ذات انتفاضة

١٣

كنت بتكلم وانا برجف كلي ودموعي جاريه لمن بتنهد،قال لي ودة الأنا عايزة اسمعو انتي بكدة إختصرتي علي كل حاجهه،بقيت انا المخلوعه وبعاين ليهو وراجعه لورا،قال لي بكرة هخليهم يجهزو ليك غرفه تانيه حاليا خليك هنا وانا هنوم في اي غرفهه تانيه،قولته ليهو لا انا هنوم مع ولدي،قال لي غرفه ولدك ضيقهه خليك هنا لي بكرة ،ولو اي زول سألك عن سبب وجودك في غرفه براك قولي ليهم محتاجين وقت وطبعا دة رايك وإختيارك صح؟هزيت ليهو راسي بمعنى ايوة،،طلع وقفل الباب وراهو وانا لسسسسهه كنت خايفهه وبرجف وحاسه انو حيجي راجع مرة تانيهه وفضلته صاحيه لي ااخر الليل متحركه من الاوضه الانا فيها لي اوضه كريم،في النهايه غرفه كريم كان فيها حاجه زي البطانيه كدة مفرشنها في الأرض ،شلته ولدي وضميتو علي ورقدته معاهو في ابأرض وإتغطينا بالبتوب بتاعي اللابساهو،صحيت منهوزهه على صوت بقول لي شهههد،رفعته راسي لقيتها إمتثال،قالت لي بي خلعه بسم الله مالك نايمه هنا وبالصورة دي ي شهد؟قولته ليها ماف شي بس كريم امس بكى علشان كدة جيت نمته معاهو هنا،قالت لي م كدة لكن ي شهد بتبالغي لييييه ابنومه الكعبه دي كان تقولي لي صهيب يجيب ليك مفروش او اي حاجه او تنومي كريم معاكم في غرفتكم،قولته ليها م مشكله نمنا كويس هنا،قالت لي دة حمام كريم ممكن تستخدميهو انتي زاتك دقيقه اجيب ليك فرشه ومعجون وكذاا،مشت وجات راجعه لقت كريم بقى يبكى بقيت اسكت فيهو حلف كان يسكت وبقى يبكى بأعلى صوتو،قالت لي انتي اتسوكي وصلي وانا بسكتو،شالتو وطلعت بيهو برة ي دوب بقى يبكى كويس وبكاهو ملى البيت كلو،جيت نازله لقيت عمتي عواطف واقفه وبلعبو فيهو علشان يسكت وهو حالف م يسكت لمن وشو بقى احمر من البكى،قولته ليهم صباح الخير،عمتي عواطف قالت لي صباح النور كيف اصبحتي ي بتي؟قولته ليها الحمدلله،معليش صحاكم بصوتو الليله،قالت لي قمته مخلوعه قولته يكون وقع ولا شي اصلا هو بصحى ببكي كدة،قولته ليها لا والله ابدا م عارفه الليله مالو،شلتو قولته ليهو كريم يلا ها انا هنا بطل بكى،قالت لي كدة غيري ليهو وحمميهو يمكن متضايق او كذااا،قولته ليها طيب،شلتو دخلتو الحمام اول م رشيت فيهو المويه زاد في البكى حميتو وغيرته ليهو ليهو ملابسو ،جات إمتثال شايله ليهو لبن في كبايه وصحن بطاطس مقلي،قالت لي يمكن جعان اكليهو،اديتو اللبن شرب بسيط وحرد البابقي،البطاطس برضو نفس الشي،وكان زعلان زعل يقعد شويه يقوم يبكي،عمتي عواطف قالت لي الولد دة الا لو م كويس لو كويس م ببكي كدة دقيقه،مشت دقت الباب لي صهيب فتحت الغرفه لقتو ماف،قالت لي شهد صهيب طلع؟قولته ليها م عارفه والله،الشغاله معاهم قالت ليها صهيب نايم في غرفه ضيوف،قالت ليها بإستغراب غرفه الضيوف؟؟

مشت عليهو وفتحت الباب قالت ليهو صهيب،ي ولد ها،صهيب انا م بتكلم معاك،رفع راسو قال ليها اي ي امي،قالت ليهو المنومك هنا شنو ومخلي مرتك؟سكت،قالت ليهو قوم ارح ودي الولد دة المستشفى،قال ليها ولد منو ي امي؟قالت ليهو ود مرتك م...
قال ليها من امس انا م نمته بسببو الليل دة كلو يعزي قرفني حياتي م بودي اي شافع انا مالي مالو،قالت ليهو ي ولد قوم تقوم قيامتك كيف يعني م بتوديهو وانت سامع الولد يبكي من امس ؟قال ليها امي راجلك قال لي عرس البت وعرستها ليهو،جبتها رزعتها في البيت واتحملته المسؤليه،عايزين تحملوني مسؤليه شافعها كمان؟مالي بيها انا خلي راجلك يجي يوديهو القال لي اعملو عملتو لحدي هنا موضوعي معاهو اتحسم،قالت ليهو ي ولد م تبطل خيابهه،حترجل متين انت بس كدة وريني حترجل متين؟؟قال ليها لمن راجلك يموت ،يلا عليك الله م تصدعو بي من يومي مصدع وراسي حيتكسر اقفلي وراك الباب ي امي،جرت منو الملايه قالت ليهو قوم سرعهه ي امي تعالي اتكلمي لي مع ولد ولدك دة الشافع عيان وهو حالف كان ينقلع يوديهو المستشفى،حبوبتو جات قالت ليهو نايم النهار دة كلو والليل تبلع في مصايبك دي وراسك م فيك ،ي ولد انت بتعقل متين؟م قلنا ليك بطل البتعمل فيهو دة وشوف مستقبلك بعد كدة؟نزل من السرير دخل الحمام غسل وشو وراسو وطلع لبس ليهو فنيله وقال ليهم خلوها تلحقني في العربيه كدة مبسوطين صح؟طلع خلاهم،ونحن قاعدين تحت جا ماشي فينا إمتثال قالت ليهو صهيب صباح الخير،قال ليها صباح النور وكمل مشي،بعدو جات عمتي عواطف قالت لي شهد اللبسي امشي معاهو المستشفى شوفو الولد دة مالو،قولته ليها طيب،لبسته وطلعته لقيتو واقف ومشغل اغاني العربيه بأعلى صوت ركبنا إتحرك بأقصى قوى ليهو حتى قرب يشوت الباب لو م الحارس استعجل وفتحو،عاينتو ليهو بالمرايه عيونو حمراا،كريم مع الصوت العالي والسرعه الماشي بيها صهيب خاف وبقى مكنكش فيني وساكت ...

في البيت إمتثال وعمتي عواطف وحبوبه السرة قاعدين مع بعض،حبوبه قالت ليهم الولد دة من امبارح ببكي ريقو نشف،إمتثال قالت ليها مع الفتر م سمعتو،وعمتي عواطف قالت ليها غريبه ولا انا،فجأهه جا محمد نازل مكرفس وشو وزي البعمل مساج في راسو،امو قالت ليهو صباح الخير،قال ليها صباح النور،قالت ليهو باين عليك نيرفز الليله مالكك؟؟قال ليها م نمتهه ياخ م نمتهه وربي دة شنو الشافع التقول بالع ليهو رادي دة؟امو ضحكت قالت ليهو قل هو الله احد😹😹😹😹😹قال ليها معقوله ياخ ببكي طول الليل والصباح م سكتو،،قالت ليهو انتو م تقفلو في ابواب غرفكم،قال ليها ي امي انا جيت راجع من الدوام الساعه4صباحا،لقيت الشافع دة ببكي والغريبه امو معاهو ،جيت اشرب مويه واكل لي حاجه برضو لسسسه ببكي ،وترني وصدع بي ،امو قالت ليهو خلي اجهز ليك الشاي،قال ليها ماشي ابلع لي حبوب تخفف لي وجع الراس دة ياخ والله يعينا على الجانا غايتو ي امي ابوي دة م بجيب لينا غير المصايب،

وصلنا المستشفى نزل قال لي بي نهرة يلا،نزلته دخلنا المستشفى وقف في طربيزة كدة فيها ناس قاعدين مع المدخل حق المستشفى قال للمرة القاعدة لو سمحتي نحن عايزين ندخل الدكتور،قالت ليهو المريض منو؟قال ليها دة واشر على كريم،قالت ليهو دة منووو؟؟قال لي واقفه هناك مالك م تجي انتي،كل القاعدين بقو يعاينو لي بإستغراب،جيت وقفته قالت لي اسمو منوو؟قولته ليها كريم،قالت لي كريم منو الإسم ثلاثي،قولته ليها كريم سعد ،قالت لي ثلالثي،سكتته وبقيت اعاين ليها ولي صهيب،قال لي اسم جدو منو طيب؟قولته ليهو الطيب،قال لي طيب مالكك متبكمه انتي؟

كان بتكلم معي بإسلوب حتى القاعدين كانو كلهم بنات فبقومو بعاينو لبعض وبعاينو لينا،قالت ليهو 200جنيه ،قال ليها طيب بعد دفع قالت لينا انتظرو هناك لمن تسمعو الاسم ادخلو،قال ليها طيب،اتحركنا قال لي اقعدين هنا لما تسمعي الاسم ادخلي ،طلع تلفونو واتحرك من جمبي ومشى مسااافهه وبقى يتكلم بالتلفون وكأنو كان بتشاكل ملامح وشو كانت بتقول كدة،
شويه كدة اسم اسم كريم سعد الطيب،بقيت اتلفت،البت اشرت علي قالت لي مش ولدك اسمو كريم؟قولته ليها اي،قالت لي قومي خشششي هنا،شلته ولدي ودخلته الدكتور،

الدكتور قال لينا اتفضلو اقعدو،قعدته قال لي مشكلتو شنوو؟قولته ليهو م عارفه والله،قال لي طيب بشكي من شنوو؟قولته ليهو والله ي دكتور م عارفه،إبتسم إبتسامه خفيفه قال لي طيب ي ام منو؟قولته ليهو كريم،قال لي طيب ي ام كريم بتجيهو حمى؟قولته ليهو لا،قال لي لاحظتي تغيرات في اي حاجه بتخصو كدة ولا كدة؟قولته ليهو لا،قال لي في حرارة في الخشم ولا كدة؟قولته ليهو ولا اي شي،قال لي طيب مالو؟قولته ليهو ببكي بس،ضحك قال لي والبكى مرض يعني؟قولته ليهو جديد عليهو شان كدة ي دكتور زمان م كان ببكي كدة،قال لي اصلا اي طفل في عمر معين بتلقيهو بقى بكاي دي م حاجه تخوف،قام شالو مني وبقى يفحصو بالسماعه ،بعد مسافه قال لي م عليهو شي الولد دة كويس خالص البكى دة شي طبيعي وم حاجه يتخاف منها الا كان ازعجكم بس😂😂😂😂😂💔قولته ليهو لكن ي دكتور لما كنا في البلد م حصل بكى كدة اسي من امس يكورك للصباح،قال لي يعني كنتو في بلد ورحلتو هنا جداد ولا شنوو؟قولته ليهو ااااي ،قال لي تغير الجو والمكان بأثر على الحاله النفسيهه للطفل خليك منو هو انتي زاتك بتحسي بنفسك متنشنهه،قولته ليهو شنوو؟قال لي يعني متوترة والجو في البدايه م بعجبك محتاجين فترة حتى تتعودو،قولته ايوااا،قالت لي الحمدلله هو صحتو كويسه م محتاج اكتب ليهو فيتمينات او كدة،لكن كنصيحه جيبو ليهو سيريلاك إضافه لأكلو البياكلو،قولته ليهو طيب،قال لي اكتبها ليك في روشته عشان م تنسي اسمو،كتبها لي وطلعتهه والدكتور كان يلعب في كريم ويشاغل فيهو ساااي،لقيت صهيب مافي قعدته في المقاعد قريب نص ساعهه،فجأهه جا قال لي انتي خلصتي؟قولته ليهو اي،قال لي لمن خلصتي المقعدكك شنوو؟م عارفاني منتظرك برة؟؟قولته ليهو م لقيتك انا كنت منتظراك زاتي،قال لي يلا اطلعي قدامي،قال كدة بطريقهه قرف ومستفزة كدة،طلعته ركبنا العربيه م سالني مالو ولا الحاصل عليهو شنو ولا اي شي،اتحركنا وصلنا البيت ،حبوبه قالت لي الوليد قالو مالو ي بتي؟قولته ليها قالو م عليهو شي كويس،قالت لي يعني بكاهو دة كان زعل بس؟بقت تضحك وشالتو مني وبقت تقول ليهو اها ي ولدي انت م عجبك الوضع هنا؟اي شي غريب مش عشان كدة زعلتهه،جات إمتثال وعمتي عواطف الاتنين مع بعض قالو لي مالو الدكتور قال ليكم شنو؟قولته ليها كويس م عليهو شي قلهه ادب منو سااي،امتثال قالت لي كرر علي وااااااااافضيحتنا شكلنا م عجبنا كيمو ي جماعهه 😹😹😹💔حبوبهه قالت ليها خبررر الشووووم والله شكلنا م عجبناه جدجد،خالتو عواطف بقت تضحكك شالتو مني،جات إمتثال وبقت تلعب ليهو في جضومو وبتقول ليهو يخواتشي من حلات الجضووووووم تتاكل😻😻😻حبوبه قالت لي ي بتي اقعدي ولا امشي ارتاحي من امس م نومتي مع الولد وبكاهو،خالتو عواطف قالت لي اقعدي افطري بعدها اخدي ليك نومه بقى ليك ارهاق السفر وبكى الولد الإتنين،قولته ليهم م عايزة انا والله بس همشي انوم ،امتثال قالت لي خلاص تعالي خلي كيمو مع حبوبه وعواطف،قلته ليها لا بتعبهم ساااي،حبوبه قالت لي ي بتي بطلي عوارة نحن زي اهلو كان بتخافي عليهو مننا قولي،حسيت بالإحراج سكته قلته ليها طيب،مشيت مع إمتثال لغاايه م وصلنا غرفه كدة قالت لي دي غرفتك جهزتها ليك م عارفه الحاصل بينك وبين فادي شنو بس اسمعيها مني اخدي وقتك في التفكير على قدر م تقدري بس فكري صح في الأول والاخير الواقع بقول انو صهيب بعد كدة بقى راجلك وصهيب انا م بشكرو ليك م اكذب عليك بس لو بقيتي عاقله وواعيهه حتقدري تنتشليهو من الهو فيهو دة ،

سكته م رديت عليها ،قالت لي عن إذنك وطلعت،هي اساسا م عندها خلفيه من الانا عشتو وشوفتو في حياتي علشان كدة بتتكلم معي وبتلمح لي على اساس انو اعيش في واقع انو صهيب بقى راجلي وخلاص اتحمل مسؤليتو ومشاكلو وكل شي،بس الشي المؤسف انو انا المحتاجه زول يجي ينتشلني من الضياع والصراع النفسي العايشه فيهو دة💔💔

صهيب جا داخل البيت وبتكلم بالتلفون وبقول"طيب بس اتدوش كدة واجي عليك خليك جاهزة انتي ،ماشي ،م بتأخر والله كلها ربع ساعه بالكتير ،حبوبتو قالت ليهو اها صرفو ليهم دواء ولا شنو ي ولدي؟مشى م ردة ليها وهو مواصل في كلامو،قالت ليهو صهيب ي ولد انا م بتكلم معاك طرشتهه؟قال ليها نعم ي حبوبه،قالت ليهو الولد الدكتور م صرف ليكم ليهو دواء ولت اي حاجه؟قال ليها والله ي حبوبه انا م عارف اي شي،قولتو ودوهو المستشفى سوقتهم وصلتهم وجبتهم ليكم،قالت ليهو ي ولد انت دي شنو تصرفات الخيابه العندك دي؟كمل مشي وم ردة ليها،دخل الحمام إستحم وغير ملابس وجا طالع لقى إمتثال شايله صهيب وبتأكل فيهو،قالت ليهو اها على وين؟قال ليها جهنم ي خالتي جهنم،ضحكت قالت ليهو الله يسهل طريقكك ليهااا،،،حبوبه قالت ليها والله الولد دة حيرنا عدييييل ي بتي لا بسمع كلام ام ولا ابو ولا شغلتو بي شي،امتثال قالت ليها والله ي خالتي الله يديه العافيهه بس،

انا مع التعب م حسيت بي شي وكان الغرفه فيها برررد كدة غريب إتغطيت بالتوب ولسسه كنت برجف،وشالتني نووومهه لمن م حسيت بنفسي كأني شاربه شي،وم حسيت بالزمن حتى

صهيب في العربيه معاهو واحدة بقول ليها"كيف يعني م إشتقته ليك لو م إشتقته ليك حأتصل وحأجي اقابلك؟قالت ليهو م عارفه السبب شنو بس فجأهه اتغيرتهه ،قال ليها لين انا م اتغيرته وبعدين انتي بتحبي النكد كدة لييه؟مش متفقين نفطر مع بعض ولا حنفطر نكد؟ضحكت قالت ليهو طيب حنفطر وين؟قال ليها محل م تختاري ي ستي،قالت لييهو امممممم طيب اتحرك على طول اول استوب على يدك الشمال ادخل بيهو في محل بعمل شاورما وكريب ظريفين،قال ليها على طول بالشارع دة متأكدة ؟عشان انا عارف وصف البنات دايما عقولهم بالمقلوب،قعدت تضحكك قالت ليهو ي بيبي بالمناسبه اتحننت وين؟قال ليها عرستهه🌚قالت ليها ها ها ها واو دقيقه اصدقكك في زول بعرس من غير علم العروس😹😹😹قال ليها مش انا عملته كدة؟يبقى في،قالت ليهو خلاص يوم عرسنا انا كمان م هعزمكك😌قال ليها قصدك يوم عرسكك صح وقعد يضحكك😂ضربتو في كتفو قالت ليهو عرسنا ي حيوان ي غيااظ😑قال ليها غايتو انا عرسته كان بتقبلي تكوني التانيه م عندي مانع ابشري،قالت ليهو انا كلهم ي بيب عرستهه في عينك هموتكك طبعا يلا لف بجااي،مشو فطرو وقعدو اتونسو كداا بعدها قالت ليهو عايزة امشي المسبح،قال ليها اوصلك يعني؟قالت ليهو عربيتي م معي شالها شهاب هطلب ترحال لو مشغول،قال ليها ترحال شنو ي زوله وانا معاك يلا نمشي،ركبو العربيه فجأهه عاينت وراها وقالت ليهو بيبي الشبشب الورا دة حق منووو؟؟قال ليها وينو؟قالت ليهو داك،قال ليها اها داك مش انا قلته ليك عرستهه ي زولهه انتي لسسه م مصدقاني😂😂😂😂😂👊💔قالت ليهو صهيب بطل إستظراف ،قال ليها طيب قولتي لي المسبح بي وين؟قالت ليهو خليك ماشي على طول💜

طول اليوم انا كنت نايمهه صحيت على صوت كريم كان نايم جمبي وصحى،غيرته ليهو ملابسو وفضلنا قاعدين،باب الغرفه دق فتحتو لقيتها حبوبه قالت لي ي بتي معدتك دي بتطق من الجوع تعالي اكلي ليك حاجه عمك زاتو جا داير يسلم عليكم،قولته ليها م عايزة والله ي حبوبه،قالت لي ي بتي دة م كلام دة لكن الزول كان شويه بياكل وم تنسي انتي بترضعي يعني الولد دة زنبو شنوو؟؟طلعت مشت جابت لي اكل وقعدت تتونس معي لمن انتظرتني اكلته بعدها شالت الصينيه وطلعت،قعدته طول اليوم مقفوله حتى كلامي كان مع كريم ولدي ،وسرحاني مع سعد💔فكنت بقول لنفسي كنت وين وبقيت وين اسي💔العشاء اذن صليتو اثناء م انا بصلي جات إمتثال داخله لقت كريم يحبى حواليني ساااي ،بعد م خلصته قالت لي شهد الورقه دي لقيتها واقعه كتبها الدكتور لي كريم؟قولته ليها ااي نسيتها انا زاتي،قالت لي طيب ليييه م اتكلمتي عشان يجيبو ليهو المكتوب،قولته ليها طلعت مت بالي،قالت لي هو كات سيريلاك تقريبا ،السيريلاك دة وجبه اطفال دقيقه اتصل على صهيب يجيبو من الصيدليه وهو راجع،قولته ليها طيب،طلعت شالت تلفونها واتصلت" الووو ي صهيب وين انت؟قال ليها في الرياض مالكن في شنو متصلين علي بالليل دة؟قالت ليهو قبيل الدكتور كتب لي كريم علبهه سيريلاك اظن شهد م كلمتك ،قال ليها كان كلمتني م بجيبو يعني اسي انتي متصله علي عشان اجيب سيريلاك؟طيب م دايرين معاهو بامبرز بالمرة اجيبو معي؟انتو ي ناس جنيتو خلاص ؟خالتي م تتصلي علي تاني يلا وقفل الخط في وشها...

وانا قاعدة في غرفتي جات خالتي عواطف قالت لي ي شهد انزلي العشاء قولته ليها اكلته قبل شويه والله،قالت لي لا تنزلي تاكلي والله انتي م ضيفهه ي بتي وبعدين عمك ابو صهيب زاتو جا داير يسلم عليك ،قولته ليها طيب حاضر،لبسته توبي وشلته ولدي ونزلته،وانا نازله كنت سامعه اصواتهم بتونسو حتى واحد فيهم قال"اسي صهيب وين؟احمد قال ليهو ي ابوي صهيب دة في زول بسأل من مكانو كمان؟؟اكيد لافي في شارع من شوارع الخرطوم و...اول م قلته السلام عليكم سكتو،كان في احمد ومحمد وخالتو عواطف وحبوبه وإمتثال،فجأهه عيني وقعت على زول قاعد على مقعد الصفرة الرئيسي،وبقيت اعاين ليهو بإستغراب وخلعهه،وبقيت سامعه عمتي عواطف بتقول لي اقعدي ي بتي مالك واقفه بس من الصدمه سامعه الصوت بعيد وبالرغم من انو الجو بارد حسيت العرق نازل في جسمي زي المطر بقيت ضاغطهه على ولدي وانا من جواي بقول معقوله خالي التاج وعمي الطيب يعملو فيني كدة معقوله هنت عليك ي خالي،بعدها جاني صوت حبوبه وهي بتقول لي ي بتي اقعدي،وصوت إمتثال بتقول شهد شهد شهد...قولته ليهم انا ماشهه م قاعدة هنا وجريت بإتجاه الباب...💔

#نتلاقى®