#عشق وعذاب
❣الفصل السابع❣
روما :ممكن طلب
مهاب :اطلبى
روما :ممكن تكلم مروان تطمنه عليا لانه اكيد هيشوف الخبر فى الصحف بكره وهيقلق عليا
مهاب :خايفه عليه حضرتك سيبيه نفسى اشمت في
روما :هوبا حبيبى علشان خطرى تكلمه تطمنه
مهاب:سيبينى بقا اظبطه دنا نفسى اشوفوه وهو مخضوض
روما :هتعمل ايه مش مش مرتحالك
مهاب :دنا هعمل عمايل فى الواد ده جيه فى ملعبى هطلع عليه القديم والجديد
وقام مهاب يتصل بمروان وابلغه انا روما فى المستشفى واعطاه العنوان
وذهب مروان لرويدا واخبرها وذهبت رويدا معاه للاطمئنان على روما
وصل كل من رويدا ومروان المستشفى
قابلهم مهاب خارج غرفتها
مروان وهو مخضوض ووجهه شاحب :مهاب روما فيها ايه مالها
مهاب بتمثيل : احنا كنا بنتكلم فى موضع جوازكم مع بابا وماما وبابا ضربها بالقلم اغمى عليها وجالها انهيار عصبى ودخلت فى غيبوبه يومين
مروان وقد فقد الامل فى الزواج من حبه:
طب ممكن يامهاب اخر طلب ليا منك اشوفها
واوعدك مش هتعرض ليها تانى
وكل ده ورويدا واقفه مصدومه شارده فقد انهارت احلامها ايضا فى الزواج من مهاب واخذت تلعن حظها للوقوع فى حب مهاب حب غير متكافئ ماديا
قاطع شرودها مهاب
مهاب: سرحانه فى ايه
رويدا :مفيش امال فين مروان
مهاب :دخل لروما مش هتقوليلى كنتى سرحانه فى ايه
رويدابنبره كلها حزن:كنت بفكر فى مروان وقلبه الى انكسر وبحط نفسى مكانه لان اكيد مراد باشا مش هيوافق عليا انا كمان علشان المستوى المادى
مهاب اخدها من ايديها وطلع بيها على سطح المشتشفى وادخلها مكان مزين بالورود والبلالين الحمراء
(رومانسى اوى الواد ده ياخرابى ياختااى 😂)
رويدا اتفاجأت بالمكان من حواليها
مهاب مسك وشها بأيديه الاتنين:اوعى يارودى تفكرى انك تبعدى عنى حد بيعيش من غير روحه مقدرش اعيش من غيرك انتى ليا انا بس مش لحد غيرى
رويدا :انتا مش شايف مروان وروما حصل فيهم ايه مش واخد بالك انهم كده خلاص سابو بعض
وقد ازدادت فى البكاء
انا ليه حظى كده وقت مانعترف لبعض بحبنا نبعد عن بعض ليه
وجلست على الارض واكملت ليه مزين المكان كده علشان نحتفل ببعدنا
اشفق مهاب على حبيبته كيف له انا يجرحها هكذا فهى حقا تعشقه مثل مايعشقها
امسكها مهاب من يديها واوقفها وقام بإحتضانها وقال له
مهاب :انتى حياتى مقدرش اعيش من غيرك انتى قلبى انا هقول على الحقيقه
فبعدت رويدا عنه وقص عليها مهاب مافعلوه هو وروما
وفى هذه اللحظه رمت رويدا نفسها فى احضانه وهو بادلها نفس الشعور واحتضانها بشده وبعد ذلك ابعدها عن حضنه وقام بتقبليها وهى كذلك استجابت معه ووضعت يدها حول رقبته وهو وضع يده على وسطها
(البت انحرفت ياناس ياشماتت ابله ظاظا فيا😂😂😂😂)
نسيبهم يكملو ونروح لمروان وروما اثناء دخولوه غرفه روما ذهب وجلس بجانبها وامسك يديها وقال
مروان :روما انا مقدرش اعيش لحظه واحده وانتى كده قومى ياروما وانا هبعد عنك اهم حاجه تكونى بخير او اخدك ونمشى من هنا
اى حاجه غير انى اشوفك كده الحاله الى انتى فيها دى موت بالنسبه ليا ياروما
وكل ده وروما عامله نفسها فى غيبوبه (يامسهوكه الواد مقطع نفسه 😂)وعايزه تسمع اكتر من كده (البنات دى من جبروتها هتموت محروقه😂)
واكمل مروان حديثه
روما انتى روحى وقلبى انتى الهوا الى بتنفسه فى حد بيعيش من غير هوا ارجوكى قومى
وسقطت دمعه منه على يد مايا
فشعرت بغضه فى قلبها وعايزه تموت مهاب على فكرته الزفت ديه
فتحركت روما ووقفت على السرير ونطت فى حضن مروان
(مش عارفه ايه حكايه الاحضان معاهم انهاره
ماعلينا السناجل الى معانا منورين 😂😂)
مروان مش مصدق نفسه
مروان :روما انتى فايقه اهوه انتى صاحيه بجد صح انا مش بحلم
روما :ايوا ياروحى ياقلبى ياكل حياتى انا فايقه وكويسه
مروان :يعنى انتى بخير امال ايه الى مهاب بيقولوه ده انا مش فاهم حاجه
قصت عليه مايا مافعلته هى ومهاب لاجبار والدها على الموافقه على الزواج وعلى مافعله مهاب علشان يخضه
(ياضنايا يابنى الواد اتشحتف شحتافه روبه )
مروان :بجد مهاب فاجأنى بتصرفه ده بس مش هنساله انه خضينى عليكى كده انا كنت هموت هو فين علشان اشكره
روما :مش عارفه انتا جاى لوحدك
مروان :لا رويدا كانت معايا بس استنت بره
روما بدأت تفهم سبب غياب مهاب
روما :سيبها براحتها تلاقيها استنت بره علشان تسيبنا لوحدنا بجد انسانه ذوق
مروان :رويدا اختى انا ذوق دى اكتر واحده تقطع اللحظات الى زى ديه انا كنت عايز اعرفكم على بعض
روما :الايام جايه كتير بكره نتعرف على بعض
عند مهاب ورويدا
رويدا :ياله ننزل علشان مروان ميحسش بغيابى (اصيله يا ام رحاب😂😂)
مهاب :ياله يا اميرتى يانور حياتى
قريب هنبقى مع بعض ومحدش هيقدر يكلمك
وساعتها بقا مش هنقضيها بوس واحضان بس
لسه فى حاجات كتير هنعملها بس الوقت ده يجى
رويدا وشها احمر وخجلت بشده
(وبالنسبه للحضن محن بنات 😂)
رويدا :انتا قليل الادب اوى
مهاب :بقى مهاب عز يتقاله انتا قليل الادب
وهمس فى اذنها انا معاكى مشوفتش تربيه اصلا حد يشوف القمر ده ويبقى متربى
ونزلو تحت عند روما ومهاب ودخلو الغرفه
مهاب :بطل نحنحه انتا وهى المقابله خلصت ياله ياد غور من هنا
مروان :دنا لسه بقول فيك قصايد شعر
مهاب :ياحنين بتقولها فيا انا بردك قصايد شعر قلبك ابيض اوى ياله ياخفيف من هنا
مش خلاص اطمنت وسلمت اخلع على بيتكم
رويدا طبعا عماله تضحك على ملام مهاب
مروان :رويدا كنتى فين تعالى
رويدا :كنت واقفه بره علشان مبقاش غلسه
مروان :ياسبحان الله فجأه كده بقيتى بتحسى الحمدلله
وعرفها على روما
روما :ازيك يارودى والهى حبيتك من كلام مروان عنك
رويدا :كلام مروان عنى يانهار ابيض دانتى زمانك كرهتينى ده عمره ماقال عنى كلمه حلوه
روما:لا والهى ده بيقول عنك انك جميله جدااا
وهمست لمهاب زى القمر مبروكه عليك
مهاب زغدها فى كتفها
روما :اه
مروان :مالك ياروما تعبنها
روما :لا ابدا مفيش حاجه
وخلصت القاعده ومروان اخد رويدا وذهبو لمنزلهم
**********
وفى نفس الوقت فى فيلا عز يجلس هو وبرلنتى
برلنتى :انتا ازاى موافق ان بنتك تتجوز الواد ده
مراد :انتى شايفه حالة بنتك هخاطر بصحتها ازاى
برلنتى:بس انا مش موافقه
مراد :وانا معنديش استعداد اضحى ببنتى
وفى هذا الوقت جاء اليه مكالمه على الفون
واشار لبرلنتى بعدم التحدث
عز :يعنى هوما عندك دلوقت
......:ايوا ياباشا مهاب باشا طلع بالبنت فوق
والواد معا الهانم فى الاوضه بس معرفش بيعملو ايه
عز :خليك مراقبهم وعايز اعرف بيعملو ايه
عايزك تعرف تحركاتهم خطوه خطوه
....:حاضر ياباشا
واغلق عز التليفون
برلنتى :مين الى كان بيكلمك
مراد :ده واحد حطه يراقب ابنك والبنت الى بيحبها
برلنتى :هو مهاب بيحب
مراد :طبعا ولوعرفتى بيحب مين بيحب اخت الى بنتك عايزه تتجوزه
برلنتى :لا كده كتير لازم نخلص منهم انا مش هسمح بكده
مراد تفكيرك سطحى :انا هجوز بنتى للواد ده لانى مش هخاطر بحياته انما مهاب انا عارف هعمل معاه ايه والبت دى لازم انسفها من على وش الارض مش حته بت على اخر الزمن هتهد الى انا ببنيه ولازم مهاب يتجوز تقى بنت توفيق
برلنتى :فعلا تقى مناسبه جدا لينا ومستواها عالى
واكملو حديثهم ليخططو لرويدا ومهاب
*********
ومرت الايام على ابطالنا ولم يحدث تغير سوى خروج روما من المستشفى وموافقه مراد على زواج مروان وروما
وحب رويدا ومهاب الى كل يوم بيزيد
************
فى لندن
فى قصر كبير يتميز بالفخامه والرقى
تجلس سيده جميله نعم انها ليلى وبجانبها زوجها يوسف الشافعى
يوسف :هتفضلى كده لحد امته حا لى تنسى شويه الموضوع ده عدى عليه عشرين سنه
ليلى :وهفضل فاكراه طول عمرى انتا عايزنى انساه ايه انسى بنتى الى اتحرمت منها وهى 5سنين هنسى عمرى الى بيضيع وانا مستنياها انسى ايه بالظبط انا بتمنى الموت كل يوم
قاطعها يوسف :اوعى اسمعك تقولى كده تانى ولا تجيبى سيره الموت انتى فاهمه انا مقدرش اعيش من غيرك وبعدين نسيتى سيف ابنك محتاجك هو مش ابنك بردك
ليلى :قلبى وجعنى على بنتى ياترى شكلها بقى ايه دلوقتى ياترى عايشه فين ده لو لسه عايشه
وفى هذا الوقت دخل سيف ولاحظ دموع والدته
سيف :مالك ياماما وسأل يوسف ماما شكلها تعبان وبتعيط ليه
ليلى ؛اا ياحبيبى انا بخير متقلقش
سيف :اكيد افتكرتى جودى
ليلى :هو انا بنساها
يوسف :جودى مبتروحش من بالنا كلنا ظى عايشه فى قلوبنا
ليلى :بنتى ياناس هموت واشوفها حررام وانهارت فى البكاء واغمى عليها وشالها يوسف وطلعها غرفتها وفوقها
*************&
فى صباح اليوم التالى فى مصر فى الجامعه عند رويدا وريم
رويدا :مالك ياريم شكلك تعبانه
ريم :مفيش بس ماما تعبانه اوى يارويدا انا لو جرالها حاجه هموت ماليش غيرها فى الدنيا كلها ومش قادره اساعدها العمليه غاليه ولازم تسافر بره وانتى عارفه الحاله
رويدا :يارب اشفيها وعافيها سيبيها لله واميد هتتحل وفكيها شويه
وانضمت اليهم هايدى
هايدى :صباح الخير ياقمرات مالكم شكلكم متغير ليه
ريم :صباح الخير
هايدى :ريم شكلك متغير فيكى ايهو
رويدا :ماانتى عارفه مامتها تعبانه
هايدى :ربنا يشفيها ياريم فكى شويه وهتبقى بخير هى راحت المستشفى وعملت فحوصات
ريم :انتى عارفه الحاله ياهايدى ماشيه بالعافيه عملنا فحوصات وطالبين عمليه بس احنا ممعناش ممشينها بالعافيه ولو استنينا على نفقه الدوله لسه قدمنا ٤شهور
هايدى :يانهار ٤شهور
ريم بدموع :انا هموت مش قادره اساعدها
رويدا اختضنتها :متقلقيش والهى كل حاجه هتبقى كويسه
هايدى :انا هكلم بابا يمكن يكون عارف حد ويجيبلنا واسطه تمشى الورق بسرعه ولا يسفرها تعمل العمليه
ريم :بجد ياهايدى
هايدى :بجد وهكلمه دلوقتى
ومشيت هايدى اتصلت بوالدها وكلمته
ورجعت لريم ورويدا
هايدى :ريم افرحى بابا وافق وهتسافر انهارده مش محتاجه تستنى ٤ شهور
ريم :بجد ياهايدى بتتكلمى بجد ماما هتعمل العمليه وهتسافر
هايدى :يعنى هاهزر معاكى انا كلمت بابا وقال هيرتب كل حاجه ويكلمنى ياله بينا على بيتكم
ومشيو التلاته على بيت ريم
***********
فى شركه مراد عز يجلس مروان مع مهاب
فى مكتب مروان
مروان :انا لحد دلوقتى مش مصدق انه خلاص انا هتجوز روما شكرا بجد لو مكنتش موجود مكناش هنتجوز
مهاب :عارف كل الكلام ده المهم هتتجوز امته وفين
مروان هتجوز فى البيت عندنا امال هتجوز فى الشارع يعنى
مهاب :يخربيت ذكائك فطن ماشاء الله انا بسأل اختك هتقعد معاكو ولا هتقعد فين ايه النظام
مروان :روما موافقه انها تقعد معانا بس رويدا مش موافقه تقعد معانا وهتقعد فى الشقه الى قبالنا فى نفس الدور
وانا مع رأى رويدا
وقاطع حديثهم رنين تليفون
مروان :الو
مراد عز :مروان تعالى عايزك فى مكتبى
مروان :خاضى يافندم ثوانى واكون قدام حضرتك
واغلق مروان الخط وهو ياخذ نفسه
مهاب :يخربيت شكلك انتا بتترعب منه ليه كده
مروان :بترعب بس متعرفش عايزنى ليه مش مرتاح للمكلمه ديه
مهاب وهو يرتب على كتفه :ربنا معاك الله يكون فى عونك انا خالع سلام
مروان :تعالى هنا هتقلب بنداله يعنى
مهاب :عند مهاب عز ولازم تقلب بنداله
وخرج كل منهم وتوجه مهاب لمكتبه ومروان لمكتب مراد عز
***************&
ياترى مراد عايز مروان فى ايه ؟
وايه الى هيحصل مع مهاب ورويدا ؟
ومين جودى ؟واختفت ازاى؟
ده الى هنعرفه الفصول الجايه