اساطير مشهورة جاءت من اليابان و تايلاند
اسطورة اليابان
(هاكي شاكي ساما)
كلكم سمعتو عن سلندرمان الرجل الطويل اللي يطلع بأغلب قصص الرعب اللي دائما الاطفال يخافون منه ، كل قصص الرعب تقريبا قامت تتكلم عنه بس عمركم سمعتو عن سلندر ومن؟ هاكي شاكي ساما و هي اسطورة يابانية تتكلم عن امرأة طويلة طولها 8اقدام يعني وايد وايد طويلة
نتكلم عن هاذي القصة عن نظرية بنت يابانية عاشت هاذي القصة ...
تقول انو جدي و جدتي يعيشون في منطقة ريفية في اليابان و انا ماكنت عايشة في اليابان كنت في دولة اخرى لكن اهلي كانو يرسلو لي رحلات للريف حتى اروح اشوف جدي و جدتي و في سيارة من السيارات كنت موجودة و كنت جالسة عند جدي و جدتي
قررت بالظهر اطلع و العب برا بالحديقة اللي قدام بيتهم كنت منشغلة باللعبة اللي كنت العبها ولا فجأة سمعت صوت غريب
الصوت كان جاي من ورا الحيط اللي محاوط الحديقة
لفيت و حاولت اعرف الصوت جاي من وين و الغريب اني لاحظت طقية امرأة ورا الحيط يعني بطول الحيط كان
اول شي شفت الطاقية على الحيط بس لما استوعبت لا لقيت الطاقية ورا الحيط يعني كان في حدا كان واقف و طوله .. بطول الحيط
لمحت بالفراغ اللي موجود بين الحيطين لمحت امرأة طويلة جدا و كان هذا الصوت صادر منها
كانت تطالعني و تطلعلي هالصوت و اكثر شي صدمني انه طولها فضيع كانت بطول الحيط
اول شي كنت منصدمة قلت يمكن لابسة كعب او شي مخليها بهالطول لكن بقت اتطالعني لفترة طويلة و تطلعلي هالصوت و بعدها لفت و رجعت من وين جت
بصراحة انا خفت وايد و رجعت بسرعة لبيت جدي و جدتي و لقيتهم جالسين على طاولة السُفرة و يشربون شاي
جلست جنبهم وقلت لهم اني شفت حرمة و قلت انها كانت طويلة وايد و كانت اطالعني من الحيط و مدري شو و بصراحة جدي و جدتي ماكانو منتبهين لأي شيء انا اقوله الا من سويتلهم الصوت اللي كانت الحرمة تطلعه
اول ما سويت هالصوت جدي و جدتي لفولي بسرعة و كانو جدا منصدمين و جدتي بان عليها الخوف و حطت ايدها ع فمها من كثرة الخوف اما جدي مسكني بسرعة و بدا يسالني اسئلة و ماقدرت اجاوب من سرعة الاسئلة
منو هي؟ و كيف؟ ومتى شوفتيها؟ و كم طولها بالضبط؟ و متأكدة ان الصوت كان طالع منها؟ و شو؟ شافتج؟ شفتيها؟ شو سويتي بعدين؟
كانت كل هالاسئلة مب عارفة كيف اجاوبها بسرعة
بعد ما قلت لجدي كل شي جدي بسرعة راح خذ التليفون يتصل ع احد او يسوي مكالمة اما جدتي كانت جالسة و باين ع وجهها علامات الخوف
كـلمتها و قلتلها شسالفة ؟ قالتلي ان في كثير اطفال اختفو ف هالمنطقة بدون محد يحصلهم و ان هاي كانت امرأة الكيان الي يظهر ليخطف الاطفال اسمها "هاكي شاكي ساما"
بعد ما قالتلي جدتي هذا الكلام قالتلي دائما الاطفال يجلسون ثلاث ايام و بعدها يختفون او يموتون
انا ما صدقت اللي جالسة اسمعه قلت لا هذي كلها خرافات .. يعني انا بموت بعد ثلاث ايام؟ معقولة يصير فيني هالشي؟
رجع جدي و جت وياه امرأة كانت مسمية عمرها سان و هاذي الامرأة كاهنة و هاذي الكاهنة امرتني اجلس بغرفتي من الساعة 6 المغرب لين الساعة 7 و نص الصبح وما اطلع من غرفتي ابدا مهما سمعت مهما استوى ابدا ماطلع من غرفتي و اعطتني دلو في ايدي وقالتلي حتى الحمام لا تروحينه
طبعا انا كنت خايفة جدا و شفت التحضيرات اللي يسونها بغرفتي و حطو بأطراف الغرفة صحون فيها ملح و حطت بنص الغرفة صنم للبوذة
طبعا مثل ماتعرفون في اليابان يعبدون البوذة و يحسون ان البوذة تحميهم و غطو النافذة بورق جرايد مكتوب عليه كلمات بوذية حتى يحمي البنت من هاكي شاكي ساما
و بالفعل جدي و جدتي راحو و سكرو عليا الباب و انا سكرت الباب من الداخل بالمفتاح و جلست افكر "معقولة كل هذا جالس يصيرلي؟ معقولة ان انا بخطر؟ "
علشان انسى كل هذا اللي براسي شغلت التلفزيون اللي موجود بالغرفة و جلست اتفرج لين نمت و بعدين قمت الساعة 1 بالليل على صوت طرق على النافذة
خفت وجلست افكر قلت يمكن شجر يضرب على النافذة مو شي يخوف و بعدين سمعت دق ثاني بس من باب الغرفة ...
سمعت صوت جدي يقول "انتي بخير؟ اذا خايفة افتحيلي الباب عشان اجي اجلس وياكي شوي مشان ما تخافين "
طبعا استانست و حسيت براحة كبيرة و رحت اركض عشان افتح الباب
بس نصدمت ... لان شفت صحون الملح الموجودة بالغرفة كلها تحولت للون الاسود ف خفت و انا جالسة افكر اذا افتح ولا لا
سمعت الصوت مرة ثانية ..
تأكدت وقتها ان هذا مب جدي و جلست ادعي و اصلي ان هذا الشي يروح وفعلا انهمكت بالصلاة و الدعاء لين استوعبت ان الصوت وقف
ويوم شفت الساعة كانت الساعة 7 ونص
فتحت الباب شوي شوي و قررت اني اطلع و بسرعة ركضت عند جدي و جدتي الي بدورهم ركبوني السيارة وعالطول اخذوني المطار و قالولي ان في ناس قدرو يهربو من هاكي شاكي ساما بس انهم ابدا ما يدخلون اليابان
وبالفعل هذا اللي صار سافرت عند اهلي بالدولة الثانية اللي كنت موجودة فيها و ماقدرت ارجع اليابان ابدا
و جدي توفى وكان مصمم اني ما ادخل اليابان و مااجي ازوره و لا احظر العزة اللي بسونها و كتب وصاية بأني ما ادخل اليابان ابدا
كنت مضايقة ان هذا الشي ما خلاني حتى اشوف جدي من توفى الا بكم يوم اتصلت عليا جدتي و قالتلي انها اصيبت بمرض السرطان
طبعا كنت جدا معصبة و قلتلها انا لازم اجي اشوفج انا مااخلي هالشي يمنعني
و مرت 10 سنوات و ماصار شي انا صرت اشكك ان هذا الشي كان اصلا ماموجود و يمكن انتو كنتو مكبرين السالفة
قالتلي "مثل ماتشوفين" قلتلها "حبيبتي جدتي نشالله بحجز اول تذكرة و بجيلك" و فجأة سمعت الصوت مرة ثانية ...
نهاية القصة..
هاذي كانت قصة البنت الي قالت لنا عن هاكي شاكي ساما المرأة الطويلة الاسطورة معروفة جدا باليابان