الثلاثون
خيال #الكحيلة
#بقلمي_نشوى_السلطان🧚♂️
مساء الشوگ
تره انتي مرتي
مرتك اي بس مو هسه من تاخذني وتزفني جدام الناس ..شلت الشال ومشيت
بقى هو بمكانو واكف كال : وين يوليييييي
ابتسمت گتلو على محمد
فتحت الباب وطلعت لين اميرة گبالي
..وگفت بمكاني :
-نعم
..وخري اريد ابو فهد
..شتريدين ؟
..معليج وخري
..ماتفوتين كولي شرايدة
..دوخرييييي دفعتني وفاتت
سلطان-ها وين اميرة ؟؟ خير ؟؟
..اريدك بموضوع
-اي حدري جوه واني اجي لاتصعدين للغرفة وشغله اخرى حرمتي جدامج ...
يعني شنوووو واذا حرمتك..!
بعني تتصرفين وياهه بأحترام ... مااقبل تدفعيهاااا ...
..ابنك مصخن حرارتو عاليه وانت هين معلگ ويه الخاتون تره الله مايرضاها اني خابرت ابويه كلتلو ارجع للانبار اخذ ابني واروح
-بكيفج ؟؟؟؟ تروحين انتي روحي بس ابني يظل هين
بعدين مو اهلج راح يجون من الانبار يكعدون هين مو هيج كال خالي ؟
-اي اني اريد اروح يمهم عود من يجون هين ارجع وياهم
-اي روحي الله وياج باجر ادز ضرغام يحجزلج طيران وروحي
..وفهد هم
..فهد هذا بيت ابو مستحيل يطب الانبار
.. والله ماروح اذا. مو ابني ويايه .. حجت هيج عافتنه وحدرت
هزيت بيدي وسلطان يضحك عليه كتلو شبيها هاي
عوفيها ماعليج منها ...
-اكلتي ؟؟؟
..لا بعدني
..اطلبلج شي ؟ تعاي نطلب سوه
هسه .. لا شنسوي بي
.. يكع بطنج يعني شتسوين بي غير تاكلي
هههههههه لا بس اقصد مابقى وكت
ماعليج اكو وكت بس كولي تريدين بيتزا ومقبلات لو غير شي شنو الي ابالج
..والله ماعرف بكيفك انت
ماشي
..فتح الفيس مالتو وجرني
دحكتلو كتلو ها
اششش تعاي ... كعدني على رجله وفتح موقع دليل مطاعم اربيل وطلع رقم مطعم واتصل بي اني عيني عالباب لا ساره تفوت
اريد اكوووم .. رجع جرني ...
..السلام عليكم
حبيبي بيتزا حجم كبير ومقبلات وكوكاكولا 2
العنوان بختياري وره شارع....؟؟؟؟ ورقم البيت ....؟؟؟
...تمام
...سد الخط گتلو ساعه شكد هساع
..بال11
..حيييل نعست اريد انام تعبانه والله
..نص ساعه يوصل الاكل اكلي ونامي والصبح بال9 نروح للمستشفى
..اي ماشي
بس شسمه اذا ماما باجر صارت زينة يعني اريد انزل اشتري كم شغله عود اخذ وياي شهد لو منال بس دز ويانه احد اني احاجي وهو يلعب بشعري ... كال:
شنو تريدين ؟
..كم شغلة
..صار حبيبتي تأمرين بس لا تزعل بنيتي
ابتسمت ...
الظهر عندي مؤتمر اذا خلصت من وكت اني اخذج
..صدك ؟؟
..اي احاول اجي من وكت ...
..شباك الغرفة مفتوح سمعت صوت الباب انفتح وصوت ليث
سلطان-هذا حامد وصل ...
..صددددك ؟؟؟ عجل اروووووووحله كمت وكفت الحيلي ادور على الشال
..هو بس صافن عليه ... ابتسملي وكال والله طفلة
عجل هيج تعزين حامد ؟؟
..اييييي واكثر منك حجيتها بضحك ...
..هااااا تعاي عجل
ركض وراي واني رحت ركضت للجهه الثانيه ولحكني وجان اجط عالسرير
..الله عليك عوفني هههههههه والله هساع اعيط
..عيطي عادي تعالي
...سلطااااااان ههههههههه وخر
...جطيت من الجهه الثانيه وركضت للباب حدرت من الدرج بسرعه اركض شافني ليث
...ول لا تگعين شبيج ههههههه خبال
...خبال اللي يخبلك بابا حامد وين
...بالربعة يولي لا تكعيييين
...رحت ادور الربعه وين هذا البيت شكبرو هفففف
اييييي هين دحكت ماكو احد بس هو ماادري شيسوي بالموبايل
...احححم وكفت بسد الباب .. كحيت كتلو مرحبا ...
...رفع راسو عليه وكال
هلااااااا ياهلا وچثير الهلا بكحيلة تو نور البيت ياهلا ياهلا كام وكف الحيله ... تقربت عليه سلمت .. هو دنج وباسني من راسي
...شلونج بنتي شلون الوالده هساع
..زينة الحمدلله والله البيت هذا مايسوه بدونك
..سمعت سلطان وراي يكول ايا ملعونه
...ضحكت وانداريت لشيخ حامد كعدنه نسولف ولل11 و40 دقيقة تقريباً هيج دخل علينا محمد ابن شيخ حامد
..منو طالب عشى ؟؟
كلو سلطان جيب
..يلا كومي اكلي
حامد- يولو للحزه ما ماجلين ..
كتلو والله مادري طريق وتعب ولا كدرت اكل
...ها اي حگ والله عجل بالعافيه
كادرني سلطان رحنا للمطبخ كعدنه عالميز ...
............
سراب ... طلعت من الغرفه لكيت ضرغام كاعد بره والجهاز بيده
طبكت باب الغرفه بهدوء ...
كتلو .. احم .. رفع راسو دحك بوجهي
كال خير خمو بيها شي الوالده
لا بس وين حرمة شيخ حامد ...
راحت للبيت اخذها ليث...
اهااا ماشي .. دنكت راسي مشيت ... سمعته صاح
وين يابه ... هوب يمعوده على كيفج
صديت عليه كتلو ويايه ..؟
لا ويا بطل المغذي ... اكول شو طالعه وحدج سالمين ..!
لا ماراح اطلع رايحة اجيب ماي خلص الي بالثلاجة
اني احاجي خله التلفون بجيبه وجة يمشي ... كال اني احدر اجيب ماي ماعدنه بنوات يحدرن جوه وحدهن ...
يعني شنووو ..!
يعني ارجعي يابه ... ومن تريدين شي كولي ضرغام جيبلي
فلان شي ..
ابتسمت كتلو خاف اسوي زحمة عليك ...
لا يابه زحمة راحت وتزوجت ... كولي رحمة
ههههههههه رحمة هم تزوجت
ضرغام ... هنيالهن ... عجل شبينه احنا
_ فتحت عيني كتلو نعم ...
لا ماكو شي ... راح احدر تريدين شي اجيبلج ويايه
لا سلامتك ...
يسلمج الله .. يله شو واكفه
_ شنووو ..!
طبي جوه شو صافنه بوجهي ... تره اجلح اسمر .. شحالي
لااااا والله ... كل عقلك تحجي ...
اكولج شوو تصيحين تعاي اخذيلج راشدي ...
لا بس تره اني نزلت اجيب ماي
ادري يابه اشاقيج ... فوتي يابه سلطان شلون جايب النه نسابه
يگطعون ...
شنوو مداسمعك
اكولج روحي شوفي الوالده خاف محتاجة شي
ماشي ... رجعت امشي وهو حدر بالمصعد ... فتحت الباد وطبيت
واني مبتسمه ... حلگي مانسد مثل الخبله .... هسه شبيه اني
عالسريع معت ... شو الحذاء وبعده لاطش معقوله الزماره غمزت
وينج كحلااااااء الحكيلي يابه ... المحزم اويلي النوب يحشش مثلي
كحلاء واني اكل سلطان صافن بوجهي ... مبتسم ..
كتلو هاااا تقلد عليه ... صافن بوجهي
...
ابتسم وكال غزال الريم ... منهو الي يقلد عليه بس جرة عيونج تكفي
عجل ليش صافن بوجهي
تعجبيني ....
هاااا..! استحيت كتلو اعجبك
تعجبني رقتج انوثتج ... احب اصفن وادحك بتفاصيلج ...
هو يحاجيني واني ماعرف ارد بس ساكته اللسانه اذا حجة يسكتني ....
ابتسملي وكال اكلي حبيبي
اكلي حتى تنامين ... عيونج حمر شصاير بيج ..
..اممم اي
...يلا اني اروح انام هم تعبت واذا ردتي شي اصعديلي
.. يعني رااااح اتنام ؟؟؟؟
اي عجل شنووو ..!
مممممم بكيفك لالا روح كلشي مااريد
شال التلفون وطلع ... وصل لباب المطبخ صد عليه كال تصبحين على خير يشبه هالوجه ...
ابتسمت وحجيت بصوت ناصي كتلو تره شيخ حامد هين
عاد اني اشكايل ....
..
.. هههههه وانت من اهله حبيبي
الحكيني ... يابه ...
شنوووو.!
اقصد رايح انام اني .... كال هيج ومشه مافهمت شيقصد الكل اختفو
البيت صار هدوء الحجيه راحت نامت وضرغام بعدو ماجاي من المستشفى وساره راحت لغرفتها
ومحمد كاعد بالحديقة يدخن اركيله واني بالمطبخ اكل شوي
دخل ليث شفتو مو طبيعي ركض للثلاجه طلع ماي وابره صغيره بس مو مثل السرنجه مال الابر العادية وكعد عالكرسي رفع دشداشتو وضرب نفسو بس درت وجهي بساع ماشفت وين ضرب نفسو
..كحلاء بس ماي بعد انطيني
...اي صار رحت ركضت جبتلو ماي وشربو كللله
..شبيك ليث اكعد سلطان ؟
..لالا مابيه شي
..عجل هاي شنو
...علاج سكر
..يااااااااااا ليش شوكت
هاي هي بعد امر ربج ... الحمدلله
..ياااا بس يعني روح طبيب
..رحت لاتخافين ماكو شي بس نسيت موعد العلاج
..زين لاتنساه بعد فدوه
..اي ان شاء الله يلا اني انام تصبحين على خير
..وانت من اهله
متت قهر على ليث من شوكت عندو سكر بعدو شباب خطية
استغفرت ربي وشلت المقبلات الباقيه خليتها بالثلاجه لين فهد يجي يركض
راح مد ايدو عالبيتزا
..ها حبيبي تعال اني انطيك اني اوكلك اگف لا توسخ ملابسك
.. اختجي وهو يگمز ويصيح ( الييييد ) اريد
..اي اي هاك حبيبي فدوه
اخذت قطعه قسمتها وجان اسمع صوت اميره
...لييييش هيج هاااا ماشايفه اكل انتي ؟؟ تاخذين منو الاكل ماتخافين الله
..بقيت صافنه هاي شبيها
تره دا انطي اني خفت يوسخ ملابسو وقسمتها للقطعه حتى انطي
...ايييييي لا خلفت عليج دحگي تره هذا بيت ابوه وخيرو مو تجين انتي تالي وكت تاخذين منو الاكل
..والله مااخذتو شبيج هي تحجي واني صافنه سمعت صوت مشي عبالي سلطان .. دحكت
دخل علينا شيخ حامد كال
..شصاير ؟؟
.. كالت اميرة دحگ يبن خالي فهد ابيت ابوه وتسحب منو الاكل اني بعيني شفتها والله حلوه البيت بيت ابونه والقوم حاربونه
حامد..امييييييرة اخذي ابنج ولغرفتج جدامي
..اخذت ابنها وخزرتني وراحت
استحييييييت من شيخ حامد گلتله
والله العظيم مااخذت منو شي اني ردت اوكله و...
..اعرف بنيتي عوفيها
..طلع المطبخ وراح واني عزلت المطبخ وغسلت ورحت للغرفة
ذبيت الشال وفتحت شعري وتمددت
بقيت افكر شلون راح تخلص ويه اميره فكره تاخذني وفكره تجيبني
.... بقيت افكر علماااا نمت
ماادري شوكت وساعة شكد حسيت احد فتح الباب بس جسمي ثگييييل تعاجزت اشوف منو
حسيت احد نصه السبلت وغطاني وكعد يمي
...عدلت نومتي وفركت عيوني دحكت لين سلطان يمي وحاط ايدو على راسي تنهضت وكعدت الحيلي كتلووو شو هين انت
_ شجاج خايفه مني..
لا بس انت مو كلت راح انام
.. ماجاني نوم . كلت اكوم اشوفج نايمه كاعده
طبيت لكيت الغرله بارده يولي صايرة نار مصخنه شجاج هيج شعرج مبلل والسبلت مفتوح ونايمه
..صدك
مادري من التعب نمت ... بس صدگ مثلجة
شجاج حبيبي اجيبلج دوه..
..لا ساعه شكد هساع
بال5 وثلث الفجر
غطيني سلطان غطيني بارده
...نامي هساع اجي
رجعت نمت دحكت السبلت طافي واني مثلجة جسمي مكسر
شويه ودخل سلطان جايب بطانيه ثانيه وكلاص ماي وكبسول
غطاني زين وكعد يمي عالسرير نطاني كبسوله رفعني بيدو شوي ونطاني ماي كال اشربي
..شربتها ورجعت نمت
..صحه وعافيه حبيبتي
..سلطاني جسمي يوجعني
... هساع ترتاحين وباجر اوديج الطبيب
نامي
..راح تبقه هين ؟ لو تروح
تره ماراح اكلج شبيج خايفه نامي غمضي
.. غمضت عيوني ونمت وماااكعدت الا على دكة الباب فتحت لكيت ساره وليلى نايمن ويايه بالغرفة
صحت منو الباب مفتوح ...
فتحخ سلطان وطب مبدل وكاشخ ... واني عيوني كوه مفتحتها
_ جة كعد يمي ... صباح الخير
صباح النور ... هاي ساره شوكت نامت هين
بالليل اني دزيت عليه .. ماكدرت اعوفج وحدج
صدك وانت وين رايح كاشخ ... اميره وين
شمدريني اميره وين .. واني عندي شغل
اريد اكوم اغسل وجهي ...
اي گومي حتى تصحصحين ....
كمت الحيلي عدلت نفسي لفيت شعري ...
كتلو امي ماخابرتها ...
لا خابرت زينه لا تخافين عليها ...
فتحت باب االغرفه كتلو رايحة للحمام
ماشي حبيبي انتظرج ...
طلعت امشي طبيت للحمام غسلت وجهي وطلعت .. واني بالممر
تلكتني اميره طالعه من غرفه سلطان ...
... صفنن عليها. ماتحملت اسكت كتلها شعندج بغرفة سلطان ؟؟
..هااا لا ادور شاحنه شاحنتي عطلت
..تدورين شاحنه والا من سلطان !؟
تره عادي جدا وانت ليش مصعبتها احنا ولد خال
وحتى لو ترع انتي طليقتها ماتخافين الناس تحجي ..!
وعليش تحجي .. اني ام ابنه ... ليش تنغارين مني
لان احلى منج .. لو تخافين مني ... تحجي وتضحك
كتله انتي مريضه والله ....
احترمي نفسج دايحة من الشارع جبناج جنتي تحلمين بهيج عز
كتله يااااا ليش الحياه بس فلوس وعززز الله يشافيج
داحجي ... وجان سلطان
..امييييييييييرة عاط بصوت عالي .... على صيحته جفلت انداريت
شو هاي بسرعه كامت تبجي
..عزززه شبيها هاي
جة سلطان يمشي واكف بسدي ... كال الها شبيج اميرة
اني شحجيت وياج ... مو كتلج كحلاء مالج علاقه بيها
الف مره نبهتج ... والتالي شلوون ... تبقين اللسان طووويل
اميره تحجي وتبجي كالت ؟؟ بعدك مافهمت السالفه تعيل بيه عجل هي تعيرني تكلي لو بيج خير ما طلكج والا اخلي يشمرج بالشارع انتي وابنج
..اني هيج صار وجهي 😳😳😳😳😳
ماعرفت انطق حرف
كتله شنووووو اني شوكت كتلج هيج احاجيها وهي تمسح بدموعه مشت وتردد حسبي الله حسبي الله
...عافتنه ونزلت كتلو والله العظيم مو صحيح جذب
عوفيها ... مالج علاقه بيها بس تحجي وياج تعاي كليلي
جرني اخذني وياه لغرفته
طب طلع السويج ...
.. كتلو سلطان والله كلامها مو صحيح والله ماكلت شي اني بس شفتها طالعه من غرفتك وكلتلها شعندج هين
... داحجي جرني كال حبيبتي تعالي
سحبني يمه وكعدني عالسرير
دحكي من تشوفين هيج لاتحاجيها بلغيني لو بلغي ساره مااريدج تتصادمين وياها
..ماشي اي
..خليت ايدي عالسرير دحكت بي ماي وملابسي هم صارت بيها شنو هذا ؟؟
منين جة
سلطان هذا الماي شو على فراشك
...ماادري شو وخري
..كمت لين ماي هيج منقط تنقيط
..مااعرف حبيبي
المهم روحي بدلي عالسريع نروح للمستشفى
...ماشي
حدرت جوه طبيت للغرفة طلعت ملابس وبدلت دحكت بالمرايه الف الشال كلت لازم عاد نروح للصالون
...كملت ورحت للمطبخ شفت منال جايه وكلهم بالمطبخ
...صباح الخييييير
..هلا بكحول
..هلووو شلونكم
..الحمدلله
..اكلج منال اكو هين صالون قريب
..اي اكو بس اذا تريدين صالون مضبوط بعينكاوا
..ها زين عجل من امي تتحسن شويه نروح
..ماشي
...ساره طبت كالت اني جاهزة دحكي شهد ليلى تبقى هين ديري بالج عليها
...صار عمه
...الحجيه ام ضرغام خطيه كالت اروح وياكم...
كعدت بالمطبخ انتظر الحجيه تخلص وسلطان ينزل
بس اني جسمي مكسر اهجس نار تطلع من وجهي لل10 ونص وسلطان مانزل
رحت صعدت فوك لغرفتو الباب مفتوك مديت راسي ماكو وينو وين راح
..سمعت صوت احد يتقيأ بالحمام تقربت من الحمام الباب مفتوح
لين سلطان بالحمام يغسل وجهو ولابس رسمي بس الستره معلگة مال القاط
...سلطان شبيك ؟؟؟؟
-مابيه شي حبيبتي بس لعبت نفسي تعالي شلون صرتي
..ماادري جسمي مكسر وراسي يأذيني
حط ايدو على كصتي كال:
يولي بعدج نار يلا امشي هساع بس نصل المستشفى نشوف الطبيب
...لزمني بيدي كادني ونزلنه سويه
ساره والحجيه شافونه وكامن طلعن من باب المطبخ واني وسلطان طلعنه من باب الربعه طب هو للربعه وما ترك ايدي اخذ اوراق ماادري مال شنو ولازمني بس اني جسمي صار يثگل اكثر حتى صرت احس جسم سلطان هم حار
طلعنه اني و وسلطان وصعدت يم ساره ليورا والحجيه جدام يم سلطان وسياره وحده بيها ضرغام
..طلعنه وبقيت ادحك عالمنطقة تجنن راقية كلش
ساره والحجيه
...يحجون واني الدوخة زادت عندي نفسي صارت تگلب چثير
لزمت راسي
سارة-ها كحلاء شبيج
..
ماادري نفسي تلعب
..هساع شىي ونصل نشوف الطبيب هاي بس لا صارت صخونه داخليه عندج
...سلطان رجع ايدو ليورا عليه كال تكلطي عليه دشوف
..تقربت يمي لزم وجهي
..هساع نصل حرارتج عاليه
استغفر الله شارع 60 ازدحام
..عبرنه الترفكلايت وومسافه هيج قريبة وصرنه كبال المستشفى طبينه من الكراج وكفت السيارة نزلت ساره والحجيه واني فتحت الباب بس فتحت الباب تقيأت مااااكدرت بعد ابد
..ركض عليه سلطان صاح على ضرغام يجيب كررسي متحرك
بس سلطان رفعني وشالني دخلني للمستشفى اول ماندخل مستشفى پار عاليسار الطوارئ مال المستشفى
ماكدرت افتح عيوني بعد بس حسيت نفسي عالسدية وسلطان يحجي ويه طبيب ماادري ممرض
سلطان-ساره روحي على ام كحلاء تطمنو عليها ودزيلي ام محمد تنزل هين اخذي الحجيه وياج
..خليني اني هين
..روحي يايابه ودزي حرمت حامد
..ماشي
..سلطان لازم ايدي ويلزم راسي شوي وحسيت ممرضه تصحيني ودتسحب دم مني يبوووووووووو
اتخبل من الابر
..شنو هاي
..بس تحليل
..هو شكو تره بس صخونه مااريد
سلطان-اسحبي عزيزتي
وانتي ديري وجهج لزم ايدي سلطان وسحبت الدم
..خلت جهاز قياس الحرارة وقاست ضغطي هم يبوووو هو شبيه متكلي
...غير نچيك وضعج شبيج
..هساع خلي نروح يم امي
... وهو قريب مني ؟ لزمت ايدو حرارتو هم عاليه
شنو السالفه شبينه شنو عديتك ؟ .........
مربوط عالتوالي وياج هههههه
...يلا كوم هساع بس تنزل ام محمد خطيه عالفاضي
..خل اشوف التحليل شوكت يطلع
راح لغرفة الدكتور ورجع مال امشي يلا ورحنه صعدنه بالمصعد لغرفة امي
كومني وكووووه امشي شبيه ماادري
بالمصعد يعدل بالرباط مالتو ويكول
تره والله حلو اني
..اي الشرطي بعين امو ضابط
...هههههههههههههههه دتعالي دحكي البنات بالفيس شوفي الرسايل شوفي الواتساب
..هااااااااااا والله الا تنطيني التلفون جيب
..اشششش يلا امشي فتح المصعد ولج شبيج مايهموني والله
..مااااعليه جيب التلفونات خوش مايهموك
...انتي مو مريضه شجاج صحيتي اسكتي
...دحكتله هيج😒 وعفته رحت امشي سريع لغرفة امي
..طبيت لين كاعدين كلهم حتى امي خطيه كاعده وجهها مرتاح بس حاطيلها صوندات 2
..مامااااا حبيبتي
حضنتها وبوستها الحمدلله على سلامتج ماما
..حبيبتي كحولتي الغالية
..شلونها امي هساع
..لا بابا زينه الف الحمدلله
..عجل بابا روح انت اسبح ونام
..بعد وكت
...السلام عليكم
..هلا ابو فهد حياك
..هلا عمي
..الحمدلله على سلامتج عمتي
..الله يسلمك يمه ماقصرت الله يطول عمرك
...واجبي عمتي ماسويت شي
...يمه ماسمعت خبر عن ادهام
..
الكل سكت صديت سارة مدنجة شوي
وكامت تبجي ساره سمعناه وامي بجت وياها
.. حظنتها كتلها امي لاتبجين مو زين عليج
..يايمه هذا خالج قطعة مني والله راح اموت
..دحكت على سلطان يفرك بوجهو كال:
..عايني بالله خير ان شاء الله يجي خبر
...امشي نشوف التحليل والدكتور وراها اطلع للمؤتمر
..نزلنه بالمصعد
لغرفة التحليل كعدنه ننتظر
ربع ساعه وصاح اسمي كام سلطان ورحنه للدكتور
..فتنه للغرفة وهم رجعلي لعبان النفس بس قوي شفت سلة اوساخ قريبة رحت تقيأت بيها ولزمتني ممرضة وجابتلي ماي
وسلطان لزمني دخلني للغرفة يم الدكتور
...شاف التحليل الدكتور كال جرثومة بالمعدة
سلطان-دكتور منين ؟ مااكلت شي البارحه بس طلبت عشا من مطعم والمطعم راقي
..لا مو شرط الجرثومه احتمال صارلها وقت
المهم لازم تاخذ هذا العلاج ...
..تمام
كتب العلاج واخذه سلطان سأله وين الصيدليه طلعنه بره الصيدلية اخذنه العلاج لين بيها مغذي وكانوله من شفت الكانوله اخترعت كتلو
ايهوووووو والله ما احطها
..اششش صوتج امشي
..ماااريد والله مااحطها يممممه دحك شطولها
... ضحك جرني كال بسرعه يخلص لا تخافين
...اهووووووو لزمني ودخلنه كوه عالمختبر وهاي الممرض اجه يريد يشكل الكانونه
..بربك مااريدها شبيك سلطان مااحبها اخااااف
..يلا يا ابويه وراي شغل
..اي روح
..عجل خما اعوفج هيج
..هساع دروح اني احطها عود
..اي لالا
..سلطاني الله عليك
..ول ابويه عندي شغل يلا كاكا استعجل
..وكف جدامي سلطان ومد ايدي للممرض وايدي الثانيه لزمتو بيها من ظهرو قووووي يبووووووو ااااااااخ اشتعلو اهلك
...هههههههه استغفر الله همزين مايفهم عليج
...شكل المغذي وخله بي ابره
وشالو سلطان كال امشي فوك يم امج
صعدنه بالمصعد وتلفون سلطان يدك
..ماجاوب كلتله رد
..رقم
..اي رد
..بعدين
..طبينه بغرفة امي صاحت سراب
...انفجعتي شبيييييج
..مابيها شوي صخونه
كالت ماما شجاج يا امي
...مابيه شي ماما
سلطان-يلا عمي امشي يوصلوك للبيت ترتاح هناك وهين البنات باقيات يصير شي يتصلون علينه
..كام بابا خطية وشكلو تعبان
رجع دك تلفون سلطان
.. كال اهووو منو هذا انوب .. فتح خط رد
...نعم
..هلا حياك تفضل
...ادحك بسلطان لون وجهو تغير ارتبك
...اكف اكف وين اللي طلعو ؟؟ مكتولين لو عدلين ؟؟
وين يعني ؟؟
وصلني بواحد منهم وشتريد اني حاضر شكد تكلفك فلوس حاضر انتظر منك اتصال
...كلو بابا خير ؟
...معتقلين يم داعش طالقين سراحهم بنفس منطقتنه ذابيهم
...صاحت ساره يااااااااااا الله ياااااارب مو بعيده عليك يكون عايش كامت تدعي وتبجي وتبجيييييييي
الى القاء متابعيني الاعزاء
انتظروني بعد العيد .. نكمل وياكم قصة خيال الكحيلة
تعرفون بعد ايام عيد .. مااكدر اكتب ...
ايام قليله ونرجع ان شاء الله ... لكم مني كل الحب
احبكم نشوى ❤️