_في داخل ديوان الشيخ قائد ابو جميل
_الشيخ سلمان ؛الله بالخير
_ردو الشيوخ ؛الله بالخير والعافيه
_الشيخ سلمان ؛خويه شيخ قائد جيناكم اليوم نريد منكم السموحه بسبب ولدنه مسعود
_الشيخ قائد ؛شيخ سلمان اني لو مامحسبلك حساب جان دزيت الولد يجيبو سحل وانطيته جزاءه ع الي سواه ترة العرض غالي وانته خوش رجال وتفهم المقصود
_الشيخ سلمان بخجل ؛والله يخويه شتحجي اني وياك ابوه الله يرحمه جان خوش زلمه وما يطلع منه تقصير بس هذا الملعون مدري ليش مابي حظ ودوم مفشلنه بالدواوين
_الشيخ معتز ؛اخوان استهدو بالله همزين الطلابه صارت بين عشيرتنه وعشيرتكم والا لو غير ناس ما نرحمهم ونكعدهم مربع بس انتو اهل طيب واجاويد واحنه نسويلكم حساب ومنريد نكطع سبيل المعروف بيناتنه
_الشيخ سلمان ؛ونعم منكم ومن اصلكم اني وكل عشيرتي نشرف بيكم
_الشيخ فهد ؛الله بالخير اخواني وعمامي احنه اليوم جايينكم طالبين السموحه وان شاء الله الي صار ميتكرر واذا ع الولد مسعود ف إحنه راح ننطي جزائه والكم مني عهد مايتقرب بعد صوبكم
_الشيخ جميل ؛هل مره راح نسكت لخاطر وجوهكم الطيبه لكن ان صار وتقرب هل مسعود منه خطوه وحده راح نعتبره مو منكم ودمه مهدور
_الشيخ قائد ؛واني من رأي وليدي وعزوتي
_الشيخ سلمان ؛أن تجرئ وقرب منكم اهدرو دمه لان احنه ناس مانرضة بالغلط
_الشيخ فهد ؛اترخصت من الشيوخ وطلعت بره خابرت ع اخويه الجبير الشيخ جبل اجاني الرد كالآتي؛-
_الشيخ جبل ؛اهلا فهد
_فهد ؛جبل خويه وين صرت خلصت المشيه وانته لسه ما اجيت فشله من الوادم
_جبل ؛فهد بعدني بالمركز عندي واجب وماكدر اطلع انته وابوي وعمامي تكفون وتوفون
_فهد ؛زين جا أحنه فضيناهة للسالفه وراضينه الوادم وكلمن كعد بمكانه راح نشرب جاينه ونرجع
_جبل ؛خير ان شاء الله الاكيكم بالبيت بس اكمل الواجب واطلع
_فهد ؛الله وياك سديت الخط ورجعت للديوان سمعت الشيخ قائد من عشيره البنيه المتحرش بيهة مسعود الله يلعنه مفشلنه وين منروح بسوالفه السكير الميستحي )يسأل عن جبل
_الشيخ سلمان ؛وليدي الشيخ جبل بالدوام الرسمي عنده واجب وتعذر من الجيه
_الشيخ قائد ؛الشيخ جبل زلمه معدل الله يستر عليه اني جان ابودي اشوفه بهل جمعه
_الشيخ سلمان بفخر ؛هذا بجري بعد ان شاء الله بس يكمل واجب اخلي يمرلكم واكعدو وسد الشوك
_الشيخ قائد ؛بإذن الله اشرف بي
_الشيخ سلمان ؛شربنه جاينه بعد ما كدرنه نتوصل لحل وسط وي هاي العشيره شيخهم خوش رجال وعندي بي معرفه قديمه والا لو غير واحد جان كبر السالفه وسواهة فضيحه اترخصنه منهم وطلعنه اخذني ابني فهد بالسياره واخوتي وولدهم لحكونه بسياراتهم عطت بعصبيه ؛هل مسعود اذا مايجوز من مكسراته والله العظيم موته يصير ع ايدي وكول ماكلت
_فهد ؛بويه اهدئ العصبيه موزينه عليك وجبل تكفل بالموظوع ودز ناس يدورون عليه وان شاء الله راح ينطي جزاءه
_الشيخ سلمان ؛والله يبوي أني تعبت وبعد مو حمل اركض وره فلان وعلان عاد خلوني خيمه ع روسكم انتو كبرتو بعد وصرتو شيوخ وحجايتكم مسموعه والكم نفوذكم من ذلك اني لازم ارتاح بجالكم
_فهد ؛بويه شتريد يجرالك بس لاتضغط ع نفسك وصلنه للبيت نزلنه دخلنه للديوان لكينه جدي كاعد منتظرنه
_الشيخ ابو سلمان ؛هاا بويه بشرو شصار وشسويتو وي الوادم
_فهد ؛جدي الحمدلله الوادم طلعو اجاويد وشيخهم ابويه يعرفه منزمان وسوالنه تقدير وسد السالفه بس شرطو علينه ان قرب مسعود منهم مره ثانيه راح يهدرون دمه النجس
_الشيخ ابو سلمان ؛ونعم منهم ومن اصلهم بويه وين اخوك جبل ؟؟
_جبل ؛اليوم جانت اكو مشيه بديوان الشيخ قائد
ابن عمي كاظم الله يرحمه مسعود متحارشله ببنيه من عشيره .... والوادم سوو كعده بالديوان جان ابودي اروح بس صار عندي واجب وماكدر اتركه الحمدلله ابويه وعمامي راحو للمشيه وحلو المشكله مجرد ما خلصت الواجب ركبت سيارتي وشغلت بوجهي للبيت شفت سياره ابوي واكفه عرفتهم راجعين بوجهي رحت للديوان لكيت جدي دايسأل عني جاوبته
_جبل ؛السسلام عليكم
_وعليكم السلام ورحمة
_جبل ؛بويه فضيتوهة السالفه مو ؟؟
_الشيخ سلمان ؛اي بويه ولو رحلتهم وجهي هاكده صاير ومتفشل وخجلان بس شنسوي عيب مانروح بعد يبقه هل مسعود محسوب علينه
_جبل بعصبيه ؛بويه اني كلفت جم واحد من الشرطه يدورون عليه ويشوفو بيا حفره خاتل وره سوايته السوده هاي وان شاء لله بس الكاه انطي المقسوم اني دواه
الشيخ ابو سلمان ؛تعال يولدي اكعد ارتاح ولج غصوون تعاي جيبي اميه لخوج
_جبل ؛جدي ميحتاج اني راح ادخل جوه هم اريد ابدل ملابس الدوام وارتاح وانته بويه لاتشيل هم ان شاء الله محلوله
_عفتهم ورحت طبيت للبيت رحت لغرفتي بالطابق الثاني اخذت ملابسي وطبيت للحمام احجيلكم عني شويه
_أني عمري ٣٥ سنه طولي ١٨٨ وجسم ضخم ومعضل بشرتي بيضه وعندي لحيه وكفشه عيوني سود حيل شخصيتي عنيد وعصبي كلش اضوج من ابسط شي وماعرف اتفاهم الي اريده كون يصير ماحب تنكسر حجايتي شيوخ وضباط وناس عدهة مراكز امشيهة بحجايه مني طبعا أني ضابط برتبه نقيب عندي عرف بكل مكان واهواي ناس تقدرني وتريد رضاي ...
من صغري احب الشيخه وكعده الديوان فصار عندي هدف من جان عمري ١٠ سنين وكدرت احققه واخذ الشيخه من ابوي حلو من يكون عندك نفوذ وقوه بكل مكان من تكون حجايتك سيف ع روس الظلام وتكدر تاخذ حق الفقير من حلك السبع
_عندي بنيه عمرهة سنه وشهرين امهة اتوفت بعد ما جابتهة للدنيه من ذاك اليوم كرهت كل النسوان اشكد حاولت امي تزوجني وتخطبلي بنات اشكال الوان بس ولا وحده دخلت عقلي كلبي قفلت عليه وضيعت المفتاح ..
_عندي خوات اثنين الجبيره غصون عمرهة ٢٠ سنه تدرس جامعه والثانيه رباب اخر العنقود عمرها ١٧ سنه وعندي اخ واحد فهد عمره ٣٠ سنه يشتغل محامي وهم شيخ مزوج ميسون بت خالتي اخذهة عن حب وعدهم ولد اسمه علي عمره سنتين ابوي رجال جبير بالعمر وعنده امراض مزمنه وامي مره معدله وشخصيه قويه راح تتعرفون عليهة بالاحداث الجايه ..
_عندي خمس عمام وابوي سادسهم واكبر واحد بيهم يجي وراه عمي ماهر الي عنده ٣ ولد الجبير غيث عمره ٣٤ صديقي واخوي الروح بالروح اكثر واحد احبه واحترمه من ولد عمامي ونسيبي المستقبلي لان يحب اختي غصون ويريدهة والباقين سرمد وكريم
_يجي وراه عمي كاظم الله يرحمه عنده ولد واحد عافه عله ع كلوبنه وكلكم عرفتو الطلابه المسويهة قبل بساع مسعود وعنده بنيه اسمهة رقيه
_وراهم يجي عمي جواد وعنده عزيز وفيصل وكمال وزهراء ونور
وبعد عمي قيس عنده سليم ومنير وحيدر ورحاب وساره
وعمي الخير جهاد هذا دكتور وطافر للخارج منزمان مزوج ومستقر اهناك
_نروح لبطلت الروايه شمس وننطيهة القلم تعرف عن نفسها ✏✏✏
_شمس هلاووو حبايبي اعرفكم بنفسي عمري ١٨ سنه بصف السادس متوسط طولي ١٦٥ وشويه مربربه بشرتي بيضه كطن وعيوني وساع ولونهن عسلي فاتح وشعري اسود حيل وينزل جوه الورك 🤭🤭
طبعا اني يتيمه ام من جان عمري ٩ سنوات بابا هو الي اهتم بيه ورباني تعب عليه اهواي وذب جهده بالشغل بحيث وفرلي الحياه الي اريدهة مايوم حرمني من شي للاسف اني الوحيده اله وهو الوحيد الي دوم اسئله بابا ماعندك إخوان يكول لا ماعندك اب عم فد شي هو تدمع عينه وينهضم ويكول انتي كل عائلتي امي وابوي وعمامي انتي سندي والي راح تعوضيني عن كولشي اريدج تتفوقين وصيرين دكتورة وترفعين اسمي واجيبيلي الفخر طبعا جنه عايشين ابيتنه بوسط خوالي وخالاتي بأطراف محافظه الديوانيه يعني بالعرب
_بيوم من الايام جنت راجعه من الدوام وجايبه نتيجتي مال نص السنه فرحانه بنجاحي وتفوقي اجيت اركض للبيت طبيت شفت الغراض مطشره بالكاع واكو فوضى بالمكان حسيت بالخوف رحت ادور ع ابويه ما لكيته انوب ركضت لبيت خالي توفيق طلعتلي مرته كتلهة وين خالي داسأله عن أبويه شو ما هو بالبيت بلكي يعرف وين اشوف الدمعه غرغرت بعيونهة انوب طلع ابنهة الجبير جاسم عمره ٢٦ جان عاكد حواجبه ومبين عليه التوتر صحت بصوت عالي احجووو شكوووو شصايررررر
جاسم ؛شمس بس اهدي ولتخافين ماكو شي ان شاء الله يصير زين لتخافين
ام جاسم ؛يمه شموسه تعاي ادخلي يمنه هس اشويه ويجون مابي شي ابوج
شمس بعياط ؛ليششششش وين راح وشبي ابويه لخاطرررر الله احجو حسيت الدم جمد بعروكي خنكه وضيك بكلبي احس ابويه بي شي
جاسم بقله حيله ؛عمي شامل تخربط وابويه اخذه للمستشفى وراح
شمس ؛هااا ابوويه تخربط وكعت بالكاع وصرت ابجي واتراجف من الخوف اذكرت اخر مره من بابا تخربط ودخلناه مستشفى اشون وصل للموت وبالقدرة الألهيه رب العالمين بث بي الروح ونجاه خفت حيل ع ابويه لا يرجع لذيج الحاله واخسرة يربي شسوي
جاسم ؛حاولت ما اكوللهة شي وانضم عليهة بس مترهم ابوهة حالته كلش مخطره وموات اخاف كلشي يصير وتبقه تلوم بينه لان مكنالهة شلتهة من الكاع ودخلتهة جوه بقت تبجي وتشاهك حاولت امي تهدئهة بس بلا فائده بقت تصيح وتعيط ودوني لابويه
شمس ؛متحملت ابقه بالبيت وانتظرهم يرجعون بلكي مارجعو شسوي بروحي لحيت ع جاسم يوديني من شافني حيل معانده وحالتي سيئه فد نوب عاط بصوت عالي يلا كومي اوديج امري لله
اني صدك لبست عباتي ورحت وياه ركبنه السياره وتوجهنه للمستشفى مرت دقائق ماحسيت بالوكت اشون مشه وصلنه نزلت من السياره اركض وجاسم يركض وياي دخلنه للطوارئ واني اناشغ وابجي عاط جاسم
جاسم بعصبيه ؛صوتج منااا وادم تعاي عمي بالأنعاش حاطينه
شمس ؛كمت اتراجف من الخوف يربي نذر عليه اصوم شهر لوجهك الكريم بس خل تعدي هل شده ويتحسن ابويه طبينه وصلنه لغرفه الانعاش و
جاسم ؛ابقي اهناا بس اشوف ابويه كال اني يم الدكتور واجيج
شمس وهي تبجي وتناشغ ؛جااسم فدوة اغديلك بس خل اطب اشوفه مابيه صبر ابقه انتظر طلبتك ماتردني
جاسم بقله صبر ؛زين ادخلي شوفي بين ماروح وارجع
شمس ؛دخلت للغرفه شفت ابويه نايم ع السديه وحاطيله اجهزة اشكال الوان ومعلكيله مغذي سوده عليه يبويه اشوفك بهيج حال كسرت كلبي يله كوم منو الي غيرك كوم رجعني للبيت الي بقه وحشه مندونك الله يخليك كوووم بقيت احاجي وابجي اصوات الاجهزة زادت من خوفي وتوتري حسيت ع ابويه حرك ايده انتبهت شفته هستوه ديفتح عيونه باوعلي بنظره المكسور بعيونه اهواي حجي بس صعب عليه ينطق لان حيل مختنك تمنيت لو أني نايمه بمكانه ياريت لو اني المريض ياريت لو اكدر انطيك صحتي واخذ مرضك اووووف الدنيا بوسعهة ضاكت بعيني بهل لحظه مكدرت اسوي شي غير انو احظنه وابجي
جاسم ؛داروح للدكتور جان لاكيت ابويه بالممر جان وجهة اصفر ومخطوف سألته عن حال عمي جاوب
ابو جاسم ؛بويه مادري شكلك وضعه حيل صعب
جاسم بقهر ؛لا حول ولا قوه الا بالله العلي العظيم
بويه تره جبت شمس وياي تشوفه خطيه ماتت من البواجي
ابو جاسم ؛اوووف ربي ماتلطف بعبدك الفقير لخاطر هل مسكينه مو لخاطر احد
جاسم ؛رحنه للأنعاش هستونه دندخل الغرفه أجه رجال بالخمسينات من عمره الشيب ملون لحيته لابس عكال وبشت يمشي بهيبه وجهة اصفر مخطوف وشفايفه بيضه تقرب منه أبويه سلم عليه وكال
ابو جاسم بلهفه ؛هلااا يخويه ابو جبل
ابو جبل بخوف وصوت يرتجف ؛ابو جاسم وينه شامل شلونه وضعه ؟؟؟؟؟
ابو جاسم وملامحه تشرح اهواي كلام بدون حت ميلفظ حرف ...
_شمس ؛حسيت ع جاسم وهو يسحبني من أبويه رفعت راسي شفت خالي ابو جاسم وياه رجال معكل والدمع تارس عينه باوعلي بنظره شفقه وحزن اخذني جاسم طلعني من الغرفه
جاسم ؛الرجال الي اجه راد يشوف عمي شامل اني طلعت شمس بره ومشيت بقت تلح عليه وتبجي تريد ترجع يم ابوهة وتبقه يمه
شمس ؛كعدت ع الكراسي الموجوده بالممر واني اندعي واتوسل برب العالمين يحفظلي ابويه ويكومه بالسلامه
جاسم ؛بقيت يم شمس جبتلهة ماي وشربتهة حاولت اهديهة واقويهة حت لا تضعف ابوهة هسه محتاجلهة اكثر من اي وقت
شمس ؛مرت تقريب عشر دقايق واشوفلك الرجال المعكل طلت يصيح ع الدكتور وخالي توفيق نظراته متتفسر اجو الدكاتره يتراكضون وطبو للغرفه وياهم الممرضات أني وجاسم ركضنه ردت ادخل ما خلوني اكو جامه جبيره بحيث تكدر تشوف منهة شكو بداخل الغرفه بقيت واكفه اباوع شفت ابويه يجر النفس كوه والدكاتره واكفين ع راسه ويسووله صدمات كهربائيه بقيت ابجي واناشغ والطم جاسم واكف بصفي ويحاول وياي وميكدر مرت لحظات قليله وطلع الدكتور كال البقيه بحياتكم أني غبت ع الوعي وبعد مادريت بالدنيه شكو ....
جاسم ؛بعد ما توفه عمي شامل أثر أزمه قلبيه شمس غابت عن الوعي كد ما لطمت وعيطت أخذناهة لغرفه وانطوهة مهدئ ومنوم رحنه خابرنه عمامي اوولدهم أني أترخصت من ابويه واخذت شمس بالسياره رجعتهة للبيت ورجعت للمستشفى حت تتجمع الوادم ونبدي بالتشييع ...
شمس ؛فزيت من النوم بوقت حيل متأخر فتحت عيوني احس جسمي كله متكسر وضايك خلكَي كل ظني جنت حلمانه بكابوس تعوذت من الشيطان وكمت اسمع صوت هوسه واكو ضجه بالبيت بس هذا مو بيتنه اني شجابني لبيت خالي فتحت باب الغرفه وطلعت واشوف النسوان تدك وتلطم هنه شافني والصيحه كبت بهل وقت بالذات تمنيت لو اني مكاعده لو نمت والنومه نومه من هل لحظه تغيرت حياتي كلهة بنفس اللحظه الي فقدت بيهة ابويه اتيقنت اني فقدت كلشي حلو بحياتي بعد ماكو معنى لأي شي حتعرفون اشون تغيرت حياتي بالبارتات الجايه ...
#اكتبولي رأيكم بهذا البارت وشنو توقعاتكم للاحداث الجايه 😶😉
#الكاتبه فطوومه التميمي
#لاتنسوون التصويت