قال لي شهد؟قولته ليهو ايوة منو؟قال لي معاك صهيب ،لما قال الإسم قلبي عمل شحح وسكتتهه حسيت الخوف اتملكني،قال لي كيفكك؟قولته ليهو الحمدلله بخير،قال لي مفروض كان اجي ونتعرف على بعض قبل كل شي وطبعا دة من خقنا بس كل شي حصل بسرعه حتى انا م كان عندي علم بي انو حيحصل عقد على طول كدة اسف جدا لانو م قدرته اجي بس إن شاءالله كلها فترة واجي اسوقگ بإذن الله ودة رقمي لو إحتجتي اي شي م عليك الا تتصلي علي ماشي؟؟🌸على طول شلته التلفون واديتو لي خالي التاج قولته ليهو هاك،قال لي خلصتي؟قولته ليهو ايوة💔خالي التاج قال ليهو الو،لالا عديلهه ابشر ي ولدي تسلم تسلم ياااخي💜
في الجانب التاني صهيب قال"
تخيل ي احمد بتكلم معاها ادت التلفون لي خالها؟دي شكلها صدقت نفسها بجد؟
احمد قال ليهو إلبس ي عم م قادر اتخيل صهيب ومع واحدة من القرى ،يعني اسي ي صهيب تخلي كل الجكس الطبي الحوالينك دة وتسمع لي كلام ابوي وتوافق وتعرس ليك واحدة من ااااطراف الريف انت م عارف ابوك دة مخرف؟قال ليك البلد حقتهم كان طارت حمامه ساااي بتقوم معاها كوتهه بتاعهه غباااار م شايف شكل ابوي وعرباتو لمن يجي منهم 😂😂😂😂😂 😂 😂😂😂😂😂💔
صهيب قال ليهو انت عوير يعني كان عرستها خلاص حياتي بكدة حتقيف؟انت بتقول من القرى يعني تتجدع في اقرب غرفه كانها م موجودة فهمتهه ي الجوكر؟وبعدين اقطع وشك دة مني وشوف لينا بتاع الدليفري دة مالو م جا جعانين ياخ كان عارف كان اكلته برة ،قال ليهو حبوبهه طبخت على فكرة،قال ليهو انا اكل حبوبه دة م بنفع معي ياخ💔قال ليهو ايوااا كدة مش والله الا افتنك معاها😹😹😹صهيب قال ليهو احمد عليك الله أختاني م عندي ليك اخلاق اناا،
الووو؟وين انتي ي زوله ،إتصلت بس تلفونك مقفول،وانا كمان مشتاق ليك حبيبي انتي كويسهه؟قلقتهه عليك قولته يمكن اخوك عمل فيك شي ،لا ي زوله عادي كسرة عربيه شنو كما البتخليني ابعد منك انتي هبلهه؟؟فداك العربيهه وكل شي💔طيب برجع ليك بعدين خلي بالك من نفسكك ماشي حبيبي ولو حصلت اي حاجه اتصلي علي💜
بعد فصل احمد قال ليهو مع الحنك الوسخان امس كسرو ليك عربيتكك مش 😹😹صهيب قال ليهو احمد بتاع زفت الدليفري دة لو م جا م اشوفك في غرفتي تاني يلا انقلع من قدامي،
بعد يومين حبوبه على طول حبستني وقعدتني في الدخان قالت لي امو ضربت قالت لي احبسوها لينا لانو بنجي نسوقها قريب ،طبعا قولته لي خالي التاج م عايزة مناسبه ولا عايزة اي شي ،وبقى برنامج كل عرسه الناس تجي وتتلمى ويعملو موضوع،عدت الأيام وكل يوم امو كانت بتتصل علي وبتتكلم معي واحيانا خالتو إمتثال يعني إهتمام كدة غريب حتى انا مستغربهه فيهم💔بعد شهر بالزبط إتصلو قالو هم جاين يسوقوني وكذاا،في فترة الشهر دي هم رسلو الشينه كلها وجابو معاها مهر100مليون،الناس كلها م مصدقه طبعا لدرجه انو في ناس قالو المعرسين عرسهه واحدة بس م جابو ليهم قدر دة لمن يجيبو للمعرسه3 دي كدة،هبهه قالت لي في ناس قالو كان م دايرين يفتحو دكان اصلو جايبين حجات قدر دي الله اكبر عليهم😹😹😹😹😹لكن النصيحهه خمج زي الخمج ماشاءالله ي شهد ،قولته ليها والله كان جابو مال قارون م فارق معي انا💔قالت لي شهد انتي دايما جاحدة للنعمه كدة مالك؟؟قولته ليها دي نعمة فكرك؟؟؟
في يوم جات عمتي فتحيهه قعدت تتكلم معي،قالت لي ي بتي اصلا الزواج دة قسمهه والحياة دي اصلا بتستمر يعني م بتقيف،وكريم دة اصلا بربى لو هنا لو هناك لكن انا خايفه يمشي هناك م يتعامل كويس واهل الرجال م مضمونين ودايما بكرهو اولاد المرة بالذات لما تكون جايباهم من راجل تاني خصوصا ناس الخرطوم ديل ي بتي اخلاقهم م زي اخلاقنا م بنعرف البحصل شنو هناك،وانتي زاتك يمكن مع إنشغالك مع الراجل وكدة تهملي شويه فيهو عشان كدة انا قلته احسن تخلي...قبل م تتم كلامها قولته ليها عمتي فتحيه انا السبب الأساسي الخلاني اوافق بالعرس دة شنوو؟مش عشان كريم؟والجبرني والأقنعني بيهو شنوو؟مش انتو القولتو لي عشان ولدك وعشان ولدك؟واسي بعد ضمنتوني وافقته واتدبسته عايزين تشيلو مني ولدي؟انا بدون ولدي خطوة م بخطيها،العملتو دة كلو عشانو م عشان نفسي،واذا عايزين تمسكو مني ولدي وتودوني براي طوالي بطلق وبقعد مع ولدي ولا اسفاا على العرس💔قالت لي لالا ي بتي م كدة م قاصدين الخراب نحن كمان،قولته ليها المهم دة راي ي عمتي فتحيه ولدي م بخليهو وراي ابدااا،قالت لي سمح ي بتي كلامك م كعب💜
بعد يومين بالزبط قالو اتحركو جاين علينا،ونحن قاعدين جاهزين وانا تقريبا دة كان اسوأ يوم بالنسبهه لي،كنت زهجاانهه وقاعدة على اعصابي،وبيتنا ملاان ناس داخلين ومارقين،قفلته على نفسي الأوضهه،واصلي م طلعته راقدة في سريري وانا من جواي بقول سعد لييه خليتني ي سعد ،ليييه ي ربنا اخدتو مني ،انا عملته شنو في حياتي دي لمن يحصل معي كل دة،،نمتته وانا بتكلم مع نفسي ،لما صحيت كان قريب للعصر كدة صحتني حبوبه قالت لي قومي بعد كدة اجهزي الناس ديل قالو دخلو الحلهه خلاص،اخواتك جهزو ليك ملابسك وبخروها ليك هاك ،قولته ليها طيب💜قمته على اقل من مهلتي لبسته الإسكيرت والكارينا،بعدها جات هبه وفاطمه سرحو لي شعري،قولته ليهم م عايزة مكياج،فاطمه قالت لي ها العويرة دي تطلعي ليهو بخلقتك دي والله كان م خلاك وراهو ومشى ،قولته ليها احسن زاتو م دايرة ياخ م تعملي لي،هبه قالت لي خلاص م بنكترو بسيط بس انتظري والله م بنكترو،سكته خليتهم مكيجوني بعدها قولته ليهم جيبو لي كريم،قالو لي معوحبوبتو في بيتها بهناك،قولته ليهم امشو جيبو لي ولدي قولته ليكم،فاطمه قالت لي روقي ها فايرة مالك انتي دي حبوبتو م زولا غريب💔قولته ليها هبه سامي مالو م جا؟قالت لي جا قاعد برة مع خالك التاج،قولته ليها ايوااا طيب💜،حبوبه جات قالت ليها فاطمه انتي الشنط جهزتيها؟قالت ليها اي ي حبوبه جهزتها،قالت ليها خلاص كويس ،والريحه انشاءالله ختيتي القطن بينها شان م تتكسر الفتايل،قالت ليها اي ي حبوبه سألتيني السؤال دة مليون مرة والله التقول ريحتك انتي😹😹😹💔حبوبه قالت ليها شوف البت القليله ادب دي عليك الله💔هبه قعدت تضحكك😹😹😹😹😹😹😹👊💔شويه كدة جات ايات ورقيه اختي جارين وبقولو جو العريس جا،فجأهه سمعنا صوت بوري شديييد وإستمرة فترة وبعدها اصوات زغاريد نسوان الحله،هبه وفاطمه الاتنين طلعو مع بعض وخلوني براي،شويه كدة بقى في صوت سلام بتاع رجال عالي وكدة وناس بتقول ابشر وكدة ،وصوت حبوبه وعمتي رحمع بقولو اتفضلو اتفضلو حبابكم نورتو اتفضلو،جاتني مريم جاريهه وتتنهد ،قولته ليها مالك ي بت جاريه كدة انتي مش حامل بتجري مالك؟قالت لي وبعليااااهه ي شهد م شوفتي م شوفتي،سماحه الجن فيهم تحلفي تقولي اسي دة طالعين من المصنع استغفر الله العظيم،الليله عاد الفاضل كان سمعني بقلع عيوني من حتتهم لكن عاد هي الحنه زاتها يحردوها ليهم والجلاليب دي تسوو كدي م عرفته اي واحد فيهم العريس انا زاتي،قولته ليها فعلا الفاضل كان سمعك بقلع عيونك من حتتهم ،قالت لي احيييييييينا اريتو الفاضل يموت ويحصل لي زي الحصل معاك دة،قولته ليها حسبي الله عليك تفي من خشمك ي متخلفهه،بعد نص ساعه كدة حبوبه جات قالت لي قومي ي شهد تعالي مكان الناس هناك يلا ي فاطمه وهبه تعالو سوقوها ودوها هناك،لبسوني الكعب العالي والتوب بتزلق وانا ماشه واتكعوج وهم ماسكني لغايه م وصلنا مكان الضيوف ،كانت خالتو إمتثال ومعاها نسوان اربعه،عرفتني عليهم قالت لي دي جارتنا إبتسام ودي عمه صهيب فلانه،وفلانه،وفلانه،سلمو علي وزغردو لي في راسي وقعدته ،شويه كدة خالي التاج جا قال السلام عليكم،قالو ليهو وعليكم السلام ،فجأهه قال ليهم معليش ي جماعه جبنا العريس عشان م شافو بعض وكدة ،إتفضل ي إبني ،انا قلبي بقى يضرب واعصابي تلفت،فجأهه سمعنا صوت بقول السلام عليكم،إمتثال قالت ليهو إتفضل ادخل ي صهيب عارفنك حتى نحن بتخجل مننا والله عششان كدة نحن بنطلع نخليكم مع بعض شويه كدة،،فجأهه اسمع صوتو وهو بقول لا ماف داعي وانا منزله راسي في الأرض وبقول ي رب لا م تطلعو ياخي م تخلوني براؤ😭،إمتثال قالت ليهو عارفنو م من قلبك م تمثل ساي يلا نحن برة ،خالي التاج ضحك قال ليهم طيب تعالو إتفضلو بي جاي،بعد م طلعو حصلت حاله من الصمت كدة وفجأهه حسيت بخطواتو وهو جاي علي وانا خلاص لمن نفسي ضااق،وفجأهه احس بيهو قاعد في الكرسي الجنبي،وبعد مساافه عمل حركه إحم إحم وقال لي كيفكك؟سكتتته مسافه بعدها قولته ليهو بصوت هزيييل الحمدلله،سكتتنا مسااافهه بعدها سمعته صوت كريم ببكى بأعلى صوتو وبصراخ وصوت ايات بتقول شههد،ي شههد كريم وقع ،مع كلامها دة خليت الشبش العالي في محلو وطلعته كاني جاريه بس لاقيتها شايلاهو وهو ببكي بكى مبالغ فيهو،قولته ليها وقع وييين كدة؟شلتو منها وبقيت اسكت فيهو،ومن هناك جات حبوبه وعمتي هويدة قالو ليها مالو،وخالو التاج جا برضو بسال ،وانا بهزز فيهو عشان يسكت،خالي التاج قال لي الطلعك شنو وحفيانه كمان؟قولته ليهو خالي م شايفو حالتو كيف وببكي كيف؟قال لي جيبيهو اسي بسكت ارجعي مكانك يلا سرعه ،قولته ليهو خالي،قال لي يلا ي شهد اسمعي الكلام،رجعته لقيتو واقف قال لي البيبي مالو خير إن شاءالله؟قولته ليهو البيبي دة شنووو؟قال لي قصدي الولد ببكي مالو؟قولته ليهو وقع،قال لي طيب استأذن انا،بعد قام طلع انا قلته الحمدلله وطلعتهه مشيت على اوضتي قولته ليهم جيبو لي ولدي،جابوهو لي وبقيت ماسكاهو واقول ليهو الرماك منوو حبيبي كررر علي ي ولدي ،ياخي بكى لمن عيونو إختفت ووشو حمرر وإتنفخ وهو بتنهد،اول مرة اشوفو ببكي بالطريقه دي انا زاتي خوفته عليهو لمن بكيت معاهو،جات عمتي هويدة لقتني ببكي قالت لي هي ي شهد انتي عويرة ولا شنو الببكيك شنو الولد وقع وقعه عاديه اجي؟زدته في البكى،نادت حبوبه قالت ليها تعالي شوفي بت بتك والبكى مع ولدها ي عمتي،حبوبه جات وبقت تتكلم معي قالت ليها البت دي جنت خلاص😹😹😹💔قريب للمغرب كدة جات حبوبه قالت لي قالو بعد كدة خلاص طالعين يلا اجهزي ولبسي ولدك دة،وانتو ي بنات خلن الونسه قومن لبسن ليها الولد دة ،لبسته وانا حاسه نفسي حيلي مهدود ومتضايقهه بطريقهه م تقدرو تتخيلوها لدرجه انو كنت حاسه حمووت من الخنقهه،جات عمتي رحمه قالت لت ليهو التاج تعال شيل الشنط ديل،جا شالهم وانا في اللحظه دي إتفقعتهه بكى ،وهبه ومريم وفاطمه كانو يحنسو فيني قالو لي في زول ماشي الخرطوم ببكي ها ابعويرة دي ،فاطمه قالت لي والله انا لو مكانك اخلي اي شي وراي حتى نعلاتي بخليهم😹💔مريم قالت ليها وبعدين شوفيها هي ماشه مع منو ي يمه راجل الهنا والسرور،هبه بقت تبكي معي قالت لي يعني تاني م حنشوفك قريب ي شهد ،وكان دايرين نشوفك الا نركب مواصلات بالساعات بعداك نصلك 😭😭😭كلام هبه زادني بكى، ومن هنا كلهم بقو يبكو،عماتي مريم وهو رحمه قالو ليهن بطلن عوارة بكرة كان دايرنها تجيكن اهل راجلها مروشين وعندهم الشي بطيارة بس لو في طريقهه بجيبوها بيها،حبوبه قالت لي قومي تعالي خالك داير يقرا ليكم يس في البرندة الناس ديل قالو مستعجلين،طلعوني ساقوني البرندة قعدته جا خالي التاج وصهيب قعدو وخاله صهيب وعماتو وبدو يقرو لينا في القرءان،بعدها جات حبوبه شايله صينيه كدة قالت ليهو معليش ي ولدي اخرناكم لكن دي عاداتنا ،قال ليها جدا ابشري ي حبوبه،قالت ليهو نزل طاقيتك دي اعمل ليك الضريرة دي في راسك،نزلها عملتها ليهو،وبعدها فتحت لي راسي انا عملت لي برضو وريحتو بالريحه وريحتني وبخرتنا بالكبريت، وبعد كدة قالت لينا يلا بعد كدة الله يعدلها عليكم ي اولادي ويسعدكم ويكتب ليكم الخير في بعض وي ولدي نحن م مدنك بت بس نحن مأمننك عليها وانت عارف يعني شنو امانه ي ولدي،قال ليها م تخافي عليها بتكم في الحفظ والصون بإذن الله،بعدها بقى يعطس،خالتو إمتثال قال ليها إتحسس من البخور لانو عندو الحساسيهه 😂💔حبوبه قالت ليهو هي ي ولدي اعفي لي حبوبتك م عارفه،قال ليها العفو ي حبوبه م مشكله،اخوانو المعاهو قعدو يضحكو عليهو ،جات لحظه الوداع ودي كانت اصعب لحظه ياخي انا في اللحظه بكيت بكى وهم كانو ببكو وخالي التاج بسكت فيهم وبهرش هو زاتو كان بحاول يتماسك بس لما جيت عليهو م قدر وبقى يبكي معي،قولته ليهو خالي عليك الله خلي بالك من نفسك ومن حبوبه😭😭م تخليها براها ولو حاصله عليها اي حاجه اضرب لي كلمني عليك الله ي خالي ضماني عليهو وبقى يبكي قال لي انتي بس خلي بالك من ولدك وبيتك وارفعي راسنا ونحن م بتجينا عوجهه💔جاني سامي وهو شايل كريم ويبكي هو زاتو ،قال لي ي شهد زي م قولته ليك قبل كدة كريم دة ولدي وانتي امانه ابوهو لي الله يرحمو تحت اي لحظه حصلت عليك او على كريم اي شي او احتجتو اي شي إتصلي علي ساعه واحدة بتلقيني معاك م تترددي نهائي كويس؟قولته ليهو طيب بس عليك الله ي سامي حاول حل مشاكلك مع عمي وارجع البيت عيش وسطهم اي نعم عمي تصرفو غلط واي شي بس في النهايه ابوك وماف زول بقاطع ابوهو صدقني بكرة لو لا قدر الله وفقدتو ي دوبك حتحس بي وجع فراقو علشان كدة عليك الله ي سامي م تعاند،قال لي إن شاءالله أمسكي عايز يشيلني كريم جات عمتي فتحيه شالتو مني وضمتو قالت ليهو حيييييي ي قطعه من قلبي انت الوحيد الفضلته لي من ريحه المرحوم واسي إتأخدتهه مني تاني اقول شنو انا😭💔جا عمي الطيب مسكها وشالو منها وبقى يبوس فيهو قال ليها بكرة ببقى راجل وبجيك راجع ها مرة ها مش ي حبيب جدو ولا م كدة؟عمي الطيب زاتو كان بتكلم وصوتو مبحوح وعيونو حمرر كانو كان ببكي،💔خالي التاج قال ليهم يلا ي جماعه خلوهم يمشو بعد كدة ،مشيت لي حبوبه مسكتها قولته ليها حبوبه انا مدايرة امشي والله م دايرة المشيهه😭😭قالت لي ي بتي تسوي شنو دة حال الدنيا كدة،جا خالي التاج فكاني منها وساقني ركبني العربيه وجاب كريم شيلني ليهو وقال لي صهيب يلا ي ولدي بعد كدة امشو الله يعدلها عليكم طريقكم اخضر إنشاءالله،إمتثال قالت ليهم يلا ي جماعه شكرا ليكم بالجد م شوفنا ناس بكرمكم واخلاقكم وم تخافو عليها بتكم في امن وامان إن شاءالله يلا ي خالتي مع السلامه،يلا احمد افتح باب العربيه....
اثناء م هم بودعو فيهم صهيب اتحرك بالعربيه وانا اللحظهه دي حاضنه كريم وإتفقعته بكى ،وكريم زاتو لما شافني ببكي كدة بقى يبكى وانا بعاين للحله كلها وهي واقفه وبتعاين لينا وشويه شويه بقينا نبعد لغاايه م إختفينا وهو كان ماشي بسرعه غريبه لمن ضربات قلبي بقت تتطاقش من الخوف،وكريم بعد مساافهة بسيطه بس نام ،وصلنا الزلط جاتو مكالمه ردة وقال"ي احمد الشبكه هنا كعبه وين انتو؟شايفني يعني؟طيب تمام نتلاقى قدام،فصل وبقى ماشي اظن بأقصى سرعه وهو مظلل القزاز والعربيه كلها سودة،وصلنا مكان مرور كدة طلع حاجه رفعها فوق العربيه بقت عامله صوت زي صوت النجدة،اول م وصلناهم فتحو لينا الشارع وخلونا عدينا عادي،فضلنا ماشين لساعات وانا شبه نمتهه،حوالي الساعه 12بالليل كدة صحيت على صوت بوري شديد فتحته عيوني لقيت هو واقف قدام بوابهه كبيرة كدة وبضرب في البوري فجأهه زول فتح ليهو الباب،اول م دخل قال ليهو وين كنت ساعه حتى تجي تفتح الباب؟قال ليهو معليش ي سعادتك،دخل العربيه ومشى مسااافه طويله بعدها وقف نزل وفتح لي الباب قال لي يلا،انا كنت شايله كريم وم قادرة انزل،شالو مني قال لي يلا،نزلته ،اداني ليهو وقفل الباب،كان في رجال لابسين لبس اسود حايمين في بيتهم،قال لواحد منهم هاك ياا عليك الله العربيه دي بكرة دايرها مغسلهه تمام؟قال ليهو تمام،
وصلنا جمب باب كدة خته يدو في حاجه كدة في زاويه الباب،فجأهه الباب فتح
،انا بقيت اعاين ليهو بس،دخلته وراهو من الخلعه بقيت ضاغطه على كريم ولدي بس ،البيت عباره عن قزاز ومرايات وحجات تلمح حتى الارض الأنا ماشه عليها حسيتها قزاز وطبعا بعد م دخلته وحسيت بحاجه بااردة في الارض حتى إتزكرته انو انا نسيت شبشبي في العربيهه😭💔قال لي ناس امي حيكونو نامو لكن...قبل م يتم كلامو نسمع صوت زول بقول صهيب،
قال ليها اي حبوبه كيفك،قالت ليهو جيتو ي ولدي،قال ليها اي دي دخلتنا إفتكرتكم نمتو طبعا،قالت ليهو بري م نمنا امك دي اسي كانت في المطبخ بتجهز ليكم في العشاء مع سدن وانا كنت بصلى ،قال ليها ايواا تعالي ي حبوبه،قالت ليهو العروس وينها؟قال ليها ياها ي حبوبه جات قالت ليها اهلا اهلا ي بتي حبابك مسكتني بالأحضان وبقت تقول لي نورتي اسرتنا ي بتي كيفك واهلك كيفهم،قولته ليها كويسين الحمدلله انتي كيف صحتك؟قالت لي الحمدلله ي بتي في نعمه،انت ي ولد م تشيل منها الولد دة مشيلها ليهو كدة،فجاه نسمع صوت بقول وصلتو؟اهبا وسهلا ي اخوانا اتأخرتو صهيب كيفكك؟قال ليها الحمدلله ي امي وانتي؟قالت ليهو نحن قلنا الا كان بايتين ،جات حضنتني وقالت لي شهودة عروستنا كيفك ي بتي ان شاءالله كويسه حضنتني وباستني وشالت مني كريم قالت لي وحبيبي ي ناس فتر من الشيل والسفره الطويله،قولته ليها فعلا،قالت لي إتفضلو ي بتي مالك واقفه البيت بيتك بتخجلي ولا شنو؟حبوبه قالت ليها ماف اي خجل البيت بيتها بعد كدة تخجل ليشنو ي بتي؟سوقيها ي بتي وديها غرفتهم خليها ترتاح وتروق بعدين ينزلو يتعشو،قالت ليها سمح يمهه،قالت لي تعالي،ساقتني مشينا معاها قالت لي إتفضلو دي غرفتكم انتو وصهيب إن شاءالله الدار عامرة بيكم ي رب💜قولته ليها إن شاءالله،قالت لي الغرفه الجمبكم دي على طول غرفه كيمو حبيبنا تعالي،فتحتها لي وولعت النور م بتقدرو تتخيلو الغرفه معموله كيف،كانت عليها كميه من الالعاب والشكل والتصميم زاتو م بتوصف بقيت واقفه ومستغربه،حاجه زي دي انا في الاحلام م بشوفها،قالت لي الدولاب دة فيهو كل مستلزماتو الممكن يحتاجها م عارفين مقاساتو بالزبط لكن تقديريا كدة جبنا ليهو الحجات دي ف إن شاءالله نكون اتوفقنا نوميهو هنا مريح وافضل ليهو،بعد مساافه قولته ليها لكن كريم بقوم بالليل ببكي احيانا،قالت لي لو بكى خلي الباب فاتح،قولته ليها طيب،مشيت رقدتو في السرير ونحن طالعين طفت النور،وفجأهه الغرفه كان في اضواء زي النجف بتولع وتطفي خفته في البدايه واترددته هي حست بي قالت لي م تخافي م حيتخلع هههههه إتفضلي ادخلي غرفتك غيري ملابسك،ولا اهااا نسيت صهيب م نزل الشنط صح؟طيب دقيقه انتظري هنا انا هخليهو يجيبهم ليك طيب؟قولته ليهو طيب،نزلت خلتني واقفه في الغرفه واتلفت يمين ولا شمال ،مستغربه طبعا دي غرفه ولا شنو قدر دة،ياخي قدر برندة الضيوف حقتنا الفي البلد وعلى اكبر كمان ومفروشه فرش ومصممه تصميم يخلع،وانا بتلفت فجأهه اسمع حركهه اتلفته لقيتو صهيب جا داخل وشايل الشنط،خته الشنطه قال لي لو حابه تغيري دة الحمام بعدين واشر لي عليهو،قولته ليهو طيب،فتحته الشنطه شلته ملابسي وطلعته لي توب هزاز جديد علشان البسو في البيت وكدة،فتحته الحمام،الحمام دة كان قصتو براهو كمان،ياخي انا بقيت اتلفت محل م اتلفت اشوف وشي،كانو ماف زول بدخل فيهو الحمام يلمع من اي اتجاه،بقيت اقول لنفسي معقوله في ناس حقيقين عايشين في بيوت زي دي؟ للحظه وقفته قولته دة بستخدموهو كيف،بس اتزكرته كلام عباس راجلي الاول لما مشينا شهر العسل وسالتو ،دخلته إستحميت وطلعته،لما طلعته فجأهه الباب دف ،بقيت واقفه فجأهه جات ام صعيب داخله قالت لي انزلي العشاء ي بتي،قولته ليها انا شبعانه والله،قالت لي لا والله تنزلي تتعشي معقوله جاين كل الساعات دي م تجوعي ،انزلي اكلي ليك شويه ان شااءالله م تكسري بخاطري يلا ي بتي الله يرضى عليك،نزلته معاها وصلنا محل كدة م بتتخيلو الصفرة كانت قدر شنو وكميه الاكل الفيها ياكل ناس حلتنا كلهم،قالت لي يلا تعالي،حبوبه قالت لي إتفضلي ي بتي،سارة نادي على الجماعه الفوق ديل جو فترانين لكن ينزلو يتعشو بس،حبوبه قالت لي سمي ي بتي،قولته ليها لالا خليهم يجو ،قعدنا شويه كدة جا صهيب،بعدها جو اولاد إتنين نازلين ومعاهم خالتهم إمتثال،واحد من الاولاد قال ليها والله ي امي جعان جوع،التاني قال ليهو مسافه بعيدة ياخ وعماتي العوارض ديل قالو الا يوصلوهم بيوتهم بالليل دة اي واحدة شابكاني عيالي عيالي،حيرونا زاتو،إمتثال قعدت تضحك،حبوبه قالت ليهو عارض ينطحكك ي قليل الادب،قال ليها هي حبوبه ياخ دينااك م شوفتك معليش ي حبوبه،قعدو يضحكو،قالت ليهم يلا اكلو البت المسكينه دي مصارينها اتفرمت من الجوع ،انا اكل شنو ولا اكل شنو م كنت عارفه،قداني كان في صحن حاجه زي صفق الشجر ملفوفه المهم دي كانت اقرب حاجه لي بديت بيها واكلته فيها،بعدها جات ام صهيب ختت قدامي صحن ومن كل صنف ختت لي حاجه،م كنت عارفه القصه كدة انا غايتو حسيت بالاحراج ،😂😂😂😂😂💔اكلته بسيط وقمته،بقو يحلفوني قولته ليهم لا والله شبعتهه،قام واحد من الاولاد قال لي صهيب شنو ي صهيب ياخ م تحنس العروس عشان تاكل وبقى يتبسم ويضحك تحت تحت ،قولته ليهم عن إذنكم وتصبحو على الخير ي جماعه،حبوبه قالت لي امشي نومي ي بتي معاكم فتر السفر،الباقي قالو لي تلاقي الخير،بعد اتحركته منهم وبديت اطلع السلم سمعته ام صصهيب بتقول"احمد بطل بياخه الله يهديك،صهيب قال ليها لا خليهو يتمادى كويس،احمد قال ليهو اها لقيتها كيف ريحتها غنم غنم وبيس بهايم وخرفان خرفان صح إعترف قول الوضع م عاجبك وكمان عندها شافع ودي اكتر حاجه انت بتشمئز منها غايتو اتورطتهه ي صحبي😹😹😹😹😹💔امو قالت ليهو بنهرة ي ولد،قال ليها بهظر ي امي بهظر😹🌚👊💔وصلته الأوضهه وانا شبه متضايقه من السمعتوبس تاني قولته لنفسي ماف حاجه تخليك تضايقي ي شهد م قال حاجه غلط هو اي زول نظرتو للناس البتجي من الريف عندهم بتكون كدة💔شويه كدة الباب فتح صهيب جا داخل،اول م شوفتو نزلته من السرير ووقفته على حيلي،لما شافني وقفته قال لي عايزة حاجه؟هزيت ليهو راسي بمعنى لا،جا ماشي بإتجاهي وانا مشبكه يدي و ضاغطه على صوابعي،لما حسيتو حيقرب اكتر رجعته لورا بس برضو هو م فهم رجعتي لورا دي وقرب اكتر لغايه م لصق رجولو برجولي وبقى يعاين لي من فوق لتحت وهو ساكت،وانا قربو مني دة زكرتي بسعد بس وبقت صورتو في وشي بس😭😭😭😭😭💔صهيب كان بمشي يدو في خدي وهو سرحان وشكلو حيتمادى ،لما قرب اكتر لدرجه انو حسيت بخشونهه لحيتو في وشي وعطرو كان كأنو مبخوخ في انفي و كان حيبوسني للحظه خلاااص كان على وشكك،بس لزيتو مني وانا مخلوعه ونفسي قايم،هو بقى يعاين لي بخلعه زاتو،قلته ليهو م تقرب مني وم تهبشني تاني انا اصلا م جاهزة ولا موافقه على العرس دة بس اهلي هم الضغطو علي شان اوافق عليك فهمتهه؟؟كنت بتكلم وانا برجف كلي ودموعي جاريه لمن بتنهد،قال لي ودة الأنا عايزة اسمعو انتي بكدة إختصرتي علي كل حاجهه...💜
#كسرهه
ي جماعهه للمعلوميهه كدهه انا يوم يكون في موكب بختار الموكب وبكسر حنك القصهه فشنوو الناس م تتضايق يوم تكون الحصعه وطن ومعليش سمح؟😹😹😹😹💔
#نتلاقى®