مساء الخير حبايبي 😍😍
☆(قدري ونصيبي انت )☆ روايه حقيقيه
//...بقلم ((فاطمة كريم ))....//
#البارت الثالث ......
ضليت
ع هل روتين شغل وتنضيف ومشاكل ويه زوجي
بعدني عروس حته اهلي معازميني
عزموني اهلي رحت الهم لكيت اخواتي وبابا وماما كولش مشتاقتلهم والحنيتهم والراحه الي بالبيت
حسيت من دخلت البيت اهلي تنفست شميت هوه سلمنه وكعدنه ضحك وسوالف
بابا ها حبيبت ابوهه شلونج
الحمدالله بابا كوله ايسميني روح ابوهه حبيبت ابوهه عمر ابوهه كولش ايحبني ازغر العنقود اني
مر شهر على زواجي
وره شهر يعني روتين البنات اخواته ع كولشي مدخلات ويحجن هوه من شغل للبيت ومن يجي مبايله وكاعد اذا وزنه يجي يضربني موزنه كاعد اني شغل اكل ممقصره بشي
عمي ايحبني ماعنده شي ويايه بس عمتي بناتهه ايوزنهه وهوه هم
لاتنطيهه وجه تره تكدر عليك ومتحترمك اكتلهه وهاي ورى شهر يوم من الأيام حسيت نفسي
كلش دخت ولعبت نفسي ومااكل كلت العمه عمه آخر مره اجتج العاده اشوكت كتلهه من سابع يوم وبعد مااجت رحت حللت حامل
اتعجبت وخفت بس الله كريم الحمدالله
تصرفهم وياي موحلو وهوه ولا كنما مره لايسولف لاتضحك لايطلعني لاهاي بس اشتغل واكل وانام صار شهر من عزمونه اهلي واني تعبانه من النساوه وشغل ومحد يعذر اذا كلت بطني
لوشي يلعب لعب بيه هوه واهله خواته ٨ يوميه يمنه كولهن بيوت يم اهلهن كاعدات يسمعني حجي لاتتعايرين عود حامل واول يوم ومدري شنو كنه حبلنه وجبنه شراح اجيبين الصقر توسلت بي عفيه اروح الاهلي اخواتي من العرس الهسه مشايفتهن.....
حباب خلي اروح
لا شنو موعزمونه ذاك اليوم رحنه
ياذاك اليوم صار شهر والله النساوه متعبتني وجاي اتعب من الدرج اغيرنفسيتي اشوف خواتي
جاي احجي ويا رئستن اجاني راشدي طير وجهي
عود حبلتي تردين اتلعبين تكدرين عليه ماكو يعني ماكو روحه
كمت ابجي اصار بيه كلت اكو واحد مرته ستوهه حامل وبعدهه عروس هيج ايسوي يله الله كريم
ماما تكول اول سنه زواج عرك بعده ممتعلم عليه ولااني بس ليش يضرب
نزلت جوه سويت عشه وكعدت يم عمتي عمه ها عمه عفيه كوليله ياخذني الاهلي اريد اشوف اخواتي والله مشتاقتلهم
الله كريم اني اكله
مر اسبوع نفس الشي طك كلبي عليهم اخبارهم بس اريد اشوفهم روحي حنت الراحه الهناك وحضن بابا واختي اسراء وسوالفنه حملي جان كولش حلو يعني مومتعب عادي مرات تلعب نفسي ومرات اتقيه صار شهرين وماكو
من العزيمه بعد مرايحه سويت غده عمه كاعد وحده سويتله جاي
وكتله عمو كول الكرار ياخذني الاهلي عفيه طاك كلبي عليهم بليل رجع من المحل
كال اسن باجر اوديج اهلج حضري نفسج
طرت من الفرحه من كال اوديج باجر
طلع عمي محاجي كايله وديهه الاهلهه جاي احضر بالعلاكه وفرحانه
طب كعد ع جربايه باعي هي كتله ها كال آخر مره اتكلين البوي اريد اروح الهلي اني ابكيفي اوديج كتله
زين صار شهرين وانته متوديني ليش اكلك مشتاقتلهم والحمل مدوخني ونهار كوله شغل
عافني ونزل قبل مينزل لا تاخذين اهدوم هواي هوه يوم واحد
اني ضجت صار شهرين يله يوم ليش هوه ميتحاجه واعرف اخواته هنه ايوزن برأسه وهوه ازغير بس حته لو قابل اني عدوته احجي اني وروحي صار صبح نزلت كملت شغل وريوك وعجنت وخبزت
اجه من المحل ب١٢ تقريبآ
صبيت غده حمواتي يمنه كالن شني رايحه الهلج
كتلن اي والله من ازوجت الهسه مرايحه صار شهرين طاك كلبي عليهم
جان اتكلي هيه بعد المره من تزوج تنسه اهلهه
هوه واكف ي كللهه نهار كوله اهلي واهلي سكتت
خلصنه غده وهنه يحجن برأسه واني ادعي وين الله ايوديني ومايبطل جاي اغسل بالمواعين
كال ٥ دقايق الكاج خالصه راح اشغل سياره اني ثواني غسلت صعدت بدلت واخذت العلاكه ونزلت اركض سلمت عليهم وطلعت
واسمع تكول خاب شوفي اتحاجي صارت مره وياخذهه بسياره ازعطوطه الصفره
ولاجني اسمع صعدت وداني بلباب حته ماادخل كال يله نزلي سلمينه عليهم وباجر العصر جاي اوك الله وياك
راح دخلت الهلي تلكتني اسراء هلا بيج عمري شلونج بوستهه واحس صار سنين مشايفتهم
وماما وبابا كعدنه نسولف ويسئلوني شلونهم وياج
الحمدالله زينين
كعدنه سوينه اكل وكيك وكليجه كالت اخذي وياج خاف متاكلين
ونسولف بقينه اني والبنات بيت اختي شويه علينه
خابر عليه راح اروح الختي
هيه وين اشويه من اهلي فرع واحد عفيه والله مختنكه
ماكو طلعه اموديج الهلج لو الخواتج سديته
ضجت اسراء لاضوجين حبي هوه هاي اول سنه هيج من جيبين يتعود ويشوف الطفل بعد ماله
شغل بيج بكيفج كمنه نضحك صار صبح هم نسولف ونضحك اتونست كولش
ب٤ العصر تقريبآ كالو اجه رجلج يمه كلبي انقبض بدلت ودعتهم ورحت شويه من اهلي
اخته الجبيره كال نزلي انسلم ع كتله يله دخلت سلمت هلا شلونج من وره خشمهه هلا من البارحه لليوم هنا وماتمرين شهل خباثه كم بيت
ع اهلج كولي اسلم اشوفهه حماتي كتلهه والله اجينه العصر بين مسلمت وكعدنه صار الغروب
واستحيت اول مره ادخل عليج اعذريني يله هيه
مو كوه هنه الحموات مكروهات
لا والله ليش هيج تكولين والله ماعندي شي وياجن خواتي انتن
أثاري هوه جاي قبل الغده يمهه وكاعد متغدي ونايم وحاشه براسه حش طلعنه من يمهم بسياره
كال شني وين طلعتي ماوين
اني والله مااطلعت انته موخابرتك ع اختي مقبلت اروح كعدت وسكتت
ها خوش حسابج بالبيت
اني متت من الخوف هاي اخته الجبيره كلش اتخوف ويحبهه ويسمع كلامهه بس لاحاشه براسه عليه
نهايه البارت الثالث
بقلمي فاطمة كريم
.....