#ذكريات_لا_تموت
" الــنــهـــايـــة " 💔👌🏻
#The_end"
فرح كانت فرحانهه ومش ععاطيهه فرحتهاا لححد ❤️..
اما سرور فكانت بتموت بسبب احتقار اميرة ليهاا:
سرور: كيف حال تسنيم
اميرة : زي العسل هي وراجلها
سرور : شافت لاميرة بغيض وسكتت
وتمت خطبةة فرحح لجواد ❤️""
طلع محمد وعمي وخشت فرح لجواد : ❤️"
فرح ابتسمت وشافتلهه : السلام عليكم
جواد : وعليكم السلام
فرح : قربت منهه وقعمزت
وجواد : شد يدها : فرح موافقه صح
فرح : هزت راسها ب اي ونزلت راسها
جواد : ابتسملها : ربي يباركلي فيكك
فرح : ان شاء الله
جواد : قسماا بالله من اول يوم ريتكك فيهه كنتي في جنان قصيره وشعرك مغطيك خشيتي خخاطريي من وقتها ❤️"
قععدوا يهدرزوا شويهه وخش محمد وطلعت فرح :
#تسريع
جواد وفرح بدوا يهدرزوا ككل يومم :
وفرح تعلقت ب جواد هلباا وجواد حبهاا ونسى ملاكك مش انساها لكن افهم ان هذا قضااء وهكي مكتوب ❤️"
وطبعاا لا اعتراض ع حكم الله
اميرة كل يوم تطلع وتبتت وقريب تكمل بتاتهاا :
تسنيم وميرال ع حالهم لا جديد
تسنيم توتي للبيبي :
وميرال صغارها وحوشهاا وراججلهاا بس ❤️"
اما اناا فعادي لا جديد
رنا كل يوم تمشي للعياده وكل ماعندها منوابهه الدكتور زياد يقعد معاهاا ،،
ومايروحش لين تروح ومهتم بيهاا هلبااا وفضولهه ان يعرف قصتهاا ضافها ع فيس بس هي رفضت ان تهدرز معاه :
امجد حدد ععرسهه بعد عرس اميرة وخالد وعمر :
عمر شطب حوشهه وخالد مكمل من وقت
وساره ورهف يبتاتوا
وقرروا هما وماما ايديروا عرس مشترك :
فات شههر رمضان وجتت الععيد :
اول يوم مشيت لحوش خالة محمد زينب لان متعود يعيد عندهاا :
وتاني بوم لححوش مااماا : ❤️"
ميرال : تعرفوا رايففت عع لمتناا
رنا : حتى اناا والله
اميرة : ههههه امتهه بنتزوج بس
ميرال: هههههه صايعععهه
انا : تعرفي الزواج يهببل
تسنيم : بذات مع السحر
كلنا : هههههههه
انا : لالا اصبري بس يااميره وخليك مع راجلك امهه واختهه ومرتهه وكل شيء تاخدي عيونهه
ميرال : ايواا 👌🏻
جي الليل وروحت
محمد : كل عام وانتي حبي وروحي وكل شيء
انا : كل سنهه وانت حياتي كلهاا ❤️"
محمد : ابتسم
انا : حبيبي نبي قفطان
محمد : حاضر
قرب عرس اميرة وخالد وعمر
بتنا عند ماما مدايرين حفلة صغيره لاميره ورهف وساره :
نضحكواا ونهيججواا
ونغغنواا :
ميرال : حبها ماكذبش عليها حبها جاب كساويها
تسنيم : ياجيابة البنت غزله ان شاء الله ماتمرض بعلة
👏🏻👏🏻👏🏻👏🏻👏🏻👏🏻👏🏻👏🏻👏🏻
انا : هو ريم وهي ريمة ان شاء الله عشرة عمره ديما
ساره فتحت المنظومةة
اغنيةة ععروسهه
وبديناا نرقصوا ونههيجوا ❤️ ...
اما ععند الشباب :
خالد وعمر وليث وقيس ومحمد وجواد ومعاهم عليوه وامجد
مدايرين زرده في استراحة محمد ويهدرزوا
جواد : غنيلي ياحبي
محمد : 😒
جواد : تييي هيااا حبيبي
محمد : باه مرتي هي
جواد : 😒
الشباب : هههههههههه
جواد : نبي شرقاوي ياحبي
محمد :
يــاضــيق الــعــلــم ،،، يــاضــيق الــعــلــم
يــاضــيق الــعــلــم 💔
يــاضــيق الــعــلــم" عــنــاا وشــقــى ومٓــرار 💔
وألــــــم 💔 " ......
محمد : ياراجل فكنا الشراقه لهجتهم مانفهم فيها
جواد : كذاب ايامات احمد وصالح كنت تتكلم معاهم
محمد : مش حافظها الاغنيه شوف غيرها
جواد : هههههههه بااااه
محمد : يـــا دنــيـــا دوارة طــبــعــك دــوم غــدارة 💔..
وشــلــون شــلون دنــيــتـناا اعــز الــنــاس بــاعــدنــاا 💔"
يٌـادنــيـــا دوارة طبــعــكك دوم غغــدارة 💔
يــاعــيــنــي يــابــكــايـــة انــســيهه اللي هــان غــلايـــاا 💔..
الولاد : اووووووووووووو
محمد : 😌
الولاد : غيرهاا غيرهااا غيرهاااا
محمد :
واعــره وقــويـــة ويــن عــرفــتــك مــانــك لــيــا يــامــانـِكك لــيــا لا بيديكك ولا بإيــديــاا
ولا بــإيديــاا تــقــســم للغـيــر يزفِــوكك 💔
الولاد : اعععي اخخخييي
محمد : ههههه وااااك
جواد : تي غني حاجهه باهيهه ياراجل
محمد : مانحفظش هلباا
جواد : غني امعيلف
محمد :
يالالالالالالي يالالالالالالالي
يــاطيــر ســلمــلي علي غــلايــا 💔 ،
يــاطيــر ســلمــلي علي غــلايــا 💔،
ســلامااا يرد الروح فيكك وفــيــاااا 💔 ،
يــاريــتنيي ماريت سود انظــاره 👀"
مــن يــوم ريــتهه عــقــل راح يـــاعــقــِلـي راح 😂💔
جواد : يغنيلي 😂😂😂
الولاد : 😂😂😂
محمد : اااه ياوعدني شاطت ناااره ياااجواااد نااره 😍😂 ...
ماما : ههههه نهارك اغبر تسنيم راك حامل
تسنيم : ههههه قداش لياا ماهيجتش
ماما : اركحي نهارك الاغبر قعمزي
قعمزت تسنيم
وقعمزنا كلنا ناكلوا ونهدرزوا
عند سرور
سرور : اي ساحره خوي هالكلبه
فرح تشوف لسرور باستهزاء
نعيمه : غبارتها سوده هالاريج مايطلع منها
فرح : اي حسبي الله فيها وفيدمن ساعدها وشافت لسرور
نعيمه : لكن باهي اللي جت في محمد مش امجد
سرور : عاد امجد مش فلوس زي محمد
فرح : لالا امجد طلق مرتهه والناس يبو حتى رتال تطلق
سرور تخزرطت :
رن نقالها اريج
نعيمه : هزبيها هالحماره
سرور : شن تبي
اريج : شن تبي صار
سرور : فوق ماك ساحره ومزال ليكك ععين تتصلي :
اريج : تو تندمي يااريج وسككرت
طاب العشي
وقعمزوا الشباب يتعشوا ويضححكواا ..
وجي الليل وارقدناا كلنااا :
الا ماما تبكي وتذككر في سيففو 💔💔
تمنت لو يكون معانا وفرحان زيناا 💔"
جي الصبحح :
وبديناا نضمىوا للعرس ونساااو في حوش وصالات ..
لان غدوه مستأدناات ❤️..
كلنا فرحانين وكان احلا عرس لان زوز اولاد وتلاته بناات
جواد جاب 2 جمل وخاالد 3 سعي ،
ومحمد جاب جمل و4 خرفان هدية لخالد وعمر واميرة :
جت العشيهه خليتهم ايضموا وطلعت انا ومحمد نحجزوا في الحلويات وندور في قفطان ليااا :
محمد : حجزتوا الصاله
انا : اي ع عمر تخليص الصاله
محمد : اهاا باه شن بتهديهم انتي
انا : خالد ناقصه غساله ماعين وعمر بساط لدار جلسه في حوشهه واميره بنهديها ذهب حبيبي
محمد : باه تعالي نخطموا وناخدوا كل شيء اليوم لان بعدين مش ح نفضى
انا : باه حبيبي
خطمنا وحجزت الحلويات وشريت مواد تنظيف وحجزت بساط وغساله بيجيبهم بعدين :
واميرة شريتلها ارواب وحاجات نسائيهه ولقيت تاكم حلوه شراه محمد ،،
محمد ريت روب حلوه تعال ناخدهولك
انا : لياا
محمد : اييي هي انزلي
اخديناه وركبناا
قعد يلود بيااا :
خطمناا ع مختبر وطلعت مش حامل 💔💔..
حزيتها في خاطري 💔 واتصنعت القوة قدامهه بش محمد مايوجعاش خاطره ويحس روحهه انهه السبب :
قعدناا ساكتين لين روحناا :
خشيت للحوش حطيت الحاجات وركبت لدار اميرة نبكي 💔..
ماحسيتش الا بماما وراي وحضنتني : معليشي يابنتي مزال العمر قدامكك وتو تحملي
انا : انهرت بكي لماما لين اهديت
وطلعت ماما وانا حطيت راسي وارقدت شويهه
نضت ع صوت التلفون محمد يتصل
رديت
محمد : خيره صوتك
انا : لا شيء كنت راقده
محمد : اه هي نروحو حوشنا
انا : باه حبيبي شويه ونطلعلك
محمد : باه هي
قعمز في الشارع يستنى فياا
وانا نضت صليت وقعدت ندعي لربي :
بعدها نزلت لاميرة وريتها ههديتها
ميرال : اخدتني للمطبخ
صبري بالك رتال مزال العمر قدامكك ماتبكيش وتنكديها ع روحكك
انا : ابتسمت : لالا عادي
ميرال : ابتسمتلي
وانا لبست عبايتي وخماري وطلعت لمحمد
ماما : مش بتباتي
انا : قالي روحي وغدوه باتي
ماما : باه ربي معاكم يابنتي
انا ابتسمت وطلعت
ركبت السيااره ابتسمتلهه طول
محمد : شن حالك توا
انا : الحمدلله وانت وين كنت
محمد : شي كسدت في حوش شويهه وبعدين طلعت
انا : امم
محمد : اي تعشيتي
انا : لالا ماعنديش نيةة
محمد : باه
وروحناا
خشيت للحوش كان الضي مسككر :
وشمع معبي الصالهه ومداير بالونات وطاولهه فيها العشي
انا حضنتهه طول : ربي يخليكك لياا
محمد : امشي لدار البسي اللي ع السرير
انا : ابتسمت وخشيت للدار
لقيتهه حااط الروب اللي شراهولي ع السرير والسرير عليهه قلب من الورد
فرحت من قلبيي ان حس بياا وحس اني مضايقهه 💔..
لبست وساويت روحي وطلعت لقيتهه يستنى فياا
قعمزني في حضنهه وقعد يوكل فياا :
" بعدها حاجات مش لينا "
في حوش ميرال :
ميرال : جهااد راهم صغارك حتى انت
جهاد : هههههههه خيرك فاصله حبي
ميرال : مش معقوله نبي ندوش وانت ماتبيش تسد فرختك
جهاد : ههههههه خلاص تو نشدها
ميرال : مانضحكش اني 😑😒
جهاد : هههههههههه حيعليهاا ولعت
ميرال : شافتله وخشت لدوش
وجهاد يضحك عليها ويسكت في الصغار
اما جواد مقعمز قدام الحوش ويهدرز هو وفرح
فرح : ربي يتمم ع الخير
جواد : الفال ليناا
فرح : ان شاء الله
جواد : تعرفي بصبرك وهداوتك انتي اخديتي قلبي وعقلي وروحي انتي غلبتيني
فرح : ابتسمت
جواد : بجديات ربي يحبني اللي خلاني نتعرف عليك ونشوفك في جنانكم ياقصيره
فرح : بغيض : مش قصيره 😒
جواد : هههههههه
مشو الايام وبدي العرس
وجي يوم الحمام
مشت اميره وساره ورهف رافعهم جواد وخو ساره ورهف ..
وخالد وعمر في المربوعهه راقدين ومعاهم باقي ولاد العيلةة ..
خشلهم عمي ب الاميةة ينوض فيهم ويلز فيهم
عمي : تحرك انت وياه هيااا واحد يجيب الخيم وواحد يكنس في شارع وجيبوا الكرسي هياااا
ناضوا الشباب ملزوزين عين مفتوحه ىعين مسكره لشارعع وركبوا سيارتهم اللي رقد في سياره
ومحمد وليث روحو لحوشي رقدوا غادي
وخالد ركب لحوشهه بدرقهه ع عمي
عمي شاف عمر راقد في سياره مشالهه يعاركك ويضرب فيهه لين خش دوش ومشي يجيب في الخيم والكراسي
ماما : يستاهلوا
انا : ياعمي
عمي : نعم
انا : راه محمد وليث روحو لحوشي رقدوا
عمي : خزي عليهم هالكلاب
خشيت نضحكك وهو متحلف بيهم
ماما : ياعبدالرحيم راه خالد راقد في حوشهه
عمي ركب لخالد
واحنى نوتوا في الرشده :
انا : امالا وين تسنيم
ماما : مشت مع البنات للحمام
ربيعه : هياا رتال تعالي ساعديني
مشت مع ربيعهه وميرال
شوي وطابت الرشده :
وروحو البنات من الحمام مع النوبةة
وجي محمد وليث يهيججو برا :
ماما ومرت عمي يسلموا ع ساره ورهف واميرة
ويدربكوا ونهيجوا :
انا : لا جريت ولا مشيت وراه ، هذا قسمي من عند الله 👏🏻👏🏻👏🏻
ميرال : ياجارتنا موتي موتي صاحبي مش صاحب خوتي
تسنيم : لبس البودري محلاه كل بنية تتمناه
رنا : ياالله الفرح بدينا يالله كملها عليناا
انا : اوهاا اوهااا الليله بنقيموهاا
ميرال : لبس البودري والحنة ربي مايحرمكم منهه
وجي تاني يوم وكان يوم العزومهه
من الصبح ماما نوضتنا وبديناا نقرضوا في البصل :
وعمي فيق الشباب
وجابوا جزار يذبح 3 جملهه والخرفان
عمي خلو جمل وزوز خرفان انديروا بيهم زرده بوم تاني
والباقي اذبحوهم :
وبدينا نطيبوا ماما وربيعه غغسلوا الدواوير وقاموهم
وجي الليل حطينا العشي
وجواد والشباب عزموا هلباااا ::
بالليبي يقولوا انشركت كلها جت 😂
وبعد كملنا وغسلنا الماعين قعمزنا نمكيجوا ونلبسوا
وبدت السهريةة والدربوكههه :
انا نرقص
فرح : توحد لما تشوف الزين توحد لا تاخد بالعين
ميرال : حزامكك هاللي تولي فيهه ان شاء الله ع اوليد اتحليهه
رنا : ماتقوليش خيره تاخر هذا وين المولى سخر
رهف : ماتقوليش خيره بعيد
سيارة ترفع وتجيب
ماما : غرسناها غرس الزيتون
عطيناها لي سمح اللون
ماما : غرسناها غرس التفاح
عطيناها لي ناس ملاح
انا : الغالي جاب حبيبة
سجلها في كتيبه
رنا : ان شاء الله نركب سيارتهم
ويقولو هادي كنتهم
ميرال : إن شاء الله تجينا نهار الصوم ..فرحانة اديدش ف توم
انا : إن شاء الله تجينا نهار العيد فرحانة اديدش ف وليد
تسنيم : حوش جديد و بستاراته يستنى ف خشت مولاته
ربيعه : مبروك عليكم مادرتوا يلي شارعكم نورتوا
رنا : إن شاء الله نركب من قدام و يقولوا لي هادي المدام
انا : على سمعة بونا و الجد الناس تهد علينا هد
تسنيم : ورده حمراء وخديتوها تلفو العالم ماتلقوها 👏🏻
مرت عمي : الله يجعلها تابته كيف النخله النابته 👏🏻
مرت عمي : الله يجعلها نواره تجي لي بوها صدراه 👏🏻
انا : الله يجعلها نور بنور كيف طريقك ياجنزور 👏🏻
وتمت السهريهه
مقعمزه انا ومحمد نهدرزو في جنان خش معانا جواد
وبدينا نهدرزو
محمد : نوض جواد
جواد : لا 😌
محمد : تنردلك راك واخد اختي
جواد : لا انبصر امالا وناض
محمد : هههههههه
انا : شن درتوا اليوم
محمد : شيء هياجهه
انا : اممم غدوه بش ترفعني للمزين
محمد : من عيوني
انا : ابتسمت
محمد : مش كانك ضاعفه هلبا يابنت
انا : اي حالهه 💔
محمد : مش متزوج عصاة مكنسه اني را اسمني
انا : ههههه انت في التقليد والتلقيح ماحد يغلبك
محمد : 😌
تمت الليلة وانا ومحمد لصبح نهدرزو واحكينا في هلباا مواضيعع الا موضوع رناا مش عارفه امتهه ح تجي نهايتهه ، 💔
اذكرنا سيفو وتمنينا لو يكون معانا بس اخخخ كيف هالدنياا تبلع في الناس الكويسهه 💔"
جي تاني
مشو الشباب للاستراحهه رافعين عمر وخالد :
ونحنا البنات درنا سهريهه صغغيره نغيروا في الججو :
لمحتها تبكي وخشت لدار سكرت ع روحهاا 💔..
رناااا
خشيت وراها : رناا رنااا
رنا مسحت دموعها : نعم
انا : خيرك شن فيك
رنا : لا شيء بنرايف ع اميره بس
انا : ههههه ريت هالبعد اللي بتبعده ت ماهو تسكن اهني
رنا : مهما كان بس معاش زي قبل معاش ح نمشوا مع بعض ونروحوا نضموا ونرقدوا مع بعض
انا : معليشي ياغلاي سنة الحياة وحتى انتي تو يجيك نصيبكك وتمشي
رنا : انا ؟ 💔
انا : اي امالا تحسابي ح تقعدي من يخلي هالزين هذا كلهه ماتخليش تجربهه ادمرلك حياتكك امجد هو اللي خاسرك را
قولت الكلام فوق من نفسي لان وجعتني وانا ععارفهه سبب دموعها 💔"
جت العشيهه وولت اميرة مرت ععبدو ❤️❤️"
عبدو كان فرحان ومش ععاطي فرحتهه لحتى واميره برضوو ❤️❤️
تسنيم : رورورورورورورورورررييييي
كلنا ضميناا اميره ونبكوا من فرحتناا ب اختناا ❤️..
وروحو خوتي لابسين العربي درنا سيلفي للعيلةة كاملهه
اما محمد وجهاد وقيس مقعمزين في الشارعع "
جواد : هههههه
اميرة : صوريني مع جواد
رنا : هي
جي اليوم اللي بعده :
يوم واللي هو يوم الحفلهه ععند البنت والدخول عند الولد ❤️"
" هل يوجد اجمل من ان تزف الفتاةة لحبيبها " ❤️..
فااقووا فزحاانيين بيطيروا " رهف ، ساره ، اميرة "
" المثل اللي يقول صبروا وناالوا ❤️"
فطروا بسرعهه وطلعوا للمزين وكل وحده اختارت مزين وكانت كل وحده تفكر في حبيبها "
اما احنى فكاناا مشغولين بالفاتحهه وخصوصاا ان خالد وعمر اختاروا ان تكون الفاتحهه نفس يوم الدخول عع اساس يغغيروا في الجو وهكك :
لابسين العربي وطبعاا خالد اصر ان مش ح يلبس رسمي ح يقعد بالعربي لان طالعه عليهه اككثر من الرسمي ❤️..
تمت الفاتحهه وفرقوا البكلاوه والفيريرو وعصير
وبدو الولاد في جرت عمر وخالد بالدحي ويضحكو عليهم ..
#يتبعع : ❤️"