خيال الكحيلة

بارت السادس وثلاثون

#خيال #الكحيلة

#بقلمي_نشوى_السلطان🧚‍♂️

#السادس والثلاثون

جريت اديه واني ابجي فتحت جف ايده وخليت الحلقة

خلص سلطان اني هذا حدي  روح للي خلتك تصدك اني خاينة ولاتكول احبج لو تحبني تجي تفهم مني
واني احجي  ابچي ودرت وجهي عنه

-يولي اني تسرعت استعجلت انضربت براسي يولي والله ماادري شصارلي بدقيقة شفتج شيطاني جدامي يولي والله مو بيدي

خلص لهين وكافي نسد الحجي احسن

ليش اكفي

اريد انام سلطان ممكن

وتنامين وانت زعلانة ومقهوره مني .. عجل عاب عمري اذا اخليج زعلانه

موزعلانه ولا مقهورة بس عوفنيييي مانتراهم بعد
-
زين تعالي نطلع بالسياره امشي  كومي نسولف هناك ونحل الامور

..مااااااااا اريد
بس كلي  انت شنوووووو شسويتلك اني بشنو اذيتك هو هذا حب ؟ عوووفني ولي يسلمك 
كمت الحيلي مشيت  للباب  جان يمد ايده وسحبني بسرعه وخله وجهي بصدره دفعته على صدره لزم ايديه قوي وبقيت ابجييييييي بچيييييت ووجهي بصدره وهو يبوس براسي وبچتافي ويكول اسف اعتذر حقج عليه عمري انتي اسف  تعاي بس امشي لا تمودين گلبي
سحبني للسرير كعدت وياه ماوخرني من حضنه بقيت بس اشهگ ويه كل شهگة اسمعه يكول

اسم الله عليچ يبعد حيلي

-وخرت منه وكعدت بفراشي حاول وياي ماقبلت بس  رغم كل الي سواه گلبي نااااااااار عليه  ماكدر اكرهه ولا اكدر اعوفه ادري بنفسي

كحلاء حاجيني لا تصدين

روح سلطان والله تعبانه نفسيتي ماتحمل بعد

جر حسره وسكت شوي وكام الحيله كال ارتاحي ابويه
عافني وطلع من الغرفة بقيت ابجي مانمت متت قهر وحقدت اكثر على اميرة

لل4 الفجر واني كاعدة اخير شي طلعت من الغرفة رحت للحمام غسلت وجهي دحكت للمراية عيوني دم ومنفوخة

صارت عيني عالدرج
-
نايم لو كاعد هسه  كمت احاجي روحي قبل شوي طلع من يمي وقاهرني وهسه گلبي يطگ عليه .. لا ماااروح
لازم اعوفه ... وصلت الغرفتي ... ماتحملت شلون شي وديجرني ليمه ... بدون وعي وبدون تردد صعدت

الدرج شوي شوي ورحت امشي بتجاه غرفته
ردت افوت بس ترددت 

صفنت كلت خل اشوفه وينه دكيت الباب مرتين وماكو رد يعني نايم
گلبي نار اهجس نفسي دهر صارلي بعيده عنه فكيت الباب طبيت ماكو سلطان دخلت للغرفة طافي الضوا بس  مفتوح ضوا خفيف وماكو هو
دحكت للبلكونه رجليه مبينه كاعد عالكرسي وماد رجليه رحت امشي على روس اصابيعي بدون ماطلع صوت
البلكونه  بابها الداخلي مفتوح وكفت دحكت لسلطان
لابس بجامه  وتيشيرت اسود ومرجع راسو ليورا والجكارة بأيده

بقيت واكفه  ودموعي صارت تنزل وحدها راني اشهگ اللتفت عليه
خليت ايدي على حلگي ... استحيت ماعرف شصار بيه

-كام الحيلة وكال  حبيبي  تعالي

كط الجكاره من ايده ودحك بىجهي عيونه حمر  
جان واضح عليه مهموم مقهور ...

-ليش مانمتي

يحاجيني ويلعب بشعري 

-ماكدرت

-اني اسف

..سلطان اذيتني
-

ادري والله ادري بس اخ الملامه ماتفيد بعد

يعني ولو يكن شايف الصور عني غير تتاكد شفتهمت بعد

تعاي تعاي  سحبني  اله ودخلنه جوه كعدني عالسرير وكعد كبالي

شنو التريدي هسه يجرالج

هزيت راسي لا ماريد ... 

طلع الحلقه نزعها من اصبعه الصغير ولزم ايدي لبسنياها وباس اصبعي

-مستعد اعتذرلج جدام الكل وارد اعتبارج

-وشنو الفايده ؟ كسرت گلبي للمره الثالثة

-يعني خلاص ماتريديني بعد ؟

-اي
-عجل ليش جيتي للغرفة

-هيج

ها هيج ... اسمعي اكلج حجايه ...

تذكرين مره بالمطعم شكتلج عن ذياب

رفعت راسي كتله لا ...

كااافي عاد بجي عيونج راحت ...

كمل شبي ذياب

ذياب لمن خطفج بحزتها كالي روح اخذها البنت عمي ..
بس صارت الي گبلك

يعني شنو ...!

يعني جان يسولف سوالف موراهمه ... يقصد انه متقربلج من جنتي عنده

شهكت بحيييل وكتله عزززززه والله جذاب ...

ادري ابويه ادري جذاب واني كلت كال هيج حتى يخليني اعوفج   الى
بس اني كلت الضرغام وباجر احيبج جدامه واسمعي بأذنج شكالي
ذياب عليج ... كتلو هذا الحجي سمعته ماريد بشر بالدنيا يسمعه
واذا تريدين اخليك تسمعين بأذنج من ذياب ماعندي مانع

زين ليش هيج هذا شبي خرب حضي

مو كتلج واصل لمرحلة الجنون ... شلون بعد ماتريدني اشك
وهو هاي سوالفة ...  وانوب اميره كملتها واني اعصاب موباقيه عندي

عزه بعيني وانت هم تفكر هالشي صار بينه ..؟

لاااااا شبيج بس ذياب مو عاقل ...
-
هو هذا هم حضي ...

وهسه شنو ..؟

رفعت راسي شكو ....

ننسى الزعل .. ونفكر بليتلنه

قصدك ابلوتنةةةةةة

ههههههه ضحكتيني واني الدنيا كلها طالعه من عيني
كل عقلج اعوفج ولج شلون اعوفج وبعد ماعندي كحيله

هذا حجي يفيدك عيني شوفلك غيري

صااااار تأمرين ...

كمت كتلو تصبح على خير اخويه

ايباااااخ كال هيج وضحك بصوت عالي هههههههه
من شوكت صرت اخوج

من اليووم شبيك تضحك

ماشي الصبح ابلغ الكل انه احنه راح ننفصل واكيد خالج راح يتفهم الوضع وعادي كليلهم اني ماردته ومااحبه وكنت متسرعه من قبلت بي

اي هاي هيه اصلا القرار الاول والاخير كله يمي

هلا هلا شوف الحجي المعدل ... اي هاي هي مثل ماتحبين اختي

كمت الحيلي مشيت  جان يكضب ايدي ...

جرني بقوه ودفعني عالحايط ....

رفعت راسي كتلو شبيييك ...

بوسة اخويه قبل ماتروحين

لااااا والله كل عقلك تحجي

لا من نصو يابه ... قرب راسه باسني من شفتي ...
دفعته بقوه الباب بصفي فتحته وحدرت اركض ...
ماعرف شيحجي مارديت .. امشي والبيت هدوووء كلها نايمه
دحكت ضرغام نايم بالهول ... مشيت على كيفي وطبيت للغرفة
............... 

شعري مفتوح وعيوني حمر هف والله اليشوفني يخترع
تمددت بفراشي ... وجان اسمع التلفون ...

فتحت رساله ...

كاتب .. تهيري الصبح نطلگ  وتغطي زين لا تردين ابويه

مارديت عليه كطيت التلفون بصفي من وجع راسي نمت
بسرعه ...

كعدت جسمي مكسسسر وراسي ثگيل اسمع صوت اغاني وهلاهل

..اليوم شنو ؟؟ ثلاثاء ايييي نسيت
على شنو الهلاهل بالله كمت من فراشي رحت غسلت وبدلت وطلعت

الربعه يجي منها صوت اغنية چوبي وهلاهل البنات من عدها جايه رحت يم باب الربعة لين شيخ حامد واكف وهو خالي   وضرغام وليث ومحمد  يركصون چوبي ووياهم شباب 3 الظاهر من كرايبهم اول مره اشوفهم  سلطان يمشي ويخابر والجكاره بيده

والحجيه والبنات كلهن وياهم يهلهلون ويصفكون الهم وامي كاعده على صفحه وسراب تصور بيهم هي وشهد من بعيد

ابتسمت على منظر الچوبي والفرحة وشافتني الحجيه جان تهلهل بصوت عالي وجت جرتني ليمهم وسلطان دحك عليه ابتسم 
باوعتله صفح مارديت  

سارة-ول اضحكيييي يولي غيضيها باجر الحنه مالتج لاتخليها تخرب بينكم

..اكلج اخوج شبي البارحه بالليل كال راح ننفصل واتفقنه

-شوكت هذا الحجي ؟

-الفجر

-اي كلام الليل يمحي  النهار

- لا خوش والله كوليله ماكو عرس وكلمن بحاله

ماتصور كحلاء تكدرين

لا اكدر .. مشيت وهو. يدحكلي وساكت طبيت للمطبخ  المطبخ
مليااااااااان كراتين كيك وببسي وحلويات

..
طلعت قطعة كيك وببسي وكعدت اكل واسمع صوت الچوبي حسام الرسام

(يحمود لو شال العين تطيح الزلم عالصوبين
يمكن يخطي صواب البرنو لكن يحمود اعذرني نظرررررة عينه المواته)
-
بحظي بختي مواته والله

دحكت سلطان وراي

-رجااء لاتجي يمي  كطيت الكيكة من ايدي

-ايبااااااه لاتجي يمي

-اي رجاء

-ماشي ام رجاء بس تره هذا عرسي

-عرس وحدك

-هههههههههههه شلون يعني

اي وحدك اني مااعرس

منو يكول ؟

اني اكول

-تعالي اشوفج شغلة

-ششوف مااريد روح يم اميره تفيدك

-اوهوووووو كومي

-مااريد

-تجين لو اشيلج

لالالا

اسويها والله

عوفني ...

جة جرني   امشي فوك

رحت وراه صعدت لغرفتة طبيت وياه

فتح الباب ... كال فوتي

ماااااا احجي هين شتريد

تعاي عاد

شترررريد

حرني واني احجي

سلطان كافي عيب اهلك شتريد مني

ماعليهم اعلي احنه اخوه مو هههههههه

اهوووو شبيك وخر عاد

ايده صارت تمشي على شعري وخدودي ورگبتي ونزل باسني برگبتي كال:

احبچ
اعشقچ
اموت عليچ
يبعدهم والله باسني بقوه من ركبتي ...

- عزززه وخر لااااااا سلطان شنو هاااااااي

-هاي علامة الجوده ههههههههه

-مكروووووه

-ميخالف

-هففففففف

-تحبيني مو

-لاااااااا

اي واضح من عيوتج ... المهم

...اهلج العصر يتحولون لبيتهم كمل 

..اي

-بس باجر وتصيرين بحضني

..اي وبعدين !؟؟

..شنو بعدين يولي شكد بارده

-افتح صوبه  اذا هيج

-هههههههههه استغفر الله ......

انتي گلبج طيب وبسرعه تسامحين والله اني غلطان من ساسي لراسي
ولخاطرج شوي انوب اروح لبيت ذياب اراضيه هو ومنال واجيبهم

..سلطان اني بس اريد هاي عصبيتك وياي تخف وغيرتك مو هيج يعني لو وحده غيري جان والله ماكملت العرس بس اني احبك وشاريتك وقدرت موقفك بس انت هم قدر اترجاك

..صحيح  حبيبي 
زين تجين نروح سوه لبيت منال لو وحدي  الي يرضيج شنو

..لا روح وحدك احسن

-ماشي

اني رايح  بس اريد الضحكة ترجع ماتفارك وجهج

سكتت

هاااا شبيج مو راضيه من كل گلبج

رفعت راسي كتلو لا الي كلته انت هم حگگ بي  رغم المسدس
جانت سالفته ممممم خل اسكت  المهم
واني ماكدر بدونك ..

تعاي يبعد عمري ... منهو هذا المايكدر بدوني

امشي خل نرجع

وييين نرجع

للغرفه يايابه

وليششششش

نعرررس بعد اخوج

ههههههههه

دايمه يبعد شبيبي

نزلنه سوه اني وسلطان شافونه البنات هلهلو عرفو تصالحنه

سلطان راح لذياب وماعرفت شصار هناك

مر اليوم عادي وهدوء وفرحه لليل اجوي كرايبهم نسوان وزلم
ابويه كال يلا عاد نروح لبيتنه بي غراض وكامل مايصير تبقين هين لازم تطلع زفتج من بيتنا

-رحت اخلي غراضي بالجنط وشهد ساعدتني وساره هم هي وليلى يحضرون غراضهم

-شهد حبي هاي العطورات صعديها مالتي بغرفة عمج

-ماشي

..خلصنه الغراض وليث ومحمد طلعوهن بره

كالت ساره الصالون باجر ب11 الصبح موعدنه تره

-اي ماناسية بس مو متأخر ب11

مو حنه لأن تصيرالمغرب اكو وقت مو مثل العرس

-ماشي

طلعنه وسلمنه عالكل وسلطان بره بالحديقة شافني جة تقرب يمشي   وكف يمي  وهمس  تهيري باجر الحرب

شنو ياحرب ههههههه

-بس باجر وتصيرين يمي  وماسولفولج مشتاك شوگ بس الله يعلم بي ...

- خجلت دنجت راسي كتلو ان شاء الله

-خابريني من تصلين

-ماشي

...احبج

-اني هم

-طلعنه صرنه سيارتين

بيت اهلي اخذو بمنطقة اسمها (هفلان) وصلنه وشفت المنطقة هم حلوه ويمها سوك

-نزلنه ونزلت الغراض وليث وضرغام فتحو الباب ودخلوالغراض وضرغام ماادري وين راح كال هسه اجي

فتح خالي الباب مال مطبخ

وطبينه جوه حلو البيت ملموم

بس مبين البيت مرممي جديد

ادهام/هين غرفة امج واحنه فوك غرفتين النه وحده وسراب غرفة

-ماشي

—صعدت فوك محطوط بالغرفة سريرين وكنتور وميز تواليت والحمام بداخل الغرفة

بديت ارتب بالغراض مال سراب

غراضي عفتهن هناك شهد ترتبهن بغرفة سلطان جبت على كد يومين فقط

ساعدت سراب بغراضها وسمعنه ابويه يكول تعالو تعشو

نزلنه لين ضرغام جايب عشا خطيه

-كعدنه وترخصو ليث وضرغام بس ماقبل ابويه خلاهم يتعشون ويانه

-وصلني مسج من رقم
فتحته كاتب( والله ما اخليج تتهنين بي الا اخذه منج شفتي زرعت الشك بگلبو بدقايق الا اخلي حياتج جحيم)

عرفتها اميره صورتها سكرين وردت ادزها بس ماكو نت فتحت نت عالرصيد  بسرعه ودزيتها لسلطان عالواتس اب

انتظرت شوي ماكووو

خابرت على شهد ... كتلها شهد سلطان وين

جاوبتني بصوت ناصي...

اميره ونور يمنااااااا ....

يتبع .... حبايبي الفديوهات ماينزلن هينه والله
حاولت مايرهمن ... تحياتي

تصبحون على خير ...❤️