فووت 🌟قبل القراءه .
#الفصل_الثاني.
#سجينة_قسمه.
#ميرا_جبر.
❄❄❄❄❄
وقفت امام الشركه متردده اتدخل ام لا .
بعد مرور بعض الوقت قررت الدخول اليها واستعانت بالله ان يعطيها القوه التى تحتاجها ورددت بعض الادعيه .
وقفت امام مكتب الاستقبال.
وعد: السلام عليكو.
موظفة الاستقبال: وعليكم السلام . اقدر اساعد حضرتك بايه.
وعد: ممكن اقابل مستر جاسر لو سمحتي.
موظفة الاستقبال: عند حضرتك معاد سابق.
وعد: لا بس ممكن تبلغيه لانى عايزاه فى موضوع ضروري.
موظفة الاستقبال: مقدرش يـ فندم لازم يكون فى معاد سابق.
كان محمد يتجه الى مكتب الاستقبال حتى يطلب شئ منها لكن توقف عند سماع وعد وهى تقول: لو سمحتى هم خمس دقائق بس لازم اقوله على حاجه ضروري تخص اخوه.
موظفة الاستقبال: مقدرش حضرتك لازم تا...
قاطعها محمد وهو ينظر الى وعد : موضوع ايه دا .
وعد: حضرتك مستر جاسر.
محمد: لا انا صديقه لو ف حاجه مهمه ممكن اوصلها ليه.
وعد: للاسف مش هعرف اتكلم الا معاه هو بس ياريت لو اقدر اقابله دلوقتي ضروري.
نظر لها محمد ثوانى ثم قال: طب اتفضلى معايا انا هخليكى تقابليه .
شاور لها باتجاه المصعد وذهبوا ودلفو وضغط محمد علي زر الدور المنشود .
التفت محمد اليها وقال: انتى تعرفي وليد منين .
نظرة له باستفهام فـ اخيها لم يخبرها الا اسم جاسر فقط. : وليد مين!!
دهش محمد من عدم معرفتها اسم وليد اذا لما هى قادمه من اجله.
محمد: انتي تعرفي جاسر .
وعد بابتسامة بسيطه : سمعت عن اسمه الا موجود فى السوق بس متقابلناش قبل كدا.
قبل ان يتحدث محمد كان يفتح باب المصعد اكتفى بامأت رأسه ثم شاور لها ان تخرج وتتبعه .
وقف امام السكرتيره وسألها عن جاسر وعرف انه لوحده يتابع بعض الملفات طلب من وعد ان تنتظره ودلف الى المكتب كى يمهد الحديث مع جاسر حتى يعرفو سر زيارتها ثم خرج وطلب منها الدلوف ايضا .
جلست مقابل محمد امام مكتب جاسر وهو يجلس وراءه ويحاول السيطره على اعصابه حتى لا يثور عليها.
نظرة وعد اليه وهى تدعى الله ان يمدها بالقوه فهو يشبه الفهد الجريح الذي ينتظر فريسته حتى ينقض عليها.
صوت جاسر الذي قطع الصمت قائل بـ هدوء مصتنع : احنا هنفضل اعدين كدا كتير ممكن حضرتك تعرفينا انتى مين وموضوع ايه الا عايزانى فيه.
وعد بتوتر: ممكن اتكلم مع حضرتك على انفراد.
جاسر : لا تقدري تتكلمى محمد زي اخويا اتفضلى لان ورايا شغل.
وعد: احم .. حضرتك تعرف رجل اعمل اسمه حسن شوقي.
نظر جاسر ومحمد الى بعضهم بصدمه ثم سيطر جاسر عليها بسرعه ورسم ملامح البرود وقال: ايوه اعرفه ممكن اعرف ايه داخله باخويا زي ما حضرتك بتقولى.
تنهدت وعد: انا عرفت ان هو بيعمل خطه عشان يأذي اخو حضرتك وانا جيت عشان احذرك انك تاخد بالك من اخوك.
احمرت عين جاسر من الغضب لكن سيطر عليه قائل: وانتى بتعملى كدا ليه!!! ايه المقابل!.
وعد : بدون مقابل انا عرفت ان هو عمل كدا عشان حضرتك داخل صفقه قصاده وهو عايز يخليك تعلن افلاسك.
جاسر وهو يحاول ان يسيطر على اعصابه وغضبه فهو عرف من وراء مرض وادمان اخيه ولكن من هي لما تساعده .
جاسر: بس انا معرفتش حضرتك مين ولا ايه الفايده الا هتعود عليكي بمساعدتى.
وعد: مافيش فايده هتعود عليا انا عملت كدا زي ما ديني امرنى .
ثم وقفت وامسكت حقيبتها وقالت: عن اذن حضرتك دلوقتي انا كدا عملت الا عليا.
وخرجت مسرعه قبل ان يستوعب اى شئ.
مجرد ان اغلقت الباب ثار جاسر بغضب وهو يكسر الاشياء التى توضع على مكتبه ويرمى كل شئ امامه على الارض: ابن الكلب لو هو الا عمل فيه كدا والله ما هرحمه .
محمد: اهدا بس وقولى انت هتعمل ايه.
جلس جاسر على الكرسي الخاص به بانفعال وقال: عايزك تعرف ليا كل حاجه عن الموضوع دا ومين الا ساعده وكل حاجه تكون عندي بليل قبل ما اروح سمعت يـ محمد.
❄❄❄❄❄
غادرت الشركه مسرعه وقلبها ينبض بـ سرعه وتشعر انها كانت بحرب وقفت بعيدا عن الشركه تلتقط انفاسها وتنتظر تاكسي .
اوقفت تاكسي وركبته مسرعه انطلق التاكسي وهى تضع يدها ع موضع قلبها تنهدت واسندت رأسها واخبرت السائق العنوان .
❄❄❄❄❄
شركة حسن شوقي.
مكتب حسن .
جلس حسن وراء مكتبه وامامه تجلس نور.
حسن: خير يا نور.
نور: هو ايه الا خير يـ انكل احنا اتفقنا ان انا هاخد 2 مليون لو نفذت الا اتفقنا عليه.
حسن : اتفقنا لما المناقصة ترسى عليا ولا ايه.
نور: والله ماليش دعوه انا ليا خلصت الا عليا وانت لازم تنفذ الا عليك دا شغلك مش شغلى.
حسن: تؤتؤتؤ .. كدا ازعل منك يا نونو دا انتى بنتى الا مربيها بردو.
نور بتحذير: مش عليا الكلام دا يـ حسن بينا اتفاق يا اما انت متعرفش ممكن رد فعلى لو خلفت بوعدك هيبقي ايه وافتكر كويس ان مش نور الابراهيمي الا يضحك عليها واديك قولت تربيتك عن اذنك يا... ثم ابتسمت نصف ابتسامه وقالت: يا بابى.
غادرت مكتبه واغلقت الباب وراءها بعنف .
حسن بتوعد: ماشى يا بنت زيزي انا بتهديدينى انا تبقي غلطانه الشاطر الا يضحك فى الاخر.
❄❄❄❄❄
فيلا احمد الابراهيمي.
ارتمت على الكرسي ومازالت تفكر بلقائهم .
وعد: انا لازم معتش اقابله خالص يـ رب معتش اشوفه حتى لو صدفه دا شكله يرعب.
رأتها داده صفيه تحدث نفسها ووجها لونه اصفر اقتربت منها وربتت على كتفها بـحنان وقالت: مالك ي بنتى وشك اصفر كدا ليه ومين الا بتدعى متشوفيهوش تانى.
وضعت يدها تلقأياً على وجهها وعد: مافيش ي داده انا بس اتخضيت من حاجه.
ثم قالت مغيره الحديث: هاا ... طبخلنا ايه ع الغدا انهارده اصل انا هموت من الجوع.
ابتسمت لها داده صفيه بحب وقالت: عملت البشاميل الا انتى بتحبيه .
فرحت واحتضنتها فهى من عوضتها عن حنان امها بعد ما تركتها : ربنا يخليكى ليا ي داده .
_ ايه دا وعد وداده صفيه ااااه قلبى .
هتف بها شودي وهو يدلف من الباب و رأهم...ابتعدت وعد وعندما رأت شادى اخيها ضحكت على طريقته المسرحيه بالكلام فهو ليس شقيقها من الابوين ولكن هو يحبها اكثر من اختها تؤامها .
وعد: ايه دا انت جيت امتى لا وكمان ظابط المعاد على الغدا .
شادي وهو يقترب منهم حتى وقف بجوارهم وقال للداده: هاا ي داده جهزي الغدا بسرعه اصل انا واقع وسمعت كدا الحكايه فيها بشاميل فـ بسرعه بقي.
ابتسمت الداده وقالت : من عنيا ثوانى الغدا يكون جاهز. ثم غادرت الى المطبخ.
نظر شادى ل وعد و قال: هاا عملتى ايه.
ضاقت ملامحها وعبثت ثم تنهدت وجلست على الكرسى وعد: مافيش قابلته .
جلس شادى على الكرسي بجوارها وقال بلهفه: وبعدين قولتيله.
امأت رأسها وقالت: اه وقولتله ع كل حاجه انتى قولتيلى عليها ومشيت بسرعه انا كنت حاسه ان هو هيقوم يقتلنى ساعتها.
ربت شادى على يدها وقال : انا اسف انى حطيتك ف موقف زي دا .
وضعت يدها الحره ع يده وقالت: متتأسفش انا بحاول اصحح الغلط مكان اختى .
قبل رأسها بحنان اخ وقال: ربنا يخليكى ليا بـ طيبة قلبك وحنيتك علينا دي حتى وهى بتنتقدك وبتعاملك كدا بردو بتحاولى تساعديها.
ابتسمت له بحب وقالت: مقدرش مقفش جنبها مهما كانت دي اختى تؤامي .
❄❄❄❄❄
ايه رأيكم ف الروايه اكملها ولا لأ اتمنى تعلقيكم برأيكم 😍😍😍
فلوو وفوتااات 🌟 و ريفيوهااات.