الرابع عشر
حبيبي اني متزوج...
ههههههههههه ضحكت بصوت عالي كتلو تره نعسانه خاف عبالك تصحيني بهيج مقالب..
لا يولي اني ما اتشاقه اني متزوج وعندي وليد
من گال هيج اهجس جسمي ثلج..گعدت لحيلي كتلو لا عليك الله مابيه انصدم...شقى لو صدك احجي وصوتي يرجف
_اسمعيني حبيبتي بس افهمج اهدي غاليتي
-
شسسمع سلطان شسمع انت شدتحچي
دحگي والله ما ظميت عليج ردت اكلج احجيلج وجه لوجه بيوم اللي اخذج ذياب وجدام عينج صارت المشاكل وحده وره الثانيه الشغله المهمه اني...
كاااااااااافي ماريد اعرف شيييييييييييي
بس اسمعي شوفي اني كنت...
اشششششششش ماريد اسمع منك حرف ولا اريد اسمع حسك مع الاسف ثقيت بيك وصدكتك وحسافه حبيتك واني ماريدك بعد خلص ابجي واحاجيه جذبت علي وهساع تذكرت تكلي ليش شسويتلك اني والله ماسويتلك شي
-ول لا اتخبلين اسمعي مني يولي لا تبچين شبييييج
مااسمع ولا اريد كللللللللشي انتهى بيناتنه انت بالنسبه الي انتهيت سلطان كلشي خلص وانتهى بدون تردد سديت التلفون بسرعه
وانفجرت ابچي انقهرت على روحي مامصدكة هيج صار ليش سلطان ليييييش معقوا هيج جنت مخدوووووعه انوب عندو وليد
يربي وييين جام عقلي
رجع اتصل بيه انوب ومارديت ظل يتصل وينكطع اخر شي شلت التلفون كطيتو عالحايط بقيت بفراشي ابچي شسوي اروح اكول لأهلي ؟؟ المن اسولف شراح يكولون عني بليلة خطبتها خربت
بقيت بفراشي اهجس اطرافي خدرت وبردت ماتحركت بقيت
بفراشي دموعي غلصن الصدمة اذتني ... شراح يكولون اهلي
عمامي اذا سمعوووو
...................،
خرب گلبك سلطان صبرك ربيييييي طلعت من الغرفه امشي واتصل وماكو رد .... تلكاني ضرغام
ضرغام خير شيخنا العريس اليوم مخبوص ...
دقيقه ضرغام خلني اخابر .... طلعت رقم ادهام خابرت
ضرغام يالله خير.... شكو اللهم جعله خير ....
__ادهام هلا شيخ
__
ادهام اريد كحلاء انطينياهه
__
نايمه والله كحلاء خيررر.!
لا هساع چنت احاجيها وحجيت وياها بموضوع وانقهرت وماسمعتني وسدت التلفون
-بس لا بموضوع الزواج .!
وانت شمدريك ؟
عرفت ذياب كلي
عجل ذياب ماعندو شغل وعمل بس خراب البيوت انطيني كحلاء ادهام يرحم اهلك نار مشتعله بگلبي ماسمعت مني شي ما خلتني افهمها كلمة
_عجل الموضوع صحيح ياخوي اذا هو اني ماادري عجل شلون ما كلت مافهمتنا شلون كحلاء تنزل على ضره ..!
ادهااام اني مطلگ يانااااااس مطللللللگ شجاكم والله مطلگ راح يصيرلي 4 سنين مطلگها..دحگ اني جاي هساع لعربكم اريد اشوفها
..وللل ماتحجي من الصبح مطلگ ووين تجي هساع دحگ الساعه شكثر ساعه 1 وعشره وابوها نايم
-والله لو تشتعل الدنيا اني جاي مالي علاقه عجل اعوفها هيج مقهورة وتبچي يلا بالطريق خوية كعدها اريد احاجيها
ادهام .... يابه وين جاي حضر تجوال صدك تحجييي ارجع يابه
هي حظرررر ابن عمي محد يوكفني كتلك كعدها اني طلعت
تعال تعال بس ديربالك يمعود .
ماشي ...سديت الخط ... اهجس نار شبت
بگلبي اريد بس اصل
...وين شيخ اكف وين رايح
..
شغله وراجع ....
اخذني وياك
..
ماكو داعي جيب السويچ ....
...والله ماتطلع وحدك
__استغفر الله يمعووود انطيني مو احاجييييك
ميخالف بس خلني اروح وياك وين طالع وحدك
كتلو عجل امشي استعجل انطيني السويج
لا اني اسوق اركب..
طلعنا اني وضرغام الطريق صار شطولة اخابرها بالسياره مغلق جهازها شحالها هساع كلو مني
عيني عالطريق ضرغام يسوق واني اصفگ بديه شجاني ماحجيت الها وجه الوجه شنون اتصلت ... رجعت خابرت ادهام كتلو بالطريق ربع ساعه يمك كاعده هيع وينها خمو بيها شي
لا هساع اشوفها بس على كيفك .... اني بالحديقة تعال
اسرع ضرغام شبيك
...
شبيك شصاير تريد نندعم .... هسه نصل
...ضيعت الاول والتالي قهرتها يول ...
قهرتها يموت عمري ....وكتري....
...عاين بالله خير وصلنا لو مافهمت بس كول ياالله
وصلنا كتلو اطبك السياره سد الحايط ولا تطوط ... فتحت الباب
كال اني اقفل السياره واحدر وراك ... خوش تعال ... تمشيت وصلت يم الباب صحت بصوت ناصي... ادهام يدهااام
جايك خويه فوت حياااااك ...
مشيت دفعت الباب وفتت عيني فوگ الغرفة طافية كتلو وينها ادهام وين كحلاء
... نايمه شجاك تعال استريح فهمني
...بس كعدها هين جدامك بس احاجيها يرحم وادليك
...استريح اشوفها حياك ضرغام
هلا اخوي ...
راح ادهام واني امشي بالحديقة رايح جاي انتظر عشر دقايق وهي ماكو عرفت ماتريد تشوفني
...........::::.........
كحلاء..
سمعت الباب يندك مال غرفتي رفعت راسي مابيه حيل اكوم اكيد سراب وبنوات عمي اني وين ودني وين ... حجيت بصوت مخنوگ
وكلت منوووو !
...
اني خالج فكي الباب
مفتوووح فوت خال ...
ها نايمه...خالي كومي امشي وياي للحديقة بس لا تخلين احد يحس كلهم نايمين
شتريد خالو نعسانه كعدت الحيلي ...
...
كومي سلطان جوه ..!
...كمت لحيلي وكفت انصدمت ركضت عالشباك دحكت من فوگ واكف وبسدة ضرغام كتله شجابه هالحزه كلو يروح ماطلع
..
شنو ماطلع الزلمة متعني وجاي بهالليل امشي جدامي
الزلمة صاير نار....
ماريدو خالي هساع اكول لأبويه كلشي انتهى خلي يروح
يولي كبري عقلج وامشي اسمعي منه السالفه واني وياج راح اكف
شسمع خالو شسمع السمعته يكفييييي خالو سلطان طلع متزووووج
ادري يمه ادري حجالي ذياب امشي هساع هو يفهمج
هااا ذياب حجالك .... يعني اول المشتفين بيه هسه هو ذياب
يمعودة الزلمة بره حدري وياي عاد ولا تسولفين جثيرررر امشي
كضبتها من ايده وجريتها...
خالووو الله يخليك ماريد احدر عوفني ... ماريد اشوفه گلبي مكسوررررر
كتلج امشي حدري ولا تسولفين وين حجابج حطي شي على راسج
_ راح احدر بس صدك كلشي انتهى ومستحيل اكون سبب بتعاسة
عائلة ... دقيقه مشيت جبت الشال وخليته على راسي طلعت من الغرفة حدرت اللبيت اظلم كلها نايمه ...
طلعنا من باب الربعه للحديقه لكيتو يروح ويجي بالحديقة ويفرك بوجهو وضرغام كاعد مدنج راسو يگلب بتلفون
سلطان منطيني ظهرة ... طلع خالي وكال تعاي .. بقيت واكفه بالطرمة .. من سمع حس خالي اندار ...
دحگ عليه بنظره ندم ... دنجت راسي وبجيت .. جة يمشي ..
رجعت ليوره من شفته حجيت وكتله وييين .!
خليك بمكانك ...
يولي ادري مقهورة وحگج بس خليني افهمج ..
شتفهمني ها شتكولي ... كل هالمده ماكدرت تحجيلي انك متزوج
شفت شگد شفت قهر وعذاب بسببك تالي بيوم فرحتييييي تصدمني
ارجع ... ارجع لدياركم گلبي تصلب عليك ... حيل
—يووولي لا اتخبلين اسمعي .. التكولي حگج بس اني مطلك والله مطلك شبيج صارلي 4 سنوات من مطلكها ول ليش تخبلتي مانطيتيني مجال اسولف ...
-هااه مطلك وشنو هذا راح يغفرلك يعنني !
-دحكي بالقران مو غايتي اكذب لو اظم عليج
واضح حييييل مو هاي غايتك ...
يولي اني مااجذب عليج .. لازتسولفين سوالف گبار گبرب عقلج
تدرين بيه احبج .... وماكو حرمة بالدنيا اخذت گلبي غيرج
- هاي سووووالف سامعيه جثيررر..!
هاااا ومنين سامعته بالله. شو تعاي ... صدي عليه من احاجيج
مايخصك ... اسمعها ماسمعها. هالشي يعنيني
هااااااا هيج يعني يولي اعرفي شنون تحجين ..
اني داحجي عادي مابي شي كلامي
يولي شسويتي بيه زلمه حجايتي العالم تحسبلها حساب واكف اتوسل بيج يولي وحق الله شاريج اللي تريدي يصير شروطج اني قابل بيها بس مو هيج تخبلتي
..درت وجهي عنو صديت غادي كال خالي محد يضغط عليج القرار قرارج هزيت راسي اي
يولي شبيج كل عقلج اعوفج والله محد ياخذج غيري
صديت عليه ورفعت حاجبي ... كتلو لا بالله ..
شلون توازيني اخذها هسه واطلع لديارنا جدام خالها .....
.تحلم والله ...
هاااا مو اسويها .... يولي ارحكي وشوفي گلبي هذا
والله ماكدرت مره تاخذو غيرج ... صدي عليه
بجيتج اليوم ....يولي لا تحرگين گلبي ...
صديت عليه ادحك هالي واكف هو وضرغان ويحجون كتله اشششش شدتححي راح يسمعك خالي انت شبيك ...
خله ايدي على وجهه وكال اصيح ... اگعد هااعرب اكللهم بنتكم
عذبتنييييييي وينو ايوج وينووو
عززززه سلطان شبيك ارجع
دحگ شلون تكول سلطان شو عيديها ... يول هالخياا هذا مايلوگرغير هاللكحيلة .... تعاي كحيلتي والله لمو الزلم واكفين
ااااي بالله ... وشتسوي
ادفيج بگلبي ... يولي لا تستفزيني والله من يكطع بفكري عرب ماتكف بوجهي ...
ديحجي كتلو خالي وراك ... اشوتله اسكت ... خالي صد علينه هو وصرغام وكال
..بالله انتو عاقلين مخابيل الساعه 2 بالليل وباجر المشيه مالتكم وانتو هيج يلا فضوني عاد
..والله خالي العتب عليك المفروض انت تعرف بكلشي
..هااااه انوب السالفه اندارت علي يولو
...ماادري فكري مو صافي السمعته حيل اذاني
-عجل شلون هي لو اي لو لا الزلم باجر كله تحدر ليمنه
-
يعني اذا كلت هساع لا
يولي فهميني الضارج شنو اني انسان منفصل ... ليش هيج دتسوين
لأن ظميت علي مو لأن مطلك وهذا حقي
هساع شلون ارضيج كوليلي
ضرغام كال اححمم اكول خيتي ليش ما تخلصون الخطبة باجر وبعدين عاتبو وتجاتلو اكلبوهت گلاب ههههههه بس خل تفض. باجر الشيوخ كلها عزمانهه شنكول الهم ها يابه ..!
دنجت راسي وهو يحجي ماعرف شرد بداخلي اهجس شي انكسر
تردد وخووووف ... كال والتالي ... بعدج قافله
رفعت راسي عليه خزرته بعيني وصديت على خالي
—كتلو خالي گوله يقبل اكمل دراسه ؟
..
تنفس حيل وكال ايييي بس وظيفه لا مااخليج تحتاجين شي ابد من رجلج لراسج يجيج تكملين دراسه ميخالف بس وظيفه لا
..الله كريم...
...فهميني قرارج شنو يابنت الناس المشيه ب4 العصر
...موافقه بس گلبي موجوع منك دموعي هاي انت سببها مااريد اشمت الناس بيه وذياب وعمامي لا...
لا عبالك اعديها هيچ
..
حگج يابه حگج ....
دحكتله بعيني وهمست من رخصتكم
عفتهم وصعدت لغرفتي يمكن من عرفتو مطلك ارتاحيت بس گلبي بعدو مقهور ماادري اهجس روحي مفرفحه
ماردت احد يتشمت بيه گلبي يكول شي وعقلي يكول شي رحت للغرفة كبل كطيت نفسي عالفراش ردت بس انام بدون تفكير
للصبح امي تكعدني هي وسراب يلا كومي كحلاء الساعه 8 ونص وانتي نايمه كومي ورانه شغل ووراج صالون يلا
...اي اييييييي....
هاي شبيها ول كومي عاد
اي يمه اي كمت هففففف
كوووه كمت ما الي واهس ابد عكس البارحه النهار كلو اني انتظر هذا الصباح لحظه لحظة دفعتني سراب للمغسله وتكلي شبيج كالبه خلقتج شصاير ومارديت عليها غسلت ورحت البس شي خفيف ولبست فوكاه العبايه صحت امي
يمممممه منو يروح وياي للصالون
...خالتج ولمياء يلا يمه استعجلي
عجل ليش بس لمياء وواني
...سراب فارجي عن وجهي
..
ياااااا انتي شبيج اليوم يولي
...اهووووووووو دوخري امشي بالبيت واصيح مو طايفه حتى نفسي ...
اجت لمياء كالت يلا كتلها شيلي الفستان مالي حيل اشيلو
..شبيج يولي مريضه ؟
لا بس ارهاق ... مادري جسمي مكسر
اي احتمال من التوتر والتفكير .... حدري جدامي
حدرنه جوه نريد نطلع دحك بوجهي خالي ادهام وكال لخالتي ولمياء اصعدن السياره مفتوحه كلي تعالي للربعه بعيد عن هين
عرفتو يريد يحاجيني ومايحس احد
...كحلاء افرديها عيشي يومچ دحكي البارحه كتلج محد يجبرج وانتي وافقتي لا تبقين ضايجه يبعد خالج تره سلطان خوش سلطان
هزيت راسي ان شاء الله
كمنا طلعنا للسياره وخالي يوصلنا خليت راسي يم الجامه وعيني عالطريق وفكري شارد بغير مكان ماحسيت لما وصلنا كال خالي انزلي دحكتلو اي خالي اي ..
حدرت وخالتي وراي دكينا باب البيت شوي وطلعت بنيه صغيره كالت فوتو
فتنا جوه لين ام الصالون كالت تأخرتو شويه
كالت خالتي صار ضرف شويه
...انتي العروس
هزيت راسي اي
..
عجل شبيج ضايجه
ااا مابيه لا بس شويه صخنت بالليل
...لاااا يمممه ماضايجه والله العريس كتل روحو عليها عجل غير صار فصل ودگ ايد ورجل وكال الا هي واخذها من ابن عمها
حگ والله حلوه وتستاهل بالمبارك
شكرا تسلمين ... بس لحظة اريد مكياج
يكون ناعم وخفيف اووفعيلي شعري اريد خصل ناعمه وخليلي
من هذا البروش وينو طلعي لمياء
هذا مووو.!
اي حبيبتي جيبي...
ماشي انتي بس غمضي عيونج والباقي عليه ...
ولو مثل مايگولون القالب غالب ... الحلو حلووو ... ❤️
غمضت عيوني وسلمت نفسي الها وبالي راح يم سلطان شلووون سالفه ربي ماعاد يهدأ گلبي
بقيت سرحانه اتذكر كلامو واجه ابالي ليش طلكها ؟ عجل اذا عندو ابن منها ليش طلكها ؟ وهي كرايبهم لو غريبه وصارلو شكثر من طلكها
قطعت افكاري ام الصالون كالت افتحي عيونج دحكت عليها كالت دحكي فوك بقت ترسم عيوني من جوه
رسمتلي شفايفي وكملت كل مكياجي انداريت دحكت لخالتي كامت تصلي عالنبي
...عجل اني هم مثل مكياجج
...والله ماتحطين مثل مكياجي خليني اكون مميزه يولي منو العروس اني لو انتي
... لمياء خبيثه ... ههههه
سوتلي التسريحه ونزلتلي الخصل كالت جيبي البروش نطتها لمياء البروش كان شكلو فراشه بيها كرستال ابيض وذهبي جثير حلو
كالت خلصنه
شكثر فات وقت بالصالون ماادري طلعتلي لمياء الفستان اريد ابدل بعدين صفنت كتلهم لا بالبيت ليش من هساع البسو
هااا خلصنا ؟؟
اي ماشاء الله گمر تخبلين
عجل خابرو خالي
خابرت خالي كال راح ادزلكم سيف لان مشغول
تذكرت تلفوني اوووو ناسيه مغلق
لهناك سيف اتصل كالت خالتي يلا وغطي نفسج جة سيف
طلعنا تمشيت للسياره ركبت شويه رفعت الشال من وجهي ودحكلي سيف كال ... شگد لابخات يولن
لمياء .... يول خفيفن منين لبخنا ...
..لا ابد .. هساع هذا مو لبخ الله يساعدنا احنا الزلم .. عالعموم نمشي.!
كتلو امشي عيني امشي الله يساعدنا عليكم مو انتو يابه
ضحك وكال اثنينه بلوه ... شغل السياره ومشه رحنا للبيت لكيت سيارات عمامي موجوده كال تهدرسن على كيفجن كبل من باب المطبخ ...
كتله خالتي جيبي العلاكة وياج ... حدرت على كيفي وكبل للمطبخ بسرعه ... تلكتني سراب شايه الجفجير وبي تمن ...صاحت
يمممممممممممممممه جت كحلاء
...صكع صوووتج سراب شبيييج
رفعت الشال ...
...الللللللله شطالعه اليوم الجميله شطالعه شطالعه يمه دحكي شلون حلوه ...
..صلوات على محمد يمه اكعدي ابخرج
لااااا يمه ابخت النبي مااريد اختنك
ول يمه من العين شبيج
يمممه ماريد مارييد
عجل اصعدي لغرفتج جابولج شغلات
..شغلات شنو
...
هساع اصعدي فوك
تمشيت للدرج وصعدت صديت صحت لمياء جيبي الفستان
اخذتو منها وصعدت فوك باب غرفتي مفتوح شوي بيها احد فتحتو لين ساره هي وليلى بنتها بالغرفه ابتسمت الها ناطيتتي ظهر وكاعده تحط علاليك مال كبار وصغار عالسرير واحذيه ترتبها يم مكان احذيتي وتعزل
...هلاااا ام ليلى
...صدت علي هلا يغاليه يااااصلاوات على محمد يمه هنيالك يخوي ول شطالعه
...ههههههههه صدك حلوه
...تخبلين والله
...اييييييه تنهدت قوي
...عرفتي بسلطان مطلك مو ...
...ليش محد كلي عجل انتي شلون ضميتي علي
...
بالقران عبالي تدرين يا حبيبتي والله حقج بس لو تشوفي من البارحه مانام دقيقه يطب ويطلع ويزكح علينا اعصاب ناررررر
...اممم جة البارحه بالليل
...وين جه ؟؟
..هين
ول شوكت
..وره ال1
يبرر الموقف هو وضرغام وسولف وحجيت وياه بس مو عبالو اني رضيت لا ومااعبر السالفه هيج عجل اني فضلتو على ابن عمي هيج يسوي بيا ليش والله صدمة البارحة گلبني گلب بسالفته داحجي اختنكت .. تزلت دمعه مني
...يوووولي لا تبجين احلفج بعزيز گلبج لا تبجين هساع مكياجج يخرب اكعدي اسولفلج...
سلطان تزوج بنت خالي
..
هاا كرايب
..اييي اسمعي
خوالي من قديم همه ببغداد بس بعد ماتزوجت اخويه اهلها شالو للانبار ... بس المشكله مو هين المشكله الاطباع تختلف ...
حاول هو وحاولنا كلنا نغير طبعها ماكدرنا يعني بكلشي يختلفون من عدنا حتى باللبس.... بس شلون صارت القسمه
سلطان شافها بنت خالي ( اميره) كال عجل اخطبولي بنت خالي
البنيه هم حلوه ومتربيه بسسس ماوالمت اخوي ابد وشلون اقتنع بيها مانعرف بيوم وليله كال اخطبها ...
امي فرحت وابويه راحو خطبوها خالي قبل بس بشروط بيتها وحد وتكمل دراسه وتتوظف كال سلطان الوظيفه لا اختلفو بس على هاي خالي كال يابه عود انتو وره الزواج تفاهمو عليها
تزوج سلطان ومن ثاني سنه مشاكلهم بدت تزيد صار عندو ولد بس فهد صار عندو ومرتو هملت ابنها لا تداريه لا تنومو لا تجي يمه ذابتو علينا تكول اني مالي واهس الجهال
شكثر حجيت وياها علمتها تره تخسرين سلطان يولي اعقلي عينج على رجلج وابنج ومايفيد
طبايعها تختلف چثير من عدنا متحررة زايد واهلها بدال ما يعلموها ويعقلوها يخلوها اتخبل اكثر
يصرف عليها وبيتها ماناقصو شي ابد بس
الفتره الاخيره بدت تلح تريد تتعين كاللها سلطان يابه محتاجه شي وماجبتو ؟ ناقصج شي تريدين شي كولي واجيبلج اذا مقصر اني
انتي هساع بدون وظيفه وابنج ما شلتي بحضنج عجل من تتوظفين شتسوين
صارت هوسه
بيوم سلطان ابغداد طول اسبوع اليوم السادس جة خالي عليها جانت ناويه تروح وياه كلتلها لا تطلعين كولي لسلطان رايحه تسياره
ماقبلت كلتلها يولي سلطان يتخبل لاتطلعين بدون شورو وماقبلت
حتى ابنها عافتو وراحت
بقيت بحيره شسوي ان خابرت سلطان بلغتو راح ينهجم بيتو وان سكتت ومن يجي يدري هم مصيبه كمت خابرت ضرغام وكتلو تصرف
بنفس اليوم سلطان رجع كلب الدنيا طب للبيت لكاها ماخذه كل ذهبها ومستمسكاتها وكلشي
كال ماترجعلي مره اللي تطلع من شوري وتعوف ابنها ماتصيرلي مره
شكثر وراها حاولو يصالحوهم بس خالي الله يسامحو گواها لبنتو وكال بنتي بنتي ماترجع ابنكم مشغول كبل وعايفها
بينما اخوي جان رايح جاي يوميه البغداد علمودها تصدف يبات بغداد يحي باليالي للانبار خاطر مايعوفها وحدها ... بس
همه الطلبو الطلاك .. ابوها واخونها ... من شافهم هيج يحجون
بنص كعدة الزلم طلكها سلطان وذاك يوم وهذا يوم نوبات يجيب فهد يمنه يبقى يومين ونرجعه بس ابد نايروح يمها رغم عي ميته هسه يرجعها بس هو مايقبل تعب وياهه جثيو مثل وليد الجاهل تتحجج والله مو عبن اخويه والله هنيالها التاخذه صح عصبي صح مشغول بس شي يعوض شي ... المهم صار 4 سنين
من غير اسباب اخرى السبب بالطلاك بعدين تعرفيها...
يعني هي اذا طبايعها تختلف ليش قبلت بي ؟؟
..والله يا حبيبتي ماادري صحيح من البدايه هي تعرف طبايعنا تختلف بس من اول مره هي وافقت ويشهد الله ما ادافع عن سلطان والله ماخلاها بحاجة شي دحكي بيتو شفتي قصر وحتى جابلها مره تشتغل عنها شغل البيت تجي 3 مرات بالاسبوع وابنها عايفتو باقي الاسباب اني مااكدر احجيها خل هو يسولفلج
...بس رغم هذا ما الو حق يظم عليه اني شذنبي اعرف بليلة الخطبة ليش
..والله يحبچ گلبو يريدج يولي اكسبي لو تدرين شكثر ردناه يتزوج وره طلاكو وماقبل يكول النسوان كلهن نفس الشي بس مادام حبج يعني شاف بيج شي يختلف
...ابتسمت
اييييي اضحكي يولي
يبووووووو نسيتيني دحكي شنو دزلج دشوفي
...لازم مستعجل داز المهر
..لا يولي شبيج هذا مو المهر هاي هيج بس هدايا شجاب المهر هساع
...لزمت علاكه وحده وكطيتها ما اهتميت شنو جايب
دحكت ساره للساعه كالت يولي بال4 راح يصلون كومي البسي يلا
...شجابج عجل وينه خالي عنج هههههه
..
والله اخوي حامد كلي روحي من الصبح اساعدكم وبصراحه كالي اجي يمج
...يدري اني دريت مو
...اي يمكن لأن كلي ما اعوفج
...كمت البس الفستان وساعدتني ساره سدتلي الزنجيل والحزام وكفت جدام المرايه دحكت طالعه حلوه ابتسمت
رشتلي عطر ساره كالت الا اخليلج من عطر ليدي خلي يشتمو هههههههه
دحكت عليها هيج😒😒😒
اييييي شبيج لما هو عطرج وتحبي
... ممممم يلا امشي
...وين وييييين اكفي راحت طلعت علبه من علاكه العلبه بيضه طلعت منها كلاده فتحتها اسم سلطان واسمي ذهب اجت تلبسنياها
...ما البسها ساره
.. ليييش يولي!
...
ماريد
لا تصعبيها كحلاء الله عليج
والله العظيم مالي نفس البسها هساع مو راح يلبسوني نيشان
...هاي هديه مو من النيشان
... ما البسها الله يخليج
...ماشي ماشي لتضوجين امشي
سمعت حس جوه عرفت اجوي
حدرنا اني وساره اهجس عضامي ترجف گلبي يدك الف بالدقيقه وجهي نااااار
حدرنا كعدنا بالهول الداخلي مسويات البنوات كوشة مهر وحاطات بصف الكرسي صينية صغيرة بيها ماي ورد وورق ورد ومبخره وبخور وصينية مهر وشموع وعلب النيشان عالطبلة
فتت اني نسوان اهل سلطان هلهلن
كعدوني بسد ام ضرغام .. كامت تمسد بشعري
كالت شو اليوم رافعه شعرج مثل عبد العليم ...
من كالت هيج ضحكت بدون شعور خليت ايدي على حلكي الكل انتبه
كتلها خاله هذي تسريحة غير
هاااا شمدريني يمه انتن يوميه مطلعتن سالفه ... حنگة اسمعي اني كولي عمه لا تكولين خاله
ابتمست كتله ماشي عمه تدللين بعالحجي انفتح الباب وجة خالي ادهام وعمي وطبان صاح وينهم ....
...كومن جيبن كحلاء يم باب الربعه حتى تسمع الشيخ
...بس كال هيج اني انتهييييت ...
كومني البنات واني ما دحكت منو حواليه بالي مو يمهم
خلن كرسي يم باب الربعه وجابن الطشت وقران وحطو فوك راسي شال ابيض ومطرز ذهبي
شوكت لحكن يسون هذا كله ماادري
سمعناهم يحجون
اسمع حس شيخ حامد يكول موافقين وطلباتكم تتنفذ
بابا كال...شيخ اني ناطيكم بس شرطي بنتي تكمل دراستها
سلطان..ان شااءالله عمي يجرالك
شيخ حامد...تبشر ابو كحلاء
.... المهر اني شاري زلمه واحسبوها بنتكم وانتو حطو مهرها
...كلها صاحت والنعممم كفو منكم والنعم
...مادام هذا تقديرك النا يبو كحلاء عجل البنت تاخذ ذهبها كامل مكمل من راسها لرجليها مني اني غير عن اللي يحطو اخوي سلطان
سلطان ... مشكور اخوي طال عمرك ...
سراب.... اي يابه ليش لا عجل هذا مو حذاء هذا مصيبة دنكذع برجلي الا برجلها .... ههههههه
مريم ... كحلاء ... كومي الحيلج جاج الشيخ ولج كومي
كمت كتلها مريومه ،.. گلبي انتهى والله ...خاف ارتبك بالكلام
لا لا هو بس يسألج موافقه لو لا كولي اي...
وطبان ... وخرن وخرن ... كطيعه تكطعجن شكثرجن عبالك عنوز ومادات روسجن ... وينها هالمصكوعه ... يولي تكلطي جاي
اي عمي اسمعك...
مو تسمعيني اسمعي الشيخ يسألج موافقه لو لا ...
صفنت كلت اني شنو مصيري اذا وافقت يمكن بيوم يرجع مرته
يمكن اكون زوجة ثانيه ...
صاحت سراب كالت ذياب بالمطبخ جةةةةةةةة
صديت عليها ......
يتبع ..... بارت مفاجئ ينزل الليله بعد الساعه 2
...