مساء الخير متابعيني الاعزاء اتمنه لكم قراه ممتعه
🌺معاناتي بسبب يتيم 🌺
🌹 للكاتبه رونق🌹
ماحسيت اله ليث فوك
راسي نصدمت ماتوقعته هو
عبالي حرامي 🤣
كعد يمي وضل يتعذر
لايضل بالك كتله ماكوشي
كال ديري بالج ع رجله لان موكلش طابت
لايذب ثكله عليه كتله ماشي نطلني حب
استحيت ارد ايده اخذت منه ضل يسولف
وكال باجر ماروح لدوام اخذت اجازه
حضري نفسج اوديج لهلج
واخذي صفاوي
واذا حابه تبقين اكثر عادي براحتج
كتله لا ميحتاج يوم كافي
كال بكيفج
كال خابري اهلج غدانه يمهم
وراه سمع صفاوي
يبجي طفر كال ابقي بمكانج راح
جابه كاله بابا اريد جبس
كال لبسي شي لان بارده خلي
اطلع اشتريله كال وله اكلج بدلي ع السريع
خلي ناخذلنه فره ضوجه كتله مالي خلك
اطلع كال دكومي ع الواهس بدلت
ع السريع لبست صايتي وشال
طلعنه يفتر بينه
انتبهت لساعه ب 11وثلث وكف يم
مطعم ماقبلت انزل كال شاجيب
كتله بكيفك نزل جاب اكل واجه
خابر عليه غيث كاله وينكم وين اختفيتو
كاله شويه وجاين كاله تدلل راح اجيب
وكفنه يم محل موطا اخذ مو طا ورحنه
للبيت صدك ارتاحيت غيرت جو
وليث بس يضحك ومندمج وي صفاوي
ويدندن بصوت ناصي ضليت صافنه
معقوله هذا ليث لو لاعبين باعداداته
اليوم موطبيعي اول مره اشوفه هيج
وبالاخص وياي شي عجيب حسيت عليه
يكلي شنو ناويه متنزلين عجبج الوضع
انتبهت واكفين بالباب خرررب شكد عيب
استحيت كلش
نزلت لكيت غيث وفرح وهدئ منتضرينه
كعدنه ناكل جايب اكل هواي محسب
حسابهم وراه اكلنه موطا وضلينه نسولف
طفر ليث لسياره جاب العلاليك الحلويات
انطه علاكه للبنات وعلاكه لصفاوي انطانياه
وعلاكه اليه صارت الساعه ب 1وربع
كام يصيح غيث ولكم باجر وراي دوام
راح نام والبنات هم راحو ردت ادخل
كال خاف اتاخر ماكعد كعديني ب 9ونص
كتله ماشي بيده صفاوي يبوس بي وراه
رحت لغرفتي كوه نومت صفاوي
فتحت علاكتي طلع جايبلي شكو شي احبه
ضحكت تمنيته يبقئ وياي دوم هيج
فرحانه كلش بتصرفاته لان دوم ياذيني
بكلامه حضرت ملابسي وملابس صوفي
ونمت كعدت ب ٧ونص
تريكت اني وخالتي
شهيتي مفتوحه
ضلينه نسولف اني وياه
ردت اسوي غدا ماقبلت
باوعت ب ٨ونص متسوه انام
خابرت امي من لصبح كالت هله بيكم وراه
دخلت للغرفه خليت راسي ماحسيت غير
صفاوي يكعد بيه باوعت لساعه ب 10
اله عشره خرب اخذتني النومه طفرت
رحت حته اكعد ليث لكيته يتريك
شافني 😳 نصدم عباله مكمله
يكلي خرب عبالي مكملين كتله اخذتني
النومه كال يله عادي بعد وكت اجه صفاوي
بوس ابوه وراه اخذته غسلتله وبدلتله
وطلع واني بدلت ب 10 وربع كملت
طلعت لكيته يعدل بشعره ضل صافن
كال شبسرعه كملتي ضحك بس من
شاف لبسي عقد حواجبه كال
ماكو اضيك من ذني ملابسج كتله هو من
الباب قابل راح انزل بيهن كال لا ابد ماكو
رحت ابدل ماقبل صاحلي كال مو وكت تبديل
ورانه طريق نوصل وكت غده عيب
كتله مااتاخر ثواني رحت لبست فوكاهن
صايه من رجعت لكيته بالسياره
سلمت ع خالتي وطلعت صعدنه بالسياره
وجهه فرحان كال اي هيج شحلاتج
حرك السياره شوي
وصفاوي كام يبجي يريد يمه
يكعد كال قنعي
طريق خارجي ماكدر طلعتله حلويات
جايبتله مثل عادته اول مايصعد
بالسياره قران وره نص ساعه غير خله
فيروز انا لحبيبي وحبيبي الي
وضل يدندن وياه
كتله ممكن طلب كال تفضلي كتله
عادي اطلع وي اهلي لو اروح لسوك
وي امي كتله لان كل مره مااطلع
لان حرام عليه اطلع بدون علمك
بس مره بالعيد طلعت
كال من ترحين لهلج براحتج وين
ترحين عادي هل شي من حقج بدون متاخذين
اذن مني فرحت كلش
وصلنه لهلي لكيت امير موجود دخلنه
وامي تبوس بيه تكلي مشتاقتلج والكل
فرحان بيه وكعدنه ضحك وسوالف
كمت سلمت ع البنات الحلو لكيت اخواتي
موجودات واو صدك فرحت رجعت يمهم
وجهي يضحك فرحانه كلش كلت لماما
ليش مكلتيلي البنات جايات كال البارحه
اجن وراه اجه سامر وزوج اختي ل 1صبينه
غدا وصفاوي مكيف وي الجهال رحت وديت
الجاي وره الغدا وسلمت ع زوج اختي
حسيته ضاج مطولت بساع طلعت
للعصر صاحلي قبل لايطلع كال ماجيج
باجر خليه عكب باجر العصر اجيج
اني 😳بس صافنه معقوله هذا ليث
كاله اوك براحتك كال محتاجين
شي راح اروح كتله محتاجين سلامتك
وراه راح حسيته تصرفاته متغيره
ضليت وي خواتي ونسوان اخوي
مندمجين وخابرو البنات وبليل الكل اجه
تونسنه والبنات بقن باتن وتفقنه باجر
نطلع لسوك بس كتلهم اريد وحده وياي
ماتشلع كلبي اتفقنه نروح اني واختي
شويه وخابرت فرح ضايجه تكول البيت
اليوم يخنك بدونكم ضوجه حته عشا محد
تعشا حجيت وي هدئ وضحكنه ع غيث يعيب
ع العشا يكول وين راحت ريمه مسوين شوربه
ضلينه سهرانين
نمنه متاخرين كوه قاومت حته صفاوي
فرحان وي الجهال مايقبل ينام ونبهت ع الكل
محد اله دخل بي والكل مكيف
بي كعدت ب 11وعشره صفاوي بعده نايم
كلت احسن كمت لكيت امي تسوي غدا
دولمه اويلي من ايد امي اموت عليه
كعدت اساعده بلف الدولمه كعدت تسولف
وياي عن وضعي كتله والله مرتاحه
كلش ماعندي شي كالت شعجب اجه
صفاوي وياج كتله ضل يبجي وراي
كال اخذي طبيعتي اكتم ماحب احجي
لان لو امي تدري بوضعي تتخبل
الافضل اسكت وراه بده هوسه الغده
كملنه طلعنه لسوك اشتريت لصفاوي ملابس
واشتريت للبنات تراكات عجبتني
وعطورات مكياجات يجبن هيج شغلات
اشتريت لخالتي دشداشه وشال وعمو
اشتريتله سبحه وعطر وقميص وغيث
اشتريتله تشيرت وساعه وليث اشتريتله غراض
واشتريت لامي عبايه مانسيت واحد
الحلو نسيت نفسي كلشي ماجبت اليه
صدك ضحكنه صفاوي شلع كلبي اخذته
وياي مامن اخليه ومايريد واحد رجعت
فحطانه لكيت بيت خالاتي وخوالي عدنه
كبل صعدت العلاليك وبدلت ونزلت سلمت
اجت عيني بعين ابن خالي حسيته يعاتبني
ماهتميت لكيناهم مسوين عشا صلينه
وتعشينه لمه تخبل افيش ياريحه هلي
تونست من صدك لان صفاوي وياي ومرتاحه
خابرت ع خالتي سالت عليه
وحاجيت البنات ضايجات كتلهم باجر اجي
وراه دك عليه رقم غريب بالوات ساب
بحثت عنه بال تروكولر طلع اسم ليث
غلست وره شوي دز الو مارديت اقره
ومارد دز اني ليث رديت كال شلونج
كتلت تمام بخير كال صفاوي شلونه
كتله منطلق وي الجهال كال نايم لو كاعد
كتله هذا يلعب يمي كتله البنات امي ابوي
شلونهم كال الكل يسال عليج ومكانكم
فارغ البيت ضوجه كتله لو جاي اليوم
كال لايابه اتونسي غيري جو لاحكه
ع البيت كال طلعتي كتله اي رحت لسوك
اني واختي كال خو ماحتاجيتي فلوس
كتله لاالحمد لله كفن وزياده
كال راح راح اتصل اريد احجي وي صفاوي
كتله تمام خابر حاجه صفاوي يكله هنا
ابقه اني اضحك عجبه الجو صفاوي كال
هاك ماما حاجيته كال الحقير حاليله الجو
يكول ابقه مااجي شمسويتله كتله مندمج
وي الجهال وطلع لسوك وياي كال خرب
شلون دبرتيه ماينطلع بي كتله ميقبل يبقه
وراه ختم وراح حسيته ضايج
اول مره ارتاح واتونس يم اهلي وشبعت
ولو ماينشبع من الاهل بس بالنسيه
لايام الراحت شبعت
منهم شوف كل مره ماشوف شي
كوه نمنه لمه حلوه كعدت ع صوت الموبايل
فتحت عيوني لكيته ليث بدون ماشوف بيش
الساعه كال شنو نايمه كتله اي والله
كتله ليش صاير شي كال لا بس خابرت
اكلج ب 3 اني يمكم كتله بعد هواي وكت
كال ياوكت كتله بيش الساعه كال
ب 1اله ثلث فزيت كتله تحجي صدك
لو تشاقه كال والله كتله هاي شنو بسه نايمه
اباوع صفاوي ماموجود بمكانه
طفرت ختمته وياه ورحت ادور ع
صفاوي لكيته يلعب وي الجهال وامي
مريكته ومغديته شويه وصبو غده
كوه اكلت ماشتهي لميت ملابسي وغراضي
وتحضرت صدك ب 3اجه صفاوي
تلكه ابوه ويحضن بي ويبوس ماقبل
يطب كال تعبان اريد ارجع من وكت
رحنه الطريق كله يلعب وي صفاوي
ومكيف بي وصفاوي مكيف باابوه ولسانه
شطوله ويسولف لابوه
اني ذابته ع الصامت مكتفيه بالاستماع
لحديثهم
وصلنه للبيت الكل رحب بينه
وفرحانين بجيتنه وصفاوي سبه
البيت سبايه ويبوس بيهم
وليث كبل راح نام رحت كبل
بدلت وبديت اسوي البيتزا خالتي كامت
تحجي كالت يمه متوازيه بوجهج للمطبخ
لاحكه ع شلاع الكلب كتله مليت من الكعده
طلعت وياه نص دجاجه شويته
صليت وكملت شوي الاوله وخليت الثانيه
بالفرن ورت نص ساعه كعد ليث غيث
جايب ببسيات تعشينه ورحت جبت
الشغلات كلمن نطيته شغلاته الكل
فرح وتشكر مني عمو كال شكرا يابه
ولو زحمتي نفسج المفروض اني اجيبلج
مو انتي تجيبين كتله لايابه انت
ممقصر وياي وغيث كام يسوي فديت
ضلعتي المانستني والبنات كامو بوسوني
بس ليث متقرب لعلاكته كاله غيث
افتح خلي نشوف لو انت غير الله
ليعلم شجايبيلك اله هسه تفتحه
والكل يضحك ع غيث صدك فتحه
وغيث كام يكمز شنو هل خيانه
والتفرقه ليش هيج ضلم والكل
ميت ضحك عليه عبالك طفل من تجي
امه من السوك وتجيب لاخوه اكثر منه
الكل تشكرني حته ليث
فرح كالت انتي شنو جبتي الج كتله
والله نسيت نفسي من رجعت ذكرت
ولو مامحتاجه شي
صعدت يم البنات نزلت متاخره وجان اشوف صفاوي
صفاوي ماكو تخبلت
دورت البيت كله ماكو
.......يتبع