهجوم
المعلومات الوصله خطاء
كان العدد هواي اكثر من 70عجله
يعني اكثر من قواتنه ب6 مرات
طلبنه اسناد بس لاسف مكدرو يوصلون لان نتشرو
اني بالنص القوه واسد ع اليمين
جنت بمكاني الصحيح اصد الهجوم واسند الاطراف
جنه مانسمع غير صوت الطلق وانين الجرحه
وريحه الباود وريحه الدم
جانو اكثر منه والاسناد تاخر علينه
وبدو جماعتي يسقطون واحد وره الاخر
ماكو فايده من المقاومه اذا نقاوم راح يخلصون
نطيت امر بالنسحاب الئ الخلف
وسوينه نقطه التقاء او بمثابه معسكر جديد
ابوع لنفسي كلي دم متصوب بس الدرع صاد
الاصابه جانت خفيفه
ناديت ع اسد مرد كررت النداء مارد
رجعت ناديت ماكو
اباوع بده داعش يقطع الطريق بيني وبين
اسد ويعزل اسد عني
رجعت ناديت رد كتله شنو موقفك
كال عندي جرحئ وقتلئ بقيت بس اني وثنين
كتله جيب الجرحئ وانسحب للمعسكر للبديل
ناديته كتله تسمعني رد كال العجله معطله
بهل لحضه اسد طلب اسناد ومسمعته
رد طلب مره الثانيه يعني موقفه كلش صعب
وبعده ناده كال سيدي سامحني وابريني الذمه
وبنتي امانتك ونكطع اني تخبلت
يتبع
تابعونه بالبارت القادم نشوف شصار وي اسد
وسيكون. يوم. غدا البارت الاخير