مساء الخير متابعيني الاعزاء اتمنه لكم قراه ممتعه
🌺معاناتي بسبب يتيم 🌺
🌹 للكاتبه رونق🌹
طلعت اسويله. اكل شويه
ونطفت الكهرباء ضلمه مااحس اله شخص
قريب عليه وخطوات رجليه
قربت اكثر تخبلت صارت ايده ع جسمي صرخت
بهل الثناٱ اجت الكهرباء
وجان انصدم من شفته ليث خرب
وكع كلبي كال شبيج فضحتينه الكل
طلع ع صوتي عبالهم شو شبيه
كالهم ليث جانت تباوع فلم رعب اجيت
اني هيه خافت الكل يضحك عليه
من صدك نرعبت عمتهم سوتلي مي
وشكر كالت شربي الكل راح بقيت اريد
اكمل اسويله اكل مقبل كال ماريد شي
ارجعي اني راح اسوي لفه رحت للغرفه
شويه واجه بيده لفتين كال والله ماقصدي
اخوفج اني ضحكت كتله بالي يم الفلم
وجنت خايفه كلش ورحت للمطبخ
ويتخيلي يطلعلي ماحسيت اله انت
يمي من كل عقلي توقعت الي بلفلم
طلعلي كمنه نضحك كال عمي التوبه
بعد ماتابع وياج فلم رعب كال وهاي
سويتلج لفه كتله يمعود منو يشتهي بعد
كال تردين ايدي خجلني اخذته وراه نام
ع الجربايه كال عمتي تخوف خاف لصبح
تجي يمنه صفاوي بالنص خلص لفه كال
هسه مال كلاص جاي وباوعلي وضحك
كتله ماروح لو اموت كال اعرفج يالجبانه
ماكدرت انام لان قريب كلش عليه
كوه نمت
نمنه تقريب ب 3اله ثلث كوه كعدني
صفاوي يريد اكل جوعان باوعت لساعه
ب 11 وخمسه ليث ماهو بفراشه طلعت
لكيت الكل كاعد عمتهم وره الغده تروح
شاركت وياهم بالغده كملنه الغده صلينه
وصبينه غده وراه اجه ابنه اخذهم
ضوجه صار البيت تعودنه عليه
ليث رجع لغرفته وكال عود اسف اذا
ازعجتج كتله لايمعود ماكو ازعاج
كال اليوم مشتهي فلافل راح اجيب
لفات منو يريد كتله الله صار شكد
ماماكله فلافل حباب جيبلي وياك
سال البنات كالو هم نريد اتفقنه
الكل ع الفلافل وببسي صادف ثاني يوم
دوام رجعت حياتنه عاديه الئ ان اجت
دوره السنه مال زوجته سواله ثواب وراح
لنجف هو وامه واخته واخذ صفاوي
يس شنو بيومه جان كلبي نار ع صفاوي
حيل ضايجه حته مانمت وره ما راحو
ضليت قلقه لان حلمت حلم موزين
بيهم ضليت كل شوي اتصل اطمن
كالي شبيج كل شوي متصله ماكو شي
اطمني وره نص ساعه اتصل محد يجاوب
تخبلت تقريب 4مرات مايرد متت خوف
اتصل وماكو نجنيت اخر شي رد عليه
ليث كتله خيرك ليش مترد امانه عليك
احجيلي شصار تره كلبي حاس اكو شي
حته انتبهت لنفسي مانطيته مجال يرد 🤣😂
كال سوينه حادث لطمت ع وجهي يمه
اسم الله كال لاتحجين لكل بشر
محد اتاذه مابينه شي كتله بروح رتاج
احجيلي شصار كال والله بالمقبره ازدحام
واجانه واحد صفح دعمني كتله منو
اتاذه كال شي بسيط ماكو شي
كتله وصفاوي كال مابي شي كتله الله
عليك شبي كال وروح رتاج مابي شي
ارتاحيت كتله وانت خو مابيك شي
كال لا مبيه كتله الحمد لله ع سلامتكم
بيومه اتاخر يله رجع صادف ازدحام
كال بس لاتحجين لاي بشر كتله
ماشي طلعت لكيت خالتي وعمي كاعدين
فرح رايحه للمدرس من لصبح
بديت انضف واسوي غده بس مامرتاحه
كلبي نار سمعت عمو يخابر ليث
كال فد ساعه ويوصل ازدحام كلش
كملت غده وهو ماجاي خابرته كال جاي
بالطريق ربع ساعه واوصل
صارت ب 11وربع وهو ماكو وره شوي
خابرني كال تعاي افتحي لباب
ركضت فتحتله لباب دخل لسياره
شهكت السياره ممروده شلون طالعين منه
ماعرف ركضت لمصطفئ ادور ماكو
اثاري نايم اخذته واكلب بي كال
هاي شبيج عيفي الطفل نايم باوعت ليث
راسه ملفوف وايده ملفوفه تخبلت
كتله ليش تكول مابيه شي كال صدك
مابيه شي دخلنه جوه الكل نصدم من شافه
كله تحمدتله ع السلامه وكالوله الحمد
لله بهاي ولابغيره وره شوي كعد صفاوي
يضحك ويلعب كال صفاوي خطيه خالته
حضنته حته مايتاذه وخالته وببيبته
هم متاذيات بس قليل كالت خالتي خطيه
العصر اروح اشوفهن دخل ليث سبح وطلع
كبل نام حته ماتغده وعمي وغيث من شافو
السياره متاذيه ضاجو بس كالو فدوه
المهم هو وابنه سالمين ضجت عليه
ولاكدرت اكل ماكلت شي ماشتهي
كعد ليث ب4 كال جوعان سويتله غده
وحطيته خالتي كام تحجي كال ماتاكليلج
لكمه تضلين صايمه لسه ع ريكج
شبيج اليوم ليث ياكل بساع عاف الاكل
وخزرني كال تعاي اكلي كتله ماشتهي
كال شيلي الصينيه ماريد كتله هيه كوه
والله مااشتهي كال اني هم ماشتهي
كعدت وياه كوه اكلت لكمتين لان من صدك
ماشتهي كلشي وراه التهه سوه سيارته
وباعه بدله ماخلاه ضاج منه
قرب عيد ميلادي وقررت اروح اهلي
اجيت كتله اريد لهلي عكب باجر
ماقبل كال ماترحين خليه ع الجمعه
واخذج صدك ضجت ونقهرت مشيت
الامور طبيعيه شاسويله اذا مايقبل
صادف بيومه اربعاء شهر الثاني حته
لصبح ماكعدت مقهوره كلش سويت غده
وكت جيتهم رحت للغرفه نمت من ضوجتي
ماكعدت اله للمغرب لكيت البنات يصلن
ولولد ماكو صليت
ردت اسوي عشا ماقبلن البنات كالو
غيث راح يجب من برا كيفت مالي خلك
جابو العشا ليث اختفئ ماهتميت تعشينه
واجن البنات يمي كالن ضوجه كتلهم اي والله
واليوم عيد ميلادي ضلن يحجن ليش متكولين
لو حاجيه نسويلج عيد ميلاد كالن
خلي نكسر الملل ونبدل بلكي غيث يطلعنه
راحت هدئ كالت احاجي غيث اجت كالت
بدلو كتلهم مااطلع كالن لعد خلي نبدل
ونسوي عيد ميلادي بسيط نوصي ع كيكه
لو هسه راح اسوي ع السريع
جبروني البنات اله ابدل لبست وخليت مكياج
عبالي لولد طالعين واخذت شال
لاحضت الكل ماموجود كلت خالتي وعمو
نايمين ولولد طالعين وهدئ عبالي
تسوي شي للعيد ميلاد اخذتني فرح
كالت خلي نكعد بالاستقبال علما
يجي غيث يجيب الكيكه
كتله منو كالج تكليله
كالت وجع خلي ناكل كيكه تستخسريه
بينه دخلت لاستقبال ضلمه وجان
انصدم الكل موجود بالاستقبال وطكو
طكطاكيات باول مادخلت مسوين اجواء
تخبل خليت الشال ع راسي وشغلو
الضوه صدك فرحت لان ترتيب واجواء
فد شي اله 👍
ومخلين اغاني وترتيب الميز يخبل
وصلنه نطفي الشموع طفيناهن سويا
وكلولي كصي الكيكه ليث بكل حركه
ياخذ صوره كصيت الكيكه بدو يوزعولي
الهدايا هدئ جايبتلي علبه مكياج فد شي
وفرح جايبتلي علبت بيه ساعه وعطر
وغيث جايبلي علبه بيه ورد ومتروسه حلويات
وعمو نطاني فلوس كال ماعرف ذوقج
وخالتي جابتلي جنطه تخبل
فرحت من كل كلبي لان مانسوني
حستيهم اهلي من صدك وجانت احله مفاجئه
كملنه احتفال صارت الساعه ب 10اله ربع
كال ليث كومي بدلي خلي نطلع كال للبنات
ماقبلن يطلعن حته صفاوي كالن بقو
مقبل ليث كال خلي يتونس
بدلت وطلعنه بالسياره لزم ايدي وباسه
وكال كل عام وانتي بالف الف خير
ياحله زوجه بالعالم وطلع علبه جبيره
ونطانياه كال افتحيه شوفيه عجبتج
لو لا فتحته وجان تطلع علبه بسط علبه وكل علبه بيه
شي اول علبه بيه محبس
ثاني علبه بيه عطر
ثالث علبه بيه اسوار يجنن
رابع علبه كله ورد دورت ماكو
لان كله ورد بالاخير لكيت
حلقه تخبل
واو فد شي يجننن عجبني كلش
كتله شكرا
كال هسه وين حابه نروح كتله
بكيفك كال اليوم يومج واختاري
كتله ع ذوقك ماندل كال اخذكم لمدينه
الالعاب كتله ماشي اخذنه
صعدنه صفاوي وتونس اخر شي كال خلي
نركب بديلاب الهوا اني اخاف
بس استحيت اكله صعدنه شنو متت خوف
كمت اصيح حباب نزلني وكفه علمود
ونزلنه طاح بعيني نركب بالسفينه
ماقبلت لان عندي فوبيا من المي والارتفاعات
هو بس يضحك عليه اخر شي
كتله خلي ندخل لسينما الشاشا
ثلاثيه الابعاد وتلبس نضارات وتباوع كانو
داخل الجو بيه اشياء مرعبه بس حلوه
وتونست بيه وكررناه بعد صعدنه
كال شعجب متخافين بيه اشياء تخوف
كتله عاجبتني
ضلينه نفتر واكلنه موطه كوه قبل
يشتريلنه لان بارده جان يوم حلو
تونست كلش من رجعنه كتله شكرا
ع كل الي سويته كال هذا جزء بسيط حته
اعوضج ضلينه نفتر ل 12 وثلث رجعنه
صفاوي نام بالطريق رجعنه لكينه
البيت هدوء دخل صفاوي نيمه
ونمت ثاني يوم جان مطر الستلايت مابي
اشاره مايشتغل طلعت اباوع بالصاله
متابعه مسلسل كال ليش هنا كتله ماكو
اشا ه جان مطر وليل كتله باجر
من ترجع سويلياه خاف انسه اشو
هذا صعد يريد يسوي وكال من اصعد راح
اتصل من تجي اشاره كليلي وبارده
ماقبلت يصعد بس عاند خابرني سواه
ونزل ملابسه كله مي خرب كمت
احجي عليه راح للغرفه وكملت المسلسل
نيمت صفاوي ونمت كعدت لصبح الكل
راح لدوام وليث ماطلع صارت ب 8اله ثلث
رحت كلت خاف ماخذته النومه كعدته ماكعد
لمن تقربت ولمست وجه مصخن نار تخبلت
بسببي تمرض سويتله كمادات مافاد عندي
علاج من صخت جبته نطيتهياه كوه كعد
خابرت غيث كال غيث شويه واجيبله
ابره وره نص ساعه اجه ضربه ابره وسويتله
شوربه بساع راح غيث ماخذ زمنيه
وره عشر دقايق فكته الصخونه جبتله
شوربه اكل كمت احجي عليه كلت بسببي
كال اش لاتحجين هيج انتي شعليج
اني من اجيت من الدوام مريض ضليت
النهار كله معتنيه بي لمن صار زين ولعصر
اجه عليه كرار وطلعو
وره فتره اجت هدئ من الدوام وجه احمر
وتضحك تلكيته خير ياطير كالت
بعدين اسولفلج تغدينه وكملنه اجتني
للغرفه كتله غردي كالت وج اليوم السايق
مااجه كالعاده والبنات راحو
كلت اخابر واحد من لولد وره شويه مااحس
اله كرار فوك راسي كال اكيد السايق
ماجاي كتله اي كال تعاي اوصلج كتله
لا شكرا مايحتاج هسه اخابر واحد من
اخواني واذا ماكو اخذ تكسي اني ولبنيه
كال تامنين لابو التكسي وماتامنين بيه
كتله لا مو هيج اشو هذا طلع موبايله
وخابر ليث كاله ها ليوثي اني بالكليه علمود
تايد لمرت فراس وشفت اختك والسايق
ضاربه واكله تعاي اوصلج ماتقبل لازم موكد
المقام تكول ضليت صافنه عليه كال هاج
هذا ليث وياج اخذته منه جان يكول
روحي وي كرار احسن ماتضلين
بالشارع لو بالتكسيات كتله ماشي من
وره خشمي كال ليث ام خشم اليابس
لاتعاندين امشي وي لولد تره اكله يعوفج
صعدت وياه لو ذبحيني قطره دوم ماتلكين
بيه كال شبيج وجهج صار اصفر تره
والله ماكل بشر هم ساكته كال هيج
تضوجين مني وكارهوني كتله لا ع شنو
اكرهك مامسويلي شي كال ماشي
وكف يم محل جاب مي وعصير
ونطاني ماشربت كال خرب اشو دار
وجه واخد العصير وكسره ونطانياه
جبرني اشرب منه كوه شربت شويه
وره كال عندي موضوع وياج بس
محتار شلون ابدي كتله عادي احجي
كال الصراحه اني معجب بيج
ورايد اتقدملج وماحبيت اخوان اخوي
وصديقي بس حبيت احجي وياج قبل
لااتقدم خاف مخطوبه مرتبطه حته
انسحب تكول يمه من كالي هيج وكف
كلبي نصدمت ضليت ساكته من الصدمه
لولد يحجي واني بالي مو يمه مانتبهت
شحجه وراه كال ها شنو رايج كتله ع شنو
كال اكو شخص بحياتج لو ماكو شي
ضليت ساكته كال شنو معنئ سكوتج
السكوت علامه الرضا اني وجهي
صار دم تكول الطريق صار شطوله
قبل لاانزل كال راح احاجي ليث
خطيه جانت فرحانه كلش لان تحبه لكرار
كتله وافقي بس لاتزوجين اله تكملين
لان تتبهذلين صعبه توافقين بين بيت ودراسه
لان الدراسه مومثل الوضيفه الدراسه تطلب
تحاضير ومسوليه كالت صدك كلامج
وره يومين اجت خالتي حجه وي هدئ
ع كرار كالتله بس بشرط اكمل يله يصير
الزواج الظاهر الكل موافق ع كرار لان كرار
علاقته بيهم قويه واكثر من اخ يعتبرونه
حته عمي يحبه اجوي اهله واتفقنه ع كلشي
وكالو الجمعه المشيه والجمعه الوراه العقد
اجتي المشيه وكضيناه بس فره وتعب وهوسه
وخطار وغده وعشا لان الكل اجو من لصبح
خطيه جانت فرحانه وراه اجه كرار بليل
وكالو خلي تجي هدئ هيه تخبلت تستحي
ماتقبل تروح كوه اخذه ليث كتله تستحي كال
راح اخليهم وحدهم شويه حته يتعرفون
ع بعض اجتني لبنيه ترجف تكول حته ماشفته
ونضحك عليه رحنه لسوك نجهزله للعقد
اشترت نفنوف شذري كلش حلو وشتره حلقه
واني اشتريت نفنوف خردلي عجبني
كملنه غراض اجانه ليث ورجعنه
وماقبلت تروح لصالون اني
مكيجته وسويتله تسريحه بسيطه
طلعت جمال تخبل
واني كملت من طلعت جان. يشوفني
ليث. وكال
يتبع