" بقلمي نجم اليل "
حنين...جنت كاعده داغسل مواعين الغده جانت الدنيا عصر
جنت اغسل ولازمه مبايل امي وحاطه السماعات
جنت ادندن وي الاغنيه جنت اسمع نانسي عجرم بوكتها حبيبي قرب بص 😂 داغسل شفت عمتي رنا دا تتصل ع امي
كمت وخرت السماعه منه ورحت ع امي انطيتها المبايل
تخابر عمتي اني خلصت مواعين وجان ابويه طالع
شغت التلفزيون ع قناة الاغاني شديت الحجاب فليت شعري
واركص وامي تكلم عمتي وتفر بيدها داركص وامي راحت ع
المطبخ واني اركص اشو بس سمعت صوت ابوي
ابو حنين...ولج شنووو هذا
حنين...نزلت راسي خجلانه من ابويه لا عواد اني رايحه اركص واهز لا عود شاده هم ياكع نشكي وبلعيني
رحت ركضت للغرفه وسمع ابوي يحجي عليه عيب واحنه وين كاعدين
لان هاي قوانين ابويه عيب وحرام حتى مدرسه ماكو للسادس ابتدأئي ويبطلونه عندي اخت وحده عمرها 17
سنه واني 15 سنه بس الي يشوفني يكول جبيره وعايشين
وي بيت جدو وعمام اثنين وعمات 3 ثنين مزوجات وحده
لا كاعده وبيبي وجدو هم كاعدين وبيبي من النوم المتسلط
وتحب الفلوس وجدي كذالك ومرت يسون مشاكل بل بيت
المهم امي صبت العشه وتعشينه وكمت اني وختي نغسل المواعين ونسولف ع المسلسل خلصنه شوي واجو بيت خالي
واجه خالي راح كعد هو وابويه وعمي بل ديوان واني وبنات خالي ومرت خالي كاعدات بل غرفه وع التلفزيون وامي
ومرت خالي يسولفن بوكته امكن ع عمتي رنا اسمع يكولن انروح عليها معرف شنو عفتهم ومهتميت حييلل
واني ومريم اختي وضحى بنت خالي الجبيره بكبر مريم 17
وسجى بنت خالي الصغرة اكبر مني بسنه 16 سنه
جنه نباوع ع المسلسل هندي ونسولف اني وسجى ع الابطال
ومريم وضحى يسولفن ويتبسبسن ونضرات اختى لساهر
احسهم يحبون بعض ساهر ابن خالي وسجى وضحى خواتة
شوي واجت بيبي خبصت الاول مع التالي وجاي ومعرف شنو
شوي وراحو ورحنه اني وامي ومريم نوصلهم عند الباب
وبقينه نحجي وكفه الباب تعادل كل التعلوله😹
سولفنه احنه واكفين ومتكتفين ادينه واجه خالي سلمنه علي
هو وساهر وسمعت مرت خالي كالت
مرت خالي...عود نروح موو
ام حنين...ايي انشاء الله لان هي دكت علي اليوم هم وكالت
حنين...راحو سدينه الباب ودنمشي ندخل وابوي كال
ابو حنين...وين
ام حنين...والله رنا دكت اليوم وكالت عندي شغل بيتي وبس اني وحدي
ابوحنين...هاا
حنين...فتت ورحت ع الغرفه اني واختي وبنات عمي بغرفه
لان بيبي متقبل واحد يطلع ومأجره بيوت والرواتب بديها
هي وجدي واذا نقص من مصروفهم مال الراتب يسون عركه
وابوي ماخذ امي اصير بنت عمه طلبت التلفون من امي
ونطتنيه اني ومريم علاقتنه بامي شوي احسن من ابوي لان
نسولف ونضحك مثل الصديقات بس ابوي لا يعصب وعيب وحرام شوي متمسك بل عادات
شوي متشدد من هل ناحيه هاي اخذت التلفون والعب بل لعبه بي شوي رحت ع اليوتيوب اباوع شويه ونمت
كعدت الصبح غسلت وصليت وتريكت ورحت اكعد مريم
حنين...مرومي كومي اكعدي
مريم...ممممم بس شويه
حنين...والله اني معلي هسا اكول لبوي دكول شويه
مريم...جذابه
حنين...ولصدكين يلا اني اروح
مريم...شنووو وليشش يريدني متعرفين
حنين...لا
حنين...كامت مريم وهي جذب محد يريدها بس اني حبيت هيج علمود ادكوم لان اشل الفراش يوم عليه ويوم عليها
كامت وهي تتأفف ودردم شنو ميصير احد ينام اني شلت الفراش وكعدت يم ابويه جان دايره ع الاخبار
شكد اكره الاخبااار اجت مريم وصبحت ع ابويه وكالت
مريم...هاا بابا رايد شي
ابوحنين...لا مرايد شي
مريم...مو انت صيحني
ابو حنين...انتي نايمه روحي كملي نومج بابا
حنين...ضكت ومريم خطيه خجلت من ابويه وخزرتني
كعدت تتريك وكالتلي صبيلي جاي
حنين...والله معليه انتي صبي لنفسج
مريم...صبي احسن الج
حنين...ماااا
ابو حنين...كااافي ماريد صووت
مريم...شوف بابا متقبل اصبلي
حنين...لا والله ماصب
ابو حنين...كاافي
مريم...ايي ضلو دلووها وتخلوها مأتحترم شكد تفرقون
حنين...ابوي ضل يباع ع الاخبار ومهتم لحجي مريم خلصت
وراحت حطت الريوك بل ثلاجه وغسلت الاستكانات
مال الجاي وابوي طلب مي وعلاجه رحت اني جبتها اله
وشرب وديت العلاكه مال العلاج ورحت ع التلفزيون
البالغرفه درته ع الفلم الهندي وباوع عليهم شلون حلوين
البطل والبطله ويجي طرف ثالث يخرب كل شي
جنت اكره الطرف الثالث حييلل اكرها شويه واجت امي وكالت
ام حنين...ماما حضرن حالجن راح اروح ع بيت خالجن
حنين...كوولش فرحت من هيج كالت لان احب سجى نبقى نسولف ع الافام الهنديه و ع الابطال وهم جنه نلعب اني
وسجى وضحى ومريم نلعب بيضه كوولش حلوه ودائما اني وسجى نربح كمت رحت سبحت ولبست دشداشه حلوة
لون رصاصي شوي خفيفه لان الجو نهاية شتاء ومشطت
كبه ولبست قراصه وسط ولبست حجاب اسود
ولبست عباة ع الراس مع انو امي دكول شعندج البسي جبه
انتي شابه اكوله ما اني هيج احبها ابوي لبس دشداشه
لون جوزي ولف الجراويه ع راسه ونمشي هو وامي كدام واحنه ليوره ومريم لابسه بوشيه اني لا بعد مو هسا
لان شوي صغنونه
مشنه ع بيت خالي وصلنه وسلمنه عليهم وكعده بل طرمه بل كراج ع الشمس واني فتت جوه ع سجى فتت عليها جانت
كاعده ع مسلسل هندي سلمت عليها وكعدنه نباوع عليه شوي وكمنه وشفت امي ومرة خالي يحضرن بالغدة ومريم وضحى
كاعدات ويمهم ساهر كاعد بس صامتين محد يحجي منهم
واذا حجو تحجي بس كم كلمه ويسكتون عاد ان كلت
حنين...شرايكم نلعب بيضه
مرة خالها...لا هسا راح يصير الغده هاج انتي وسجاوي سون
الزلاطه
حنين...يلا
حنين...اخذت 3 طماطيات و 3 خيارات وشوي خس اخذتهم ورحت اني وسجى نسوي الزلاطه كشرناها وكمنه نقطعها
نسوي زلاطه ناعمه ونحجي ع الافلام خلصنه وديته وهم سوينه خيار وروبه وسوينه البن ورشنه علي شوي نعناع
يابس حطينه ع الشمس ويبس وكسرنه ناعم ونحطه ع الزلاطه وع البن حلو يصير طعمه وحطينه الطرشي
وصبن المقلوبه مالت دجاج ولحم مخبوطه واني وسجى اول
مكلبن الجدر كعدنه ناكل من الصينيه وفلشنه المكلوبه
وامي تحجي علينه هسا راح نصب واحنة نضحك وناكل
بل بتيته وتمن ونكمش شوي من الحم والدجاج
صبنها وساهر شالها بره بل كراج ناكل واحنه نودي الخبز والخواشيك والزلاطه والخضره والبن والمي كعدنه ناكل
ونسولف ابوي وخالي يحجون عن الرياضه هم وساهر وعن الاخبار وامي ومرة خالي يسولفن وياكلن واني وسجى
نسولف وضحى ومريم خلصنه ومواعين الغدة ع سجى واني ساعدتها وسوينه الجاي وديته وصبينه ابوي شوي وراح
واحنه ضلينه هنا وصبينه ببسي ونشرب ونسولف كمنه اني وسجى رحنه ع الغرفه ع الافلام الهنديه نباوع وطلعت اغنيه جان نكوم نركص عليها
خلصت الاغنيه ورحنه ع سجى وضحى نلعب بيضه واجه ساهر ويانه ساهر شب حلو ومرتب وعمره 23 سنه
وهو طالب كليه مرحله ثالثه اعتقد قسم ادارة واقتصاد معرف لان مو هواي اركز ع هيج اشياء
جبنه الاقلام والاوراق وقوانين هاي العبه لكل واحد 3 اوراق
وبيهن احرف ونسفطها ونخلطها ونطشها ع الكاع وكلمن يختار اذا طلع متشابه يضرب ايده ع الكاع ويعيط بيضه
والبقيه يحطون ادينه فو ايد الفائز وصير بتسلسل الي اوراقه متشابها وهو حط ايده اول الناس وكال بيضه اله 100 نقطه
والي فوك ايده 90 نقطه ويبدي هكذا تنازل ع العدد واذا طلعن مختلفات فا يتبادلون الاحرف مثله حرف ماريده
عندي ثنين متشابه واحد يختلف انطي اليختلف وهو وهكذا يصر عندي ورقتين وحد يصير عند اربعه الرابعه هو يطيلها للبصفه
الى ان يتشابهن مو الي يم الكل لا لازم عند واحد لعبنه كم داس والنقاط اكثر هو الفائز سجى اخذت المركز الاول
واني الثاني وضحى الثالث وساهر الرابع ومريم الخامس وزعلت وساهر كال اني الخامس شفتها خجلت ونزلت راسها
وبتسمت اني ابتسمت ع خبالها خلصنه وصار الدنيه عصر وحطو كيك وعصير وناكل ونسولف بل حديقه البلكراج صارت الدنيا مغرب
فتنه جوة ومرت خالي وامي يسون العشه واحنه ع التلفزيون
وخالي جان طالع شوي واجه هو وابويه صبينه وتعشينه
وسوالف وكذا وابويه كاعد هو وخالي وساهر ع المبارة وجو زلم هم يتابعون وياهم واحنه نسوي جاي للزلم
صارت الساعه بل 9 ونص كال ابويه يلا لزمونه بيت خالي بس احنه ماقبلنه تحضرنه ولبسنه العبي وامي ومريم لبسن
البوشيات هم ومشينه ابويه وامي كدامنيه واني واختي وره
نسولف ونمشي وصلنه ورمينه العبي ورميت ملابسي
ولبست دشداشه خفيفه مال نوم ورحت مريم فرشت الفراش
وتمددنه ونباوع ع التلفزيون ع الفلم الهندي وضليت
تابع مسلسلات وطلع فلم شاروخان دابوعله للنص وماحسيت غير اني نايمه كعدت الصبح
يتبع...
هلو شلونكم تكدرون تعتبورنه بارت تعريفي بس البطل لسه ماطلع احتمال بل بارت الجاي
وصح منو يلعب هاي العبه😊
تصميم ع هوى بغداد اي مقطع انزل ع اليوتيوب انزل ثلاثه فقط😘😊
وشرايكم كبارت اول😊