ليان : ( اجى عماد يريد يوصلنا واني عيوني تراقبه بخوف بس لا يشوف هذا الولد وعباله شي ثاني والله يذبحنا )
عماد : يلا تحركن
ليان : (اخذنا نمشي ورا عماد وهوه يمشي ورانا بمسافه كلش نرعبت اذا حس بيه عماد والله لننتهي ...شيريد منا 😣)
ايمن : ( اخذت اتبعهم اريد اندل بيتهم هاي البنيه حيل ركبت راسي .... لازم اجيبها .... بس مشكلتي حاليا هذا اخوها لازم اصرفه ... وصلوا للبيت حفظت مكان بيتهم ... اول مافتحوا الباب دخلت ركض 😂 اظاهر حست بيه شكلها من النوع الخجول او تخاف من اخوها مو مشكله ملتقي به اي نماذج هيج ... رجعت لانسام وبتول .... من بعيد شفت وجهه انسام مايبشر بخير تقربت منهم ) خير شبيكم شهلنقاش الي حيطول الليوم كله
انسام : بعد حب اكثر من خمس سنين تريدنا نترك
ايمن : افا 😳 ليش
بتول :احسن 😔
ايمن : (حسيت بيها ضامه شي) روح انسام
انسام : بربك
ايمن : يابه اني ايمن شبيك ممعقوله متثق بيه
انسام : بس فهمني شلون اروح وهيه تريدنا ننفصل معقوله بتول هيج تكولين والله توقعتها تطلع مني مو منج
ايمن : ولي منا انسام خلاص كتلك اني اتصرف روح شوف مها كللها ايمن شوي يتاخر
انسام : ايمن 😯
ايمن: خرررب غير يولي
انسام: طيب طيب 😤
ايمن : ( ركب سيارته وراح معصب ) تعاي بتول سولفيلي شصاير
بتول : ماصاير شي اني ماعدت احبه
ايمن : ( كوه حجتها ...خلت ايدها ع عيونها تخفي دمعها ... خليتها براحتها الى ان نفجرت تبجي ) ليش تبجين لا ضمين عليه احجيلي اوعدج مااحجي شي لانسام
بتول : ايمن لازم يكرهني انسام😢 والله اني احبه بس مااكدر ابقى وياه راح ااذيه 😭
ايمن : ليش تاذينه
بتول : ماتحجي لاحد ؟
ايمن : حتى لاشرف مااحجي
بتول : ايمن اني مريضه 😢
ايمن : واذا ؟
بتول : مرضي خطير احتمال يموتني
ايمن : انتي كلتيها احتمال يعني مو اكيد الاعمار بيد لله خويه يجوز تعيشين اكثر من انسام 😂
بتول : لا تحجي هيج اسم الله عليه .. اني اخاف اذا عرف بمرضي يتركني ..ماريد اكرهه😢..اريد اموت واني احبه ماريد اخذ لقبري الا كل فكرة حلوه عنه 😢
ايمن : لا بتول .... ثقي انسام مايتركج اهيج سبب اعرف اني وياه واشرف صحينا ع الدنيا سوه مثل ما اني شايفج هسه متاكد انسام مايتركج بسبب مرضج صارحيه بهذا الشي
بتول : حتى لو عرف عندي ايدز
ايمن : 😳
بتول : سكتت
ايمن : منين اجاج ؟
بتول : عدوى 😔 الدكتور كالي هذا المرض اذا مكتسب يكون خطير بس اذا عدوى خطرة اقل هوه بالحالتين ماله علاج بس اذا اجاك عدوى خطرة يكون اقل من اكتسابه
ايمن : مجاي استوعب هلمرض عدنا واحنا بلد مسلم ؟
بتول : حسبي الله شسوي يا ايمن خسرت كل حياتي 😢
ايمن : انتي عذراء مو صحيح ؟
بتول : شلون تسال هيج ايمن 😯 طبعا والله ماسويت شي يخالف دينا ... هاي انتم التعرفوني هيج تحجون شحال بقيه الناس 😢
ايمن : اسف اسف اوك شوي تشوشت
بتول : اكيد انسام راح يتركني 😢
ايمن : خليني اني اتفاهم وياه
بتول : واذا تركني
ايمن : لا زيدينها عليه بتول خلاص اني احاول اسوي شي
بتول : خويه واذا تركني ماريد 😢..
ايمن : خلاص بتول...
بتول : ماريده يتركني ايمن افهمني 😢...
ايمن : خلاص لا جننيني كتلج اني اتصرف روحي لبيتكم .... اهلج يدرون مو
بتول : لا بس معاونه المديره تدري بوقتها تخربطت بالمدرسه واخذتني لدكتور ...محتارة شلون اكول لاهلي ...اهلي مو هلكد مثقفين اذا كلتلهم عدوى مو مكتسب مراح يفهمون 😢
ايمن : لا تحجين شي خلي نقنع انسام بلاول
بتول : شتقنعه .... تقنعه يحبني ويزوجني ... اذا لمسني اعديه
ايمن : 😳
بتول : ماريد ااذيه اتركني اروح هيج احسن
ايمن : ماادري شكلج بتول حرت الصراحه ( من شافت يأسي ضلت تبجي بصمت مسحت دموعها وراحت عني)
ليان : ( وكفت كدام المرايه اتذكر شكل ذاك الولد مجاي افهم شيريد بينا .... اتذكر نظرته من انداريت عليه حسيت رصاص انطلقت من عينه مو نظره ) جواهر شنو تتوقعين ذاك الولد يريد
جواهر : ششش ولج سكتي لا يسمعج احد والله ليذبحونا ( دخلت دانا للغرفه ...ذلت جنطتها ع السرير )وين المكياج 😜
دانا : نجبي وانتي الثانيه بعدي عن المرايه
ليان : اوووووف
دانا : اوف بعينج ( باوعتلها لفترة )
ليان : ليش تباوعيلي هيج 😯
دانا : هنيالج انتي حلوة متحتاجين مكياج قابل مثل حضي 😧
جواهر : 😕
ليان : ليش شبيج انتي ...انتي همات حلوه
دانا : نجبي عاد راح اسبح( اخذت ملابسي ودخلت لاحمام)
جواهر : شبيها هاي
ليان : اجى معتصم واخيرا راح نتغده 😄
معتصم : وين ماما
جواهر : نايمه من اول ما اجينا
الاب : خل تطلع دانا من الحمام وتطبخ الغده امكم تعبانه
جواهر : ( بس كال تعبانه اخذ واحدنا يباوع لثاني بقلق بحركه وحده ركضنا لغرفه ماما حتى دانا بدلت ع السريع واجت ورانا ) ماما 😯
دانا : شبيج يوم 😯
الاب : ولكم طلعوا خلوها ترتاح
الام : عوفهم حبيبي همه راحتي
عماد : شنو ياذيج يوم 😯
معتصم : شكال الطبيب 😯
جواهر : راحت لطبيب 😳
الام : حسام ( الاب ) ماكلتلهم ؟
الاب : 😧... عماد معتصم وانتن ...جواهر دينا ودانا سمعوني كلكم ... ماعرف هلشي اذا راح يسعدكم لو لا احنا همات ماردنا يصير بس بعد صار
عماد : خير بويه ترا قلقتنا
الاب : امكم حامل
عماد : 😨
معتصم : 😯
دانا : 😳
جواهر: ييييااااي 😄
ليان : الف مبروووك ماما 😍
الام : ( حضناها اني وجواهر ) هههه حبيباتي
عماد : بابا ممكن نحجي برا
معتصم : جاي وياكم ( طلعنا اني وعماد وتبعتنا دانا )
الاب : اعرف شتردون تكولون بس هلشي صار غصب عنا
عماد : شنو غصب غير انتم جان لازم 😤....
الاب : هيج راد ربك شنسوي (حجاها وطلع بحرتج من البيت )
معتصم : شبيك ماحجيت
عماد : شكله استحيت
دانا : منين راح نجيب نصروف الطفل الجديد
معتصم : لازم نشتغل اني وياك عماد
عماد : ارجع اشتغل عماله ؟
دانا : والله لتموتك امك
عماد : مراح تدري
معتصم : يابه فلوسها مو شي تعب ع خالي بلاش
عماد : بس احسن من كلشي ماكو
معتصم : واني ؟
دانا : دراستك معتصم لاتنسى
معتصم : احاول اوازن بين شغلي ودراستي
عماد : وشراح تشتغل؟
معتصم : كليتنا تريد واحد يشتغل عامل خدمات لان السابق جان يتحارش بالبنات فطردوه .... راح اقدم قبل لا يشغلها غيري
دانا : منظف يا معتصم شنو راح يكون موقف الطلاب منك 😯
معتصم : مو مهم اهم شي نوفر فلوس راتب بابا نراح يكفينا هوه بس احنا وممكفينا
دانا : خلي نروح نبارك لماما خطيه خاف تضوج
عماد : يلا 😧
ايمن :(رجعت للبيت سلمت ع ام اشرف وشكرتها ... خطيه ماقصرت ...رجعت لبيتهم تاركتتا اني وانسام بالبيت ...احتاريت شكوله)
انسام : شصار
ايمن : ( حاولت اتشرد من الموضوع بس مكدرت فجاه جان يدك تلفوني ) لحظه .... الووو ....ها دكتور ...الحمد لله ... لا الحمد لله احسن .... شلون طلعت مو كلت تعالوا بعد اسبوع .... اوك ...اوك ....شنووووو 😳 متاكد دكتور ؟ دخيل دكتور كول غيرها .....لا اله الا الله
انسام : شكووووو 😳
ايمن : اي اعرف .... اعرف .... الله كريم 😔📵
انسام : شنووو ولك 😯
ايمن : امي 😢.... عدها سرطان
انسام : لاحول ولا قوة الا بالله
ايمن : الدكتور يكول اله علاج ... بس غالي العلاج شسوي انسام شسوي
انسام : ندورنا ع شغل ثلاثتنا وندفع فلوس العلاج
ايمن : العمليه لازم بعد يومين منو ينطينا راتب قبل شغلنا وينه الشغل انسام شتحجي انت
انسام : قابل نبوك لازم نشوفنا شغل ونقنلهم ينطونا الراتب مقدم ونوعدهم نشتغل شهرين بلاش
ايمن : 5ملاين انسان خمسه شتحجي انت 😔
انسام : الله ياخذك ليش هيج تأيسني
اشرف : مرحبا شباب .... شبيكم
انسام : ام ايمن طلع عدها المرض الخبيث
اشرف : لا اله الا الله 😨
انسام : نحتاج 5 ملاين اشرف .... محتاجهن للعلاج ضروري خلال هليومين
اشرف : عندي بس يرادلها مخاطرة
انسام : شنو راح نبوك
اشرف : تقريبا
انسام : مخبل انت تريدنا ندخل لسجن
اشرف : لازم نجازف انسام قابل نعوف المرة تموت
ايمن : احجي
اشرف : قبل شهر جان بابا يتصرف بغرابه ...يطلع برا البيت ومايرجع الا ب5 الصبح شكيت يخون امي و امي فقيره ماتنتبه يكللها شغل وهيه تصدك ...تبعته شفته يروح لجماعه يشتغل وياهم بس كله شغل خارج القانون ع كل مهمه يسويها ينطونه 10 ملاين
ايمن : خرررب 😳وين ذول
انسام : صدك تحجون انتم 😲
ايمن : اذا ماتريد اطلع منها مضطر اني انسام فاهم مضطر
انسام : اوووف راح ننذب بالسجن هنيالها لامي. 😥
اشرف : يا تصير ويانا يا تنجب وتطلع منها
انسام : وياكم قابل اتركم وحدكم بالسجن 😒
ايمن : وشلون نحصلهم
اشرف : الشخص الي دفع فلوس التحليل مات امك هذا احد قادتهم الخمسه .... ورا مادفعلنا بليل طلب من بابا يقابلني بابا توسل بيه يتركني واني مالي دخل بس همه اصروا ع هذا الشي .... عرضوا عليه انضملهم كلولي اذا رفضت راح انقتلك لان عرفت بينا
ايمن : واحنا
اشرف : همه من صاحولي مو علمودي اني بس هم علمودنا احنا الثلاثه
انسام : هلا هلا ..... رسمي راح ندخل السجن
اشرف : انسام 😡
ايمن : عوفه يخربط براحته غصبا عليه ويانا
اشرف : كوموا خل اوديكم الهم
ايمن : واني
اشرف : اخذها لبيتنا
اشرف : اووك
دانا : ( سويتلهم عشا ...ساعدني البنات بصبه الله يساعد امي بس سويت العشا هلكت وهيه طول الليزم تشتغل بالبيت... اخذت عشا لامي جانت نايمه بالفراش) يوم اريد تلفونج شويه اريد احاجي اسراء
الام : اخذيه حبيبتي
دانا : ( اخذت التلفون ورحت لغرفتي جان يصيح عليه عماد )
عماد: وين ماخذة التلفون
دانا : اريد احاجي اسراء اكو موضوع مافهمته
عماد : احجي هنا
دانا : هنا هوسه انتم تسولفون والتلفزيون مراح افتهم شي
الاب : روحي بويه احجي وياها وتعاي تعشي
دانا : صار (اوووف منك عماد همزين بابا موجود ...كتبت رقم ادهم واتصلت عليه) الووو 😶
ادهم : دانا ؟
دانا : اي دانا 😶
ادهم : حبيبي شلونج اوووف واخيرا اتصلتي اجيت انام
دانا : مااكدر اطول اخواني ينتظروني ع العشه
ادهم : شنو نوع تلفونج
دانا : نوكيا
ادهم : مابيه نت مو
دانا : يا نت ماداخل النت بيتنا اصلا
ادهم : مو مشكله اهم شي سنعت صوتج ...عندج متحان باجر ؟
دانا : لا ليش ؟
ادهم : عازمج ع مطعم باجر
دانا : مااكدر اطلع برا الكليه ادهم 😯
ادهم : ازعل والله حجزتنا مكان بالمطهم واشتريتلج هديه هيج ترديني
دانا : مو هيج حبيبي اسفه والله 😔..... بس مانطول حتى ارجع وي الخط
ادهم : معلوم لج انتي زوجتي اخاف عليج اكثر من ماتخافين ع نفسج بس نطيني ثقه
دانا : ان شاء الله يلا اروح حبيبي بعدين نحجي
ادهم : اوووك احبج
دانا : ( بهمس ) احبك 📵(رحت يمهم شفت بابا مسويلي لفه وضامها صفح معضوض شويه منها وباقي الاكل مخلص ) شكرا بابا منو عاض منها
الاب : مانتبهت 😳جوواهر 😂
جواهر : جوعانه 😆
دانا : ههههه بالعافيه
معتصم : خرررب بحضج شكد تاكلين ولا يبين بيج
دانا : مثل حظي بس اكل انتفخ 😧
عماد : من رخصتكم اني طللع... دربالك ع البيت معتصم
معتصم : صار
الاب : وين
عماد : صديقي عازمني (بدون مايسمع رد طلع ساد الباب وراه )
جواهر : طلع عنده اصدقاء 😕
دانا : نجبي اناي وغيلي الماعين الليوم عليج
جواهر : ليش اني 😯
دانا : انتي الليوم وباجر ليان
جواهر : يروح عماد تستلمنا دانا 😑
دانا : بلا حجي زايد يلا اشتغلي
ليان : واني باجر 😯
دانا : اي 😡 عندج اعتراض 😡
ليان : 😧 الحمل 9 اشهور مو
معتصم : 😂😂😂😂😂
الاب : ضلت تحسب من هسه
دانا : يلا معتصم روح لغرفتك اريد انظف المكان
معتصم : رايح ( واني كايم لزمتني دانا هامسه بذاني )
دانا : قدمت ؟
معتصم : اي ومن باجر راح اباشر
الاب : اكو شي
دانا : لا بويه سلامتك بس لازم تكوم تروح يم زوجتك 😉 اريد انظف
الاب : هههههه اوك ..... يتبع