تاق لأصدقائكم :*
الحلقة 15 من قصة " أسيل " :
ايمان : قاعدة مفتحتش مع محمد موضوعك نسسيت
أنا : اهاا
ايمان : اي ~~ اليوم فكريني خلي يمشي يسأل عليه
أنا : ان شاء الله ~~
ايمان : خلاص أناا منرقد ماعاد عندي حيل ~~
أنا : به بري ارتاحي ^^
ايمان : كان جي خوك سخنيله غداه كان قدرتي وكان ماقدرتي قوليله كيف يدير
أنا : حااضر حااااضر غير بري ارتاحي انتي
ايمان : بااهي
ركبت أمي وقعدت بروحي ~~ كسدت ع التلفزيون لحد ماجي محمد سخنتله غداه وركب رقد ~~ جت الساعة 5 وجت الاء غيرتلي جوي تهبل البنت هادي :*وروحت بكري ~~ بعدها بـ شوية روح محمد وجاني
محمد : ها دانيا كيف حالك تمام ؟
أنا : تماام خيوو :*
محمد:مبكري أمك كلمتني ع علاء وأنا شخصيا مش رافضة راجل مشاء الله عليه ع طول جي من الباب سألت عليه ومافيش واحد مشكراش ~~ بس عصبي شوي راه شن أنتي موافقة ؟ فيش حد غاصبك ؟
أنا : عليك سؤال بايخ " -_-
أن شاء الله
محمد : كبرتي يافرخة وبتتزوجي =D
أنا : بطل باه =D
محمد : توا انتي بتقدري مسؤوليةة حوووش وراااجل وفرووخ يااودي ماضنيت دلوعة زيكك تقدر
أنا : الايام بينا وتوا تشوف =D
محمد : باهي وانتي ماصدقتي =D
أنا : مشناك تعرف -_-
محمد : ع العمووم غدوة عندك مراجعة أكيد ناسية ~~ وفي احتمال ينحيلك الجبس
أنا : ان شاء الله
محمد : خلاص وتي روحك الصبح بكري منطلعو عازمك ع فططور برا
أنا : لالا مانبيش : ( خليها مرة تانية ~~ تعقدت من الطلوع
محمد : وجعاته "
أهااا به تمام المهم الساعة 10 كوني واتيه
أنا : تمام
محمد : هي طالع تبي حاجة نجيبهالك في طريقي ؟
أنا : لالا سليمتك فـ حفظ الله :*
طلع محمد وفتحت فيس وبعد فترة جتني رسالة ~~ فتحتها " سمعت أنك نخطبتي ~~ تعرفي لو توافقي صدقيينيي مش ح تشووفي خير وح نقول لي خوك ع الولد يلي ردد عليااا هاداكا اليوووم أنتي ليا أنا بس فااهمة ولو مفهمتيش نفهمك "
أنا أول مااشفت الرسالة عرفت أنه وليييد قعدت نرعش مع بعضي ونبكيي يعني مستحيل تكمل فرحتي !!! معاش عرفت شن مندير رانيا مزال موصلتش نبي نوصل لي علاء ونقوللله بس كيف مش عااارفه ! أتصلت بي الاء
الاء : مسرع أستاحشتيني كيف كنت عندك
أنا : الااااء
الاء : تي خيرك تبكي ياهمي شن فوو ؟
أنا : وحكيتلها يلي صار "
الاء : حيييي عليه منسحاباش تافه لـ هدرجة
أنا : تي نعرف أنه تافه ~~ قوليلي تواا شن ندير سااعديييني
الاء : أول شئ أهدي وخودي نفس
أنا : تي هيا قوليلي وأنتي حسستني تولدي في وحدة بتجيب أهدي وخودي نفس قاللت -_-
الاء : حقيرة -_- المهم أنتي تعرفي أيميله ولا
أنا : اها
الاء : كلميه عليه
أنا : صح فكرة بس مانبيش نكلم من غير علم محمد مش حلوة في حقه
الاء : هادا يعتبر خطيبك عادي
أنا : يستر الله توا نشووف وأدعيلي وراس وخيتي
الاء : ان شاء الله ديري يلي قنلك عليه وكلميني قوليلي شن يصير معاك
انا : ان شاء الله هي سلام
الاء : سلام
سكرت من الاء وكانت الساعة 11 يعني في أحتمال يكون فاتح بعتتله رسالة " السلام عليكم علاء أنا دانيا ممكن من وقتك شوي ؟~~ "
وجاني تم العرض وأنا قريب متت من الفرحة وقلبي قريب طلع ورد عليا
" وعليكم السلام ~~ مصح وجهك شن جو الرسميات هادا " هههـ من بداياتها مصح وجهك =D رديت عليه " كلمني ع التليفون " تم العرض ~~~
قعد دقيقة وأتصل أنا خلاص قلبي طلع وفات
علاء : دانيا كيف حالك شغلتيني في شئ ؟
أنا : أول ماسمعت صوته قعدت نبكي " علاء :(
علاء : دااانياا خيركك تبكييي ؟؟ قووولي شن فيككك ؟؟؟ محمد ضربك؟؟؟ تكللمييي
أنا : وخانقتني العبرة " وليد
علاء : تي خير أمه ال$%^لإ&* أستغفر الله العظييم خيرره ؟؟؟ كلمك تااني
أنا : كلمني ع الفيس وقالي لو توافقي نقول لخوك أن رد عليا ولد
علاء : دقيقة بس ~~ أنتي توا تكلمي فيا أهلك يندرو ؟
أنا : لا :(
علاء : أسمعي غير توا بس مرة تانية متكلمينيش من غير علمهم فااهمة ~~ وبالنسبة لي وليد هادا خليه عليه ومعاااش تبببكككي خلااص ع خاطري دانيا
أنا : أسفة بس معرفتش لمنو نقول رانيا سافرت ومفيش منو يحلهالي :(
علاء : لا اله الا الله معااش تتاسفي أخر مرة هادي
أنا : ان شا ءالله
علاء : دانيا
أنا : ها
علاء : ع خاطري معاش تبكي منتحملللشش فيك شئ
أنا : به بس قولي شن بدير
علاء : شكله جلده يحك فيه وخاطره في طريحة باهيه =D
أنا : لااااا وراسسسك ماتمسه فكينا من المشااااكل أنا من رأيي نكلم محمد ! ونقوله ع كل شئ
علاء : لا خليني أنا نقوله أنتي أطلعي منه
أنا : لالا محمد علاقتي معاه قوية هلباا نصي هادا
علاء : باه تحشمي
أنا : غرت ولا كيف =D
علاء : حاجة زي هككِ
أنا : من خويا !
علاء : من كل شئ
أنا : = هي شنوو أنا نقوله خلاص !
علاء : يلي يريحك أنا ولا أنتي
أنا : خليني أنا
علاء : به براحتك
أنا : به تمام
علاء : ع فكرة تهبلي وانتي هادية
أنا : احممم
علاء: علاش أنا بالدات كلمتيني أول ماصارت المشكلة !
أنا : مش عارفة
علاء : اهاا هي توااا سكري وبري أحكي لـ محمد ومايصير الا الخير بأدن الله وهادا وليد ح يشوف هي سلام
أنا : سلام تصبح ع خير
علاء : وانتي من أهلي :*
وسكرت منه وبججد ريحني هلبااا احلي شئ تحسي عندك راجل صححح يوقف معااك ~~ طلعت من داري وقعدت أنادي ع محمد طلع في المطبخ كيف روح ~~
محمد : هااا شن تبي
أنا : تعالا في داري نبي نحكيلك شئ بس توعدني متعصبش !
محمد : ان شا ءالله يصير خير نقدرش نوعدك وكان مدايرة فالطة ~~ بس واتق فيك مديريش هي أحكي أهوو قعمزت
أنا : أسمع خليني نقول كلامي كله بعدين أنت تكلم ومتقطعنيش بكككل
محمد : باه
أنا : مرة لما كنت في حوش رانيا كلمني وليد ! اي وليد صاحبك متشبحليش هكي ! أول ماعرفت أنه وليد سكرت بعدين جي علاء وهوا مقايلي أنه يبي يجي يخطب ولا مرة كلمني ع التليفون ولا ضايقني بكل المهم شرين تاني وكان علاء موجود أنا تلبكت وتغير وجهي وشفاني علاء قالي منو قتله لا رقم غريب بس خداه ورد هوا وهزبه ~~ المهم وليد من هاداكا اليوم معاش ضايقني بكل اليوم بعتلي رسالة وأهيا أقراها بروحك ~~
قري محمد الرسالة وجها معاش يتفسر كله ملياان غضب~~
أنا : ولما قريت الرسالة خفت منه معرفتش شن ندير كلمت الاء وقتلي كلمي علاء كلمته ع الفيس قتله يكلمني التليفون وقالي خليه عليا الموضوع وانتي أطلعي منه قتله لا أنا توا نقوله وعارفااتك بتهزبني ع خااطر كملته بس مش بيدي وأنا اقسم بالله أول مرة نكلمه ع الفيس والتليفون ويعتبر حاليا خطيبي
محمد : من كتر ماعصب ليين قريب درتها تحتي من الخوووف "
مش عارفة شن بنقول أنا مصدووم !!! مستحيل يكون وليد ! قصدييي رفققة عمممر مش سنة ولا سنتينن يكلم أختي ويهددهااا !! وانتي كيف تكلمي علااء قلتيلي لياا من الأووول ياا دانياا علااش مقلتيليششش !!! لا اله الا الله أستغفر الله علي العظيم كنت حاط فيك التقة أنك مستحيل أديري هكي
انا : ممحمد انت أكتر واااحد تعرفني وأنا مدرتش هكي باش نتسهوك !! كنت مجبوورة بعدين متكونش اناني حتي أنت خاطب وتكلم فيها وواخدها علاقة ولا نسيت ؟
محمد : أحسن شئ درتيه أنك قلتيلييي عرفت حقيقته الوااطي ال#@%$^&
أنا : نقصص حسكك بااه ومعااش تعيط علياا أنا غلطت في أني كلمته ؟؟ مش اي خطيب يكلم في خطيبته عاادي ؟؟؟ واصلا حتي هوا مرضااش وكشخ عليا لأن كلمته من غير علمكم
قعد يشبحلي وعيونه قريب يطلعو ~~ وطلع وخبط الباب وطلع ومشي دار عركة مع وليد وروح :( عليك يوم أغبر ~~
عيوني جفو من الدموع اليوم ليين نعسني النوم وخشيت رقدت تاني يوم فقت الساعة 9 ع صوت تليفوني ديما هوا يلي ينوض فيا =D وكان من محمد نخلعت ~~
محمد : صباح الخير وتي روحك
أنا : صباح النور أن شاء الله
وسكر ~~ونضت مشيت لحمام درت لفتي وصليت الصبح ماعنديش نيه نفطر مشيت لبست عباية ووشاح ودرت لمساتي وطلعت ولقيت محمد يستنى فيا وقالي هيا وطلعت ولا كلمني ولا كلمته خطم ع كافي وجابلي فطور ~~
أنا : علاش متعب روحك ماليشي داعي ماعنديش نيه
محمد : دانيا راه قصدي خوك ونعرفك كولي واسكتي خير من جو الرقي صدقيني
أنا : حطمتني مبردك _
محمد : =D
فطرت في السيارة ووصلنا للمستشفى ~~
يتبع ..