شعاع نور

#شعاع نور # الرابع والعشرون

#شعاع نور# السادس والعشرون

ستدور حرب طاحنه ،لن يعم السكون والهدؤ بعد الآن انكشفت أوراق اللعبه للجميع وله يعد هناك اسرار .
لن يكون الانتقام ملون بالدماء هذه المره ولكن بالذكاء والدهاء في النهايه عقل سينتصر

كعادته وليس بجديد عليه دائما انيق ارتدي بدله ايطاليه الصنع لونها كالسماء تحتها قميص شاهق البياض صنع خصيصا من اجله لم يغلقه بل ترك نصف أزراره مفتوحه
اختار سياره المانيه فضيه اللون كانت الساعه قد اقتربت من العاشره مساء
دار المحرك كعقله الذي لم يتوقف عن التفكير خرج من قصره لا يعرف الي أين
أراد ان يقطع الملل داس على احد المفاتيح فخرج صوت قوي
كثيرا ما يحبه (ايدث بياف) مطربه فرنسيه وهي تقول Non rien de rien
Je ne regrette rien
Ni le bien  qu"on ma fait
(لن اندم علي شيء سواء احسنوا او اساؤا كله واحد)
(لن اندم علي شيء سواء احسنوا او اساؤا كله واحد)
ضحك بعدما سمع هذه الجمله اشعل سيجار بني اللون قبل ان يتوقف علي النيل نزل واخذ ينظر الي الأضواء المنعكسه داخله جعلت المياه تتلالاء ،
جلس علي مقعد بعدما نزل بعض الإدراج القليله هو مكانه المفضل في بعض الأحيان
لم تمر خمس دقائق الا واقترب منه رجل اسمر البشره يرتدي جلباب مبتل من حافته ولكنه نظيف
ابتسم وهو يقول ما تيجي ترمي همومك في النيل يا اونر ضحك مدثر هو الآخر وقد نهض كي يصافح الرجل قائلا والنيل ذنبه ايه يشيل همًومنا كمان ما كفايه اللي هو فيه يا عم إبراهيم
- النيل قلبه كبير يا مدثر يا بني بيشيل ومستحمل وهيفضل كده عمره ما هيشتكي تعالى اركب ولا المركب بتاعتي موحشتكش
- أخذ نفس ولم يتكلم صعد في هدؤ الي المركب الصغيره

كان إبراهيم يراقبه في صمت ويرى تعبيرات واجهه ليسأله مالك يا بني ؟

رفع رأسه الي السماء وهو يقول مشكله مش عارفلها حل

- قال إبراهيم بدون تفكير مفيش مشكله في الدنيا ملهاش حل ثم مش انت اللي تقول كده فاكر يا مدثر من عشر سنين أيام ما كنت لسه في الجامعه مكنتش لسه اعرفك سألتك تيجي تركب معايا
فاكر رديت قلت ايه؟
- رجع بذاكرته وهو يغمض عينيه قائلا قولتلك  المركب علي الأرض بردوا إنما انا عاوز أطير وامسك النجوم بأيدي
- جلس إبراهيم بجواره وقد اعتلى وجه بعض الحزن وهو يقول ولما عرفت حكايتك قلت الوأد ده هيوصل للي هو عاوزه وهيمسك النجوم مشكلتك يا مدثر انك مش شايل همومك لوحدك عامل زي النيل شايل كل الناس ومحدش بيشيله
- وايه فايده البني ادم لو عاش لنفسه يا عم إبراهيم
- ويا ترى شايل مشكله مين المره دي؟
ازاح مدثر ما فيه صدره وهو يقول مشكله واحده حاولت تبقى قويه غصب عن عين الدنيا ونفسها وهي من جواها هوا خسرت كتير فيه حاجه جوايا بتزقني أني أساعدها

ادار الرجل وجهه الي النيل وقد دمعت عينيه محاولا الا يراه مدثر واخذ يردد والله الخير موجود طول ما امثالك عايشين في وسطنا

نزل مدثر وركب سيارته من جديد

ارتاح  قليلا بعدما اخرج ما في قلبه طرقت علي باله فكره غريبه 
انتابته بعض الدهشة مما وصل اليه  ثم تحدث مع نفسه قائلا يا ترى يا داغر بتفكر في ايه صحيح انا مش ناسي فهد صحبي بس الحي أبقى من الميت ومش هسمحلك تأذي نور مهما حصل والأيام الجايه هتشهد

انت لازم تهرب وتسيب البلد قاعدك هنا بقى خطر علي حياتك
قالها سليم وهو يصرخ في وجهه فادي الذي لم يبالي لما قال ليكمل سليم من جديد
انا مش عاوز اشوفك مقتول قدامي

قفز فادي من مكانه في غضب قائلا محدش بيموت ناقص عمر ثم اطمن انا قتلت مره وممكن أكررها لو حد قربلي ثم أراد ان يبتعد

امسك سليم يده وهو يقول مش هيسبوك لا داغر ولا الباشا هيرحموك احنا مش آد الناس دي

نظر له فادي في غضب وهو يقول احنا اللي بنعمل الطغاه بأيدينا ونرجع نخاف منهم ونستخبى انا مش ههرب يا سليم

يا بني البلد دي ليها أصحاب افهم يا فادي

صرخ فادي في وجهه قائلا لاااا ملهاش صحاب ولو ليها أصحاب يبقى ناسها الغلابه والمغلوبه علي امرها اللي بتجري علي لقمه عيشها اللي بتطفح الدم البلد دي بتاعتنا كلنا

هز سليم رأسه وهو يقول غبي غبي

ابتسم فادي وهو يقول عارف يا سليم المشكله فين ؟

نظر له سليم وهو يشطات غيظ ويجز علي اسنانه ولم ينطق

يجلس فادي بمنتهي الهدؤ وهو يقول

انا هقولك يا سليم فين المشكله

ان احنا أصلا وحشين كل واحد بيدور على مصلحته وملوش دعوه بالناس ولا اللي بيحصل حواليه بيشوف الظلم بعنيه وبيسكت ويخاف يقول الحق العيب فينا احنا مش فيهم هما يبقى ليهم حق يدونا باللي في رجليهم ويدوسوا علينا كمان

كان سليم مقتنع بما يقوله أخيه تماما شعر باليائس ولكن لن يتركه يغرق او يمسه سؤ وان حارب العالم من اجله

ازيك يا نور
****^^^
احتضنته وفعل هو الآخر رمت نفسها علي صدره فأخذ يهمس علي كتفها بحنان

انا كويسه حضرتك عامل ايه يا معالي الباشا

اخرجها من صدره ونظر اليها وهو يقول كويس انا كويس يا نور بس مش قادر اقعد في البيت بشوف صور فهد في كل مكان انا عارف انك حبتيه وهو كمان الله يرحمه كان بيحبك اووي

جلست نور على فراشها وهي تقول الله يرحمه تسللت بعض الدموع من عينيها رغم عنها

اقترب منها قائلا عاوز اقولك علي حاجه يا نور بس ارجوكي افهميني كويس

هزت نور رأسها وهي تقول اتفضل سمعاك

جلس بجوارها وتردد قليلا ثم قال انا غلط واتسرعت وروحت قلت لداغر انك انتي ...... ثم انزل رأسه الي الأرض حتي يداري خجله

كان ينتظر جوابها  وتفاجأ حين قالت أستاذ بيومي حكالي علي كل حاجه وانا مش زعلانه وحاسه باللي في قلبك

كنت عارف انك هتفهمي أني مش  قاصد اذيتك انتي ،   نفسي اقتله واشرب من دمه قالها لترد عليه نور
- أستاذ بيومي قالي انك عندك خطه نخلص بيها منه
- أيوه يا نور عندي خطه وهقولهالك الناس كلها عارفه انك كنتي في حكم خطيبه ابني فهد يعني زي بنتي هخدك تكملي علاجك بره مع أني عارف انك كويسه بس علشان محدش يشك فينا ، هخلي رجلتي في الفتره دي يخطفوه ويودوه في حته أمان ،كده لو اتسالنا هنقول ان احنا كنا بره وبعد كده نعمل فيه اللي احنا عاوزينه
- أعجبت نور بالخطه ولكنها قالت ما لم يضعه الباشا في الحسبان
- حضرتك نسيت أني متجوزه داغر واني مينفعش اسافر من غير أذنه حتي لو خرجت من المطار داغر لا يمكن يكون بالغباء ده أول ما هنركب الطياره هيعرف احنا بنلاعب تعلب لازم تبقى حسبين كل حاجه كويس
- يهز الباشا رأسه قائلا معاكي حق انا فعلا ماخدتش بالي من النقطه دي 
- تبتسم نور وهي تربط علي كتفه قائله اطمن انا مستنيه حاجه تحصل بس هقولك عليها في الوقت المناسب انا خارجه بكره ان شاء الله وهرجع لمكاني القديم عاوزه احس بكريم اخويا من تاني بس المره دي هربي كويس

لم يفهم والد فهد ان نور تقصد كريم الصغير الذي ساقه القدر اليها لم يعلق حتى لا يفتح جرح صدرها من جديد اكتفي بتقبيلها ووداعها بهدؤ وهو يعرض عليها خدماته لتشكره نور وينصرف .
مكتب داغر
عاوز خط سير الباشا ، ومدثر الحسيني ، ونور تتراقب اربعه وعشرين ساعه انت فاهم انت وهو قالها داغر وهو ينظر الي رجاله ليقول احدهم طب وفادي هنسيبه

ابتسم في مكر قائلا كلها كام ساعه وهنقرا عليه الفاتحة ومش هتطلع عليه شمس وملناش دعوه ثم ضحك كالمجنون فيه الي هنشاور عليه ونقول هو ده اللي قتل فادي
هخلص منهم واحد واحد لحد ما تبقي نور لوحدها متلقيش اللي يحميها وبعد كده ياولها مني

-لم يمر الكثير حتي دخل مدير مكتبه وهو مذعور قائلا فيه ظابط مباحث عاوز حضرتك بره

يأمر رجاله بالانصراف

يدخل ضابط المباحث يصافحه داغر ثم يقول خير يا حضره الظابط

يهز الظابط  رأسه وهو يقول للأسف مش خير ابدااا المدام بتاعتك تعيش انت نور هانم اتقتلت من ربع ساعه في المستشفى .