ونرجع للمكالمه القبييل زولنا دااك..
قاعد في نص السرير وبيعاين لي تلفونو ومستغرب😟😟
بينو وبين نفسو بيتكلم الحاصل عليها شنو البت دي
ودا منو الحبتو وخانا وخلاها
اتزكر بحة صوتا لمن قالت " اسفة غلطانة في الرقم" وحسي برعشة غريبة 🙈🙈في جسمو وابتسم لا اراديا وسرح🙊🙊
صرخت "يوسسسسسف" اتخلع وقال بسم الله يا ميار مالك بتصرخي
كشرت وقالت ليو من قبيل بكورك ليك وانت بتتبسم زي المجنون😨
يوسف زادت ابتسامتو قال ليها صوتها خلاني مجنون وعيان😍😍
ميار :قوووم امي من قبيل بتناديك
وطلعت تنقنق وتقول يا حليلو اخوي جني
يوسف عاين لي تلفونو وحفظ الرقم وبينو وبين نفسو اصرا الا يعرف حكاية البت دي شنوووو
....
يوسف 28 سنة شاب وسيم وسامة مبالغة اخدراني نضيييييييف شعرو نااعم ومعضل 😍😍
يوسف وميار ولد وبت وحيدين لي امهم وابوهم
اختو اصغر منو اسمها ميار عمرها ١٨ سنة
يوسف ابوهو زول ومعرووف في البلد عندو شركتين ومعرض سيارات
المعرض ماسكو يوسف بحكم انو قاري هندسة مكانيكا
بالرغم من انو وسيم ومرتاح بس عمرو ما فكر يحب ليو بت عندو صحبات من ايام الجامعة بس علاقتهم بحدود..
يوسف طلع المعرض وطوووول الوقت هو بفكر في المكالمة الجاتو دي وكيف من صوت البت كان باين عليها انا مجروحة وكيف انو صوتها حنين وسرحاان الوقت كلو😍😍
شال يوسف تلفونو واتصل
رد :الو يا مان وينك ياخ وقاطع خبرك من امس م شفتك
يوسف :حوتا وين انت
محمود صاحب يوسف الروك بالروح من صغارر كبرو واتربو سوا ..زول بتاع فرفشة وونسة وضحك وهظار وروحو ونفسو البنات عكس يوسف تماما بس البشوفهم بقول اخوان
رد محمود: تعال لي البيت ..في شنو يا يوسف ؟؟
يوسف :لمن اصلك بحكي ليك
محمود : اوووك يا مان
يوسف طلع من المعرض وطوالي لي محمود عشان يحكي ليهو الحصل وفعلا حكي ليهو كل الحصل والمكالمة من اولا
محمود ساااكت بيسمع بعد خلص يوسف كلام ردا محمود "وانت مهتم بالموضوع دا كدا ليه؟ بت وخطيبا خلاها قبل العقد بدقايق عشان مشكلة بينهم انت ماااالك ومالها"😒😒
يوسف: ما دا زاااتو المجنني يا حوتا من وقت قفلت وانا ما قادر اطلع القصة دي من راسي وحلفت الا اعرفا واعرف الحاصل
محمود استغرب من كلام صحبو بس افتكر انو مجرد تعاطف من يوسف مع البت والحاصل ليها
محمود :يا فردة تيك ات ايزي وربك كريم
وائل حس باستغراب صحبو وحب يقفل السيرة وواصلو ونستهم عادي لحدي ما كل واحد دور عربيتو ومشي
رجع يوسف البيت ولسه بفكر في صوت البت وكلاما (صوت ريان) لحدي ما نام
فتحت عيونا من النوم اتزكرت الحصل طوالي عيونا دمعوو
ابوها جاء الغرفه ودخل لقي ريان بتبكي
حامد: اوعديني ي ريو انك ما تنزلي دمعة من عينك تاني عشان الحيوان دة ريان سكتت وماردت يابتي اوعديني ان شاء الله يا بابا دموعي دي تاني ما تنزل الا تكون دموع فرح 😁
نزلت ريان مع ابوها بره ولقت اخوانها
وقعدو يتونسو ويضحكو عشان يغيرو جو ريان وهي ولاااا علي بالها شربت الشاي بالغصب ورجعت غرفتها والبقية سكتو واحترمو رغبتها تلفونها ضرب لمن الاتصال قطع ما اهتمت تشوف منو المتصل ولا اهتمت انها ترجع
في بيت يوسف
ياربي ارجع اتصل تاني ولا لا ؟؟
ياربي حترد ؟؟
وشايل تلفونو يمشي ويجي في غرفتو قرر انو يتصل تاني
اتصل وقلبو بيضرب بطريقة غريبة واطراف يدينو باااااردة 😰😰
يوسف مستغرب من الحاصل ليهووو
ريان تلفونا اتصل شافت التلفون الرقم غريب
ردت بكل هدوء ووببحة صوتها :الو
يوسف واعصابو تلفت وحسي انو صوت ضربات قلبو مسموعة : الو
سكتووو
يوسف اول مرة يحس احساس زي دا😂😂😂
وريان استغربت من السكوت
لم طولو ساكتين
ريان.. مين؟
يوسف : انا.... وسكت
قال ليها انتي اتصلتي امس وقلتي ...
قاطعو صوت ريان معليش يا اخ بس الرقم كان غلط وانا كنت متصلة علي .....واتغير صوتها وبدت تبكي
يوسف: ما تبكي واسف والله والله ما قصدي اقلب عليك المواجع بس حبيت اعرف.....
سمع صوت .. وريان نزلت التلفون
في غرفة ريان دخلت ميمي الغرفة من غير ما تدق الباب وقالت "ريان قومي ارح نتمشي وقشي دموعك والله ما يستاهل دمعة من عينك الحقير دا "
ويوسف في الخط عرف انو اسمها ريان
ريان: بس اديني ١٠ دقايق البس.
ميمي طلعت ..
ريان اتزكرت انو الخط فاتح
رفعت التلفون وقالت الوو...
يوسف : اسف ما قصدي اجرحك
قاطعتو ريان: معليش يا اخ ياريت ما ترجع تتصل علي تاني و زي ماقلت ليك اتصلت بالغلط امس وقفلت الخط
بينو وبين نفسو قال "..ااااااااخ من صوتها حيجنني ابتسم للاخر "معقول يا يوسف الانت حاسيهو دا اسمو الحب؟ معقول حبيت البت من صوتا؟؟"