دخلت للبيت الگاع بيهة قطرات من الدم والغرفة الچرباية فايضة اخذت جنطتي ودخلت سبحت وگعدت انظف صارلي اشگد ما منضفة لا وبيتي 😚 بس ايصير قيصر زين احچي ويا علمود اشتري البيت خلصت الشغل بالليل صحيح البيت نضيف بس رجعت من جديد نضفتة والحلو بالموضوع كلشي على حطت ايدي دگ علية بابة گال جيبي عشة وتعالي عيب ما الحگ اطبخ فبدلت و طلعت گلت اجيب بطريقي من المطعم لگيت حرس بالباب استغربت شنو الفلم ما اهتميت مشيت ركض الحارس
- ست وين رايحة ؟
- ليش تسأل؟!
- احنة اهنا وياچ وين ما اتروحين انروح وياچ .
- هههههه والله خوش راح اتحسسوني اني شخصية مهمة 😂 عدكم سيارة لو انروح مشي ؟
- تفضلي .
- ارد اروح لمطعم ز..... وبعدهة للمستشفى بس ابسرعة .
- صعدي حضرتچ .
صعدت صراحة عجبني الموضوع بي فيكة حرس وسيارة و احد يفتحلي الباب واحد ايسدة وصلنة للمطعم اخذت عشة ورحت للمستشفة دخلت لگيتهم مجمعين كلهم بصالة الانتضار وقيصر وامة ويا حارسة جوة سلمت اتلگاني عمو علاء وبابة .
- علاء: اي والله زين اسوين متنة جوع .
- رغد : الف عافية قيصر طلعو من العناية المركزة مو؟
- كمال: اي وهو جوة اخذيلة عشة و وروحي .
- منو يمة ؟
- علاء : محد بس امي وحارسة .
- كمال : والممرضة ومدير المستشفة خوش محد هههه.
- رغد : ههههههه .
- علاء : ولك شمالك عود ردتهة تاخذ راحتة .
- رغد: عمو مو علمود شي بس علمود احسب احسابهم بالاكل .
- علاء: انتي تبقين غمة يعني الرجال راح ايطير من ايدچ بسبب خشمچ اليابس .
- رغد : حلوة وايلوگلي الغرور😎.
- علاء: گومي صبيلي اكل لا ارفسچ اگطع نفسچ .
- رغد : هههههههههههههه انشالله عمو .
صبيت لبابة ولعمو علاء و ولخالة ام علاء والحارس ودخلت لغرفتة چان يحچي هو وحارسة ما اعرف شنو اسمة بس دائماً اشوفة ويا سلمت على خالة ام علاء
- خالة جبتلچ عشة انتي من الصبح ما ماكلة .
قيصر دار علية بعدهة رجع يحچي وية الحارس چبح
- تسلمين يمة انطيني اروح اكل وية علاء وانتي وكلي رجلچ وانت قيصر ما اوصيك بعد😒.
- انشالله.
طلعت وبقة الحارس مالتة حطيت الاكل على الميز وقيصر ولا چنة يسمع سويت روحي ما مهتمة گعدت اللعب بالتليفون الى ان دگت ودع فردت اطلع احچي وياهة چان قيصر صاح
- وين رايحة ؟
- احچي بالتليفون انت عندك شغل .
- لا خلصت يلة جلال بعد مثل ما وصيتك .
- جلال : تمام مثل ما اتريد .
- قيصر : لا اتردين علية .
- منو؟
- نوارچ الخسيس .
- هاي ودع مو نوار وها هو مو خسيس ياريت ما تحچي علية .
- رغد اذا انتي اهنا جاية علمود اتغثيني فمو وكتهة لان الوجع كاتلني وناعل والديني وما اريد اعصب عليچ واسمعچ حچي ما ايعجبچ.
- انا مجبورة اجي اهنا علمود اهلك لا ايشكون بشي ....
- رغد انطيني الاكل وطلعي لو سمحتي بعدهة راح اصير مشكلة اني اعرف روحي وصلت حدهة وياچ.
- راح اسكت بس اوكلك .
- علمود الناس مو ؟؟
- انت ليش امعصب ؟!
- صوت ضحگچ انت وعلاء واصل لنهاية المستشفة اشوي احترمي مو انتي مرتي .
حصرتني الضحكة واني اگول هذا اشبي امتلغم علية طلع مضغوط كلش خرب هوة هوة ما تغير غيرتة على نفس حطة ....ما منتبهة على وجهة شوف الشيب تارس لحيتة وحتة وجهة تعبان كلش وصاير اصفرر من الكثر النزف ...
- العشة راح يبرد وينة .
- اي ثواني .
قدمت الميز وگعدت اوكلة لان ما يگدر ايحرك ايدة
قيصر : چان جلال يمي احچي ويا علمود اوفر حماية لرغد بفترة اقامتهة بغداد لان ادري حياة بخطر اكثر مني اني گاعد بالغرفة واسمع صوت رغد بس مو هيچ صوت ضحكتهة كلش عالي احس روحي طلعت بحيث جلال ما يعرفهة گال والله صوت ودي اطلع اشوفهة متت لو بيحلي چان فلشت وجهة صح اني اتمنيت ترجع لطبيعتهة بس ما اريدهة تضحك يم واحد غيري ايجوز اني ضيعتة بس ما اتحمل احسهة ملكي اني مو ملك احد شسوي للضروف الي جبرتني افترق عنهة والة هسة جان چهالنة ايلعبون يمنة حوالينة..
دخلت سلمت على امي اكتفت بس بنضرة الي ودات وجهة عني ولچ ليش تضلميني كافي والله راح اموت وانتي السبب هو الي ايحب هيچ ينذل !!! امي طلعت بقت هية اني اباوع عليهة بس مامحسسهة مدري شتبحوش بالتليفون الى ان دگ شفتهة اتريد تطلع اتذكرت اخر مرة من حچت وية نوار وجهي گب نار الحقير الخسيس ذاك لا ايگول مخطوبة لا خرة ابن .... الگ... صحت عليهة لا اطلعين وطلعت جلال جنت كلش معصب عليهة وهية تحچي وياي سكتت وضلت اتباوع علية گتلة على الاكل جنت ما اگدر اكل فهية وكلتني گعدت بصفي اويلي عطرهة نفسة ما مغيرتة صح اني عندي بس هية من اتحطة غير شكل اذا المرض خالهة تحچي وياي فيارب لا اشافيني حتلو بس علمود اهلي هم راضي اني... اهية اتوكلني واني صافن بوجهة مشتاقلهة بگد رحمة الله حركاتهة موتتني چانت اسوي بوجهة حركات مثل الي اتوكل طفل افتح حلگ قيصر اااه وتفتح حلگهة ولچ ارحمي ابن الكلب الي اگبالچ... شعلت ام روحي
- قيصر ترة ما ايصر انت مو جاهل وهيچ اوكلك ساعدني اشوي افتح حلگ شلقصة 😒.
- رغد اني ما طلگتچ بكيفي جنت مجبور غصب علية ..
وخرت الخاشوگة وگتلة
- مو وكت هذا الحچي .
- لا وكتة يا رغد وكتة بس انطيني مجال اسولف لان اشوي تعبان .
- هو لان تعبان خليهة بعدين.
- ما اتحمل اشوف كل هذا اللوم بعيونچ صح غلطت وياچ بس .
- بس شنو بس شنو قيصر الي سويتة وياي كسرني كسر شنو اتريد بعد خاف شفتني رجعت طبيعة اتحسفت گلت لا ما ايصير لازم هل مرة اموتهة ...
- رغد بيوم الي جنت عندچ وطلعت بسرعة بيومهة گتلچ راح ابات يمچ ورة عزيمة اهلي دخلت اسبح گتلج جوعان حضيلي الاكل اول ما وصلت اتصلت بية جنان ما رديت ودتلي رسالة كاتبة احسلك اترد لان اني بالباب رفعة گالتي اني باب رغد دقيقة اذا ما طلعت ادخل اني وياي كم شخص واكتلهة اگبالك گتلهة انتي جاي تحچين ردت قيصر لا تتغابة هاي فاتت نص دقيقة ..ساعتهة ركضت وفتحت الباب لگيت سيارتهة بالباب انفتح الباب السيارة واشرتلي اصعد صعدت گالت
- اشلونهة رغد ؟!
- جنان انتي فاهمة غل...
- لا يا قيصر انت الواضح ما تعرفني بعدك يعني معقولة اني اجي واجرك من بيتك بدون دليل علمود خاف تنكر .
- جنان عوفي رغد .
- اتحبهة لو بس علاقة.
- بس علاقة فترة واتخلص
- چذاب اتحبهة وهية هم اتحبك انت خاف العزيمة الي جبرتك تجي بيهة علمود اذوگ اكلهة والة بيوم العرس من گعدت يمة حسبالك صدفة المفروض من ساعتة تعرف اني كاشفتكم بس الواضح چان بينكم خلاف .
- جنان هسة شنو اتريدين اي اني احبة ..
- لا حبيبي لا اتعصب لان اني ما معصبة
المهم صار بينة نقاشت هواي استمرت هية برودهة بتعاملهة وياي بس ماخلتني اطلع خطوة من البيت الى ان اجتني وگالت
- اني ما اتحمل اصير وية وحدة شريكة بشي فعندك خيارين امة اطلگ رغد او اكتلهة
- وعلى اساس اني راح اصدگچ.
- اذا ما اصدگ روح وية الحرس هسة وشوف .
- شنو اشوف؟!
- كتل حبيبتك
- لا انتي اكيد تشاقين!!
- لا يا قيصر ياروحي ما اشاقة بيهيچ مواضيع .
واسمر النقاش الى ان اتصلت بالحرس وگالت كتلوهة صرخت بوجهة وگتلهة راح اطلگ بس عوفيهة.
گالت مو بس اطلگ هيچ مراح يشفة غليلي لا بيك ولا بيهة اريدك اتهينة قبل ما اطلگهة
گتلهة يعني اشلون اهينهة گالتي الحچي الي حچيتة الچ بابضبط وگفت واحد من زلم ابوهة وگالتة اذا ما سمعتة حچة هذا الحچي تكتل الساقطة الي ويا بساعتة گتلهة بالاول خالي احچي وياهة.يالة اطلگهة وصار الي صار .
- ههههههه قيصر ما اعرف ليش حچيك مو مقنع .
- شنو المو مقنع ؟
- كلش مو مقنع مرتك تكتل مستحيل شنو عايشين بغابة احنة
- انتي ما مختلطة ويه هيچ ناس رغد هذول عدهم الكتل اسهل من شرب الجگارة ورة ما انفصلنة اني وياچ علاقتي بجنان صارت بس شي رسمي وخاصة بعد ما نجحت بالانتخابات ما انكر اني استغليتهة وما ندمان لان هية الي بعدتني عنچ من ثبتت جذوري بالمجلس بديت احفر لبوهة وطيحتة بطريقة غير مباشرة بعدهة طلگتهة ما چنت اتحمل علاقتي وياهة المهم عرفة هية انو اني وياچ صارت خطبتنة ودتلي تهديد اذا ارتبطت بيچ راح اتاذيني واتأذيچ غبائي خالني ما اخذ هذا التهديد على محمل الجد اني اجي بين فترة وفترة لبيتچ وهية للاسف تري انو اجي بلة حرس ولا حماية فراقبت المكان الى ان اجيت واول ما وصلت اشتغل علية الرمي لحسن حضي السيارة مصفحة او ما انصابيت بچتفي دخلت للسيارة وانتي تدرين النجدة قريبة من بيتچ فأجو بسرعة .
- اشلون عرفته جنان هية الي رادت اتكتلك؟!
- من كامرات المراقبة عرفت السيارة ومن السيارة المجموعة وبعدين همة اعترفو انو جنان الي گايتلهم .
- ما معقولة شنو وين عايشين احنة !
- رغد انتي عمرچ ما دخلتي للسياسة ولا اتعرفين باطنهة القذر مرات اندم لان دخلت بهيچ زوبعة ومرات افرح انو اني خلصت من جنان وابوهة وصار ما ايهمني بس اشلون ارجعچ لحضني ..
- انت اكيد تحلم لان الاسباب الي گلتهم ايجوز ايغفن شي بس قبل لا تعرف جنان بعلاقتنة انت سويت وياي اشيء ما تغتفر اولهة اهمالك الي وكل اعذارك چانت هية انك عندك شغل وبعدهة من عرفت بية حامل گتلي ما اعترف بطفل وانكرة ومن جهضت حتة ما كلفت روحك تسأل علية جربت الشعور قيصر من انت واصل للموت والشخص الي اتحبة اتصال ما يتصل وايكلف نفسة ايگول حمد لله على السلامة .
- انتي لهذا السبب ما اتصلتي؟
- لا طبعاً اصلاً گتلك اني نسيتك وايجوز الحچي الي حچيتة الي چان ايثر بية لو حاچي قبل سنتين بس هسة مستحيل ارجعلك تذكر من اتهمتني بشرفي وشككت بتربيتي و وضليت اتگول انو احنة عائلة متحررة ومن هذا الحچي ...
- رغد چانت علية ضغوط قسم برب العباد چنت اعصب من اسلوبچ وياي ومرات انتي تستفزيني تضطريني احچي هيچ بس مو معناهة ما اريدچ .
- قيصر تنكر انك چنت بصراع داخلي بينك وبين روحك مرات اتگول علاقتي برغد خطأ ولازم اتركهة ومن تجيك هاي الحالة يبدي بزك بالحچي ومن ازعل تچيك الحالة الثانية الي اتريد ترجعلي واتوهم نفسك انك اتحبني صح هذا الحچي لو لا ؟
- صح حچيچ بس مو اوهم روحي اني احبچ والله چنت اگول بداخلي انو ورطت روحي بعلاقة واني بداية رحلة صعبة ورغد هية العائق الوحيد دائماً چنت ارد اتخلص منچ بس ما اگدر لان احبچ رغد والله احبچ .
- الحب ما ايفيد اذا شنو ما بي تضحية واعتقد اكثر شخص ضحة هو اني انطيني شي واحد ضحيت بية انت علمود علاقتنة بس شي واحد؟
- هسة مستعد اضحي بأي شي بشغلي وبفلوسي وبروحي بس علمود نرجع مثل قبل .
- ما ايفيد "اذا فات الفوت ما ينفع الصوت " خلص كلشي والحچي وياي ضايع لا اتعب نفسك.
- رغد حاولي تنسين ونبدي من جديد...
- ماشي اتريدني انسة بس بشرط..
- كلش اتگولين اني موافق مقدمة.
- رجع امي وحمد للدنية لان همة ماتو بسببي او بسبب علاقتي بيك حمد اجل طيارة البصرة علمود اجي وياهم واني رفضت وگتلة من افرغ اجي ومن فرغت هوة هم حجز وبعدهة گتلة اجلهة ومن اجلهة ما لگلة الة على مطار بغداد وهمة راحو واني اتحججت بشغل وخسرت حمد وامي وانت السبب لان ما چنت اريد اجي للعراق خاف اذكر معاناتي وياك وبعد شغلة خليني انسة فترة ادماني انت تدري اني صرت بسببك مدمنة حبوب وهواي اشياء من انسة هاي الاشياء يلة انطيك فرصة...
—————-
رمضان كريم على الجميع وكل عام وانو بخير يارب ايعودهة عليكم بفرح وسرور .. مو تنسون التعليقات والنجمة
En.zahraa