،اضرب على قدر م تقدر قايل نفسك كدة بتخوفني انت؟؟...💔وكان صوت الضرب شديد،انا في البدايه من الخلعه اتجمدتهه في محلي،بعد حسيت انو كل شويه الضرب بزيد وحاج سمير بقول باعلى صوتو"سكران،سكران من الساعه10ي كلب وحايم لي في الشارع بعربيتك ،اخلي اشغالي عشان احلحل مشاكلكم واغطي على عمايلكم انا ي كلاب،،طلعته عليهم،لقيتو بضرب في احمد ،واحمد بكورك فيهو وبقول ليهو ااااي سكرااان ي حاج على كيف منو؟ابوهو قال ليهو لما بتسكر كدة ابقى راجل واصل البيت مش يتصلو علي انا في نص اجتماعاتي عشان اجي اسوقك ،كرهتوني عيشتي انا ي ولادة الخيابهه ي عواليق ي م نافعين تفو عليكم ،ولسسسه كان واقع فيهو ضرب بطريقه خياليه،كان بضربو بالقاش حتى الحديدة بتاعه القاش كان بضربو بيها ،فجاهه شوفته الدم جاري من راسي احمد بقيت اكورك،قولته واااي احمد،جريت عليهو من غير م احس ووقفته في النص وبقيت ماسكه القاش،لزاني قال لي م تمسكيني انتي،قولته ليهو م تضربو كدة داير تكتلو انت،قال لي هليهم يموتو ولادة الحرام ديل اصلهم كلهم م نافعين،
واحمد كان بلزني وبقول لي م تمسكيهو ،خليهو يضرب ويفش غلو ،السوط دة بخوف بيهو منو؟انت ي ابوي قايلنا شفع مدرسه؟نحن كباااار،كان ضربتهه للصباح ولا بفرق معي في شي،ابوهو قال ليهو تفوو عليك ي حيوان،
احمد قال ليهو انت عارف اسي انا متاكد انك م زعلان عشان ضربو ليك ناس النظام قالو ليك تعال استلم ولدك ،انت زعلان عشان طلعتك من نص شغلك ،خلاص ي حاج المرة الجايه بسكر الساعه12 الزمن دة م عندك مواعيد شغل مش؟تاني ضربو بالقاش لزيت احمد قولته ليهو خلاص ي احمد اسكت،جات عمتي عواطف جاريه لمن ترجف،قالت ليهم في شنو كمان ي سمير في شنو تاني ووووب،قال ليها ولدك التافه سكران وحضرة سيادتو حايم بالعربيه،كيف م يحوم وعندهم كلب ينضف وسخهم،
احمد قال ليهو انا م قلته ليك تعال حلني،ضربته ليك انا؟طبعا لا،كان تخليني م تسأل مني،انت اساسا م خايف علي،انت خايف على سمعتكك ،
قال ليهو ي م نافع سمعتي دي سمعتي انا براي؟
قال ليهو ااي،عايز يضربو تاني خالتو عواطف مسكتو قالت ليهو سمير الولد م واعي ي سمير،شهد دخلي احمد دة غرفتو يلا سرعه
احمد قال ليها ي امي ياخي م تمسكيهو خليهو يضرب،وبعدين الليله وجعتك سكرتي دي يعني؟م انت عارفني خرشات ببلع،بنقو بشرب،اي شي في الدنيا انا بعملو وانت عارف كدة،اليله خلاص داير تبقى لي الابو الحنين؟ابوهو قال ليهو ي خااايب م تابع لي درب اخوك الباطل داك ،
قال ليهو انا خايب واخوي باطل تربيه منوو؟
ابوهو قال ليهو قفل ي..عايز يضربو عمتي عواكف مسكتو قالت ليهو سمييير،لزاها قال ليها م تمسكيني انتي كماااان ،قالت ليهو الولد دمو جرى والله م بتضربو تاني ،قال ليها خلي يموت يموت حيلو بركه الله،
قالت لي شهد سوقي الولد دة انتي كمان،بقيت جارة احمد بقول ليهو يلا ي احمد يلا،واحمد بحاول يتفك مني وهو بتكلم وبستفز في ابوهو،وبقول ليهو مش كان ضربتني بي قاشكك،كان جبته سيطان الدنيا دي كلها برضو بشرب واي شي بعملو ،وابوهو بحاول يتفك من امو وخالتو عواطف ماسكاهو بكل قوتها،اتصارعته معاهو وانا بجر فيهو لغاايه وقعته في السلم رجلي لمن اتلوت ،قمته على حيلي جريتو لغايه م وصلتو اوضتو ،وهو ماشي ويتكلم،دخلتو قولته ليهو استنى،مشيت جبته مويه رشيتو بيها،قال لي م تكبي فيني مويه انتي كمان،انتو فاكرني سكران،انا وااااعي،انا اوعى منكم كلكم والله،قولته ليهو احمد استنى امسح الدم دة من راسك،قلع فنيلتو اللابسها ومسح بيها وشو وراسو،ووقف في الباب وقال ليهو"وبعدين انت داير تحاسبني انا على سكري؟م تحاسب نفسك اول،نسيت البيوت البقبضوكم فيها انت واتباعكك،ولا نسيت الشقق البتأجرها،ابوهو بقول ليهو اسكت ي عفن،
احمد قال ليهو انا عفن؟
انت عارف ي حاج،انا م بسكر بس انا الحاجه دي بتاجر فيها عدييل اكلمك بالواضح كدة،في مثل بقول"بن الوز شنوو؟عوام مش؟اها مش ياها برضو دي شغلتك؟تتزكر زمان لما تديني شنطه وتقول لي وصلها لبتاع الكافيه الفلاني ولبتاع الجمبه العلاني وشيل منو القروش جيبها لي وكنت بجيب ليك القروش الا بالشنطه؟م كنت عارف الرصهه الا في يوم فتحته الشنطه بالغلط واكتشفته الحكايه،ومن لحظتها انا زاتي عرفته مداخل ومخارج الشغله ومسكته فيها لما عرفته الرصهه،لقيتني كيف بالله؟مش قلته ليك بن الوز عوام،قولته ليهو احمد ادخل كفى،قال لي لالا خليني اسمعو الما بحب يسمعو،
ابوهو من تحت بتكلم باعلى صوت وبقول ليهو صعلوق م نافع تاني كدة اللقاك ماشي لي مع الماشي معاهم اسي ديل عشان اخليهم يسجنوك 5سنهه زي الكلب،احمد قال ليهو قصدك اولاد اصحابكك الباطلين وزير ال...ووزير ال...المزعلك من صحبتي معاهم شنو وانت مصاحب ابهاتهم وشغلكم واحد؟اسمع ي حاج انت م بتحدد لي انا اصاحب منو وم اصاحب منو،انا زول مسؤل من نفسي،وبعدين ي ابوي اي زول بصاحب اشباهو،يعني انتو الكبار مصاحبين بعض لانكم على نفس الدرجه من الوساخه،ونحن الصغار مصاحبين بعض لاننا على نفس الدرجه من الصياعهه "قال كدة وهو بضحك ضحكه استهتار"تحت خالتو عواطف بتقول"سمير عليك الله خليهو ي سمير الولد م واعي ي سمير"
احمد قال ليهو شوفته ي ابوي انا دة صحبه بطاله بصاحب،بنقو،خرشات بشرب وببيع بيوت مشبوهه بدخلها اي شي كعب بعملو ،قال ليهو م دة عقل الأغبيااء الزيك ي حيوااااان،الببيع م بشرب ي كلب لكن الحيوانات الزيك ديل يجيبو العقل من وين،قال ليهو الببيع م بشرب قاصد بيها نفسك مش؟بتبيع ودايما اعصابك بايظه وفاير ،لكن تعال شوف الاصدار الجديد عندنا نحن،نبيع ونشرب ودماغنا في العالي ماف شي بخربو لينا،داير تعمل معي زي م عملته مع صهيب ؟تعال انا اصلا كايس الفرصه دي،اطردني عليك الله،زي م قالها صهيب اساسا انت م معيشنا في بيت انت معيشنا ودايس علينا برجولك ،امو جات دخلتو قالت ليهو احمد،دة شنو البتعمل فيهو دة ي احمد ي ولدي دايرين تموتوني وترتاحو انتو؟اموت اموت ليكم عشان تعرفوني خلاص وصلته الحد؟تجيني منك انت ولا من اخوك التاني ولا من قطعه قلبي على اختكم الفي الغربه ولا على منو؟بقت تتكلم وتبكي،قالت ليهم انا فترته والله فترته،دايرين تجننوني انتو؟اقلع امشي ليكم عريانه في الشارع حتى ترتاحو يعني؟بقت تبكي بأعلى صوتها،احمد حضنها وباس راسها قال ليها خلاص معليش ي امي م تبكي،قالت ليهو الما ببكيني شنو؟ليييه انتو ي اولادي بتعملو كدة؟عاينو لي انا امكم دي سمح على الاقل ،قال ليها خلاص ي حجه م تبكي قلنا انا اسف ،بقى يمسح ليها في دموعها ويبوس في راسها،البكى البكتو انا زاتي لقيت نفسي ببكي معاها قطعت قلبي المرة بجد تعبت ،
طلعته مشيت غرفتي حضنتهةكريم ولدي كل م اتخيل انو كريم ممكن في يوم يصل للمراحل دي اقعد ابكي😭💔اليوم التاني صحيت الصباح وانا نازله اتلاقيت مع امتثال في السلم قالت لي امس حصل شنو م فهمته حاجه صحيت في نهايه النقاش؟قولته ليها احمد وابوهو م عارفاهم مالو،قالت لي غايتو الاولاد ديل الا يجيبو اجل ابوهم دة،نزلنا مشينا على المطبخ لقينا حبوبه بتقول"ي بتي الاولاد ديل كلمتك قولته ليك الا تكتبي ليهم حتى جنهم الفي راسهم دة يطلع،بعدين العين عليهم حق،اولاد قدر دة وماشاءاللهم عليهم في كل المناسبات بطلعو مع بعض م كل الناس بتقول ماشاءالله،عيال سمير ،عيال سمير دي براها نجيهه،عمتي عواطف قالت ليها والله ي عمتي فترته ،خلاص انا دي فترته من ولدك ومشاكل اولادو م باقي لي شي الا اخلي ليهم البيت دة واطلع باقي عمري دة اعيشو بتلي مرتاح مالي مال وجع الراس كل يوم نحن في مشكله جديدة،قالت ليها ي بتي دي حاله ولادة الاولاد،قالت ليها م في غيري والدين ي عمتي ليييه الا هم بس يقعدو في عمايلهم البطاله دي،قلنا ليهم صباح الخير،حبوبه قالت لينا صباح النور،عمتي عواطف كانت رابطه راسها بي طرحه ووشها شاااحب وعيونها مورمهه،حبوبه قالت ليها بت الناس دي زاتها بقت مخلوعه من جات يومي مشكلهه لكن خلاص هي بقت بت البيت،عمتي عواطف قالت ليهم انا الصداع دة حيكسر راسي ماشه اخد لي غمضهه،حبوبه قالت ليها ابلعي ليك حبوب،قالت ليها اي بلعته،
قعدنا في المطبخ مع حبوبه قالت لي والله ي بتي فترنا غلبنا الينعملو،المسكينه دي اتحملت بما فيه الكفايه من مشاكل اولادها وراجلها،قلته ليها كل شي بتحل بإذن الله ي حبوبه،قالت لي يتحل كيف مع الاولاد الما عاقلين ديل،امتثال قالت ليها ي خالتي انا كلمتك قبل كدة،قولته ليك سمير دة يتعامل معاهم براحه،يصاحب اولادو بدل م يكرهم فيهو،قالت ليها م بفهم دة ي بتي م بفهم زول اتجاهو واحد ،قالت لي ي بتي عليك الله اتكلمي مع احمد دة نحن م بسمع كلامنا كدة حاوليهو انتي يمكن يسمع،قولته ليها اقول ليهو شنو لكن،قالت لي اي شي خليهو يبطل البعمل فيهو دة اهديهو ي بتي،قولته ليها سمح،المساء كدة باب الاوضه كان فاتح وكريم كان واقف وبحاول يمشي على الباب والباب قريب من السلم يمكن يقع،جريت عليهو مسكتو جمب الباب شايفه سارة شايله صينيه اكل ماشه بيها على اوضههه احمد،قلته ليها مودياها لي احمد؟قالت لي اي،قلته ليها جيبيها ،شلتها منها ومسكتها كريم،دخلته لقيتو قاعد وبلعب في حاجه زي التلفزيون كدة،قولته ليهو قالو ليك اكل،قال لي م داير انا شيليهو،وشو كان مورم وعلامات الضرب في وشو زي الجروح،قولته ليهو سمح خليهو لمن تجوع اكل،قال لي شيليهو معاك قولته ليك م عايز م بتفهمي انتي؟ق
قلته ليهو اسمع تاكل او لا دي حاجه بتخصك،لكن وانت بتعمل كدة فكر في امك المسكينه دي ،اسي انت صحيت شوفته حالتها؟مشيت عليها شوفتها عامله كيف؟م خايفين عليها في يوم في نص نقاشاتكم دي تقع تموت وتريحكم؟صدقني م حتعرفو قيمتها الا بعد م تفقدوها،قال لي انتي جيتي قعدتي يوم واحد بس شوفتي خلقه ابوي ساي قولته طالعه مخليه البيت م بالك نحن العايشين معاهو سنين وصابرين؟قلته ليهو انا خليني على جنب م تربط مشكلتي بمشاكلكم،ابوكم انا م مجبورة عليهو لكن انتو مجبورين،خلي ابوك واي شي على جنب فكرو في امكم دي يااخي والله م صح البتعيشوها ليهو دة بجد اسي من الصباح رابطه راسها وقافله نفسها في اوضتها بس في الاخير انت حر💔طلعته خليتو،
اليوم التاني لقيتو قاعد وبتونس معاها عادي وتقريبا صالحها واعتذر ليها وكذااا،عدة يوم،يومين،وتلاته،بعدها انا واحمد بقينا شبه اصحاب،يعني هو تعاملو معي كويس،بقعد معي كتير لما يلقاني قاعدة براي،وبشيل كريم وبلعب معاهو احيانا في الحديقه تحت بشيل الكورة وبنزلو يلعب معاهو واحيانا بسوقو بحوم بيهو بالعربيه وكدة،احيانا انا بخاف عليهو لانو ثقتي في احمد م على قدر كدة لاني عارفاه بتعاطى وكذاا بس م بقدر اقول ليهو لا م تشيلو فهو بقى يتحسس من ردات فعلي احيانا بقول ليهو خليهو بتعبك ساي وكذاا،قال لي م تخافي لما يكون معي كريم م بعمل اي شي ولا بضرب اي شي ،خجلني فبقيت اخليهو يشيلو على الدوام،حتى كريم زاتو اتعلق بيهو وبقى كل م يشوفو يكون ملهوف عليهو وحتى بحاول ينطق اسمو😂عدت شهرين او شهر ونص تقريبا كنا مقفولين في البيت ونفس الروتين وكل شي، في يوم بعد م صلينا المغرب امتثال قالت لي في ملل وزهج حاصل صح؟قولته ليها يعني،قالت لي دقيقه ،طلعت تلفونها واتصلت تلفون وقالت"الوو،احمد وين انت؟ايوة قريب وين يعني؟طيب ي احمد ياخي زهجانين تعال طلعنا اي مكان،عشينا اي مكان بس انا وشهد وكريم ياخي شهد دي من جات م طلعت محبوسه عندها شهر ونص جوة البيت ،خلاص تمام طيب والله بتلقانا جمب الباب ،طيب طيب😻😻😻قفلت منو قالت لي يلا،قلته ليها وين؟قالت لي اقرب توب ليك خلينا نطلع احمد جاي يطلعنا نتعشى انا زاتي اديني توب من تيابك دي،قلته ليها م كان ليها داعي،قالو لي ي بت انتي عويرة قعاد البيت دة براهو بجيب اكتئاب،قولته ليها طيب،لبسنا تيابنا وشلنا كريم وطلعنل،منتظرين نص ساعه بعداك حا،قالت ليهو بالحاله قلته اللقاكم بره وانت متاخر ساعه،قال ليها الزحمه الزحمه ياخ،ركبنا العربيه قال لينا جيبو كيمو دة ادوني ليهو جاي،امتثال قالت ليهو اقعد قول لينا جيبو كيمو واقلب بينا العربيه،شال كريم ختاهو قدامو وقال بيهو كيمو ي كيمو ،كيمو دة بقى معلم في السواقه ياخ م بتخاف منو ولا شنو ي صحبى وإتحرك ،امتثال قالت ليهو مع كريم حتجيبو اجلنا،قال ليها م تخافي وبعدين حتى لو دايرة تتقلبجضوم كيمو دي براها بتوزن لينا العربيه وم بتخليها تتقلب وقعد يضحكك😂😂😂😂😂😂😂😂😂😂امتثال قالت لي وااااي ي شهد خلاص انتهى ليك من ولدك شيلي الفاتحه عليهو،ابتسمته ابتسامه خفيفه،قال ليها ماشه وين انتو اسي؟قالت ليهو اي مكان،قال ليها اي مكان وين بالزبط م ممكن تكونو طالعين وم محددين،قالت ليهو اي مكان بعمل بيتزا ظريفهه ي احمد ياخ،قال ليها معناها نمشي اوزون،يلا ي كيمو 1،2،3،لننطلق الى اوزون،فضلنا ماشين مساافه بعدها وقف العربيه قال لينا يلا،نزلنا،قال لينا ادخلو لاحقنكم بس نبركن العربيه،دخلنا امتثال قالت لي نقعد هنا،قعدنا ،شالت ورقه كدة قالت لي شوفي المنيو عشان نطلب،قولته ليها شنوو؟قالت لي شيلي الورقه دي طيب واختاري نطلب بيتزا بشنوو،طبعا شلته الورقه وبقيت اعاين في صور الاكل لانو اصلا الكلام المكتوب انا م حافهم فيهو شي،شويه كدة جا احمد شايل كريم،قعد وقعدو جمبو ،قال لينا ها طلبتو؟امتثال قالت ليهو لسه،قال ليها منتظرين شنو طيب؟قالت ليهو نطلب بيتزا بالفراخ؟قال ليها البتشوفو انتو انا م عندي مشكله،قالت لي شهد؟قولته ليها طيب،قالت ليهو لو سمحته،2بيتزا ،واحدة فراخ،والتانيه لحمهه عادي،قال ليها طيب،احمد قال ليها اطلبو عصير برضو،قالت لي شهد تشربي عصير شنو؟قولته ليها اي شي،قالت لي طيب اطلب ليك على زوقي،احمد قال ليها انا وكيمو عايزين عصير فراوله باللبن صح ي كيمو؟امتثال قالت ليهو فتر منك ياخ جضومو دي فترت والله ياخي خلي ليهو جضومو في حالهم😂😂😂😂😂قال ليها بالعكس بحب الحركه هو وم اجي عليهو يضحك عارفني بلعب ليهو بيهم،قالت ليهو بحب الكلب بحب خناقو😹😹😹😹😹💔جابو العصير،وشويه كدة جابو البيتزا وبدينا ناكل،فجأهه ونحن بناكل سمعنا صوت ضحكه بت،الضحكه كانت غريبه وم تمام،شويه كدة تاني اتكررت وكم مرة كمان،امتثال قالت لينا دي مالها،م ركزنا معاها كملنا اكل،تاني الضحكهه اتكررت وبصوت عااالي كمان المرة دي ،امتثال قالت كدة اوووڤر واتلفتت ،بعد مساافه قالت اجي،احمد كدة شوف كدة دة م اخوك البغباني؟احمد قال ليها احم احم م ترطزي،قالت ليهو والله دة صهيب،قال ليها امتثال فهمنا خلاص م تعايني ليهم،قالت ليهو شوفي مباري اشكال كيف،اتلفته عليهو،فجأهه اشوفو قاعد مع بت في المقاعد البتكون طويله ديك ومتلصق معاها ومقرب منها بطريقهه مقرفهه وبتكلم معاها في اضانها والبت منكشه شعرها ولابسه كيف كيف وبتضحكك كأنو م قاعدين في مكان عام،وكانهم م شايفين زول والناس كلها مركزة معاهم لانهم شاذين،اتلفته على احمد لقيتو بعاين لي،عملته روحي م مهتمه وتاني م اتلفته،امتثال قالت ليهو عليك الله شوف اخوك الما عاقل دة معقوله بس يااخي،معقولهه امو الليله دة كلو صاحيه تصلي وتدعي ليهو وشايله همو وهو شوف الاشكال المباريها ،احمد قال لينا مش خلصتو خلونا نرجع،قالت ليهو خليني انكلم معاهو،قال ليها عندك رقمو لو عايزاه اتصلي اتكلمي معاهو م تتكلمي معاهو في مكان عام،قالت ليهو حتى م براعي للذوق العام ولا لي اسم ابوهو ولا اي شي ،اسي كان قالو دة ولد سمير م شينه في حقو؟قال لينا يلا،طلعنا،قالت ليهو البيتزا السفري م شلتها،قال ليها بجيبها انا،مشى جابها ورجعنا ونحن بطنا طاامه بجد من الشفناهو،بالليل حوالي الساعه 12كدة باب غرفتي دق،اتخلعته طبعا فتحتو لقيتو احمد،قال لي م اكون صحيتك،قولته ليهو لا اساسا ي دوب نومته كريم،قال لي م تركزي مع الشوفتيهو قبيل ،صهيب اخوي دة اساسا كدة ،قولته ليهو هههه م اهتميت اساسا والله ولا فارق معي،قال لي بجد ي شهد م عايزك تفكري في الموضوع ولا تزعلي نفسك احتجتي اي حاجه انا هنا كلميني ،مستعد ابقى ليك بدل صهيب واي شي عايزاهو بس شاوري عليهو انتي وكريم هشيلكم جوة عيوني وكريم دة حيبقى بالنسبه لي زي ولدي واكتر...💔
#نتلاقى®