للكاتبه فطوومه التميمي
اتمنالكم قراءة ممتعه
#نرجع وياكم بالأحداث شويه لوره
حسام ؛طبعا بعد متفلشت الخطوبه عاتبت خالتي بس شفتهة مستحيه منه وخجلانه فماحبيت اضغط عليها أكثر أخذت امي واختي وعماتي ورجعنه ما احجيلكم ع الفشله الي صارت واشون عماتي كلساع ويفتحن الموظوع ويحجن ع امي تالي رزلتهن يل سكتن جنات طول الطريق جانت هادئه ومحجت شي ومن وصلنه للبيت امي سولفت لابويه اتفاجئ حيل اهنا جنات بدت تحجي وتدافع لروان بحيث امي بقت متعجبه عليهة المهم راحت ايام اجت ايام علاقه امي بخالتي حيل ضعفت رغم خالتي ام روان حاولت تواصلهة وتراضيهة اكثر من مرة بس امي جانت معانده بالنسبه الي جنت متوقع كولشي من روان رفضتني وشنو الجديد بهذا خلصت عمري واني احاول اخليهة تحبني وتفكر بيه وبلا جدوى وبيوم الي وافقت طررت من الفرح مجنت مصدك حتكون الي وملكي وحلالي لكن دخول حبيبهة بهل شكل وعصبيته وغضبه وخوفهة عليه واشون وكفت بوجهي حت تحمي مني جان اكبر خيبه أمل اعيشهة بحياتي اووووف يروان لو باقيه ع رفضج ولا اجرحيني هلشكل ..
_من بعد الي صار حاولت انسه روان ومافكر بيهة بس اجذب اذا كتلكم كدرت ..
الحجي كلش سهل لكن من تجي للفعل كلشي متكدر تسوي
_بيوم جنت راجع من النادي اكثر مكان ارتاح بي واشرد بتفكيري يتوقف الزمن واتجاهل كولشي بي طبيت للبيت حسيت بجو من التوتر والحزن اشوف أمي عيونهة متورمه ودمعتهة تلمع ع طرف عينهة وابويه متوتر وعاكد حواجبه جنات مموجوده رحت ذبيت جنطتي بالغرفه وصحت جنات اجتني بملامح باهته وجاوبتني بحيره ؛هلا حسام
حسام بتسائل ؛جنات اشصاير بالبيت شو كلكم كالبين وجوهكم خوماكو شي ؟؟؟!!!
جنات بخوف ؛هاا لا ماكو شي
حسام بعصبيه ؛توتر جنات وخوفهة اثبتلي انهة دتخبي عني شي ضغطت عليهة حت تحجي تالي نطقت
جنات ؛حسام بصراحه اليوم جانت يمنه روان وخطيبهة
حسام بحزن ؛خطبت !!!!
جنات بأنكسار ؛اي ... واجو اليوم اعتذرو من اهلي ورادوهم يسامحونهم بس امي طردتهم ومقبلت بالصلح وياهم
حسام بأرتباك ؛اشونهة روان ؟؟؟سعيده وياه ؟؟
جنات ؛حسام اني ماريدك تحزن بس صدكني همزين من هسه رفضتك روان لانها بلاساس متحبك ولا بيوم حبتك انته مفكرت لو بيوم ازوجتهة اشون حتكدر تكمل حياتك وياهة وهي متحبك ولا تباوعلك نفس متباوعلهة هاا والله صدكني تنجرح هس وتحزن افضل متزوج وتنفصل لو يصير عدكم طفل وتبقون عايشين بجحيم
حسام بحزن والدمعه تلمع بعينه ؛بس أني حبيتهة وتمنيتهة تصير الي جنات انتي واعيه لنفسج شدتحجين مو انتي الي كضيتي سنين وسنين تعاقبين بنفسج وتأذين روحج بسبب هشام لان مابادلج الحب هااا هس جايه تنصحيني وتخففين عني ؟؟
جنات بأنكسار لان ماصدكت تنسه ويطيب الجرح ؛اوووف يحسام ليش تهيج جروح جانت ساكنه اسمعني يروحي صح اني ازغر منك بس أنته بنفسك دتكولهة اني كضيت سنين ابجي واقهر بروحي واتألم بس شنو استفاديت لا هشام رجعلي ولا حضيت بحبي بلعكس وكعت نفسي بمشاكل أكبر واكبر اني الوحيده الي تأذيت صدكني يا حسام الحقد والكره والغضب الي تدفنهن بداخلك راح يحرموك من اهواي شغلات وحتندم بعدين لان وحدك الي راح تنجرح وتنقهر وهاي حياتك بعد ..
حسام درت وجهي عن جنات وابتعدت عنها كم خطوة ماردت تنزل دمعتي كدامها حجيت بقهر وحزن متملك كلبي بس جنات أني حبيتهة صدك وبعدين منو ذاك حت تختاره وتفضله عليه بشنو احسن مني ومنين تعرفه واشوكت حبته وصارت تريده ؟؟؟؟؟
جنات بحده ؛أحمد خوش انسان واني متأكده حيسعد روان ومراح يأذيهة بيوم انته ماشفت دموعه اليوم من اجه لا وحسره كلبه وهو يشوف روان تبجي وتتوسل بأمي حت تسامحهة
حسام بغضب ؛انتي اخت منو !!!جنات لتخبليني من يوم الخطوبه وانتي ادافعين عن روان وهس جايه تحمدين بأحمد متكليلي شبيج شنو الي غيرج عليهة اشو كضيتي عمرج تكرهيهة وتشوفيهة دم سنونج هس جايه تدافعين عنهة انوب عكدت حواجبي واتقربت منهة وحجيت بكل جديه واني صار ع سنوني جناااااات شنو الي تعرفي وضامته عني ؟؟؟هاااا احجييييييييي
جنات بخوف والدموع تجري ؛حساااام الله يخليك بس اهدئ هس اسولفلك خليته يكعد وحجيته كولشي صار اشون تعرفت بأبراهيم عن طريق ناديه ومن حبيته ودزيتله الصور واشون روان ساعدتني واحمد هو الي تكفل بالموظوع وراح حاسب ابراهيم وخوفه وخلاه يعتذر ويسويلي الف حساب وراح هدد ناديه تبتعد عني ومن يومها اني تغيرت للافضل رجعت لسابق عهدي وطيبه كلبي بلا كره ولا حقد الي يعيش بكلب اسود حيشوف كلشي اسود ومراح يستمتع بالحياه باللحظه حيكبر سنه من القهر والسواد الي بداخله ....
حسام ؛بقيت مصدددوم وممصدك جنات شدتحجي معقول كل هذا صار لا واحمد هم يدري وهو الي ستر ع اختي واخذ حقهة ومافضحهة مدري افرح لأن اختي خذت درسها وتعلمت من اخطائها مدري انقهر واحزن لان فضلت الغريب يساعدهة ع انها تجي تصارحني وتطلب مساعدتي هيج جان حب روان عاميني عن اختي واهلي واعز ناسي بس لا هاي انانيتي روان مو السبب الخلل موجود بيه لو مجنت اناني واريد اعيش حياتي وبس افكر اشون ارتاح جان حسيت ع اختي اذكر جنات بقت فتره اسبوع لا تنزل تاكل ولا تكعد ويانه وحت من اشوفهة صدفه جانت مهمومه وحزينه ليش ما رف كلبي عليهة ليش مابيوم صعدت غرفتهة وسألت ع حالهة اوووف والي جرحني اكثر كل الي صار بيهة بسبب ناديه وحده تعرفت عليهة صدفه وصارت بينه علاقه انوب مليت منهة وتركتهة حالهة حال غيرها من مليت وعفتهن صدك لو كالو تندار تندار وترجعلك بعرضك يكولون حت تصحى من غفلتك وتتغير لازم تتلقه ضربه قويه يأما تكسرك وتدفنك بالاكثر واما تحييك من جديد ماكو شي يصير من العدم لكولشي اسباب ورب العالمين سبحانه وتعالى ميخلي شي عبث حشى لله
_بذيج الليله ابد مكدرت انام بقيت افكر طول الليل اتخذت قرارات ماعرف اذا جنت حكدر انفذهة او لا بس بعد هل ليله مراح اخلي شي ع حاله حتغير للافضل وحعوف سوالف الشرب والبنات لان محصلت منهة شي يمكن بالاساس ربي مانطاني روان لان لا مرة ولاثنين وتبت وبطلت لا بقيت طول الوكت اتماده اكثر واكثر الله كريم ...
ثاني يوم كعدت الصبح ع الريوك فتحت الموظوع وي امي وكتلهة حاجي خالتي واتصالحن وكافي زعل وحزن هيه مقبلت تكول ميهون عليه اصالحهة لان بتهة كسرت كلبك كتلهة اني سامحتهة ونسيت الي صار هم كلبي مينطيني اشوفج زعلانه ودمعتج تنزل لان مفاركه اختج وبعيده عنهة واذا تردين رضاي يمه سامحيهة وارجعن نفس كبل كلب واحد ترة خالتي ام روان مالهة علاقه وبتهة غلطت خوما كفرت والله بعظمته يسامح ويغفر نجي احنه مانسامح !!!
_للعصر اجاني احمد وكعدنه وحجينه سوه الولد مبين مرتب وخوش انسان بس اجذب اذا كتلكم حبيته مهما يصير يبقه هذا الشخص الي اخذ حبيبته وان كان حبي من طرف واحد ..
اتفاهمنه ووضحلي شكد روان مقهورة وضايجه بسبب زعل امي كتله ان شاء الله يصير خير واحنه ولد اليوم قررت افتح وياه صفحه جديده من هل لحظه اعتبرت روان اختي وحالهة حال جنات ولازم انساهة اذا مو لخاطرهم عاد لخاطر روحي لان محد يستاهل شي ..
_روان مرت سنه ع زواجنه طبعا حمودي اتخرج وخلص من هم الدراسه اني هس اداوم مرحله ثالثه بطني واصله لخشمي حامل بالشهر الثامن صايره جني بطيخه كوة امشي رانيه تضحك عليه وتصنف واحمد هم مشتغلني اكس مربع يمته اجيب وارتاح ☹☹
_ولج روانو اسمعج تحجين عليه بطيختي لويش ضايجه هههه
_احميددد كافي عاد تضحك عليه اصلا هل طفل صار عن طريق الغلط وتوبه بعد احبل 😒😜
_امم عن طريق الغلط مو اني اعلمج اشون متغلطين بعد هههه
_لا يمعود داشاقه دخيل ربك لا تصدك مو تدري هرمونات ومدري شنو فدوة اعذرني
_ابطالنه عاشو حياه سعيده وحلوه طبعا حبهم لبعض وي كل لحظه يزيد ويكبر واريد اكوللكم ماكو علاقه مبيهة مشاكل وعوائق بس اذا جانت الزوجه شاطره والزوج متفهم راح يتغاظون مرة ومرة يتنازلون مرة يتعاركون ويرجعون يتصالحون لا تصدكون اكو حياه كلهة وردي حت بأفلام ديزني ماكو هيج المهم ...
روان جابت بنوته حلوة وسموهة ملاك وملاكنه الصدكيه راحت تعيش وي خالتهة احمد ابد منساهة وبين فتره والثانيه يسأل عليهة ..
_بالنسبه لمصطفى فنجح بأمتياز واحمد وفه بوعده وخطبوله حبيبته والعرس وره مايتخرج
_اما رانيه ف كريم اتزوجهة بعد ما اتخرج واخذها شهر عسل لتركيا
_ وبخصوص جنات ف اتقدملها واحد من اقارب ابوهة شاب مرتب يشتغل مدرس من عائله معروفه بقت خطوبتهم سنه كامله لحد ماتخرجت من الكليه خلال هل فتره اتعرفت عليه وحبته وصار روحهة من الدنيه مجرد ما تخرجت ازوجو وسوو عرس ضجه وعجه وعزمت بي كومم اقارب وصديقات
_وحسام بعد ما كمل الكليه راح لبغداد وقدم ع الماجستير حمدلله قبلو وصار يداوم اهناك تعرف ع طالبه وياه حلوة ونازكه شخصيته مرحه وطيوبه صارو زملاء علاقتهم يوم عن يوم تقوه اكثر بس حسام هل مرة ماتسرع بشي ولا طلب اكثر مما يتوقع الى ان اجه يوم رادت هل بنيه تختبره اذا كان يحبهة او لا ونجح بالاختبار وصارت بينهم علاقه حب وخطبو وبعد ما تخرجو ازوجو وكال لامه وعدتج و وفيت جبتلج جنه بغداديه 😍😍
_بالنسبه لياسر وسميه ف رب العالمين رزقهم بتوأم ولد وبنيه يخبلون سموهم شهد وياسين ملو عليهم وحدتهم وضافو الالوان لحياتهم الي جانو يشوفونهة بالرمادي ربي يرزق كل واحد ماعنده ذريه كولو آمين ...
_نسيت احجيلكم عن مروة والي صار وياهة طبعا احمد بعد ماتصالح وي روان وفهم الي صار أخذ منهة الرقم الي اتصلت بي ذيج البنيه ع اساس مرته وانطاه لصديقه مسلم اليشتغل بالاستخبارات من واحد لواحد المهم كدر يعرف الرقم المن لكاه مسجل بأسم مروه من رجع للبصره حجه وياهة وتواجهو وسجل صوتهة وفضحهة كدام اختها الي خجلت حيل من تصرفات مروه وجانت مصدومه وممصدكه الي صار احمد كال لمرت ابو الج الصلاحيه بأختيار عقابهة وهي ضربتهة وطردتهة من بيتهة ومنعتهة تجي مره ثانيه الا تبطل سوالفهة واي خطأ تسوي مراح تسكت عنها وحتوصل الشغله لابوهة وهو يتصرف وياهة
النهههههههههههااااايه
اتمنه عجبتكم الاحداث الي ضفتهة 😍❤
الكاتبه فطوومه التميمي