الثامن والثلاثون
#مساء المسك ..❤️
#خيال #الكحيلة
#بقلمي_نشوى_السلطان
ضرغام گضب راس الچوبي وگام يچوب ويفر بسبحته
گضبني سلطان ومشينة رفعت راسي چان اشوف مريم صديقتي استغربت ليش جايه هين وهي كالتلي تتأخر يلا تجي للعرس
شايلة بيدها حمامات بيض اثنين بقفص وتقدمت علينا
مريم-افتحي القفص وطيري الحمامات كحيلة
..منو جابچ هين ؟ وليش ماجيتي وياي للصالون هااا
-هههههه حبيت تدخلين للبيت بعتبة خير يلا
فتحت القفص وردت اطلع الحمامات ماسيطرت دحگت لسلطان وهو مد ايدو طلعهن نطاني وحده
-الزميها من جناحاتها زين واشمريها لفوك هي تطير
اخذت الحمامة ورفعت ايديه وشمرتها قووووي وطااااااارت بقيت رافعة راسي ادحگ عليها شلون طارت شگد شعووووووور يجنن
والحمامة الثانية طيرها سلطان
صارت هلاهل وهوسات النسوان ودحكت چثير بنات جايين من اهلهم بس اني مااعرفهم اول مره اشوفهم
دخلنه جوا وسلطان لازمني اجاني شعور مثل من اني بمكان عاااااااالي وحدرت قووووي للگاع لزمت صدري بيدي تنفست
-شبيچ حبيبتي ؟
..ماكو شي
..اكيد؟
..اي
كعدونه بالربعة ومنال شغلت الديجي وكعد سلطان يمي
كل شوي يتصلون عليه ...
كال اني اروح يم الزلم بره ... اخذو راحتكم
كام الحيله .. وكف .. مديت ايدي عليه لزمتة
-لاتروح
..ها مو هساع يولي ... كال هيج وضحك
- كتلو لا بس خليك هين يمي
..اني هين حبيبتي بس اروح للخطار مايصير هي كلها ساعتين ورايحين للفندق
..هي فندق
-شبيج كحلاء غير حجزت فندق عجل خما نبقى هين الليلة
-ها ماشي
كام سلطان كال سوواب درب
طلع يمشي ادحك عليه بالقاط شكد لايگ عليه طلع يمشي وراه الحجيه ام ضرغام وم محمد اخذو بالهلاهل لحد ماطلع
بس راح البنات تگابلو شهد وسراب ومنال ... كامو يركصون
لشوي الحجيه ام ضرغام اجت بيدها ماادري شنو ترش عليه وذبت بصدري
..شنو هاي خالة
..مللللح يمه ان شاء الله بعين الحاسد والعدو قل اعوذ برب الفلق
..ضحكت كتله عليج سوالف حجيه
..ياااايمة من العين والله اخاف عليكم
البيت انترس خطار ماتوقعت يجون چثير لأن وقت نزوح ماعبالي كلهم هين بأربيل يعني الناس تفرقت بين اربيل وسليمانية وكركوك
ادحك عالبنات يركصون ويغنون اتذكرت تلفوني اشرت لسارة
..ها كحوله
-تلفوني وين ؟
-هين بالجنطة تريدي ؟
-اي
راحت ساره تجيب المبايل ومنال ووياها بنية اجني كومني اركص
استحيت اكوم الربعة مليانة نسوان بس لحت عليه منال
كمت وياهن وركصت وركصنه چوبي هم شويه ورجعت گعدت والبنات بدت يوزعن الكيك والببسي واني شلون كتلني الجووع بس استحيت اكل الساعة صارت ب6 ونص وشهد اجت تركض علينا
-تعااااالن دحگن عمي سلطان يدبچ چوبي
كامن البنات كللللللهن واني بقيت بمكاني رغم متشوقه اكوم اشوف بس مستحية
جت سارة كالت كومي دحگي للزلم شلون يلعبون الجوبي
خاف عيب اكوم ادحك عليهم
كومي هي عييييب العيب بالجيب شوفي الحب شلون فرحان ويدبج
كادتني ساره واني مدنجة. وصلت الشباك دحكت الحديقه مليانه زلم
والجوبي مرصوف رصف والكل متكاتفين والجوبي المعدل
واني سارحة بالمظر جان اسمع ليث يكول
-ول هييييييييين وخرن من الشباج طفن الضوه لاتبينن
صديت عليه ساره تحاجي عفتهم
..بقيت ادحگ سلطان لازم راس الچوبي والقاط يجنن عليه والسبحة بيده وبدو يدبچون وتگابل هو وشيخ حامد يبوووووووووو غير هيج تمنيت ابقى ادحك طول الوكت عليهم شلون يدبچون
على المطبك واغنيه كل الهلا بحبيبي الجان زعيلان ..
لل7 ونص يدبچون وراسي صار طبل من الديجي صاحت الحجية للبنات يلا العشا
شيخ حامد العشا كلوووو جابو جاهز من المطاعم بس عشا يرفع الراس جان عرس كلش حلو ومنظم
الزفة تجنن صارت بس اني صار عندي صداع قوي لل8 وربع متت جوع دحكت لشهد تحجي ويه بنيه اشرتلها
دحكت عليه وجاي تركض ... كالت
...ها عمري
-يولي صيحي ساره لو سراب استحيت اكل قبل شوي جعت
-يخسى الجوع كومي بالهول جوه هساع اجيبلج غير تكولين
..كمت ورفعت البدلة شوي وطبينه للهول كعدت والبدلة خنگتني بقيت كاعده واحرك بالماشات يبووووو هاي شراح يطلعهن بقيت ادردم بيني وبين نفسي شدعوة هالكثر ماشات هففففف رفعت راسي
لين سلطان كبالي نازع الستره بس بالقميص والبنطرون. ابتسم وكال
-اني اشيلهن الج
.. كتلو سلطان شوكت نروح
-هاااا مستعجلة عجل يلا امشي
..اهووووو كام يفسر ويحرف كلامي بكيفو اقصد يعني تعبت
..اي اي ولا يهمج هساع نروح وترتاحين على ايدي
شهد-هاج حبي اكلي
سلطان-مااكلتي ؟
-لا وماراح اكل اذا تبقى هين
..ايباااااه مثلا هناك شلون تاكلين انطيج ظهري وتاكلين
..سلطاااااان
..ههههههه يلا يلا اكلي حتى نروح
طلع يمشي للباب وكف صد عليه كال اسندي گلبج يايبه
ضحكت مارديت عافني وطلع
راح سلطان وكعدت اكل
جان تفوت سراب صاحت لااااااااا
متت بدمي كتلها شكوووووووو
الحمره لا تخربيها
-تحجين صددددك والله هبطتيني
سراب-دحكي مو اوووول ماتفوتين الفندق تمسحين مكياجج لا هذا بفلوس حبيبتي نامي بي واول ماتفوتين طبي الحمام بدلي خلينالج ملابس نوم بالجنطة وتعطري
-اكلج منو معلمج هاي السوالف انتي شعليج هااا
-عاااااد كحلاء تزوجت كامت تبيعهن علية شنو منو علمج تره مىجاهل اني
—وصگع حسج عالي
سارة-كحلاء يلا راح نتوكل
.. من كالت عين اهجس حتى معدتي مغصتمي
رفعت راسي. عليها كتلعا يعني تكشي
اي يله جوي الولد يكولون خل اتهير
هي تحجي بس احس رجفه بعضامي شبية ماادري
كتله ساره تعالي وياي
-اي اجي يلا امشي شبيج
كمت وساعدوني بالبدلة غسلت بسرعه وطلعت ويايه سارة وسراب ورحنة للربعة لكيت شيخ حامد وكف جدامي كال
من طبيت الكل هلهلو ... صددعليه الشيخ وكال
-ارجع واگلج اني بحسبة ابوچ وانتي مثل شهد واغلى اللي يمسج ويزعلج تجين علي
بهالاثناء طبت ام مححد وكفت بسده طلعت منتشه من العلبه لبستنياهه
بالمبارك الله يسعدكم
اشكركم مادري شلون نطقت هالكلمة خجلانةةةة
سكتت وجان بتقوب سلطان كادني كال خمو بعد محتاجين شي
الكل صاح انريددددد حفله بعد وكت
لا يابه لا كلولي توكل ....
ضحكو كلهم الشيخ كال اخذ حرمتك وتوكلو
جوي البنات علي خلو برگع وطلعنه من باب الربعة
سلطان دحكي ابويه كل ربعي بره من نطلع -لاترفعين راسج علما نصعد السيارة
..اييي
..اشتغلت الهلاهل وهوسات الولد وصعدنه بسيارة سلطان هو يسوق واني يمه وسلم عالولد وطلعنه دحكت ماكو الزفة بس سيارة ضرغام ورانه هو وساره بيها
..عجل وين الزفة
—شنسوي بيهم احنه رايحين للفندق حتى ترتاحين هم
..ها خطيه الباقين
شكو خطيه محد خطيه غير اني ... شوفيني شصاير بحالي
سكتت مارديت
..
ايييييي كحيلة واخيراً صرتي الي
..امممم
-
هلا بهالحس ... تعاي تعاي
..شنوووو
..ديري وجهج علي انطيني ايدچ
-كضب ايدي وباسها وطلع قرص كاظم خلاه بالسيارة وفتح ( اغازلك غصباً عنك ترضى ماترضى ) يسوق ويدندن وياه
وصلنه ترفكلايت مرور وكفنه علما ينفتح السير وسلطان طااااااير بس اني بين الفرحانة بين النغزات بگلبي
دحكت على يميني سياره بيها طفلة بيضه تجنن يظلع عمرها 5 سنوات شعرها اصصصصفر ذذذذهب الظاهر تركمانية او كردية مااعرف اشرتلي بيدها وحجت كلمة بالكردي بس عرفت معناها تقصد عروس وامها صدت علي وضحكت واني ضحكت الهم سويتلها بوسه بالهوا وهي هم سوتها متت ردت انزل اعضها من خدودها
-ان شاء الله تجينه بنيه تشبهها هيج حلوه تطلع عليج
..ان شاء الله
الطريق كلو فاتح كاظم ويغني سلطان وييين لما وصلنه فندق(ديفان)
نزلنه وورانه ضرغام وسارة
نزلت اني وبدلتي وسارة جت وياي وضرغام شايل جنطتي وجنطة سلطان عاد جة واحد من اللي يشتغلون بالرسبشن اخذ الجنط
دخلنه الفندق
مو فندق يعني شي يجنن الاضويه خياااااال كلللللشي بي بقيت امشي وادحگ
وصلنه الرسبشن نطانه كارت الغرفة ورقمها
ضرغام بقه جوه بس سارة جت ويانة صعدنه بالمصعد وگلبي زادت دگاته مااعرف ليش بحزتها صدري صار يضيق واحساس مثل اللي يريد يغمة عليه
انفتح المصعد دخت شوي لزمت بسارة
..هاااا يمعودة شجاچ
سلطان- هااااا. ابويه شبيج شو تعالي
..لااااا لاتشيلني
..عجل اكضبيني زين
فتح سلطان الغرفة وماحسيت عليه من شالني
.. همست سلطاااااان عيب ساره
..ماااعليج
-دخلنه الغرفة سويت كااامل الاضويه خااااافته وبااااااااردة
بيها عطر خفيف يخلي الواحد كوه ينام
نزلني سلطان جوه بالغرفة عالسرير وسارة يمي هو طلع من غرفة النوم راح بالاستقبال
بقيت صافنه عالغرفة ديكور فضيع وترتيب يجنن
سارة كالت يلا حبيبتي انزعي حذائج علما اطلعلج ملابس وشغلاتج
..دنجت انزع حذائي وذبيتو بقيت كاعده بين ما ساره طلعتلي سيت نوم ابيض دحكتلو هو طويل اي بس يعني الظهر والجوانب فضيحة
-مالكيتي غيرو
-يولي الليلة ليلتچ البسي واسكتي تعالي افتح الطرحة
تقربت يمها فتحتلياها كلتلها ساعديني انزع البدلة
فتحتلي البدلة بقيت بس انزعها
رحت للحمام
-من اصيحج انطيني البسه
..اي يلا
اني بالحمام وسمعت اغنيه لكاظم (ها حبيبي ) شسالفة منو فتحها هين
اريد انزع استحيت كتله لا ....
يربي هذا شلون البسو هساع فضيحة
ساره ههههههههه بكيفج ... هو شغله عاد موشغلي
-ماااااشاء الله تخبلين يممممه الله يعينك يخوي
-اوووووو سارة
-شنو اووو تعاي اكعدي هين يلا لازم اروح
-ها وييييييين
-عجل شلون خما ابات
حبيبتي اسمعي كلام زلمتچ لا تتوترين ولاتفكرين بشي عيشي كل لحظة بهاي الليلة ولا تصعبيها على زلمتج
..والله خايفة
-لاتخافين انتي بين ايدين سلطان يلا اخابرج باجر الله يسعدكم ياربي ويحرسكم من كل عين
..طلعت ساره وبقيت اني عالسرير كاعدة ارررررجف توترت بقيت افرك بيدي السحاب مفتوح شوي اريد ارجع اسدها ماكدر
سمعت صوت القفل مال باب الغرفة رفعت راسي دحكت الباب
بحزتها عبالك ودوني للأعدام
دخل سلطان نازع سترتو والرباط صب كلاص ماي شرب
كال اجيباج ماي
لا لا
تقرب مني كعد يمي وقربني منو
-ليش ترجفين
-يعني شسمة هيج باردة
-يابرد يولي تعالي دحكي لاتتوترين لاتخافين اني حبيبچ وزوجچ لاتتوقعين أأذيچ بشي ابد وعلى راحتج
زين ليش ماتسبحين مو احسن
..مووو مكياجي
-شبي حبيبتي والله تخبلين بي وبدونه اني علمودج
..لا عادي
..براحتج عجل اني افوت اسبح اوكي ؟
..اوكي
..خل اخذ ملابسي
..فتح الجنطه مالته وطلع منها تراكسود ابيض خفيف وطب يسبح
اني كعدت عالمراية افتح الماشات راسي موووتني افتح واخلي عالميز
فتحت الماشات بسرعة وفتحت شعري رتبته زين وكمت للغرفة الثانية مفتوح بيها سماعات كاظم وتلفزيون وعاليسار غرفة صغيرةفتت بيها
محطوط ثلاجة وبراد لحاله بي مي وعصاير ومشروبات
فتحت الثلاجه ملياااااااانه نساتل ومشروبات غازية وبطالة لونها غريب طلعت واحد منهم
كعدت عالميز افتح بالنساتل ردت افتح هذا البطل ماينفتح ماادري شبي
..يووووووو دفتح عاااااد
-
شبيج يولي
..يمممممة بسم الله جفلتني
..ههههههههههه شبيج
-هذا مايفتح
-شنو هذا؟
يولي جيبي اياااااج وخري هذا مشروبات كحولية
-عززززززه شجابهن هين
-يولي هي خدمات الفندق هيج احنه مانريدهن اكو ناس يشربوها
استغفر الله ....
ايييييييع
اندك باب الغرفة وراح سلطان يفتحو سمعتو يكلو خلي هين شكراً
وحبيبي المشروبات الكحولية شيلها من الثلاجة
اجه سلطان وكف خلاني وره الكنتور حتى ما ابين والولد شالهن وطلع
-تعالي مو جوعانة ؟
..يعني مو اكلت
..دتعالي هساع تنفتح نفسج
..رحنه للاستقبال
ميز متحرك جايبي طابقين وبي العشا والطابق الجوه بس حلويات وچاي
..گعدنه وفتح سلطان العشا مشويات واكل بحري سي فود ومقبلات يعني عشا كلش مرتب
رفعت راسي تقرب باسني بشفتي والتوتر صار يقره يمي الف
..سلطان عفيه عفيه ههههههه شجرالج
..لا ماكو شي
اكلنه وخلصنة وكمت اغسل وهم رجع فتح سلطان كاظم ها حبيبي
كال ماراح تبدلين
لا هسه اللبس
اي وشتنتظرين
ااندارررررر وغمض عيونك
او لا راح اروح بالغرفه الثانيه
هاااااا وليش يعني
ماعليك كييييييفي ... شلت الملابس وطبيت
ابدل وعيني عالباب ... بسرعه نزعت ولبست
دحكت النفسي شنو هذا صخااااااام لا يمه ماالبس هيج ماكدر اطلع
دحكت جنطت ملابسي يمه ... خرب والله استحي
مديت راسي كتلو سلطااان
ها يبعد سلطان ...
اريد دشداشه جيباي من يمك
_ ها ماتريدين حجاب وياهه
لا والله حباب انطيني
جاي هسه جاي...
انتظرت شوي وجان ينفتح الباب ... اني ورا واكفه دفعت الباب كتلو لحظة
فتح الباب كال شبيج ابويه
عززززه لا اطلع عليك الله :////
خله اديه لوره هو مبتسم كال شبيج مستحيه راح اطلع
اكف
هاااااا
اريدد دشداشه
تأمرين امر ... حجااهه وهو يضحك تقرب عليه سحبني
تشنجت قرب راسه لرگبتي
همس شهالعطر هذا
سحب الروب ذبو للكاع لمس چتفي قشعر جسمي وشوي ابتدعت
..ها غاليتي
..ها يعني نعست
-شنو يعني ؟
هيج بس نعست يعني من التعب
.. ضحك وكال تعالي تعالي
اخذني من ايدي اكعدنه عالسرير بس هو تمدد اشرلي تعالي هين
مارديت صديت سكتت
-ها يابه شبي الحلو وياي اليوم
.. دنكت وكتلو سلطان مو اليوم
-ليش ؟؟؟؟ كعد لحيله
ليش مو اليوم ؟ شنو اليمنع ؟ مريضه ؟
-لا بس مو اليوم
..كحلاء الليلة هاي انتظرها على اعصابي ليش حبيبي تعالي بحضني هسه ترتاحين اعرف متوترة وخايفة حقج
سحبني يمه تمدد هو وخلاني على صدرة بس بديت اتنفس سريع صار عندي مثل ضيق النفس وسلطان يلعب بشعري
-تدرين عمري ماحبيت هيج ولا راح احب
تدرين شكثر مرت علي بنات شكثر شفت مارجف گلبي الا يمچ انتي ليش ماادري
يحچي ويلعب بشعري انفاسي ثگلت بديت اغفى حسيت بي بده يبوسني ويتقربلي كعدت فتحت عيوني
-حبيبي سلميني نفسج ولاتفكرين
اني صرت اتنفس سريع بالي مو يم سلطان ابددد
صار يتقربلي شوي شوي ماتحملت وخرر دفعته
.لااااااا سلطان الله يخليك عوووفني
..شبيج كحلاء فهميني ليش ؟
..مابيه شي بس عوفني
هو شنووو عوفني فهميني شبيج
..والله مااعرف لاتتقربلي اترجاك
اوك عادي مااجي بس انطيني السبب
..مادري وخر
..
يبعد حيلي اني ماراح اسوي شي انت مو راضيه عليه
تقرب سحبني اكثر ... ماعرف شصار بيه مثل العبانه نفسي متوتره
خايفه مخنوگة لا سلطان خلص مااريد
-يعني شنو ماتريدين؟ تره عرساااااان فهميني شبيج تعالي هين
..لالالا يعني لا
..كحلاء صبري بده ينفذ تحجين لو تجين
..يااخي مااريد هي مو كووووة عوفني لاتلزمني لاتطخني
كام سلطان لحيلة وكف جدامي كال اي اشرحيلي ليش واني اوعدج انام بعيد عنج
..مااريد وبس لاتجبرني
..اجبرچ ؟؟؟ هاي من شوكت صرت اني اجبرج
..اهوووووووووووووو سلطان كف عني حجيتها بصياح واني متشحنجة شلون صحت مادري هليت اديه على راسي
حتى دمارات راسي اهجسها تنفض
...عليمن هذا صياحج ؟؟ يولي شو طالعة عينج وبليلة عرسنه شجاج
..هفففففف وخر اريد انام
..مو بكيفج حاچيني باسلوب حتى اني هم الزم اعصابي وياج وماراح اجبرچ على شي
..اي ديلا وخر
..كحلاااااااااااااااااااء
عاط بية وجفلت
..ليش ماتريدين اتقربلج ؟؟
طيب اوكي اليوم ارتاحي على باجر
-لا اليوم ولاباجر
..لا بربج !؟؟؟
اي عوفتي ارتاح ماريد شي
خلص اعوفج واصبر وانشوف لوين توصلين
..لا
-شنو لا كملي
..ماكو شي
-كعد عالسرير نزل راسه وخله ايديه فوك راسه شوي ودحگلي كال:
تعالي حبيبي والله العظيم والله مااسويلج شي بس تعالي
تقربت منه كعدني على رجله مسح على شعري
-حبيبتي اني منو ؟؟
-سلطان
-وسلطان شنو يعنيلچ
..زوجي
وبعد
وحبيبي
..شفتي ؟؟ يعني حبيبچ يعني اني قطعة من گلبج ليش تصديني حبيبتي والله مااجبرچ بس غير اعرف ليش
..الله يخليك لاتجبرني فدوه واني احجي اختنگت بدون سبب بجييييت
-تمام عمري خلص غاليتي تعالي نامي
..وماتسريلي شي احاجي والملم بهدومي ومامدر اخلي عيني بعينه
ابدددد والله بس نامي هين
هزيت راسي اي وتمددت غطاني وتمدد يمي مد ايدو عليه
شووي واني ساكته وهو ساكت
غمضت عيوني صرت اغفى بس بين النايمة بين الكاعدة سمعتو يتصل بس سمعت يكول ذياب الكلب وين
..نمت بعد وماحسيت بشي للصبح كعدت على صوت باب الغرفة وراح هو فتحه طلع الريوك جايبي
كعدت شفت سلطان ضايج وبيدو التلفون
-صباح الخير
سلطان-ان شاء الله خير
ماحاجاني كعد عالريوك
..تعالي تريكي
..اي
رحت غسلت واجيت اتريك حاطين عسل عجبني اكل وبي خاشوكة خشبية شلت بيها العسل ورفعت راسي وحطيته بحلكي
-مخبله مو هيج
.. طيب احبه
..الف عافية
زين اكلي شي
..اكلت شوي وكمت دحكت الساعه بال11 ونص
حيييييل شكثر نايمين احنه
-مو البارحة انتي تعبانه خليتج نايمة
-هااا اي اي
..اي راح نكضيها هين بالغرفة لو شلون
..شمدريني
-والتالي
-ا
خل انزل للمساج وهم اسبح
هي مساااج هذا انوب سبح خوش والله
مادري اعصابي متشنجة اريد ارتاح الله يخليك شكو بيها
يمعوده بالبيت عود مو هينه لا تخبلين
سلطان شبيك حمام نسائي
استغفر الله والتالي
حباب حباب الله يخليك
.. دحكلي وكال امشي تانشوف تاليتج
يعني اروح اسبح ...!
-اي يلا
..شنو البس
..عادي اي شي وذبي جوه
زين اسبح اول
..من تخلصين مساج اسبحي
..بدلت وكملت ونزلنه وراح للرسبشن واجتي عليه بنية
..تفضلي مدام من هون
..رحنه مشينه نزلنه درج مرتين ونزلت لغرف تجنن كلها للمساج وحمامات ساونه وريحتها تجنن طبينه لغرفة بيها سرير مساج وشموع معطرة وزيوت وموسيقى هاااااادئة
..مدام اشلحي ملابسك وهلأ تجيكي البنت
..والله ذبيت ملابسي وخليت تلفوني يمي ولبست برنص معلكي شوي واجتني بنيه فلبينية تحجي عراقي مكسر وانكليزي
سالتني شنو احب من الزيوت العطرية اختاريت زيت بعطر الفانيلا
بدت المساج من اصابع الرجلييييين للراس ساعه كاااااملة شلون راحه متت كملت ودخلتني حمام ساونا بخار فضيييييع جسمي كله ارتاح
من كملت جابتلي منظفات بشرة سوتلي تنظيف كامل وراها سبحت ولبست واتصلت بسلطان
-الووو
ها حبيبي
كملت
..ارتاحيتي ؟؟
-كللللش
-عجل اطلعي اني جايج جنت ابدل ملابسي
طلعت بقيت ادحك وين سلطان شفتو طلع من المصعد رحت يمه لابس ملابس طلعة
-يلا امشي
..وين ؟
نطلع نتغده بره ...
لا ماريد خل نرجع
وين نرجع
للبيت اريد اروح
ها وشمفتهم اني حتى. ارجع
دحكت بعيونه سكتت ودنجت
امشي امشي تعاي
صعدت فوك بدلت بسرعه طلعت لكيته نازل
ياربي شبيه اني مو جنت اتمنى يكون من نصيبي
لشوكت راح ابقى هيج... لفيت الحجاب شلت الجنطه وطلعت
لكيته جوه ... اول مافتح المصعد شافني كام الحيله
جاني يمشي كادني و
طلعنه ورحنه لمطعم كعدنه تغدينه وسولفنه وضحكنه وراها رحنه اكلنه حلويات مادري احاول اللهي نفسي حتى اانسى ليلة الدخله
لل5 ونص العصر واحنه من مكان لمكان
-سلطان اذا اكلك شي بنفسي تسويلياه
—كولي وشوفي
..اريد اروح للألعاب ؟
-مجدي لاند ؟
..اي العاااب
..صار
غير الطريق ورحنه للألعاب طبينه اكو ناس جثير شفت ابو شعر بنات امووووووت عليه عفت سلطان ورحت يمه
اخذت شعر بنات جة سلطان دفع واني اكل يضحك عليه
كال شلج بيه هذا
احبه والله
هنيالو يابه هنيالو
..يلا امشي
-سلطان بديلاب الهوااااا
..انوب وين رايده هي ديلاب
شبيك شكو بيها
اي يابة عجل شبيه دمشي تانشوف
..صعدنه بديلاب الهوا شوي واشتغل يبوووووو يجنن الهوااا والمنظر من فووك
.. دحك بوجهي وهمس تحبيني
..احبك
-شكثر
-بكد اربيل
..قرب راسو مني على وجهي كال
صيري ملكي لاتعذبيني
..سلطان اني اا
..شنو كملي
..لا هيج
-كولي يبعد الحيل
- ماعرف بعد شحجي ارتكبكت وكتلو احبك
ابتسم بوجهي كملنه ونزلنه بقينه نتمشى وصعدت بباقي الالعاب
مارجعنا للتسه بالليل
طبيت الفندق هلكاااااااااااانة
اااااه يمه تعبت
-تونستي ؟
-چثيييييير
بالعافية حبيبي ابدل واجي
طلعت ملابس ورحت للحمام ابدل غسلت وجهي ودحكت بالمراية
ماعرف شبيه حسيت احد ورايه بدون شعور عطططططت
فتحت الباب بسرعة ركضت صار سلطان بوجهي
-اهدي شبيج حبيبي اهدي اخذي نفس
..ماادري شنو بالحمام
شكو ؟؟
طب للحمام سلطان طلع يضحك كاا شكثر تتخايلين جبانه
-ماكو شي
-عجل شنو هذا
-يتخيلج حبيبي تعالي يمي
-سلطان خليك يمي
يمج والله تعالي
كعدنه عالقنفة چلبت بسلطان لزمتو قوووي
-كحلاء كومي صلي
-لا لالا هيج زينة
-متأكدة ؟
..اي
-نفسيتج زينه اليوم
..اي ليش
-حتى يتم زواجنه
.. من كال هيج جفلت رفعت راسي كتلو لااااا مو شرط اليوم
-عجل شوكت ؟؟ كحلاء هذا مو وضع مايصير ابويه
—الله يخليك
..اسمعيني يا ابوية مايصير حتى امج راح تسألج شراح تجاوبين
-عادي اكلها اي كلشي صار
-والنيشااااااااان
..هااا لالا مو الا يعني
-كام لحيله وعصب كال شنو مو الا ؟ كحلاء احچيلي شبيج اذا حچيتيلي هساع راح اتقبل منچ والله بس اذا بعدين ما ارحمچ وحق الخلقچ
..مابيه شي شبييييييك
مدام ماكو شي الي اريدت هسه يصيررر
-مو بكيفك
-بكيف منو عجل يولي ؟ دحگي صبري راح يخلص لاتعاندين مااريد أأذيج
-واني مااريد هي مو غصب
-لاااا غصب تعالي جرني قوي من ايدي وخلاني عالسرير
ثبت ايديه وبقيت ادافر برجلي تخبلت كرررررررهت سلطان بساعتها
سلطاااااااااااااان عوفني ماارييييييد
..يولي لييييييييييييييييش فهميني ليش صبرك ربيييييييييييييي
جرني من ايدي قوي قربني يمه حيل
..كحلاء اخرررررر مره اگلج بيج شي احچيلي راح اتقبلو هين بس من اطلع بره الغرفة واسمع وراها ماااااا ارحمچ
متت بدمي بقيت ابچي ابچيييييي سديت اذاني بيدية ضميت رجلية لصدري وبقيت ابچي
عافني كام وكف غادي مني شال باكيت الجكاير ... طلع جكاره ورثها وصاح
..وييييييييين التلفووووون
مادحكت عليه ابدددددد
..شجاج اكو وحده تحب وتاخذ حبيبها هيج تسوي ؟؟ ليش فهميني كلما اتقربلچ تنفرين مني يولي اااااني هيج ماتريديني
..سلطاا
..اششششش ولاااااا كلمة مااريد اسمعلچ نفس كحلاء والله هساع اسوي ....
..بقيت ارجف اكثر خفت منو چثير والله مو بيدي ماادري شبية احبه اي بس مو بيدي
..اريد ماما الله يخليك ماما
دحگلي ومسح وجهه وتنفس قوي تقرب مني مدلي ايده خفت منه رجعت ليوره
-تخافين مني ؟؟
هزيت راسي اي
-تقرب مني اكثر فتحلي ايديه اثنينهن كال:
تعالي هين ويأشر على صدرة.. مو هذا مكانچ ؟ تعالي هين انسي كلشي بس تعالي
دحگت عليه كمت رحت يمه خليت نفسي بحضنه حضني قوووووي
-اني اسف حقچ عليه ميخالف انسي حبيبي
بقيت ابچي
ميخالف حبيبي خلص اهدي
فتح تلفونه يكلب بالاسماء طلع اسم سارة
...يتبع