وعايزك تفهمي حاجهه مهمهه ي شهد خسارتكك إنتي بالنسبه لي هدم و خسارة لمستقبلي الصح الإبتديت أبنيهو عشانا ،فضلته اعاين ليهو ،طلع يديهو من جيبو ومسح بيها وشو ،قال لي حيرتي امري فيكك،اعمل ليك شنو انا ي شهد ؟حنفضل نبرر كل الوقت كدة ؟هزيت ليهو راسي بمعنى لا،
قال لي بس حركاتك دي بتقول كدة ي شهد،
قولته ليهو صهيب انا حكيت ليك الحاصل😔
قال لي طيب ي شهد عايز يشيل المفتاح رجعته لورا،قال لي انا طالع جادي معاك ،مشيت الغرفهه لبسته لي توب وجيت قولته ليهو انا كمان مخنوقهه ونفسي اطلع😢قال لي حتمشي معي للبنات العايز اللاقيهم؟
سكتتهه وانا بعاين ليهو
قال لي طيب يلا،طلع وطلعته وراهو ،دخلنا الأصانصير اول م إتحرك قبضتهه في يدو وضغطتهه عليها شديييد لغايه م نزلنا ووصلنا قراش العربات فضلتهه ماسكاه ،بعدها بقى يعاين لي حتى إنتبهته واديتو المفتاح🙈
ركبنا إتحرك وفضلنا ماشين وهو مشغل اغاني فجاة جابو غنيهه بتقول"الليله وييين انا الفي العصر مرورو🌚
الغنيه بحبها طبعا بقيت ادندن مع سميرة دنيا وكملنا ب "ﺍﻟﻠﻴﻠﺔ ﻭﻳﻦ ﺍﻧﺎ ﺍﻟﺒﻲ ﺍﻟﻌﺼﺮ ﻣﺮﻭﺭﻭ ﺧﻠﻴﻬﻢ ﻳﻘﻮﻭﻭﻟﻮ ﻛﺘﻴﺮ ﺍﻟﻨﺎﺱ ﺑﻘﻮﻟﻮ ﺣﺒﻴﺒﻲ ﺍﻟﺒﺪﻭﺭﻭ
ﺍﻟﺒﻐﺮﻕ ﻓﻲ ﺑﺤﻮﺭﻭ ﺍﺧﻮﺽ ﺍﻟﻨﺎﺭ ﻭﺍﺯﻭﺭﻭ ﺍﻧﺖ بحر السماحه ﻳﺠﻮ ﺍﻟﻌﺸﺎﻕ ﻳﺰﻭﺭﻭ ﺑﻼﻗﻲ
ﻭﻭﻳﻦ ﺍﻧﺎ ﺍﻟﺒﻲ ﺍﻟﻌﺼﺮ ﻣﺮﻭﺭﻭ ﺧﻠﻴﻬﻢ ﻳﻐﻨﻮﻭﻭ ﻳﻐﻨﻮ ﻛﺘﻴﺮ ﺍﻟﻌﺸﻘﻮ ﺟﻨﻮ ﺍﻟﺮﻳﺪ ﺍﻧﺘﻮ ﻣﺎﻋﺎﺭﻓﻨﻮ
ﺍﻣﺸﻮ ﺍﺳﺎﻟﻮ ﻋﻨﻮ ﺑﻼﻗﻲ ﻭﻳﻦ ﺍﻧﺎ ﺍﻟﺒﻲ ﺍﻟﻌﺼﺮ ﻣﺮﻭﺭﻭ ﻳﺎﻣﺎﻟﻚ ﺍﻟﺴﻮﺍﻟﻒ ﺍﻟﺴﻮﺍﻟﻒ ﺍﻧﺎ ﻋﻨﺪﻱ
ﻟﻴﻚ ﺳﺎﻟﻒ ﺍﻟﻄﻴﺮ ﻟﻲ ﺣﻨﻪ ﺑﻲ ﻟﺒﻨﻮ ﺍﻟﻤﺨﺎﻟﻒ ﺻﻴﺪﺓ ﺍﻟﺨﻼ ﺍﻟﺠﺎﺍﺍﻓﻠﺔ ﺩﻱ ﺍﻟﺠﺎﻓﻠﺔ ﺑﺪﺕ ﻋﻠﻲ ﺗﻮﺍﻟﻒ
ﺷﻮﻑ ﺩﻣﻌﻲ ﺍﻧﺎ ﺍﻟﺰﺍﺭﻑ ﺍﻟﺬﻱ ﻣﻄﺮ ﺍﻟﻘﻀﺎﺭﻑ ﺑﻼﻗﻲ ﻭﻳﻦ ﺍﻧﺎ ﺍﻟﺒﻲ ﺍﻟﻌﺼﺮ ﻣﺮﻭﺭﻭ ﺑﺸﻴﻠﻚ ﻣﺮﺍﺍﺍﻳﺔ
لما جينا جينا للمقطع بتاع "اجيب لي مرااااايهه مرايا بعاين ليك براي ،حبيبي حبي قسايا وقفت لي م قدرته اكمل ف سكتهه إنتبهتهه لقيتو بعاين لي وببتبسم ختيت يدي في وشي بخجل🙈قال لي معناها انا عندي قونهه ظابطهه في البيت ياخ 😂😂قولته ليهو صهيب خلاص ياخ م تخجلني🙈قال طيب كدة عيدي المقطع الاخير دة،قولته ليهو ابيت🙊
قال لي ياخي بطلي حركاتك دي انا عايز اسمعو منك عيديهو اسي م كنتي بتغني كويس فجاة🌚
قولته ليهو م كلو منك خلاص يخخ😂😭👊💔
قال لي كدة انتي بتخجلي كمان وعاين لي وعايز يلف وشي بإتجاهو غطيتو بالتوب
قعد يضحكك وهو بدندن بس م عارفاه كان بقول في شنو،
شويه كدة وقف نزلنا في مطعم كدة ،قال لي انزلي يلا،نزلته قال لي طبعا البنات منتظرني هنا😅
قولته ليهو طيب😒دخلنا المحل كان حلووو وهاااادي شديد وبلدي كدة إحساس عاملين القعدات عبارة عن عناقريب وحاجه زي البنبر كدة في النص وحجات كلها بلديهه وفي نافورة في نص المحل والجو خراافي،قولته ليهو الله المكان دة حلووووووووو شدييييييد،مسكني من يدي قال لي عارف كدة انا يلا تعالي،قعدنا انا قعدته في عنقريب وهو في عنقريب والعناقريب فيها مساند يعني إحساس انك في بيتكم جدجد وعلى جنب كدة في طربيزة فيها حجات زي حجات العديل والزين قولته ليهو حننتظرهم هنا ولا شنو م فهمت؟قال لي ننتظر شنو ي بت الناس انتي هبلهه مكان زي دة انا بجي فيهو مع نفسي بس دة مكاني الخاص بحس بالراحه فيهو مهما كنت متضايق
قولته ليهو اممممم طيب وانا ؟
قال لي انتي شنوو؟
قولته ليهو ليه جبتني مكانك المفضل يعني؟قاال لي انتي حتشاركيني حياتي كلها يعني حاستخسر فيك تشاركيني حجاتي البحبها؟وبعدين المكان دة انا حبيتو بعدك لأنو بشبه الحته الجايهه منها وعرفتكك حتحبيهو فتلقائيا لقيت نفسي بحبو يمكن لانو حسيت إنو حتكون فيهو ملامح إبتسامتكك لما تشوفيهو
بقيت خاته يدي في خدودي وبعاين ليهو،طلع تلفونو واخد لي صورة وانا بالهيئهه دي،قولته ليهو صهيييب،
قال لي روقي😂
قولته ليهو م شايفني عامله كيف؟قال لي عامله كيف؟عامله عيونك وتسريحتك وملامحكك الحلوة دي
قعدتهه اضحكك وانا خاته يدي في وشي😂😂
جا ولد صهيب سلم عليهو وقال ليهو ي حبوب الخبر تمام؟انا بس عايز قهوتي الظابطهه ديك تمام؟الولد قال ليهو كويس
قال لي حبيبي تشربي شنوو؟
لما قال لي كدة الولد قعد يعاين ليهو،
صهيب عاين ليهو قال لي م تبحلق عيونك كدة دي مرتي اي🌚الولد ضحكك قال ليهو مبروك عرسته متين؟قال ليهو بي ولدي حتى ياخ انا😂😂😂😂الولد فضل يضحك
قال لي اها تشربي شنو؟
قولته ليهو شاي ،
قال لي قهوة لا؟هزيت ليهو راسي بمعنى لا🌚
قال ليهو طيب ي حبيب قهوة وشاي وصحن زلابيهه معاهو بالله💜
قال لي المحل دة خطير شديد وبالفعل الناس كانت داخله وطالعه واحلى حاجه إنو زي الحوش كبييييير وفي الهواء سااي،فضلنا قاعدين ونتونس شويه كدة الولد جا شايل شيشهه في يدو وختاها جمب صهيب
صهيب قال ليهو دة شنو ي مااان؟
قال ليهو انت مش قلته داير قهوتك الظابطهه ديك؟
بقيت اعاين لي صهيب وبحمر ليهو،صهيب قال ليهو انت داير تخرب بيتي باقي الليل دة ي شيخ ولا شنوو شيلها شيلها ياخ😂😂😂الولد ضحك مساافهه ومشى،شويه كدة جاب الشاي والقهوة ومعاهم بخور وكدة،صهيب قال ليهو شايف؟اخوك بقى مهروش انصحكك م تعرس اسمع كلامي😞💔
قولته ليهو اسي انا سالتكك؟قال لي عينك كانت كافيهه م ضروري تسالي😂💔
فضلنا قاااعدين ونتونس وهو يحكي لي وانا اتونس وانا كل شويه افتح موضوع ونضحكك م حسينا بالزمن ،صهيب قال لي الساعهه12على فكرة،قولته ليهو م جادي؟
قال لي والله يلا نمشي،
طلعنا مشينا وانا كنت مبسوووووطهه شديد ،حاسه انو الحواجز المعنويه بيني وبين صهيب شبه إتزاحت،حاسه انو انا إبتديت اتعمق فيهو اكتر،كل الكنت بعملو من بكى لي حركات لي غيرو كنت عايزة اثبت وجودي في حياتو ،عايزاهو يتعلق بي ويحبني حتى لو م كنت بحبو بس شكلي وانا بعمل في دة حبيتو شديييييد اكتر من نفسي حتى،
رجعنا البيت إتفقدنا كريم لقيناهو نايم رجعنا غرفتنا،فجأة لقاني وراهو قال لي خير،لفيت يدي حوالين رقبتو وقولته ليهو "بجيب لي مراااايا ومراياااا بعاين ليك برايااا،حبيبي حبيب قساااايا وبس نسيت الباقي 🙈ضحكك وقال لي كلام الناس دعايا ومعاك انا للنهايهه الليل وييين اناااا مش كدة😂😂😂ضحككتهه بإستغراب قولته ليهو يعني حافظها؟باسني وقال لي حتى لو حافظها بنساها عشان اسمعها منكك حبيبي💜قولته ليهو غيااااظ عايزة اتحرك قربني عليهو ومسكني من وسطي ومسك يدي وعاين ليها وقاال:
والحنهه حلوة وباسها،وستها احلى طبعا دي م عايزة نقاش ،وانا بحبهاااا النكديهه ام حواجب مافي دي😅
قولته ليهو وبتقولها في وشي كمان؟😓😣ضحكك و
قال لي بس محلياهاااا وباسني مساأافهه 🙈
اليوم التاني بعد م هو طلع الشغل فضلنا انا وإمتثال نتونس ونشاهد في التلفزيون بعد الفطور كدة قلته ليها عايزة اطبق حنتي دي لانها بنيه،قالت لي بساعدك،بالفعل قعدته إتحننته ،اول م خلصت جرس الباب ضرب مشت فتحت ،كانت بت جارتنا اللاقيناها المرة الفاتت في الباب ديك كانت شايله معاها صحن مغطى،
سلمت علي وفضلناها قعدت بقت مرة تلعب مع كريم ومرة تتونس معانا
قولته ليها جارتي دي وين م ظاهرة،
قالت لي والله م عارفه لكن تقريبا بتكون في الدوام علشان كدة
قولته ليها اهااا صح قالت لي شغالهه ي حليلها ربنا يعينها
قالت لي بجد ربنا يعينها في شغلها ويعينها على الباطل الربنا إبتلاها بيهو
قولته ليها بجد اليوم داك كسرت قلبي ياخي 💔قالت لي طبيعي هي في الحاله دي ضرب وإهانه وكل شي
قولته ليها المشكله انها عندها الحريه إنها ترجع بيتهم لي اهلها
قالت لي م بتقدر صعبه شديد،يعني تخيلي زول إنتي إتحديتي اهلك كلهم ووقفتي قدامهم قولتي ليهم ي الزول دة ي بلاهو وعقدتي بدون رضى امك وابوك في المحكمهه يعني رجعتك ليهم زاتها م ليها معنى لانو انتي العملتيهو م بتغفر والاكعب من كدة تجي تكتشفي إنك عملتي كدة عشان زول م بستاهل ،عشان زول إكتشفتي بعد دة كلو إنو زول تافه وحقير وإستغلالي لابعد الحدود بجد العايشاهو الله يعينها عليهو💔
امتقال قالت لينا حسبي الله دي جارتكم وينها دي ومالها؟قولته ليها الشقه المقاصدانا دي وحكيت ليها موقف الضرب
قالت لينا هي زاتها غبيه دة زمن راجل بتوثق فيهو؟ياخي لنفترض انك حبيتيهو ودبتي فيهو ومتي فيهو موووون عدييييييل هل دة معناه إنك تخسري كم وعشرين سنه قضيتيها من عمرك مع اهلك التعبو عشانك وربوك عشانو؟
انا مستغربه في غباء البنات القامو فيهو جديد دة والمشكله انو الحكايه بتاعه بحبك وبموت فيك والكلام دة بكون فترة العلاقه بس لانهم بتعاملو بإندفاعيه وبعد م الواحدة تهرب معاهو وتتزوجو قضى معاها شهرو الأول في غرفه واحدة وفي سرير واحد خلاص حيبدأ يوريها وشو التاني وحتكتشف فيهو حجات اصلا م كانت حتتوقعها دة م حب دة وهم خيال العلاقه في لحظه عاطفتها دة السبب المخلي دار المايقوما اليوم ملاااان اطفال ومخلي النوع دة من جارتكم بتعاني المعاناة دي
البت قالت ليها بالجد يعني انا م عارفه الحاصل شنو بالزبط بس البنات عاطفتهم في حد زاتهم بغباء،تخيلي اسي ليلى دي بعد م عملت دة كلو عشانا شغاله ومن شغلها دة هي مؤجرة الشقه،وبتصرف على البيت،وبتصرف عليهو هو وطبعا الاخو ماشاءالله سجاير وشيشه وبنقو وخرشات ويوم م تدي يقوم فيها ضرب
قولته ليها واااااااي م جادة؟بعمل كدة؟م قادرة اصدق؟
قالت لي والله ي شهد ياخي نحن يومي بتجي تبكي لينا،يومي شاكيهه منو والله انا وامي نبكي معاها بس وامي قدر م اتكلمت معاهو كانها بتنفخ في قدرة مقدودة والاحلى من كدة. عايز يربط معي هههه
إمتثال قالت ليها حسبي الله حسبي الله دة واحدة تافه باااطل هي زاتها مجنونه افضل ليها تتذل في بيت ابوها بي عملتها دي ولا تتذل تحت باطل م مجبورة عليهو تتطلق منو على طول
البت قالت ليها والله نصحناها ونصحناها بس م بتسمع الكلام وبتحبو وبتمون فيهو موت رغم عمايلو فيها دي كلها بتبرر ليهو
قولته ليها كرر علي ي حليلها
قالت لي والله ي شهد غايتو بس ربنا يتلطف بيها ،عشان كدة انا الحمدلله بعيدة كل البعد عن الإرتباط والكلام دة جنس التعلق والعولاق دة م بقدر عليهو
إمتثال ضحكت قالت ليها عسل معاك حق ارجي نصيبك ي زوله لما يجي الزول الصح كل المؤشرات بتدلك عليهو من غير م تجتهدي حتى
قالت ليها بجد ي زوله والله الحمدلله على نعمه ثبات القلب،وتقلتو،عارفه انا ابوي برضو كان كعب شديد يعني انا خلاني عمري سنه وطبعا متزوج تلاته امي الصغيرة،عيش امي دي في ماسي ومشاكل وحاله نفسيه م يعلم بيها الا الله وطبعا اسي معلقها وحالف م يطلقها ونفس الشي عاملو مع نسوانو
إمتثال قالت ليها خليها تطلقو بالمحكمهه طوالي وين هو هنا؟
قالت ليها عايش في الامارات وعندو قروش زي التراب،وعمارة في السودان فيها 10طوابق
قولته ليها بصرفكك؟
ضحكت قالت لي ي بت جادعني من وانا عمري سنهه م شغال بي شغله مرة مرة بعد 6،7شهور برسل لي 2مليون3 على حسب مزاجو ههه حتى اولادو التانين مستخسر فيهم قروشو بس انا الحمدلله امي م مقصرة مني في شي شغاله واي شي بطلبو منها بتجيبو لي وعندي خالي برضو كان متزوج عندو طفلين توأم برضو إتشاكل مع مرتو ومشى خلاها ومرتو من كتر م هو قرفها حياتها جابت العيال جدعتهم لي امي من عمر ومشت اسي امي متحمله مسؤليتهم امي من قامت تعبت وإشتغلت عشان اهلها وتعبت عشاني وربتني وشغلها سفرو كتير طوالي في الإجازات بتسفرني معاها والله م محسساني باي نقص لعبت دور الام والأب في حياتي ووكفت عشان كدة اصلي م بضعف لاي ولد بالعكس بطني بتطم منهم وم عندي الجاذبيه للعلاقات في الوقت الحالي بالتحديد يعني همي كلو انو اتطور من نفسي،اشتغل ،ارفع امي واساعدها وامي إنسانه براكتيكل وبتحب التفوق والإنجازات وانا حابه افرحها بإنجازاتي في حياتي وبس
امتثال قالت ليها امك ماشاءالله عليها ربنا يديها العافيه عمرك كم إنتي؟
قالت ليها 17 سنه😁
امتثال قالت ليها انتي17؟ياخي بجد ماشاءالله ماشاءالله عليكي ربنا يكملك بعقلكك ي ريت لو كل البنات بتفكر زيكك وبجد العرس والعلاقات،والحب والحجات دي ملحوقهه ياخ اسي انا عمري 26داخله على ال27سنه واخر إهتماماتي الحجات دي
ضحكت قالت ليها لسهه صغنن انتي ياخ عمرال20دة العمر المفروض نتطور فيهو نفسنا ننجز اهدافنا لانو الحجات الباقي دي كماليات للحياة 💜
البت لبقهه في الكلام،فيلسوفه،عقلها متفتح مقنعهه وقنوعهه في نفس الوقت،حبيتها حب بقيت اعاين ليها بس💜
بعد م طلعت طبعا نحن مستغربين فيها،امتثال قالت لي اريتها بتي سماحه خلقهه واخلاق،قولته ليها بجد ربنا يحفظها ويغطي عليها من اولاد الحرام،قالت لي النوع دة صعب يتلعب عليهو ويحب وكدة لأنو قناعتها بتقول ليها انها م محتاجه الحاجه دي في الوقت الحالي لكن لمن يقع وقعتو صعبهه إن شاءالله تقع في حاجه نضيفهه بنفس نمط تفكيرها 😅
إمتثال دخلت المطبخ جهزت الغداء وانا طلعته حنتي ودخلته ساعدتها فيهو وبعدها طلعته إستحميت وحممتهه ولدي ولبستو وإتعطرته وطلعنا قعدنا في البلكونه نعاين للغاشي والماشي ونعلق،لغايه م شفنا صهيب وقف عربيتو،قالت لي راجلك جا اقيفي ليهو جمب الباب،قولته ليها كدة كدة بجي داخل،قالت لي لا طبعا ي هبله م زي إحساس انو يلقاك منتظراه جمب الباب وبحركات كدة من الحركات إياهم فهمتيني خليك ملحلحلهه صهيب ملعبو مليان بس شايت عليك🌚ضحكتهه قالت لي قومي ي هبلهه بطلي ضحكك😁مشيت على الباب كدة هو جا داخل كان مبسوووط والحاجه دي باينه على وشو،قولته ليهو مساء الخير،قال لي حبيبي الله يسعد مسائك ي رب وباسني في راسي وخدي🙈قولته ليهو جيب الأكياس شلتها منو مشيت بيها على المطبخ قال لي كريم وإمتثال وين؟قولته ليهو في البلكونه،مشى مسا عليهم وشال كريم وبقى يلعب معاهو قال ليهو شوف الليله جبته ليك شنووو؟إمتثال قالت ليهو اوبااا كريم والأيباد قال ليك خلاص تاني م حيشتغل بينا،
قال ليها انا الجبتو زاتو تاني م بشتغلو بي شايفه شايفهه😂😂😂😂شالو ودخل بيهو الغرفه ،
ونفس الموال جهزنا الغداء قبل م نبدأ اكل جرس الباب ضرب كانو احمد ومحمد ،قولته ليهم حماتكم بتحبكم😍وبكدة إكتملت قعدتنا ياااخي كنا مبسوطين ورايقين ونحن بنتونس وبنضحكك لي اخر الليل ،محمد قال لينا طبعا ي جماعه انا شبه عايز اخطب،
احمد قال لينا اخونا اتحنك بالعرس خلاص😂
محمد قال ليهو ثورجيهه كمان😌،صهيب قال ليهو انا اقول مشيك للمواكب يومي دة م ساي لميت فيها وين ي زول😂ضحك قال ليهم قولو لي مبروك كدة اول يخخ😅قولته ليهو مبروك وعرفنا عليها ،قال لي بتعرفيها انتي اصلا لو زاكرتكك قويه هههه،امتثال قالت ليهو شهد بتعرفها وانا خالتك حبيبتك ،صحبتك اخر من يعلم ي وسخ😒
ضحكك قال ليها م يوم الموكب بتاع بيتنا انتي كنتي مافي،قولته ليهو اهاااااااااااااا،قال لي ااااااااااااايوة بس هي الاهاااااا دي زاتها كيف معاك بالله،صهيب قال لينا فهمونا حاجه دخلونا الجك ي اخوانا😂😂😂قعدته اضحك محمد قال لي هسسسس احمد قال ليهو والله ي اصلي لو عارف دة البحصل كان اول موكب عملتو في حلتنا يعني انا اتموكب وانت تحنكك ؟شوف بالله حكومه الكيزان دي عملت فينا شنو في نص الثورة الناس تربك،محمد ضحكك قال ليهو في غزة الناس بتعرس ياخ ي مالك م نكمل نص دينا😂👊💔 احمد قال ليهو الحصه وطن😒محمد قال ليهو حنخطب لمن تسقط هنعرس في القصر 😂💃،قعدنا نضحكك قولته ليهم اها اسي المظاهرات كيف؟احمد قال لي اييييييك فايتك كتير انتي والله شغالين معاهم كر وفر بس نطلع نحرق لساتكنا نهتف يجونا يفكو بومبانهم ننتظرو لما يخلص نفلعهم بالحجار ونسكهم لمن يجرو يخلو تاتشراتهم واحيانا سراويلهم او بناطلينهم😂😂😂😂💔امتثال قالت ليهو واااي م تزكرني ياخ اولاد بري ديل حلوين حلا ،احمد قال لصهيب شنو ي صهيب جاتك فترة كدة كنت قدام في كل المواكب فجأة بطلته وبقيت م بتمشي هل لشهد يد في الموضوع؟قولته ليهو بخلعهه انااااا مالي؟صهيب قال ليهو شهد زاتها براها م وطن تستحق يحاربو عشانو ولا م كدة؟وبقى يعاين لي،انا هنا سحتته،وكلهم بقو مبهورين بعاينو ليهو واحمد شغلها لينا دخلني في ضفوري وسط اخوانو ههههه🙈فضلنا نضحك ونفتح مواضيع لغايه م مشو و بعد م مشو رتبنا البيت وكنت نعسانهه ومرهقه،نومته كريم ودخلته غرفتنا عايزة ارقد صهيب قال لي تعالي عايزكك،قولته ليهو مالكك انا نعسانهه ياخ،قال لي عارفك نعسانه بس 5 او اقل من 5دقايق؟قولته ليهو اها؟قال لي غمضي عيونك بس جاي،قولته ليهو في شنو؟قال لي غمضي انتي م تبقي شفقانهه،غمضتهه عيوني شويه كدة حييتي قريب مني قال لي يلا فتحي،فتحته عيوني لقيتو ماسك ورقه في يدو،
طبعا في اللحظه دي قلبي إتقبض قولته ي اما دي ورقه طلاقي،او ورقه عقدو على رنين لانو قال لي مشكلتي مع رنين انا بحلها بقيت مقلعه عيوني وبعاين ليهو ،
قال لي عارفه دي شنوو؟
بلعته ريقي وهزيت ليهو راسي بمعنى لا وانا مخلوعهه
قال لي من الأساس انا شايف كريم ولدي وعمري م فكرته في غير كدة ولا بالإحساس حتى وبعد الحصل قبل كم يوم الورقهه دي بالرغم من انها م كانت مهمهه بس بعد الحصل بقت مهمهه عندي شديد،قولته ليهو بصوت مبحوح ورقه شنوو؟قال لي ورقه رسميهه بتثبت إنو كريم ولدي،إبنيتو انا ي شهد وحأسجلو بإسمي لأنو فعلا هو ولدي،بقيت اعاين ليهو وانا مصدومه قال لي حبيبي عارف إنو انا صدمتك بالحاجه دي ومفروض اشاورك قبل م اعمل كدة بس دي البدايه الصح الأنا عايزها معاك ووعدتكك بيها وبعدين انا كمان اناني فيكك وعايزك كل حاجه بتخصكك تبقى بتخصني انا كمان، وكريم دة بالنسبهه لي العمود الفقري البنيت عليهو احلامي معاك،زي م بقولو الأم م البتلد الأم البتربي نفس الشي بنطبق على الابو كمان وانا بالفعل ابوهو بس زي م قولته ليك انا اناني وعايز اكون ابوهو حتى بالإسم،ولما قولته إنك براك وطن تستاهلي يحاربو عشانو انا حرفيا وفعليا مقتنع إنو إنتي تستاهلي اي حاجهه تتعمل عشانكك ...💜
#كسرهه
ي جماعه عايزة شغل دوام مسائي واكون شاكرة ليكم لو لقيتوهو لي
#نتلاقى®