مــن انـــتِ ؟
انــا الـتـي لـا وجـود لــهــا
فـي قـوامـيـس الـجـاهـلـيـن
يمامة : لزمني من عكس ايدي بعصبية و جرني عليه .. اباوع ع وجه مليك انگلب وحش
غدير : اني شفت الوضع ساخن سحلت روحي ع كيف و طلعت .. مازن هستوه نازل
مازن : هذا صوت حذيفة .. اشبي يصيح ..؟
غدير : جريته من تشيرته و امشي اسحل بي ..
تعال انت ..
مازن : لج ليروح يبسطها .. دور عليها اكثر من الينقبون ع نفط البصرة .. بيده راح يدفنها
غدير : بقى يروح و اسحب بي
لاا شيكتل انت الاخ
مازن : دعوفي يالله عاد بس امد راسي بدون ميحسون
حذيفة : تعرفين شنو عشنا و انتي مكطوع خبرج .. تعرفيييين
يمامة : سحبت ايدي منه بالموت ..
لا اختك .. و لا بنت عم و لا بنت خال .. و ممسوية جريمة ليش هالعصبية مدافتهم حارك دمك ع شنو
حذيفة : لجج رب الجرررريمة ذبحتينااا انتي .. كل الافكار السودة اجتي براسي .. قتل اغتصاب تجارة اعضاء .. مووووووت
يمامة : اسفة
حذيفة : اسفة ..!!
يمامة : راسا شال قبضه ايده ديضربني بوكسي .. ايده ترجف .. مليك رفعها نفس الرفعه جان اثنينهم يضربون جام الباب بوكسي .. اني عطت .. طلع حذيفه ..
مازن : دعوووفي يا غدير ..
ركضت للمطبخ طبيت يمامة واكفه و الجام متكسر ..
يمامة خوما اتأذيتي ..؟
يمامة : اباوع ع مليك وجهه مگلوب جان يختفي .. اول مرة اخاف منه ..
لا ..
مازن : حذيفة مو
يمامة : شبي .. شدعوة هلكد مو من حقه
مازن : حقه
يمامة : حقيش مازن .. انت حقك هو مو حقه زين
مازن : كمت افرك بشعر راسي و اباوع عليها ..
تبهذل و هو يدور .. حتى اهتم بالموضوع اكثر مني عبالك ابوج ..
يمامة : كمل كلامه و كام يركص حواجبه
يووو انت الثاني ..
غدير : عزا .. اشكد عصبي هسة شصار بيده؟؟
مازن : لتخافين عليهن الشعر البيهن يحميهن ..
غدير : يبوو ع سوالفك هسة احنا بيا حال
مازن : يلا اني طالع .. ديرن بالجن لتنجرحن
يمامة .. غدير : بحفظ الله
كنست الكزاز و الصار يدور بذهني .. التفتت شفت يوليس نظر ع الكزاز و انوب نظرلي بنظرة كانو فاهم يعرف ..
غدير : شصار ؟ ليش هيج هدم الجام ؟
يمامة : ما ادري ما فهمت منه شي بس يصيح ..
غدير : ممم اكول كأنو حذيفه احم احم
يمامة : شنو؟
غدير : يعني .. يميل او هاوي هيج شي
يمامة : بقيت ساكته ..
اهتمام حذيفة يمكن فهمته شي طبيعي بس وجه مليك الـ مافهمته حذيفة مو جن حتى مليك يحميني منه ..
غدير : سكتي؟! السكوت علامة القبول
يمامة : لا شرد فكري
غدير : شكلتي؟ انتي همين حاسة نفس احساسي
يمامة : يا احساس؟
غدير : ولج لتصيرين هبلة داكولج مشاعر حذيفة تجاهج معقولة محسيتي؟
يمامة : و اشوكت احس اني طول هالفترة ابيت عمتي
غدير : اي صح بس هو يخية گلب الدنيا وراج حتى اهله حسو
يمامة : بالخير .. ناقصني حذيفة
غدير : ناقصج!!! يااا ليش اكو غيره
يمامة : وحدي الله اقصد ماريد بلاوي
غدير : لا اني بهاي مو وياج حذيفة هيج .. شاكولج .. انسان انسان
يمامة : انسان انسان شنو
غدير : اشمدريني هي هيج اجتي اوي دامدحه و هيج طلعت هسة المهم خوش ولد شبي
يمامة : وحدي الله غدير .. كافيني البية
غدير : و شنو الي بيج .. سولفيلي .. اخاف عمتج عدها ولد و حبيبتي ولج احجي من اشوكت تضمين علية؟!
يمامة : ديلا كتبت سيناريو من كلمتين كلتهن
غدير تازمها من جتوفها و تهزها متحمسة
: لعـعععععد
يمامة : اريد تعين هذا البية
غدير : هووففف بهاي صدكتي اكبر مصيبة انو نزرع نزرع و بالاخير ماكو ثمر مانجني شي .. تعبنا راح ع البلاش
يمامة : اتعجبت ليش البيت هدوء بس يوليس شفته مو عوايدهم ميحوصون بالبيت
وين خالتي ..؟
غدير : هزا غير متدرين من الصبح الباب تفلشت ..
يمامة : يا ستار و ليش
غدير : نسوان ابنهم مدري منو مسكون و الجن ميخلي يجي يكولج مكسر البيت كله ع روسهن ..
يمامة : اي؟!
غدير : اخذن امي و مشن
يمامة : ها من هذا
غدير : من هذا شنو؟
يمامة : اقصد خالتي مالها حس
غدير : اكولج بسلا الجن يسكنها و تجينا
يمامة : رفعت حاجبي و اني اباوع عليها
يسكن منو ..؟
غدير : امي .. اني قارية قصص الجن ينتقل حتى ينتقم
يمامة : اباوع ع يوليس جان يشرب لبن يمكن طلع من خشمه و من اذاناته اللبن .. باوعت عليها اتحسفت لان هي بنتها ع هالنية الصافية
اطمني حبيبتي خالتي الجن يشرد منها ..
غدير : صدك .. جان انسكنت من زمان
تندك الباب بسرعه و بقوة ..
غدير : يمة سلام قول من رب رحيم ..
يمامة : جسمها كله كمز من ندكت الباب من يمي فزيت
هاي شنوو شبيج فززتيني اوي استغفرك ربي ..
غدير : الباب .. الباب اكوم اشوف منو
وية نفسها تمشي و تحجي
ماكو شي هاي الباب .. اعوذ بالله كلما اجيب طاريهم گلبي يتلف من الخوف .. اعوذ بالله
يمامة : وجهها صار كركم .. كامت خلت الشال ع راسها و تدردم ..
الله يلعنك دنهش ..
غدير : فتحت الباب طبت تركض و تسحل ببنية ..
ام سرمد : ام مااازن وينج دخيلج
غدير : سديت الباب و رحت وراها
خالة ماكو امي .. خااالة
ام سرمد : وينها ام مازن وين راحت .. ع الله و عليها بعد مبقالي امل
يمامة : طبت للمطبخ مرة مبين عليها مو من اليدورت سوالف سحر ماسحر اباوع عليها وجهها منتهي من الحزن و الهم .. بتها كبل كعدت بالكاع حيلها مهدود
و نعم بالله .. شبيج خالة؟
ام سرمد : بنتي بعيد الشر عليج و ع شبابج بنتي ساكنها جن عاشق مديخليها تقبل باي بشر .. كامت تكره الرياجيل من وراه الله لا يوفقه السوا هيج بيها جانت مثل الورد
غدير : جنت واكفه يمها ابتعدت بسرعة ..
اشلون جن عاشق يعني شيسوي؟
رشا ( 22 سنة حنطاوية بعيون جوزية. ..طول متوسط و جسم نحيف نوعا ما ) بصوت باكي
احس بي ما اشوفه بس احس بي يتحرش بية من انام .. يقيدني .. نفسي كامت تلعب من كل رجال
يمامة : باوعت ع بنتها ماكو شي .. عقدت حواجبي معقولة كمت ما اشوفهم ..هستوني شفت يوليس .. وين راح هذا؟؟؟ زين وين قرينها؟
ظهر قرين امها من وراها رجعت ركزت ع البنية شكلها مسكون بس ماكو شي ..
غدير : اي .. اي هاي علاماته .. يعني صدك يمنعج .. ليش .. شلون .. و صلاتج تصلين
ام سرمد : جانت .. جانت الله اكبر حتى السحادة ما كامت تشوفها هسة ..
غدير : بس اني اصلي .. اي بعدني اصلي
تلتفت ع يمامة و ترجف ..
يمامة اني داصلي ماتركتها حتى قران داقرا
ام سرمد : يمةةة انتي مابيج جن .. بنتي عليها جن عاشق دمرهاا
يمامة : غدير انهارت اكيد ربطت موضوعها بموضوع البنية .. كمت ع غدير
هيانه وجهج بي نور ميكدر يمسج شي
غدير : موو ..
ضميت الي صار بية شاكول اني دامر بنفس الي تمر بي بنتها بس انتهيت من سمعت الي ديصير بيها يعني عزلها عن العالم .. راح يصير هيج وياي!؟
يمامة : خالة تعاي للاستقبال خالتي هسة ماكو. ..انتظريها
اخذت المرية و بنتها لغرفة الضيوف و غدير بقت بالمطبخ .. كعدن بالاستقبال كعدت كبالهن اباوع ع البنية .. القرين وين؟؟ ليش خاتل معقولة العمل بي .. بدا جسمها يهتز امها كامت تنشر و تبجي عليها .. دخت
خالة .. ممكن تعوفينا اشوي
ام سرمد : بنتي ماكدر اعوفها يمة بنتي راح تموت
يمامة : متموت خالة .. اني اعرف كم شغلة من خالتي تعلمتهن بس لازم تعوفيها وحدها يمكن اكدر اتواصل ويا
ام سرمد : دخيييل الله و دخيلج .. اي كايمة فدوة هاي عباتي تعاي .. يلا وين اروح يم البنية زين انتظر هناك
يمامة : امها نخبصت .. متعرف شتحجي لو شتسوي .. امها ترجف اكثر منها .. بقيت اني وياها وحدنا .. كامت تتحرك و ترفع عيونها ليفوك .. اني ساكته و اباوع
ظهر قرينها طبيعي كولش .. شحت نظري عنه مردت يعرف اشوفه .. بقيت مركزه عليها وجهي نگلب ..
قرين رشا : خرب كافي راح تجيبيلي المصايب .. لانعل ابوج لابو حبيبج
يمامة : هو حجت هيج اني راسا شهگت .. غمضت عيوني و لزمت گصتي .. و هي مستمرة تمثل المسكونة .. رحت كعدت يمها لزمت ايدها
كافي .. انتهى التمثيل
سكنت و فتحت عيونها كعدت عدلت جان تباوع علية .. اشرتلها براسي بمعنى اي
رشا : شنو .. شتقصدين؟
يمامة : مابيج شي .. لا جن و لا هم يحزنون
رشا : و انتي شمعرفج
يمامة : اعرف تصرفات الممسوس من الصاحي .. تمثيلج مبين
رشا : داكولج يتحرش بية تمثيل شنو
يمامة : لا .. هذا تحجي لماما .. اني اريد اسمع الصدك ..
رشا : ماعندي شي انتو شنو متحسون بية ديأذيني امي وين جابتني ع طفلة تعالجني
يمامة : اني اشوف و الاسياد كالولي .. ث
قرينها نصدم و هو يباوع علية .. طفر قريني من يسرتي
القرين : جذابة لتصدك بيها تريد تسحب الكلام من صاحبتك
قرين رشا : طمنتني يمعود كلت راح تنعل سلفى سلفاي ..
يمامة : اتمنيت اضربه بوكسي اقوة من الي اكله دنهش
القرين : متوصلين اصلا ..
قرين رشا يتنهد : شنو ..؟
القرين : و لا شي
رشا : اسياد .. الله يخليج لتكولين لامي شي
يمامة : ارتبكت هسة صدك كامت ترجف ..
اطمني سرج ابير .. اريد افتهم شبي حبيبج؟
رشا : حبيبي!!! اي .. لا مو هو اني
يمامة : كامت متعوف تحجي تاكدت انو اني عندي الاسياد
فهميني
رشا : مرتبطة بي صار اربع اشهر احبه و يحبني و هسة اجاني واحد اكبر مني بسنتين و اهلي مقتنعين بي و اني ما اكدر ارفضه لان مابي نقص بيت و متمكن اذا ارفضه اهلي يشكون بية عندي شي
يمامة : هاي حياتج انتي اهلج شعليهم
رشا : هذا صار ثالث واحد يجي و ارفضه بكل واحد اطلع حجج هذا ماكو حجه و اني كاعده بالبيت من تركت السادس لليوم
يمامة : خلي حبيبج يتقدم انتي خوما تضلين ترفضين نصيب زين و هو ميتحرك ساكن
رشا : كلتله .. يكول داجمع للزواج ماعندي هسة
يمامة : هو من وين
رشا : من غير محافظة
يمامة : لعد اشلون التقيتي بي و حبيتوا بعض
رشا : ما التقينا .. ع النت تعارفنا
يمامة : صفنت عليها
صدك تحجين؟؟؟
رشا : اي بس والله مو مثل الي ابالج
يمامة : و هاي رفضتي تلث قسم براسها خير علمود واحد ع النت
رشا : احبه
يمامة : زين ميخالف بس شنو يثبت هو صادق و فعلا ديجمع ؟ اشكد عمره؟
رشا : 30
يمامة بصوت مرتفع : شنوووووو؟؟
رشا : اشش اشش فدوة
يمامة بهمس : ادري و 30 سنة لحد هسه ممجمع كل عقلج هذا تلكي متزوج ورا سرب جهال
رشا : لا هو كال ممتزوج
يمامة : بيدي ضربت وجهي حيل نزلت ايدي ع حلكي و اباوع عليها
طلب منج صور محلوة ؟
سكتت ..
ماحجي كولي عادي
رشا : اي
يمامة : دزيتي؟
رشا : لا والله حتى اتعاركنا و زعل علية و كال انتي متحبني و حتى من طلب نسولف سوالف متزوجين مقبلت الله شاهد
يمامة : كل هذا و تكوليلي مو مثل الي ابالج؟؟؟ و تتوقعين يحبج؟ لو صادق وياج ..؟ شسمج؟
رشا : رشا
يمامة : رشا الي يحب و يريد زواج مستحيل يطلب هيج طلبات لان يعرف راح يسقط بعينها .. انتي دتضيعين عمرج وياه
رشا : بس اني احبه
يمامة : الارتباط ع النت وهم مادام انتي ماتعرفي غير مجرد اسم و لو حقيقي لو لا و مادام هو ورا كيبورد لاتثقين ..
اكو بنات يرتبطن بالواقع و كدامهن عيونهن هم اربع سنوات و دينفصلون .. انتي ع نت و اكبر منج ب 10 سنين
زين هو يدري بالدتسوي علموده؟
رشا : اي و هو شجعني
يمامة : شجعج ع انو تمثلين بيج جن؟
رشا : اي هي الطريقة الوحيدة حتى نبقى سوا
يمامة : الله لا يبقي ع الكاع يمشي .. و امج مفكرتي بيها شنو ذنبها ميته قهر عليج و انتي بهاي الحالة اشلون گلبج انطاج تأذينها علموده مو هيج الله يغضب عليج
كامت تبجي و تمسح بعيونها
حقج ترفضين انسان انتي ممقتنعه بي بس كفر تگطعين قسمتج من ورا وهم
لتبجين .. انتي كلتيله اتقدملي
رشا : اي كلتله اهلي يضغطون علية لان جتني قسمة زينة
يمامة : شكال؟
رشا : عاركني ماعندي و داجمع و من هالكلام
يمامة : راجعي نفسج بالولد الي اجاج بالحلال و صلي استخارة بي .. اما الي اجاج بالحرام لتخلين ثقتج بي لان امله ضعيف .. هاي نصيحتي الج و بعد بكيفج انتي هاي حياتج
و كفي عن اذية امج حرام هذا الي دتسوي اشلون اذا ماتت بقهرها عليج مو حتى رضا الله تخسري بعد
رشا : لا اسم الله .. راح اعوف اكوللها تشافيت و ارجع اصلي .. التوبة
يمامة : مسحي دموعج و ارتاحي هسة اصيح امج ..
عفتها و رحت للمطبخ ..
ام سرمد : ها يمة اشلونها شصار .. وين بنتي
يمامة : بالغرفة مابيها شي خالة بداية مس و كولش ضعيف ان شاء الله تعافت بس شجعيها ع الصلاة
ام سرمد : الله يحفظج الله ينطيج العافية الله يستر ع شبابج مثل ما سترتي ع بنتي و عالجتيها
يمامة : كامت تبوس براسي و جتوفي .. شبعت قهر عليها .. الله يهدي بنتها
اباوع ع غدير وجهها كركم .. وديت المرة لغرفة الاستقبال لفت بنتها بالعباية و اخذتها ع طول الطريق تمشي و تدعي .. رجعت للمطبخ ع غدير
شبيج عبالك الجن بيج مو بيها
غدير : صدك الجن هيج يسوي يعني اكيد يكوم ياذي اي بشر يريدها مو لو ياذيها
يمامة بابتسامة : من اشوكت تهتمين لهيج سوالف غدورة
غدير : لاا بس اتخبلت من كلام امها
يمامة : لاتخافين مادام تصلين مراح يكدر يمسج ..
بهمس ويه نفسها بعد يا جن يكدر يمسج و اني هنا ..
غدير : ما تريكتي ..
يمامة : والله نسيت اني جوعانة هسة اطكلي بيضة
غدير : لعد اني اصعد ارتاح لما تصير بـ 10 انزل اسوي الغدا
يمامة : ع راحتج ..
سويتلي بيضة و كعدت اكل
يظهر يوليس وسط المطبخ ..
: كانت نصائح جيدة
يمامة : قصدك ع رشا؟
يوليس : اجل ..
يمامة : خطية بريئة ..
ذبيت الخبزة من ايدي ..
بس احس بذنب
يوليس : لماذا؟
يمامة : مادري اكول يمكن الولد المرتبطة بي صادق و اني حكمت عليه خطأ
يوليس بابتسامة : صادق بشهوته و نزوته!؟ الذي تدفعه شهوته لانثى الا تدفعه لعشر غيرها
يمامة : مادري بس يبقى اني ماعلم شنو وضعه ..
يوليس : ما بال مليك
يمامة : باوعت عليه باستغراب بقيت مركزه ع شكله المخربط
يوليس : ماذا؟ قد سألتك عن مليك و ليس عني
يمامة : مادري استغربت انت بهاي هيئتك المخيفة مداخيلك ابن عمه
يوليس : انتم بني ادم كثيرا ما تشغلكم المظاهر ..
يمامة : عقدت حواجبي من بسماره
هسة گلنا مو كلشي المظاهر و اهم شي الاخلاق بس مو معناها واكف گدامي جن بشكل مقزز يحجيلي بالمظاهر
يوليس : لا تأبهي لشكلي .. حدثي عقلي و تفكيري
يمامة : ما اعرف .. حتى تصرفه ممفهوم
يوليس : و ان لا تعلمي يكن افضل .. انت بغنى عن الكثير ..
يمامة : اختفى .. كملت اكلي و صعدت فوك .. رحت طلعت السيف بقيت لازمته اباوع عليه .. عبالك جان حلم كل الـ عشته
خليته ع الجرباية و درت
سلام قول من رب رحيم
واكف القرين مستند ع الكنتور و ينفخ باضافيره ..
خير شفتي جن .. ولو ماعتقد بعد يخوفوج صرتي منهم
يمامة : شفت شيطان
القرين : الي يسمعج ميكول هاي الجانت تهد ع ابليس قبل كم يوم
يمامة : عدو بعيد و لا صاحب غدار يمك ..
القرين : ما غدرت انغصبت
يمامة : واو اقتنعت
القرين : اذا انتي عندج قوة تواجهين عزازيل فاني مستحيل
يمامة : ليش و انت محد يكدر يقتلك
القرين : يعذبني .. و تعاي اني ليش دابررلج انتي من اول شفتي وجهي ما تثقين بية
يمامة : و منو كالك اني دا اعاتب لو مستغربة من غدرك .. عادي
اخذت السيف و رجعته كمت ارتب بالهدوم و هو يفتر بالغرفة .. كملت كمت اكلب بالفون وراها نزلت ساعدت غدير بالغدا ..
مر اليوم هادئ عدا الي صار الصبح .. و اثنينهم اختفوا حذيفة و مليك
التفكير اخذني للساعه ب 12 و مانمت ..
هوووف رجعنا ع الارق
القرين : ارحمي عقلج اشلون ينام و لحد هسة فكرتي بمليار فكرة
يمامة : ماكو شي يخلصني منك
القرين : لا اظن
يمامة : اتذكرت غدير طفرت من الجرباية فتحت الباب ماكو شي .. رحت لغزفتها فتحت بابها ..
نايمة .. سديتها و درت الغضب وصل لراسي
دنهش ..
دنهش : مالذي تفعليه هنا في هذا الوقت
يمامة بهمس : ولك عين تحاسب ..
يهبط دونجاد وسطهما بقوة .. تهتز الارض
القرين يصرخ مرعوبا : ايهاااا الاحمق انك تهبط ع سطح بيت و ليس ارض ابـيـك .. سنمووووت
يمامة : احس البيت راح ينهدم لزمت الحايط عبالك لازمة سعفه .. شنو بس اني احس بيها
اشهد ان لا اله الاااااااا الله ..