قولته ليهو خالي التاج فكني ديل يتمو ولدي قبل م يجي على الدنيا دي حتى حسبي الله عليكم،كانت في حاله بتاعه صمت وذهوول كدة حاصله،خالي التاج ساقني دخلني جوة وبقى يقول لي م بتسمعي كلامي انا انتي؟قلته ليك اسكتي هسسس يلا،قلته ليهو خالي وبقيت ابكي،قال لي عارف انا وبعرف اتصرف معاهم كيف خليك هاديهه رايقهه انتي💜ي فاطمه وهبه م تخلوها تطلع من هنا💔هبه قالت ليهو والله نحن زاتنا غفلتنا بس،
طلع مشى عليهم،لقى عمي الطيب قال ليهم معليش ي اخوانا دي طبعا مرت المرحوم ولدي وحالتها الصحيهه متدهورة شويه،في راجل قال ليهو م مشكله ي اخوي عادي ياخ اصلا الفترة الأولى دي بتكون صعبه شويهه والفقد م ساهل،سامي قال ليهم اسي انا م فهمته انتو جاين تساومونا على دم اخونا ولا شنو بالزبط؟م فهمنا سبب الزيارة دي شنو،وجايننا بعد شهر من موتو،يعني في البدايه بالنسبه ليكم المات دة خروف،واسي بعد القضيه اترفعت عرفتوه بني ادم وعندو حقوق صح؟
واحد منهم قال ليهو يشهد الله ي ولدي انا لو م القضيه دي إترفعت زول كلمني ماف وحتى عاتبتهم لانو شركتنا دي م حصل إتختت في الموقف دة،والياتنا دي طبيعي في حاله فحص ومراجعه لكن السنه دي الإهمال كان من المسؤل منها ،سامي قال ليهو اسمع كلامي دة عمالك كانو عارفين انو الأله دي فراملها عطلانهه بدليل انهم قالوها لي انا وسعد
واحد منهم قال ليهو سمح طالما قالو ليكم الكلام دة مش المفروض تعملو حسابكم؟
خالي التاج قال ليهو اسمع يعملو حسابهم في حواشتهم؟لييييه؟لمعلوميتك الأله بتاعتكم هي الدخلت في الخواشه لغاايه م وصلت مكان م راقد.سعد وطلعت فيهو،على الاقل العمال كان يكوركو عليهو ينبهوهو،اسي انت جاي تلومهم هم؟
واحد قال ليهو التاج التاج م عهدناك هكذا ياخ كم وكم مرة اتعاملنا مع الوالد الله يرحمهه معامله شخصيه وبينا ملح وملاح،قال ليهو فعلا بينا ملح وملاح لكن بعد الحصل دة بقى بينا دم ،المات دة ولدنا ومننا وفينا ،
واحد قال ليهو ونحن عشان عارفين الدم دة حار جينا نقعد معاكم ونشوف الحاصل شنو ونستجيب لمطالبكم،
خالي التاج قال ليهو ي حاج اسمك منو انت؟قال ليهو سمير،قال ليهو شوف ي حاج سمير لنفترض انك عوضتهه اهلو بالقروش ولبيت ليهم طلباتهم بتقدر تعوض بت اختي دي بشنو؟قروش؟عندها قروش حدادة ومدادة الحمدلله لا ابوها لا جدها م ظلموها في الدنيا دي،جناها الإتيتم قبل م يجي للدنيا دي بتقدر تعوضو بشنوو؟برضو قروش مش؟
عشان كدة انا قلته ليك نحن م رافعين عليكم قضيه شان القروش ابدااا 💔والقصه دي حتتكرر مرهه و2و3،كل م يحصل حادث مشابه حتجو تغطو على العمله بقروشكم ،عشان كدة القانون ياخ مجراه بس واليحصل يحصل،
سامي قال ليهو دة كلامي انا زاتي م عايزين اي تسويه معاكم✋
عمي الطيب قال ليهم ي اولادي م كدة اهدو،
سامي قال ليهو نهدأ شنو ي ابوي دة م موضوع بستحمل الهداوة،الراجل الاسمو سمير قال ليهم بتفق مع حاج احمد الهداوة بتحل اي شي وي جماعه نحن جاين نتناقش يعني وجهات نظر نتبادلها ونشوف الحاصل شنو،الظاهر انو انتو احصابكم لسسسه بايظهه عشان كدة نحن نمشي ولينا قعدة تانيهه إن شاءالله💜
سامي قال ليهو في قاعه المحكمه لينا قعدات م قعدة واحدة إن شاءالله ي حاج،
ودعوهم وهم طالعين حاج سمير سلم على عمي الطيب وقال ليهو الشباب متحامقين شويه لينا قعدة انا وانت نتشاور ونتكلم كلام عقل برانا ونشوف الحاصل شنو بإذن الله💜عمي الطيب قال ليهو عدييييلهه ي اخوي💜
بعد م ركبو عرباتهم حاج سمير قال للمعاهو في العربيه الجماعه ديل لو م إقتنعو نحن شركتنا دي حتضيع،واحد منهم قال ليهو الابو راخي شويه لكن الولد والتاج ود حاج احمد متشددين شويه هم راس الهوس،حاج سمير قال ليهم نركز اول علىى حاج الطيب لو أقنعناهو الباقي بنقدر نتصرف معاهم💜
عمي الطيب في البيت قال ليهم ي اولادي كلنا وجعتنا واحدة لكن نحن بنتمهل في الكلام وردات الفعل نشوف الزول دة داير شنو للأخييير,سامي قال ليهو ابوووووي م بنتهمل كونو جو وقعدنا معاهم اصلا دة غلط مننا ،هم عارفين المحكمه والخسارة الحيعانوها لو القضيهه دي إستمرت شان كدة خايفين وبتكبكبو فينا،خالي التاج قال ليهو ايواااا دة الحاصل وعشان كدة م ظهرو ولا قالو لينا صرفا ولا عدلا الا بعد م عرفو بالقضيه وردة فعل المزارعيهه جو جارين بي رئيسهم،سامي قال ليهو م بنعرف ليهم اااي تفاوض نهائي 💔
كنت في بيتي معي اخواتي راقدة ومتجهه على الحيطه وماسكه بطني وسرحانه وببكي وبتخيل لو سعد كان عايش وعرف إني حامل كنت بتخيل ردات فعلو وكميه السعادة الهتكون جواهو وبتطلع على شكل حنيه وإهتمام وحيزيدني صاعات من إهتمامو بي ،وكميه الحماس الحتكون جواهو وهو منتظرني اولد،وانا سرحانهه وبتخيل عقلي مشى ليييي يوم ولادتي وكميه الرهبه الكانت جواي والحاله الكان فيهاهو ملخبطهه م بين مبسوط وخايف وحاله التوتر الحيكون عليها لغاايه م ولدتهه حوالفرحهه الدخلت فيهو ،فجأهه بقيت ابكي بحرقهه وشلتهه الليل داك كلو بكى،
بعد سعد حياتي حسيتها وقفت م قادره اخطي خطوة علشان اتجاوزو،كل الوقت في مخيلتي،حتى لما ابتسم الإبتسامة دي بتكون بسبب موقف عشتو معاهو وإتزكرتو فجأهه،قدر م اهلي والحوالي حاولو يلهوني م كنت بقدر وم كنت عايزة احاول اساسااااا ،هو يمكن مات بس جوااي م مات ،جواي كنت عايشهه معاهو حياة كامله بكل تفاصيلهاااا😭💔
بعد اسبوع من الكلام دة في يوم جمعهه حصل نقاش بين سامي وعمي واصواتهم كانت عاليهه وعمي الطيب بقى يكورك فيهو ويقول ليهو المات دة ولدي انا قبل م يكون اخوك انت،انا الولدتو وانا الربيتو وتعبته فيهو يعني الوجعه الاتوجعتها انا انت م بتلحقني فيها وانا حر اطالب بحق ولدي في المحكمه او غيرو انت م تدخل✋سامي قال اغروك بالقروش مش ي ابوي؟اشترو منك دم ولدك وضميرك مش ابوي؟سكتوك بمساوماتهم مش ي ابوي؟فجأهه عمي الطيب ضرب سامي كف وعمتي فتحيه جات جاريه تكورك ووقفت في النص ومسكت سامي وقالت ليهو سااامي عييييب ي ولدي عيييييب ،من متين بتعلي صوتك على ابوك كدة ؟من متين بترفع صوتك على ابوك ي سااامي وبتطاول عليهو؟
فچأهه علي اخوهم جا داخل شايل اكياس لقى الجوطه ،
سامي قال ليها من يوم م فات باع دم اخونا بالرخيص واخد مقابلو قروش،من يوم م مشى خته يدو في يد الكتلو اخوي وباع دمووخلاهو يروح هدر ي امي ،من لحظه م مشى اتنازل عن القضيهه وقفلها من غيرم يشاورنا وياخد راينا حتى،
معقوله سعددة كان عندكم رخيص كدة؟م وجعتكم الطريقه المات بيها؟؟
علي قال ليهو انت مالك ي زول؟في النهايه الراي راي ابوي مش هو الجابو على الدنيا دي؟بنقدر نحن على جرجرة المحاكم دي؟بتقدر تدفع اتعاب محامي انت ولا ساااي،
سامي قال ليهو قلته كدة ي علي؟حليلو الكان يستخسر في نفسو العراقي عشان يقصو ليك انت،
علي قال ليهو م ناكرو ليهو انا وانت م عندك حق تحاسب ابوي على اي شي يعملو ابوي عندو عقل وبفكر وبعرف الصاح من الغلط
عمي الطيب قال ليهو م تكتر معاهو ي علي،الولد ودلدي والدم دمي والماعاجبو يقع البحر م بتحاسبني انت ولا غيرك
سامي قال ليهو وانا ي ابوي البيت البستبيح دم اخوي دة م بلزمني وإن شاءالله القروش الادوك ليها دي تسسد ليك فرقه ولدك،باكر لما الدنيا تغدر بيك م بترفع القروش برفعوك اولادك ي ابوي،وكان كل الابهات بولدو شان يساومو على دم اولادهم إن شاءالله كل الحريم عقر،و علي قلته لي نجيب قروش من وين للمحامي؟زي م بندق طوريتنا دي شان ناكل كان تقول لي ندقها شان نجيب بيها حق اخونااا✊
هبهه يلا سرعه لمي لي ملابسك واطلعي لي في الشارع،
عمتي فتحيه قالت ليهو هي ي ولدي اهدا كدة وإتمهل كل شي بتحل بالمهلهه،
قال ليها اي شي بتحل بالمهله ؟انت برضو واقفه مع راجلك وولدك مش ي امي؟يلا ابشري وحلال عليكم الأدوكم ليهو عساهو يغنيكم عن سعد ولا كلمه بعد كدة خلاص✋
امو قالت"ي حاج الطيب م تشوف ولدك اتكلم معاهو م تخليهو يفوت"
حاج الطيب قال ليها يطلع طوالي الباب يفوت جمل وتاني رجلو دي كان حتاها هنا بكسرها ليهو من حدها بلا وسخ بلا قله ادب داير يعلمني انا اتصرف كيف ويفرض رايو كمان؟سمح نشوف قله الادب دي حدها وين...
سامي قال يلا ي هبهه!!على الصوت دة جيت طالعه قلته ليهم في شنو؟مع جيتي هبه جات كاره الشنطه ووقفت،قولته ليهم في شنو ي اخوانا مالكم كدة قولو بسم الله ،سامي مالك؟قال لي اسألي ابوي،اشرح ليها ي ابوي،قوليها انك مشيت ساومته على دم سعد وشطبته قضيتو،عمي الطيب عايز يضرب سامي تاني علي مسكو قال ليهو دة وسسسخ دة ي ابوي م تمد يدك عليهو،
سامي قال ليهو انا وسخ؟
هبهه يلا قدامي قلته ليك،هبه قالت ليهو هي ي سامي م كدة لكن ي اخوي،
قال ليها هبه يمين بالله ارمي عليك طلاق تلاتهه لو م مشيتي قدامي،قالت ليهو سمح ارح ،قال لي شهد لو سمعتي كلامي وعندك ذرة وجعه جواك لي سعد امشي بيت اهلك انا م اتقعد لي كيفن يتقعد ليك انتي والناس ديل باعو دم ابو ولدك بالبارد كدة،وان احتجتي اي شي تعالي لي انا رقبتي سدادة وولد اخوي دة كان جا على الدنيا دي انا ببقى ليهو ابو واي شي في الدنيا اصلا م تشيلي هم بس اوعى تمدي يدك على قروش دم سعد اوعى ي شهد،
بقيت مصدومه وبعاين في عمي وعلي ،وسعد وهبه وهم طالعين،م قادرة استوعب كلام سعد،اخر شي اتوقعتو عمي يعمل كدة،وانا شايفه هبه وسامي ماشين وم قدرته اوقفه وعمتي فتحيه جاريه وراهم وتحلف في سامي م يطلع
بعد م مشو عمتي فتحيه بقت تكورك وتبكي جو ناس بيتنا ،حبوبه وعماتي،عرفو الحصل حبوبه اتكلمت مع عمي الطيب،قالت ليهو المشاكل م بحلوها كدة ي اخوي انت فقدته جنى تجي تفقد التاني؟راجع نفسك ي اخوي ،،لما شافتني تعبانه جاتني قالت لي قومي ارح معي البيت هناك انا بقدر اخلي بالي منك كويس،قولته ليها لالا م ماشه،قالت لي ي بت دي المرة الككم اقول ليك ارح معي تقولي م ماشه؟هنا كان حصلت عليك اي حاجه انا بكون بعيدة،كان احتجتي مويه ساي البجيبها ليك منو؟وانتي وضعك الدكتور قال صعب ومحتاج عنايه،قولته ليها حبوبه كان احتجته اي شي بناديك بالحيطه بس💜قالت لي قوة راسك دي الا تجيب اجلك💔حبوبه م كانت عارفه انو انا م بحب ابعد لحظه من بيتي علشان روحي ونفسي فيهو،علشان وانا فيهو بحس انو انا قريبه من سعد وم بحس بي بعدو لانو كل ركن فيهو بزكرني بيهو
عدت الايام والاسابيع والشهور وانا الكأبهه كانت متملكاني وكل شويهه حالتي كانت بتتفاقم سؤ،يوم بعد يوم وانا بطني كانت ماشه تكبر واصلي م كنت جاهزة للولادة ولا للجنى الحيجي،ولا كنت حاسه انو ممكن احبو واهتم بيهو زي م بتعمل امو،ولا في إحساس امومه كدة اتولد جواي وحمسني علشان استقبلو،لانو سلفا انا محتاجه طاقه إيجابيه للحاجه دي وانا الطاقه دي فاقداها وكل شي جواي سلبي وم عندي حيل لي اي شي في الحياة دي،
يوم بعد يوم لغاايه م خلاص جات مواعيد ولادتي وحبوبه جهزت لي ااي شي وساقتني معاها غصب،في يوم صحيت نص الليل بي وجع،اساسا اليوم كلو كنت حاسه بوجع ضهر قمته إتمشيت في الحوش،فجأهه صحى على حركتي خالي التاج،قال منوووو؟؟قولته ليهو دي انا ي خالي،قال لي شهد في شنو مالك؟قولته ليهو بطني بس متعباني شويه،قال لي وجع ولادة يعني ولا شنو؟قولته ليهو لا م اظن بعيد بعيد،مشى جاب لي مويه وجا ،قلته ليهو ارجع نوم انا زاتي راجعه. انوم مشيت رقدته في السرير بقيت اتقلب وشويه شويه الوجع زاايد ،وبطني دي بقيت حاسه بيها بتلوي في بغضها نزلته من السرير وانا بتنهد،حبوبه صحت على صوتي قالت لي شهد في شنو بتتوجعي ولا مالك؟قولته ليها بطني بتلويني،قالت لي من متين؟قولته ليها من قبييل،قامت على حيلها قالت لي دة وجع ولادة ،مشت صحت خالي التاج ونادت على عماتي بي فوق لغايه م صحو،قالت لي عمتي رحمه اطلعي امشي لي مع التاج جيبو الدايهه سرعهه،وي هويدة تعالي جاي دفي المويه
بقيت اقول ليها حبوبه انا م قادرة،م قادرة خلاص وبقيت ابكي واستغفر وفي اللحظه دي م اتزكرته الا سعد،وم كنت محتاجهه زول جمبي غيرو،بكييييت بكى لغااايه م الدايه جات قالت ليهم لسسسه،هي بتقول لسسسه وانا من الوجع حاسه نفسي هموت،انا بتوجع للساعهه 12 صباحااا💔شوفته الموت بعيوني انا قلته خلاص هلحق سعد لدرجه انو قولته لي حبوبه ،حبوبه م اوصيك على ولدي😭💔انا ابكي وحبوبه تبكي ،عمتي رحمه قالت لي انتي عويرة ولا شنو م تقولي كدة تعيشي ويتربى تحتك ي بتي ها بس انتي بكريه والبكريه اصلا بتتعسر وبتتجرس كدة💔
بقيت بيني وبين تفسي اقول ي ريت لو سعد كان قاعد ي ريت لو سعد في،وكل م اقول كدة اصرخ😭💔خالي التاج قال ليهم لو ماف طريقه نوديها المستشفى بس،عمي الطيب قال اي جهزوها ننقلها المستشفى،حبوبه قالت ليهم ماف طريقه تنقلوها بيها المستشفى قربت تلد خلاص،وهم بتكلمو كدة فجأهه عمتي رحمهه طلعت قالت ليهم ابشرو جابت ليكم وليد،قوله وليد دي عمتي فتحيه زغردت وبقت تبكي وتقول ربنا عوضنا بسعد ي الطيب،ربنا عوضنا بسعد ،فجأهه البيت كلو بقى يبكي،وانا إتفقعتهه بكى لمن بقيت م حاسه بنفسي،في نفس اليوم دة عمي الطيب من الفرحه جاب تلاته خرفان ضبحهم ووزعهم وقتي على الناس،
انا نهائي م ختيت وشي في وش ولدي ابدا،بدوني ليهو بلف منو وشي،على الحيطه،برضو بالجلاله،اليوم الأول كان كدة،واليوم التاني،اليوم التالت فجأهه بالليل قام يبكى،حبوبه قالت لي رضعيهو وجات رفعتو لي،اول مرة اعاين ليهو دموعي جات جاريه،حسيت نفسي بشوف في سعد لدرجه انو انا بقيت اتفقد كل ملامحو وانا دموعي جاريه ،بوستو مسااافهه ومن لحظتها تعلقي بيهو زاد ،بعد اسبوع حسيت عيونو م طبيعيهه،ناديت حبوبه قولته ليها شوفي عيونو لونها غريب ولدي م كويس،ولدي حيموت برضو ،حبوبه شوفيهو والله م كويس😭😭😭😭😭😭😭قالت لي ي بت الولد مولود جديد شي طبيعي ،قاطعتها قولته ليها لالا،م طبيعيه ي حبوبه انا احساسي م بخيب ولدي برضو حيضيع مني،بقو يهدو فيني وانا زايدة بكى،حبوبه قالت لي استني انادي التاج يجي يوديهو المستشفى ،هويدة تمشي معانا المستشفى ؟قالت ليها كويس ،قالت ليها خلاص اجهزي مسافه اكلم التاج،كلمت خالي التاج وجو لبسوهو،قولته ليهم انا ماشه معاهم،عمتي رحمه قالت لي انتي عويرة ماشه وين وانتي نفساء م تميتي اسبوع؟ قولته ليها ولدي ي عمتي😭💔قالت لي ولدك صحتو كويسه اسي بودوهو وبجو راجعين،لما شالو مني كأنو قلعو حته من قلبي ،بكيييت بكى،كل شويه اقول لي عمتي رحمه اتأخرو ي عمتي اتأخرو احييييي ي حشاي انا م قولته ليك حاصله ليهو حاجه يكون مالو ي الله م تختبرني في ولدي تاني😭💔عمتي قالت لي والله جنيتي ي شهد ،وإستمريت في البكى لمن جو راجعين،عمتي قالت ليهم كويس جيتو قربت تجن من طلعتو تبكي مالو فيهو شنو الجنى قالو؟حبوبه قالت ليها م فيهو شي،قولته ليها حبوبه ولدي وينو؟قالت لي ي بتي كدة قولي بسم الله ولدك كويس عند هويدة ياهو،قولته ليها الدكتور قال شنو؟عيونو مالها😭💔قالت لي ي بتي الشافع صغير واليرقان دة اصلا بجي للشفع الحديثين ولادة زيو كدة،حتى م اداهو علاج ولا شي قال لينا طلعوهو في شمس الصباح الباردة البتكون مع الشروق ديك،قال فيها فايتمين كدة بحتاجوهو الشفع الفي عمرو،عمتي هويدة قالت لي هاك رضعيهو هاك من قبيل يكورك،شلتو وضميتو عليهو ،قولته ليهو حبيب ماما،جا خالي التاج قال ليهم البت دي عويرة والله صحي مستجدة اسي البكى والكواريك لزومهم شنووو؟،قعدو يضحكو،وانا بالي كلو كان مع ولدي ولا ركزته معاهم،خالي التاج اها انتو اسي بقيتو على اي اسم؟عمتك قالت دايرة تسميهو سعد💔
قولته ليهو انا كلمتكم ابوهو الله يرحمو قال اول ولد بجيهو داير يسميهو كريم،وانا على كلام ابوهو ماشه حسميهو كريم،قال لي خلاص كلام ابوهو بس يمشي،وبالفعل عدت الأيام م بتتخيلو كل يوم واليوم التاني كريم كان برجع بشبه سعد لأي درجه،كان شايل صفار ابوهو والشعر وملامح الوش،وكل يوم ببقى كلبوظي وانا يوم بعد يوم بتعلق بي كريم،م بتقدرو تتخيلو قدر شنو جيه كريم على الدنيا عملت فيني شنو،بعد كنت خلاص على الهاويه وشبه إبتديت اقع كأنو جا هو وانتشلني من الانا كنت فيهو وغير مجرى حياتي350درجه ،إقتنعت انو كريم كان عوض الله لي عن كل حاجه كعبه حصلت لي في الفترة المضت،كريم كان فيهو شبه سعد،وريحه سعد وكل حاجه بتخص سعد كانت في كريم،بقى شغلي الشاغل م عندي غيرو لدرجه انو اتعلم الشيل والبكى،وحبوبه م كانت بتخليني اطلع بيهو خوفا على من العين،
الغريبه انو البيت وناس الحلهه كلهم إتعلقو بيهو واي زول بجي يشيلو براهو وانا م برضى بيهو نهائي لدرجه انو الناس بقت تتحسس ،وعمي الطيب وعمتي فتحيه بقى نفسهم الطالع ونازل،وسامي دة قدر م يجي البيت ويشيلو يقعد يبكى وم كان مقصر منو في شي،اول م ولدته جاب لي شنطه ولادة في إحتياجات الطفل وكدة،وجاب خروف،وكان برسل مصاريف مع هبه حتى خلى هبه تقعد معي اسبوعين،بحاول انو ياخد دور ابو كريم على قدر م يقدر 💜
وناس عمي الطيب ديل وضعهم إتغير توتلي،وكسرو البيت وبدو يبنو فيهو البنى الما خمج وانا بعاين ليهم ساااي عارفاهم هم عاملين دة كلو من وين،ودخلو الكهرباء في بيتهم وامورهم بقت تمام شديييييد💜ودخلو شراكه في مشروع مع خالي التاج واظن بدو يفتحو ليهم مصنع بتاع زيت،يعني فجأهه كدة بقت القروش جاريه بالهبل في يدين اهل سعد،وخالي التاج برضو شكلو كان متنفع معاهم لانو سامي لمح لي بالحاجهه دي،عدت سنه والحال من بعضو كريم كان كل يوم يكبر ويزيد حلا ويرجع يشبه سعد،وبدأ يحبى ويحاول يتكلم شويه شويه،طبعا علشان م قاعدة انزلو في الارض كتير م مشى سريع،في يوم بالليل قاعدين انا وحبوبه وخالي التاج،عملته شاي اللبن وجيت بدينا نشرب ونتونس،خالي التاج قال لي اسي ي شهد ي بتي عاجبك الحال دة؟مرة بدون راجل وعندها جنى وولد كمان م براها مسؤليه كبيرة لبت في عمرك دة؟حبوبه قالت ليهو ونحن م قاعدين فتنا وين؟واسي الناقصهم شنو؟قال ليها ي امي نحن قاعدين لكن هل دايمين ليها؟الدنيا م معروفه ،ماكلين وشاربين اي لكن الشافع دة م داير مستقبل؟حبوبه قالت ليهو بيت جدو حداد ومداد الناقص ليهم شنو؟دهب صندوق كامل حافرة ليهو حفرة ودافناهو ليها قايلنا بنخليها ساكت؟قال ليها ي امي انا عارف انتي افهميني شهد دي لسسسه شافعه صغيرة من حقها تعيش وتأمن مستقلبل ولدها بالطريقه الصح،
قولته ليهو حياتي كلها ياها ولدي دة بس غيرو م دايرة شي وقمته خليتهم،حبوبه قالت ليهو التاج،قال ليها يمه،قالت ليهو م اسمعك تفتح الموضوع دة تاني،
...
التاج ي ولدي انت م عندك كلمه ولا شنو؟انت عارف العرسه دي كان تمت كميه الخير البجينا ؟اول حاجه تستر بت اختك،تاني حاجه مستقبل كريم ي التاج،مستقبل الشافع دة نحن م دايرنو يعيش في نفس الواقع العاش فيهو ابوهو،دايرنو يتعلم علام كويس،ويعيش احسن عيشهه،انا الطيب دة لما الزول دة قال لي كلامو دة والله م صدقته الا لما قال لي حدد لينا موحد نقعد مع خالها زاتو،ي التاج الكلام دة م هين علي انا زاتي لانها في يوم من الايام مرت ولدي وانا دفنتو بي يدي،لكن انا بفكر في مستقبل حفيدي ومستقبلها هي زاتها،اصلا م تخت في بالك انو انا بعمل كدة شان المشروع القالوهو ودايرين يشركونا معاهم فيهو لا والله القروش دي وسخ الدنيا،نحن لما الله كتب لينا نناسب ناس زي ديل وربنا فتحها على المسكينه ديي ليه نكفي ليها نعمتها ياخي؟
خالي التاج قال ليهو اها سمح ي عمي اعمل شنو انا اغصبها؟م بقدر اغصبها كفايا عليها الهي فيهو والله ؟
عمي الطيب قال ليهو اغصبها زي م عمل ياسى وابوك الله يرحمو،مش في النهايه وافقت تعيش مع ولدي زي العسل؟اها اسي برضو هتعمل نفس الشي فورة اللبن دي بتكون في الايام الاولى بس،اسمعها مني ي ولدي م تكفي نعمه البت في الأرض انت اديت الراجل كلمه 💔
خالي التاج قال ليهو خلاص نديها مهلهه بعداك اشوف الموضوع دة
عمي الطيب في بيتو بتكلم بالتلفون
"لالا ابشر انا مش قولته ليك بوافق؟اي انا ضاغطو والله م مخلي ليهو فرقه،اابشر تب والله،اااي ي سمير اخوي انا عارف والله وانا زاتي داير السمح لولد ولدي،لالا إن شاءالله الفترة الجايه دي الموضوع دة بتم بإذن الله نحن زاتنا عندنا كلمه،الله يسلمك ي اخوي سلم لي على اولادك كلهم بالله،قول ليهم عمكم الطيب بسلم عليكم وامهم كمان💜
بعد م فصل عمإنتفاضههقالت ليهو اها قال ليك شنووو؟قال ليها داير يعرف وصلته لشنو مع التاج،
قالت ليهو انت ي حاااج الطيب الناس ديل اصلو مستحيل يكونو حبا فينا كدة دايرين يعرسو مرت ولدنا المرحوم ويكفلو ولدو،الناس ديل عندهم هدف مش؟
قال ليها الناس ديل عقولهم دي ملانه وبعيدة شديد ي فتحيه،الزقت النحن بنبنيها رواكيب وبنحفر حواشات هم بنوها عمارات ومسكو البلد دي كلها من شركات لي غيرو،انتي علي م حكى ليك بيتهم في الخرطوم عامل كيف؟حرم حرص من باب الشارعوالبيت دة زاتو شكلو كيف مبني بنى غريب،تدخلي جوة ترقدي في الأرض الملسه دي وم تقومي،والاثاث م يديك الدربوعندهم شي كدة يجيب ليك الهواء باارد بقولولو مكيف،البيت جت عليهو قزاز ومرايات حلات م ملمع تشوفي نفسك فيهو،غاايتو الله بدي الجنه ي فتحيه كان دخلتي البيت داك تحلفي م تمرقي والأولاد ماشاءالله ،عندو ولدو كدة دكتور م قصر مني نهاائي يديني الحقن في مواعيدها يقيس لي الضغط واي شي ،الكلام دة كلو في البيت علي دة ريالتو من مشينا سايله لمن جينا💔قالت ليهو عاااد حال السرور ي حاج اريتو كان عندنا بت كان اديناهم،قال ليها انتي عارفه الناس ديل خاتين عينهم على شنو؟
قالت ليهو اها؟
قال ليها على اراضي حاج احمد،حاج احمد دة ي فتحيه م عندو ارااضي جد البلد دي كلها ماسكها،هم عارفين التاج كدة م بتفاهم ولا بتعامل معاهم،لكن كان ناسبوهو م بقدر يرفض ليهم طلب،وانتي عارفه اراضي حاج احمد جايبه قروش زي التراب،والتاج م بفرط في اراضي ابوهو شكلهم دايرين يستثمروها بعد يناسبوهو وكدة،غايتو دة الفهمتو انا ،
قالت ليهو عااد لكن،قال ليها كان بنفكر زيهم امانه م كان غنينا👊💔
بعد شهرين في يوم خالي التاج كان معاهو عمي الطيب نادو حبوبه في الديوان وانا كنت بغسل في ملابسنا انا وولدي،واصلا بقيت مطمنه وم خايفه لانو حبوبه بقت واقفه معي في اي شي وم بترضى فيني نهائي،حتى عماتي لما بقو يلمحو ليها بي انو العرس كويس وم كعب وشهد تقعد كدة لمتين وتضيع شبها وعمرها كلو كدة و...حبوبه كانت بتوقفهم في حدهم وبتسكتهم وبتقول ليهم م شغلتكم اسي انتو مش قاعدين زيكم زيها؟الجاكم شنو بعد وفاة ابوها؟قالو ليها نحن كبار،قالت ليهم وشهد كبيرة عقل✋من وقتها بقو م بفتحو الموضوع قدامي💔
بعدها بيومين حبوبه حسيتها اصلا م تمام ملامح وشها متغيرة وسرحانهه كتير،قولته ليها حبوبه انتي في شنو مالك؟قالت لي ماف شي،عدت اسبوع على الحال دة،في يوم عملت لي نشاء بالليل وجابتها لي وقعدت معي،قالت لي ي بتي،قولته ليها اها؟قالت والله اصلا الدنيا دي هي كدة،بتاخد وبتدينا،وبتعوضنا بالأحسن داااايما،والصبر دة سمح،الواحد بعيشها بمرها وعسلها لكن الأهم من دة كلو الواحد يحاول يستغل كل الفرص البتجيهو فيها،انا عشه دي اي شي في الدنيا دي عانيتو مع جدك دة في الدنيا دي لكن اصلي م يئسته وصبرته م تقولي الابتلاءات دي ليك براكه ابدا ي بتي،اسي انا بتي وحيدتي م فقدتها؟راجلي م فقدتو؟في ابتلاء اكبر من ياسر ولدي دة ؟اها ي بتي الانا دايرة اقولو ليك الحياة دي م بتقيف ودوارة،وولدك دة نحن اصلو م دايرنو يطلع زيو زي رواعيه الحله نحن دايرنو يقرا ويتخرج ويبقى لينا دكتور مالي مركزو يرفع راس ابوهو بيهو،دايرنو في يوم يقولو انو سعد ولد والخلف م مات،دايرين ليهو مستقبل سمح ي بتي💜قولته ليها حبوبهوفي شنو؟سكتت
قولته ليها قولي ي حبوبه م تدسي مني!!!قالت لي التاج دة جاب ليك عريس كويس وود ناس واهلو محترمين ناس عز وم فيهم نضمهه،قولته ليها انتي بتقولي كدة ي حبوبه؟قالت لي خليني اكمل كلامي وفكري ي بتي الولد اهلو من الخرطوم،مكان القرايه والتعليم الجد،اها ي بتي دة عريس بتأبي؟ولدك م دايراهو يتعلم كويس؟م دايراهو يتربى ويلبس وياكل كويس؟شوفه عينك الحله دي م فيها مستقبل ي باي،حتى مدارسها م فيهم سور،هنا القروش البجيبوهم للتصليح بتمشي بطون المسؤلين واولهم جدك الله يرحمو ويغفر ليهو من حق الناس ديل،انا اصلي م ضاغطاك ولا جابراك،انتي اقعدي بمهلتك وشوفي نفسك دايرة شنو ،
نمته بالليل داك وانا اتقلب وابكي،م عارفه ليه هم رابطين حياتي بوجود راجل في حياتي،لييييه انا م ممكن اعمل كل البقولو عليهو دة لولدي براي؟
عدى يوم ويومين وتلاته واسبوع واسبوعين وعماتي بعد سمعو الكلام دة بقى شغلهم الشاغل،وعلى طول النقهه كانت حوالين الموضضوع وبقى بالنسبه لي كأنو استفزاز عاطفي وكريم ولدي وسيلتهم كل زول كان بجي بتكلم معي براهو،اااخر مرة جاني خالي التاج كنت شايله ولدي قال لي ي بتي والله ريقي نشف وانا بحاول اقنع فيكي مع اني عادي ابقى متهور زي ياسر لكن دي م اخلاقي ولا في شي بجي بالجبر،لما اجي اتكلم معاك م تسكتي قولي لي رايك السكات دة م حل قولي لي رايك شنو انتي ،قولته ليهو ي عمي سكاتي دي معناهو البتشوفو انت مناسب اعملو،قال لي لا م تحمليني مسؤليه زي دي لانو الانا بشوفو يمكن غلط،انتي دايرة شنو دي حياتك ومستقبلك انتي قدامك خيارين خلينا نحسم بيهم الموضوع دة ي موافقه،ي لأ،سكتته،قال لي اها قولتي شنو؟إستمريت في سكات،قال لي بنهرة ياخي م تضيعي اخلاقنا وزمنا ياخ انا مدي الناس كلمه اسبوعين بتكلم معاك م جابرك انا بس اديني رايك شان احسم الموضوع انا،لما سكته طلع تلفونو عايز يعمل مكالمه قال لي لكن والله بكرة تندمي،لما تشوفي اولاد الناس دكاترة ومهندسين وكباتن طيارات وانتي ولدك يباري الحواشات وفي الاخير تطلع فيهو عربيه تهرسو،لما قال كدة ضميت كريم علي. شديد وقولته ليهو بإنفعال خلاص موافقه انا ي خالي...💔
اسفهه مرهه تانيهه🔥
#نتلاقى®