اتأخرت معلش بس الواحد اتأزم نفسيا من البارت ده لما تقروه هتفهموا ليه لو ربنا اراد ال21 هينزل يوم الحد
ياريت تبقوا تقولوا رأيكم وما تنسوش الفوت
__________
كيوهيون:هوان لو خرج هينتقم
يونج هوان:ولو مخرجش انا الى هنتقم منك..هديك اسبوع تاخد فيه القرار
كيوهيون:مش هسيبه يخرج
يونج هوان:هتخرجه يا كيوهيون علشان مصلحتك
(بصله كيوهيون بغضب)
كيوهيون:هو انا مش ابنك
يونج هوان:ابنى الوحيد
كيوهيون:يبقى ازاى بتعمل فيا كدة بتساومنى على سعادتى وحياتى وعايز تنتقم لواحد ما يقربلكش بصله
يونج هوان:انت ليه مش عارف تفهم
كيوهيون:مش هسمحله حتى لو على موتى
(مسكه يونج هوان من كتفه وهزه جامد وبص فى عنيه بغضب)
يونج هوان:مش هقدر احميك يا غبى...هوان معارفه بره كوريا كتير واكيد كلهم من عينه تشان.. لو عرفوا بالى حصل مش هيسبوك لاانت ولا مراتك عايشين ..جيسيكا انا مسيطر عليها وقولتلها انى هخرجلها ابنها من غير ما تتكلم معاهم
كيوهيون:انت عارف كويس ان محدش منهم هيقدر يعملى حاجه
يونج هوان:بس هيأذوا مراتك ..وهيأذوا الى فى بطنها مهما حاولت تحميهم هيوصلوا..ما تقعش فى نفس الغلط مرتين..انا بحميك بكل طاقتى زى ما حميتك وخليتك رئيس الشركه
(بصله كيوهيون بصدمه)
يونج هوان:وانت فاكر هيونغ شيك اتكلم من نفسه ..محدش فيهم يقدر يخونى بالسهوله دى حتى لو بقع..انا كنت متفق مع كل واحد فيهم مين الى هيوافق ومين الى هيرفض كنت متوقع انت وشيون هتتصرفوا مع بعض بس الموضوع اتعكس وانت مشيت وسول جت بس فى كل الاحوال الموضوع مشى زى ما انا عايز
كيوهيون:انت بتقول ايه
يونج هوان:انا ما ربتكش ده كله وكبرتك علشان ينتهى بيك فى مستشفى المجانين او بتشتغل تحت رحمه ابن تشان..بس المره دى لازم تبان انك تحت رحمتهم..خرج هوان من السجن
(قعد كيوهيون على الكرسى مش قادر ينطق بكلمه)
يونج هوان:فكر فى الى قولتهولك كويس يا كيوهيون..انت قوى بس ما تعرفش قوه الى قدامك كامله استسلم المرة دى لغايه ما تعرف هوان اكتر
(خرج يونج هوان من المكتب وساب كيوهيون مكانه ...الاوقات الى زى دى بيحس فيها ان الكون بيتأمر ضده علشان يفجرله خلايا مخه رمى كل حاجه من على مكتبه بعصبيه وصرخ بغضب ..تصرفات يونج هوان كلها متناقضه من اول ظهور سول فى حياته وهو بيضغط على اعصابه وبيلاعبه وفى نفس الوقت طلع بيساعده ..مسح وشه بتعب وخرج من مكتبه..نزل قبو الواين مسك ازازه وقعد على الارض باستسلام مش هيقدر يفضل صاحى..تانى يوم صحيت سول بصت حواليها فى الاوضه وبصت بملل)
سول:وده الى قالى ساعه وهصحيكى ..ولا يمكن يكون صحانى لا لا
(سمعت صوت خباطات على الباب دخلت هانا..بصت فى الاوضه باستغراب)
هانا:حضرتك بتكلمى مين
(ابتسمت سول بخجل)
سول:ما تشغليش بالك..هو كيوهيون فين
هانا:تحت
سول:هو ماطلعش خالص
هانا:مين جى قالتلى انه كان فى قبو الواين وبعدين طلع مكتبه ومانع اى حد يدخل
(بصتلها سول بقلق قامت من على السرير ونزلت ..فتحت باب المكتب ودخلت ..رمى ازازه الواين جنبها بالظبط اتجمدت ووقفت مكانها من الصدمه)
كيوهيون:قولت ماحدش يدخل
سول:دى انا
كيوهيون:اطلعى بره يا سول
سول:فى ايه الى حصل
(راح ناحيتها بعصبيه ومسكها من ايديها زقها بره المكتب وقفل الباب...اتنفست بصعوبه..لقت مين جى راحت ناحيتها)
مين جى:دخل المكتب من الفجر ومانع اى حد يدخل
سول:هو فى حاجه حصلت امبارح
مين جى:سيد يونج هوان جيه هنا امبارح ودخلوا اتكلموا فى المكتب ومن ساعتها وهو كدة
(اتنهدت سول بتعب وقعدت على الارض قصاد المكتب)
مين جى:هجيب لحضرتك كرسى
سول:لا
(جت هانا من وراهم)
هانا:مين جى روحى المطبخ ساعديهم جوا
(انحنت مين جى ومشيت)
هانا:حضرتك مينفعش تقعدى كده
سول:انا عارفه بس مش هينفع اسيبه هنا..روحى شوفى الى كنتى بتعمليه ما تشغليش بالك
هانا:انا شغلى الوحيد هنا انى اوفرلك الراحه
سول:كان نفسى اقولك ان الموضوع سهل
(بصت بحزن على الباب )
هانا:كدة غلط انك تفضلى قاعده كدة
سول:مش هتحرك من هنا
(فتح كيوهيون باب المكتب واتكلم بغضب)
كيوهيون:هانا..طلعيها اوضتها مش عايز شغل الاطفال والعناد ده
(قامت وقفت بسرعه ومسكت ايده)
سول:كيوهيون
كيوهيون:هانا انتى سمعتينى
(زق ايديها عنه وقفل باب المكتب..سندتها هانا وطلعتها اوضتها..بصتلها بعنين تايه)
سول:هو قاله ايه بالظبط..علشان يخليه كدة هما ليه وجودهم بيأذيه مش دول اهله
هانا:اهدى التوتر غلط عليكى وعلى الى فى بطنك
سول:قوليلى يوم واحد بس قدرنا نعيشه من غير لعنتهم فى البيت...(اتنهدت وقعدت على السرير) سبينى دلوقتى يا هانا من فضلك
(انحنت هانا وخرجت من الاوضه..بصت فى الارض بحزن..حطت ايديها على بطنها حست بركله صغيره)
سول:مين فيكم الى عملها بقى
(حست بركله كمان..ابتسمت)
سول:لو اقدر احميه جوايا زى ما حمياكم بس برضه كلها وقت وهتخرجوا ..خايفه ما اقدرش احميكم بعدين عيزاكم تفضلوا جوايا لاطول وقت
Soul POV
اسبوع بالظبط من زياره يونج هوان للبيت محاولاته اليائسه انه يبعد عنى ...وانا متأكدة انه محتاجلى جنبه اكتر من اى وقت...بس حتى اوضته ما بيطلعاهاش بيفضل فى المكتب الا اختفائه فى بعض الاوقات... انفصل عنى تماما بيتخانق على اقل حاجه يمكن الى تاعبنى انه هو فى الحاله دى وانا عاجزه عن اى حاجه حتى لو كنت فاكره انى بقدر اهديه طلعت غلط وعارفه ان فى الاخر لما هيهدى هيرجع يبصلى بعينه الندمانه وانا هسامحه بس هيفضل شايل ندب كمان وفى الاخر ده كله بسبب وجودهم فى حياتنا..دخل الاوضه بتاعتى ..مش بقول هيدخلى بعنيه دى باصص فى الارض بخجل..اول لما لمسنى حسيت برعشته حاولت ابتسم واطمنه بس انا عارفاه ..قلبى بيتقطع لما بيبقى بالشكل ده حاولت اتكلم بس صوتى خانى كأنه رافض يقطع الصمت الى ما بينا..همس بتعب
كيوهيون:عايز انام
هزيت راسى ..قعد جنبى ونزل شويه جسمه عن مستوايا بحيث راسه تبقى عند صدرى ولف ايده على وسطى..دقايق ولقيت نفسه تقل ونام قولتلى قبل كدة ان قلبك بيوجعك لما بتوجع بس انا قلبى بيتقطع لما بشوفك بالحاله دى انا انا بتوجع لما شوفك كدة يا كيوهيون..حاولت اعدله على السرير لقيته همهم وشدنى اكتر ليه
كيوهيون:عايز افضل كدة
النومه مش مريحه بس عارفه انه محتاجنى كدة..محتاجنى جنبه وخلاص وانا كمان محتاجه احس بلمسته..سندت راسى عليه النومه مش مريحه ليا برضه بس من امتى حياتنا كانت مريحه اهو على الاقل لسه مع بعض
End POV
(غمضت جفونها ونامت..حست بيه بيحركها على الفجر علشان يعدلها قامت مفزوعه وبصتله بقلق)
سول:فى حاجه يا حبيبى صحيتك
كيوهيون:انتى ازاى نمتى كدة
سول:مش انت ارتحت
كيوهيون:اسف
(مسكت ايده وبصتله بتوسل)
سول:انا مش عاجبنى الحاله الى احنا فيها يا كيوهيون
كيوهيون:هطلع اجهز شنطتى عندى طياره كمان ساعه
سول:رايح فين
كيوهيون:رايح جيجو اسبوع وراجع مش هتأخر
سول:خدنى معاك
كيوهيون:هروح لوحدى يا سول
(حاول يبعد لقى ايديها مسكته جامد حس بدموعها على ايده..مسحت وشها بسرعه وقامت من على السرير حاولت تبعد عنه ..شدها ليه ودموعها غرقت قميص شهقات مكتومه منه..اتكلم بتعب)
كيوهيون:اسف
سول:لو هتقول اسف وهترجع تمشى تانى يبقى ملهاش لازم
(بصتله بخوف..مسح دموعها سندت راسها على ايده)
سول:كيوهيون..قولى الى حصل
(بعد عنها ببطء ولف بسرعه وخرج من الاوضه...انهارت كانت دى القشه الى قسمتها كانت بتتمنى يجيلها القوه تطلع قلبها وترميه مش قادره تتحمل الوجع اكتر من كدة ..دقايق وسمعت صوته وهو نازل دموعها نزلت مكتومه مش عارفه توقفه تعبت من الرفض...وقفت فى البلكونه شافته وهو ماشى)
سول:انا اسفه انى زوجه مش كويسه ليك تشو كيوهيون
(دخلت هانا الاوضه لقتها قاعده فى الارض ودموعها نازله كسيل جريت عليها واخدتها فى حضنها)
هانا:كل حاجه هتتحل زى كل حاجه
سول:هو كان صح لما قال اننا ما ينفعش نكون لبعض يا هانا
هانا:لا طبعا
سول:لما يرجع مش هيلاقينى
هانا:مش فهماكى
سول:هريحه منى يا هانا ..خلى بيونج كى يحجزلى اقرب معاد رحله للصين
هانا:لا طبعا مستحيل
سول:انا هروح لاخواتى يعنى هيعرف يجيلى فى اى وقت ما تقلقيش
هانا:بس
سول:ده هيريحه حاسه انى انا السبب .. واهو لغايه الولاده مش قادره الوم نفسى اكتر من كدة يا هانا..ابعتى بيونج كى بس هيون وو ما يروحش معاه لانه اكيد هيبلغه وانا مش عيزاه يعرف لغايه ما اوصل الصين على الاقل
(هزت هانا راسها وخرجت من الاوضه..دخلت سول اوضه الهدوم وطلعت شنطه صغيره حطت فيها هدوم ليها..وراحت نامت على السرير..حطت ايديها على بطنها)
سول:شكلها هيبقى احنا بس
(غمضت عنيها ونامت صحيت الضهر على صوت مين جى)
سول:فى ايه
مين جى:سيد تشوى تحت
(بصتلها سول بقلق ونزلت معاها)
سول:فى ايه يا شيون
شيون:كيوهيون فين
سول:ها
شيون:كيوهيون فين
سول:سافر الفجر لجيجو
(خرج شيون بسرعه جريت سول وراه ومسكت ايده)
سول:فى ايه
شيون:بعدين يا سول هكلمك وافهمك محتاج اتكلم معاه الاول
(ركب شيون عربيته بسرعه واختفى من قدامها بصتله بقلق ودموع اتكونت فى عنيها..جت مين جى وراها)
مين جى:فى حاجه
سول:بتمنى لا
(لقت بيونج كى جي وفى ايده تذكره)
سول:امتى
بيونج كى:بكره الساعه 12
سول:معلش تعبتك
بيونج كى:سيد تشو لو عرف
سول:ما تقلقش هسيبله جواب اعرفه انى انا الى جهزت كل حاجه علشان ما يلومش حد فيكم
بيونج كى:انا قلقان على حضرتك..ممكن تسمحيلى اجى معاكى اوصلك بس وهرجع تانى
سول:ما تخافش هتصل ببوران يجيلى هناك..انا بس مش عايزة هيون وو يعرف حاجه غير وانا فى المطار
بيونج كى:بليل هدخل شنطتك فى العربيه وهيون وو مشغول..بس استاذ كيوهيون مشدد الامن على القصر وعلى حضرتك فأكيد هيوصله ان حضرتك ركبتى الطياره
سول:ما هو على طول فى امن
بيونج كى:بس الاسبوع دة الحراسه بقت الضعف حتى حراستك الشخصيه زادت
(ابتسمت باستهزاء)
سول:وفى جميع الاحوال لسه حاسه بنفس عدم الامان طالما هو مش موجود
(بص بيونج كى فى الارض..دخلت سول القصر تانى وطلعت اوضتها لمت صورهم سوا..وطلعت اوضته اخدت قميص ليه وازازة برفيوم)
سول:دة الى هيفكرنى بيك يا كيوهيون لوقت طويل
(قعدت على سريره غمضت عنيها بألم افتكرت لحظات ليهم كل حاجه حصلت فى الاوضه دى ضحكت ما بين دموعها)
سول:مش قادره اوقل غير ان الاوضه دى شهدت حاجات كتير اوى
(لمست خاتم الجواز ..حاولت تقلعه بس فى الاخر بتلاقى ايديها بتضم عليه كأنها بتفكرها ان ده اخر صله بيه)
سول:تشو كيوهيون الغبى وقلبى الى متعلق بيك غبى برضه
( طلعت موبايلها سجلت فيديو..ممدت على السرير وسرحت فى ذكرياتها معاه محستش بالوقت ولا باليل الى ساد...فاقت من افكارها بدخول مين جى على الباب)
مين جى:مدام سول ارجوكى كلى حاجه وارتاحى شويه
(ابتسمت سول وطبطبت عليها)
سول:حاضر جمعيلى بس كل الى بيشتغلوا هنا وبيتعاملوا بشكل مباشر مع اوامر كيوهيون وانا هنزلهم وبعدين نشوف موضوع الاكل وعد
(انحنت مين جى ونزلت..بصت حواليها للأوضه وودعتها)
سول:بتمنى تبقى حياتك افضل من غيرى يا كيوهيون وما تبقاش مجبر تقاسى علشان تحمينى بعد كدة
(نزلت سول السفرا لقتهم كلهم متجمعين وباصين ليها باهتمام..طلعت هانا موبايلها وصورتها)
سول:انتى بتصوريى ليه يا هانا
(ابتسمت هانا بحزن..هزت راسها بتفهم)
سول:احم طب صورى من الجنب اليمين بروفايل وشى بيبقى احلى (ضحكت بخجل وبصتلهم باهتمام)..دلوقتى لظروف حملى انا مش هقدر افضل هنا..كيوهيون لما هيرجع غالبا هيبقى متعصب بس انتوا متعودين يعنى مش حاجه جديده
(ضحكوا بصوت واطى)
سول:غالبا ممكن ما اقدرش ارجع هنا تانى ممكن ما تشوفنيش اعتبروه وداعى الاخير ولو رجعت انسوه علشان ما يبقاش شكلى وحش اوى (ضحكت بخجل) كل فتره لما يطلب قهوه بيبقى متوتر قدموله عصير وقولوله سول الى قالت كدة هيتعصب ويرمى الكوبايه اعملوله غيرها هيشربها بيحب يعترض على اول مره طالما هو فى البيت حرفيا اجروا وراه بالاكل..وعلى قد ما تقدروا امنعوه يشرب خمرة اى نوع قولوله على طول مفيش ولواتعصب طلعوا اى نوع ما بيحبهوش هيمل بسرعه..كدة خلاص ده الى عايزة اقوله
(حطت هانا الموبايل وراحتلها)
هانا:ياريت ما تمشيش
سول:انا كدة برحمه من العذاب الى هو فيه هو محتاج انى انا الى ابعد مش عايز هو ياخد الخطوه تانى علشان ما يأذنيش
(ابتسمت وطبطت على هانا..فقدت توازنها للحظه سندتها هانا ومين جى)
هانا:فى حاجه
سول:لا بس
(نفسها بقت تاخده بصعوبه)
سول:مش عارفه اخد نفسى وراسى تقيله وحاسه بوجع رهيب فى بطنى
هانا:اطلعى ريحى..وهتصل بدكتور كيم يبعت حد
سول:لا لا ملهوش لزوم طلعينى اوضتى بس
(خطوتين ووقعت سول فى الارض صرخت مين جى)
هانا:اتصلوا بالدكتور كيم ييجى ومعاه دكتوره نسا
(جريت مين جى بسرعه اتصلت بكيم..نادت هانا على بيونج كى شال سول طلعها اوضتها..بصتله هانا برعب)
هانا:السيد تشو ما بيردش على تليفونه اتصل بأخوك هو معاه وعرفه
(انحنى بيونج كى ونزل ..قعدت هانا جنبها حاولت تفوقها..فتحت سول عنيها بتعب)
سول:ايه الى حصل
هانا:اغمى على حضرتك تحت
(ضغطت على بطنها بألم)
سول:فى حاجه بتحصل يا هانا بطنى بتوجعنى اوى
هانا:دكتوركيم هيبعت حد حالا
سول:انا هروح المستشفى
هانا:انا هبعت بيونج كى يجيبه
(قاطعتها سول واتكلمت بتعب)
سول:انا عايزة اروح المستشفى..حاسه ان فى حاجه
(رفعت هانا الغطا من على سول لقت دم شهقت )
سول:فى ايه
هانا(بتوتر):مفيش
سول:هانا
(خرجت هانا من الاوضه بسرعه نادت على مين جى)
هانا:خلى بيونج كى يستعد هننقلها المستشفى
مين جى:فى ايه
هانا:عندها نزيف..خلى هيرا تفضل ورا السيد تشو لغايه ما يرد عليها
(جريت مين جى نفذت كلامها..دخلت هانا تانى الاوضه ساعدتها تقوم تقف ..مسكت سول موبايلها واتصلت بكيوهيون )
سول:ما بيردش
هانا:هيوصلوله ما تقلقيش
سول:انا حاسه بحاجه بتنزل
(غطتها هانا بالبطانيه ونزلت معاها بسرعه ركبوا العربيه وراحوا المستشفى..دخلت سول اوضه خاصه وقعدت هانا جنبها ومين جى واقفه وراها..دقايق ودخلت اريوم الاوضه..بصتلها سول بتوسل ومسكت ايد اريوم وعيطت بحرقه)
سول:انا مش عارفه انا عملتلك ايه بس ارجوكى انقذى اطفالى مش عايزة منك غير انك تنقذيهم انا مش مهم صدقينى
(بصتلها اريوم بصدمه وحطت ايديها على شعرها علشان تهديها)
اريوم:اهدى..انتى ما عملتليش حاجه ومفيش حاجه بينا
سول:طب ايا كان الى حصل بيك وبين كيوهيون
اريوم:ما تخافيش هنقذك انتى وهما
سول:طب ايه الى بيحصل
اريوم:انتى بتولدى
سول:لا مستحيل انا لسه فى اول السابع
اريوم:بتحصل ساعات
سول:هما ازاى هيتولدوا دلوقتى
اريوم:ولاده مبكره بتحصل صدقينى كتير بيولدوا فى الشهر ال7
(اتحركت سول على السرير ومسكت البطانيه ضغطت عليها)
سول:مش فهماكى
اريوم:طالما الكيس السلوى اتقطع يبقى لازم تولدى..انتى فى مرحله الانقبضات عنق الرحم بيوسع بس اتى فى حالتك مش هتستحملى ولاده طبيعيه لازم ادخلك حالا اوضه العمليات
(غمضت سول عنيها بألم وصرخت..مسكت هانا ايديها)
اريوم:خليكى جنبها وانا هرجع تانى
سول:هتطمن عليهم ازاى
اريوم:دلوقتى خلينا نطمن عليكى
سول:طب انا هستحمل لغايه ما كيوهيون ييجى
اريوم:ما ينفعش
سول:مش هدخل العمليات من غير ما اشوفه
اريوم:هو فين
هانا:فى جزيره جيجو
اريوم:كدة هيبقى خطر على صحتك مش هينفع تستنى ده كله
سول:ميهمش انا مش هدخل من غير ما اشوف جوزى هستحمل شويه
(خرجت اريوم من الاوضه بغضب مسحت هانا على شعر سول)
سول:كيوهيون
هانا:بيونج كى كلمه وعرفه وركب الطياره
(صرخت سول بألم واتكومت فى السرير وابتدت تنهج بعنف ودموعها غرقت وشها..دخل كيم الاوضه ووراه ييسونغ)
كيم:ازاى هتستنى كيوهيون ييجى
سول:مش هدخل العمليات من غير ما اشوف جوزى
ييسونغ:عايز اعرف العظيم فيه انك تستحملى الوجع ده كله
(شهقت ونفسها بقى ضعيف بصتلها بعنيها المدمعه)
سول:علشان هو كيوهيون
(بصلها ييسونغ بحزن حاول يكبت رغبته بأنه يروح يمسك ايديها وضغط على ايده)
سول:الجحيم ده هفضل فيه كتير
كيم:انتى الى سايبه نفسك فيه
سول:هو مش هيتأخر انا هستحمل
(فتح شيون الباب ودخل بصلها بلهفه)
شيون:سول كل حاجه هتبقى كويسه ما تقلقيش
سول:خليه ييجى بسرعه ارجوك
شيون:هييجى
(اخدها شيون فى حضنه.غرست ايديها فى ضهره..شهقات متكرره..صرخات من الوجع..عدى ساعتين وحالتها بتسوء)
شيون:سول ادخلى العمليات
سول:عايزة اشوفه مره واحده بس..عايزة اقوله انى بحبه
شيون:لما هتخرجى قوليها
سول:دلوقتى
(مسك شيون موبايله واتصل بكيوهيون)
كيوهيون:ايوة
شيون:انت فين
كيوهيون:لسه واصل المطار
(سمع صوت صريخها...نبره صوته اتغيره)
كيوهيون:هى ما دخلتش العمليات
شيون:تعالا بسرعه
كيوهيون:هركب الهيلوكبتر وهاجى على المستشفى..خلينى اكلمها
(بعدها شيون عن حضنه وحط الموبايل على ودنها)
شيون:ده كيوهيون
(دموعها نزلت وكلامها متقطع )
سول:كيوهيون انت ماجتش ليه
كيوهيون:انا جايلك اهو يا حبيبتى
سول:قولى ان كل حاجه هتبقى كويسه
كيوهيون:كل حاجه هتبقى كويسه يا سول
سول:ما تسبنيش
كيوهيون:انا دقيقه وهكون عندك
(هزت سول راسها بالموافقه وخبت وشها فى المخده كتمت صريخها..سمع صوتها قبل ما يقفل..ركب الطياره وقلبه حرفيا بين ايديه..اول لما وصل على سطح المستشفى لقى كيم وشيون مستنينه نزلوا كلهم سوا)
كيوهيون:انت مش معاها ليه
شيون:دونغهى تحت
كيم:لازم ندخلها حالا العمليات..اريوم مستعده من بدرى
كيوهيون:مفيش غيرها
كيم:اريوم شاطره مش شايف حد افضل منها
كيوهيون:انا
كيم:دلوقتى مصلحه سول وولادك اهم
كيوهيون:مصلحه سول اهم
(وصل لاوضتها ودخل بسرعه..بعد دونغهى عنها علشان يديله مساحه..جرى عليها بلهفه و اخدها فى حضنه)
سول:انا بحبك
كيوهيون:وانا كمان بحبك اوى
سول:مش عايز اولد دلوقتى يا كيوهيون
كيوهيون:ششش هتبقى كويسه
سول:عيزاهم هما الى كويسين
كيوهيون:ما تقلقيش كل حاجه هتبقى بخير
سول:الحمد لله انى شفتك
(غمضت عنيها بتعب وسكنت..بص كيوهيون لكيم بصدمه)
كيم:فوقها
(خرج كيم بسرعه نده على الممرضات..خبط كيوهيون على وشها علشان تفوق..دخلت اريوم ومعاها الممرضات..شالها وحطها على السرير المتحرك..فضل ماسك ايديها لاخر لحظه..بص لكيم)
كيوهيون:عرفهم انى هدخل معاها العمليات
(بصتله اريوم بغضب)
اريوم:عارفه انك ما بتحبنيش والشعور متبادل بس انا مش هنتقم منها
(زعق لكيم)
كيوهيون:سمعتنى
اريوم:هتستحمل لما احط المشرط فيها
(مسكها كيوهيون من ايديها وبصلها بقلق)
اريوم:مش هأذيها انا دكتوره
(سابته ودخلت اوضه العمليات..قرب كيم منه)
كيم:العمليه خطر فى حاله سول
كيوهيون:نعم بتقولى دلوقتى ..ما ودتهاش بره ليه
كيم: مش هتلحق اصلا تخرج من المستشفى دلوقتى هى ماطلت بما فيه الكفايه..وحالها الى وصلتله رغم انى نبهت عليك وعليها حالتها النفسيه وده كله وداها للولاده بدرى عن معادها
كيوهيون:انا انانى وحقير وغبى وما استاهلش سول..ها فى حاجه تانيه هتتقالى
(بص لهانا بغضب)
كيوهيون:ايه الى حصل
(الدموع اتكونت فى عنيها..بلعت ريقها وحاولت تتماسك )
هانا:كانت بتكلمنا وفجأه داخت واغمى عليها انا افتكرت من قله الاكل والاجهاد الى هى فيه وطلعناها اوضتها واتصلت بدكتور كيم..لما فاقت قالتلى انها عايزة تيجى واكتشفت ان عندها نزيف
(بصت فى الارض ودموعها نزلت)
كيوهيون:عايز اعرف ازاى الدكتوره الى انت اجبرتنى عليها سابت مراتى ده كله رضوخ لرغبتها
ييسونغ:علشان امنيتها الوحيده تقولك بحبك امنيتها انها تستناك لدرجه انها تستحمل كل الالم ده
(مسكه ييسونغ من ياقه قميصه وعنيه بتطلع شرار)
ييسونغ:قبل ما تلوم حد لوم نفسك علشان هى وصلت للحاله دى بسببك
(زقه ييسونغ ومشى..قعد كيوهيون على اقرب كرسى ليه..حط وشه ما بين ايده )
Kyuhyun POV
مش عارف اتكلم كلامه صح وانا عارف انه صح انا السبب...خليت الفجوه تكبر ما بينا برافو يا كيوهيون انت اسؤ من عيلتك كلها انا مش هعرف اعيش وانا باصص فى عنيكى يا سول قولتيلى افضل جنبك وكالعاده بمشى..حطيت ايدى على قلبى وهمست كل حاجه هتبقى كويسه زى ما بتعملى بس لمستك هى السحر ليا يا سول مش الكلمه
End POV
(الوقت بطئ مفيش حاجه رحماه تفكيره منصب عليها الساعه كأنها سنه..بص لكيم واتكلم بصوت مخنوق)
كيوهيون:هو طبيعى تقعد اربع ساعات فى عمليه ولاده
كيم:ممكن اه
(خرج دونغهى وانهيوك شويه ورجعوا)
انهيوك:لسه
(هزلهم شيون راسه بأسف)
شيون:كنتوا بتعملوا ايه
دونغهى:وزعنا الحراسه علشان
(قاطعه شيون)
شيون:فهمتك..اهم حاجه محدش يعرف
(خرجت ممرضه جرى من اوضه العمليات وقفها كيوهيون)
كيوهيون ايه الى بيحصل جوه
الممرضه:فقدت دم كتير واحنا بنولدها ومحتاجه اجيب اكياس دم ضرورى
(جريت من قدامى ...بص لكيم وحاول يتكلم بهدوء)
كيوهيون:النزيف بيحصل عادى اى ولاده بيحصل فيها كدة صح..سول كويسه
(عدت الممرضه قدامهم لاوضه العمليات نص ساعه كمان واتفتح باب العمليات ..خرج ممرضتين بسراير التؤام ودكتوره ماشيه معاهم..راح دونغهى وانهيوك ناحيتهم..ابتسم دونغهى وهو باصللهم..وعملهم انهيوك حركات مضحكع بوشه)
دونغهى:فيهم شبه من سول..واه انت عارف انهم مش شايفينك اصلا يعنى بطل حركاتك الهبله دى
(حمحم انهيوك وبعد..بص كيوهيون للدكتوره)
كيوهيون:هى ما خرجتش ليه
الممرضه:المريضه هتخرج حالا
هى جى:التؤام كويس بس احنا هننقلهم الحضانه
(عروقه برزت وغضبه زاد بصلها وعنيه زى الجحيم)
كيوهيون:صدقينى وجودهم من عدمه..كويسين ولا لأ انا مش فارق معايا انا عايز مراتى
(دمعه فلتت من عنيه..وجه نظره على اوضه العمليات لقى الممرضات واريوم خارجين بيها جرى عليها ولمس شعرها بعطف اتنهد براحه)
كيوهيون:هى عامله ايه
اريوم:سول ما فاقتش
(بصلها ببطء)
كيوهيون:يعنى ايه ما فاقتش
اريوم:انا اسفه بس هى فى غيبوبه
(ضحك بسخريه..ضغط على ايديها بغضب)
كيوهيون:وانتى فكرك انى هصدقك
اريوم: النزيف الى اتعرضلته قبل وفى العمليه قلبها وقف تلت مرات واحنا بنولدها والدم موصلش للمخ بشكل طبيعى ادى لغيبوبه
(بصلها كيوهيون باستنكار والدموع عرفت طريقها على وشها )
كيوهيون:يعنى ..هكلمها ومش هترد عليا انتى بتعاقبينى يعنى بكلامك خلاص مبروك اخدتى انتقامه وكسرتينى اهو ..بس مش هسمحلك تلعبى بينا انا هاخدها وهنروح البيت
(راح ناحيه سريرها علشان يشيلها..وقف شيون قدامه)
اريوم:علشان مصلحتها هى بلاش تاخد اى قرار امن مكان ليها هو هنا
(مسك دونغهى ايده وهز راسه بالنفى)
دونغهى:اسمع الكلام
(نقلوا سول للعنايه المركزه فى قسم الولاده..وقفوا قدام الباب بص لاريوم بهدوء)
كيوهيون:مليش دعوه بأى كلمه قولتيها حصلت فى العمليه ..(بلع ريقه بصعوبه) سول هتفوق امتى
اريوم: سول فى غيبوبه مؤقته مقدرش اقول حاجه ممكن تفوق النهارده ممكن بكره بعد سنه او ممكن ما تفوقش خالص
(خبط ايده فى الحيطه كذا مره ..الدم سال على ايده جز على سنانه وضغط على رقبه اريوم بأيده)
كيوهيون:لو سول حصلها حاجه مش هيكفينى فيكى عمرك انا هوريكى الجحيم على الارض يا اريوم قبل ما اقتلك
(مسكه دونغهى من ضهره ..وساعدها شيون علشان تمشى)
كيوهيون:امشوا مش عايز اشوف حد
(طبط انهيوك على ضهره ..دخل كيوهيون غير هدومه للبس المعقم ودخل العنايه..بصله شيون بحزن)
شيون:انا هروح اشوف التؤام
دونغهى:هو مش هيشوفهم
شيون:ما اظنش انه مستعد دلوقتى
(بص شيون لكيم)
شيون:امنع اى حد يتكلم عنهم قدامه لغايه ما سول تفوق
(هز كيم راسه بتفهم..راح التلاته الحضانه لقوا هى جى واقفه هناك )
هى جى:كويسين عندهم طبعا انميا بس اجهزه جسمهم شغاله مفيش قلق ووزنهم الحمد الله كويس..بس هنسيبهم هنا يعنى يومين برضه للحذر
انهيوك:سول
هى جى:ندعى انها تصحى
(بصتلهم بأسف ومشيت)
شيون:لو سول حصلها حاجه مش عايز اتخيل رد فعله
دونغهى:مش هيحصلها احنا عارفينها قويه
(ابتسم شيون بضعف ومشيوا من المستشفى ..كان قاعد على كرسى جنبها وماسك ايديها)
كيوهيون:مغلطوش انا السبب..انا الى خليت حياتك جحيم... عارف انك من جواكى بتتمنى لو ماكنتيش قابلتينى لو مكناش اتجوزنا كان زمانك فضلتى مع اون سو عارف انك حاسه بالذنب بأنك مش البنت المثاليه ليه وده كل انا السبب فيه يا سول كنت انانى من اول لحظه عينى وقعت عليها فيكى بس انا عايز افضل انانى واشوفك قدامى..انا معنديش حاجه اقدمها ليكى غير عمرى لو هدهولك بس ما تبقيش بالمنظر ده مش عارف اساعدك حتى قولتلك مليون مرة ما تحسسنيش بالعجز يا سول..انتى شلتينى دلوقتى
(مسح دموعه بأيديها واتنهد وهو بيضم ايديها بين ايده) انتى مش هتاخدينى فى حضنك..طب عاقبينى بأى حاجه تانيه بس الصمت ده لا..انا اسف ارجوكى
( دخلت هانا ووقف قدامه)
كيوهيون:مش قولت كله يمشى
(انحنتله)
هانا:صحه التؤام كويسه
(بصلها وعنيه لونها احمر واتكلم ببرود)
كيوهيون:صدقينى اخر حاجه عايز اعرفها هتبقى عنهم
هانا:بس هى هتبقى عايزة تعرف لما تصحى
(بص على سول بحزن ولمس شعرها...نقلت نظرها لايد سول واتكلمت بصوت واطى)
هانا:الاسوره دى..قلعتها مره واحده وهى بتستحمى وسابتها على سريرك..واحده من الى بينضفوا افتكرت ان حضرتك نسيتها وعانتها فى اوضه الهدوم كأن عالمها انهار..قالتلى وانا لابساها حاسه انه لسه هنا
(لمس كيوهيون الاسوره)
هانا:اوقات كتير كنت بلاقيها قاعده باصه فى الفراغ ولمساها..رغم عن كدة كرهتها وقالتلى خايفه اوريهم الاسورة دى كذكرى..انا واثقه انها هتفوق انا قعدت معاها وقت طويل وعارفه انها قويه ومش هتبقى عايزك تسيبك او تسيبهم حتى لما كانت هتسافر وصتنا
كيوهيون:هتسافر فين
هانا:مدام سول كانت هتسافر الصين..بالظبط طيارتها كانت هتطلع بعد اربع ساعات
كيوهيون:ها
هانا:قالت هتسافر شويه الصين
كيوهيون:ومحدش قالى ليه
هانا:هى الى طلبت
كيوهيون:لما كانت بتكلمكم
هانا:لا كانت بتقول حاجه تانيه
كيوهيون:كانت بتقول ايه
هانا:انا مصوراه
(خرج كيوهيون مع هانا بره العنايه..وطلعت موبايلها ورته الفيديو بتاعها وهى بتتكلم معاهم ابتسم واتنهد )
كيوهيون:هى كانت بتقول وداعها فعلا ليكم..حتى وهى غضبانه وسيبانى مهتمه انى افضل اتنفس ما تعرفش انها اكسجينى
هانا:قبل ما حضرتك تيجى قالتلى اديك موبايلها تشوف الى عليه
(ادته هانا الموبايل ومشيت..حط ايده اتفتح ببصمته..فتح الجاليرى لقى صور ليه وهو نايم وصور ليها معاه اخر حاجه اتسجلت فيديو فتحه)
*احم معنى انى بعتلك الفيديو ده يبقى انا وصلت حاليا الصين انا بصور الفيديو ده من اوضتك ما تقلقش وقولت ابعتلك الفيديو ده برغم انك مش هتشوفه غالبا لان هيون وو او حد هيبلغك انى سافرت فهتبقى عرفت منى متأخر..(حطت ايديها على شعرها بخجل) معرفش انت متضايق ليه بس انا عارفه انه اكيد بسببى وعارفه ان وجودى قدامك مصعب الموضوع عليك عارفه انك مش عايز تبعدنى عنك ومش عايز تبعد عنى لتجرحنى فقررت اخد القرار عنا احنا الاتنين..اعتبر الفيديو ده وداعى ليك لغايه ما اولد وبعدها نقرر هنقدر نكمل مع بعض ولا لأ انا مش عايزة اعيش مع واحد على طول شعوره ليا مختلط ما بين حاسس بالاسف والذنب والحب انا بطلب منك كتير بس انا عايزة مشاعر الحب بس الى ما بينا بس انا برضه خطيئتى انى حاسه بالأسف(دموعها نزلت مسحتها بسرعه) عقده البنت الى سابت ابوها لسه مأثره فيا.. وعقده الذنب بانى مش زوجه صالحه ليك يا كيوهيونى (ابتسمت ما بين دموعها) انت اكتر مما تمنيت لحياتى انا اسفه لو جرحتك واسفه انى دايما بحطك فى مشاكل..عارف انا فرحت لما قولت انى نقطه ضعفك بس معرفتش ان نقطه الضعف هتخليك كدة وانا مش عايزة يبقى ليك نقطه ضعف انا عايزاك قوى حتى لو بسحب نفسى من حياتك حتى لو هموت مش عايزة حاجه تانيه تبقى نقطه ضعف ليك (بلعت ريقها بصعوبه وبصت بتوتر) انا مش عايزةاشوفك يا كيوهيون فياريت ما تجيش الصين علشان مش هقابلك هشتاقلك لوحدى وانت فى مكانك هتابع اخبارك لو فى يوم حبيت تشوف هانيول ونارى هخليك وده اتمناه من كل قلبى هخليك تقابلهم مش هقول نتطلق لانى حاولت اشيل الخاتم من ايدى (شهقت واتنهدت بتعب) بس بقالى فتره ومش عارفه اقلعه حتى انت رابطنى بيه ولا ايه (ضحكت) الموت اهون عليا من انى اسيبك وامشى وعلى قد ما ده هيوجعك على قد ما هو مقطع قلبى لاجزاء لو اتقابلنا تانى خلينا ما نشيلش هم لاى حاجه ونعيش بسعاده انا بحبك*
(دموعه نزلت ودخل بسرعه العنايه ومسك ايديها وباسها)
كيوهيون:انا كمان بحبك بس اثبتيلى انك بتحبينى فعلا..ما تسبنيش ارجوكى علشان خاطر هانيول ونارى انا مش هعرف اتعامل معاهم يا سول من غيرك مش هعرف ابص عليهم وانتى مش جنبى
(غمض عنيه بألم وباس راسها وقعد جنبها...تانى يوم دخل شيون لقاه قاعد على سريرها ومنيمها فى حضنه وماسك ايديها وباصص عليها..بلع ريقه بصعوبه )
شيون:مانمتش
(اتكلم بشرود)
كيوهيون:كل ما اغمض عينى بسمع صوتها وهى بتقولى انا مش عاجبنى الحال الى وصلنا فيه..كل ما اغمض عينى افتكر وانا بزعقلها وهى بتجيلى زى الغبيه تحضنى وانا ازقها..سول بتعاقبنى يا شيون انا السبب فى انها ما فاقتش لغايه دلوقتى
شيون:اريوم قالت انها غيبوبه مؤقته يعنى ممكن فى اى وقت تصحى
(دخلت الممرضات ومعاهم حاله تانيه..انحنوا ليه ونقلوها على السرير)
كيوهيون:مفيش غير العنايه دى
الممرضه:دى بتاعت الحوامل يا فندم
كيوهيون:انقلوها
شيون:علشان حالات الولاده يا كيوهيون..هقول لكيم ينقل سول فى مكان تانى احسن
(شدها لحضنه اكتر)
شيون:ما تقلقش هتفوق
كيوهيون:وممكن لا..سول لو ما فاقتش
شيون:اهدى
(عنيه كانت ميته وهو باصصله)
كيوهيون:انا العالم كله مش هيبقى فدى ليها
(سكت شويه)
كيوهيون:انت جيت ليه
شيون:جاى اتطمن عليك وعليها
(دخل كيم الاوضه)
كيم :صباح الخير
(نطق من غير وعى ومسح على شعرها)
كيوهيون:صباح سول
(بص كيم فى الارض بحرج)
كيم:قعدتك جنبها مش هتفيدها
كيوهيون:بس هنا انا عارف اتنفس
كيم:معلش فى حالتين ولاده كمان وهيدخلوا
كيوهيون:انقلهالى من هنا او انقلهم هما اى مستشفى
كيم:على بليل هخلى العنايه فى دور الVIP فاضى
كيوهيون:ماشى
(بص واحد من اهل المريضه التانيه على كيوهيون )
..المفروض تراعى انك فى العنايه وان فى مرضى تانين غير مراتك
(بصله كيوهيون ببرود..وحول نظره لكيم)
كيوهيون:امنعوا اى زياره لغايه ما تنقلوا سول مكان تانى
...انت بتتكلم بصفتك ايه
(عدل سول على السرير وقام بهدوء وقف قدامه)
كيوهيون:صدقنى انا دلوقتى مستعد احرق المستشفى كلها وانا جواها ما تخلنيش اطلع غضبى عليك
(جيه شيون جنبه وشده بره)
شيون:انت مش كدة
(بصله كيوهيون بعصبيه واتكلم بغضب)
كيوهيون:ولا هى المفروض تبقى كده..ومحدش يقولى اهدى..علشان انا فى لعنه محدش حاسس بيها مش عايز اسمع كلمه واحده صدقنى مش عايز موعظه فارغه
شيون:روح شوف ولادك
كيوهيون:مش عايز
شيون:علشانها هى
كيوهيون:سمعتنى يا شيون على ما اظن
(دخل كيوهيون العنايه وقعد جنبها..دقايق ودخلت الممرضه وجسمها كله بيترعش وقفت قدامه وانحنت بخوف)
كيوهيون :فى ايه
الممرضه:فى استاذ تحت بيسأل على اوضه مدام سول ومصر يطلع
(عدلها على السرير وهمس فى ودنها)
كيوهيون:مش هتأخر
(خرج مع الممرضه بره لقى شيون فى وشه)
كيوهيون:هو حد عرف عن سول
(هز شيون راسه بالنفى وبصله باستغراب)
كيوهيون:امال مين الى جيه تحت..لو دونغهى او انهيوك كانوا طلعو
شيون:تعالا ننزل نشوف مين
(نزلوا تحت قاعه الاستقبال لقى هوان واقف ومعاه بوكيه ورد..بصله كيوهيون ببرود وشيون وقف جنبه)
هوان:دة استقبال..مش واجب عليك تاخدنى بالحضن ده انا ما بقاليش 48 ساعه خارجه
كيوهيون:انت بتعمل ايه هنا
هوان:جاى اتطمن على مرات اخويا هى فى اوضه كام صحيح اه صحيح نسيت انها فى العنايه
كيوهيون: انا ماسك اعصابى بالعافيه ما تستفزنيش
هوان:انا غلطت يعنى انى جاى اتطمن
(شده كيوهيون من ياقه قميصه)
كيوهيون:ابعد عن وشى دلوقتى
هوان:لو تحب اساعدك فى فلوس الجنازه
(غمض كيوهيون عنيه ..ثوانى لقى الى بيسحب هوان ما بين ايده وضربه..بصله كيوهيون بصدمه)
كيوهيون:شيون
شيون:انت لو ما اتخرستش صدقنى انا هقتلك وادفنك ومحدش هيعرفلك طريق
هوان:تحب نجرب هيعرفوا ولا لأ
(قام شيون من عليه وتف جنبه)
شيون:القذاره الى زيك المفروض تتعدم
هوان:اخويا الى خرجنى
شيون:ما تخافش ده اخر غلط ليه
كيوهيون:امشى مش خرجت خد امك وامشوا من هنا
هوان:دى بلدى على فكره
كيوهيون:لا انا هخليها جحيمك كل الكلام الى انت اقنتع بيه يونج هوان مش فى دماغى ..مش عايز المحك تانى والا هخليك تعفن جنب صاحبك
(خرج هوان بسرعه من المستشفىواختفى من قدامهم)
كيوهيون:عايز اشرب قهوه
شيون:وانا كمان
(راحوا كافتريا المستشفى وقعدوا)
شيون:انت ما قولتليش ليه عن يونج هوان
كيوهيون:هقولك ايه
شيون:تقولى على الى عمله والى قاله
كيوهيون:كان الهدف الاساسى اخرجه وادينى عملتلهم الى عاوزينه
شيون:وفى الاخر كسبت ايه..فى الاخر لما خرج برضه مصر يكمل لعبه
كيوهيون:هاخد سول واسافر يا شيون..انا مش عايز اعيش فى البلد دى تانى..مش عايز اختلط بيهم
شيون:هتهرب
كيوهيون:انا مش خايف منهم بس تعبت انا من الاول ماكنتش عايز الشركه دى ولا الوظيفه دى عايزة ابدأ من جديد معاها عايزة ابدأ بسعاده معاها..الشركه رسميا بتاعتنا هسبهالك وانت تتصرف
شيون:بس انا هدفى مش الشركه
كيوهيون:عارف بس انا عايز يبقى هدفى هي
شيون:طب اتولى مسؤليه شركه لندن وبكده تبقى بعدت عن هنا
كيوهيون:اول لما سول تفوق وهشوفها عايز تروح فين
شيون:المشاكل مش هتخلص
كيوهيون:سول كانت مخططه تسافر لوحدها يا شيون وما تشوفنيش تانى
شيون:مين الى قالك كده
(اتنهد بتعب)
كيوهيون:هانا..قالت هتسيبنى علشان ما احسش بذنب وانا طول ما انا هنا وانا مخنوق ..تعالا نطلع اتأخرت عليها
(وصلوا قدام العنايه لقوا الممرضات بينضفوا سريرها وبيغيروا الملايات ..خرجت واحده منهم مسكها كيوهيون بسرعه)
كيوهيون:هى فين
(بصتله الممرضه ووشها شاحب)
كيوهيون:انطقى
الممرضه:هو حضرتك من اهل المريضه
كيوهيون:انا جوزها
(بصتله بأسف)
الممرضه:المريضه ماتت
كيوهيون:نعم مين دى الى ماتت
الممرضه:نقلوها تحت
Siwon POV
شهق ونفسه راح الانهيار التام لتشو كيوهيون عقابه الاذلى هى موتها..وقع على الارض ما بينطقش الدموع بقت فى عنيه مش راضيه تنزل وتستلم لموتها..بص للمرضه بصدمه وبصلى
كيوهيون:سول
نفسه بقى بطئ..اريوم جت ناحيتنا صدقينى مش وقتك انتى لو قربتى منه هيقتلك
اريوم:انتوا بتعملوا هنا ايه ما طلعتوش ليه اوضه سول
اوضه سول انهى
اريوم:نقلتها اوضه عاديه جاهزه دور الVIP علشان محدش يزعجها
لقيته قام وبص لاريوم
كيوهيون:هى عايشه
اريوم:ها
شدتها ناحيتى شويه..الحاله الى جوه..شاورت على العنايه
اريوم:لا دى حاله لسه خارجه ملهاش علاقه
اختفى من قدامنا
ازاى تنقلوها من غير ما تبلغوا
اريوم:دكتور كيم قالى وانا قولت انقلها وبعدت ممرضه تدور عليكم بس الظاهر ما لقتكوش
اتنهدت براحه وقلبى التقيل خف ودمعه فلتت من عينى لو انا حسيت بده امال هو حس بأيه
End Siwon POV
(وقف كيوهيون قدام اوضه بأسم تشو..فتح الباب لقاها على السرير وقع على الارض شهق ودموعه نزلت..قام ببطء واتحرك ناحيه سريرها)
كيوهيون:عقابك وقفيه ارجوكى ياسول انا اسف
(دخل شيون ووراه انهيوك)
شيون:كيوهيون
انهيوك:هى بخير
كيوهيون:طالما بتتنفس ده كفايه ..كفايه اوى
(مسك ايديها وباسها)
كيوهيون:كفايه
(بصلها شيون بحزن وشد انهيوك من ايده وخرجه)
انهيوك:ايه الى حصل
شيون:موضوع طويل يلا نمشى خليه هو هنا
انهيوك:ماشى..دونغهى قال هيعدى عليه بليل
شيون:ماشى
(حط راسه على سريرها وغمض عنيه براحه وهو بيهمس لنفسه )
كيوهيون:كل حاجه هتبقى كويسه