،قعد جمبي ورجع ضماني عليهو وبقى يمسح في شعري وباسني في راسي مسااافه وقال لي انا هنا م تخافي م طالع مكان حاولي نومي بس انتي،قولته ليهو انت عرفتهه مكاني كيف؟الكلمك منوو؟قال لي بما انو انتي عنيدة وراسك قوي لازم اكون مجهز نفسي تحت اي لحظهه لمصايبكك،قولته ليهو انا بتاعه مصايب يعني؟قال لي شديييد،ضربتو في كتفو ،قال لي ااااخ يااخي م كفايه علي الضرب الانضربتو في العربي بسببك؟عارفه شكلي مع مرور الزمن هتحول لي سوبر مان عشان تحت اي لحظهه قالو لي شهدو في المكان الفلاني اطير اجيبكك،قولته ليهو سوبر مان دة شنوو؟وبعدين انا إسمي شهد م شهدو،ضحكك قال لي م حبيتي الاسم؟هزيت ليهو راسي بمعنى لا،قال لي معناها من اليوم إسمك شهدو،عايزة اقوم من جمبو رجعني قال لي على كيفكك انتي تمنعيني اطلع وبعدها عايزة تنزلي؟ماف نزله اليوم ي ستي وضماني عليهو اكتر،قولته ليهو صباع يدي دة واجعني فكني،قال لي وينو دة؟قولته ليهو ايوة،بقى يضغط عليهو ،قولته ليهو وجعني اكتر،قال لي بالعكس المساج بريحكك انتي ضربتيهو بشنووو؟؟قولته ليهو لما الناس دي كسرت القزاز نططونا بالحيطهه إتضربته وقتها يمكن،ضحكك قال لي يعني نطيتي الحيطهه 😹😹😹😹😹💔قولته ليهو م تضحكك،قال لي دامك جبانهه البوديكك شنووو؟؟الزول الطلع دة يتحمل البجيهو جاريهه وناطهه الحيطهه مالك؟قولته ليهو اقيف عشان اموت يعني؟طيب المرة الجايه م بجري خليهم يضربو ليك يقولو ليك تعال إستلم جثتها ،قال لي م حتكون في مرة جايهه اساسا فاهمهه😒قولته ليهو هئهه،قال لي نتفاهم في الموضوع دة بكرة يلا النوم غطاني وفضل ضاميني لغاايه م نمته،وهو شبه نايم فجأهه باب الغرفه فتح وامتثال قالت شهههد،فتح عيونو مخلوع ،لما شافتنا بالمنظر دة هي زاتها
إتخلعت وفضلت واقفه،صهيب زاتو م قدر يتحرك ،قالت ليهو إفتكرته شهد براها علشان اتصلته عليك م رديت ،قال ليها جبتها حالتها حاله دخلتها المستشفى اخدت ليها درب وي دوب اسي نامت،قالت ليهو طيب تصبحو على خير وطلعت وقفلت الباب صهيب رقدني جمبو ولفه يديهو حوالي ونام،صحيت على صوت كريم ببكي،فتحته عيوني لقيتو واقف جمبي في السرير م عارفه الجابو منو من الخلعه لقيت نفسي ناطه من جمب صهيب ،شلتهه كريم قولته ليهو يااااقلب ماما الزعلو منو حبيبي؟بقيت ابوس فيهو قولته ليهو إنت إشتقته لماما،قولته ماما مشت وين صح؟بقى يهز لي راسو بمعنى ايوة،قولته ليهو خليك هنا نزلتو ودخلته الحمام،لما جيت طالعه لقيت كريم بضرب في صهيب في وشو وبقول ليهو باباااا،ولسسسه بضربو وبحاول يعضيو في وشو كمان،ماشه عليهو اشيلو صهيب فتح عيونو بقى يعاين ليهو مسااافهه،عايزة اشيلو قال لي خليهو انا اصلا صاااحي بس عايز اشوف نهايتو حيصحيني كيف،شالو قعدو في بطنو قال ليهو اها ي مزعج في شنوووو؟؟دي ماما المهمله دي امس خلتك طول اليوم براك وم سألت فيكك صح؟انت زعلان منها وم داير تتكلم معاها صح؟خلاص م تتكلم معاها وانا زاتي م بتكلم معاها وبقى يلعب فيهو وكريم يضحكك وصهيب بجرو من مناخرو وكريم بحاول يعمل نفس الشي وبلعب ليهو في وشو ولحيتو،فضلته واقفه سرحانهه كداااا وانا بعاين فيهم وهم حلوين كدة😢💔،بعد مسااافهه قولته ليهو انا طالعه ،قال لي ماشهه وين اوعى تقولي لي موكب تاني؟؟قولته ليهو لا قصدي نازله تحت وقعدته اضحكك😹😹😹😹😹قال لي اهااا هلوستي بي ياخ زاتو اقسم بالله💔طلعته وانا بضحكك لاقيت احمد في وشي،قال لي اووووو. شهد كنداكهه كبيرة ياااخ،قولته ليهو انااااا،قال لي امتثال ادتني الزيت كلو الغريبه انا كنت هناك لو كان إتصلتو كان إتلاقينا😹😹😹😹😹قولته ليهو بجد كنت هناااااااك؟؟قال لي والله ،قولته ليهو ومالك ماشي منحني بطنكك واجعاك ولا شنوووو؟؟قال عندي قطيعهه ياااخ لحظه م هجمو على البيوت إيييييك انا منطط لي قريب ال20بت بالحيط كانو معي كم ولد بس انا من شلاقتي كنت فوق الحيطه بستلم البنات وبنزلهم،قولته ليهو لا حولاااا اسي بقيت كيف طيب؟قال لي عندي صباع موڤ مسحتو احسن الحمدلله الليله الجمعه الكتمه عندنا هنا اسي طالع على الشباب ديل،قولته ليهو كتمه شنوووو؟فجأهه ظهرت عمتي عواطف في وشنا،قال لي هششششش اسكتي الحاجه جايهه،
قالت لينا صباح الخير،قلته ليها صباح النور،احمد باسها في راسها قال ليها صباح الورد اها الشاي جاااهز؟قالت ليهو مالك ماشي كدة؟قال ليها امس في الخماسيات في واحد حيواااان كدة من الفريق التاني ضربني بالكورة في ضهري،قالت ليهو بخلعهه ضربكك عديييل؟طيب مشيت عملته صورة يمكن كسسسسر ولا حاجه ي ولد،قال ليها ي حاجه كسسسر شنو ضربهه خفيفه واسي كويس مسحته فيها الموڤ دة خفف لي،حبوبه وين ؟قالت ليهو في العريشه حقتها بتاعه الجبنه هناااك،قال ليها ماشي عليها طلعنا مشينا ليها مع بعض ،حبوبه قالت ليهو هي ي يابا مالك ماشي كدة،قال لي ي ديني النبي اي زول بسال براه ماف شي ي حبوبه بس ضربه بكورة،قالت ليهو انت زاتك كورة شنو الليك وانت لسسسسه قبل كم يوم جالدنك لمن جسمك كابي الدم،
قال ليها ي حبوبه انتي قايلاني هيا ولا شهد ولا إمتثال_؟انا راجل ي حبوبه ياخ جلد شنو كمان البخوفنا جدودنا في الاعراس بتجلدو 😹😹😹😹😹💔قالت ليهو لكن جدودك جلدهم م زي حق الشرطه دة ديل بضربو في اي حته عكس جدودك حدهم الضهر بس،قال ليها ي حبوبه الضهر البطن اي حته م فرقت راكزييين والله✋قالت ليهو غايتو انت الله يغطي عليك ي ابو راس ناشف،قال ليها داير ارقد ،رفع التوب ورقد جمبها في السرير،قالت لي شهد اها امس المناسبه المشيتو ليها طلعت سمحهه؟احمد قعد يضحكك قال ليها سمحه سماحهه،قالت ليهو انت مشيت معاهم ولا شنووو؟قال ليها كيف يا قدام كمااان😹😹😹😹😹😹😹😹😹😹قولته ليها كذاااب ن مشى معانا والحفله حلوة بجد،قالت لي اقعدي في البمبر دة واقفه مالكك ها،قعدته وبقينا نتونس عن الفواكه المزروعه في البيت والشجر و...شويه كدة جات عمتي عواطف شايله في يدها خدرة قالت لي حبوبه تورقها ليها،قولته ليها خلي انا بورقها ليك،قالت لي طيب،حبوبه قالت لي انا بساعدك بقينا شغالين فيها واحمد ماسك تلفونو فتح فيديو سمعنا صوت هتاف بتاع ثورة بقول"حكومة الجوع تسقط بس،حكومة الجبهه تسقط بس،حكومه العكسر تسقط بس دي الما بتتشكر تسقط بس"
حبوبه قالت ليهو دة وين؟قال ليها الكلام دة امس ي حبوبه،قالت ليهو كدة شوفني ليهون،بقت تشوف فيهو مساااافهه قالت ليهو كتار خلاص وكلهم شباب مافيهم ناس كبار كدة بقولو عليهم ،
قال ليها الكبار ديل ي حبوبهم هم الضيعونا بسكاتهم دة 30سنه ساكتين على حقوقهم ومخلين البلد ملطشششهه للعقولهم فارغهه ديل عشان كدة دي ثورة شباب حتى لو إنتو الكبار إتخازلتو وم نزلتو معانا الشارع م بنقيف،قالت ليهو اوووعى تكون انت مشيت معاهم ي ولد هوووووووووي،قال ليها حبوبهه...
قبل يتم كلامو سمعنا صوت كريييم بضحكك بصوت عالي،عاينا بإتجاهو لقينا صهيب شايلو وبلعب فيهو يمين وشمال وبعمل ليهو حركات بتاعه رياضه ورافعو من يديهو وكريم يضحكك وصهيب جاي بإتجاهنا،حبوبه قالت لي وحات إسم الله الولد دة بكتلوهو ليك المجانين ديل وصرخت ليهو م تعمل ليهو كدة الولد دة ي ولد هااا بتكسسسرو،احمد قعد يضحكك قال ليها متعود ياااااخ،قالت ليهو عشان كدة انا تاني اصلي م بخليكم تشيلو الليله دة ينوم فترااان منكم ومن عمايلكم دي،صهيب وصلنا وكريم لسسسه كان ماسك فيهو وبحاول يلعب ،صهيب قال لينا صباح الخير،حبوبه قالت ليهو صباحك ابيض ي ولدي ،احمد قال ليهو شنوو ياااا...،قال ليهو هاك يااا...ورمى ليهو كريم في وشو،حبوبه قالت ليهو بري بري الولد دة بقى ليكم زي كيس الدقيق وانتو العتاله اي زول برميهو في إتجاه ي اولادي دة شاااافع م بستحمل حركاتكم البتعملوها في نفسكم دي😒صهيب قعد يضحك وجراهو من مناخرو قال ليها ي حبوبه انتي م بتعرفيهو بتاع شغب كيف اسي جا صحاني من النوم،كريم بقى يرفع يديهو لي صهيب علشان يشيلو،وصهيب بقول ليهو طالع انا طالع خليك مع عمو وكريم لمن بقى يبكي،احمد قال ليهو انا خلاص باعني خاين من اسي اب جضوم دة ي حليل ايام كنت بتبكي عشاني😏😹💔قعدنا نضحكك صهيب شالو قال ليهو اها تمشي معي؟حبوبه قالت ليهو هووووي م معروف الحاصل في الشوارع شنو برة لالا م تسوقو الولد دة،قال ليها لالا م سايقو نطلع الشارع بالعربيهةبس وامو تجي تشيلو،شالو ومشى بيهو وبقى يكرر ليهو حركات اليدين ويلفو يمين وشمال وكريم ميت ضحكك،حبوبه قالت لي انتي امو زاتك ضانايه ساااي الولد دة بهرسو عضامو م تخلي ليهم💔
قعدته شويه كدة لغايه م شوفته صهيب متحرك بالعربيه وماشي على باب الشارع مشيت وراهو لغاااايه م وصلته باب الشارع مشيت على العربيهةفتح لي الباب قال ليهو يلا ي كيمو على ماما،حاول يديني ليهو كريم بقى ماسك في رقبتو وحالف م يتفك،صهيب بقى يضحك قال ليهو اسي بجي راجع يلا وشيلني ليهو وركب العربيهه بسرعهه،وكريم يبكي باعلى حس ليهو الا ماشي معاهو ،قال لي ادخلي جوة،دخلته وهو مشى وبقيت احنس في كريم ،لما وصلنا ناس حبوبه احمد شالو مني وبقى يلعب فيهو واداهو التلفون علشان يسكتو،شويه كدة جاتو مكالمه،شال التلفون قال لي دة صهيب وقال الوو،تمام الحمدلله،كان ببكي لكن سكت اسي هههههههههههه،طيب ظابط يلا سلام قفل الخط قال لي داير يتطمن كريم لسه ببكي ولا سكت😹😹😹💔
بعد الفطور والشاي وكدة رجعته نمتهه،اصلا اليوم كان جمعه والجمعه اصلا قصيرة،كانو كل جمعه اهلهم بجوهم وبجتمعو وكدة بس من الأحداث دي بدت بقو م بجوهم اي زول حابس نفسو في بيتو،صحيت لقيت العصر اذن والصلاة فاتتني وكريم نايم جمبي اصلا هو بحوم كداااا لما يفتر بجي بنوم معي،قمته صليت العصر والضهر وقعدته اقرا سورة الكهف بعد خلصتها رجعته قريت البقرة،بعدها نزلته اشرب لي مويه وانا نازله شايفه صهيب فاتح باب المدخل وبقول يلا يلا بسرعه بسرعه ،نزلته مستعجله قولته ليهم في شنوو؟شايفه كميه من الاولاد والبنات داخلين البيت،وفي واحدة شايلنها جريت عليهم قولته ليهو صهيب في شنو؟صهيب دموعو كانت جاريه وعيونو محمرة،حبوبه طلعت قالت في شنو وعمتي عواطف ووراهم محمد،صهيب قال ليها امي دخلي الشباب ديل جوة ،محمد مشى على البت الشايلنها قال ليهم مالها،قالو ليهو اغمى عليها،قال ليهم تعالو جيبوها هنا،رقدوها في الكرسي دة،رقدوها ليهو،قال ليهم ابعدو م تتلمو فيها هي كويسه جيبو لي مويه بس او عطر،البت قالت ليهو عطر م ينفع عندها حساسيهه،قال ليها طيب انا عندي بخاخ فوق ،امي الناس دي تعبانهه فضليهم شهد جيبي مويهه وادوهم خل مش معاكم ماسكات؟قالو ايوة،كلنا بقينا متحركين انا جبته ليهم المويه،وصهيب مشى جاب الخل،حبوبه قالت ليها جهزي عصير ي عواطف،عمتي عواطف قالت ليها تعالي ي سارة ساعديني في تقشير البرتقال دة،
احمد جا راجع وبقى يبخ البخاخ في خشم البت وبحاول يخليها تتنفس،في بت معاها بتبكي قالت ليهو تعبانه شديد،قال ليها حاله طبيعيه من البومبان م تخافي هي كويسه شايفه بدت تصحصح ،
صهيب قال ليهم في زول متضايق او تعبان او كدة يتكلم؟قالو لا ،
محمد قال ليهم الليله الموكب جمبنا بجاي ولا شنووو؟قالو ليهو ايوة،
صهيب طلع فوق طلعته وراهو لقيتو واقف وبعاين بالبلكونهه،وقفته جمبو فجاهه نشوف علب البومبان بتترمي في البيت والحرس بتاع البيت زاتو م قادر يقيف بقو يتجارو على القراش،وفي جزؤ واقفين برة بتكلمو معاهم ،قولته ليهو واااي عاين الكلاب ديل ،قال لي م بصلنا المسافه بعييدة بس الشباب ديل يمكن يدخلو عشان يفتشو عليهم دقيقه،نزل قال ليهم ي شباب الناس دي واقفه برة وبرمو في البومبان جوة البيت شكلهم عايزين يدخلو يفتشو،نحن عندنا باركن سري بي ورا للضمان كدة تعالو معي،
حبوبه قالت ليهو انا بطلع اتكلم معاهم اولاد الكلب الما مربين ديل،
محمد قال ليها ديل م بتفاهمو ي حبوبه م عندهم عقول اساسا وبعدين البومبان دة بتفكه برة م حتقدري تستحملي اساسا،
البت التعبانه ديك عايزة تقوم قولته ليها انت خليك صهيب انت دخل ديلك انا بسوق دي فوق لو فتشونا نقول بت البيت بس ،صهيب ساقهم وانا قومتها على حيلها لما م قدرته جا محمد شالها معي ودخلناها غرفتو هو زاتوعلشان كانت اقرب غرفه قلته ليها ارتاحي اجيب ليك مويه؟؟قالت لي لا وبتبكي،محمد قال ليها اسي انتي بتبكي مالك في شنوو؟قالت ليهو حيعتقلونااا؟انا اهلي م عارفين إني طالعه مظاهرات قولته ليهم ماشه المعهد،محمد قال ليها م تخافي م حنخليهم يعتقلوكم ابدااا،البت بقت تتشهق وزايدة في البكى،قولته ليها عايني امس انا كنت في نفس موقفك دة وكنت خايفه بس ربنا لطف وم إعتقلوني،محمد قال ليها وانا نفس الشي بس م حصل شي م حنخليكم يعتقلوكم وإن شاءالله ترجعي بيتكم سالمه،قالت لينا لو إعتقلوني انتو م عارفين ابوي وامي حيعملو فيني شنو حيسفروني هم اساسا من الاحداث دي بدت عايزين يسفروني م عايزين يخلوني هنا وابوي صعب شدييييد م بتفاهم وبقت تبكييي،حضنتها قولته ليها ي بت والله م حيعتقلوك إنتي بأمان عندنا هنا وم حنخليكم تطلعو مالم نضمن إنكم بخير،محمد قال ليها ساكنه وين انتي؟قالت ليهو جمبكم بجاي على بعد تلاته شوارع من هنا،قعد يضحكك قال ليها في زول بطلع مظاهرات في حلتو ياخ بالغتي بتتكشفي بتتكشفي😹😹😹💔قالت ليهو اها امشي وين م بعرف محل انا سمعته بي انو اولاد الحي طالعين تابعته البوستات لغايه م عرفته مكان التجمع وجيت معي صحبتي،قال ليها كماااان😹قولته ليهو محمد م تخوف البت يااخ الحمدلله إنكم كلكم قراب من هنا حترجعو بامان إن شاءالله انتي بس بطلي بكى💜
في الجانب التاني احمد كان على بعد كم شارع من البيت معاهو شله من اصحابو مترسين الشارع بي عربيه عديل واحمد بتناقش مع الكجر الواقفين قصاد الشارع وبستفز فيهم،قال ليهم شايفين؟نحن مترسين ليكم الشارع بي عربيهه عديييل العربيه الما ركبهم ليها النظام البتحمو فيهو دة نحن مترسين بيها الشارع يعني ابدا م مطلعنا جوع ولا مطلعنا وضع إقتصادي لانو في الحقيقه الحمدلله حتى حساباتنا في البنوك ملانه لكن المطلعنا الظلم الفساد،عدم الوعي عند عقول الحاكمننا ديل،عليك الله اسي كدة قول لي لما انت تضرب وتكتل وتسب،وطول اليوم تجري بي تاتشرك الزي اخر الشهر دة من هنا لي هنا بدوك كم؟500 جنيه في اليوم؟ياخ ال500جنيه دي انا بشرب بيها جبنه وبشيش بيها وبكملها في نص ساعه وبس،واحد من اصحابو قال ليهو خليك من بدوهم كم اسألو بفطروهم بشنوو؟فول او بالاصح مويه فول م فول اساسا وكم عيشه؟عيشيتين قدر كفه يدي دي ،احمد قال ليهو عليك الله اسي دة م إستعباد؟انت راجل ياااخي راااجل طول وعرض وشنب ابقى قدر الكلمه دي م تعيش تحت نظام عشان النظام الانت بتدافع عنو دة م بدوم الدايم الله والدايم الوطن والدايمه العزة والشرف ،انت عارف انو النظام زاتو البتحمي فيهو دة عايش من تحتنا نحن؟عارف انو انت حاليا مرتباتك الانت بتاخدها عشان تكتلنا وتازينا الدوله بتشيلها مننا نحن؟حرفيا بنطبق عليكم لفظ الكلب البعضي الايد البتتمدى ليهو،اسي انت م بتخجل تمد يدك على بت عليك الله انت م عندك اخوات في البيت؟م عندك امهات ؟خالات عمات حبوبات م عندك؟
واحد منهم قال ليهو ي احمد خلينا نحرق لستك ياخ خرمانين لي بومبان زاتنا ،شال اللستك رشه فيهو بنزين وشخت فيهو كبريته ودردقو عليهم،
احمد قال ليهم اسمعو نحن م دايرين منكم شي نحن طلعنا نطالب بحقوقنا القانونيه البكفلها لينا الدستور انتو ممكن تدخلو في حاله شوفتو حالات تخريب لكن ياخ نحن بنمشي المواكب دي طماطمه سااااي م بنرميها للناس الفارشين في الارض ياااخي بقولو الشرطه في حمايه الشعب م عبدة للكيزان ولحمايه المناصب ،اسي انا واقف قدامكم كدة وم خايف اها هتعملو لي شنو يعني؟موت؟الموت دة واحد،إعتقال؟الحمدلله إعتقلوني مليون مرة وإتجلدته لمن جسمي دة كبه الدم يعني عنصر الخوف دة مافي،الناس كانو واقفين وبتفرجو ،واحمد ماشي عليهم لغايه م وصل نص الشارع والكجر واقفين،في مرة جات لحقتو قالت ليهو ي ولدي ديل كلاب م بفهمو م عندهم ذرة عقل صدقني م تمشي عليهم بقت ماسكاهو،قال ليها ي خالتي هيعملو لي شنو يعني ؟
واحد منهم رفع المسدس الناس الورا بدو يصرخو،احمد قال ليهو انا بقول ليك سلميه ياخ اخجل ياخ رافع ليك سلاح في وشي وانا اعزل اخجل ياخ عرفته ليييه انا ارجل منك؟عشان انت بتتحامى بالنظام المستعبدكك دة وانا عكسكك اضرب مش سلاحكك دة؟يلا ارفعو اضرب،
واحد من الكجر اتكلم مع الرافع السلام قام نزلو،لما نزلو الناس بقت تصفر والنسوان بقو يزغردو،المرة طلعت حفاظه من بيتها قالت ليهم ودوها ليهم يشربو،كلهم بقو مترددين،المرة عايزة تشيلها توديها احمد قال ليها جيبيها شالها وداها ليهم وأداهم ليها قال ليهم لو شاكين إننا عاملين فيها حاجه م تشربو لكن عشان تعرفو انو نحن بنديكم مويه في الوقت الانتو بتسترخصو دمنا وبتكتلو اخوانااا،
واحد من الكجر مشى شرب وادى الجمبو وتاني في واحد شرب والنسواد بقن يزغردن ويقولو"الشرطه معانا وم همانا ،الشرطه معانا وما همانا ايويويوووويووويوو💃الكجر من الحماس ركبو دفارهم ومشو والنسوان تزغرد والشارع إتملى،احمد قال ليهم عندهم خطه م ساي الناس ديل غدارين م بتعرفوهم انتو💔المره كشحت مويه حفاظتها قالت ليهم دقو فيها م دايراها بعد كدة شربو منها الكتلو اولادنا يشربو الحنضل بركه العباد😑بقو لافين في الشوارع وبهتفو لغااايه م جو شارع بيتنا صهيب سمع الهتاف طلع لقاهم هم المتظاهرين طلعو وراهو،صهيب قال لي خليك مع البت دي م تطلعي نهائي فاهمه؟قولته ليهو دايرة اشوف قال لي شوفي بالبلكونهه،قولته ليهو صهيب بقيف في باب الشارع بس😭قال لي شهههد قلنا لا وطلع وقفل الباب وصلو باب الشارع صهيب قال للحرص اوعى تقفل الباب من اي زول جاي يخش خليهو يخش طوالي فاهمين؟؟قال ليهو تمام،،،
البت نزلت قامت طالعه قولته ليها انتي لسسسه تعبانه م تطلعي،قالت لي لا انا كويسه عايزة امشي بعد كدة،قولته ليها خليك ،قالت لي لا والله شكرا ليكم بجد م قصرتو،جا محمد داخل قال ليها وين وين؟قالت ليهو عايزة امشي،قال ليها الناس دي اتجمعت كتيرة وبما انو هم إتجمعو اسي حيجو يفكو بمبان وم حيخلوهم وانتي وضعك م بسمح ليك تستنشقي بمبان افضل تكوني هنا مع شهد،قالت ليهو انا عايزة امشي بيتنا م عايزة اكمل في الموكب لانو امي هتكون قلقت علي وحتكون إتصلت وانا تلفوني قافل،واحد فيكم معاها ابلكيشن ترحال يطلب لي،احمد قال ليها ترحال ليييه طالما إنتي ماشه بيتكم انا بوصلك،قالت ليهو لا م تتعب روحك والله ترحال بوصلني،قال ليها ي زوله لا انا بوصلك وين صحبتكك؟قالت ليهو في الحمام اسي بتجي،بعد جات صحبتها نزلو وانا زاتي نزلته معاهم ودعتها وإتشكرتني هي وصحبتها وركبو إتحركو،وانا الموكب كان قدامي الناس واقفه في الزلط وحبوبه وعمتي عواطف واقفين قدام الباب،حبوبه قالت لي اوعى تقولي لاحقاهم،قولته ليها صهيب زاتو هناك،قالت لي ي بت الله يهديك،عمتي قالت لي صهيب بجي يشاكلك م تمشي ي شهد اسمعي الكلام ،قولته ليها عمتي بمشي بقيف مع صهيب بشاهد من هناك بس و طوالي لحقتهم وكمكمته وشي بالتوب علشان صهيب م يرجعني،والمتظاهرين كانو متقدمين وشايلين ليهم باقه بدقو فيها والعربات تضرب ليهم في البوري وناس واقفه وتعاين،مشو مسااافهه بعيييدة من البيت واغلب الهتاف المردد كان"حريه سلام وعداله والثورة خيار الشعب،
والهتاف التاني كان "الطلقهه م بتكتل،بكتل سكات الزول،دم الشهيد بي كم؟ثورة!!ولا السؤال ممنوع،رص العساكر رص ثورة ، الليله تسقط بس"
ي عنصري ومغرور كل البلد دارفور"
وانا كنت ماشه ورا صهيب مباشرة بعد مسااافهه واحد بتاع عربيه جاي من الاتجاه الجنوبي قال ليهم جاينكم تاتشرين وتلاته جهاز ي شباب
احمد فجاة عمل ليهم حركه بي يديهو وصفر صفارة طويله،وقال ليهم البنات اول يلا ،الناس بقت جاريهه وفجاهه عربات الكجر جات وتفك في البومبان من بعيد والناس كلها جرت في إتجاهاات متفرقه وانا مسكتهه في صهيب عاين لي بي خلعه قال لي الجابك شنوووووووووو انتي م قولته ليك م تجي ؟اجري يلا ،قولته ليهو اجري ويين وانت ؟،جراني وبقى جاري وناس الجهاز جاين مفحطين بي بكاسيهم ونزلو من البكاسي وجارين ورا الاولاد،صهيب دخلني في بيت كدة لقيناهو فاتح وقدامو عربيه والبيت كان فاتح في الزلط دخلنا وقفل الباب،البيت كان مفتوح حتى الداخلي مفتوح جراني ودخلنا ،لقينا ركن ورا الباب وفي ديكور بغطي قال لي م حيشوفوك في الحته دي لو دخلو خليك هنا عايز يتحرك قولته ليهو وانت ماشي وين؟قال لي شههد دة م زمنكك ،قولته ليهو م تمشي حيكتلوك،قال لي م طالع انا،قولته ليهو م تمشي الله يخليك،قال لي عايز يمكن سيد البيت يجي داخل اسي للضمان انا اقيف برة ،مسكتو من قميصو قولته ليهو م بخليك تمشي الناس دي م بتتفاهم😭😭قال لي اسي البخاف على التاني فينا منووو انا ولا إنتي؟قولته ليهو م تطلع بس م تطلع الله يخليك م تطلع،قال لي طيب،فجاهه الباب دق شديييد باقصى قوة قولته ليهو وااااي جو ي صهيب جووو حيمسكونااا😭ضماني مساافه وانا متشبكه في قميصو قال لي م بعملو ليك شي انا معاك خلاص روقي،الباب بقى يدق شديد وجا صوت بتاع ي سيد البيت افتح الباب سرعه يلا،صهيب قال لي لو م فتحنا ممكن ينطو او يكسرو الباب ولو لقونا ممكن يطلعونا متظاهرين عشان كدة افضل نفتح الباب،مسكته فيهو اكتر وانا لافه يدي حواليهو قولته ليهو لالا م تفتح😭😭😭😭فكفكني منو وقعدني في السرير وقلع قميصو وفضل بالفنيله الداخليه بس وطلع وانا بنادي فيهو وببكي وخلاص هبطتهه،فتح الباب قال ليهم في شنوو ي جماعهه؟قالو ليهو طلع المتظاهرين العندك دخلو هنا،صهيب قال ليهم متظاهرين شنو ي اخوانا البيت دة م فيهو غير انا ومرتي ،دخلو قال ليهم دقيقه دقيقه ماشين وين البيت دي فيهو حرمه تدخلو علينا كيف كدة وبأي حق اساسا ؟قالو ليهو ي زول م تكتر،قال ليهم الكلام دة قولوهو لنفسكم اسي انتو عندكم إذن تفتيش او مذكرة؟لا طبعا قانونيا انا من حقي م ادخلكم البيت اساسا ،قلته ليكمالبيت دة م فيهو اي متظاهرين وإتفضلو اطلعو برة بيتي لو سمحتو،بقو يتلفتو يمين وشمال واحد منهم دخل الحمام لقاهو فاضي،صهيب قال ليهو في شنو ي حبيب؟قلته ليك م عندي متظاهرين هنا ولا بدخل حتى لو جو اساساااا،طلعو وقفل وراهم الباب وقف مساااافه بعد م اتحركو جاني راجع لقاني دموعي جاريه عشرة عشرة قعد يضحكك قال لي جبانهه دي قومي يلا وقفني على حيلي بقى يمسح لي دموعي قال لي م حصل شي شايفه الخوف م حبابو،قولته ليهو وانا برجف لسسسه واقفين برة،قال لي حتى لو واقفين م بسالونا نحن اسياد البيت ها😹😹😹😹ونحن طالعين اول م فتحنا الباب لقينا واحد واقف في الباب وشايل ليهو اكياس وماسك سجارتو وواقف بعاين نحن اتخلعنا وهو إتخلع بقى يعاين لينا مسااافهه قال لينا انتو منو والدخلكم البيت دة شنووو؟؟صهيب قال ليهو ي حبوب معليش نحن اسفين جدا بس الكجر ديل كانو جارين ورانا انا ومرتي ف لقينا بيتك دة فاتح دخلنا فيهو اسفين مرة التانيه،الولد قال ليهو ي زول إن شاءالله يكونو م قبضو او ضربو ليهم ناس بس،صهيب قال ليهو والله م عارف لكن م اظن الناس جرت من لما شافتهم من مسافه بعيدة وانا لو براي معليش بس زي م شايف كدة😹💔الولد ضحكك قال ليهو معاك كنداكه ابششر ي زول إتفضلو إشربو مويه،صهيب قال ليهو لا والله تسسلم ي حبيب نحن قراب من هنا م بعاد،قال ليهو اقعدو شويه طيب ملغمين الشارع بالبومبان دة ياخي بتعبكم لو مشيتو فيهو كدة💔قولته ليهو لا بنمشي والله شكرا ليك،صهيب قال ليهو يلا ي بشبوش شكرا مرة تانيهه💜طلعنا ماشين صهيب لبس قميصو وزررو وانا ماسكه في يدو،قال لي خوافهه وقلبك حار في نفس الوقت حيرتينا معاك زاتو😂قولته ليهو اسكت خلاص،فضلنا ماشين في الشارع والبومبان ريحتو لسسه في واثرو باقي لدرجه انو دموعنا جاريه لغاايه م وصلنا البيت لقينا الحرس ومحمد وحبوبه وعمتي كلهم واقفين في الشارع،صهيب قال ليهم في شنو؟امو قالت ليهو انتو مشيتو وين ي اولاد انتو مجانين؟؟صهيب قال ليها م لاقونا من قدام دخلنا لينا في بيت كدة،حبوبه قالت لي انا م كلمتكك قولته ليك م تمشي قلتي الا تمشي وصهيب زاتو هناك؟صهيب بقى يعاين لي،محمد قال ليهم احمد ويييين؟صهيب قال ليهوإعتقلو ناس؟محمد قال ليهو لا،عمتو عواطف قالت ليهم اخوكم دة وين،اخوكم دة مجنون يارب تجيب العواقب سليمه يارب تستر،فضلنا واقفين مساافه محمد قال ليها م شايل تلفونو كمان،لكن نشوف الشوارع الدخلو بيها يمكن يكونو محاصرين بهناك ولا حاجه،قبل م يتحركو وقفت عربيه قدام البيت نزل منها ولدين ومعاهم احمد تالتهم ويدو كانت ملفوفه بشاش،عمتو عواطف قالت ليهو احمد،في شنوو،الاولاد قالو ليها كويس م عندو عوجه،
ه ،احمد قال ليها ماف حاجه ي امي ضربهه بسيطهه،قالت ليهو بي صوت عالي وووووب علي ضربوك طلقهه؟قال ليها م طلقه ي امي بومبانه ياخ حاجه بسيطه وخيطوها لي،حبوبه قالت ليهو انت ي ولد مجنون البوديك تقيف ليهم شنو،البوديك عليهم شنو ،قال ليهم ي جماعه انا كويس والله والضربه خفيفه وم تقيفو في الشارع كدة ادخلو معي ضيوف إتفضلو ي شباب،قالو ليهو لا شكرا الله يكتب سلامتك إن شاءالله،صهيب قال ليهم ي شباب كيف الكلام دة ياخ اتفضلو إشربو ليكم مويه على الاقل يااخي ،قالو ليهو لا والله معليش مرة تانيه لاحقين لينا عقد صاحبنا كدة ما عندنا طريقه،احمد قال ليهم ابشرو عقبالكم ان شاءالله تسلمو ي شباب م قصرتو،حبوبه قالت ليهو تسسسلمي ي اولادي الله يكتب ليكم الخير في طريقكم وينور ايامكم ي اولادي،عمتي عواطف قالت ليهو تسلمو ي اولادي معليش المجنون دة تعبكم معاهو،قالو ليها العفو ياخي الله يكتب سلامتو ي رب،ركبو مشو ونحن دخلنا وعمتو عواطف دي بقت تكورك وتجوط في احمد قالت ليهو انت م عارف الحي دة كلو ناس تابعين للامن م خايف يبلغو فيك كمان تطلع تتظاهر وسط الحي وتحرض الاولاد خلاص إستهدفوك ي احمد من ضربوك بالبومبان دة استهدفوك وتاني م بخلوك الله اعلم يعملو فيك شنو تاني،قال ليها اسمعي ي امي حي ملان كيزان وامن وضباط كبار في الجيش بخوفني يعني؟انا ابوي زاتو منهم م خوفته ياخ،م علينا ااوكيششن✌
اغير ملابسي ودي وجعان ياااخي جعاااان جهزو لي اكل يااااخي،طلع فوق،عمتي عواطف قالت لي صهيب انت كمان تابعهم لشنووو البوديك وراهم شنوووو،صهيب م ردة ليها وطلع،قالت ليها الاولاد ديل دايرين يجنوني ي عمتي والله بجنوني،إتزكرته كريم ولدي نايم من قبيل طلعته ورا صهيب،فتحته باب اوضتي لقيتو نااااايم وغرقان نوم قلعته توبي كدة صهيب جا داخل،قال لي لسسسه ناايم؟قولته ليهو اااي،قعد يعاين لي مسااافه وهو نبتسم إبتسامه شماته كدة،بقيت اعاين ليهو وانا بحاول الف وشي منو بعدها هو بقى يضحك وانا ضحكتهه،قال لي عليك الله اقنعتي إمتثال دي كيف عشان تخليك تطلعي معاها موكب؟قولته ليهو ليييهه مالي؟؟قال لي انتي مسؤلييييهه ياااخ خوفكك دة بضيع المعاك بتشتتي افكارهم،قولته ليهو والله؟بس من حقي اخاف انت م شوفته العنف العند الناس ديل انت عارف لحظه م خلاص دقو الباب وانت مشيت فتحته انا اللحظه دي قولته خلاص هيعملو فيك حاجهه😭قرب مني ومشى يدو في خدي وبقى متنح فيني قال لي افهم من كدة إنك خوفتي علي؟؟؟قولته ليهو كيف م اخاف يعني تخيل يعملو فيك شي والله خالتو عواطف الا تجن قال لي وهو مقرب اكتر وانتي؟قولته ليهو يعني تبقو عليها انت واحمد م حتقدر تستحمل طبعا والله قلبها حيقيف قال لي وهو ملصق وشو في وشي وعلى وشك إنو يبوسني هااا قلنا وانتي جاوبي،قولته ليهو انا شنوووو؟قال لي خوفتي علي ؟رجعته منو لورا وهزيت ليهو راسي بمعنى لا،لفه يديهو حوالي وقربني عليهو اكتر قال لي بس انا كنت شايف غير كدة عايزاني اكزب عيوني،قولته ليهو كزبهم لاني م كنت خايفهه ،قال لي يعني لو حصل وإنضربتهه رصاص او غيرو م حتفرق معاك؟هزيت ليهو راسي بمعنى لا،قال لي طيب ليييه مسكتيني المسكهه ديك لما قلته ليك حاطلع افتح الباب،سكتته،قال لي ليييهه يلا جاوبي؟قولته ليهو كنت خايفهه😢،قال لي على منووووو يلا قولي انا مش قولته ليك مكانك دة امن وم كانو حيفتشوه؟؟ بقيت اعاين ليهو وانا ساكتهه ومتوترة وضربات قلبي زايدة ونفسي في وشو مباشرة،قال لي كل الأسإله دي وانا عارف الإجابهه بس عايز اسمعها منكك ...💜
م هتكلم كتييير بس شكرا للناس اللسانها زفر بجد ،بيناتنا قصهه اوكيييشن✌
#نتلاقى®