هاي ✌🏻
بنقوللكم قبل ماتقروا الحلقه هادي شوفوا الحلقه اللي بعدها لانهم نزلتهم في الوتباد غلط وما بوش يتساوا♥️فا اي برو اقروا الحلقه اللي بعدها بعدين ارجعوا للحلقه هادي تمام ♥️✌🏻
بصرآحة يابنات الحلقة فيها موقف يضحك 😂💕
بس قلت يمكن نلقو شي نفسية "حاشاكم" اهني 💔
فلدآلك بليز كان ماعجبكمش الموقف شدو لسآنكم عليا ، وادكرو انها روايةة كوميدية ☺💕
____
"قرآءة ممتعةة للجميع 💕"
.
.
~
- كـان دعائي حين ألقـيٰ وجهگِ : "اللهّـم حياةً تُشـبهُ حُـسنها " 🌸🍃
~
.
.
وإذا دخلتُم القلوب فأحسنوا سُكناها .. فإن خرابَها ليس بهيِّن .❤️
.
.
~
_____________
#الحلقهہ_الثالثهہ 🐸🎼
#بـنقـلةة_حـوشـنــآآ 🐸🎼
للگآتبة
#Şoñą🙈
#بقلمي
صفحةة ؛ حگآيةة قلب • 💛🎼
* * * * * * * * *
.
.
~
"عيونها السود الممزوجات ب الدموع مافارقوش خيآلي آبدا" ....
~
آنــــــآ ہہ "
"طلعت من عنده ودموعي ينزلو وفتون تهدي فيا ..
انا : التافهه الحقيير هادا ، اوكي غلطت بس مش هكي عاد ، مغرور متكبر وياريت حتى ع حاجةة مسقمة 😢😏
فتون : خلاص نصيبِـَ ، فوتيه وماتنسيش انه المدير يعني حاولي ماتحتكيش بيه نهائياً ، "وضحگت" ؛ ماه اصلا مش مستعده نخسر عمل ف مكان زي هادا ومديرنا طرف 😂😍
انا "شبحتلها ع الجنب" : اشبح اشبح ف شنو تفكر ، مصح وجهگ ياتافهه
فتون : ههههه هادا الحق شن بنكدب عليگ 🙈
انا : هوا من ناحيةة "حق" ف هوا حق هههههه
فتون : بس طرف العطيب
انا : طرف مغرور ومتكبر 🐸
فتون : اطلع ياحق ربي
انا : هاهاها برااده ، اسكتي باللهي وخلي نمشو المكتب ؛ واحني فتحنا ميعاد فالممر
فتون : go 🚶
_
_
_
_
بسنت : هههههه هوا ديما طبعه هكي "حااد!" توة تتعودو عليه
انا "طرمت شورابي" : لاككنه بلليييييد ومتكبر ومغرور وشايف روحه ع الفااضي ؛ اووه وييعه 😏👋
فتون & بسنت : ههههههههه اووووه
انا "شبحتلهم ع الجنب" : على فكره مااضحكش 🌚
بسنت : اتتي توة بس اكتشفت من البليد فينا 🐸
فتون : هههههه من زمانگ
انا : مقهورات 😝
_
~
_
"مر الوقت هكي ، تعرفت ع البنات اللي ف المكاتب اللي جنبنا ، وفهمت الشغل كيف ، وشن دوري بالضبط ! ؛ وزدت تعرفت ع بسنت ؛ بجد كانت بنت تنحب وتخش القلب ، ووقت المرواحةة جانا "قيس" روح بينا 💕..
~
_
~
فـتـــون ""
".. واللهي تعبت ، كل يوم نشوف فيه ، فـ ضحكته فـ عيونه ؛ ونتعدب ! ؛ عارفةة انه مش لياا ومستحيل يكون ليا ، يمكن يشوف فيا گ أخت بس ! ، ويمكن مايشوفليش آبدا ! ، اخخخخ وخلاص واللهي تععبت ! ، كل مانشوفه قلبي يدق ونحس حرارةة مفاجئة ركبتني ، نتوتر ونتلكمس ونخش ف بعضي ؛ أبسط موقف صغييير بيني وبينه ، حتى لو كان شي طبيعي جدآ ومش عليه القيمه اللي تخليگ تنتبهله ! ، بس اني نقعد نفكر فيه مليوون مره ومره ، نحس وكأنه قالي "نحبگ" او شي زي هگي ؛ ياااربي ألقي محبتي فـ قلبهہ ، كنت ندعي من قلبي "ياااارب لو كآن فيه خير قربه ليآ ، ولو كآن فيه شر اصلحه واقربه ليآ👐" لأني من بعده نمووت 💔..!
.
.
.
.
\
أصعب حب هوا حب من طرف وآحد ، تحس روحگ ميت فالحيآه ! 💔
/
.
.
.
.
.
~
وصلنا الحوش ، وع قد ماشديت فـ فتون باش تخش ، رفضت ! ، خشيت الحوش سلمت ع العيلةة المتكونه من "بابا وماما" هدرزتلهم ع أجواء العمل ، وتجنبت اني نحكي ع التيس ! "مرآد" ، اصلا عادي ناتستغربوش فيا لمى انعصب نقول اي شيء ،، وركبت ل داري ، الصرااحةة نسحن ع اللي مايسمى "مرآد" ركبلي الضغط الـزح ...
غيرت حوايجي ولبست توتةة ربيعيةة ، جوري كانت راقده ، وحدفت روحي ع السرير ، جيت بنفتح التلفزيون بس للاسف ماباش ، ادكرت انه الريسيفر فاسد ؛ اووووف ياربي ، سمعت عصافير بطني يقزقو 😂😢، درت قفزةة لولبيةةة ، طحت منها ع الارض 😖 ، اخخ ياربي من يوم يومي حمارهه ..
ولك هااا على حظي 👋
"نزلت نجرري ، لقيتهم معقبيلي من الغدي ! ، نحيت مغطة الصونيةة وعيونيے ولو هگي >> 😍
نااعليااا ، ماما مدايرة رز ب الكبسة والدجاج والبطاطة ؛ يممم يمممم ، اصلا مش عارفةة علاش الناس تحب ف بعضها ! ..
قصدي احلى حب هوا حب الاكل ، ع الاقل الاكل مايخونش ومايغدرش 🐸 ، باللهي خلي نمشي نجيب مشروب "قازوزة" خيرلي ، وخشتلي أوشي "قطوستي" من الباب متع المطبخ ، قعدت نلعب فيها ومره مره نوكل فيهآ من غداي ..
~
.
تغديت هاداكا الغدي اللي يمسح الگبد !
وغسلت صونيتي ، و طلعت أوشي قبل ماتشوفها ماما وتمسح بكرامتي الأرض 🌚 ، وركبت فوق ، الكل كانو مقيلين الا السي هيثم قاعد ف المستشفى ! و الحوش كان هدووء ؛ خشيت ل الدار وحدفت روحي ع السرير ومعاش نندري ع شي بعدها 😴..
~
.
.
•
••||
جوري : نووضي يامخمجةة ساادگ نعن دااا
انا : هممم اممم خليني ف حااالي يااحمااره
جوري : راه واللهي ننتقل للخطةة (ب)😈 ...
انا : اووف اووف خلاص هاه "وقعمزت" : خيرگ ؟
جوري : نااااعلياا عموري قاعد لوطهه 😍
انا : باه وبعدها ؟
جوري : يعني قصدي قاعد لوطةة هوا وعمي يخطبو فيا ياحمارة
انا : كييييف ؟ ، مش مفرووض تجي عمتي ورتاج قبل ؟ 😱
جوري : هئ هوا قالي اني دويتلهم وماعندهم ليش يجو وسريب زايد ، هما يعرفوك يعني ، وهگ
انا "حضنتها" : ناعلياا ياهبلةة واخيرا ح تنخطبي وتتزوجي ل عمورگ اللي قطعتينا بيه
جوري "ضحگت" : خززي تافهه
انا "طلقتها وغمزتلها" : مش طالعةة ل حد براني 😉
جوري : هههههه
انا : ت برري ياحماره ديريلهم القهوة
جوري : لا اصلا درتها وعطيتهالهم
انا : تمام
جوري : اووف تعرفي خايفةة
انا : لالا ماتخافيش كله ح يمشي تمام انشاء الله
جوري : انشاء الله يارب
"ع خشت هيثم"
هيثم : انتي ياحماره
انا "ضحگت" : اني ولا هيا 🐸
هيثم : هيا هيا 😂
جوري : ءءء خيرني ؟ 😨
هيثم : البسي عبايتگ وانزلي ؛ ولد عمگ خطبگ وبديري مقابلةة شرعية
انا : بس كيف و عمي قاعد ، واصلا ليش المقابلةة ماه يعرفها 😈
جوري "فنصت عيونها"
هيثم : انتي اسكتي ؛ عمك روح وعمر قعد ، باش يتفاهمو
جوري "بدير روحها رازنه" : اصلا انتو من قاللكم نبي نتزوج اني 😣
هيثم "فنص فيها" :هيا كلمةة وحده يافرخةة وتي روحك والحقيني ويعدين نتفاهمو "وطلع وقرربع الباب وراه"
جوري "وقفت وقعدت تنقز ع السرير وفرحانه" : ناااعليااا نااعلياا واخيرررااا 😍💃
انا "نقلد فـ صوتها" : اصلا انتو من قاللكم نبي نتزوج 🐸
جوري "ضربتني بالمخده" : برري ياتافهه مش ح نعكر مزاجي ع شآنگ 😜
انا : ههههه غر اهدي ياهبلةة ، وتعالي خلي نحطلك حاجة ع وجهگ ، اللي رايح اصفر زي المومياء
جوري : 😒
.
.
.
~
"درتلها ميگ آب خفيف ، ع السريع ، وغيرت حوايجها لبست عبايةة حلوة ووشاح ، ونزلت 💕...
●
●
●
●
جـــوري ••||
"طقطقت ع الباب وقلبي يدق بالقووة ، ويدير ف اصوات عبييطةة بكل ، تقول اول مره بنشوفه 🙈 ، خشيت طلقت السلام ورد عليا ، استأذن هيثم بعذر مكالمةة ، وبابا ماكانش قاعد اساسا ..
عمر "وقف وقرب ، قعمز جنبي"
جوري : ءء عمر
عمر "شد يديها وباسهم من الداخل" : عيونه وقلبه وروحهه 😍
جوري "ابتسمت ونزلت راسها لوطةة"
عمر : نعلياا زايده محلوة ، نحبگ جوريتي
جوري "ابتسمت"
عمر "بحركة سريعةة باسها ع خدها"
جوري : 😳
عمر : هههه خلاص مش قادر نشد روحي
جوري "ضرباته ع كتفهه بالشويةة وبدلع" : يااباارد توة يخش علينا شي حد 😒
عمر : هئحم ، باه خيرك حلوة هگي ؟ ، ت نوضي قبل ماندير حاجةة "وغمزلها"😉
جوري "تنطرت وجت وااقفه" : مببردك
عمر : ههههه يااحمااره نحبگگ مستحيل ندير حاجةة تأذيگ 😂
جوري : اسسس وطي صوتگ ، تحساب روحگ ف مربوعتگ ، ت اصلا انت علاش ماقتليش انك جاي اليوم ؟
عمر : ههههه حي ع الهبلةة بري بري ، توة بعدين نهدرزو
جوري : ههه اوكي سلام 💕🙈
عمر : سلام 😍
"وطلعت من المربووعةة واني قلبيي يددق بالقووة ، مش عاارفهه شن خرطت الداخل 🐸 ، بس اللي نعرفه اني ماكنتش ب وعيي 🙈 ، ياناااس يههبل ، ريحته ، وريحت عطره المخطلته ب انفااسه وريحةة دخانه ، اخخخ وخلااص ، للحظةة قريب رميت روحي ف حضنه ، غرر اهوو درت روحي تقيلةة وجو 😂 ؛ طلعتت ، ومشيت نجري ل الدار ، خشيت وسكرت الباب ، لقيت نصيِـب فوق سريرها وشاده أوشي "قطوستها" وتلعب فيهاا ، واول ماخشيت استلمتني وخلتني نبكلها الشكارة كلها ..
~
.
.
.
.
~
_ ,✨
آنــــــآ ہہ "
".. مر هاليوم عاادي جدا ، طبعا واكيد وافقنا ع عمر ، مرو هاليومين ، نمشي للعمل ؛ نحاول نتفادى مرآد ب اكثر قدر من الامكان ؛ نروح للحوش كله روتين ، حتى تلفزيوون مااعنديش 😢 ، لين جت عشيةة اليوم اللي خلاص فديت فيه 😭 ، ملل وكساد ومافيش شن ندير ، ماما عند ع نعيمه جارتنا ، وفتون مشت ل حوش خالتها ف الليل مروحه ، وجوري راقده ، والكل طالعين ، ورصيد النت كمل ، وزيدها الزايد الضي هاارب 💔 ! خلاص الوضع تخلط علياا ..
.
.
~
انا : االوو
قيس : شن تبي ياحماره مش فاضي 😒
انا : تسممع فياا يااتييس ولااه 😡 ؟؟ ، خلااص مللييت لياا قروون الله واني انق ع التلفزيوون 😭 ، تووة تجي ترفع تصلح الريسيفر 😡
قيس : اووف اووف عليك حصلةة ، باه افتحي الباب اني ف فم الشارع ، الحوش ع طريقي ، توة بعدين لمى تروح نجيبهولك
انا : نااااعلياا نجك ليي 😍 .
.
.
~
سكرت منه ، ودقيقتين طق الباب ؛ واني من الربكة ركبت فوق نجري ، فكيت الريسيفر ، دورت ع شكاارة بس مالقيتش ، فتحت دولابي لقيت شكراه معبية "👙👙🙈 " بزعتهاا كلهاا وماركزتش انه مازال فيه "👙" وآحد ، حطيت فسطها الريسيفر والريموت ,✨
ونزلت نجري عطيته الشكاره بعد شوية هزايب ع خاطر عطلت وع خاطر كلمة "تيس" وكذا 🐸 ، وبعدها خشيت واني فرحانه ، ت الززح لياا شهر واني أنق عليهم ••
~
.
.
.
.
~
"اووف شن ندير زعما ؟ ، كساد والله ؛ وحتى الولاد كلهم وزعتهم فكني من وجيجهم ! ؛ خلي نتصل ب نونآ 😍 ..
انا الوو
فتون : عيون الالوو
انا : مصحگ ياتاافهه 😢 ، كسدت بروحي والله ، مافيش حد فالحوش إلا جوري وراقده ! ، الضي هارب والنت مقطوع ونووو للنخاع ، وانتي لقيتگ مشيطةة ...
فتون : ههههه حسگ سخفتيني الصراحةة ؛ واضحة انك ف مأساه
انا : المأساه تبكي لمى تشبحني 💔 ، غر اسمعي اليوم بتروحي ؟
فتون : اكيد ، اصلا غدوة عمل ! ، واحني ف اول اسبوع مش معقولة نغيب ..
انا : اهاا عارفةة بس نتأكد ..
فتون : باه تنطري هي ، ياختي حتى ف حوش خالتي لاحقتيني واني اصلا هاربة منگ ..
انا : برري تفف ياحيوانه واللهي ماتتحشمي 💦
فتون : تنطري
انا : 🐸👋
____
"سكرت منها وشديت فوني قعدت نقلب ف الصور وخلاص ، مع المغرب روحت ماما وهيثم وبابا ، وناضت جوري ، قعدنا نهدرزو مع بعض وهيثم ركب باش يرقد ، ت الززح هالولد من المستشفى للنوم ومن النوم للمستشفى وبس ! ، مش عارفة شن بيدير بعد مابيتزوج 😂 ، ربي يكون ف عون سارة وخلاص ، الغريب انه اليوم ماشبحتش من عيت احمد ولا نفر ، كنا نهدرزو مع بعضنا اني وماما وجوري لانه بابا ركب لداره ، ع خشت
قيس يعييط ..
قيس : يااااامصيييبةةة يااحيوااانه 😡 ياااابلوةة حيااتي 😡
انا "جيت واقفه" : ءءء خييرك ؟؟ 😳 امى عملة عرفت 🙈
قييس "دخل يده ف الشكارة وطلع ال "👙" : هاااداا شنووو اااه ؟؟؟ شن جااايب ف اممه فالشكارة 😡
انا : 😳
ماما : 😳
جوري : 😂
ماما : اوووه عليااا ياناا عليااا شن هادا 😱
قيس : بنتگ ياياام طييحتللي وجههي قدام اللي فالمحل كلهمم ، المششكلةة انه صاحب المحل دخل يده ف الشكاارة ومانحطت الا ع هاادا وطلعهاا من الشكاره وكل اللي ف المحل شبحوه ، تعاالي اهني ياكلبةة الكلباات 😡
انا "لبدت وراء ماما" : اوووه عليااا يااميمتي واللهي من غيير قصصد والله ، ييي شدييلي هالمفترس من علياا ، عاارفتته انيي بييقتلنيي 😭😂
جوري : تستاهلي شدي ما جاگ 😝
ماما "واقفة ف النص واني لابدة وراها" : وووووه علياااا ووووه ياااربيي صببرنيي ركبتوولي السكر ، ح تجييبوو اخررتي ، "وشدتني من ودني" : ياامصييبةة حيااتي ، معقوولة اديري هكي ف وخييگ 😡 "وشدت ودن قيس ب يدها التانية" : وانت ياامسطول ما قدرتش تشوف شن ف الشكارة ولا انعميت 😠..
جوري : اصبرو شويةة بنصورگم منضركم إبداااع "وتششگ صورتنا📷"
انا "انفكيت من ماما وركبت نجري ل داري ، وسكرت ع روحي بالمفتاح"😂
•
•
"مر هاداكا اليوم وماوريتلهمش وجهي بعدها بككل ، علليگ فضيحه بقلاقل ستر ربي بابا ف داره ، بعدين عاار تقعد 😂..
○●○●○●○●
.
.
|| فـ صبـآح اليـوم التآلـي ||
" نـضت ؏ صوت المنبهہ ، الساعةة 7 ونص ، رنيت ع فتون فتحت الخط و ؏ طول سكراتهہ وهكي تأگدت انها نآيـضةة ، درت جوي گله وغيرت حوايـجي ، لبست "زي يلي فـ الصورة💕" ، اني موديل لبسي ديمـآ هگي ! يعني عبآيةة واسعةة وحلوة وراقيةة فـ نفس الوقت 💕 ، وبشتـآت وهگ ! ، واهـم شـي مگملات الاناقةة يعني السـآعةة و شي خـآتم ، ضـروري 😍..!
.
.
.
.
كنتُ قاعده ف المكتب ونخدم وفـ نفس الوقت نهدرزو اني وفتون و بسبوسةة ، خشت علينا السكرتيرةة تبع استاذ مرآد واسمها "هيآم" ..
هيآم : السلام عليكم بنات 💕
نحنا : وعليكم السلام
آنا : نورتي ☺
هيآم : ههه النور نورگ ياقلبي ؛ ها شن الشغل ماشي تمام ؟
بسنت : اكييده حلم حياتي نكون مهندسةة وأخيراً تحقق حلمي !
فتون : حلوو الشغل بجد .
هيآم : ههههه اوكي كويس ، "وضربت راسها بيدها" نسيتوني حتى ليش جيت 😂
انا : اش بيگ ياختشي ؟!🐸
هيآم : بيبآ طالبگ الاستاذ مرآد ف مكتبةة
انا "بإستغراب" : اناا 😕
هيآم : اهاا واللهي حتى اني استغربت يعني ، بس طلبگ بالاسم
فتون "شبحتلي"
انا : ماتشبحيليش هكي مانعرفش شن يبي
بسنت : امالا ننصحك نووضي اكيد ماتبيش يغبرها فوق راسگ
انا : متوحش 😏
الكل : ههههههه
________________________________
•
•
•
•
~
هيـثــم "
" اليوم عندي دوام كامل ، يعني من الصبح ل غدوة الصبح ، بدايةة شغلي كان موضوع صعب ! ، بس بعدين تعودت ، من لمى كنت صغير حلـمي اني نصير دكتـور مشهور نعتدم ع نفسي ف كل شي ! ، ع عگس خوتي اللي كانو احلامهم انه يكونو مهندسين ، تعرف ع سارة ف الجامعةة وقتها كانت اخر سنةة ليا قبل التخرج ، وهيا كانت تقرا آدب ، لقائنا كان #صـدفـةة ، والصدفةة تحولت لـ صدف ! ، ومنها ل إعجاب وحب ، من اول علاقتنا كنت مقايللها اني ح نعتمد ع نفسي ، يعني زواجي ح يكون بعد مانكمل بني حوشي بفلوس نكون تاعب عليهم 💕 ؛ يعني كنت نبي نستقر من البداية ؛ مش جو ناخد شقةة بعدين نتمرمرد باش نكمل بني ! ، قعدنا سنتين ونص علاقة وبعد ماخديت الدكتوراه وبديت نخدم ، خطبتها ! ، وتوة لينا سنةة ونص خاطبين ! ، لينا تقريبا 6 شهور نكد فـ نكد ؛ نفس الموال ! ؛ امتى بنحددو العرس ! ؛ قد ماحولت نفهمها انه الدنيا شـايطةة فيها الناار 🔥 ؛ وانه مافيش سيولة ! ، ماننكرش انه عندي فلوس ف حسابي ؛ بس كيف بنطلعهم ؟! ؛ ساارةة تغيرت هلبا عن قبل ، كانت ديما تقولي "عاادي حبيبي نستناگ لين تكمل الحوش ، اهم حااجةة انه اني نحبك وانت تحبني" توة كل شي تغير ، طلباتها كاترات ، كله تبيه ماركات و روجه ! ؛ وتنق ع العرس ، وشوف فلانه شن جابلها خطيبها ، وبلا بلا بلا 😏 ، نقعدو حتى بالشهر مانكلموش ف بعضنا ؛ وفـ اغلب الأحيان تكون هيآ الغالطةة ، بس اني اللي نراضي فيها ! ، ومااترضااش لين نجيبلهاا هدية ؛ وضروري ماركة ، اني واللهي عاادي نجيبلها ع عيني وراسي ؛ بس كترتها الـزح ! ••
___
طلعت من مكتبي لانه جي وقت البريگ ، توجهت ل الدروج باش ننزل لل Caffè " ، كنت ساارح ف موضوعي اني وسارة ولـ وين ح توصل بينا تصرفاتها 💘 ، واني نازل من الدروج كان فيه بنت راكبةة تجري ، خبطت فياا ، وقريب طااحت ، شديتها و ع طول دااخت بين يديا 😨 ؛ سخنت مع بعضي ومعاش عرفت كيف ندير ، اللقطة كلها صارت بسرعة ، شبحتلها جفونها ملياناات بالدموع وجهها الاحمر ، وااضح انها باكية "للحظةة سرحت فالملاگ اللي بين يديا" وبعدها شديتها كويس وركبت نجري ، دخلتها ل مكتبي ، وناديت ع الممرضةة ودكتورة النساء ••
.
.
.
.
~
.
.
.
.
~
آنـــآ "
توجهت لـ مكتب "الــمـتوحـش" اهاا ايواا مرآد المتوحش سميته 😌 ، طقطقت ع البآب ، وسمعته قال "تفضلي" اهاا باه كويس طلع يعرف يقول حاجه كويسة ع الاقل 🐸 ؛ خشيت ، ف لحظةة وحده انتابني شعوور غريب ، اول مرهہ فـ حيآتي يصيرلي ، استغفر الله "يامصيبةة ركزي شوية"
آنا "بـ توتر" : ءء استاذ مرآد قالتلي هيآم انگ طلبتني ..
مرآد "شبحلي" : اهاا اي تفضلي أنسةة نصيب "وأشرلي ع الكرسي"
انا "بإستغراب قعمزت ع الكرسي"
مرآد "مدلي أوراق" : تفضلي 📑
انا "شبحتلهم بإستغراب" : شن هادو ؟ 😕
مرآد : احني مقبلين ع مشروع كبير وشراكةة مهمةة ، نبيگ تصمميلي "وقعد يشرحلي ع شنو يبيني نصممله"
انا "بـ ثقة" : اهـا اوكي 😌
مرآد : ح نعطيگ مهلةة اسبوع 😏
انا "بصدمة" : شنوو ؟؟ مستحيل هكي ماانقدررش هكي 😱 ؛ انت تعرف انه المده هادي مش كاافيةة عشان نصمم هادا كله ، ع اقل تقدير نبي أسبوعين 🔥
مرآد "ضحگ" : حسب ماقريت ف معلوماتك انك كنتي متفوقةة ع دفعتگ ، ووحده ب تفوقگ مش ح يصعب عليهاا حاجةة زي هكي ولا شن رايگ ..
"بالرغم انه كان يقول ف هالكلام بـ نوع من السخريةة ؛ إلا انه حسيت بالثناء 😁"
انا "اسكت يا لساني🐸" : اممم معآگ حق متفوقةة زيي مش ح يصعب عليها حاجةة زي هكي ؛ و
"قطع عليا صوت فتحان الباب ، وصوت بنت تدلع "
البنت "بدلع" : أووودي 😍 ، "وشبحتلي" أوووبس سوري ، اممم ماكنتش نحساب عندك حد 🙈
مراد "شبحلها وابتسم" : لالا عادي خشي لوكا 💕
انا "للحظه حسيت ناار ولعت ف قلبي ، البنت كانت ف غاايةة الجمال ولبستها كانت تههبل ، مش عارفة خيرني ، اضاايقت وقت شفتها ، بس اكتفيت اني شبحتلهم وابتسمت" : امم نستأذن أستاذ 😒
مراد : اذنك معگ 😒
"وقفت وتوجهت للباب ولمى جيت بنفتحه ؛ سمعت صوته قالي "زي ما اتفقنا بعد أسبوع" ، شبحتله وابتسمت وطلعت ، وإني ف الممر كنت نسمع ف صوت ضحكاتهم وصوتها المليئ بالدلع ، يييي مدااير رووحه جننتل مان وجو ، ويضيحكلي مع ام عرق ونص هادي 😬 ، راايحه زي التل ، مش عارفة شن عجبه فيها ، مافيها ماينشبح الصراحه ؛ استغفر الله ؛ اصلا حظ القبايح ف السما لايح وحظ الملايح ف الوطا طاايح ،،
خييرني اني هبلت 😨 ، يعني ع اساس مراد يعتبر من "الحظ الحلو" اوو اصلا شن دخلي بيهم ، مادخلنيش حتى كان يموتو"
عقلي : بس اعترفي انك غرتي عليه ، حقاتك حتى هوا طرف 😉
انا : عيونك ياتافهه 😒 بعدين وين كنت ليك مده مختفي
عقلي : شن امالا رايفتيلي 😁 كنت ف هاواي 💃
انا : ياخااين ليش مارفعتني معاك
عقلي : ياانااس طعوني من اهني خلاص معاش نقدر نستحملها هالغبية ، عليك عباطه كنت ف راسك وين يعني 😒
انا : هيي حسن الفاظك يا استاذ
عقلي : على اللي يتكلم معاك 😏
.
.
~
"كنت طول الطريق بين مكتبه ومكتبنا واني نغلي وطايحه نسب فيهم الزوز ومعاهم عقلي 😒 ، لـ سبب غير معروف الصـرآحةة"
"خشيت المكتب وحگيت للبنات ع اللي صارلي ، بس ماحكيتلهمش ع البنت اللي خشت ، الصراحةة مش عاارفةة لوو تكلمت عليهاا كان ح يرقالي الزيت مرةة تانيةة ، فـ تجنبت الموضوع وخلاص ، قالگ هاداگآ ، إبعد عن الشر وغنيلو"🐸
ع وقت المروآحةة جانا معتصم روح بينا ، هوا وع أساس ف العشيةة كان بيجونا عيت خالي "علي" وحنايةة رجعةة بتقعد عندنا ، زقلت ل فتون تجينا ضروري لانه الصراحه مش ح نقدر نتحمل ثقاالةة "دنيآ" بروحي ، لانه جوري مجرد ماتسمع انه عيت خالي بيجونا ياما تتحجج ب قرايتها او ادير روحها مريضةة او من اليوم اللي قبلهه تكون لامه هراديشها ومشيطةةة ..
"اول ماوصلت للحوش كنت تعباانةة وهلكانه بككل و زاايدني التفكير بالبنت مش عارفة ليش ؟! ومعاها الشغل المتراكم عليا ؛ خشيت الحوش و لا غدي ولا هم يحزنون غيرت حوايحي وحدفت روحي زي الشلتوته ، وجت اوشي "قطوستي" جنبي وحتى هيا رقدت معاي ! .❤.
•°
°•
•°
°•
هيـثــم "
" كنت مقعمز ف مكتبي ، البنت كانت راقده ع السرير الموجود ف مكتبي ومركبيلها تغديه ، هما كانو ح ينقلوها ل غرفةة تانية بس اني و فـ لحظةة مش عارف شن صارلي ماخليتهمش ! ، فـ العاده وقت البريگ نقعد ندخن ، بس ع خاطر البنت موجوده ماقدرتش ، قعمز ع كرسي بعيد عليها نوعا ماا 😪، سرحت فيهاا ، كان واضح انهاا صغيرة ف السن ، ف عمر جوري مثلا ! ، بس كانت وكأنها حاملة حمل كبيير ع كتافها ، ملامحها كانت هاديةة ومليئةة بالحزن ، نضرت عيونها الخضر وقت طاحت ف حضني ماقدرتش ننساها ، عيونها الكبار المدمعات ورموشها الكثيفات ، شفايفها الصغار الورديات ❤ ،
غمضت عيوني نطرد فـ هالافكار من بآلي ؛ استرخيت ع الكرسي ، لاني كنت متتعب بمعنى الكلمةة ، من الساعه 9 ل ال1 واني ف العمليات ، والحمد لله نجحت العملية ، اول ماحسيت روحي ارتخيت ، نضت ع صوتها تبككي ، شبحتلها ، كانت راقده تكوبس وتبكي وتعيط ..
البنت "راقده وتبكي وتحلم" : مااامااا لالالا باااباا ماتخلوونييشش "وفتحت عيونها ، وقعمزت وقعدت تبكي" 💘
••••
.
.
.
________#يـتبـع________
رأيكم وتعليقآتگم وتوقعآتگم حبايبي , ❤
اهم حااجةة شن الإنطباع اللي خديتوه ع الرواية ..
يعني هل عجبتگم ل اهني او لا ؟••
_____
نبي تفااعل حلوو زيگم يلا ..
عشان تعطوني داآاآاآفع نگتبلكم حاجات احلى وأطول ..
.
.
مع تحيآتي
~
•
#Şoñą🐸