سكتت ماجاوبتة
جبل يلة كافي سهر امشي نامي
مينا ما اريد انام هنا
جبل مينا كومي ولتعصبيني
مينا دا اكولك ما اريد
جبل ها وتكولي اني اعصبك مينا كوميييي
مينا اني خفت من نبرة صوتة ونظراتة
مينا كمت كمت صعد قبلي للغرفة اني لميت الصالة صعدت للغرفة لكيتة نايم على الجرباية وخال ايدة على عينة رحت اتمددت على الجرباية غمضت عيني اتذكرت اهلي وفف كمت ابجي
جبل ليش تبجين
مينا مامتعوة انام بدوم ما اكول لكول اخواني تصبحون على خير وابوسهم وابوس امي وابرية ونام وفف
جبل بنهاية الاسبوع يجون ويضللون العطلة كولها
مينا بس
جبل بس شنو
مينا صگر محيجي
جبل ليش
مينا ضابط ومينطو اجازة
جبل بلكي ينطو اجازة هسة انتي كافي بجي ونامي
اني غمضت عيني ونمت ثاني يوم حسيت بشي حار يم ركبتي ويجكج بركبتي فتحت عيني شفت جبل خال راسة بركبتي ولحيتة دتجكجكني باوعت على الساعة شفتها بال 8 الصبح
مينا يااا جبل مو عندك دواممم
جبل يي ادري بالتسعة اروح
مينا ليش مو دوامك بال ثمانية لازم
جبل اي خابرت المدير وكوتلة بالتسعة اجي وهو قبل يحجي وراسة بركبتي
مينا جبل
جبل هاااا
مينا لحيتك دتجكجكني وخر
جبل ردا لذاك اليوم من كعدتيني
مينا حباب والله لحيتك حتزرف ركبتي والله
وخر جبل مني كمت طبيت سبحت وطلعت رحت للمطبخ سويت ريوك شوية ونزل جبل ولابس العسكري يخبل طالع
حطيت الاكل على الميز وكعدت آكول بس حسيت عيونة طبت بنص ضلوعي من هلكد ميباوعلي فصلني تفصيللل
جبل التراكات بعد متلبسيها
مينا ليش بلةةة
جبل كوتلج ممنوع كدام اخوانييييي مفهومممممم بعصبية
مينا مفهوم بس لتعصب
اني كمت لان انسدت نفسي
جبل وينن
مينا ما اريد شبعت
مينا اليوم تجي على الغدة لولا
جبل يي اجي اليوم اطلع زمنية وارجع
مينا ها لعد اليوم شسوي غدةً
جبل سوي اممم خل افكر امممم دولمة
مينا تحبها حامضة
جبل يييي
مينا خوش لعد
جبل الحمد الله والشكر خلصت يلة اني راح اروح
مينا الله وياك
جبل ديربالج على نفسج ولتفتحين الباب لاي احد
مينا وك
راح جبل واني لميت المواعين وغسلتهم وكعدت اسوي الغدة سويت دولمة وفتوش ولبن سويتها دولمة حامضة ولاچعة من جوة (تعرفون شنو لاچعة )
شوية واجة جبل بدل واجة ياكول
جبل امممم طيبة عاشت ايدج
مينا شكراا بالعافية
جبل الله يعافيج اكلنا وخلصنا سويت جاي وشرب وراح شسوي هسة انييي ضوجةة خل افتر بالبيت افتريت بالبيت تصميمة حلووو والغرف حلوة
طبيت للغرفة مالتي فتحت الاب جان اشوف كولها اجهزة رياضية. تخبللل
افتريت بيها شوية ورحت اخابر صديقاتي واهلي خابرت اول شي صديقاتي مكالمة جماعية
مينا هلو بنات شلونكم
يويو تمام ونتي
هبة الحمد الله ونتي
مينا مو تمام
مريم ليشش سوالج شي اذاج
مينا ييي
فاطمة شلوننن
مينا يتقرب مني يتحارش بية بعدين يوخر مني ويكوم يصيح كولجن نفس الشي وبعدين يصير عصبي ميتحاجة والبارحة وسكتت وكمت ابجي
يويو لتخبلينة شبيجج
هدهد احجييي ولج شكوو
مينا البارحة تقرب مني وبعدين وخو وصار عصبي تغدينا وسويتلة جاي الجاي والله حارجان يكولي هذا ليش بارد الجاي كوتلة والله حار جان سكب الجاي على وجهي
مريم شلون يتجرااااا
طوطة وانتي سكتي مووو
مينا وف شسوي غير يكب بوجهي
هدهد طاح حظج فاهية جاوبي ولتخليني يمتد ايدة عليج
يويو اذهلينا بعد شسوالج
مينا باسني
البنات شنوووو
مينا يي والله
البنات ليش
مينا لان كمت ابجي علمود الفلم وهو باسني يااا صدوك بنات لو تدرون منو شفت بالهورة مدري شسمها
البنات باستغراب منو
مينا ريمممم
البنات جذابةةة
مينا يي والله هية ومراد اخوها
هدهد شگد مشتاقيلها
مينا اخذت رقمها ادزلكم رقمها
البنات يي
مينا لعد اليوم حدزة على الكروببب
البنات وك
ظلينا دك سوالف بعدين نهيت المكالمة وياهن وخابرت امي
امي هلو يمة شلون اخبارج مشتاقتلج
مينا تمام ماما والله اني هم مشتاقتلج انتي شلونك بابا صگر صخر جبل
امي وفف لو تشوفين البيت حالتة حالة
مينا يااا ليش
امي اخوتج اعصاب وميتحاجون وخف مزحهم وضحكهم ابوج قليل يسولف وية عمامج وجبل خوب تهي بهي ولا يضحك بس ضايج ومهموم عليج وندمان لان مسلم عليج
مينا وففف هففف
امي شلونج وية جبل
مينا تمام عايشة ويا متحملة
امي يمة ابوج يريد يحجي وياج
مينا اي يمة انطينيا وراهة اخوتي مشتاقتلهممم كومةةة
ابوي هلة بنتي شلونج اخبارج مشتاقلج
مينا الحمد الله بابا وانتي اني مشتاقتلك اكثرررر والله
ابوي شخبارج وية جبل
مينا تمامم
ابوي بنتي هاج صگر خبصني خبص
مينا هههه
صگر الو هلو مينا شلونج اخبارج شكو ماكو ليش مادكيتي البارحة بالي ظل يمج اذاج سوالج شي احجي
مينا هوب هوب اكلتني بكشوري لحظة الحمد الله واني مشتاقتلك اكثررر والله والبارحة رحت يم خوالي ومادكيت نسيت
صگر شلونهم خوالي
مينا الحمد الله يسلمون عليكم
فجااا كمت ابجي
صگر ليش تبجين ياعيون اخوج
مينا هفف مشتاقتلكم ولله
صگر والله احنة هم مشتاقيلج
فجاا وبصوت عالي
جبل &ولك صگير انطيني مينةةة
مينا ههه انطيهيا
صگر هاك
جبل & هلو مينا شلونج اخبارج اختي مرتاحة والله حيلل ندمان لان مودعتج البارحة
مينا اني زعلانة منك ياحلوو
جبل & افةةةة ماعاش الزعل
كمت ابجي
مينا ليش مودعتني
جبل & هف ماتحملت انتي حتروحين ورحت يم حسام
مينا وف وف منك يلة انطيني صخر
جبل & بس لا زعلانة
مينا يي بس باليل راضيني على الكروبب
جبل & اوكك
صخر هلاو حياتي شلونج
مينا تمام يعمري وانتة
صخر صرت زين لان سمعت صوتج مشتاقلج خبلتي ،
مينا واني هم صخرتي هههه
سولفت شوية وسديتة نزلت سويت كيك وزينتة بالككاو بس ماعدهم فرولة خابرت على جبل مرة مرتين ميجاوب اخر شي رد
مينا الو وينك صار ساعة ادوك عليك
جبل شتردين فضيني عندي تحقيق
مينا بس ردت تجيب وياك وفجااا انقطع الخط عرفت سدة خوشش يا جبل خوشش
اسف والله لن البارت قصيررر بس والله مدا اكدر اكتب خايفة اليوم النتائج مالتي ادعولي اطلع معدلل عالي والة اعوضكم ببارتين طوال وموعد التنزيل كل يوم بليل ساعة بال4
احبكم الكاتبة مينا