# رواية :مسارات حياتنا تتغير
#للكاتبه :وتين
#جميع الحقوق محفوظه للكاتبه ✋.
الحلقه الاولي 💞
تماره داهشه وتتنفس بقوا :اهوا العطر هاه
نزار خداه من يدها وطلع منديل وبخ اعليه ويشمملها فيه تالين بدت تفيق
تماره بفرحه :تي خيرك ياحصله رعشتينا
تالين تفتح وتسكر في عيونها :شن صار ؟
نزار يشبحلها وساكت ،،
تماره تضحك:واك تو يلي يشوفك يقول واعره وانتي غير شدلك شعرك طحتي بطولك
تالين تشبحلها وبعدين رفعت عيونها القت نزار شاد ضحكته ناضت:اضحك اعلاش شادها
نزار يضحك :اما انتي الا كيخ تو شن طيحك وجعاتك
تالين تلم في شعرها :لا لا ماوجعتنيش بكل هو انت مسدت اعليه شن جبدته بجلدته وضحكت بهزوه😑
نزار مستغرب:بجد وجعاتك يعني😨 ؟
تالين وقفت :مش مهم 😐
تماره :حقا تالين مش معقوله بدوخك 😷
تالين تلفتت :اني مش فاطره ولا واكله شي اكيد هبوط شن تسحابي ضعيفه لدرجه هادي
نزار وقف :اني اسف وخيتي 🤗
تالين بهزوه :مش مقبول نزوري
نزار متعصب :معاش تقوليها هادي شن نزوري 😤
تالين تضحكله :باه نزار
نزار ابتسم : شن نجيبلك عشان ترضي
تالين تفكر:اممم لييييز متع كاتشب وليمون وسامينسه تركيه وبيتزا وشاورمه 😊
نزار :بس ؟
تالين رمشت عيونها :بس تو كان تفكرت نتصل بيك
نزار يحرك في راسه:لا حول الله تسحابني راقد ع بنك
تالين :مش خساره في وخيتك نزوري ومشت تجري
نزار حدف اعليها المفتاح تخطاته وتضحك
طلعت امهم ،،
زينب :توا لاه اعليك كان جاء في عينها توا
نزار يضحك :تي بنتك زي القطوسه بسبع ارواح مايصيرلها شي
الام:ماشاء الله ربي يحفظكم اكل
نزار فتح الباب :ان شاء الله ياامي هيا توصي شي
الام :سلامتك بس
،،،،،،،،،،،،،،،
في التانويه
ريفال نخلعت غمضت اعيونها
ايمن يصفق وعيونه شرار: شن مزال كملي
ريفال زمطت ريقها وفتحت اعيونها وتشجعت :شن غلطت متلا
ايمن متعصب: هدا كله وماغلطتيش
ريفال تلفتت وتمشي :ماجبتش شي من راسي
ايمن ع اعصابه :احترمي نفسك وشدي لسانك خير 😤😡
ريفال مشت بدون لا ترد ركبت للفصل واول ماوصلت الدور التاني حطت يدها ع قلبها ودموعها ينزلو :يعطيه مايرفعه رعشني خزي مغرور ومعقد
وتافهه تو نوريه يسحاب بنسكتله
نور تضحك من وراها :شن بتديري وانتي قدامه حتي صوتك راح 😂😂
ريفال تعصبت :اني مش مهبوله باش نتناقش معاه ويجو الاساتده ويقولو اي موعد غرامي
نور تضحك :باه علاش تبكي عادي
ريفال معصبه :اقلبي من اعليا وانتي تضحكي قلبي قريب طاح
نور تضحك :سلامة قلبك ياقلبي
ريفال ضحكت بهزوه ومشت لفصلها وتتكلم :توا اني علاش خفت منه مش كنت نتكلم وعادي شن ح يدير هو ضرب مايقدرش يضرب وعلاش رعشت هكي استغفر الله قالك عيون ملونه هما ولو شرار احمر 😵
نور تضحك :شن امالا هبلتي تتكلمي بروحك
تالين خشت فصلها من غير ماتتكلم اشوي وضرب الجرس ركبو كلهم (التانويه مختلطه من دورين الاول لي الاولاد والتاني بنات في المدرسه ساحتين خارجيه وداخيليه البرا الاولاد وداخل البنات اما كيف تلاقوا ريفال وايمن في ممر الاداره)
،،،،،،،،،،،،،،،،،،،،،
تماره خشت تكشخ ومعصبه :ضهري تكسر ياماما مره الجايه نزار ياخدهم للغسيل الالي احني قداش منا
تالين تدمع :حتي ظوافري تكسرو واني نكد في الفرش
زينب :احني كنا نغسلو في الفرش ونطيبو ع النار ونحصدو ونديرو في الدنيا كلها ومانشكوش وانتم ع فرش درتو هالحاله ملا جيل والله وتلفت للتلفزيون
تالين تضحك وتشوف فوق :الحمد الله ياربي ان الدنيا اطورت وجينا في الجيل الجديد 😂
تماره تضحك :نتخيل فيك تالين هكي في خيمه وتطيبي ع النار
تالين تضحك معاها :اي وانتي تحلبي في البقره
وخشو دارهم يضحكو
زينب:اسم الله بنات توا ماينقدروش
تالين ادور بالقفطان :ها شن حلو
تماره تشوفلها من فوق لا لوطا :اممم ترا مش حلو هلبا جربي تاني
تالين طلعت تاني :باهي هدا 😵
تماره :ترا جربي
تالين شوي وجتها : شن ؟
تماره :ترا افتحي شعرك
تالين فتحاته :هاه
تماره عيطت :طرف يابنت تهبلي
تالين تضحك :خزي تقول ندوي مع نزار شن طرف
تماره :هههه انتي بكل دايبه رقه طرف يعني حلوه شن فيها 😂
تالين تشوف للقفطان : حلو ولاه مع كندرتك الحمراء 🙈
تماره عيطت :مع عينك لا
تالين بترجي :صحه هو غضوه بس في الزفه ونرجعهالك
تماره طنشت وماردتش
تالين ببراءه:تموره هدوكا سماعاتي الورديات يلي عجبوك
تماره :عنجد تموره خيرهم باه
تالين :مش تبيهم خوديهم 🙈
تماره 😍:والمقابل
تالين :الكندره 🙈
تماره فرحت :باه معاش بنرجعهملك راه
تالين من غير نفس:فداكي 😷
تماره تركب فيهم و تضحك
،،،،،،،،،،،،،
في التانويه 🏬
ريفال تسكر في الشنطه :امتي بيرن الجرس
نور : شوي تانيه
ريفال :تشوف للساعه وتفكر
نور تشبحلها :شن تفكري
ريفال :تو مش هداكا البارد يروح من طريقنا
ضحكت :من البارد 😂
ريفال :معاش تتغابي ايمن من غيره
نور:وباه شن الجديد ماه ديما يروح منها
ريفال بخوف:تعرفي خفت منه بكري كيف يكشخ ماخافش حتي من الاساتده
نور تخوف فيها :اي هو قالو هكا يلي في راسه يديره
ريفال زمطت ريقها وتلفتت للسبوره
ضرب الجرس🛎
نور ناضت :هيا اطلعي
ريفال وقفت :هيا
ايمن طلع جري وركب في سيارته قدام بوابة المدرسه
ريفال نازله وتتلفت
نور :خيرك رقبتك بتنكسر وانتي تتلفتي شن ادوري
ريفال تلخبطت :شي شي
طلعو للساحه وقربو من البوابه
ايمن فتح الروشن
ريفال بخوف مركزه ع السيارات وفي نفسها وينه زعما ورانا خلي نسرع قبل لا يطلع تلفتت لنور :هيا وانتي تتمختلي تقول تمشي ع الدحي
نور :غير شوفي عيونه عاكسه اعليهم الشمس يهبلو
ريفال تلفتت:من هو ياهمي وانتي مامخليه حد في حاله
نور ضربتها :تي ايمن ياحماره هو ديما نحكي اعليه
ريفال وقفت:وينه ؟
نور تاشر :هويني اللبوه البيضا هديكا فيها
ريفال تركز وجت عيونها في عيونه حركلها يده :هيا بسرعه تحركي وتكر في نور من يدها
نور تتبسم :خليني نستمتع بالجمال
ريفال تكر فيها :خزيي ع الخفيفه
طلعو ع الرئيسي وايمن وراهم بالسياره
معتز صاحب ايمن :فكنا ياراجل هادو من جيهتنا تو يشهدرو بينا
ايمن يتبع فيهم :ماعندهم مايديرو
معتز يتلفت :تي نعرفهم اماليهم فكنا منهم دور غيرهم
ايمن :مش حب فيها لاكن هكي بنديرلها هاجس وين ماتمشي تلقاني
معتز يشبحلهم :اي وحده فيهم
ايمن يلي لابسه ويشاح رصاصي ع اليسار
معتز مركز من المرايه وابتسم :غير رد بالك اطيحك بس
ايمن يشوفله :لا ماتخافش مش موضوعي التكبيد
معتز ضحك :تو نشوفو يابرو
ريفال ونور بيقصو طريق ترابيه تدخل لشارعهم
ريفال:خزي مايتحشمش ماشي جاي ويتبع من بكري
نور:شكله كبد
ريفال :اني وين وانتي وين
معتز شده من يده :خلاص فكنا شارعهم هدا ومعاش في كيف تخش الا قدام حياشهم
ايمن باه غير استني شوي ويقدم
معتز عصب:خلاص ياراجل قلنا شارعهم وهما التنين بس قعدو ريح روحك وارجع
ايمن :متخافش نعرف نصرف بنرجع بس بندير شي
معتز :لا حول الله وخلاص
ايمن يقدم وتبسم قرب منهم فتح الروشن و
،،،،،،،،،،،،،،،،،،يتبع
لايكاتكم وتعليقاتكم تشجعني علي المتابعه في الكتابه قراءه ممتعه ❤